Post: #1 Title: المبدعة دي لم تتكرر ولن تتكرر قريباً .....بالله الحرم السودانيين من صوتها مش يستحق الجلد Author: صباح حسين طه Date: 11-13-2009, 02:43 PM Parent: #0
استمع منذ ساعة لشريط قديم لحنان النيل لأيقن بأن هذه المبدعة لم تتكرر بعدها
ولن تتكرر
أفيدوني بالله لماذا توقفت عن الغناء
بس أوع يكون في سي راجل عرسها ومنعها من الغناء
أو أقنعوها بأن الغناء حرام
والله حرام عليهم يحرموا الشعب السوداني من صوت ذي دا
يا الله الرجعت البعيو للغناء ترجع لينا هذه الحنان الجميلة
مافي واحد يا اخواتي وأخواني بعرف ينزل لي ابني عشك يا قماري قشة قشة
Post: #2 Title: Re: المبدعة دي لم تتكرر ولن تتكرر قريباً .....بالله الحرم السودانيين من صوتها مش يستحق الجلد Author: عمر الفاروق Date: 11-13-2009, 03:13 PM
Quote: أفيدوني بالله لماذا توقفت عن الغناء
Quote: مافي واحد يا اخواتي وأخواني بعرف ينزل لي ابني عشك يا قماري قشة قشة
حنان النيل تبني في عشها قشة قشة خلاص عايزين تهدوهو ليها؟
تخريمة : بالمناسبة حنان النيل عندها تسجيلات جديدة أجمل بي كتير من القديمة ..لي كم يوم خرمان لي صوتها بي طريقة غريبة بردد في : يا ريزنة وصي عينيك الحنينة ترسم الفرح المهاجر في عيون كل المدينة ..
Post: #3 Title: Re: المبدعة دي لم تتكرر ولن تتكرر قريباً .....بالله الحرم السودانيين من صوتها مش يستحق الجلد Author: omer osman Date: 11-13-2009, 03:24 PM Parent: #2
Quote: ابني عشك يا قماري قشة قشة
برغم ان سيد خليفة مبدع ..... الا ان حنان النيل اجادت هذه الاغنية اكثر منه
Post: #4 Title: Re: المبدعة دي لم تتكرر ولن تتكرر قريباً .....بالله الحرم السودانيين من صوتها مش يستحق الجلد Author: صباح حسين طه Date: 11-13-2009, 04:54 PM Parent: #2
يا عمر الفاروق أخوي حنان دي صوت ملك الناس كلهم وعشها هو الفن أها ما لقيت لي غنية أبني عشك يا قماري
ويا عمر جنابو أوافقك مية المية إنه حنان النيل مش أجادت أغنية ابني عشك أكتر من سيد خليفة وبس بل أجادت في كل الأغاني الأدتها أكثر
من معظم من غنوها قبلها.....لكن الله يجازي محن بابكر صديق الإتحول لتاجر غنا
Post: #5 Title: Re: المبدعة دي لم تتكرر ولن تتكرر قريباً .....بالله الحرم السودانيين من صوتها مش يستحق الجلد Author: المعز ادريس Date: 11-13-2009, 05:35 PM Parent: #4
هنا في توارد خواطر جميل أمس بالليل كنت أعد نفسي بالإستمتاع ب(آخر أعمالها) في هذا الويك اند و يبدو يا صباح أنك و ربما عمر الفاروق لم تستمعا للشريط الرائع الأصدرته حوالي 2001 شريط من توزيع و تنفيذ الموسيقي الرائع سعد الطيب و عنوان الألبوم "صباحات شوقنا" و يضم من الأغنيات: صباحات شوقنا, أبوي , عازة وصالك غلطان بعتذر , بت ملوك النيل, مداعب الغصن الرطيب موسيقى فاخرة بأنامل سعد و تطريب رائع لحنان النيل أها لو عايز أنزل ليكم حاجة منو هنا معناها إلا أدخل الشريط في كيس قماش و أربطو في خشم الكمبيوتر لأنو تب ما عندي فكرة حول إنزال ملف صوتي من كاسيت للكمبيوتر! نفتقد فعلا لحنان النيل التي لا تتكرر تحايا,
Post: #8 Title: Re: المبدعة دي لم تتكرر ولن تتكرر قريباً .....بالله الحرم السودانيين من صوتها مش يستحق الجلد Author: صباح حسين طه Date: 11-13-2009, 10:03 PM Parent: #5
تشكر أخي المعز الطيب
نعم يا المعز سمعت شريطها بتاع 2001 وكان يبدو أن الاغاني هذه المرة تخصها ولكن هنالك شريط هز كل وجدان سوداني أظنه 88 وكانت تتغني بأغنيات فنانين سبقوها بس كانت روعة روعة...اتمني أن تكون مواصلة لأنني سمعت غير ذلك
Post: #6 Title: Re: المبدعة دي لم تتكرر ولن تتكرر قريباً .....بالله الحرم السودانيين من صوتها مش يستحق الجلد Author: GamarBoBa Date: 11-13-2009, 05:47 PM Parent: #4
شكرً صباح لانك زكرتينا بحنان النيل يقال انو الطيب صال قال مرة انو حنان النيل لو كانت في دولة غير السودان كان عملوا ليها اكبر تمثال وحقيقي التسجيلات الاخيرة فيها ابداع ما طبيعي بالذات العود مع عوض احمودي لها مكتبات غنائية في عدد من المواقع لو احتجتوا للمزيد قوقل بفيدكم
لها التحية
Post: #7 Title: Re: المبدعة دي لم تتكرر ولن تتكرر قريباً .....بالله الحرم السودانيين من صوتها مش يستحق الجلد Author: محمد المرتضى حامد Date: 11-13-2009, 05:56 PM Parent: #6
بالحيل غنايه يا صباح، عندما ظهر الإلبوم الأول الذي تغنت فيه بأغاني عدد من الفنانين عام 88 على ما أذكر، إنطلق كتشالنجر نحو الفضاء الخارجي، قوية كانت وعالية، وأظن أن أحد سحرة الكيبورد وقتها رافقها في رحلة ذلك الإلبوم الجميل - لعله إبراهيم محمد الحسن إن لم تخني ذاكرتي الفقيرة. مازالت أغنية المطربة أماني ( بلقى الدنيا فرحه) و (قم يا طرير الشباب) تتمخطر في الخاطر بصوتها الندي. نعم ، أين هي في زمن المطربات البلاستك. يبدو أنها ، ككل جميل ، انحسرت مع النيل .
Post: #9 Title: Re: المبدعة دي لم تتكرر ولن تتكرر قريباً .....بالله الحرم السودانيين من صوتها مش يستحق الجلد Author: عبدالعزيز الفاضلابى Date: 11-13-2009, 11:49 PM Parent: #7
Quote: ابني عشك يا قماري قشة قشة
دى خلاس زقفت على كده.
Post: #10 Title: Re: المبدعة دي لم تتكرر ولن تتكرر قريباً .....بالله الحرم السودانيين من صوتها مش يستحق الجلد Author: Abd Alla Elhabib Date: 11-14-2009, 00:16 AM Parent: #9
يا سلام عليها .. صوتها الشـجن ومـوهبتها المـتفردة .. أيام صفانا ومعها علي الأورغن الأستاذ إبراهيم محمد الحسن !
Post: #11 Title: Re: المبدعة دي لم تتكرر ولن تتكرر قريباً .....بالله الحرم السودانيين من صوتها مش يستحق الجلد Author: صباح حسين طه Date: 11-14-2009, 01:34 AM Parent: #6
الله ياقمر بوبا ما كل هذا الجمال إنشاءلله عش في الجنة عليك الله كمان لو بتقدر علي رابط لبلقي الدنيا فرحة ما تكون قصرت تب
أبني عشك يا قماري قشة .. قشة
ابني عشك يا قماري قشة .. قشة وعلمينا كيف على الحب دارنا ينشا رغم العواصف .. برضو واقف ماليهو رعشه
علمينا يا قماري سر المحنة وكيف بتبني ياقماري من قشة جنه وكيف تخلي الحب دوام فوق المظنة وكيف نهلنا على مهلنا حبنا المافيهو غشه
علمينا يا قماري سر الأغاني أهي نجوى أم دعاء أم أماني أم نداء لي أليف ليس داني أم حنين ودعابة أم صلاة مستجابة أم تزيلي بيها وحشه
يا قماري هل طال يوما بيك سهادك وحبيبك هل غاب يوماً عن ميعادك هل قضيتي الليل ساهرة ودموع خديك ظاهره وضياء عينيك أعشى
Post: #12 Title: Re: المبدعة دي لم تتكرر ولن تتكرر قريباً .....بالله الحرم السودانيين من صوتها مش يستحق الجلد Author: حبيب نورة Date: 11-14-2009, 02:09 AM Parent: #11
مبالغة ياخ
Post: #13 Title: Re: المبدعة دي لم تتكرر ولن تتكرر قريباً .....بالله الحرم السودانيين من صوتها مش يستحق الجلد Author: سلمى الشيخ سلامة Date: 11-14-2009, 02:25 AM Parent: #12
الاخت الحبيبة صباح تحياتى للاسف حنان النيل اعتكفت وقالت انها لن تغنى حين سالتها العام 2006 فى السودان وقالت انها لن تعود للغناء فاخفيت دمعة سرت لان صوت حنان صوت لايحببك فى الغناء وكفى بل انه من اجمل الاصوات التى طافت بالوطن الى كل ذلك حنان تعزف على العود والاورغ والبيانو كل الة وقعت يدها عليها اجادت عزفها لكن هذه رغبتها وليس لنا الا ان ننحنى اجلالا لها تحياتى لحنان ولك ايتها الرائعة
Post: #14 Title: Re: المبدعة دي لم تتكرر ولن تتكرر قريباً .....بالله الحرم السودانيين من صوتها مش يستحق الجلد Author: ضياء الدين ميرغني Date: 11-14-2009, 02:26 AM Parent: #12
والله يا صباح انت ذاتك زولة فنانة طالما ذكرتينا بحنان النيل وبهذا الشجن الدفين
Post: #15 Title: Re: المبدعة دي لم تتكرر ولن تتكرر قريباً .....بالله الحرم السودانيين من صوتها مش يستحق الجلد Author: صباح حسين طه Date: 11-14-2009, 06:58 AM Parent: #14
مولانا محمد المرتضي هلت الأنوار
نعم والله أغنية بلقي الدنيا فرحة كان لها ألق غير عادي ياريت واحد يقدر ينزلها لينا
حنان ما بتتكرر والمشكلة في بابكر صديق البقي تاجر غنا وأوهم المئات من الشباب إنهم ممكن ممكن يجوا ويغنوا للشعب السوداني المسكين
ثم بعد داك يحتكر الكويسين منهم ويفك البقية بوهم انهم نجوم وبالتالي يورطهم في مهنة ما عندهم مقومات نجاح فيها
أخوي عبدالعزيز الفاضلابي
ليه توقف هنا دي ما ملك نفسها دي أم كلثومنا
أخوي عبدالله الحبيب تسلم يا رايع وشكراً علي أيام صفانا ولكن هل من مزيد شفت عليك الله الصوت دا جميل ومرتب كيفن
أخوي حبيب نورا اتمني انك تكون لقيت ليك فرصة في شريطها بتاع 1988 عشان تاخدك زينا لعالم تاني ....تسلم
حبيبتي سلمي ....فنانة وتدلي بشهادتها المجروحة في حق زميلتها....حرام الزيكم يهجروا الفن ولا البلد بس الله يلعن الكانوا السبب
تعرفي يا سلمي كلامك دا ياهو ذاتوا الكنت خايفة منوا انا إنوا حد يوصلها لمرحلة انها تتخلي عن اجمل ما تملك وهو الغنا
غايتو البعيو قدر يمرق من الشرك الله اليمرقها لينا هي
فناننا المبدع ضياء أعتز بشهادة مثلك في أني صاح في كلامي إنوا حنان النيل قامة فنية لا تطال
الله يخلي كل فنانين بلادي ويحفظهم يا رب
Post: #16 Title: Re: المبدعة دي لم تتكرر ولن تتكرر قريباً .....بالله الحرم السودانيين من صوتها مش يستحق الجلد Author: ابراهيم الصغير Date: 11-14-2009, 08:26 AM
حنان النيل .. صوت لن يتكرر حقيقة... اكثر اغنية اعجبتني عندها ... ما عدت قادر انتظر... وانا امام الكمبيوتر بكون قاعد اسمع في الاغنية دي لحدي ما اقوم... تحياتي
