Post: #1
Title: يا ولد خليك زي ابوك ..كده عيب!!
Author: عمر الفاروق
Date: 11-16-2009, 05:23 AM
الولد ما طالع لي ابوهو ..يركز بي درجة عالية جداً مع صوت فيروز ..يكون بيبكي يسمع صوت فيروز وهو بتقول ستي يا ستي صنننن يصن ويسكت ويبدا يفتش الصوت ..يكون بيلعب يسمع صوت فيروز وستي يا ستي يوقف اللعب ويقعد يسمع لحدددي ما تنتهي الاغنية ..قدر ما حاولت اسوقو لي مدرسة الفاروق الغنائية غلبني ..شغلت ليهو نفيسة مقشاشة ولاااا شغال بي ..سمعتو ورا ورا ورا للاستاذة عرفة فرن غايتو جاملني نط ليهو نطتين كده وضحكة وحبيااان على الريموت ..سمعتو صوت بثينة سمك وبرضو ما نفع ..
فيروز وتحديداً ستي يا ستي بتخلي الولد ده في حالة صمت رهيب وحنية مدفقة بتسوقنا معاهو لي حبوباتو هناك ..
|
Post: #2
Title: Re: يا ولد خليك زي ابوك ..كده عيب!!
Author: عمر الفاروق
Date: 11-16-2009, 05:33 AM
Parent: #1
كما ولا يفوتني أن أدعو زميلتنا بالمنتدى منــال لو لسة البرد شغال تبقا زي موودي ولدي ده وتحب الأغنية دي وتركز معاها وتصصصصن كل ما تسمعا :
بذكر الليالي الطويلة وانا طفلة بالزمان..
قصص الشتاء يحكيلي صوتك اللي كللو امان..
طبعا يا منال مع اختلاف انو قصص الشتاء مودي ولدي بتحكيها ليهو حبوبتو وكده :)
|
Post: #3
Title: Re: يا ولد خليك زي ابوك ..كده عيب!!
Author: عمر الفاروق
Date: 11-16-2009, 05:39 AM
Parent: #2
هدية خاصة لي الحبوبة وناس يمة ..
ياريت تصلهم مع إنو حبوبة قليصة ممكن عادي جداً تكون بتقرا سودانيز اون لاين وما بعيد تكون بتكتب معانا هنا لكن يا حليلا يمة غايتو الا تسمعا بعد نشرة ستة ونص..
السلام اماااااانة تصلكم يا ستي ..
|
Post: #4
Title: Re: يا ولد خليك زي ابوك ..كده عيب!!
Author: زول ساكت
Date: 11-16-2009, 06:19 AM
Parent: #3
الغريب انو ابوهو يادوب مشى الروضة
زمن عجيب خلاس
|
Post: #5
Title: Re: يا ولد خليك زي ابوك ..كده عيب!!
Author: العوض المسلمي
Date: 11-16-2009, 07:29 AM
Parent: #4
من شابه كنكوج ابوه فقد ظلم " بضم الظاء "
تحياتي يا فاروق ..
|
Post: #6
Title: Re: يا ولد خليك زي ابوك ..كده عيب!!
Author: عمر الفاروق
Date: 11-16-2009, 08:56 AM
Parent: #5
زولنا الما ساكت:
الواحد زمان كان من الروضة للمدرسة...
أسة ودونا الروضة وللمطار..
غايتو كويس إنو ما بعيد ومجهزين شنطنا..:)
|
Post: #7
Title: Re: يا ولد خليك زي ابوك ..كده عيب!!
Author: عمر الفاروق
Date: 11-16-2009, 09:07 AM
Parent: #6
المسلمي عوض:
ياخ ما تتعب نفسك خلي لي التشكيل ده انا وبي مزاجي اشكل :)
تسلم يا حبوب..
|
Post: #8
Title: Re: يا ولد خليك زي ابوك ..كده عيب!!
Author: فيصل نوبي
Date: 11-16-2009, 09:12 AM
Parent: #7
يعني هسي يا عمر ولد بدر الدين الأمير يكون بيسكت بكرفته ولا سيجار؟
و ولد دكتور معز بخيت بيسكت بشنو ؟ ( أوعكـ تقول لي شروق ) القالت عمر الفاروق ده منو !!
و ولد نوبي (موودي) الا تسكتو شمائل غايتو 
إتخيل معاكـ ولد منال دي يكون بيسكت بشنو !!
_
ربنا يحفظ (موودي) و أمه و أبوه و يبعدهم من مدرسة الهابط و شروق !
|
Post: #9
Title: Re: يا ولد خليك زي ابوك ..كده عيب!!
Author: وليد محمد المبارك
Date: 11-16-2009, 09:18 AM
Parent: #8
يا عمر
جاي السودان بتين
عاوز اهديك عجله
هاهاهاهاهاهاهاهاهاهاهاهاها
هاهاهاهاهاهاهاههاهاها
|
Post: #10
Title: Re: يا ولد خليك زي ابوك ..كده عيب!!
Author: عمر الفاروق
Date: 11-16-2009, 09:27 AM
Parent: #9
نوبي يا كاو بوي:
ياخوي والله ولدك ده تلحق توريهو شمايل ياهو الفتحو ليك بيت بكا وتجيب ليها هلاوييس بالليل ونبقا في يا بابا البعاااتي جاااني ..
| Quote: إتخيل معاكـ ولد منال دي يكون بيسكت بشنو !! |
والله منال زاااتا صعبتا شوية عشان كده الا توديهو جنينة الحيوانات هناك بيلقا الكدايس والمهرات والحصين ..
| Quote: و يبعدهم من مدرسة الهابط و شروق ! |
شغال لي في مشروع تنويم موودي عن طريق سماع شروق والمشروع ماشي كويس جداً بس خليهو لمن يبتدي يفهم الكلام عشان تاني اقول ليهو هوووي يا ولد تنوم ولا اشغل ليك شريط شروق؟
|
Post: #11
Title: Re: يا ولد خليك زي ابوك ..كده عيب!!
Author: عمر الفاروق
Date: 11-16-2009, 09:29 AM
Parent: #9
Quote: يا عمر
جاي السودان بتين
عاوز اهديك عجله |
الحقني بي مقاس الخروف .. :)
تخريمة :
سمعت اخبار كويسة قالوا السودان فيهو برد طن
|
Post: #12
Title: Re: يا ولد خليك زي ابوك ..كده عيب!!
Author: عمر الفاروق
Date: 11-16-2009, 09:34 AM
Parent: #11
بالمناسبة يا وليد ركز مع الأغنية دي كويس فيروز بتقول فيها :
شو هم الفستان أوولي للعروسة انتي الزينة وإنتي العز ..
بالله الكلام ده وصلو للأمورات الصغار عشان عااارفهم شنافين زي أمهم
|
Post: #15
Title: Re: يا ولد خليك زي ابوك ..كده عيب!!
Author: وليد محمد المبارك
Date: 11-16-2009, 10:44 AM
Parent: #12
والله يا عمر امهم شنافة جنس شناف
لكن هدمكم عجبوها جنس عجب
قبل كم يوم قالت لي نشتري هدوم العيد
قلت ليها عمر مرسل نستنا هدومه ونتم عليها
قالت لي المغربين ما بعرفوا يشتروا
حا يجيبوها ليك شييييييييييينة
امبارح لسانا انقطع
قالت لي عمر ده زوقوا عالي
هاهاهاهاهاهاهاهاهاهاهاها
قلت لي حي انا
الما بعرفوا يشتروا المغتربين اخوانك
انا مغتربني شرايين
بعدين انا اقول ليك هدية عجلة وعشمان تكبر وتبقى عرية
زي الشبط البقى سته لبسات
هاهاهاهاهاهاهاهاهاهاهاهاهاهاها
هاهاهاهاهاهاهاهاهاها
|
Post: #13
Title: Re: يا ولد خليك زي ابوك ..كده عيب!!
Author: حيدر حسن ميرغني
Date: 11-16-2009, 09:38 AM
Parent: #11
إتبنًاه ياعمر
سوبر استار قاعدة لي شنو
|
Post: #14
Title: Re: يا ولد خليك زي ابوك ..كده عيب!!
Author: عمر الفاروق
Date: 11-16-2009, 09:42 AM
Parent: #13
حيدرا:
ياخ اقول ليك ولدي تقول لي اتبناه؟
تخريمة :
لالالالا يا اخوي الولد ده انا متبنيهو لي الكورة طرف شمال ولا حارس مرمى ..كان يلحق يجنسنا قطري ولا امريكي ايهما أسهل
|
Post: #16
Title: Re: يا ولد خليك زي ابوك ..كده عيب!!
Author: عاطف عمر
Date: 11-16-2009, 11:27 AM
Parent: #1
الغنا ساهل
الخوف يطلع ليك مريخابي
__________________
شوفتا يا عمر عينك حارة كيف ؟؟
وقعت في ( قوارير ) المنبر نجوم وكوكب .. نجوم وكواكب
قام طاااخ إتخطبوا منهم إتنين
وتحت تحت
في تلاتة في إبرام اللمسات الأخيرة لإعلان الخبر
" حلوة إبرام اللمسات الأخيرة "
مش كدا ؟؟
|
Post: #17
Title: Re: يا ولد خليك زي ابوك ..كده عيب!!
Author: أميرة فاروق عبد العال
Date: 11-16-2009, 11:33 AM
Parent: #16
سلام لي الله يا عمر يا حبوب..
وشوق كمية كده..
|
Post: #20
Title: Re: يا ولد خليك زي ابوك ..كده عيب!!
Author: طلحة عبدالله
Date: 11-16-2009, 11:40 AM
Parent: #17
عمر اللايوق
الليلة ذكرتني واحد صاحبي الله يطراهو بالخير محل ما طاب ليهو
المقام في فيس بوك واللا غرف شات ودردشة
اها الزول دا مواضيعو دائما إتقالت قبل كدا
كما إنها مكررة وممجوجة .
|
Post: #21
Title: Re: يا ولد خليك زي ابوك ..كده عيب!!
Author: معتصم الطاهر
Date: 11-16-2009, 11:44 AM
Parent: #17
عمر
نرحب بعودتك
و شكرا للاغنية .. تنم عن ذوق ..
ومودى بسنينات اللبن يدخل عالم دخله الآخرون بعد سقوط ضروس العقل ..
|
Post: #18
Title: Re: يا ولد خليك زي ابوك ..كده عيب!!
Author: عمر الفاروق
Date: 11-16-2009, 11:38 AM
Parent: #16
عاطف يا عمر:
الكوكب كوكب مهما يلف ومهما يتخطب مااا حا يطلع من فلك مجموعته الشمسية وحا يظل كوكب
| Quote: الخوف يطلع ليك مريخابي |
تعرف انا الحاجة دي ولاااااا بهظر فيها ولااا بسمع ليك فيها حنك ديموقراطية وخلي الولد على كيفو و و و و..طوول ما انا حي وربنا مادي في العمر الحاجة دي مستحيييل تحصل يعني انا ممكن اخليهو يسمع شروق لكن مريخابي دي صععبتها شديد..
| Quote: في تلاتة في إبرام اللمسات الأخيرة لإعلان الخبر |
لو كواكب قول ليهن ما تتعبن روحكن وتضيعن وقتكن في الإبرام وقعوا العقد وانتو مغمضيين ..إلا كان نجمات فياخ ليهن بس كمان مبروم مع مبروم ما بيظبط
|
Post: #19
Title: Re: يا ولد خليك زي ابوك ..كده عيب!!
Author: حيدر حسن ميرغني
Date: 11-16-2009, 11:39 AM
Parent: #16
ود الفاروق
اتبناني فنيا بالله
بعزف عــــود صــــح
وبغني لنجاة الصغيرة كمان
| Quote: في تلاتة في إبرام اللمسات الأخيرة لإعلان الخبر |
عاطفنا
انا بعرف واحد فيهم
خبر حايكون قنبلة عديل
|
Post: #23
Title: Re: يا ولد خليك زي ابوك ..كده عيب!!
Author: عمر الفاروق
Date: 11-16-2009, 11:51 AM
Parent: #19
أووووو طلحة يا عممممممممممك:
اين موقعك من الإعراب بين يا جزاير ومصر ال(شغيغة)..
والله فعلاً ياخ انا من ناحية ممجوج فممجوج خالص ومكرر أوي لكن ما تشوفني كده والله بعرف :)
|
Post: #22
Title: Re: يا ولد خليك زي ابوك ..كده عيب!!
Author: لؤى
Date: 11-16-2009, 11:47 AM
Parent: #1
|
Post: #24
Title: Re: يا ولد خليك زي ابوك ..كده عيب!!
Author: ابو جهينة
Date: 11-16-2009, 12:14 PM
Parent: #22
عمر
| Quote: فيروز وتحديداً ستي يا ستي بتخلي الولد ده في حالة صمت رهيب وحنية مدفقة بتسوقنا معاهو لي حبوباتو هناك .. |
الكنكوج لا دخل له بهذه الحالة
الولد دة في جيناتو الوراثية من ناحية ( الأب ) ... حتكون عندو حالات مشاترة من فترة لأخرى ...فكلما يتذكر حبوباتو حيقوم يصمت و يدخل في حالة بيات حنية ثم يخرج منها بمشاترة ..
لذا أنصح أمه المحترمة بأن تبعد أي شيء يمت لفيروز بأي صلة .. حتى أي أغنية فيها كلمة ست ( مثال حني حني علي أنا يا ستي .. )
عمر كيفك
|
Post: #25
Title: Re: يا ولد خليك زي ابوك ..كده عيب!!
Author: Mayada
Date: 11-16-2009, 12:44 PM
Parent: #24
اذا ديل كدة، نان حفيد صديق الموج يهضرب بمنو (وش خبييييث)...
ست البنيـــــــــــــات
|
Post: #26
Title: Re: يا ولد خليك زي ابوك ..كده عيب!!
Author: عمر الفاروق
Date: 11-17-2009, 05:37 AM
Parent: #25
أميرة يا متعال:
الحي بيك يا ستي :)
طبعا يا ستي دي ما تقومي تفهميها لي غلط وتقولي قلت ليك يا حبوبة :)
عاملة شنو في شنو بالنسبة لي اي شي في اي شي ..
اها ما بقيتو تلاتة ؟
والله السؤال ده جا فجأة في راسي وبقا من نصيبك ..
الباشمهندس معتصم :
تسلم انت يا راقي بما انك فرزت الحاجات الراقية ..وبعدين ياخ اهو انا مثال حي ضرس العقل وقع ولسة ساكي ناس اماني حواجب ورقية بشتنة ..
ابو اللول:
دحين انت متأكد الزول ده طفل ولا قزم عشان ما يتلخبت علينا الاختساس يعني..:)
|
Post: #27
Title: Re: يا ولد خليك زي ابوك ..كده عيب!!
Author: عمر الفاروق
Date: 11-17-2009, 11:18 AM
Parent: #26
والله يا ريس الولد حا يطلع منفصم ..
أمو شغالة ليهو إقرأ والمجد والرسالة وابوهو من يجي داخل يشبكو ليك كورة وغنا ..
غايتو بي الطريقة دي شكلو كده حا يبقا زول ساهور سااااااااااي ويبقا لينا واحد من نسايم ساهور :)
..
اخبارك يا ريس عملت لينا شنو في موضوع تنادينا ؟ أووعو تنادوني
|
Post: #29
Title: Re: يا ولد خليك زي ابوك ..كده عيب!!
Author: Faris Mohamed
Date: 11-17-2009, 11:42 AM
Parent: #27
سلام يا عمر الفاروق
والله يا عمر الفاروق لو شفت نسايم ساهور ديل تستغرب أعمامك كباااااااااااااااااااااااار وقال نسايم قال
يا أخوى أبعد ولدك من الجلاكين ديل أقول ليك حاجة وديهو نجوم الغد ياخ
|
Post: #28
Title: Re: يا ولد خليك زي ابوك ..كده عيب!!
Author: عمر الفاروق
Date: 11-17-2009, 11:26 AM
Parent: #26
ام البنيات :
كدي أول شي عملتوا لينا شنو في موضوع ولدنا بما إنو البورد الايام دي ماسكاهو ام فريحانة وبتكم نجمة ولسة ما بقت كوكب :) ؟
ولدنا والله وجييهوني ما بيشبه ابوهو .. وأهو بيسمع فيروز كمان وما بيسف أها تاني شنو ليكم ؟
|
Post: #30
Title: Re: يا ولد خليك زي ابوك ..كده عيب!!
Author: عمر الفاروق
Date: 11-17-2009, 11:55 AM
Parent: #28
| Quote: والله يا عمر الفاروق لو شفت نسايم ساهور ديل تستغرب أعمامك كباااااااااااااااااااااااار وقال نسايم قال |
لالالالا أبششششششرك ..شوفتهم يا اخوي ديل عواصف عدييييييل كده ..
|
|