أماني الأمين كجت الجزائر

أبدى الجزائريون حزنهم العميق لولوج الهدف الثاني في مرماهم في الزمن بدل الضائع وكانت الحسرة بادئة على وجوههم حيث كانوا الأفضل تكتيكياً في المباراة وكانوا الأحق ببطاقة التأهل قياساً بأدائهم والفرص التي سنحت لهم في المباراة وإن سوء الطالع لازمهم وذلك من خلال ضياع الفرص التي أتيحت لهم حيث أنهم وجدوا من الفرص (أربعة) ما كان كفيلاً بأن يحسم نتيجة المباراة ولكن هي حال كرة القدم كثيراً ما تدير ظهرها لمن هو جدير بالفوز وأكثر ما يعجبني في منتخب الجزائر أنه يتمتع بروح قتالية وفدائية في اللعب وحب الشعار ولياقة بدنية وبرغم الخسارة إلا أنهم لم يكونوا سيئين وقد ظهروا بمستوى طيب وان اللاعبين سعوا واجتهدوا إلا أنهم لم يتوفقوا في ترجمة الفرص إلى أهداف وتنتظر الفريق مباراة فاصلة في استاد المريخ أتوقع فيها فوز المنتخب الجزائري شريطة أن لا تفتح الأخت / أماني الأمين بوست المباراة .

قبل المباراة بيومين أعلنت الأخت أماني الأمين وقوفها خلف المنتخب الجزائري وفتحت بوست النصر ووضعت علم الجزائر في البروفائل الخاص بها وعليه كجت الجزائر كجة رهيبة ههههههههههههههههههه











ـــــــــــــــــــــــــــــــــــــ
البوست للمزح يا أماني

الأخ حسن مضوي:

Quote: بل المباراة بيومين أعلنت الأخت أماني الأمين وقوفها خلف المنتخب الجزائري وفتحت بوست النصر ووضعت علم الجزائر في البروفائل الخاص بها وعليه كجت الجزائر كجة رهيبة

شوف أنا كاتبه شنو:

Quote: نتمني فوز مصر في القاهره والجزائر في الخرطوم .. عايزين نشجع الجزائر من الخرطوم حتي المونديال

أنا زعلت بس لأنو الجزائر استحقت الفوز وعشمتنا للتأهل من القاهره ..
الزمن الاضافي كان غير عادل اطلاقا :(
لكن والله عايزين جيتهم السودان وتأهلهم من هنا وده كان المطلوب ..

بعدين ياحسن مضوي
أنا وقمر بوبا متفقين علي دفار القلل وال 1000 علم
وقيقم أو فرقة السحر,
عايز الجزائريين يتأهلوا من القاهره ويبوظوا لينا تخطيطنا ..
نخسر يعني؟

بالجد:
الجزائريين صمدوا قدام ال100 ألف مشجع مصري في القاهره صمود رجال ..
ولعبوا مباراه استشهاديه ..
اللاعبين المصريين جاييننا وهم عارفين جمهورنا مااااااابريدهم,
انشاء الله الجزائريين يصمدوا هنا بقوه أكتر ..
وينتزعوا التأهل ..
صدقني الان أنا أكثر ثقه في تأهل الجزائر انشاء الله ..

Quote: اللاعبين المصريين جاييننا وهم عارفين جمهورنا مااااااابريدهم,

القال ليك منو يا اماني والله بنريدهم مووووت ......

بعدين المساء ماشين المطار نستقبلهم كمان ...........

Quote: القال ليك منو يا اماني والله بنريدهم مووووت ...... بعدين المساء ماشين المطار نستقبلهم كمان ...........

جنابو ياخ انت جمهور كمان؟
انت ماااا الحكومه ذاااااتها ..



-------
عليكم الله ما تحرجونا وتتبنوا موقف رسمي داعم لمصر ,
عيب عليكم الجزائريين أخوه وما عملوا ليكم حاجه كعبه ..
شوية حياد في الموقف الرسمي مطلوب...
لو أصلكم فاصلين السياسه من الكوره ومااااااا ظنيت :(

Quote: عليكم الله ما تحرجونا وتتبنوا موقف رسمي داعم لمصر , عيب عليكم الجزائريين أخوه وما عملوا ليكم حاجه كعبه .. شوية حياد في الموقف الرسمي مطلوب...

ده كلام صاح يا اماني ...... الموقف الرسمي يجب ان يكون محايد .... ومافي القلب في القلب

يا حسن مضوي
مالك علي أماني ياخي
والله كان في زول كجاهم بكون كجيتهم انا انا كنت جهزت العدة شي فلاشات طايرة وشي باي باي ناطق


يا اماني كدي انا عندي زول خبير حملات اعلانية الناخد رأيه في موضوع قيقم ده ولا الصفوة ما عارف ونشوف عدادهم بكم جهزي الفكة انتي بس
لكن قيقم بعد خلا الجماعة بكون مفلس لو ناس جنابو استمالوه بمليون كدة ببيع المليون شهيد خليك من المنتخب الجزائري
نحن نشوف فنان معارضة عديل.

جنابو
انتو في الكورة برضو عايزين تأثروا علي الشارع وتتبعوه للحكومة
الليلة وانا جاي المكتب البي بي سي استطلاعات شغالة المصري بتكلم نحن والسودان حاقة واحدة نحن خلاص فزنا كدة نحن لاعبين في بلدنا التانية

الله لا كسب الدقيقة خمسين ونص

Quote: أنا زعلت بس لأنو الجزائر استحقت الفوز وعشمتنا للتأهل من القاهره .. الزمن الاضافي كان غير عادل اطلاقا :( لكن والله عايزين جيتهم السودان وتأهلهم من هنا وده كان المطلوب ..

أزيك يا أماني
والله نفس الإحساس كل من شاهد معنا المباراة خرج زعلان قياساً بالفرص الضائعة وحتى الجمهور السعودي كان واقف مع الجزائريين والحكم كان منحاز شوية للمصريين وجامل أحمد فتحي كتير في الشوط الأول وكان يستحق إنذار والمحمدي كان يستحق إنذار غايتو التحكيم الأفريقي حدث ولا حرج .

Quote: أنا وقمر بوبا متفقين علي دفار القلل وال 1000 علم وقيقم أو فرقة السحر, عايز الجزائريين يتأهلوا من القاهره ويبوظوا لينا تخطيطنا .. نخسر يعني؟

ممكن أساهم ( الحكاية مساهمة لله ولا استثمار )

أنا قبل شوية كنت فاكرك أنت الكج لحالك والآن طلع معاك قمر بوبا خلاص الجزائر راحت فيها هههههههههه

جنابو / عمر

كيفك يا جميل والله ليك وحشة

قلت لي الاستقبال في المطار

أحسن تستقبلوا الجمهور المرافق

لأنو جمهور مختلط قالوا جايات ناس ( مي عز الدين - ونرمين الفقي - ونورهان ) أها يا جنابو ديل تستقبلهم انت رايك شنو

أزيك يا قمر بوبا

Quote: والله كان في زول كجاهم بكون كجيتهم انا انا كنت جهزت العدة شي فلاشات طايرة وشي باي باي ناطق

هههههههههههههههههههههه

الاعتراف أحسن

Quote: الليلة وانا جاي المكتب البي بي سي استطلاعات شغالة المصري بتكلم نحن والسودان حاقة واحدة نحن خلاص فزنا كدة نحن لاعبين في بلدنا التانية

والله يا قمر بوبا الناس عليهم جنس كضب شابكننا المنتخب منتخب وادي النيل والمنتخب لاعب في وسط أهله رديت عليهم قلت لا الحاجات زمان كانت بتمشي علينا لكن هسي فتحنا جزائر بس

Quote: قالوا جايات ناس ( مي عز الدين - ونرمين الفقي - ونورهان ) أها يا جنابو ديل تستقبلهم انت رايك شنو

يا حسن مضوي
ده الحنك المابقسم معانا كلو كلو
هسة جايبين جكسيهم ده وجايين ليه؟؟؟
ديل غايتو كان لما فيهم المستشار القال ليهم تكامل من حلفا لجوبا احتمال يديهم جزيرة توتي هدية مش يشجعوهم بس

برضو مع الجزائر لو جابوا معاهم عادل امام واحمد زويل وشيرين سيف النصر...برضو مع الجزائر













__
بالله نورهان جاية؟

Quote: ناس ( مي عز الدين - ونرمين الفقي - ونورهان ) أها يا جنابو ديل تستقبلهم انت رايك شنو

استقبلهم !! ........ بتبالغ ياحسن ياخي !! بس ياهو ده الفضل !!



بي تحت تحت :


اسمع براحة قلت لي الطايرة جاية الساعة كم ؟

** الاُستاذ ود مضوى..
** الاستاذه أمانى..
** صباحكم خير..
## لكم تمنيت أن تنتهى نتيجة المباراه بهدف الشوط الاول ,,
** تكتيكياً الجزائر مؤهله أكثر من المنتخب المصرى وأدوا مبارأه فى غاية الإنضباط ,,
## خــــوفـــى أن تــخــلـــق هـــذه الـمــبــارأه حـسـاسـيـه بـيـنـنــا وشــعــبــى طــرفــى الــمــبــارأه نــحــنـــا فــى غِــنــى عــنــها والفينا مكفينا..

## ومـــبـــروك تــأهــل الــجــزائــر من الـخــرطــوم..

## هل الإتحاد العام والشرطه وناس الكهرباء والفنادق مُستعدين لهذا الحدث ؟؟؟؟

**** يـــاخـــــوفــــى مــن الــفــضــيـــحـــه التنظيميه وقطع الكهرباء !!!!
** كـسـره :- يجب أن لاننسى فالذاكرة أحياناً يُصيبها الخرف :- من كانو يشجعون المنتخب التشادى ضد الفريق القومى السودانى بإستاد القاهره وبحماس منقطع النظير..
(ودام الود بين الجميع)
(ابو محمد فؤاد ) - الماكيكى...