بكجنك وبكرهك..وبمقتك بالفصحي

Post: #1
Title: بكجنك وبكرهك..وبمقتك بالفصحي
Author: سارة علي
Date: 11-16-2009, 07:58 AM
Parent: #0

الحاصل انو حال المنبر ما عاجبني..
فيهو رشح عواطف,,
حمي حب..
التهاب حنان,,
كسير ريدة...

كلها اعراض تفشي وباء العشق,,

وانا عشان عارفة خطورة تفشي انفلونزا العشق دي بوفر التطعيم ضدها
ايدينكم معانا..

عاملين فيها حبيبين...
اقعدو حبو كدة لمن تلحقوا امات طه..

Post: #2
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 08:02 AM
Parent: #1

العدوي انتشرتا في المنبر بشكل كبير..

الحمد لله ..اخدتا التطعيم

Post: #3
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 08:04 AM
Parent: #2

علينا جاااااااااااااي

تطعيم بالمجاني

Post: #4
Title: Re: بكجنك وبكرهك..وبمقتك بالفصحي
Author: HAIDER ALZAIN
Date: 11-16-2009, 08:06 AM
Parent: #3

Quote: علينا جاااااااااااااي

أها والناس الماليها في الحب ووجع القلب ..

ممكن يجوا عليكم ...

ـــــ
الحقنة بكم

Post: #5
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 08:06 AM
Parent: #3

عزيزي المواطن..

لا يخفي عليكم خطورة هذا المرض
وقد انتقل الآن لمرحلة خطرة جدا..
ما استدعي لرفع حالة التأهب للدرجة قبل الاخيرة...

الرجاء اخذ الجرعة
والبعد عن بوستات حبيتني وحبيتك,,,

Post: #7
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 08:09 AM
Parent: #5

يا جنابو قبل التطعيم
عليك باتباع اجراءات السلامة..
واهمها,,

ابعد لي من بوستات تمبس وداليا وسفيان وهبة..

والعاملين فيها حبيبيين ناس المسلمي وصباحي..
بالذات الاخيريين ديل...حاملين للفايروس واي اقتراب منهم بيشكل خطورة علي عواطفك..
ــــــــــــــ
حب ايه يا شباب..
اعقلوا

Post: #17
Title: Re: بكجنك وبكرهك..وبمقتك بالفصحي
Author: HAIDER ALZAIN
Date: 11-16-2009, 08:22 AM
Parent: #7

Quote: حب ايه يا شباب..
اعقلوا

دا كلام انسانة حكيمة وعاقلة ..
الحب ضياع زمن
تلف اعصاب ..
خسارة مصاري في التلفونات - امس بتصل على زولة كدة 45 دقيقة تلفونها مشغول واخيراً بعد ردت مالك شاغلة تلفونك - بضحك مشوب بالحياء ( الخاص ما العام ) قالت - كان معاي حبيبي

أنا ضربتها 45 دقيقة * 1.8 = 81 ريال 81 * 26 = 2106 ريال غيــر اربعة خميسات بالشهر ودي اوت اوف كنترول ...
ثم خسارة زمن كان ممكن يقضووهو في الرياضة والجري مما يعني صحة افضل وعقل افضل لان العقل السليم في الجسم السليم ..

إقترح قيامة حملة عامة لمقاطعة الحب ومسبباته والناس التبقي - امسك لي واقطع ليك -

ــــ
أرضاً كاب

Post: #21
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 08:30 AM
Parent: #17

Quote: خسارة مصاري في التلفونات - امس بتصل على زولة كدة 45 دقيقة تلفونها مشغول واخيراً بعد ردت مالك شاغلة تلفونك - بضحك مشوب بالحياء ( الخاص ما العام ) قالت - كان معاي حبيبي

ود الزين
البت دي ما واعية..ربنا يشفيها..
فقدت المنطق..
يا ريت تساعدني في حملة التوعية دي عشان نقدر نحصر الاصابات في المنبر ونحاول نفرزا من الاعضاء الاصحاء..
دي مسئولية كبيرة,,
ربنا يوم القيامة بيسالنا انحنا النصيحيين ديل
مش بيقولوا المجنون في ذمة الواعي؟؟
ايدك معاي ويا ريت تدي الاعضاء فكرة عامة عن اعراض المرض..
خاصة السرحان...
ــــــــــ
ربنا يشفيك يا تمبس...فقد عظيم

Post: #6
Title: Re: بكجنك وبكرهك..وبمقتك بالفصحي
Author: العوض المسلمي
Date: 11-16-2009, 08:07 AM
Parent: #1

ساره ممكن اضحك ؟؟

Post: #8
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 08:12 AM
Parent: #6

بالجد يا العوض انا خايفة عليك من العدوي..
السيد المسلمي اخوك عاااااارفة لكن رأفة بالاعضاء شوف ليك اقرب كرنتينة دخلوا فيها..
الحجر الصحي طواااااالي..
وتعال اخد التطعيم..
خايفة عليك

Post: #13
Title: Re: بكجنك وبكرهك..وبمقتك بالفصحي
Author: العوض المسلمي
Date: 11-16-2009, 08:18 AM
Parent: #8

عدوي شنو تاني يا ساره ما الفيروس انتشر وخلااااااااااااس

ممكون وصابر

شوفي الحنان مع ابواللمين ده كيف ؟

_____________________________________________
بوست للعدوي فقط ..

Post: #19
Title: Re: بكجنك وبكرهك..وبمقتك بالفصحي
Author: omer osman
Date: 11-16-2009, 08:28 AM
Parent: #13

Quote: شوفي الحنان مع ابواللمين ده كيف ؟

غايتو ياسارة العوض اخوي ده كان مالحقناهو .... بنبقي في رقاد مستشفي عديل

Post: #9
Title: Re: بكجنك وبكرهك..وبمقتك بالفصحي
Author: omer osman
Date: 11-16-2009, 08:12 AM
Parent: #6

Quote: الحقنة بكم

ياحيدر الزين التطعيم ده للشباب الصغار ......

انتو زمنكم فات وغنايكم مات ...... حب شنو ليكم

Post: #10
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 08:14 AM
Parent: #9

يا حيدر وعمر ...
ارفعوا الطواقي دي...
خلونا نفرز...
ـــــــــ
الطواقي بتعمل الصلع

Post: #11
Title: Re: بكجنك وبكرهك..وبمقتك بالفصحي
Author: Faisal Elrasheed
Date: 11-16-2009, 08:17 AM
Parent: #10

Quote: ياحيدر الزين التطعيم ده للشباب الصغار ......

انتو زمنكم فات وغنايكم مات ...... حب شنو ليكم

Post: #12
Title: Re: بكجنك وبكرهك..وبمقتك بالفصحي
Author: omer osman
Date: 11-16-2009, 08:17 AM
Parent: #10

Quote: يا حيدر وعمر ...
ارفعوا الطواقي دي...
خلونا نفرز...

ياسارة أنا بي سببي (امنجي وبوليس سري) هو في شنو ؟؟؟

Post: #14
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 08:18 AM
Parent: #10

يعني خلاص مشاكل البلد اتحلت عشان تقلبوها حبكانات..
حبو ..مالو الحب مافيه مشكلة..
لكن لازم يكون حب موجهه..
حب الله
حب الوطن
حب السلام..

دة الحب الدايرونوا

ــــــــــــــــــــــ
اكرر حنين وناجي ما تدخلوا الا في حالة دايرين حقنة تطعيم..
تنبعجو وتتخارجو من هنا..

Post: #16
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 08:20 AM
Parent: #14

فيصل بلاي بعد ما تاخد التطعيم..
شد لي سلك لي عمك وهبة..
هو من الناس المعرضة بالاصابة بالعدوي..
اتاكد لي من صحتو كيف..

Post: #15
Title: Re: بكجنك وبكرهك..وبمقتك بالفصحي
Author: حسن مضوي
Date: 11-16-2009, 08:19 AM
Parent: #10

سارة أزيك
.
.
.
.
.
.
بالمناسبة يا سارة التجاني الماحي جنبكم ولا بعيد منكم

Post: #18
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 08:23 AM
Parent: #15

حسن مضوي

Quote: بالمناسبة يا سارة التجاني الماحي جنبكم ولا بعيد منكم

يا الله

يا الله

شكلو في حالة متأخرة ..
كلمني قول لي منو الجاهو(التواث حناني)..
لاااااااا
الا وهبة..
وهبة التوث يا جدعان

Post: #20
Title: Re: بكجنك وبكرهك..وبمقتك بالفصحي
Author: عبدالله كع
Date: 11-16-2009, 08:29 AM
Parent: #15

سارة - يا حليلك .. حالتك تحنن !!

Post: #22
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 08:35 AM
Parent: #20

عبد الله كع
QUOTE]سارة - يا حليلك .. حالتك تحنن !!

مالي؟؟؟
جنيت
ولا جنيت؟؟
ولا شكلي جنيت؟؟؟
وااااعية احمد الله وسليمة ومتوازنة عاطفيا...

عزيزي القارئ..
عبد الله كع مثال للشخص المعرض للعدوي..يحاول ان يبدو في صحة سليمة ولكن مناعتو ضعيفة..
ـــــــــــــــــ
عبد الله مر علي حيدر يديك الحقنة بسرعة وما تنسانا من صالح الدعوات

Post: #23
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 08:38 AM
Parent: #20

عبد الله كع
QUOTE]سارة - يا حليلك .. حالتك تحنن !!

Post: #25
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 08:40 AM
Parent: #23

البوست مالو يا جماعة ؟؟
بكتب كلام وما بلقاهو كلو..
عبد الله رديت ليك بي كلام كتير مشي وين..؟؟
لاااااااا شكلي كدة حارفع درجة التأهب للقصوي..
واعلنوا وباء منبري

Post: #32
Title: Re: بكجنك وبكرهك..وبمقتك بالفصحي
Author: HAIDER ALZAIN
Date: 11-16-2009, 08:51 AM
Parent: #25

Quote: البوست مالو يا جماعة ؟؟
بكتب كلام وما بلقاهو كلو..
عبد الله رديت ليك بي كلام كتير مشي وين..؟؟
لاااااااا شكلي كدة حارفع درجة التأهب للقصوي..
واعلنوا وباء منبري

سارة على شكلك إنت ما اخدتي حقنة في الأول فضربك الفيروس ..

تطعمي يرحمك الله حتي لا نُفجع فيك كما فجعت في تمبس والسيد المسلمي ومن قبلهم ود الصائم

وابعدي من فيصل الرشيد دا خطوتين تلاتة شكلو حامل للعدوى بس لسع ما كح ..

Post: #24
Title: Re: بكجنك وبكرهك..وبمقتك بالفصحي
Author: مريم عبد الله
Date: 11-16-2009, 08:39 AM
Parent: #20

سارة على

صباح الخير يا اعسل زول في المنبر دا

اها انا بحب روحي وبحب امي الله يطول لي في عمرها

وباحب الاقاشي والبزيانوس و عصير المنقا

اها باحتاج لي تطعيم ولا لا

احلى صباح لاحلى بنوته في المنبر سارونه ست الناس كلهم

Post: #27
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 08:46 AM
Parent: #24

مريم عبدالله..
تسلمي لي شددددددددديد علي كلامك الحلو

Quote: اها انا بحب روحي وبحب امي الله يطول لي في عمرها

وباحب الاقاشي والبزيانوس و عصير المنقا

اها باحتاج لي تطعيم ولا لا

علي قول محمد اخوي..
(قرضي علي كدة)...
وابعدي من التجمعات الفيها الاعضاء المذكورين..
وباري لي بوستات تراجي..
عيبي لي بوستاتا..
بوستات تراجي دي عبارة عن جلسات وقاية..
تنضح بالوطنية..
ـــــــــــــــــــــ
الناس دي ما واعية يا مريومة ,,الحب دة غير بيرجع لي وراء ما بيعمل شئ..

Post: #141
Title: Re: بكجنك وبكرهك..وبمقتك بالفصحي
Author: رغيم عثمان رغيم الحسن
Date: 11-17-2009, 03:46 AM
Parent: #27

Quote:
علي قول محمد اخوي..
(قرضي علي كدة)...
وابعدي من التجمعات الفيها الاعضاء المذكورين..
وباري لي بوستات تراجي..
عيبي لي بوستاتا..
بوستات تراجي دي عبارة عن جلسات وقاية..
تنضح بالوطنية..
ـــــــــــــــــــــ
الناس دي ما واعية يا مريومة ,,الحب دة غير بيرجع لي وراء ما بيعمل شئ..

يبدو ان مقولة الشيوعين الحجار
الحب عدو الثورة
قد وجدت من يروج لها بإسلوب جديد
لتصبح
الحب عدو الوطنية

Post: #28
Title: Re: بكجنك وبكرهك..وبمقتك بالفصحي
Author: عبدالله كع
Date: 11-16-2009, 08:47 AM
Parent: #24

Quote:

البوست مالو يا جماعة ؟؟
بكتب كلام وما بلقاهو كلو..
عبد الله رديت ليك بي كلام كتير مشي وين..؟؟
لاااااااا شكلي كدة حارفع درجة التأهب للقصوي..
واعلنوا وباء منبري

كدا بس غيري عنوان البوست - صدقيني بتمشي معاك زي حلاة حلي -
ياريت يكون زي ده (( بحبك - وبريدك - مكسر/ ه .... فيك بالدارجي ))

Post: #26
Title: Re: بكجنك وبكرهك..وبمقتك بالفصحي
Author: Faisal Elrasheed
Date: 11-16-2009, 08:43 AM
Parent: #20

Quote: فيصل بلاي بعد ما تاخد التطعيم..
شد لي سلك لي عمك وهبة..
هو من الناس المعرضة بالاصابة بالعدوي..
اتاكد لي من صحتو كيف..

سارة
والله وهبه الصمرقعاوي ده ما عنده حل ابدا ..كان اديتو 7 حقن ما بتوقفو اليومين ديل ...صدقيني كان اتسق ليكم في الحبكانات دي فهو من الحناكين الذين لا يشق لهم غبار

المشكله في جنابو ابو كاب ده

Post: #29
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 08:48 AM
Parent: #26

Quote: ..كان اديتو 7 حقن ما بتوقفو اليومين ديل

انتا قاصد وهبة بتاعنا دة ؟

الاخ هرقل...؟؟؟
ـــــــــــــــــ
برضووووو علاجو عندي ..في الحالة دي بديه سبعة حقن..بس حقن حصين

Post: #33
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 08:51 AM
Parent: #29

Quote: ياريت يكون زي ده (( بحبك - وبريدك - مكسر/ ه .... فيك بالدارجي ))

يا جنابو عمر..
بلاي لو سمحتا اتكلم لينا مع المواطن عبدالله دة خلي يحفظ النظام..
مهمتنا دي انسانية ما بتستحمل كسير مجاديف,,
الحب دة بيهدد الامن الوطني,,,

Post: #30
Title: Re: بكجنك وبكرهك..وبمقتك بالفصحي
Author: omer osman
Date: 11-16-2009, 08:50 AM
Parent: #26

Quote: المشكله في جنابو ابو كاب ده

يافيصل جنابو اخد كوتة زمااااااان قبل عصر الموبايل والمسجات والماسنجر ..........

زماااان تقوم تستلف كتاب من الجماعة وتكتب ليك جواب تخته في نص الكتاب قبل ما ترجعو .... والرد ممكن يجيك بعد شهر كده

Post: #37
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 08:58 AM
Parent: #30

يا جنابوو شوف شغلك ..
فيصل ما يشتت تفكيرك..
زي سامعة لي صوت لحن عاطفي كدة..
اناكد لينا من الحاصل بلاي..

Post: #34
Title: Re: بكجنك وبكرهك..وبمقتك بالفصحي
Author: مريم عبد الله
Date: 11-16-2009, 08:51 AM
Parent: #26

سارونه صدقتي يا اختي الريدة دي الله لينا منها

وبالذات ريدة الكبر انا كبرتا يا بت امي والعضمه اتيبست والقلب شيب

بقيت ما بقدر على الموزازه بي وراء الجكس

ياحليل زين الزمن الزين والشعر الكان مغتي الاضنين

الزمن البقا ما مضومن دا الزول الا يحب روحو اضمن يا سارونة

خايفه انزل اغنيه الحب بقا كلام فاضي يطلعوا لي ناس الذوق العام يشبوا لي في حلقي

الله يد العافيه

صباحك خير يا سارونه وخليكي على كدة

Post: #36
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 08:56 AM
Parent: #34

كبر شنو يا مريم...
الحقي امسحي الكلام دة بيستخدمو ضدك..
ـــــــــــــ
دي دايرة ليها ماسنجر داخلي ما بقدر افتو هنا..

Post: #42
Title: Re: بكجنك وبكرهك..وبمقتك بالفصحي
Author: انعام حيمورة
Date: 11-16-2009, 09:06 AM
Parent: #26

Quote: لاااااااا شكلي كدة حارفع درجة التأهب للقصوي..
واعلنوا وباء منبري

كاااااااك ياعمك انابة عن ود البشرى

--
حنين من يوم الجمعة خايفة منك ..

Post: #127
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 09:37 PM
Parent: #42

Quote: كاااااااك ياعمك انابة عن ود البشرى

--
حنين من يوم الجمعة خايفة منك

يا انعام
مدسية لي بين البالون ..ما شايفاك..

حنين دي قصتا برااااااااااااااااها..
السوتا رقدت..
ايدك معانا وقولي لاااااا للحب

Post: #31
Title: Re: بكجنك وبكرهك..وبمقتك بالفصحي
Author: لؤى
Date: 11-16-2009, 08:51 AM
Parent: #1

-

Post: #35
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 08:54 AM
Parent: #31

عبد الله كع
سارة - يا حليلك .. حالتك تحنن !! مالي؟؟؟
جنيت
ولا جنيت؟؟
ولا شكلي جنيت؟؟؟
وااااعية احمد الله وسليمة ومتوازنة عاطفيا...

عزيزي القارئ..
عبد الله كع مثال للشخص المعرض للعدوي..يحاول ان يبدو في صحة سليمة ولكن مناعتو ضعيفة..
ـــــــــــــــــ
عبد الله مر علي حيدر يديك الحقنة بسرعة وما تنسانا من صالح الدعوات

Post: #38
Title: Re: بكجنك وبكرهك..وبمقتك بالفصحي
Author: Faisal Elrasheed
Date: 11-16-2009, 08:58 AM
Parent: #35

Quote: زماااان تقوم تستلف كتاب من الجماعة وتكتب ليك جواب تخته في نص الكتاب قبل ما ترجعو .... والرد ممكن يجيك بعد شهر كده

ياخ انته معناها من زمن ورق البردي يا امنحتب

Post: #40
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 09:03 AM
Parent: #38

لؤي..
سلامات..

ما حارد ليك الا في وجود المحامي بتاعي..
دي حالة تسلل واضحة..
انحنا عندنا مرضي بنعالج فيهم وانتا كدة بتزيد في تأخر الحالة,,يا ريت تنزل لينا نشيد نحن جند الله,,وبعد داك بنتفاهم..

Post: #41
Title: Re: بكجنك وبكرهك..وبمقتك بالفصحي
Author: عمران حسن صالح
Date: 11-16-2009, 09:06 AM
Parent: #35

لا والله ..
هي الدنيا شنو غير المحبة ..
أعلاها حب الحبيبة ( زوجة ، فرده ، صديقة ، لله في لله ) ..
ونردد :
بحبكـ
وبموت فيكـ ..
ونهدي :
أحرف ، وعواطف ، وأساور ، وشجن ، وحنين ، وأنين ( وكمان واي عديل كده )

______________
حقنكـ بايره بايره
I كل الناس المدشدشه

Post: #39
Title: Re: بكجنك وبكرهك..وبمقتك بالفصحي
Author: عبدالله كع
Date: 11-16-2009, 09:02 AM
Parent: #31

الله عليك يا ابو الول ..

حتي الشاكوش بكون زي الورد بعد ريده رائعه

ماااااااااااااااا احلاك يا هوي

ــــــــــــــــــــ
من جانبي بهدي الاغنيه للاخت ساره - وعسي ولعل تغير افكارها الضبابيه دي

Post: #43
Title: Re: بكجنك وبكرهك..وبمقتك بالفصحي
Author: لؤى
Date: 11-16-2009, 09:08 AM
Parent: #39

Quote:
من جانبي بهدي الاغنيه للاخت ساره

خُد

Post: #46
Title: Re: بكجنك وبكرهك..وبمقتك بالفصحي
Author: عمران حسن صالح
Date: 11-16-2009, 09:12 AM
Parent: #43

أبو اللوووووووووووووووووووووووووول
التقرير يا مان ما وصلني ...
سريع ولا نسوي اللوووووووووووووووووووووووول حسي هنا ده

____

Post: #50
Title: Re: بكجنك وبكرهك..وبمقتك بالفصحي
Author: لؤى
Date: 11-16-2009, 09:20 AM
Parent: #46

Quote:
سريع ولا نسوي اللوووووووووووووووووووووووول

اللول اللول يا لوليّة ؟

Post: #44
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 09:08 AM
Parent: #39

Quote: حتي الشاكوش بكون زي الورد بعد ريده رائعه

شاكوش؟؟؟؟
يا اخوي شوف المشوكش منو ..
قالوا ليك اسمي سارة كع؟؟
لو سمحتا يا مواطن...
الوقت للعمل..

ــــــــــــ
عارفني بهظر مش؟؟

Post: #45
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 09:11 AM
Parent: #44

عزيزي المواطن

يوجد هنا تطعيم ضد عدوي الحب,,

Post: #48
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 09:17 AM
Parent: #45

Quote: بحبكـ
وبموت فيكـ ..

عمران الكلام دة بتاباهو..
اصلا انتا سبب اساسي في البيحصل دة..
اول بوست فايروسي(تهنئة)..كتبتوا انتا..
وبعد داك النار قامت في المنبر..
ذنب المسلمي وصباحي في رقبتك..
استغفر ربك وتعال انضم لينا في حملة التوعية دي...
الوطن راجينا,,
مفروض ما نخدلة,,
الناس ما لاقية تاكل,,
الحب* ما لاقياه تقول لي حب..؟؟
ــــــــــــ
الحب الاولي قاصدة بيها الشئ البتنقدو الجدادة**..
**والجدادة هي الدجاجة,,

Post: #47
Title: Re: بكجنك وبكرهك..وبمقتك بالفصحي
Author: عبدالله كع
Date: 11-16-2009, 09:16 AM
Parent: #44

Quote: يا اخوي شوف المشوكش منو ..

منو ياربي ؟

والبوست ده هو الخيط الزي سوف يقودنا الي مكان الشاكوش !

________
انا جااااادي

Post: #49
Title: Re: بكجنك وبكرهك..وبمقتك بالفصحي
Author: لؤى
Date: 11-16-2009, 09:20 AM
Parent: #47

Quote:
والبوست ده هو الخيط الزي سوف يقودنا الي مكان الشاكوش !

________
انا جااااادي

ربّنا يتمّم على خير

Post: #53
Title: Re: بكجنك وبكرهك..وبمقتك بالفصحي
Author: Tragie Mustafa
Date: 11-16-2009, 09:27 AM
Parent: #49

عارف يا ساره اول يوم المح لك بوست خاص
قمت دخلته بعد اول مدخلتين عشان افهمه

كنت قبله دهلت بوست للطيب رحمه ظريف وضحكت فيه
اها لما عرفت بوستك قلت امشي افتش لك الرابط
بتاع الطيب عشان تضحكي معاي!!

اها وحاتك انشغلته شيء ارفع بوست وشيء اخت اربط
وشيء اكاوي كوز اها غطست لي زي ساعتين

وآخير لميت لك في الرابط

اها اضحكي عليك الله في الحبكانت ديل

الزواج .. والبقاء لله ... الاستاذ جعفر عباس

Post: #57
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 09:35 AM
Parent: #53

Quote: اها اضحكي عليك الله في الحبكانت ديل

ههههههههههههههههههه
الناس دي ما واعية يا تراجي,,,
حب شنو..
يعني من قلة النوم...
كدي الندي طله ونجي..

Post: #51
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 09:20 AM
Parent: #47

Quote: منو ياربي ؟

ما قلتا زممممان في قولة كع..
لمن انتا توريني كع دي ما جاية من شاكوش؟؟

انا شعاري..
(قل معي لا عاش من يشوكشنا)
ــــــــــــــــــــــ
المرسلك منو عشان تشتت الرسالة السامية البحاول اوصلا,,,

Post: #52
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 09:26 AM
Parent: #51

لؤي,,
انتا ارجي الراجيك,,
انشاء الله بس وضعك المادي يكون تمام,,
عشان رافعة فيك قضية ضرر ومطالبة بي تعويض..
عشان الاغنية المنزلا دي,,(بين الريد والهوى) ,,
اها التعرض للهوا دة ذاااااتو البيجيب المرض
بنصحك تشوف محامي شاطر..
وما بتنازل عن قضيتي لا تسحب اغنيتك,,
وربنا يشفيك..
ــــــــــــــــــــــ
عزيزي المواطن,,ابتعد عن ما يسمي بالاغاني العاطفية لانها من مسببات حالة الهوي,,بعدين بوريكم كيف؟؟

Post: #54
Title: Re: بكجنك وبكرهك..وبمقتك بالفصحي
Author: Tragie Mustafa
Date: 11-16-2009, 09:29 AM
Parent: #52

شوفي يا سروره
نسيت اولا اقول لك انت لذيذه.

ونسيت اقول لك الود لؤي ده خطير واعملي حسابك منه
حامل للعدوى وناشر للفيروس بقصد(وجه غامز يا لؤي).

Post: #55
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 09:33 AM
Parent: #54

Quote: شوفي يا سروره
نسيت اولا اقول لك انت لذيذه.

ونسيت اقول لك الود لؤي ده خطير واعملي حسابك منه
حامل للعدوى وناشر للفيروس بقصد(وجه غامز يا لؤي).

اشكرك جدا يا تراجي..
ووصيتك علي العين والراس..
اما لؤي دة فالكرنتينة راجياه,,,
بيتعالج عندنا هنا..
وبلاي البوست بوستيك لو في اي حالة اشتباة اخري ادينا مداخلة..
بتلقي حقنتي قبالي,,
شكرا للتنبيه يا ام حازم...
ــــــــــــــــــ
الله قال بي قولك يا لؤي,,

Post: #56
Title: Re: بكجنك وبكرهك..وبمقتك بالفصحي
Author: لؤى
Date: 11-16-2009, 09:34 AM
Parent: #54

Quote:
ونسيت اقول لك الود لؤي ده خطير واعملي حسابك منه
حامل للعدوى وناشر للفيروس بقصد

اللهم إن كان فايروس الحُب مدشدشاً فدشدشني بلا رحمة

Post: #60
Title: Re: بكجنك وبكرهك..وبمقتك بالفصحي
Author: عمر الفاروق
Date: 11-16-2009, 09:39 AM
Parent: #56

إنقشرينا بوتو كورو قلب إنسان طاجوري..*

ـــــــــــــــــــ
دي بكرهك بي الجامايكي..

Post: #63
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 09:46 AM
Parent: #60

ابو الكناكيج ياااااااااااا

بنملوي سنجكولي لمينو نهكتو بالبتو*

ـــــــــــ
* دي هضربة مريض مصاب (الالتواث الحبكاني)..

Post: #58
Title: Re: بكجنك وبكرهك..وبمقتك بالفصحي
Author: لؤى
Date: 11-16-2009, 09:37 AM
Parent: #52

Quote:
لؤي,,
انتا ارجي الراجيك,,
انشاء الله بس وضعك المادي يكون تمام,,
عشان رافعة فيك قضية ضرر ومطالبة بي تعويض..

طيّب استعجلي قبل العرس وكدا ، عشان الفلس بيحصل

Post: #61
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 09:42 AM
Parent: #58

Quote: طيّب استعجلي قبل العرس وكدا ، عشان الفلس بيحصل

اطالب بتعويض اكمل ليك آخر قرش في جزلانك..
منها اكون طلعتا بي حقي..
ومنها اكون شاركت في عدم وقوع مأساة زواج
ومنها اكون عالجتك,,
وبما انك حتكون مقطع ومفلس عافياك من حق التطعيم,,
البيهم انك تكون معافي وسليم,,

قول معاي
(الحب دة كلام فارغ)
رددها عشرة مرات قبل النوم واول ما تصحي,,
العوجة ما بتجيك

Post: #59
Title: Re: بكجنك وبكرهك..وبمقتك بالفصحي
Author: عبدالله كع
Date: 11-16-2009, 09:38 AM
Parent: #51

انت عارفه - يا ساره كل الناس المصنقر هنا حبيبين لدرجة الانصهار وانتي اولهم
وبكل تاكيد فيهم ناس ماكلين لهم شاكوش شكوشين -

واعملي حسابك من ناس الليل - لوجوك بكبوليك بوستك ده في راس

Post: #62
Title: Re: بكجنك وبكرهك..وبمقتك بالفصحي
Author: عمران حسن صالح
Date: 11-16-2009, 09:46 AM
Parent: #59

Post: #64
Title: Re: بكجنك وبكرهك..وبمقتك بالفصحي
Author: Tragie Mustafa
Date: 11-16-2009, 09:47 AM
Parent: #59

عبد الله كع
سلامات
Quote:
واعملي حسابك من ناس الليل - لوجوك بكبوليك بوستك ده في راس

صحص يا اخي يانا نحن الحارسين نهاية الكره الارضيه بجاي
والساعه عندنا اربعه الا عشره صباحا!!

تقول لها اعملي حسابك من ناس الليل

هو فضل ليل كل الناس صحت بس نحن سقد اليومين ديل.

Post: #65
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 09:49 AM
Parent: #64

Quote: صحص يا اخي يانا نحن الحارسين نهاية الكره الارضيه بجاي
والساعه عندنا اربعه الا عشره صباحا!!

ههههههههههههههههههههههه
هههههههههههههههههههههههههه
اعذري يا تراجي..

ليس علي المريض حرج..
لمن يوعي اتناقشي معاه..

Post: #67
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 09:56 AM
Parent: #65

عمران وعبدالله ولؤي ومن لف لفهم..
لو حسيتو باي من الاعراض الاتية..
ما تخجلوا تعالوا لي عشان احصلكم قبل ما حالة الحب تستشري فيكم...
والاعراض هي:-

لمن تحسوا انو قلبكم بيدقدق لمن تشوفوا ليكم او تسمعوا صوت شخص معين..
لو حسيتو بضيق نفس وغمة كدة ما عارفين سببا شنو..
لمن تكونوا متنحين الاربعة وعشرين ساعة في الماسنجر.,,
ودي بتعتبر من مراحل المرض الاولي..
ــــــــــــــــــــ
اسألوا تمبس..ما بالتلفون ما تقربوا منو..

Post: #70
Title: Re: بكجنك وبكرهك..وبمقتك بالفصحي
Author: لؤى
Date: 11-16-2009, 10:02 AM
Parent: #64

Quote:
والساعه عندنا اربعه الا عشره صباحا!!

اللهُمّ لا إعتراض في حُكمك يا رب
وأنا أقول المصحّيها المواعيد دي شنو

Post: #66
Title: Re: بكجنك وبكرهك..وبمقتك بالفصحي
Author: لؤى
Date: 11-16-2009, 09:52 AM
Parent: #59

Quote:
يا ساره كل الناس المصنقر هنا حبيبين لدرجة الانصهار وانتي اولهم

عافي منّك يا كع
أها شوف جنس دا

المصدر :-
(( http://open.thumbplay.com/files/media/0005/7409/Sara__I_Love.png ))

Post: #68
Title: Re: بكجنك وبكرهك..وبمقتك بالفصحي
Author: Tragie Mustafa
Date: 11-16-2009, 09:57 AM
Parent: #66

سروره جيتك المره دي باعلاني
يا الحريصين على التطيعم ضد الحب
لو كنتم بالداخل لا تنسوا حلايب.
(حلايب سودانيه) لافتات يجب ان ترفع في مبارة مصر و الجزائر بالخرطوم!

Post: #72
Title: Re: بكجنك وبكرهك..وبمقتك بالفصحي
Author: Tragie Mustafa
Date: 11-16-2009, 10:05 AM
Parent: #68

بعدين امشي يا ساره يا بكايه
قايلاني ما تابعت بوستك بتاع (Tracy Chapman)داك
وكمية الجرسه البهناك

اهاايامها انا متصفحه وي ما بقولوا

يلا بهديك(Baby Can I Hold You Tonight )

Post: #69
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 09:59 AM
Parent: #66

يا لؤي انا ماخدة التطعيم...
استهدي بالله وتعال اتعالج قبل ما حالتك تتأخر ونسمع بيك عرستا,,,
يا لؤي يا ولدي قول خير العوجة ما بتجبك..
قول معاي
الحب دة كلام فارغ..

Post: #71
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 10:02 AM
Parent: #69

Quote: سروره جيتك المره دي باعلاني
يا الحريصين على التطيعم ضد الحب
لو كنتم بالداخل لا تنسوا حلايب.

كتري يا تراجي من اعلاناتك دي
بعتبرها اسلوب علاجي ممتاز..
الناس مفروض تزحم قلبها بحب الله والوطن..
زي بكري عايني ليه بيساعد في انتشار الوباء,,
ــــــــــــــ
حب!!! انتو جادين؟؟؟

Post: #73
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 10:05 AM
Parent: #71

عااااااااااااجل.... للمرة الثانية وفي ظرف اسبوع مقتل طا...رطوم أمس الاحد 15/11

اها دة الحب الدايرينو...
قتل وطعين,,
دايرين تموتو؟؟

ـــــــــــــــــــ
شكرا ميادة لايراد الخبر وربنا يرحم المجني عليها

Post: #74
Title: Re: بكجنك وبكرهك..وبمقتك بالفصحي
Author: لؤى
Date: 11-16-2009, 10:06 AM
Parent: #69

Quote:
يا لؤي يا ولدي قول خير

قولة خير مالها ؟

Post: #82
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 10:21 AM
Parent: #74

Quote: قولة خير مالها ؟

بتوديك الآخرة

Post: #80
Title: Re: بكجنك وبكرهك..وبمقتك بالفصحي
Author: معتصم دفع الله
Date: 11-16-2009, 10:18 AM
Parent: #69

هيييييييي ..
ما دائم إلا هو ..

غايتو يا سارة ..
كجيك كجين غرامة غرامة ..

Post: #83
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 10:25 AM
Parent: #80

Quote: غايتو يا سارة ..
كجيك كجين غرامة غرامة ..

بدون ما اسالك عارفة حالتك يا معتصم..
مصاب وحالتك متاخرة...

ما عارفة اقول ليك شنو؟؟
ــــــــــــــــ
خايفة المدام تزعل

Post: #75
Title: Re: بكجنك وبكرهك..وبمقتك بالفصحي
Author: عبدالله كع
Date: 11-16-2009, 10:06 AM
Parent: #66

Quote: صحص يا اخي يانا نحن الحارسين نهاية الكره الارضيه بجاي
والساعه عندنا اربعه الا عشره صباحا!!

يا ام حسام انتو ليلكم مشاتر -
وناس الليل - كان عندكم واللا عندنا - اديهم البكي ورقاد الواطه .

عليك الله شوفي حالة السرة دي وبكل تاكيد هي من ناس الليل واخرو
و مطلعاني عيان كمان !!

واللا انا غلطان يا لؤي

Post: #76
Title: Re: بكجنك وبكرهك..وبمقتك بالفصحي
Author: لؤى
Date: 11-16-2009, 10:07 AM
Parent: #75

Quote:
واللا انا غلطان يا لؤي

حاشاك يا أبو الأكعاع

Post: #77
Title: Re: بكجنك وبكرهك..وبمقتك بالفصحي
Author: Dalal Ezzaldin
Date: 11-16-2009, 10:11 AM
Parent: #66

سرور بطلي مقاومه .. خلي الانفلونزا تضربك

هي دي الامراض ولا بلاش

ادعي لي بالله ربنا يمرضني قريب

Post: #78
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 10:14 AM
Parent: #77

Quote: واللا انا غلطان يا لؤي

الكاشف اخوك دة بضيعك

كدي وريني يا كع
انتا شايف الناس دي كلها واحد الا زولة معينة؟
عندك ارق؟؟
بتسرح كتير..؟؟

افتح خشمك قول آآآآآآآآع

Post: #79
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 10:16 AM
Parent: #77

Quote: سرور بطلي مقاومه .. خلي الانفلونزا تضربك

هي دي الامراض ولا بلاش

ادعي لي بالله ربنا يمرضني قريب

دلوية يا دلوية يا دلوية

سعيدة بشوفة حروفك..
مشتاقين شدددديد..

ـــــــــــــــــــــــــــــ
كلامك دة بيقلقني عليك..اوعاااااااااا تكوني حبيتي؟؟

Post: #81
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 10:20 AM
Parent: #79

Quote: بعدين امشي يا ساره يا بكايه
قايلاني ما تابعت بوستك بتاع (Tracy Chapman)داك
وكمية الجرسه البهناك

اهاايامها انا متصفحه وي ما بقولوا

يا تراجي كنتا عيانة وربنا شفاني...

هديتك ما باباها لانو تريزي بحب اغانيها,,,
يا ريت تركزي لي علي اغانيها بتاعت الانسانية وحب السلام ...

الاغنية النزلتيها دي بتزيد الحالة,,

Post: #84
Title: Re: بكجنك وبكرهك..وبمقتك بالفصحي
Author: Tragie Mustafa
Date: 11-16-2009, 10:26 AM
Parent: #81

وناويه اورطك اكثر يا ساره وبقول لك اسمعي كلام دلال
وخذي هذه الاغنيه بطلع زيتي عديل

Post: #85
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 10:28 AM
Parent: #84

Quote: وناويه اورطك اكثر يا ساره وبقول لك اسمعي كلام دلال

تراجي....؟؟؟؟؟؟؟
انتا شايتة وووين؟؟؟
معانا ولا مع الخيانة؟

Post: #92
Title: Re: بكجنك وبكرهك..وبمقتك بالفصحي
Author: لؤى
Date: 11-16-2009, 10:52 AM
Parent: #85

Quote:
تراجي....؟؟؟؟؟؟؟
انتا شايتة وووين؟؟؟
معانا ولا مع الخيانة؟

إنّهُ الحُب

Post: #91
Title: Re: بكجنك وبكرهك..وبمقتك بالفصحي
Author: لؤى
Date: 11-16-2009, 10:51 AM
Parent: #84

Quote:
وخذي هذه الاغنيه بطلع زيتي عديل

أقبُض

Post: #86
Title: Re: بكجنك وبكرهك..وبمقتك بالفصحي
Author: اميمة مصطفى سند
Date: 11-16-2009, 10:30 AM
Parent: #81

تعرفي يا سارة عندي صحبتي

رافضة تماما أي مواضيع غرامية تؤدي لمشاريع أفشل "خطوبة وزواج"

ورافعة شعار لا للحب ...

ودائما بترد لمن أي زول يسألها ما في حاجة كده ولا كده "يحي الثبات على المبدأ"

وأنا من هذا المبدأ العظيم أعلن عن تضامني الكامل معاك في احتواء المرض المتفشي

الأيام دي في البورد بصورة أسرع من "إنفلونزا الخنازير"...

الله يحمينا ويساعدنا

Post: #87
Title: Re: بكجنك وبكرهك..وبمقتك بالفصحي
Author: هواري نمر
Date: 11-16-2009, 10:34 AM
Parent: #86

يا السارة....
تحياتي و احترامي.....

اها ....الحاصل شنو؟؟
وصلتو وين؟؟؟؟؟؟؟؟؟؟

_________
ما كنتو كويسين..هو في ايــــــــــــــــــه؟؟؟؟؟؟؟؟

Post: #88
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 10:38 AM
Parent: #86

اميمة سند..
الله علي الكلام البيبعث الامل..
انا قربت اصاب باليأس,,لكن جيتيني في الزمن المناسب
اشكرك علي الدعم,,
وتحياتي لصديقتك..
يا اميمة الناس دي ما واعية..
الحب دة بلاويها كتيرة شديد..وغير ضغط الاعصاب ما بيسوي شئ..
منتظرة منك المزيد من التوعية..

وربنا يشفي زملاءنا المصابين..
وعلي قولك..
الله يحمينا ويساعدنا..

Post: #89
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 10:45 AM
Parent: #88

Quote: اها ....الحاصل شنو؟؟

مساء الخير صديقي الهواري..

الحاصل انو حال المنبر ما عاجبني..
فيهو رشح عواطف,,
حمي حب..
التهاب حنان,,
كسير ريدة...

كلها اعراض تفشي وباء العشق,,

وانا عشان عارفة خطورة تفشي انفلونزا العشق دي بوفر التطعيم ضدها
ايدينكم معانا..

Post: #90
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 10:51 AM
Parent: #89

بكجنك..

بكرهك..
لا اطيقك..

Post: #93
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 10:58 AM
Parent: #90

Quote: إنّهُ الحُب

لؤي حسابك كترررررررر
انتا كدة بتصعب علينا المهمة...

عزيزي القارئ
لؤي دة من المصابين بانفلونزا العشق وهسه عندو حمي وهذيان فيا ريت ما تاخدوا كلامو بمحمل الجد..

اخدوهو علي قدر عقلوا..
والامل في ربنا كبير...

Post: #94
Title: Re: بكجنك وبكرهك..وبمقتك بالفصحي
Author: معتصم دفع الله
Date: 11-16-2009, 11:16 AM
Parent: #93

Quote: بدون ما اسالك عارفة حالتك يا معتصم..
مصاب وحالتك متاخرة...

ما عارفة اقول ليك شنو؟؟
ــــــــــــــــ
خايفة المدام تزعل
يعني يا سارة حجز ساي في العناية المكثفة ما عندكم
غايتو بوستيك دا كان تسميهو العناية المكثفة للحالات المستعصية ..

قولي ساي أمي المدام هدية ورضية
لا عندنا كديسة بنضبحه ..
ولا عندنا عدة بنغسله

Post: #96
Title: Re: بكجنك وبكرهك..وبمقتك بالفصحي
Author: السيد المسلمي
Date: 11-16-2009, 11:30 AM
Parent: #94

Quote: والعاملين فيها حبيبيين ناس المسلمي وصباحي..
بالذات الاخيريين ديل...حاملين للفايروس واي اقتراب منهم بيشكل خطورة علي عواطفك..
لووووووووووووول
أقول ليك حاجة ياسرورة ظلمتينا ظلم الحسن والحسين !
عاملين فيها ساهي كدا
إييييييه يادنيا ، متين تفهمونا بقي ؟!

ـــ
عاطر التحيايا والأشواق يا سرورة

Post: #115
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 07:16 PM
Parent: #96

Quote: عاطر التحيايا والأشواق يا سرورة

سجمي يا المسلمي..
يا السيد الحق روووووحك..
عمرك ما كتبتا اسمي بين قلوب..
عمرك ما قلتا لي عاطر التحايا والاشواق,,
عاطر تحاياك دي امسكها عليك..بتجيب لينا العدوي..
ثم عاطر تحاياك مع حالة الحب دي ما فيها اي رائحة..
اخير عدمها,,,,
ـــــــــــــــ
توكل علي الله تعال انا حاجزا ليك غرفة انعاش..كنتا دايراها لي معتصم لكن حالتك اسوأ..

Post: #95
Title: Re: بكجنك وبكرهك..وبمقتك بالفصحي
Author: عمر الفاروق
Date: 11-16-2009, 11:30 AM
Parent: #93

لؤي وسارة أقعدو إتساككوا لينا كده لمممن نلقا اساميكم معلقة في أعلى الصفحة ونبقا في جنس أول غرام وأجمل هدية ..
قالتا ليك منال زماااااان يا سارة واستبقت كل الاحداث وعررررررفتك حين قالت في قصيدتها العصماء هو وهي ولا اسمها كان له ولها ديك:
لن تنالي وطراً

وانا أضيف عليها :
مكجججننك ..
ومااا بندور حنك..
لو ياخ عاجباك نفسك ..إنتي الناس ما عاجبنك ؟
فوق كم ياختي معصعصة ومخلقنة وكبير سنك ..
حب نهييي وريدة مااااف بتحلمي أظنك ..
بي حالتك دي نديك ود الصايم وفوق ليهو نوبي عايزة عايزة ما عايزة عنننك ..

تخريمة :
الغزالة(جااااوزت)

Post: #97
Title: Re: بكجنك وبكرهك..وبمقتك بالفصحي
Author: لؤى
Date: 11-16-2009, 11:39 AM
Parent: #95

Quote:
لؤي وسارة أقعدو إتساككوا لينا كده لمممن نلقا اساميكم معلقة في أعلى الصفحة ونبقا في جنس أول غرام وأجمل هدية ..

يا سيّد
سلامات

هي يعني راجية ليك لؤي ؟
أنا خلاص دربي مرق
وقاعد في البوست دا عسى تراجي دي ربّنا يحنّن قلبها

Post: #98
Title: Re: بكجنك وبكرهك..وبمقتك بالفصحي
Author: عمران حسن صالح
Date: 11-16-2009, 01:15 PM
Parent: #97

ياخي بوست ساير في درب المحبة ساااااااكت ...
Quote: الحب دة بلاويها كتيرة شديد..وغير ضغط الاعصاب ما بيسوي شئ..

لوووووووووووووووووول

Post: #101
Title: Re: بكجنك وبكرهك..وبمقتك بالفصحي
Author: مريم عبد الله
Date: 11-16-2009, 01:27 PM
Parent: #98

سرورا الحلوة اها الكجينه قلت ولا لسه

باهدي ليك الغنيه دي نحنا يكفينا حب الاغاني طالما حب البشر

بقا ما مضمون نقوم نحب الحب الفي الاغاني

Post: #120
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 07:42 PM
Parent: #101

Quote: سرورا الحلوة اها الكجينه قلت ولا لسه

باهدي ليك الغنيه دي نحنا يكفينا حب الاغاني طالما حب البشر

بقا ما مضمون نقوم نحب الحب الفي الاغاني

مريم؟؟
مالك؟؟
ما كنا كويسين وحبنا للبزيانوس والمنقة..
الجدا شنو؟؟
قلقتيني عليك..اوعي بتكوني بتحبي؟؟

Post: #119
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 07:39 PM
Parent: #98

Quote: ياخي بوست ساير في درب المحبة ساااااااكت ...

شكرا لانزال الصور يا عمران..
لانها بتدعم موقفي...
لاااااااااااا للحب..
نعم للتطعيم ضد انفولونزا الحب

Post: #99
Title: Re: بكجنك وبكرهك..وبمقتك بالفصحي
Author: Dalal Ezzaldin
Date: 11-16-2009, 01:21 PM
Parent: #97

Quote: كلامك دة بيقلقني عليك..اوعاااااااااا تكوني حبيتي؟؟

لسه .. لكن ممكن احب حسه واعمل ليكم عيديه لي راس السنه لوووووووول

الحبيبه القديره تراجي .. حمدلله بالسلامه

Post: #102
Title: Re: بكجنك وبكرهك..وبمقتك بالفصحي
Author: انعام عبد الحفيظ
Date: 11-16-2009, 01:40 PM
Parent: #99

Quote: لسه .. لكن ممكن احب حسه واعمل ليكم عيديه لي راس السنه لوووووووول

دلال البوست بتاعك حجزتو انا

Post: #123
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 08:00 PM
Parent: #102

Quote: دلال البوست بتاعك حجزتو انا

انعام الكلام البتقولي لي دلال دة ما صح..
مفروض توعيها..
مش تحرضيها..
يا جمااااااااااعة..
اسمعواااااا واعواااااااا

Post: #105
Title: Re: بكجنك وبكرهك..وبمقتك بالفصحي
Author: بابكر التوم
Date: 11-16-2009, 01:47 PM
Parent: #99

Quote: اها انا بحب روحي وبحب امي الله يطول لي في عمرها

وباحب الاقاشي والبزيانوس و عصير المنقا

اها باحتاج لي تطعيم ولا لا

احلى صباح لاحلى بنوته في المنبر سارونه ست الناس كلهم

سارة ازيك ...

حالتكم سعبة

Post: #124
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 08:03 PM
Parent: #105

Quote: سارة ازيك ...

حالتكم سعبة

بابكر التوم..

حالتي مستقرة والحمد لله..
انتا وريني,,حالتك كيف؟؟

Post: #100
Title: Re: بكجنك وبكرهك..وبمقتك بالفصحي
Author: عمران حسن صالح
Date: 11-16-2009, 01:24 PM
Parent: #97

أبو اللووووووووووووووووووول
Quote: أنا خلاص دربي مرق

ربى عيالـــو !!!!!

___________
قريباً وحصرياً ترقبوا العنوان الجديد

Post: #103
Title: Re: بكجنك وبكرهك..وبمقتك بالفصحي
Author: وليد عبد اللطيف
Date: 11-16-2009, 01:45 PM
Parent: #100

Quote: غايتو ياسارة العوض اخوي ده كان مالحقناهو .... بنبقي في رقاد مستشفي عديل

سعادتو عمر
يازول ود المسلمي دا راكز من ايام الجامعة
المشكله كان صاحبك ربيع محمد علي

ياساره الشغله بقت تجيب كتل عديل

وفي الحب ... ما قتل

---------------------------
نؤيد الحمله

Post: #125
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 08:55 PM
Parent: #103

Quote: ياساره الشغله بقت تجيب كتل عديل

وفي الحب ... ما قتل

---------------------------
نؤيد الحمله

وليد عبداللطيف..
نشكرك تعاونكم وتفهمكم..
معا ضد الحب..

دة واجب وطني

Post: #104
Title: Re: بكجنك وبكرهك..وبمقتك بالفصحي
Author: انعام عبد الحفيظ
Date: 11-16-2009, 01:45 PM
Parent: #100

Quote: أبو اللووووووووووووووووووول
Quote: أنا خلاص دربي مرق

ربى عيالـــو !!!!!

عمران شكلو ما عيالو هو بس وعيال الجيران كمان
جرسة شديدة خلاص

Post: #106
Title: Re: بكجنك وبكرهك..وبمقتك بالفصحي
Author: Dalal Ezzaldin
Date: 11-16-2009, 02:08 PM
Parent: #104

Quote: دلال البوست بتاعك حجزتو انا

نعومي قبل البوست احجزي لي العريس .. شرطاً يكون بوردابي مخضرم
ختي خطين تحت مخضرم ... وزوقك ما برفضو

وش خجلان من اسي

Post: #107
Title: Re: بكجنك وبكرهك..وبمقتك بالفصحي
Author: مريم عبد الله
Date: 11-16-2009, 02:12 PM
Parent: #106

دلال

من حسا انا باتحضر للموضوع الامكن تعمليهو لينا في راس السنه

بس انتي انوي ونحنا معاك والسيرة بالطايرات

Post: #108
Title: Re: بكجنك وبكرهك..وبمقتك بالفصحي
Author: انعام عبد الحفيظ
Date: 11-16-2009, 02:22 PM
Parent: #106

Quote: نعومي قبل البوست احجزي لي العريس .. شرطاً يكون بوردابي مخضرم
ختي خطين تحت مخضرم ... وزوقك ما برفضو

إنتي من زمن العريس البحجزوهو؟؟
دلال غايتو لقيتك صعبة وشرّااااااااااكة (دي من شرك)
اما موضوع الذوق دا والله لو ممكن أعزِل ليك ح تشوفي العجب براك!!!

Quote: وش خجلان من اسي

داليا الكباشي كملت الخجل معاه ما فضل فيهو شي

Post: #149
Title: Re: بكجنك وبكرهك..وبمقتك بالفصحي
Author: سارة علي
Date: 11-17-2009, 06:02 AM
Parent: #106

Quote: وش خجلان من اسي

هههههههههههههههههههههههههه

دلو يا دلو...

اتجدعي الجماعة فيهم الملائكة..
بس اعملي حسابك الموضوع بقي فيه تمبس..

Post: #112
Title: Re: بكجنك وبكرهك..وبمقتك بالفصحي
Author: لؤى
Date: 11-16-2009, 03:10 PM
Parent: #100

يا عُمران
صديقنا العزيز أبو بكر
( الزُّول ذاتو )
زارنا في دارنا قبل أسبوع
وحينما همَّ بالمغادرة
أمسكنا بتلابيبه على طريقتنا السُّودانيّة متناسين أمر الجّنسيّة السّويديّة في تلك الأحيان
لكنّه تعذّر بأنّه قد تأخّر
فبادره صديقنا الصّدوق ( صدّيق رحمة النُّور ) سائلاً إيّاه
إن كان يخشى المدام
فصرّح قائلاً :
( هووووي النّصيحة الرّاجل الما بيخاف من مرتو ما بيخاف من الله )

( التّعديل لإضافة حرف )

Post: #117
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 07:31 PM
Parent: #112

Quote: أمسكنا بتلابيبه على طريقتنا السُّودانيّة متناسين أمر الجّنسيّة السّويديّة في تلك الأحيان

ما هو مافي شئ مضيعكم غير دة..
باريتو لي دول العالم الاول وعلموكم اي لوف يو واي ادور يو..

Post: #118
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 07:37 PM
Parent: #97

Quote: وقاعد في البوست دا عسى تراجي دي ربّنا يحنّن قلبها

خلاص يا لؤي يا اخوي
غرضك انقضي زمااااااااااان..
تراجي قلبا حن بدليل انها نزلت اغنية لتريزى شابمان...

اتخارج وشكر الله سعيك..

ما تنسي الاغنية النبي فيك شيلا في طرفك<img border="0" src="http://www.sudaneseonline.com/cgi-bin/sdb/2bb.cgi?seq=post&board=250&msg=1258354689&rn=97">

Post: #172
Title: Re: بكجنك وبكرهك..وبمقتك بالفصحي
Author: د.محمد حسن
Date: 11-18-2009, 11:01 PM
Parent: #97

Post: #116
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 07:26 PM
Parent: #95

الفاروق...
قصيدتك ما باباها..
لكن الفيك اتعرفتا...
وكربتي شنو اتلم لي مع واحد مصاب؟؟
سك شنو كمان.؟؟
انا كوووووويسة وحال مااااشي ولا احتاج لكلمة حب في حياتي..
اخترت (اللا حب)..علي قول قباني..
المشكلة في الجبانيين التانين(برضو علي قول قباني)..

ــــــــــــــــ
المشكلة انو غزالتي ما قادرة افرملا..

Post: #109
Title: Re: بكجنك وبكرهك..وبمقتك بالفصحي
Author: لؤى
Date: 11-16-2009, 02:32 PM
Parent: #1

Post: #110
Title: Re: بكجنك وبكرهك..وبمقتك بالفصحي
Author: صباح حسين طه
Date: 11-16-2009, 03:00 PM
Parent: #109

والله يا سارة انتي أوع زولة في المنبر دا

في مياه كتيرة بتجري تحت الجسور بدون الناس ما تشوفها

يا رب تكون مياه نضيفة بس

Post: #111
Title: Re: بكجنك وبكرهك..وبمقتك بالفصحي
Author: صباح حسين طه
Date: 11-16-2009, 03:09 PM
Parent: #110

يا كع تكعك حربوية قول ياممممممممممممممممممممين
ولا الزواحف لا تمنح عضوية المنبر...خلاص ندخلها باسماء بشرية

انت ما سمعت بالمثل البقول:

الرخيص برخصته يضوقك مغسته

Post: #113
Title: Re: بكجنك وبكرهك..وبمقتك بالفصحي
Author: لؤى
Date: 11-16-2009, 03:15 PM
Parent: #1

يا جماعة

سارّة دي مالها إختفت فجأة كدا ؟

عرّسوها ولاّ شنو ؟

Post: #114
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 07:10 PM
Parent: #113

Quote: يا جماعة

سارّة دي مالها إختفت فجأة كدا ؟

عرّسوها ولاّ شنو ؟

الشر برة وبعيددددد
في زول بيشيل القلم وبيكتب علي نفسو شقي..
يا شقي!!!

Post: #121
Title: Re: بكجنك وبكرهك..وبمقتك بالفصحي
Author: عمران حسن صالح
Date: 11-16-2009, 07:54 PM
Parent: #114

لا تعشق بعنف ..
لتدق الدلجة بعنف
لتكره الحب بعنف

__________
ده مفتاح الصور يا ساره

Post: #122
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 07:58 PM
Parent: #121

Quote: لا تعشق بعنف ..
لتدق الدلجة بعنف
لتكره الحب بعنف

غرامك مزيف ضميرك عدم..
هويتك عشقتك كرهتك نعم..
كرهتك لانك مجرد خداع..
وكم مسرحية بطلها الألم..

انتا قاصد كدة يا عمران صح؟؟
اطمنك يا اخوي انا والحمد لله المراحل المرضية دي ما مريا بيها..

Post: #126
Title: Re: بكجنك وبكرهك..وبمقتك بالفصحي
Author: WAD ELGAALI#4
Date: 11-16-2009, 09:14 PM
Parent: #122

ياخى البوست دا اوعا بوسط عقلانى فى الايامات الفاتو ديل
والله فاقد ود البشرى ربنا يفك اسره يارب

Post: #128
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 09:43 PM
Parent: #126

شكرا ليك يا ود الجعلي علي كمية الوعي النزلتا فيك فجأة دي,,,

مش انتا قلتا ناوي الزواج؟؟
الحمد لله العقلتا..

Post: #129
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 09:51 PM
Parent: #128

يا انعام حيمورة..
مطالب بحضورك؟؟؟

تعالي وعي البنات ديل..
جاهلات ما عارفات صالحن..
حب؟؟؟
شاحدة ربي الحب اليغطس حجركن..
اوعن وقومن شوفوا شغلتكن..
ولدوكم عشان تحبوا..؟؟

Post: #130
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 09:56 PM
Parent: #129

Quote: يا كع تكعك حربوية قول ياممممممممممممممممممممين
ولا الزواحف لا تمنح عضوية المنبر...خلاص ندخلها باسماء بشرية

انت ما سمعت بالمثل البقول:

الرخيص برخصته يضوقك مغسته

صباح حسين..

ما شاء الله ما شاء الله ..
واعية ربنا يكملك بي عقلك

Post: #150
Title: Re: بكجنك وبكرهك..وبمقتك بالفصحي
Author: عبدالله كع
Date: 11-17-2009, 07:09 AM
Parent: #130

Quote: Quote: يا كع تكعك حربوية قول ياممممممممممممممممممممين
ولا الزواحف لا تمنح عضوية المنبر...خلاص ندخلها باسماء بشرية
انت ما سمعت بالمثل البقول:
الرخيص برخصته يضوقك مغسته

Quote:
صباح حسين..
ما شاء الله ما شاء الله ..
واعية ربنا يكملك بي عقلك

رخيص ؟؟!! شوية فهااااااااااامات ؟

صباح - وسارة
سال ربي تاني تاخدن شاكوش - اقوي من الاول ..

Post: #131
Title: Re: بكجنك وبكرهك..وبمقتك بالفصحي
Author: انعام حيمورة
Date: 11-16-2009, 10:00 PM
Parent: #129

Quote: تعالي وعي البنات ديل..
جاهلات ما عارفات صالحن..
حب؟؟؟
شاحدة ربي الحب اليغطس حجركن..
اوعن وقومن شوفوا شغلتكن..
ولدوكم عشان تحبوا..؟؟

عليك الله يا كرورة تكوري من اصبحت حلقومك ما اتقرش (هههههههههههه)

إنا لله !!!

Post: #132
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 10:09 PM
Parent: #131

Quote: عليك الله يا كرورة تكوري من اصبحت حلقومك ما اتقرش (هههههههههههه)

دة اضعف الايمان...
اكتب بي كي بوردي دة لمن حروفوا تنسحق..
دة كلوا عشان افتح عيون العاشقين اللي هي اصلا مفتحة طبيعي من عدم النوم..

Post: #133
Title: Re: بكجنك وبكرهك..وبمقتك بالفصحي
Author: ombadda
Date: 11-16-2009, 11:22 PM
Parent: #132

سارة
سلام

===========
قصة:

أحب الرجل فتاته كما أحب الصوفى ربه ، وغرق كلاهما فى الشوق إلى لقاء الحبيب ولكن الفتاة وافاها أجلها فبنى لها الحبيب قبرا وكتب على القبر:
أيا معشـر العشـاق بالله خبِّروا

إذا اشتد عشقٌ بالفتى كيف يصنعُ
ومر الصوفى على القبر فقرأ ماكتبه الرجل ثم كتب تحته:
يُدارِى هَــواهُ ثم يَكتُم سِـرَّه

مخــافةَ عُـذَّالٍ عـليهِ يُشنِّعُوا
ومر العاشق فقرأ ثم كتب:
وكيف يُدارِى والهَوى قاتلُ الفتى

وفى كــل يَـومٍ قلبـه يَتقطّعُ
ومر الصوفى فقرأ ثم كتب:
ومَن لم يجد صبراً لكتمـانِ سِرِّه

فليس له عندى سِوَى الموت أنفعُ
ومر العاشق فقرأ ثم كتب:
سَمِعنـا أطعنـا ثم مُتنـا فبلَّغُوا

سَلامِى علَى مَن كَان بِالوَصل يمَنعُ
ثم مات العاشق وبقى العشق للحى الذى لا يموت.

Post: #134
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 11:27 PM
Parent: #133

امبدة ..
يعني افهم من كدة انك معانا؟؟؟

ايييييييييوة
الله ادانا دكتور بالجد في حملة التطعيم دي..
اصلوا شغلنا بتاع التمرجية دة ما جاب حقو...

وكلتك تجيب لينا قصص من شاكلة قبر وموت ..
خلي الجماعة يصحصحوا
انا فقدت عزيز علي
تمبس أثر فيني شددددددددددديد
يا دكتور في أمل في شفاه؟؟

Post: #135
Title: Re: بكجنك وبكرهك..وبمقتك بالفصحي
Author: صديق الموج
Date: 11-16-2009, 11:30 PM
Parent: #134

انى برى مما تشركون،،،

Post: #137
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 11:33 PM
Parent: #135

Quote: انى برى مما تشركون،،،

انتا!!!!!
انتا يا ود الموج حالة ميئوس منها...
يا دوووب ممكن نستخدمك دراسة حالة نشرح بيها مرض الحب واعراضه...

Post: #136
Title: Re: بكجنك وبكرهك..وبمقتك بالفصحي
Author: مريم عبد الله
Date: 11-16-2009, 11:31 PM
Parent: #133

ياسرورة

ابري واستبري من الما بتسما سمعنا وسلمنا

انا قلتا ليك وكتين الما بتسمى ما مضمون احسن الزول يحب الاغاني اضمن لا بتكورك ولا بتكتم النفس

حلاة البزيانوس ولا بزعل ولا بغلط على وسماحه الاقاشي لا بيجري اكلم ليك امو ولا اختو

وعبييو لي المنقا كان شربيها عصير ولا اكلتيها لا بتسمعك ولا بتغلط عليكي

هناك قاعدة ودي النظريه المريملزم ( تنسب الى ) بتنص على الاتي

( بما ان الواحد لا يضمن حب الطرف الاخر ولن استطيع ارضائه فمن الافضل ان احب وان ارضي نفسي )

تصبحي على خير يا سارونه

Post: #138
Title: Re: بكجنك وبكرهك..وبمقتك بالفصحي
Author: سارة علي
Date: 11-16-2009, 11:40 PM
Parent: #136

Quote: ( بما ان الواحد لا يضمن حب الطرف الاخر ولن استطيع ارضائه فمن الافضل ان احب وان ارضي نفسي )

مريوم
طمنتيني عليك الله يطمنك..

بالجد كدة صورتك دي حلوة خلاص فيها كمية من الوداعة والحنية ما طبيعية..

Post: #139
Title: Re: بكجنك وبكرهك..وبمقتك بالفصحي
Author: مريم عبد الله
Date: 11-17-2009, 00:27 AM
Parent: #138

تشكرات يا ست البنات عيونك الحلوه يا ست الناس

الله اجبر بي خاطرك يا سارونه دي قبل اسبوع بالضبط

اها لسه الكجينه قايمه ولافكت

زمان كان الحب تحت شعار (مش باتنازل عنك ابدا مهما يكون )

حسا شعار المرحله بقا (انا ازبيري خاتاهو)

Post: #140
Title: Re: بكجنك وبكرهك..وبمقتك بالفصحي
Author: سارة علي
Date: 11-17-2009, 00:30 AM
Parent: #139

مريم...

الريدة دي
اااااحي من الريدة دي....
(وعضت باصبعها علي السبابة زي لبني)..
واعني هنا المغصة من قصة اريدني واريدك
بمعني لو كانت الريدة أمراة لقتلتها..

Post: #142
Title: Re: بكجنك وبكرهك..وبمقتك بالفصحي
Author: رغيم عثمان رغيم الحسن
Date: 11-17-2009, 03:49 AM
Parent: #140

الحالة الاجتماعية مخطوبة
خطيبك دا يا سارة وقعك ليك فى عطاء توريد ولا شنو

Post: #143
Title: Re: بكجنك وبكرهك..وبمقتك بالفصحي
Author: سارة علي
Date: 11-17-2009, 04:02 AM
Parent: #142

Quote: الحالة الاجتماعية مخطوبة
خطيبك دا يا سارة وقعك ليك فى عطاء توريد ولا شنو

رغيم دة اسمو درهم وقاية خير من قنطار علاج..
حركة مخطوبة دي نظام الانتي بايتوك بتاعي..
نظام اجهجه الفايروسات وكدة...

Post: #145
Title: Re: بكجنك وبكرهك..وبمقتك بالفصحي
Author: سارة علي
Date: 11-17-2009, 04:06 AM
Parent: #143

يا جماعة كل ما افتح البوست دة بسمع ليك اغنية عاطفية صوتا بجيني كحة كحة كدة..
زي العطيس..
دة منو الدخل لينا الفايروس هنا..
بتقول الاغنية فيما معناه دايرة ترقصي..؟؟
ترقص!!!!
اقعدو ضيعوا زمنكم في النطيط..
الوقت للعمل...
اسمعوا كلامي دة العوجة ما بتجيكم..
ارقص قال..

Post: #144
Title: Re: بكجنك وبكرهك..وبمقتك بالفصحي
Author: Tragie Mustafa
Date: 11-17-2009, 04:03 AM
Parent: #142

ونقول في الحب يا ساره
بقول نزار قباني:

الحب ليس رواية شرقيه
بختامها يتزوج الابطال
لكنه الابحار دون سفينة
وشعورنا ان الوصول محال.
هو ان تظل على الاصابع رعشة
وعلى الشفاه المطبقات سؤال
هو هذه الكف التي تغتالنا
ونقبل الكف التي تغتال!!

يعني كللام دلال زاته
اريته مرض الهنا.
يا بت ما تابي العافيه
والحب هو العافيه.

الا الزواج فهو فيلم هندي.

لؤي شكرا على ود خلوليو اجلاسيس العسل ده.

النبي
شفت الغنا ده كيفنوا؟؟؟
وشفت النضمي؟؟؟
ده وشفت الهمس ده كيف؟؟؟

بيذكرني بالليل الهاديء لشرحبيل احمد ربنا يديه لينا طولة العمر
ويمتعنا كمان.

Post: #146
Title: Re: بكجنك وبكرهك..وبمقتك بالفصحي
Author: سارة علي
Date: 11-17-2009, 04:42 AM
Parent: #144

ونقول في الحب يا تراجي

Quote: الحب ما قتل: عذاب العشق قد يقود الى الموت

الحب يكون قاتلاالعاشقون ليسو دائما في نعيم، لاسيما بعد ان اخضع باحثون ظاهرة الحب وإعراضه للبحث والدراسة وكانت النتيجة ان آلام الحب تتشابه كثيرا مع أي مرض عضوي، بل انها قد تقود الى الموت أحيانا.

"ومن الحب ما قتل" مثل قديم يتداوله العشاق وكذلك أولئك الذين يرثون لحال العشاق او يسخرون منهم، لكن ما لم يكن في الحسبان هو ان يثبت العلم بالتجربة العملية والمخبرية صحة هذه المقولة. وطبعا ليس المقصود هنا "مرض الحب المعدي" المعروف طبيا بمرض "السفلس"، فهذا النوع من المرض أصبح بفضل اكتشاف البنسلين مرضا عاديا يمكن معالجته. لكن المقصود هنا بمرض الحب الذي لا يستطيع البنسلين وربما أي عقار أخر التغلب على أعراضه، والمتمثل في آلام العشق ومعاناة الفراق بين الأحبة وما يصاحب ذلك من سهر وارق وغيرها من الأعراض النفسية والجسدية.

منقوووووووول
عسي الله ان يهديكم الي طريق العافية

Post: #147
Title: Re: بكجنك وبكرهك..وبمقتك بالفصحي
Author: سارة علي
Date: 11-17-2009, 04:45 AM
Parent: #146

ويا دلال اقري الكلام دة كوووووويس عشان تصدقيني..
"مرض الحب" قد يؤدي الى الموت

Quote: العاشقون حياتهم قد تتحول الى جحيم منذ شهر فبراير 2005 والباحثون يخضعون "ظاهرة الحب" وإعراضه للدراسة والبحث، وخلصوا الى نتيجة مفادها ان آلام الحب تتساوى مع أعراض كثير من الإمراض العضوية الأخرى. وسجل فريق بحث أمريكي ارتفاع درجة تركز هرمونات الإعياء في الدم، مشيرين ان هذا التركز المرتفع في الشرايين يؤدي الى إرهاق عضلات القلب ويمكن ان يسبب اضرارا للقب وربما يؤدي الى توقف نبضاته، وفقا لما ورد في مقالة للباحث ايلان فيتستاين في مجلة "نيو انجيلاند" للطب. وقارن فيتستاين الحالة بوضع الإدمان. وأكدت ذلك تجارب اخرى من خلال الكشف على الدماغ أجريت في كل من الولايات المتحدة وبريطانيا. وتقول هذه التجارب بأنه في حالة ما إذا وقعت عيون إنسان عاشق متيم من الدرجة الأولى على صورة عشيقة، فإن دماغه يصبح في حالة تشبه حالات تعاطي الكوكايين. وعلى العكس من ذلك عندما سحبت صورة المعشوق، حيث تراجعت حالة الدماغ والأعضاء الى حالتها الطبيعية وكأنما صُب عليها ماء باردا. من جانبه قام فريق من الباحثين في جامعة تورينجن الألمانية، برئاسة الدكتور عارف نجيب، بالكشف عن أدمغة مجموعة من النساء التي هجرهن شركائهن قبيل وقت قصير. النتيجة كانت ملحوظة للعيان وهي ان انفصال هؤلاء النسوة عن شركائهن ترك أثارا على الدماغ لديهن، كما وأدى الى حدوث تغييرات في الأنسجة تساوي تلك التي تحدث عند ما يصاب المرء بحالة الإكتئاب النفسي. كما سجلت تغييرات ملحوظة في بؤرة الدماغ المركزية ( (amuygdala المسؤلة عن تحفيز المشاعر والدوافع) وكذلك في مناطق مهمة اخرى كثيرة في الدماغ.

منقووول

Post: #148
Title: Re: بكجنك وبكرهك..وبمقتك بالفصحي
Author: سارة علي
Date: 11-17-2009, 04:57 AM
Parent: #147

ولكم في الاجداد اسوة..
ربنا يرحمهم..
اكيد ما كان في مصل الزمن داك..

Post: #151
Title: Re: بكجنك وبكرهك..وبمقتك بالفصحي
Author: عبدالله كع
Date: 11-17-2009, 07:34 AM
Parent: #148

Quote: حلاة البزيانوس ولا بزعل ولا بغلط على وسماحه الاقاشي لا بيجري اكلم ليك امو ولا اختو
وعبييو لي المنقا كان شربيها عصير ولا اكلتيها لا بتسمعك ولا بتغلط عليكي

بقيتن ----- 3 ------ كاكوووووووش
وحاة النبي لذة من الريده مااااااااااافي -- بلا منقا !

Post: #155
Title: Re: بكجنك وبكرهك..وبمقتك بالفصحي
Author: داليا حافظ
Date: 11-17-2009, 07:58 AM
Parent: #151

حاولت أنزل اغنية راشد الماجد لكن حرنت كلو كلو ..

أها عاجبني المقطع ده ياسرور

ياشوق خذ مني وعد .. ماعاد نشتاق لأحد .. إرحل بدربك للأبد وإنسانا

ماعاد يغرينا العشق .. ماصرنا وياه نتفق .. والحظ ماعمره صدق ويانا

بلا حب بلا وجع قلب .. وش جانا من ورى هالحب ! غير الألم غير التعب وش جانا !؟

ــــــــــــــــــــــــ

بعبر عن حالتي الراهنة لكن بكرة ما بضمن ليك أغير رأي ..ولحدي الوقت داك بلا وجع قلب ..

Post: #157
Title: Re: بكجنك وبكرهك..وبمقتك بالفصحي
Author: سارة علي
Date: 11-17-2009, 08:14 AM
Parent: #155

Quote: بلا حب بلا وجع قلب .. وش جانا من ورى هالحب ! غير الألم غير التعب وش جانا !؟

ودة الكلام الصح يا دلوش...

انا مهمتي دي اخليك في حالة الثبات دي..
بس اخدي التطعيم الحبة ما بتجيك..

ـــــــــــــــــــــــ
ازيك؟؟؟

Post: #159
Title: Re: بكجنك وبكرهك..وبمقتك بالفصحي
Author: سارة علي
Date: 11-17-2009, 08:17 AM
Parent: #151

Quote: وحاة النبي لذة من الريده مااااااااااافي -- بلا منقا !

اقعد حب لي كدة لمن تحصل الجماعة الفي الصورة الفوق..

ـــــــــــــــــ
تبري وتستبري بهظر بس..

Post: #152
Title: Re: بكجنك وبكرهك..وبمقتك بالفصحي
Author: مريم عبد الله
Date: 11-17-2009, 07:41 AM
Parent: #148

سرورة

صباحك خير كيفنك

شوفي الحب في المطلق ما بيناباهو ( حب الوطن - حب الام - حب العلم - حب الخير - حب الحب )

بس في ناس لما تدخل في العلاقه بيجوا بي فهم يا انا يا انا وح اديكي امثله ( ودا البيكرة في الريدة )

مثلا الحب البيكون بيخنق وتحسي ان الطرف التاني بقا يصدر فرمانات بموجب سلطه الحب والريدة او الجكسنه البيناتنهم

و بيجي يسكن تحت الجلد ويبدا في دا اعمليه ودا ليه قلتيه ودا لي شنو وداك ما بدروهو ودا ما مناسب

او البيجيك وشايل معاه مساحه كبيرة يمسح بيها الشخصيه البيتكون عندك ليها اكتر من 20 سنه داير يمسحها ليك في ايام او شهور

او بيكون منصب نفسه وصي عليك والغربيه الواحدة بتكون واعيه ومتجاوزة السن القانونيه ولكن بيجي نفسه حق الوصايه

والتدخل حتى في مفردات كلامك ونوع العصير البتشربيه وما ليك حق الاعتراض لانه بيشعر انك ملزمه بتنفيذ قراراته الحكيمه ومفروض تشكريه

الليل مع النهار لانه تنازل ومتعب نفسه ومجتهد لتصحيح اخطائك بيشعرك انك ناكرة للجميل وما مدركه كميه الحظ لانو ارتبط بيك

وشغال تشذيب لكل ما يراه غير ملائم ( بيحسسك انه متخصص في التربيه من وا ل و جديد )

الطرف البتحسيهو ما عندو اي شغله غير الانتقاد وممارسه هوايه التقليل من الاخر الهو حبيبته

وبتكون كمان في هوايه تطبيق نظرياته ومدك بالنصائح على الهواء مباشرة امام مين ما كان اكيد لكي تعم الفائدة

وياويل كل من لا يقدر هذه المواهب

او في النوع البيجيك بي افكار جديدة للتطبيق بيكون شاف سين من الناس او صادة من الناس طبقها وانتي لازم كسر رقبه تتطبيقيها

او في نوع بتكون هواليه اختلاق المشاكل تحسي انه دخل في العلاقه عشان يلقى ليهو انسان يتشاكل معاه ودا نوع

دايما في حاله زعلان يعني ليه ما قلتي لي صباح الخير انتي قلتي لي صباح النور او ليه لما تنطقي اسم ابوك بحس انك بتفضليهو على

يعني ناس المتحايل تبكيهو الريشه وقيسي على كدا

وكل ما تقولي امشي المركب ما بيقتنع هو انسان كثير الابتكار وما بيحب التكرار لذلك ح يجيب ليك كل يوم شي جديد ماهو بتكون متقمساهو روح

كولومبوس ومهما قلتي ايوة وكويس هو بيذيد

هنا نقول ليهو ما نعطلك يا سيدنا كتر خيرك اتفضلتا علينا اذهب غير ماسوف عليك

اكيد دا مافي المطلق لكن جنس الديل بيطفشو ليهم بلد

Post: #153
Title: Re: بكجنك وبكرهك..وبمقتك بالفصحي
Author: سارة علي
Date: 11-17-2009, 07:48 AM
Parent: #152

يا مريم انتي مش فهمتيني وبس..
انتي استوعبتي الما كتبتوا لسه...
كلامك دة الشي الحاصل بالزبط,,

نفسي الم لي في واحد ما فيه الصفات القلتيها دي..

Post: #154
Title: Re: بكجنك وبكرهك..وبمقتك بالفصحي
Author: عبد الناصر الخطيب
Date: 11-17-2009, 07:56 AM
Parent: #153

صاحبت البوست والجمع الكريم هنا

دعوه لعدم الاستماع لتلك الدعاوي التي تسقط مثل أوراق الخريف

لمن يهب أقل هواء

دعوه صادقة للحب

هنا :

لبىّ بريدك ومجنون بيك ... وبالفصحي بحبك

مع تحياة الحملة المضادة

شعار حملتنا قال أستيورد مرة

أي شي مهما كان لازم يكون في جانب إيجابي ومشرق

تحياتى

Post: #156
Title: Re: بكجنك وبكرهك..وبمقتك بالفصحي
Author: د.نجاة محمود
Date: 11-17-2009, 08:11 AM
Parent: #154

المابخلي القرصانة تجن شنو؟

يوم المستنيرين مشاكلين مع الضلامين

بكرة المستنيرين مشاكلين مع بعض

تاني الضلامين مع المتسنيرين
البورد عايز يطق ليه عرق ذي ما قالت شيري

اها تاني الحياة لونها بمبي انا جنبك وانت جنبي

>

Post: #161
Title: Re: بكجنك وبكرهك..وبمقتك بالفصحي
Author: مريم عبد الله
Date: 11-17-2009, 08:27 AM
Parent: #156

سارة ست البنات

الزي دا يذهب غير ماسوف عليه وتفرحي

وبعد كل صلاة تتدعي لي الله يبعدون عنك

وربنا ما يرزقك عينه كاتمين الانفاس ديل

عارفه في الناس الطبيه والناس التمام في مثل بيقول

خلى العسل في قودور لامن يجي الكريم ويدورو

الحب جميل لكن منو البتحب هو المشكله

الارتباط بين شخصين عشان يتعاونوا على الحياة وضغوطها

ما عشان يخلقوا ليهم ضغوط وتوتر باسم الحب

واحب اهديك اغنيه ماجدة الرومي دي

Post: #158
Title: Re: بكجنك وبكرهك..وبمقتك بالفصحي
Author: سارة علي
Date: 11-17-2009, 08:15 AM
Parent: #154

Quote: مع تحياة الحملة المضادة

ماااااااااااا تسمعوا كلامو..
دة طابور خامس
بيضيعكم وبيلحفكم أمات طه..

Post: #160
Title: Re: بكجنك وبكرهك..وبمقتك بالفصحي
Author: سارة علي
Date: 11-17-2009, 08:19 AM
Parent: #158

Quote: المابخلي القرصانة تجن شنو؟

يوم المستنيرين مشاكلين مع الضلامين

بكرة المستنيرين مشاكلين مع بعض

تاني الضلامين مع المتسنيرين

علي قولك يا نجاة...
والبيجنن اكتر جابت ليها حب بين ضلامين ومستنرين..

ــــــــــــــــــــــــ
ذكرتيني النخت صورة القرصان حالفة ما تنزل..

Post: #162
Title: Re: بكجنك وبكرهك..وبمقتك بالفصحي
Author: Dalal Ezzaldin
Date: 11-17-2009, 12:16 PM
Parent: #160

طيب ما هندا الطب زاتو بقول انو القلب داير رياضه
وبريضو كيف ؟؟ ما ياهو بي جنس الحب دا .. القلب ينقبض ثم يتنفض ثم يستغفر

ما سمعتي بيت الشعر البقول

انه الحب .. الحب الذي دوب القلب والاحاسيس
انه الدم المتدفق في الشرايين .. انه الحمى الساقطه .. انه انه ..
اه لو تعرفينا حبيبتي ان الرجال جميعهم اطفالو

دا سامبول من نوع كتاباتي بس احب

Post: #163
Title: Re: بكجنك وبكرهك..وبمقتك بالفصحي
Author: سارة علي
Date: 11-17-2009, 06:11 PM
Parent: #162

Quote: القلب ينقبض ثم يتنفض ثم يستغفر

هههههههههههههههههههههههههههه

داليا انتي شاربة حاجة؟؟؟

Quote: اه لو تعرفينا حبيبتي ان الرجال جميعهم اطفالو

قلتي اطفالو؟؟؟

ااااااي اطفالو
وجهالو
وثقالو كمان

Post: #164
Title: Re: بكجنك وبكرهك..وبمقتك بالفصحي
Author: سارة علي
Date: 11-17-2009, 11:58 PM
Parent: #163

عزيزي عضو سودانيز
اذا احسست بإي من الاعراض التالية الرجاء الدخول لهذا البوست لتناول الجرعة..
وليكن شعارنا درهم وقاية خير من قنطار علاج

-اذا احسست بام فريحانة ماساكاك عند رؤية الطرف الآخر..
-اذا حسيت انو ميزانيتك ضاربة من كترة شراء كروت الشحن..
-اذا مقضي الشغل كلووو نوم لانك ما نمتا الليلة القبليها بسبب السهر في النت وكلام التلفون
-اذا الناس الحولك بدوا يعلقوا ويقول ليك انتا ظريف مالك الايام دي؟؟
-اذا ناس بيتكم بيقوا يلاحظوا انك بتقشر في اللبس علي غير المعتاد

وغيرها من الاعراض ساتناولها تباعا..

Post: #165
Title: Re: بكجنك وبكرهك..وبمقتك بالفصحي
Author: طارق جبريل
Date: 11-18-2009, 00:35 AM
Parent: #164

النجيضة يا سارة:
حياة من غير نخجي وحب وجوعير وشحتفة
وحات ضُتي ماها حياة
ان ما بقيت رقدت خل واتوجعت زين في الريدة دي
اصلك ماك بني آدم ضُمة ضُمة

Post: #166
Title: Re: بكجنك وبكرهك..وبمقتك بالفصحي
Author: سارة علي
Date: 11-18-2009, 02:58 AM
Parent: #165

Quote: النجيضة يا سارة:
حياة من غير نخجي وحب وجوعير وشحتفة
وحات ضُتي ماها حياة
ان ما بقيت رقدت خل واتوجعت زين في الريدة دي
اصلك ماك بني آدم ضُمة ضُمة

طارق جبريل..
وهو منو غيرك السواها في الناس االعاملا حبيبة؟؟
انتا السبب..
بحملك كااااامل المسئولية..
من اغنية لي اغنية لي اغنية لمن الفاس وقعت في الراس..
ربنا يغفر ليك ..

Post: #167
Title: Re: بكجنك وبكرهك..وبمقتك بالفصحي
Author: سارة علي
Date: 11-18-2009, 03:05 AM
Parent: #166

عزيزي البوردابي..
هل يدور بذهنك هذا السؤال..
هل علي ان اتناول جرعة التطعيم ضد انفولنزا الحب؟؟

الاجابة بلا شك هي نعم..

الق نظرة واحدة الي حال المنبر وستوافقني الرأي

Post: #168
Title: Re: بكجنك وبكرهك..وبمقتك بالفصحي
Author: سارة علي
Date: 11-18-2009, 05:31 AM
Parent: #167

اها يا سيد

تتطعم؟؟؟

Post: #169
Title: Re: بكجنك وبكرهك..وبمقتك بالفصحي
Author: عبد الناصر الخطيب
Date: 11-18-2009, 08:45 AM
Parent: #168

Quote: النجيضة يا سارة:
حياة من غير نخجي وحب وجوعير وشحتفة
وحات ضُتي ماها حياة
ان ما بقيت رقدت خل واتوجعت زين في الريدة دي
اصلك ماك بني آدم ضُمة ضُمة

سارة على
تحية ,,

مرور لتوثيق كلام طارق جبريل الفيهو الخلاصة

وتاكيد لفشل حملتكم ودعم ومساندة للحملة المضادة

لا للتطعيم

Post: #170
Title: Re: بكجنك وبكرهك..وبمقتك بالفصحي
Author: عبد الناصر الخطيب
Date: 11-18-2009, 08:48 AM
Parent: #169

Quote: الق نظرة واحدة الي حال المنبر وستوافقني الرأي

أحلى حال ربنا يوفق الجميع ويسعدهم في حياتهم وحبهم

لا للتطعيم

البحبوا بتمني حبهم طوالى زائد
والبراهم بتمني يقابلوا تؤائم أرواحهم في أقرب وقت

ياسارة صدقيني الدنيا دي ما بتتعاش لزول يكون براهوا

تحياتي

Post: #171
Title: Re: بكجنك وبكرهك..وبمقتك بالفصحي
Author: سارة كرودى
Date: 11-18-2009, 09:04 AM
Parent: #170

Quote: عزيزي عضو سودانيز
اذا احسست بإي من الاعراض التالية الرجاء الدخول لهذا البوست لتناول الجرعة..
وليكن شعارنا درهم وقاية خير من قنطار علاج

-اذا احسست بام فريحانة ماساكاك عند رؤية الطرف الآخر..
-اذا حسيت انو ميزانيتك ضاربة من كترة شراء كروت الشحن..
-اذا مقضي الشغل كلووو نوم لانك ما نمتا الليلة القبليها بسبب السهر في النت وكلام التلفون
-اذا الناس الحولك بدوا يعلقوا ويقول ليك انتا ظريف مالك الايام دي؟؟
-اذا ناس بيتكم بيقوا يلاحظوا انك بتقشر في اللبس علي غير المعتاد

وغيرها من الاعراض ساتناولها تباعا.. ]

سارة على بتبالغى ...

انا ماجاتنى الاعراض الا خايفه العدوا ممكن نطعم ...

بالمناسبة ايقونة القلب عندى نزلة خطاء قصدى اعلااااااان ..

يعنى ماتعدينا فى تعداد الانفلونزا عدينا مشجعين مساااااطب ... كاااااااك

Post: #173
Title: Re: بكجنك وبكرهك..وبمقتك بالفصحي
Author: سارة علي
Date: 11-19-2009, 01:07 AM
Parent: #171

Quote: انا ماجاتنى الاعراض الا خايفه العدوا ممكن نطعم ...

لا ..
لا انتي يا سارة كردوي..
عاد انتي لو اخدتي التطعيم بيتك بيتخرب..
فخلينا نعتبرك شهيدة حب..

بس شجعونا كووويس من المساطب..

Post: #174
Title: Re: بكجنك وبكرهك..وبمقتك بالفصحي
Author: سارة علي
Date: 11-19-2009, 01:28 AM
Parent: #173

Quote: وتاكيد لفشل حملتكم ودعم ومساندة للحملة المضادة

يا عبد الناصر اقرأ الكلام دة

Quote: أحد المظاهر الأخرى للحب الوهمي أو الحب الكاذب هو الهروب من حياة الحاضر والعيش على اجترار قصص الماضي وذكرياته. كم من المخطوبين أو المتزوجين حديثاً يحلمون بالمستقبل السعيد، بينما هم في الوقت الحالي قد بدأ كل منهما يشعر بالملل تجاه الآخر، ولما يأت المستقبل بعد.؟ هذا التفكير في المستقبل السعيد يتفق مع الاتجاه العام الذي أصبح يميز الانسان الحديث، فالانسان المعاصر لا يعيش حاضره، إنه يجتر ذكريات الماضي ويعيش عليها بعيداً عن الحاضر، كما أنه قد يعيش على أحلام المستقبل أيضاً بعيداً عن الحاضر، وما هذا الأسلوب إلا نوع من الخداع النفسي. فالحب الوهمي هنا هو المخدر الذي يتعاطاه الناس ليهربوا من الواقع المؤلم الذي يشعرون فيه بالغربة والعزلة والانفصال.
ويكمن أحد أشكال الحب المرضي العصابي في ميكانزمات الإسقاط، أي محاولة الهرب من المشكلات الخاصة، والتركيز على أخطاء المحبوب وعلىنقاط ضعفه. ويظهر هذا الشكل في بعض الحالات التي يهرب أصحابها من ذواتهم حيث نجد أن سلوكهم يصطبغ بصفة دينية أو بصفة قومية. وفي الحقيقة فإن هؤلاء الناس لديهم درجة عالية من الحساسية حتى للأخطاء الصغيرة التي تصدر عن الآخرين، في الوقت الذي يغمضون فيه عيونهم عن أخطائهم، ونقاط ضعفهم، أو يتجاهلونها وذلك بشغل أنفسهم بإلقاء اللوم وتوجيه العتاب إلى الآخرين على ما صدر منهم، وذلك بهدف تعليمهم وتوجيههم. فإذا حدث وكان لدى شخصين نفس اهتمامات البحث عن أخطاء الآخرين، فإن علاقة الحب بينهما ستقوم على عملية نفسية هي عملية الإسقاط المتبادل.

Post: #175
Title: Re: بكجنك وبكرهك..وبمقتك بالفصحي
Author: أمين محمد سليمان
Date: 11-19-2009, 01:49 AM
Parent: #174

ساره الساره !
كنا خاشين لينا في معركه ضاريه في بوست قريب لبوستك ده ، المعركه إنتهت بتسليم اسلحتنا و تقليم أظافرنا و بقينا قاعدين ساي ما بنشكل أي خطوره علي أي زول ، ممكن نجي نتكي في بوستك ده ، إستراحه محارب و كده ؟! ؟!

Post: #176
Title: Re: بكجنك وبكرهك..وبمقتك بالفصحي
Author: Elawad Eltayeb
Date: 11-19-2009, 02:07 AM
Parent: #174

يا سرورة ما تقودي المعارضة دي ساكت بكرة دي نشوفك في بوست معلق في الصفحة الأولى وتقومي تضاري. دحين أسمعى كلام أخوانك الختوا ليك الأغاني السمحة دي وأقعدي أحفظي فيها عشان بعدين ما تجي تفتشي لي بوستات الرومانسية بعد ما يغني ليك الكابلي.. أسألي مجرب. الموضوع ده ما بالييد... وكلوا ما كان الزول صعب كانت وقعتوا شينة .... دلدرب. دحين خلي عندك خط رجعة، بعدين ما تقولي ما قلنا ليك

بعدين إنتي ما شفتى الناس الفصاح القبلك هسي حالتن تحنن دايرين يخشوا الروضة عديل الكلام طار ليهم

Post: #177
Title: Re: بكجنك وبكرهك..وبمقتك بالفصحي
Author: Elawad Eltayeb
Date: 11-19-2009, 02:15 AM
Parent: #176

الهدية ليكم يا شباب: أغنية الكابلي:

حبيبة قلبي تفشى الخبر

حبيبة قلبي تفشى الخبر وذاع وعم القرى والحضر
وكنت أقمت عليه الحصون وخبأته من فضول البشر
صنعت له من فؤادي المهاد ووسدته كبدي المنفطر
ومن نور عيني نسجت الدثار ووشجته بنفيس الدرر
ومن حوله كم شددت الضلوع فنام غريرا شديد الخفر
ولكن برغمي تفشى الخبر وذاع وعم القرى والحضر

حبيبة قلبي وهل كان ذنبي إذا كنت يوما نسيت الحذر
وفي ذات يوم شحيح النسيم كثير الغيوم طويل الضجر
ذكرت حديثك ذاك الخجول وصوتك ينساب منه الخفر
تقولين ماذا تقولين ويحي وهل كنت أفهم حرفا يمر
فصوتك كان يهدهد روحي ويحملني بجناح أغر
يحلق بي حيث لا أمنيات تخيب ولا كائنات تمر

وهومت حتى تبدي أمامي ظلام رهيب كثيف الستر
وقفت عليه أدق الجدار فما لان هونا ولم ينشطر
وعدت تذكرت أن هواك حرام علي قلبي المنكسر
وما كنت انوي اقول الكثير ولكن برغمي تفشي الخبر
وعم القصيدة ما كنت أخي وضمحها بشذاك العطر
حبيبة قلبي وهل كان ذنبي اذا كنت يوما نسيت الحذر

Post: #178
Title: Re: بكجنك وبكرهك..وبمقتك بالفصحي
Author: Dr. Salah Albashier
Date: 11-21-2009, 04:53 AM
Parent: #1

الأخت سارة:
لك التحية والتجلة،
قيل فيه " الحب جنةٌ لا تطاق ونارٌ يصعب البعد عنها" وقيل في العيون الهائمة "نعسانة تجنن وهيمانة تحنن" وابتكر البريطانيون كلمة الحب من أصل أربع كلمات هي :

L= life
O= optimism
V= vitality
E= Eagerness

تحبي نشوف بقية ألسنة البشر قالت أيه
لك موفور الحب والإحترام
د. صلاح البشير