مرحبا منتخبي مصر والجزائر في استاد المريخ الدولي

خرج ناديى القمة المريخ والهلال من المنافسات الخارجية
وخرج الفريق القومى من التنافس الأفريقى .. آخرها اليوم مع بنين الإبتدائية

ومازال إستاد المريخ فى المنافسة والعبور لكأس العالم على سطح ملعبه السندسى

بس ساعدونا بالكهرباء و تجهيز ونظافة دورات المياه للضيوف
والجمهور عليه مهمة كبيرة بإستقبال الفريقين الضيفين
وتشجيع اللعبة الحلوة ..

يا الكباشى اللعبة بتين؟ و سمعت إرهاصات الغالب حيلعب مبارة مع المريخ
إحتفالاً بالتأهيل لكأس العالم .. وكلا الفريقين المصرى والجزائرى
موافق على أن تدار مباراته مع المريخ بحكام سودانيين ..
لكن المريخ رفض مطالباً بتحكيم عادل و محايد!

الاخ نادر
سلام
المباراه مقامه يوم الاربعاء
وهذه اخر تصريحات لجمال الوالي رئيس نادي المريخ لصحيفة قوون

Quote: وقال السيد جمال الوالى الذى كان يتحدث لقوون عقب مباراة مصر والجزائر مساء الامس .. نحن .. كقطاع رياضى فى السودان بصفة عامة و نادى المريخ من مجالس ( ادارة وشورى وشرف ) وجماهير بصفة خاصة نتشرف باستضافة هذه المباراة التاريخية بين منتخبين شقيقين على استاد المريخ وهو بالتاكيد حدث عالمى كبير سيجذب اليه الانظار وهى فرصة ليقف ويشاهد كل المتتبعين للمباراة الفاصلة عبر شاشات التلفاز فى كل انحاء العالم لمستوى الطفرة العمرانية الكبرى التى وصل اليها استاد المريخ بعد التحديثات الاخيرة . واضاف الوالى قائلا بمجرد اعلان صافرة النهاية لمباراة الامس اعلنا حالة الطوارئ لاستضافة هذا الحدث العالمى الكبير وسنقوم اليوم بتشكيل لجنة عليا للمباراة الفاصلة بالتنسيق مع اتحاد كرة القدم السودانى لتجهيز الاستاد من كل النواحى حتى يلبس حلة زاهية لاستضافة المباراة والتى نتطلع من خلالها لاثبات قدرة الانسان السودانى للعالم اجمع فى تنظيم المناسبات العالمية الكبيرة فى كرة القدم وهى فرصة ثانية لتاكيد ان السودان قادر على تنظيم النسخة القادمة من بطولة الامم الافريقية للمحليين . وقال الوالى بلاشك سيكون لنا دور كبير فى ازالة حالة التوتر بين شعبي البلدين الشقيقين ( مصر والجزائر) التى سبقت المباراتين وشغلت العالم اجمع وكل وسائل الاعلام المختلفة فى البلدين وفى تقديرى ان الانسان السودانى قادر على القيام بهذا الدور العربى وسنجمع بينهما بكل محبة والفة بعيدا عن التوترات حتى تخرج المباراة بصورة زاهية ترضى طموحات وتطلعات شعبين البلدين الشقيقين ويستمتع بها كل عشاق المستديرة وتشرف الرياضيين السودانيين ونادى المريخ ومنذ اليوم سيتم اغلاق استاد المريخ لوضع اللمسات الاخيرة للمباراة

Quote: لمستوى الطفرة العمرانية الكبرى التى وصل اليها استاد المريخ بعد التحديثات الاخيرة .

الأخ الكباشي ..With all due respect

طفرة عمرانية!!! ياخي أتفه استاد في أي دولة مجاورة يتفوق على استاد المريخ وأي استاد في السودان!! خلونا نحن في الدوري المحلي وهلالريخ وخلوا الكورة لي أسيادها ... الله بس يستر وما نتفضح بي قطعة كهربا!!

نحن كورتنا زبالة وفهمنا الكروي أزبل !!

أتمنى فوز منتخب مصر الشقيقة لأنهم يستحقون ذلك ولأن كرتهم متطورة وتفوق كرتنا بمراحل

أمير

الاخ امير
سلام
ملعب المريخ وطفرته العمرانيه الكبيره حقيقه لا ينكرها الا مكابر
وهذا ليس من عندي انما شهادة لكل من زار السودان

Quote: نحن كورتنا زبالة وفهمنا الكروي أزبل !!

وفعلا دا الفهم الذي اخرنا كثيرا علي كافة المستويات
وهذا الشعور ما لازم احد الا هزم.

Quote: وهذا الشعور ما لازم احد الا هزم.

الأخ الكباشي

خليك واقعي ولو ما طلعت من السودان ما حاتعرف إنو الكلام ده كلام فارغ وهذا ليس شعورا ولا انهزامية وأعتقد بتكون شاهدت مباريات من مختلف الدوريات .. قارن لي استاد المريخ أو استاد الهلال والخرطوم أو كلها مجتمعة مع أي استاد عشان تعرف.

بعدين كورتنا زبالة بقولها مرة تانية وما اعتقد لو ما تغيرت المفاهيم عندنا حيجي يوم نشوف كورة قدم في السودانز

لك التحية


أمير

الاخ امير
مرحبا بك مجددا

Quote: خليك واقعي ولو ما طلعت من السودان ما حاتعرف إنو الكلام ده كلام فارغ وهذا ليس شعورا ولا انهزامية وأعتقد بتكون شاهدت مباريات من مختلف الدوريات .. قارن لي استاد المريخ أو استاد الهلال والخرطوم أو كلها مجتمعة مع أي استاد عشان تعرف

نعم هنالك استادات تفوق ملا عبنا روعة وجمال ودقه وتنظيم
وهذا لايمنع ان نمنح انفسنا حقها المشروع في التطلع نحو الافضل
ومشوار الالف خطوه يبداء بخطوه واحده.

Quote: بعدين كورتنا زبالة بقولها مرة تانية وما اعتقد لو ما تغيرت المفاهيم عندنا حيجي يوم نشوف كورة قدم في السودانز

نتمني ان تنتهي المفاهيم السالبه التي اخرتنا كثيرا.

شكرا علي المرور والمشاركه.

.
.

اتفق مع كلام الأخ الزميل أمير

Quote: طفرة عمرانية!!! ياخي أتفه استاد في أي دولة مجاورة يتفوق على استاد المريخ وأي استاد في السودان

ماعارف المسئولين في السودان بقولوا كلام عجيب !!

يعني لو عبارة طفرة عمرانية دي قالها مشجع ماعمره طلع برة السودان ولا شاف مباراة دولية ممكن نلتمس ليه العذر ، لكن الكلام ده يقولوا زول زي جمال الوالي مامقبول أبداً .

أنا ماعارف أخبار المدينة الرياضية بتاعة يوسف عبد الفتاح أخبارها شنو؟

مافي أي أخبار عنها، يكون عمل بي القروش حقتها شنو؟ والله سياسية خلوها مستورة دي مشكلة كبيرة .

.
.

الاخ الكباشي
سلام وتحية


بينما المنتخبات العربية تتنافس علي الصعود الي نهائيات كاس العالم
لا زلنا في محطة (المناكفات) بين الهلال والمريخ


دعونا من استاد المريخ (مع احترامنا)
ولنتحدث عن استضافة (السودان) للمباراة الحدث

الاخ الكباشى
سلام
ليتنا نترفع قليلا عن التعصب فى هذه الايام ولنتحد لتقديم وجه السودان المشرق للعالم يوم الاربعاء
وهذا ماكتبه هلالابى فى موقع كورة سودانية عن ملعب المريخ:

افخر (ومعى كل سودانى) بملعب المريخ يوم الاربعاء والعالم كله معى بعشرات القنوات الفضائية تصوب كاميراته نحوها

ان هذا المباراة مثل مباراة نهائية فى امم افريقيا نتشرف باستضافتها( بدون تنظيم البطولة) فالمباراة تابعة للفيفا والكاف لقمة الكرة الافريقية

لفريقين كبيرين سيشرف اى منهما افريقيا فى كاس العالم التى تنظم لاول مرة فى قارة افريقيا , مثل هذه المباراة لا يمكن ان نشاهدها فى ملاعبنا الا بتنظيم البطولة الافريقية وما ابعدنا عن ذلك فى ظل ظروفنا الكروية والاقتصادية الحالية.

اذن جاءتنا مجانية : والحمد لله بنينا الطابق الثانى لاستاد المريخ قبل فترة بسيطة ,

ترى ماذا سيكون حالنا فى ظل الوضاع القديمة لاستاداتنا ؟ سيكون الوضع خطير ربما لن يرشح السودان لاستضافة هكذا مباراة فالمقاعد قليلة والمنظر قبيح و....و....

وان كنت من المناكفين لاخوتى المريخاب فى مسالة الطابق الثانى هذه , الى ان جاء هذا اليوم الذى حسيت فيه ان هذا الطابق لى اتياهى به امام الجميع بأنى متطور ومؤهل للمباريات العالمية.

وبهذه المناسبة يجب الشكر والتقدير لادارة نادى المريخ وعلى راسهم الربان جمال الوالى ابن السودان البار.

رجاء من اخوتى المريخاب واعلام المريخ مزمل وصحبه يجب التركيز فقط على ان هذه المباراة شرف للسودان وان هذه المباراة يستضيفها كل الشعب السودانى

نتمنى منكم عدم التركيز على ان المبارة خاصة بالمريخ وفى استاد المريخ (كما كتبت جريدة المريخ اليوم ) فلنرفع العصبيات الضيقة هذه الايام الثلالثة ونركز على السودان فقط فاستاد المريخ فى هذه الحالة استاد كل السودان ونجاح المباراة ليست مرتبطة بالملعب فقط ولكن مرتبط بكل المرافق ابتداء من المطار وحتى الطرق وحتى الفنادق فاى مرفق يفشل فى اداء الخدمة سيسى لشمعتنا.

فلنتكاتف لجعل هذه المباراة عرس سودانى ينقله القنوات الفضائية لكل العالم مع الوجه الجميل للشعب السودانى.

الكباشي ..
الصورة الاولى دي جبتها من وين .. كدي تعال قول لي دا استاد المريخ ..

لقاء (الاشقاء) في السودان يمثل تحديا حقيقيا في التنظيم والاستقبال والضيافة والانضباط الامني ، والمباراة كذلك فرصة تاريخية للجمهور الرياضي في بلادنا لتأكيد مثاليته في التشجيع وابتكار الاساليب الأكثر حماساً واثارة لدفع نجوم العرب لتقديم افضل ما عندهم واستمتاعنا بمباراة لا تقل اثارة ومتعة مما قدمه المنتخبان في استاد القاهرة أمس الاول

حميده
تحياتي

Quote: الصورة الاولى دي جبتها من وين .. كدي تعال قول لي دا استاد المريخ

لو ما عجبتك الاولي امشي للتانيه والتالته
ولو ما عجبنك كلهم بنجيب غيرهم.

الاخ ياسر يحي
مرحبا بك
نعم انه فخر لكل سوداني وطني ان يحتضن ملعب سوداني هذا اللقاء الهام الذي يتابعه الملايين.
شكرا للمشاركه.

استاذ عبود
تحايا نواضر

Quote: بينما المنتخبات العربية تتنافس علي الصعود الي نهائيات كاس العالم لا زلنا في محطة (المناكفات) بين الهلال والمريخ

الانديه هي الاعمده الاساسيه لمنتخب وطني يمكن ان يحقق نتائج جيده
اذا توفرت الروح الوطنيه والولاء للمنتخب والشعار والوطن
وانديتنا بعيده عن ذلك ولا عبينا ابعد.

Quote: دعونا من استاد المريخ (مع احترامنا) ولنتحدث عن استضافة (السودان) للمباراة الحدث

وهذا هو مربط الفرس.

الازهري
تشكر علي المشاركه والمرور.

*