بلد لقب رئيسها ( بالرئيس الراقــــص ) ناس الكووورة والغنا يعملو شنو يعني ؟

خاص لجمال السنوسي وكل الحيران
طبعا ما في فيديو للارباب صلاح رقيص وهو بيرقص ولو انو في ناس شافوهو
بجبجب عز الضهر وبالدلوكة كمان ... ولكن الموضوع وما فيه الفرقعه التي
صاحبت انتشار فيديو لاعبي المنتخب الوطني وهم في بعثة مع المنتخب
طبعا هم حاليا بشعار المريخ بله وراجي
واكرم .. وهم في الغرفه الخاصة بهم .
تعليقا على الفيديو انا شخصيا اول امبارح كنت بتصفح الانترنت ولقيت المواضيع
كلها بايظة وما في موضوع وزهج في زهج قمت شغلت اغاني الجبجبة دي وعليت الصوت للاخر
وفي غرفتي الخاصة هاك يا قلب وشنو شنو لمن الزهجة فكت رجعت تاني عادي. على طريقة
الرئيس عمر البشير الراقص والملحن رجل الاعمال صلاح ادريس وعازف الدلوكة كمان
موش هم ديل القدوة عندنا ول غلطانين نحنا كشباب ؟

عارف انو في فرق بيننا وبين المشاهير من المجتمع ولكن هم بشر ونحنا بشر وصلاح
ادريس ( رقيص ) وجمال السنوسي ودكتور يوسف كلنا بشر بنفرح وبنزهج وبنرقص
اي زول بطريقته الخاصة .. يبقى دي ما بنختلف فيها اعتقد

نرجع لموضوع الفيديو ياخ اذا صلاح ادريس بكتب اغاني ويلحن ويغني طيب البسمع
ويرقص منو ؟ صلاح ادريس نفسه ول عمر البشير الرئيس ؟
ما هو جنس الاغاني دي هي حقت صلاح ادريس ول غنا لغنا بفرق ؟

وبعدين خلااااااااااص يعني مواضيعكم الجاده والمفيدة كملت وعمرتو البلد جيتو
تتكلمو عن مواضيع الشباب .... ..؟ قمــــــــة في الانصرافية لا تقدر بثمن ..!!

وكمان عاملين ليها هيلمانه ..جني وجن الناس الكبار الانصرافيين

وفوق لده دي كوورة... يعني كورة قدم .... واي شاب لعب كوورة في المعسكرات في وقت الفراغ
بروح عن نفسه بالطريقه دي ..

وصراحة كده كنت متشوق اشوف الفيديو البتكلمو عنه ده ولمن شاهدته من الاول للاخر لقيت
انو الفيديو عادي جدا لمجموعة من الشباب برقصو في غرفتهم الخاصة في زمن اتعدمت فيه الخصوصيات

يعني ممكن تتوقعو بكره مع زعلت المريخاب دي يطلع ليكم مقطع فيديو يحكي حالة خاصة

لمسؤل رياضي هلالالي او للارباب زات نفسه في غرفته الخاصة...ول شنو يا دكاترتنا واساتذتنا ..؟

الأخ الفاضل :أحمدالدسكو
السلام عليكم ورحمة الله وبركاته.
كلامك صحيح إنو الرئيس برقص وغيره بيرقص
لكن بصراحة الشفنا من الشباب ديل في الفيديو
ما رقيص ولا حاجة دي مياعة!!!
وحقيقة يا أخ أحمد بتحرق الواحد بتحرق شديد لما
المسألة ترتبط في الأذهان بالهزائم التي تلقتها
فرقنا ومنتخباتنا داخلياً وخارجياً.
فالمسألة أولاً وأخيراً أننا نتطلع للاعب جاد وقوي
يشرفنا ويمثلنا خير تمثيل.


*لا تقول لي إنهم بالمياعة الشفناها دي هم جادين وأقوياء

العزيز دكتور يوسف كيف حالك
صراحه انا ما معاك في انو دي مياعه
وبرجع ليك