....تمبس..تـمـبـس...تـــمــبــس....

...ياتمبس كدى فى البداية خش فى الاحضان دى

.......خشيت ولا لسه............

.....والله ياحبيبنا فرحت ليك جد جد يامان ....


center>

...الله يتمم على خير ,,وعلى الطلاق الحنة عندنا للصباح,,,,
,,,,اوع تمسكل لحميدة تقول ليهو خالد فتح بوست درجة حرارتو تحت الصفر
من كسير التلج(وش ضاحك ضحك يضحك)....
المهم....

الف مبروك لتمبس وداليا يا بحر وعقبالك يا زين
لو عزمونا العرس بنجي

انت من الاول ما تقول داير تصاحب الناس .. في داعي تجي بفوق .. لقيتك خجول و الله ..

خلي الناس تعبر عن مشاعرها يا حميدة .. بعدين خطوبة تمبس دي خلت اليوم دا زي العيد وكدة

فأكيد بحر جاي باحساس العيد كدة وطالب يصافي تمبس وكمان حالف طلاق على الحنة ..

اكيد رامي عينو علي رفوف الزبادي الفي هايبر بندة فماداعي تقطع رزقه لوووول



** بالجد اولاً مبروك لصديقك وحبيب الكل تمبس يا حميدة
وشكراً يا خالد بحر على البوست البيدل على وعيك واستقامتك الثقافية وأن لا التواء بها
وربنا يتمم لتمبس وداليا بالف خير وعقبال كل العزابة .. وتدبيلة على عجل لعمران حسن صالح ناقل الخبر

حيدر الزين
تشكر على المرور يامان,,,والله يديم الافراح

Quote: اكيد رامي عينو علي رفوف الزبادي الفي هايبر بندة فماداعي تقطع رزقه لوووول

عليك الله كلمو يا حيدر,,,الليلة اليوم ده ما يوم إلتواث ولا يوم معافرات
اليوم يوم فرح ,,,المهم...

Quote: وتدبيلة على عجل لعمران حسن صالح ناقل الخبر

لا حولاااااااااااااااا
وانا أقول المره ماله كانت جافة كده في اتصاله الأخير ..


___________________
حيدر ما تلعب بالنار

مليون مبروك لتمبس ولعروسه داليا

بس يا تمبس انت قبل كم يوم مش كنت بتحاول تقنعني وتطلب القرب مني

دوما///تشكر على المرور فى الحفلة دى

Quote: لو عزمونا العرس بنجي

على الطلاق الجيش مايمنعنا,,,نحن كمان دايرين عزومة
,,,نحن ما اهل العريش ظااااااطو....

...داليا الكباشى مبروك مبروك
والله يتمم على خير....

.
.

الف مبروك للأخ العزيز تمبس وللزميلة داليا الكتبت بوست عن تجاهل الردود واتجاهلتنا :)

ربنا يتمم على خير

حميدة: التحلية في الحنة حقت تمبس لازم تكون (سطول) من باسكن روبنز(أنا عاوز سطل فانيليا مع كوكنت مع توفي وكتر الكارميل والمكسرات):)

الاستاذ/حميدة...(استاذ دى حلوة موش)
...الزول ده متين مسكل ليك(إنعل ابو الشفقة ذاتها)
...مبروك ليك إنت بالذات...وإنشاء تتواصل أفراح الحلف(وش داير يضحك )
عيلك دينك كدى نزل لينا حاجة لايمن الربع ,,,هسى الواحد تانى كان داير يخش
معاكم فى (مخاشنة) انت وتمبس تجى داليا(متلبة)...مبروك تانى...

.
.

الف مبروك للأخ العزيز تمبس وللزميلة داليا الكتبت بوست عن تجاهل الردود واتجاهلتنا :)

ربنا يتمم على خير

حميدة: التحلية في الحنة حقت تمبس لازم تكون (سطول) من باسكن روبنز(أنا عاوز سطل فانيليا مع كوكنت مع توفي وكتر الكارميل والمكسرات):)

Quote: بس يا تمبس انت قبل كم يوم مش كنت بتحاول تقنعني وتطلب القرب مني

ابو ساندرا في حالة تسلل!!!لوووووول








1000 مبروك تمبس & داليا

اووووه جلخص ياخ
إنت قايلني بزعل منك يا وهــم ..؟
بالعكس .. يا بحــر .. ياخ نحن اصحاب من بدري وإنت بتحب الكيمياء الخلاقــه.. وأنا ما قاعد اقصر معاك في الفوضى الخلاقـة ..
بس ضغطت على المرة الفاتت شديد
إنت لما تجي تضغط على الزول كلمو بالواضح كدا من الأول شان يكون عارف
عاين عليك الطلاق دي وهمة منك ساكت ..
عبارة عن عزومة مراكبية ..
طلاقك دا جيب لي زول يضمنك بيهو .. ..
خلي طلاقك متسق مع حاجاتنا المشتركة ..
العزومة مقبولة يا فردة .. كان حصل واتحننتا في حتة تانية .. بتحنن بي تلاتة واجيك (شدت) بالرابعة اخليها فاضية ..
اتفقنـا يا ضغط ..؟
انا عارف طلاقك دا وهمه منك سااي ..
لكن للضمان كدا ..
عقبالك .. ووقتها بحننك بي يديني الاتنين ..
اتفقنـا ..؟

للضمان كدا ..
مش اتحننا مع بعض واي حاجة ..؟
لكن
كان لقيتك عامل التواث في اي مكان .. برشك عاادي كويس معاك ..؟

هوي يا تمبس
الايام دي فوقك الملايكه
ما تنضم كثير

Quote: للضمان كدا .. مش اتحننا مع بعض واي حاجة ..؟ لكن كان لقيتك عامل التواث في اي مكان .. برشك عاادي كويس معاك ..؟

ولا فى اى داعى ننتظر فيرشن ما بعد الخطوبة




ــــــــــــ
الف مبروك يا تمبس ياخى..وكلمونا بمواعيد العرس بدرى عشان نظبط الاجازات :)

تمبس
اقول ليك حاجة والله داليا دى مما فتحت البوست بتاع الدواء داااااااك
عرفت إنو حبيبنا تمبس ده(كمل الشغل)... وباقى (الفنشن بس)...وطبعا الفنشن
بتاعك ذى (الفنشن بتاع كرستيان رونالدو),,,الشبكة بس,,,,والله فرحتونا عديل كده
...اها ماتشوف لاخوك الكاشف ده...(واحدة شهادة عربية)كان تعمل لينا نقلة طبقية,,,وكده
عشان الواحد يخلى أمور الالتواث دى,,,وحلاوتك عندى يامان......

Quote: بس ضغطت على المرة الفاتت شديد

اوزبو اسفا يامان,,,وده حال الدنيا المهم,,,

Quote: عاين عليك الطلاق دي وهمة منك ساكت ..

وعلى الطلاق ما وهمة,,,دى حركة جادة جدا

Quote: العزومة مقبولة يا فردة .. كان حصل واتحننتا في حتة تانية .. بتحنن بي تلاتة واجيك (شدت) بالرابعة اخليها فاضية .. اتفقنـا يا ضغط

باسطة يامان,,,وراجيك للحول,,,كدى ابقى زوغ...

Quote: عقبالك .. ووقتها بحننك بي يديني الاتنين .. اتفقنـا ..؟

افو افو ياتمبس,,نحن مابنعرس إلا التحول الديمقراطى يجى(وش ضاحك)

Quote: كان لقيتك عامل التواث في اي مكان .. برشك عاادي كويس معاك ..؟

وانا ذاتى كان لقيتك بتتقاضم فى اى حتة برجمك إتفقنا,,,
تانى مبروك...وبتنا دى ماتمشى تعمل ليها حركاتك القاعد تعملها مع ناس خالد بحر
واوعك تمشى تقول ليها عبارتك الشهيرة ديك..(انتو بكرى بجيب لينا الناس ديل من وييييين)
يلا يامان لى قدام....وحنس حميده ده ينزل لينا صولة لايمن الربع,,,

ألف مبروك يا سيد تمبس رغم إنى سمعت بعد ماباركوا لى
وإنشاء الله نحضر العرس هناك

Quote: بعدين خطوبة تمبس دي خلت اليوم دا زي العيد وكدة

الغريبه يا عمر يا خي انا شوفته البوست ده يو م (السبت ) وجرة العاده انو السبت قاتل ---
لكن ده سبت فـــــــــــوق العاده
واظن في هذا ( السبت السعيد والفوق العاده ) - تطايبت النفوس - نحمدو
عموما مبروك تمبس - وداليا -
وتحياتي خالد بحر





يا خ ناس سودانيز اون لاين زي مصارين البطن - ويتعاركو مع بعض
ولكن في النهايه اخــــــــــــــــــــــــــــــوان بطريق تحير !!

...................كع

حبيبنا خالد

مبروك لي تمبس لكن يامنقة شفت عنوان البوست قلت خالد عايز يضرب الحلف كل واحد على حده ولا شنو وقلت الزول ده اكيد ناوي يفرتق الحناء بتاعتو لكن يامعلم لقيتك كبير وقلبك ابيض زي عمة (بكسر العين ) حسين خوجلي

تحياتي للعريس تمبس وياتامبا اجدع لينا رقمك بالماسنجر الداخلي او اعمل لينا مس كول خلينا نبارك ليك

كبير ياخالد والله

تحياتي

زاتوووو

الزول زاتو
تشكر على المرور ياخ...وطبعا تمبس ده لازال من الاعــــــدقــاء
بس قلنا نخت السلاح شوية لانو الفرح فرحنا ونحن اسيادو وتمبس
مهما اختلفت معاهو فى وجهات النظر يظل زميل وصاحب مدرسة كتابية
فى المنبر وفوق ده كلوا(ود امدرمان) وانا شخصيا امدرمان عندى فوق كل الاختلافات
(مع انو ناس امدرمان مهشننا وبقول ناس امبدة ما من امدرمان ههههههه)..المهم..
...المهم الله يتمم على خير والله يسعد تمبس وداليا...ولى قدام...

Quote: .وإنشاء تتواصل أفراح الحلف

يحلفوك القسم في البوليس ان شاء الله يا إلتواث .. بعدين خليك أب ديت ياخي ..

حميدة
يامان كدى نزل لينا حاجة لايمن الربع...
وانها ابديت للدين,,,يلى نزل البهجة ىا مان
دايرين غبار الحفلة يجيب ناس البوستات المجاورة