Post: #1
Title: اشرف الكاردينال ورساله للمصريين من العيار الثقيل لاختيارهم السودان ؟؟؟؟؟؟؟؟؟؟؟
Author: Sidgi mattar
Date: 11-15-2009, 10:26 PM
Parent: #0
قام الاخ اشرف الكاردينال بعمل فيه كثير من المعانى التى يجب النظر لها
شراء عدد 20 الف تذكره للمشجعين المصريين والسودانيين مجانا لها معانى كثيره
اشياء كثيره جعلت الاخ اشرف القيام بتلك الخطوه
|
Post: #2
Title: Re: اشرف الكاردينال ورساله للمصريين من العيار الثقيل لاختيارهم السودان ؟؟؟؟؟؟؟؟؟؟؟
Author: Sidgi mattar
Date: 11-15-2009, 10:39 PM
Parent: #1
كلنا دهشنا بالدرس المجانى لحب الوطن الوطنيه التى تحلى بها الشعب المصرى فى وقوفه
مع فريقه للحصول على بطاقة تمثيل مصر فى كاس العالم بجنوب افريقيا
|
Post: #3
Title: Re: اشرف الكاردينال ورساله للمصريين من العيار الثقيل لاختيارهم السودان ؟؟؟؟؟؟؟؟؟؟؟
Author: Sidgi mattar
Date: 11-15-2009, 11:14 PM
Parent: #2
لماذا اختار المصريين السودان ؟؟؟؟؟؟
لماذا قام اشرف بتلك المبادره؟؟؟؟؟؟؟
اولا الان السودان هو الخبر الاول على كل القنوات لاستضافته لتلك المباره الهامه
كان يمكن ان تكون فى اى دوله عربيه اخرى ولكن المصريين اختاروا السودان
ومهما ما كانت الاراء مختلفه فشكرا لهم فى تلك الثقه التى جعلتهم يختاروننا
ويعشمون فى شعب السودان كثيرا فماذا نحن فاعلون؟؟؟؟؟؟
الاخ اشرف اثارته بلا شك الدروس فى حب الوطن الذى ابداه المصريين بالامس وثقتهم فى السودان
شكرا اشرف وانت تعطى درسا فى الكرم لمن وثق فى وطنك للوقوف بجانبه
|
Post: #16
Title: Re: اشرف الكاردينال ورساله للمصريين من العيار الثقيل لاختيارهم السودان ؟؟؟؟؟؟؟؟؟؟؟
Author: Nagi Ahmed
Date: 11-17-2009, 04:36 AM
Parent: #3
| Quote: لماذا قام اشرف بتلك المبادره؟؟؟؟؟؟؟ |
ببساطة لانه في الالاف مؤلفة من اولاد بمبة متربعيين و قاعديين في الخرطوم واستولوا على الالاف الوظائف بينما بقية الشعب الفضل اصبح عاطل و النتيجة قدامك فساد من الغفير للوزير
يعنى الالاف دي حا تملى استاد المريخ و هم عارفيين معظم الشعب السوداني ما ببلعهم
بعدين الاسمو الكاردينال صدقني قروشه دي بلقاهادبل
|
Post: #4
Title: Re: اشرف الكاردينال ورساله للمصريين من العيار الثقيل لاختيارهم السودان ؟؟؟؟؟؟؟؟؟؟؟
Author: Haytham Mansour
Date: 11-15-2009, 11:19 PM
Parent: #2
ألاخ/صـــدقي
ان الرجل تاجر ..وفي ما فعل اعلان تجاري له...فان كان ذا ســـعه من للمال فليته ســدد دينه لصـــقر قريش ...وان كان من اهل الفضل...اما كان اولي بانفاق هذا المبلغ علي المحتاجين من اهله السودانين في معسكرات اللجوء في دارفور..او لاطــفال دار المايقوما؟؟؟؟؟؟ انه البزنز ياســــيد صـــدقي..
|
Post: #5
Title: Re: اشرف الكاردينال ورساله للمصريين من العيار الثقيل لاختيارهم السودان ؟؟؟؟؟؟؟؟؟؟؟
Author: Sidgi mattar
Date: 11-15-2009, 11:43 PM
Parent: #4
الاخ هيثم
لك تحياتى
مافى شك الاخ اشرف تاجر ناجح فى اعماله الخاصه
اما فى امور الخير فيعرفها من هو قريب منه وانا اعلم الكثير منها بحكم معرفته به
فى اعتقادى ان تلك البادره منه كرد جميل لثقة اخوتنا المصريين بشعب السودان لا غير
مودتى
|
Post: #6
Title: Re: اشرف الكاردينال ورساله للمصريين من العيار الثقيل لاختيارهم السودان ؟؟؟؟؟؟؟؟؟؟؟
Author: Sidgi mattar
Date: 11-16-2009, 00:50 AM
Parent: #5
غدا نكمل انشاء الله
|
Post: #7
Title: Re: اشرف الكاردينال ورساله للمصريين من العيار الثقيل لاختيارهم السودان ؟؟؟؟؟؟؟؟؟؟؟
Author: Adam Omer
Date: 11-16-2009, 01:15 AM
Parent: #5
| Quote: فى اعتقادى ان تلك البادره منه كرد جميل لثقة اخوتنا المصريين بشعب السودان لا غير |
الاخ صدقى تحية وســــــــلام.
الاسم أكيد اسم على مسمى !
صدقى بـــــــــــــــــاشــــــــــــا رئيس وزرا مـصـر الســــابق
نحترم رأيك فى الكاردينال!
بس يا ريت نعرف رأيك فى موضوع حـلايب.
واللة أبدا ما كنت أتخيل ان فى هذا الســـــودان يوجد سودانين يحبو مصر أكثر من.
المصريين . واخذ نموذج أنت وأخوك
المصرى خالص العوض المـسلمى
هل الشقة و الحـسـاب البنكى والدراســـــة و العلاج فى مصر سبب كل هذا الانبطاح الى المصريين؟
انبطاح من قمة هرم السلطة( ماذا أصابكم يا سودانين لماذا كل هذا الانبطاح والزل وهناك قطعة.
أرض عزيزة مغتصبة( بامس وقفت مصر مع تـشـاد دض السـودان, هل نسيت هذا يا صدقى باشا؟
هل أنتم سـودانيون أشك فى ذالك!
وأراكم تمتهنون الليل على أرصفة الطرقات الموبوءة أيام الشـدة
قتلتنا الردة
قتلتنا الردة
قتلتنا الردة
أن الواحد منا يحمل فى الداخل ضدة[/B](مظفر النواب)
|
Post: #8
Title: Re: اشرف الكاردينال ورساله للمصريين من العيار الثقيل لاختيارهم السودان ؟؟؟؟؟؟؟؟؟؟؟
Author: Sidgi mattar
Date: 11-16-2009, 08:48 PM
Parent: #7
الاخ ادم
لك التحيه
الامر يتلخص فى مباراة كرة قدم ولى كامل الحريه ان اشجع ما اريد
اما موضوع حلايب او اى شبر من ارض السودان وطنى الذى اعتز به فهى ليست مكان للمساومه
وكل من لديه ارتباط وحب لذلك الوطن لن يضحى بذلك وانا من الذين اكتوا بذلك وفقد جزء عزيز
لنا ابان حكم عبود وبيعت ارضنا حلفا بارخص الاثمان كيف لى ان اضحى بحلايب او غيرها
ومن الغريب الحكم على الناس حسب اهوائنا من خلف كيبورد سويسرى الصنع وهى احد علاتنا
ركنيه؟؟؟؟؟؟؟؟؟؟؟؟
انت يعنى ما ح تشوف الكوره ولا مشجع مصر دس دس وكده
كان ما شاهدت الماتش تكون خطير والله؟؟ ؟؟ ؟؟ غيتو نشوف
مودتى
|
Post: #9
Title: Re: اشرف الكاردينال ورساله للمصريين من العيار الثقيل لاختيارهم السودان ؟؟؟؟؟؟؟؟؟؟؟
Author: Elhadi
Date: 11-16-2009, 09:54 PM
Parent: #8
| Quote: لماذا اختار المصريين السودان ؟؟؟؟؟؟ |
بالحساب البلدي البسيط ده اختار المصريين السودان لأنهم لا يستطيعوا اختيار غيره من بين كل دول القارة ..
لا في الشمال ولا في الغرب أو الجنوب القارة الافريقية فأي بلد سيذهبون إليها كانوا سيواجهون فيها كراهية وأجواء عدائية وكانت الكفة ستكون راجحة لصالح الجزائر بلا أدنى شك ..
أما في السودان فرغم كراهية رجل الشارع العادي إلا أنهم يستطيعوا التأثير على مجريات الأمور بكل بساطة بواسطة أدواتهم ووكلائهم وعملاء مخابراتهم من إعلاميين.. ورجال أعمال .. ورؤساء أندية .. وساسة .. وإلى آخره .. وهو ما لا يستطيعون فعله في أي دولة أخرى
|
Post: #10
Title: Re: اشرف الكاردينال ورساله للمصريين من العيار الثقيل لاختيارهم السودان ؟؟؟؟؟؟؟؟؟؟؟
Author: Adam Omer
Date: 11-16-2009, 10:07 PM
Parent: #8
الاخ العزيز صدقى تحية و سـلام مرة أخرة.
اذا كنت حفيد ضحايا عيود دى تكون كارثة!
و خاصة اذا كنت من اصحاب الوجعة المهجرين.
انتم أبناء ملوك الزمان بعانقى وترهاقا
ديل نهبو حضارة أجدادك ونسـبوها الى فرعون
حضارة بدت من نبتة و كوش وانتهت فى الجيزة
تـســـــلم يا غالى
|
Post: #11
Title: Re: اشرف الكاردينال ورساله للمصريين من العيار الثقيل لاختيارهم السودان ؟؟؟؟؟؟؟؟؟؟؟
Author: Sidgi mattar
Date: 11-16-2009, 10:32 PM
Parent: #10
الاخ ادم
تحيه
العالم كلوا الان يعلم بان اصل الحضاره هى السودان مافى شك وهذا ما يخيف المصريين
بس ياخى عندهم وطنيه يجب ان نتعلمها ولو كان لنا مثلهم حب للوطن بهذه الدرجه
لكنا من افضل دول المنطقه
اسع بالجد كده انت حارد مشاهدة المباراه ولا غيرت رايك
غيتو بنصحك مشاهدتها لانو سويسرا زى بلجيكا روتين و زهج
مودتى
|
Post: #12
Title: Re: اشرف الكاردينال ورساله للمصريين من العيار الثقيل لاختيارهم السودان ؟؟؟؟؟؟؟؟؟؟؟
Author: Sidgi mattar
Date: 11-16-2009, 10:42 PM
Parent: #11
الاخ الهادى
تحيه
لو كانت اى دوله من دول الجوار لاختارت السودان لعوامل كثيره
نحن بنكرم الضيف مهما اختلفنا معه وهم يعلمون ذلك
وما بنخزل من يلجا لنا ساعة حوجه ودا اصلنا بكل ربوع السودان
ومن الاخر كده نحن لسان ساكت بس و دواخلنا جميله ودى نعمه من الله
يازول اتمتع بالكوره وشجع مصر او الجزائر بس ما تفوتك
مودتى
|
Post: #13
Title: Re: اشرف الكاردينال ورساله للمصريين من العيار الثقيل لاختيارهم السودان ؟؟؟؟؟؟؟؟؟؟؟
Author: بكري عباس علي
Date: 11-16-2009, 11:42 PM
Parent: #12
Quote: بالحساب البلدي البسيط ده اختار المصريين السودان لأنهم لا يستطيعوا اختيار غيره من بين كل دول القارة ..
لا في الشمال ولا في الغرب أو الجنوب القارة الافريقية فأي بلد سيذهبون إليها كانوا سيواجهون فيها كراهية وأجواء عدائية وكانت الكفة ستكون راجحة لصالح الجزائر بلا أدنى شك ..
أما في السودان فرغم كراهية رجل الشارع العادي إلا أنهم يستطيعوا التأثير على مجريات الأمور بكل بساطة بواسطة أدواتهم ووكلائهم وعملاء مخابراتهم من إعلاميين.. ورجال أعمال .. ورؤساء أندية .. وساسة .. وإلى آخره .. وهو ما لا يستطيعون فعله في أي دولة أخرى |
نبصم بالعشرة
|
Post: #14
Title: Re: اشرف الكاردينال ورساله للمصريين من العيار الثقيل لاختيارهم السودان ؟؟؟؟؟؟؟؟؟؟؟
Author: Sidgi mattar
Date: 11-16-2009, 11:50 PM
Parent: #13
الاخ بكرى
تحيه
مايهمك ابصم زى ماتريد بس ما تفوتك الكوره يا اخوى؟؟؟؟؟؟؟؟؟؟؟؟؟
مودتى
|
Post: #15
Title: Re: اشرف الكاردينال ورساله للمصريين من العيار الثقيل لاختيارهم السودان ؟؟؟؟؟؟؟؟؟؟؟
Author: Sidgi mattar
Date: 11-17-2009, 01:30 AM
Parent: #14
بعد غدا سيكون العالم كله متجه بانظاره لاستاد المريخ
يعنى حرب كرويه بالجد
|
Post: #17
Title: Re: اشرف الكاردينال ورساله للمصريين من العيار الثقيل لاختيارهم السودان ؟؟؟؟؟؟؟؟؟؟؟
Author: الصادق صديق سلمان
Date: 11-17-2009, 06:49 AM
Parent: #15
Quote: بالحساب البلدي البسيط ده اختار المصريين السودان لأنهم لا يستطيعوا اختيار غيره من بين كل دول القارة ..
لا في الشمال ولا في الغرب أو الجنوب القارة الافريقية فأي بلد سيذهبون إليها كانوا سيواجهون فيها كراهية وأجواء عدائية وكانت الكفة ستكون راجحة لصالح الجزائر بلا أدنى شك ..
أما في السودان فرغم كراهية رجل الشارع العادي إلا أنهم يستطيعوا التأثير على مجريات الأمور بكل بساطة بواسطة أدواتهم ووكلائهم وعملاء مخابراتهم من إعلاميين.. ورجال أعمال .. ورؤساء أندية .. وساسة .. وإلى آخره .. وهو ما لا يستطيعون فعله في أي دولة أخرى |
نبصم بالعشرين وبالمليون كمان
أبوفتحية
|
Post: #18
Title: Re: اشرف الكاردينال ورساله للمصريين من العيار الثقيل لاختيارهم السودان ؟؟؟؟؟؟؟؟؟؟؟
Author: AnwarKing
Date: 11-17-2009, 07:36 AM
Parent: #17
حرامية ومتهمين وخائبين أراضيهم محتلة...ويتفشخروا...
إلا يكفي أشرف الكاردينال هذا الفضيحة المالية التي تدخل فيها وزير العدل السوداني سبدرات؟
ألا يكفي عمر البشير كرئيس للسودان وقائد أعلى للقوات المسلحة المناط بها حماية التراب السوداني أنو حلايب محتلة؟
لكن المنتخب المصري يعرف أنو من كرّمه ودفع له ملايين الدولارات والعطايا لمساندة موقف سياسي قبل عام، ممكن أن
يسانده ويهشتكوا ويبشتكوا أكتر من رئيس بلدهم نفسه...
عمر البشير حارب في حرب 1973 مع الجيش المصري ضد إسرائيل، فهل نسمع بهذا في الإعلام المصري؟
ليهم حق في تنميطهم لينا بعوثمان البواب!
من لا يحترم نفسه وشعبه، لا يستطيع مطالبة الآخرين بإحترامه!
|
Post: #20
Title: Re: اشرف الكاردينال ورساله للمصريين من العيار الثقيل لاختيارهم السودان ؟؟؟؟؟؟؟؟؟؟؟
Author: Sidgi mattar
Date: 11-17-2009, 10:27 AM
Parent: #18
الاخ انور
سلامات
Quote:
إلا يكفي أشرف الكاردينال هذا الفضيحة المالية التي تدخل فيها وزير العدل السوداني سبدرات؟[/QUOTE]
دا موضوع لا نعرف عنه كثيرا ولا نحكم فى ما لا نعرف
وموضوع حلايب السودانيه لا نقبل ان تذهب لمصر
كدى ما تشتت الكوره وخلينا فى الماتش
مودتى
|
Post: #19
Title: Re: اشرف الكاردينال ورساله للمصريين من العيار الثقيل لاختيارهم السودان ؟؟؟؟؟؟؟؟؟؟؟
Author: Sidgi mattar
Date: 11-17-2009, 10:03 AM
Parent: #17
الاخ الصادق
تحيه
| Quote: نبصم بالعشرين وبالمليون كمان |
دا رايك ونحترمه
مودتى
|
Post: #21
Title: Re: اشرف الكاردينال ورساله للمصريين من العيار الثقيل لاختيارهم السودان ؟؟؟؟؟؟؟؟؟؟؟
Author: اناهيد كمال
Date: 11-17-2009, 10:47 AM
Parent: #19
سلامات
انا لا احب الكرة اصلا
سواء السودان او مصر او الجزئر
ما احب ان اضيفه
ان الكاردينال لو يعرف معنى الخير فعلا لكان ساهم فى رفع معاناءة كثير
من السودانيين داخل البلد وانا ادركهم جيدا بانهم ذهبوا اليه
وماذا وجدوا...الباب مغلق
هذا الاشرف لا يسعلى الا الى مزيد من الشهرة
واثبات امتلاك المال فقط
..................
نقطة
حسب علمى ان الحكومة السودانية سوف تدخل الى المباراة
2الف مشجع من القوات النظامية لتشجيع مصر
|
Post: #22
Title: Re: اشرف الكاردينال ورساله للمصريين من العيار الثقيل لاختيارهم السودان ؟؟؟؟؟؟؟؟؟؟؟
Author: كمال سالم
Date: 11-17-2009, 10:58 AM
Parent: #21
| Quote: شكرا اشرف وانت تعطى درسا فى الكرم لمن وثق فى وطنك للوقوف بجانبه |
سبحان الله ,, أمثال أشرف سيدأحمد صاروا يعطوننا دروسا !!!!
|
Post: #23
Title: Re: اشرف الكاردينال ورساله للمصريين من العيار الثقيل لاختيارهم السودان ؟؟؟؟؟؟؟؟؟؟؟
Author: Sidgi mattar
Date: 11-17-2009, 11:18 AM
Parent: #22
الاخت اناهيد
سلامات
[QUOTE] ان الكاردينال لو يعرف معنى الخير فعلا لكان ساهم فى رفع معاناءة كثير
من السودانيين داخل البلد وانا ادركهم جيدا بانهم ذهبوا اليه
وماذا وجدوا...الباب مغلق[/QUOTE]
اشرف دعم كثير من المحتاجين واعرف كثير منها ودى ما محتاجه لاعلان فى الجرائد
مودتى
|
Post: #24
Title: Re: اشرف الكاردينال ورساله للمصريين من العيار الثقيل لاختيارهم السودان ؟؟؟؟؟؟؟؟؟؟؟
Author: على محمد الخير
Date: 11-17-2009, 12:12 PM
Parent: #23
سلامات يا ريس
متابعين معاك ... واختيار مصر للسودان لم ياتى من فراغ ... فمهما حدث ومهما سيحدث فمصر ستكون جارة للسودان والسودان سيكون جار لمصر... ومصر على مدى التاريخ كانت هى ملجأ لكل السودانيين وفى كل الظروف ... فمصر لجأ اليها كل الساسة السودانيين حتى الحركات المعارضة ابتدا من الاحزاب السودانية التقليدية والحركة الشعبية و بعض حركات دارفور اتخذوا من مصر محطة لنشاطاتهم حتى اللذين فروا من السودان معارضين كانت مصر هى قبلتهم الاولى للانتقال لدول الغرب وامريكا فيا اخوتى مصر بموقعها الجغرافى... وبالربط الالهى مع مصر عن طريق نهر النيل، يجعل مصر عمقا استراتيجيا للسودان فعليه.. لا فكاك لكم من مصر ولا فكاك لمصر من السودان...اما ما يتعلق بموضوع حلايب فيجب حلة بالطرق السلمية وبالحوار الهادف مع ايمانى العميق بان ليس هناك سودانى عاقل يمكن ان يفرط فى شبر من وطنه...
سؤال ؟
ياترى ما هو موقف سكان حلايب الاصليين من امر سيطرة مصر على منطقتهم؟ ... وحسب علمى ان اغلبهم فضل ان يكون مصريا والكثيرين منهم قبلوا الجنسية المصرية ؟
|
Post: #25
Title: Re: اشرف الكاردينال ورساله للمصريين من العيار الثقيل لاختيارهم السودان ؟؟؟؟؟؟؟؟؟؟؟
Author: Sidgi mattar
Date: 11-17-2009, 12:34 PM
Parent: #22
كمال سلامات
| Quote: سبحان الله ,, أمثال أشرف سيدأحمد صاروا يعطوننا دروسا !!!! |
يا اخوى قلنا درس للمصريين
ولا السودانيين ما اهل كرم؟؟؟؟؟؟؟؟؟؟؟؟
مودتى
|
Post: #26
Title: Re: اشرف الكاردينال ورساله للمصريين من العيار الثقيل لاختيارهم السودان ؟؟؟؟؟؟؟؟؟؟؟
Author: Sidgi mattar
Date: 11-17-2009, 01:32 PM
Parent: #25
على يا حبيب
سلامات
والله كلامك عين العقل و واضح جد واسع عندنا ملائيين من السودانيين بمصر بس تخيل
ح يشجعوا الجزائر ولا مصر ؟؟؟؟؟؟؟؟؟؟؟؟؟؟
والحاجه الناس ما فاهمنها هل السودان مستفيد من اجراء المباره بارضه ام لا
غيتو !!!!!!!!!
مودتى
|
Post: #27
Title: Re: اشرف الكاردينال ورساله للمصريين من العيار الثقيل لاختيارهم السودان ؟؟؟؟؟؟؟؟؟؟؟
Author: رقم صفر
Date: 11-17-2009, 01:36 PM
Parent: #25
اشرف الكردينال كان مطلوب في قضية صقر المشهوره ، بحكم معرفتك له هل هذا الكلام صحيح ام لا ؟
اشرف الكردينال تورط في قضية العربات اللاندكروزر لحكومة الجنوب ، وقفلت القضية نتيجة لتسوية ودفع مبلغ من بملايين الدولارات ، بحكم معرفتك له ، هل الكلام صحيح ام لا ؟
اذا كانت الاجابة بلا ، فلا باس من تبرعه قروشه وهو حر ،،،
اما اذا كانت نعم ، فسؤالي ، هل مثله يعطي احد دروس في الوطنية ؟ الاجابة لك .....
**************
الاجابة بنعم او لا (بدون تبرير )
|
Post: #28
Title: Re: اشرف الكاردينال ورساله للمصريين من العيار الثقيل لاختيارهم السودان ؟؟؟؟؟؟؟؟؟؟؟
Author: nazar hussien
Date: 11-17-2009, 01:53 PM
Parent: #27
لماذا هذه المباراة بالذات...تحولت الي مباراة سياسية؟؟؟
ولماذا يعشم المصريون في تشجيع الفريق القومي المصري...؟؟
فالسودانيون حينما يلعب فريقهم القومي مع الهلال...
ستجد مشجعي الهلال معه...ومشجعي المريخ مع الفريق القومي...
بينما قليل منهم سيشجع اللعبة الحلوة...
انا شخصيا عايز اشوف كريم زياني....وحسني عبدو ربه
|
Post: #29
Title: Re: اشرف الكاردينال ورساله للمصريين من العيار الثقيل لاختيارهم السودان ؟؟؟؟؟؟؟؟؟؟؟
Author: على محمد الخير
Date: 11-17-2009, 02:18 PM
Parent: #28
اخى الفاضل / صدقى اسمح لى بان اضيف هذه المقالة الرائعة والتى اوردها الاخ كامل محمود فى احد البوستات العقلانية التى تنظر لهذه المبارة برؤية مختلفة بعيدة عن صب الزيت فى النار....
Quote: مصر والسودان «حتّة وحدة» :
المصدر : مقال منشور بحريدة الشرق الأوسط السعودية للكاتب و الصحفي و المفكر السعودي الأستاذ. محمد صادق دياب.
لا بد أن المصريين فرحون بأن تكون حربهم العالمية الرابعة ـ كرويا ـ مع الجزائر يوم الأربعاء القادم في السودان، بعد الإنجاز الكبير الذي حققوه في الحرب العالمية الثالثة في القاهرة مساء السبت الماضي، وانتصر فيها أبناء المعلم شحاتة على محاربي الصحراء الجزائريين، فالمصريون يمكنهم أن يستحضروا اليوم المقولة القديمة «مصر والسودان حتّة وحدة».
ومن حسن الحظ أن يكون السودان مسرحا للمباراة الحاسمة والفاصلة بين المنتخبين، فالمجتمع السوداني في غالبيته مجتمع كروي «من ساسه لمنقع راسه»، وهو صاحب نظرية أقصر طريق إلى الشهرة: «يا تدق كفرْ، يا تعزف وترْ»، وتعني إذا أردت أن تكون شهيرا فلا بد لك أن تكون لاعب كرة قدم، أو فنانا يجيد العزف على الأوتار، وبالتالي فإن السودان قادر بطبيعته الكروية على خلق ساحة منافسة رياضية تتسم بالإثارة، وقادر على أن يقتسم بروح رياضية التشجيع بين الفريقين، فمن الصعب أن يبقى السودانيون على الحياد أمام مباراة كرة قدم حتى لو كانت منقولة على التلفزيون، ولذا من المتوقع أن يكون من بين السودانيين من سيشجع منتخب الجزائر، ومنهم من سينحاز إلى جيرانه في الشمال، وباختصار سيصب الجمهور الكروي السوداني المزيد من الزيت على الحرب المستعرة بين المنتخبين، ولكن على الطريقة السودانية الخالية من العنف، والمفعمة بالإثارة، والإبداع الفني في الأهازيج، والهتاف، والتشجيع.
والسودانيون كانوا في يوم من الأيام من أسياد الكرة الأفريقية والعربية، ومن أهم مصدري اللاعبين إلى ملاعب الكرة السعودية والمصرية وغيرها من الملاعب، ولهم منظومة من النجوم التي حلقت طويلا في سماء الكرة أمثال: سبت دودو، وجاكسا، والهادي سيام، وجنجا، وفارس، وقرن شطة، وغيرهم، ولكن عصفت بالكرة السودانية تقلبات السياسة ذات يوم فأفقدتهم مواقعهم في المقدمة، وهم يحاولون اليوم إحياء ما مضى، وإرجاع ما فات، فوجودهم في الكرة الأفريقية ضرورة كضرورة التوابل في الطعام، فلهم مصطلحاتهم الكروية العذبة، وتعليقاتهم الحرّاقة مثل: «إن فاتك الكفر لا يفوتك الزول»، أي إذا تجاوزتك الكرة فلا تدع اللاعب المنافس يتجاوزك، وحاول تعطيله بمختلف السبل.
ما أردت أن أقوله إن استضافة السودان للمباراة الفاصلة تعتبر من محاسن الصدف، إذ سيضفي السودانيون بمرحهم، وخفة ظلهم على المباراة أجواء من الإثارة المقبولة بين مشجعي الفريقين، وستغدو مصر والسودان والجزائر «حتّة وحدة»، كما يفترض أن يكونوا دائما.
ومبروك مسبقا لمن سيستحق الفوز. |
|
Post: #32
Title: Re: اشرف الكاردينال ورساله للمصريين من العيار الثقيل لاختيارهم السودان ؟؟؟؟؟؟؟؟؟؟؟
Author: Sidgi mattar
Date: 11-17-2009, 03:10 PM
Parent: #28
الاخ نزار
سلامات
رائيك محل احترام
مودتى
|
Post: #30
Title: Re: اشرف الكاردينال ورساله للمصريين من العيار الثقيل لاختيارهم السودان ؟؟؟؟؟؟؟؟؟؟؟
Author: Sidgi mattar
Date: 11-17-2009, 02:32 PM
Parent: #27
رقم صفر
تحياتى
انشاء الله الكوره تطلع صفر صفر
Quote: **************
الاجابة بنعم او لا (بدون تبرير ) |
مبااااااااااااااااالغه !!!!!!!!!!!!!!!!!!!
مودتى
|
Post: #31
Title: Re: اشرف الكاردينال ورساله للمصريين من العيار الثقيل لاختيارهم السودان ؟؟؟؟؟؟؟؟؟؟؟
Author: حمزه بابكر الكوبي
Date: 11-17-2009, 02:58 PM
Parent: #30
صدقي سلامات وكيف اخبارك ؟؟
انا حسب وجهة نظري انه هذا الكاردينال عباره عن ساذج ليس الا
وقبل يومين كتبت بوست بعنوان ( نحن ناس سذج بشكل غير عادي ) وقد تناولت فيه امر
تبرع هذا الكاردينال ولكن الظاهر بكري لحق البوست امات طه .
|
Post: #33
Title: Re: اشرف الكاردينال ورساله للمصريين من العيار الثقيل لاختيارهم السودان ؟؟؟؟؟؟؟؟؟؟؟
Author: Sidgi mattar
Date: 11-17-2009, 03:27 PM
Parent: #31
الاخ حمزه
سلامات وكيف اخبارك
بوستك داك ركبوه الخور يا مان!!!!!!!!!!!!!!!!!!!
غيتو بكره انا بشجع واحد من الفريقين انت كيف
مودتى
|
Post: #34
Title: Re: اشرف الكاردينال ورساله للمصريين من العيار الثقيل لاختيارهم السودان ؟؟؟؟؟؟؟؟؟؟؟
Author: حمزه بابكر الكوبي
Date: 11-17-2009, 04:13 PM
Parent: #33
| Quote: غيتو بكره انا بشجع واحد من الفريقين انت كيف |
والله مع اني بشوف لعب الجزائريين ممتع اكثر من المصريين لكن الاتنين بحريقه
|
Post: #35
Title: Re: اشرف الكاردينال ورساله للمصريين من العيار الثقيل لاختيارهم السودان ؟؟؟؟؟؟؟؟؟؟؟
Author: Ahmed musa
Date: 11-17-2009, 04:20 PM
Parent: #5
| Quote: اما فى امور الخير فيعرفها من هو قريب منه وانا اعلم الكثير منها بحكم معرفته به |
إن كنت تعرفه فأسأله إن كان يعرف
1. عثمان فرح سوداني كان في الإمارات
2. عمر عبدالسلام محمد الأنصاري سوداني مقيم بالسودان
وإن أجاب بأنه سيعرفهم فسأقنعك بأنك لا تعرفه !!!!!
|
Post: #36
Title: Re: اشرف الكاردينال ورساله للمصريين من العيار الثقيل لاختيارهم السودان ؟؟؟؟؟؟؟؟؟؟؟
Author: Sidgi mattar
Date: 11-18-2009, 00:16 AM
Parent: #35
الاخ احمدموسى
سلامات
شكرا على المرور
مودتى
|
|
|