Post: #1
Title: هل هـذا الخبر من حلايب صحيـح، ولماذا مساعد رئيس الجمهورية؟ أين وزير الخارجيـة؟
Author: Abureesh
Date: 11-13-2009, 07:15 AM
المصـدر: سـودانيزأونلاين
Quote: فى تصعيد خطير غير متوقع اعتقلت السلطات الامنية المصرية 32من قيادات ورموز منطقة حلايب المحتلة وارغمت 200اسرة سودانية من اخلاء المنطقة باالقوة الجبرية الى داخل الاراضى السودانية
وحذر نائب دائرة حلايب بمجلس تشريعى ولاية البحر الاحمر محمود حمد اللة محمدمن خطورة مسلك السلطات الامنية المصرية تجاة المواطنيين السودانيين القاطنيين مثلث حلايب وتابع حمد اللة ان مسلسل الاعتقالات والمضايقات مازال مستمر ممااجبر مئات الاسر من الفرار من جحيم المعاملة الوحشية من قبل الامن المصرى واضاف حمد اللة ابلغنا الحكومة السودانية بهذة الممارسات ممادفع مساعدرئيس الجمهورية موسى محمد احمد بااستدعاء السفير المصرى باالخرطوم وابلاغة ماحدث والذى وعد بدورة بالنظر فى امر المعتقلين والسماح للمواطنيين بالتواصل مع اهلهم وذويهم بسهولة دون مضايقات
|
|
Post: #2
Title: Re: هل هـذا الخبر من حلايب صحيـح، ولماذا مساعد رئيس الجمهورية؟ أين وزير الخارجيـة؟
Author: Abureesh
Date: 11-13-2009, 07:33 AM
Parent: #1
لو لم تتحرك الحكومـة لفرض السيادة الســودانية على حلايب، فسـوف يدعم هـذا مواقف من يقولون
أن الحكومـة فى الخرطوم ما هى إلا نخبـة نيليـة ضيقـة الأفق، ولا يهمها أمر أقاليم الســودان
البعيدة من الوسط.
الأخوة زملاء المنبر فى حزب المؤتمـر الوطنى.. نرجو توضيح موقف حزبكم ثم حكومة المؤتمـر من هـذه القضيـة.
|
Post: #3
Title: Re: هل هـذا الخبر من حلايب صحيـح، ولماذا مساعد رئيس الجمهورية؟ أين وزير الخارجيـة؟
Author: عبدالكريم الامين احمد
Date: 11-13-2009, 08:31 AM
Parent: #2
سلام يا ابوالريش..
وما يحدث في حلاليب فعلا امرا محير ويعكس تحلل السلطة في الخرطوم ومحاولتها التعامل مع امر حلاليب كامر ثانوي وملف كانه لا يعنيها..
غريب هو ان تقوم هذه الانقاذ الدنيا ولاتقعدها وهي تتحدث عن السيادة الوطنية والوطن
وجزء عزيز من شرقنا الحبيب مقتلع ويطرد اهله ويعاملهم بكل وحشة وقمع..ولانسمع حتي بغم
وما محاولة ادخال مساعد رئيس الجمهورية الا دس الرقبة في الرمال وتمييع للقضية....
.........
الموسف هو انو التاريخ يعيد نفسه ففي عام 58 تعاملت الاحزاب السودانية مع امر حلاليب بنفس طريقة الانقاذ اليوم فعندما يكون الامر مع مصر تطفو الي السطح الاجندة والمصالح السياسية الانتهازية المتساهلة..
ورحم الله عبدالله خليل
فليكتب له في في التاريخ ما قام به من تحريك للقوات السودانية صوب حلاليب
|
Post: #4
Title: Re: هل هـذا الخبر من حلايب صحيـح، ولماذا مساعد رئيس الجمهورية؟ أين وزير الخارجيـة؟
Author: Abureesh
Date: 11-13-2009, 09:07 AM
Parent: #3
امر خطير أن يشعر المواطن ان الحكومة المركزية ليست حكومة كل السودان.
|
Post: #5
Title: Re: هل هـذا الخبر من حلايب صحيـح، ولماذا مساعد رئيس الجمهورية؟ أين وزير الخارجيـة؟
Author: عوض محمد احمد
Date: 11-13-2009, 09:44 AM
Parent: #4
الامر يحتاج الى (كميات) بالغة من الحكمة و الروية و الهدؤ فى الافعال و الاقوال.
التصعيد لا يفيد البتة. فالسودان لا قبل له بمواجهة مع الجيش المصرى الذى خاض خمس حروب فى ربع قرن (1948-1973), و هو الذى يفشل فى مواجهة حروب عصابات مع ميليشيات صغيرة الاعداد و ضعيفة التسليح.
استفزاز النظام و محاولة اللعب على اوتار الحماسة السودانية و (الجعولية) ربما تدفع بعض متهورى الظام لمواجهة عير متكافئة ربما نتج عنها فقدان منطقة البجر الاحمر بكاملها.
فلنعطى الدبلوماسية الفرصة لاطفاء النيران و لنجنب بلادنا الحروب ما امكن حتى و لو كنا الطرف المعتدى عليه اذا كان بالامكان تخصيل الحقوق سلما.
ورد فى السنة المطهرة و على لسان المعصوم ما يحض على تجنب الحروب (لا تمنو اللقاء), ناهيك عن الامر القرانى الصريح بالنهى عن (التقاتل) بين المومنين, و الاصلاح بينهم اذا حصل القتال فعلا, لا اشعال نيران الفتنة و البغضاء.
|
Post: #6
Title: Re: هل هـذا الخبر من حلايب صحيـح، ولماذا مساعد رئيس الجمهورية؟ أين وزير الخارجيـة؟
Author: Abureesh
Date: 11-13-2009, 09:46 AM
Parent: #4
هل هذا الخبر صحيح؟ واين المصدر يا ناس سودانيزاونلاين؟
ما جعلنا هادئين فى المعارضة هو معاملة المصريين الطيبة لسكان حلا يب وتوفير الخدمات لهم، التى نقرها فى التقارير.
وقلنا الحق لا يضيع وستعود حلايب.. أما ان يعامل السكان معاملة أجانب ويجرى طردهم من وطنهم
ومصادرة اراضيهم، فهذا الخط الاحمر.
نرجو الحقيقة ممن رفعوا هذا الخبر، وإن لم يكونوا اعضاء فيمكن رفع التبيين فى ذات مكان الخبر
|
Post: #7
Title: Re: هل هـذا الخبر من حلايب صحيـح، ولماذا مساعد رئيس الجمهورية؟ أين وزير الخارجيـة؟
Author: عمر سعد
Date: 11-13-2009, 11:10 AM
Parent: #6
ابو الريش
يسعد جمعتك كيفك مشتاقون ..وين ما ظاهر
انت راجى الكيزان يجو يدخلو بوستك ده طيب خلاص برضو انتظر معاك ياجوج وماجوج يجو برضو
مررنا للسلام
|
Post: #8
Title: Re: هل هـذا الخبر من حلايب صحيـح، ولماذا مساعد رئيس الجمهورية؟ أين وزير الخارجيـة؟
Author: محمد حلا
Date: 11-13-2009, 11:14 AM
Parent: #6
الحكومة قتلت شعبها في جنوب السودان بحجة الدفاع عن السيادة الوطنية
ولا تزال تقتتل وتغتصب شعبها في دارفور بنفس الحجة وربما تبارك اضطهاد سودانيي حلايب بحجة الحرص على السيادة الوطنية
المدعو عوض محمد احمد يرى ذلك!!
حتى السم المدسوس في الخبر (اخراج 200 اسرة سودانية )الي داخل الحدود السودانية يدلل الاعتراف بان حلايب مصرية يا للعجب لهذه النخبة الفاسدة
طالما نحن واثقين من سودانية حلايب فلنحسمها بالتحكيم الدولي ونخلص ونؤمن لشعبنا كبرياءه بالقانون الدولي في ظل فساد الكيزان ومن لف لفهم من النخبة الفاسدة
قد نضعف يوما ولكننا لن نموت
|
Post: #9
Title: Re: هل هـذا الخبر من حلايب صحيـح، ولماذا مساعد رئيس الجمهورية؟ أين وزير الخارجيـة؟
Author: بكري الصايغ
Date: 11-13-2009, 03:00 PM
Parent: #1
فـوق،
فـوق،
فــوق.
الأخ الـحـبيـب الحـبـوب،
Abureesh
تحياتي ومودتي،
***- كلهم سكتوا!!!،
- البشير،
نوابه،
مستشاريه،
حكومته المركزية،
و 565 وزيرآ ومستشارآ بالحكومات الولائية ،
اعضاء البرلمان،
الاحزاب العلمانية،
الاحزاب الدينية،
وزارة الخارجية والتي تمثل الحزب الحاكم لاالدولة سكتت لان الرئيس عمر ساكت!!
الاعلام السوداني ايضآ اثبت انه اجبن اعلام ظهر علي وجه الارض،
الصادق المهدي في القاهرة هذه الايام وبكره عنده ندوة هناك مانطق بحرف حول حلايب،
اما ابونا الذي هو ابو السكوت ( الميرغني) فهو ومنذ عشرين عامآ مازال صائمآ عن الكلام ( السودانيون في مصر يطلقون عليه تهكمآ اسم ابوالهول السوداني )!!،
المعارضة السودانية ( قال معارضة قال) هي الاخري سكتت عن ادانة طرد السكان!!!!،
السفير السوداني بالقاهرة وطاقم سفارته فانهم لم يسمعوا بعد بالنزاع السوداني - المصري حول حلايب، ويقال انهم لايعرفون اصـلآ اين هي حـلايب!!،
اما الصحفيين السودانيين بالقاهرة فهم لايكتبون عن حلايب خـوفآ ورعبآ من العيـن (الحـمرة المصرية) ....وايضآ خوفآ من قطع الارزاق!!!
***- لك مودتي ابوالريش.
|
Post: #10
Title: Re: هل هـذا الخبر من حلايب صحيـح، ولماذا مساعد رئيس الجمهورية؟ أين وزير الخارجيـة؟
Author: هاشم نوريت
Date: 11-13-2009, 04:06 PM
Parent: #9
ابو الريش
دبايوا
ماذا يضير الحكومة ترحيل مصر لمواطنيين سودانيين من ارضهم والاولى تنازلت عن مثلث حلايب شلاتين باكمله
ياريت نسمع صوت اخونا اوفاش كيف سيكون رايه وهوالذى طالب بالاحتلال المصرى للشرق بديلا للاحتلال النخبوى فى الخرطوم
|
Post: #11
Title: Re: هل هـذا الخبر من حلايب صحيـح، ولماذا مساعد رئيس الجمهورية؟ أين وزير الخارجيـة؟
Author: جلال نعمان
Date: 11-13-2009, 04:37 PM
Parent: #10
يا محمد
السلام عليكم
والله بعد شويه يطردوا ليك البشير زاتو من الخرطوم والطفل المعجزه جاهز يقوليهم نعملها تكامل
يا خوي لو راجي ديل يتكلموا في موضوع زي ده واطتك صبحت
حلايب هينه قليهم حصلوا طوكر وبورتسودان.........
|
Post: #12
Title: Re: هل هـذا الخبر من حلايب صحيـح، ولماذا مساعد رئيس الجمهورية؟ أين وزير الخارجيـة؟
Author: degna
Date: 11-13-2009, 05:05 PM
Parent: #11
الاخ الفاضل ابو الريش تحياتي
لاحياة لمن تنادي
دع التاريخ يسجل لهم باحرف سوداء صفحة قاتمة لن تنسي
علي
|
Post: #14
Title: Re: هل هـذا الخبر من حلايب صحيـح، ولماذا مساعد رئيس الجمهورية؟ أين وزير الخارجيـة؟
Author: Abureesh
Date: 11-15-2009, 12:44 PM
Parent: #13
Quote: الاخ ابو الريش كنت قد نشرت الخبر في بوست مساء امس... الخبر ورد عن الموقع الرسمي لولاية البحر الاحمر ... راجع الرابط التالي.
http://الامن المصري يعتقل 23 من رموز منطقة حلايب ويطرد ...00 اسرة خارج المثلث |
الموقع الرسمى؟!!! دا موقع حكومة الولايـة..
لو سمحت يا كمال هات الرابط الصحيح، الفوق دا ما شغال، وشكـرا جزيلا
|
Post: #15
Title: Re: هل هـذا الخبر من حلايب صحيـح، ولماذا مساعد رئيس الجمهورية؟ أين وزير الخارجيـة؟
Author: Abureesh
Date: 11-16-2009, 09:38 PM
Parent: #14
| Quote: انت راجى الكيزان يجو يدخلو بوستك ده طيب خلاص برضو انتظر معاك ياجوج وماجوج يجو برضو |
الأخ عمـر سعـد،
يا اخى ظهر إنو الحكاية ما كيزان وبس.. الحزب الشيوعى زاتو زاغ لما ملفاتو عن حلايب نزلت..
الظاهـر البلد كلها مقددة.
|
Post: #16
Title: Re: هل هـذا الخبر من حلايب صحيـح، ولماذا مساعد رئيس الجمهورية؟ أين وزير الخارجيـة؟
Author: Abureesh
Date: 11-17-2009, 07:57 AM
Parent: #15
فوق
|
Post: #17
Title: Re: هل هـذا الخبر من حلايب صحيـح، ولماذا مساعد رئيس الجمهورية؟ أين وزير الخارجيـة؟
Author: HAIDER ALZAIN
Date: 11-17-2009, 09:07 AM
Parent: #16
بتاعين المؤتمر الوطني وهتيفتو ما شافو البوست دا ؟؟؟!
تحياتي يا ابوريش
|
|