وتانى مبروك لبوردابيه أخرى يابكرى والله حقو تشتغل مأذون

عجبنى جدا للزول الجميل علاء والعزيز سفيان وعروساتم ربنا يهنيهم ويتم ليهم على خير ويكفيهم شر النقه والعين
الواحدووالله مبسوط شديد انو ما قادر يحدد هل يبقى من اهل العرسان او اهل العروسات لكن للضمان كدا نرمى القرعه والبجيبو الله سمح
اقتراح
تانى اى زول يحب ليهو واحدة من حوشنا دا لازم يدفع حاجه يعنى رسوم ماهو مافى حاجه مجان ودى ما اى حاجه
بعدين عندى سوال الناس ديل بتلاقو وين وكيف هل بتلاقو فى االبوستات العاديه دى والله فى بوستات سريه نوعنا داآبشوفا مش فى قانون بقول ممنوع
منعا باتا استخدام المسنجرالاغراض سخصيه
ياخى انالالافى لى سبعه سنه وطقطاقه ما قدرتا ارسل مسنجر داخلى وحتى لمن
الاقى واحده من بنات البوردبتكبكب وبغلبنى الكلام مع انى سليط بالله ياناس
الحنك ادونا لزه
كم عرس تمو فى المنبر ربنا يجعل ذلك فى ميزان حسنات بكور ويوعدنا بالبوردابيه الفيها النصيب
صنفره لى ناس الشمارات
فى بوردابيه برضو اتخطبت الاسبوع الفات والله ضربت ليها مية مرة عشان استاذن منها انزليها بوسط تهنيه ونخلى زميلاتا وزملائها يشاركوها الفرحه
لكن شكلها مشغوله ومابقدر افت الشمار بدون اذن خصوصا والعريس مابوردابى
لكنهازولا جميله ومحبوبه جدا من كل البورد وهى تحب الجميع وتحترم الكل
تغشيشه
العروسه تشتهر بلون واحد من البوستات التى نالت اعجاب الجميع
الف مبروك يا زوله يا راقيه وربنا يسعدكم ويهنيكم ويتم ليكم على الف خير

ألف مبروكـ للبوردابية الجميلة والمحبوبة دي!












النجيضة يا عمكـ
فتّ اللعب ياخ!
خلينا نباركـ ونهني وننبهل!

ود الصايم قالو الخرتوم منورا بيك واحد من ناس الشمارات ظهروا
ياخى انت آآبتنوم آزول المهم يازول انك تكون مستمتع بالشمار اوبس .... اقصد الاجازه والله اول ما القى الكنفرميشن تعرف
لك المحبه ياجميل بالله ماعندك تلفون ودالبشرى نكفرلو

اهايا ود الجعلي


اي واحدة تعجبك تكلمني انا ولا دومة

نمشي نخطبها ليك طوالي...
مادام بتخاف...


اماتك الاسفيريات قاعدات لشنو؟

انابعرف عدد اتزوجن من البورد دا ولم يعلنن زواجهن

بس اختفن اختفاء تام..

يا دكتورتنا الحبيبه والله لى عظيم الشرف انك او حبوبه دوما تكونو أمهات وأخوات عزيزات وهدى يدى على كتفك على اسمح بوردابيه وممكن كمان تكون مابوردابيه لكن لو مابوردابيه لازم تشاورونى اما اذاكانت بوردابيه والفى بالى شاورونى بعد العقد
مع كل الود والمحبه

ود الجيلي يا مسكين
بالله قلت لي السنين دي كلها ما استلمت مسانجر؟؟!!

واوعك تمسع كلام خالتك بيان دي عايزه توديك التوج
لازم تكيس في الاول وتستمع بالحب ثم تتورط بالزواج
لكن ناس امسك لي واقطع لك دي اوعك منها.


وبعدين ما تكوس للسماحه الخارجيه
وركز على الدواخل!اصلا الزمن ده الخارجي ده كله مزور.


افتح لك بوستات شعر وحبكانات وبارك حتوشف الجكس ينزل هبرطش

واهم حاجه تكتب ايميلك في البروفايل وتلفونك عشان تشرك للجكس
الخارجي......القارئات لو العضوات عنقدن.

وثانيا تخت لك صوره حقيقه مش متعاطف مع منو ما بعرف
ومتضامن مع منو؟؟؟؟


وبعدها تتكل على الله!

الزعيمه تراجى تحياتى وحمدلله على سلامتك قلت لى الحنك الا بالشعر والحاجات المابعرفلها يعنى مافى واحده كدا لله فى لله كدا
تعرفى ياتراجى كنت بتكلم مع الحاجه يوم الجمعه قالت لى ياولدى حكايتك شنو وحدك وين قلتليها والله ياحاجه جاهز يدى على كتفك متي ماتلقى لى حاجه مناسبه بجيك طاير قالت لى برى يا يابا كفايه هبويه لسه زعلانه انك فوتها هبويه دى امها صاحبة امى خطبتالى لما اتخرجت من الجامعه سنة تمانيه وتسعين وكانت فى الثانوى العام وابيت وبهزار قلت لى امى اوكى مشت وكلمت صاحبتا ونسقت وجاتنى بعد فتره كم شهر اها اهل البت ديل جاين اجازه ودايرين نسوى ليك العرس قلت ليها يااامى اناااحتمال كبير اسافر قبال الجمعه الجايه اانازاتو كنتت بهزر ياحاجه المهم من ديك لى هسى رافعه يدهامنى اها باقيلك اقبل على وين
والله سعيد اشوفك رجعتى اقوى واعند ولك ودى يا عزيزه

Quote: واوعك تمسع كلام خالتك بيان دي عايزه توديك التوج لازم تكيس في الاول وتستمع بالحب ثم تتورط بالزواج لكن ناس امسك لي واقطع لك دي اوعك منها.

تراجي زمان كان الناس بتكيس وتعرس
اسع افضل زواج الانطباعي
من اللحظة الاولى طوالي يابت بتدوري عرس ولا بفتح الله

الواحد يكيس يعدين عيد ميلادي ما عيد ميلادي وعيد الام فالنتاين..
ومضيعة زمن فارغة..بعداك يكون في صف من ناس الرف

اها واد الجعلي دا ماعنده اخلاق للكلام دا

وزايغ ليه 10 سنة لازم امسك لي واقطع ليك والكمدة والرمدة

يجيب قفة خدارو وخشمو كارس


شايف يا ود الجعلي تراجي دي سودان قديم شديد
ما تسمع كلامها..

طيب يا دكتوره تراجى دى لمن تكون سودان قديم ليه تعبانه ونفسا قايم فى بناء السودان الجديد انا ماعندى مانع اجكس لكن بقلب منو ياخى انا لمن القى الشبشب حق بكرى اللخدر داك البقولك عندك رساله جديده للصباح قلبى بكون بدق حتى لو كانت من ودالصايم
ا اسمعى يادكتره ماليزيا دى مافوقا حاجه منقوشه كدا نحصل معاها العيد داوينوبك سواب

بنات الزمن ده يا بيان
يا عيني عليهم وين لاقين الزول الجادي
البقول لها يا زوله بتدوري العرس ولا يفتح الله؟؟؟

Quote: تراجي زمان كان الناس بتكيس وتعرس اسع افضل زواج الانطباعي من اللحظة الاولى طوالي يابت بتدوري عرس ولا بفتح الله الواحد يكيس يعدين عيد ميلادي ما عيد ميلادي وعيد الام فالنتاين.. ومضيعة زمن فارغة..بعداك يكون في صف من ناس الرف اها واد الجعلي دا ماعنده اخلاق للكلام دا وزايغ ليه 10 سنة لازم امسك لي واقطع ليك والكمدة والرمدة يجيب قفة خدارو وخشمو كارس شايف يا ود الجعلي تراجي دي سودان قديم شديد ما تسمع كلامها..

يختي ود الجيلي ده حسه جاهز مافي زول بيخته في الرف

الا كمان حرام معقوله...بعد السنين دي كلها وما يشبع حب الاول؟؟؟

شوف يا ود الجيلي

انت حدد اولا

زلاميه ولا مستنيره عشان نوريك كيمان في البورد

اها انا برشح لك بعد اعرف انت شايت لوين

والا فساسلمك لبيان

ومن سالته من ماليزيا دي يبقى انت ظلامي(ههههههه)

Quote: ا اسمعى يادكتره ماليزيا دى مافوقا حاجه منقوشه كدا نحصل معاها العيد داوينوبك سواب

اها قلت شنو؟؟؟

بلاي انتا ظهرتا يا ود القلع؟

الف مبروك للبورادبية وعقبال باقي البوردابيات والبورداب وانت ياسيد البوست

وخد مني نصحية
الزول البقعد يفكر كتير وينظر كتير بيقع وقعة ما حد سمى عليهو فيها

كلامك صاح يا SHIBKA

Quote: وخد مني نصحية الزول البقعد يفكر كتير وينظر كتير بيقع وقعة ما حد سمى عليهو فيها

اياك و التنظير.


كدي ياSHIBKA فانتابع وقعة دينا خالدشكلها منظراتيه درجه اولى(هههههه)

والله ياتراجى بيان دى الخير والبركه بعدين ياخى انا والله م ظلامى لكن ماعندى مجال عشان افكر اى حاجه بعدين الظلاميات خشم بيوت كدى ا نتى شوتى وربك يقدر

شبكه يااحلى شبكه والله ماسواها فى اخوك الا التنظير لكن اعمل شنو ربنا خلقنى كده دايره تقنعينى انو ربنا ماخلق منظراتيات والله العظيم خلق علا بس قسمه ماف
بعدين ياشبكه انا منظراتى انتى مالك لوووووول

ساره انتى لسه شايله فى بالك ياخى حقك على والله متأسف انى زعلتك وامسحيها لى فوق وشى القبيح دا والله المابعرفك يجهلك وخليك احسن منى مع انى متأكد من ذلك وبضو من حقك ترفضى اعتزارى لكن برضو حاعيدو تانى ولك العتبى حتى ترضين ياخى ربنا بغفر
لك ودى

مبروك للبوردابية / الجميلة
.
.
.
.
.
أخمن ولا مافي داعي

أها لو ما كانت دي ( ....) حا تكون دي (.....)
عرفتها بس ما بفت الشمار

اكذب عليك لو قلتا ليك ما زعلتا منك؟؟
وحياة ابوي الموضوع كلو كان برنامج ولا ختيتو جد..
لكن مداخلتك حرقتني حرقة..
اتغظتا منك غيظة..
لكن مسامحاك ..لانو حتكون فوقك الملائكة..
ـــــــــــــــــــــــــــ
ما تاخد في بالك الموضوع في لحظتو انتهي

ثم اصلا ما بقدر اشاكلك وانتا مركب لي صورة ود عمي في بروفايلك..

ودالجعلي كيفك؟
من زمان كلمتك قلت ليك شد حيلك يا نسيبنا وما سمعت كلامي !!
تاني بقول الفرصة قدامك ما تضيعها ,,

مبروك للبوردابية قبل الاعلان الرسمي وبعده ..
بعدين ياخ معقول عمرك ده كله لافي ساي .. أشك في ذلك !!
ياخ مافي زمن .. شد حيلك وحصل الركب ..

Quote: بلاي انتا ظهرتا يا ود القلع؟

شوف الكبكبة دي لووووووول


اها يا سارة لقيت فيك فرصة .. ود الجعلي ود الجعلي ..


كيفك يا عابد مشتاقين والله ..


طالما لموا فيك اماتك ديل خلاص الموضوع اجيه تب ههههههه

ما كبكبة ولا حاجة يا نعوم
من زمان عارفاه ودالجعلي..
ود القلع دي عشان مغيوظة منو الف,,
لانو يوم جا داخل علي في بوست ..فلع وقلع لمن فتر..
متذكراه صاح..؟؟
المهم...
انتي كيفك؟؟

الف مبروك للبورادبية
وربنا يديم افراحكم

حسن مضوى ياخى انت والله شفت بالله كيف عرفت انا من زمان عارف راسك دا مليان حكم

تعرفى ييا ساره السبب الخلانى اغلط عليك وازعلك شنو ما عارفو لكن عارف حاجه واحده انك زوله بت اصول وبت قبايل والدليل قبولك للاعتزار رغم زعلك ولو ود البشرى ودعمك والله لوففى طريقه اختلى صوره تانى
برضو بشكرك بحراره مره تانه وادام الله الموده

تعرف يا ابو النسب والزعيم العوض المسلمى الراجل اخوكم الشرفتونا بيهو والله لو اختى دى ما اتزوجتو ما كنت عارف كانت حتلاقى منو ياخىووالله دا راجل بمليون راجل والله يالعوض انه الشرف والكرمواالشهامه تمشى على رجلين لكن لا عجب فجدو الكباشى وكفى
لك الحب كله اخى العوض المسلمى والتحيه عبرك لجميع ال الكباشى

بالله يا ود الجعلي # اربعة ,انت لاسع ما حسمت الموضوع دا ؟ والله انا قايلك زمان انتهيت منه . ياخي من الفين و 3 انا قايلك انتهيت من المنظر دا , ربنا يديك بت الحلال يا عمك , والله دا اهدار للعمر ياخي مافي اجمل من الزواج وكل الايام البتمر بدون زواج ايام غير محسوبة من حياتك , اسالني انا ياخ

صالح عبدو لك الود كله وانت من اوائل الناس السعو فى الموضوع دا اشكر مرورك يازول يارراقى

تذكر يا اساسى يادفعه لمن زمان نزلت بوست كبيت فيهو الجرسه وقلت ليكم داير عروس سنة الفين وتلاته اها الوكت داك بعد البوست بى اسبوع اتعرفت بواحده من اجمل خلق الله الذين ماخلقهم الله الا لاذانا المهم كانت حاجه جميله وكان مفروض يتم الزواج سنة الفين واربعه لكن والله العظيم ما ضيعهها الا بالتنظير كما اسلفت اختنا شبكه والله لى هسى ندمان وسافى التراااااااب لكن ادى الله واااادى حكمتو ومالينا فى الطيب نصيب
انت طلعت اشفت منى لكن ماهديتنى ياخى
شكرن لى مرورك ياشفيف

الاستاذه عفاف الصادق شكرالى مرورك لكم اسعدنى بعدين برضو يديك معانا
مع ودى الاكيد

نعومه صاحبتى كيفك والله مشتاقين شديد بعدين ياخ سروره دى ماتقيفى ليها فى حلقا دى زولا اكرمت اخوك الصغير الهو ا انا تحياتى ليك ولكل ناس البلد وسلمى لى على اشراقه

ياخي دا بوست جميل شديد
مبروك للبوردابيه المخطوبه - لكن هسي خلونا منها .. خلاص اتخارجت
خلونا مع تراجي وبيان ديل ... ديل شجر فيهو الصمغ
ومادم جبتو سيرة العرس من هنا ماطلع
امشي اقضي باقي اموري وارجع ليكم



ما ارجع ألقاك عرسته يا ود الجعلي

تعرف يانوفل لو لمن تجى راجع تلاقينى عريس دى الاتكون ماشى الواغ الواغ بعدين تراجى وبيان ديل الليل والقمرا ضدين واجتمعو كل واحدة اسمح من التانيه ان هار اوون وييي
اشكر مرورك الكريم

Quote: لكن عارف حاجه واحده انك زوله بت اصول وبت قبايل

يا ود يا جعلي انت اكتر من كده داير شنو

يلا اتلحلح وخلينا نبارك مع قبايل العيد دي

الكمده بالرمده ذي ما قالت بيان

تحياتي واحترامي

يانزار ياخى ساره دى لسه بتكون زهجانه منى عشان كده مابضمن خطوات مفاجئه زى دى بعدين انا دايما بمدكرعينى قدر لحافى
شكرن لمرورك يادكتونا الوجيه

الف مبروك وربنا يتمم على خير ويسعدم ويهنيهم
تسلم يارب ....

ماجده بت الخليفه عوض خوجلى ربنا يفتحها فى وشك محل ماتقبلى ياعزيزه

Quote: افتح لك بوستات شعر وحبكانات وبارك حتوشف الجكس ينزل هبرطش

ومزيقة
اومزيكا
اوموسيقى كمان يا عمك والله ا تكون شغال رد ماسنجرات وبس
اسال اخوك فاهم القصة كويس وعامل ميت لكن قلت اديك شوية من خبرتى
مش لاعب الكورة لامن يعتزل بيدى خبرتة للقادم الجديد اها انا قربت اعتزل

وبس ... او ولا كـــــيف


قاسم المهداوى

يا مهداوى كيفك والله نصيحتك سمحة لكن اخوك ماعندو ضهر للصنغير الكتير ومصاقرة البنات قبلى فتره دخلتا السفاره الامريكيه فى دوله عربيه شقيقه شفتا لى واحده سودانيه لكن لمارجعت سالت قالو لى شغاله فى السفاره وكان تانى يوم كان اجازه تالت يوم سافرت لى هسى خشمى ملح ملح
يامهداوى بعد كعة الخرطوم دى الله يستر عليكم واهلكم لكن للضمان كده اتخارجلك اجازه شهرين تلاته وقول ودالجعلى ضرانى
مع ودى