Post: #1
Title: ضبابية حول رأي احزابنا في عملية التسجيل وتضارب اراء ... التسجيل تحت اشراف القنصلية !!!
Author: الرفاعي عبدالعاطي حجر
Date: 11-10-2009, 07:36 AM
Parent: #0
؟
|
Post: #4
Title: Re: ضبابية حول رأي احزابنا في عملية التسجيل وتضارب اراء ... التسجيل تحت اشراف القنصلية !!!
Author: فتحي الصديق
Date: 11-10-2009, 07:58 AM
Parent: #2
لتكن الانتخابات المقبلة اجماعا سكوتيا اخر ..
ومعا من أجل الوطن المختطف ..معا لكي لا تهنأ عصابة الانقاذ بشرعية لا تستحقها..
|
Post: #3
Title: Re: ضبابية حول رأي احزابنا في عملية التسجيل وتضارب اراء ... التسجيل تحت اشراف القنصلية !!!
Author: الرفاعي عبدالعاطي حجر
Date: 11-10-2009, 07:57 AM
Parent: #1
اجمعت بعض القوى السياسية رأيها على ان تبدأ التسجيل تحت اشراف القنصلية
في حضور مندوبي الاحزاب والوكلاء ومراقبة اي تجاوز في حين يرى فريق آخر
أنه يجب عدم اعطاء هذه الفرصة للقنصلية في ظل انتماء واضح وصارخ لموظفي
القنصلية وارتباط بالمؤتمر الوطني المنافس كحزب سياسي .
..................................................................حجر.
|
Post: #5
Title: Re: ضبابية حول رأي احزابنا في عملية التسجيل وتضارب اراء ... التسجيل تحت اشراف القنصلية !!!
Author: الرفاعي عبدالعاطي حجر
Date: 11-10-2009, 08:06 AM
Parent: #3
اتفقوا على ان يبدأ التسجيل اليوم 10/11/2009م
المواعيد من 10 ص الى 3 م للفترة النهارية
وفي المساء من 6 الى 10 مساءاً
........................................حجر.
|
Post: #7
Title: الامة القومي في مدينة مكة المكرمة يرفض التسجيل ...
Author: الرفاعي عبدالعاطي حجر
Date: 11-10-2009, 08:16 AM
Parent: #5
تشهد مكة المكرة هذه الايام حركة ضيوف الرحمن وازدحام الطرق , وبما ان السلطات المحلية تقفل المدينة تماما إلا وفق تصاريح الدخول والخروج فيتعثر الحصول على وقت كافي للتسجيل إزاء هذه المبررات تقدم حزب الامة القومي بطلب للتأجيل عقب الانتهاء من موسم الحج وكانت تلك نقطة يتفق فيها جميع الاطراف , امس تفاجأت القوى السياسية برسالة sms تدعوهم للتسجيل اليوم وتحديد مناديبهم في مركز التسجيل هكذا بين ليلة وضحاها , ذهب مندوب حزب الامة ورفض كامل الاجراء للمبررات السابقة الذكر ... حزب الامة القومي سيتقدم بإعتراض رسمي اليوم وطعن في طريقة الدعوة ومبررات التأجيل والعمل على رفض الطريقة التي تدار بها عملية التسجيل في مكة المكرمة .
...............................................................حجر.
|
Post: #6
Title: Re: ضبابية حول رأي احزابنا في عملية التسجيل وتضارب اراء ... التسجيل تحت اشراف القنصلية !!!
Author: احمد محمد احمد عتيق
Date: 11-10-2009, 08:15 AM
Parent: #3
اخي حجر..
صباح الخير ...
ناس الشهادة السودانية ..برسلو مناديبهم .. وكمان التعليم العالي ..للتقديم ...
ناس الاراضي برسلو مندوب....
ناس الجوازات عندهم مناديب ...
ناس الضرائب برسلو مناديبهم ....ولديهم مندوب دائم ....وهكذا القنصليات ...
لماذا ناس مفوضية الانتخابات لا يرسلو مناديبهم ... وبرضو ح يكونو زي الناس الفوق ديل !!!!!!
وانت اعلم بناس القنصلية والذين يمثلون حزبا سياسيا واحدا ...يعني اصلا لا يجوز التسجيل لمندوب من القنصلية حسب قانون الانتخابات وقانون المفوضية ....فليس هنالك ضبابية ... والشغلة واضحة ...لو جاء مندوب من المفوضية اهلا وسهلا ..ولو ما جا ... يتوكلوا ويكملوا شغلانتهم براهم ...اصلا المغترب له الحق في التصويت لرئاسة الجمهورية فقط ...وبرضو حسب القانون ...هو القانون دة السواهو منو ؟؟؟مجرد سؤال ؟؟ اخي ...فمن هي تلك الجهات السياسية التي وافقت على التسجيل بتلك الطريقة ..وكيف لها من متابعة التسجيل ..واين لها بمناديب للمراقبة ...على ما اعتقد انها صفقة ..!!
والسؤال الثاني ؟ ماذا يريد المغترب السوداني من الانتخابات في تلك الظروف ؟؟؟؟
|
Post: #8
Title: Re: ضبابية حول رأي احزابنا في عملية التسجيل وتضارب اراء ... التسجيل تحت اشراف القنصلية !!!
Author: الرفاعي عبدالعاطي حجر
Date: 11-10-2009, 08:37 AM
Parent: #6
Quote: اخي حجر..
صباح الخير ...
ناس الشهادة السودانية ..برسلو مناديبهم .. وكمان التعليم العالي ..للتقديم ...
ناس الاراضي برسلو مندوب....
ناس الجوازات عندهم مناديب ...
ناس الضرائب برسلو مناديبهم ....ولديهم مندوب دائم ....وهكذا القنصليات ...
لماذا ناس مفوضية الانتخابات لا يرسلو مناديبهم ... وبرضو ح يكونو زي الناس الفوق ديل !!!!!!
وانت اعلم بناس القنصلية والذين يمثلون حزبا سياسيا واحدا ...يعني اصلا لا يجوز التسجيل لمندوب من القنصلية حسب قانون الانتخابات وقانون المفوضية ....فليس هنالك ضبابية ... والشغلة واضحة ...لو جاء مندوب من المفوضية اهلا وسهلا ..ولو ما جا ... يتوكلوا ويكملوا شغلانتهم براهم ...اصلا المغترب له الحق في التصويت لرئاسة الجمهورية فقط ...وبرضو حسب القانون ...هو القانون دة السواهو منو ؟؟؟مجرد سؤال ؟؟ اخي ...فمن هي تلك الجهات السياسية التي وافقت على التسجيل بتلك الطريقة ..وكيف لها من متابعة التسجيل ..واين لها بمناديب للمراقبة ...على ما اعتقد انها صفقة ..!!
والسؤال الثاني ؟ ماذا يريد المغترب السوداني من الانتخابات في تلك الظروف ؟؟؟؟ |
الاخ احمد عتيق
لك التقدير
ذلك قول سديد , تعرف بعض عضوية الاحزاب متقدميين جداً على زعماءهم وعلى قيادتهم, الجماهير الان تتقدم الاحزاب
فكرة ومواقف اعتقد انك اصبت كبد الحقيقة فالامتحانات ترسل مندوبيها وهكذا دواليك لكن هنا تريد الحكومة حكومة
المؤتمر الوطني ان تستفيد من هؤلاء القناصل الذين دربتهم الى اقصى درجة على عمليات التزييف وتزوير الانتخابات
ولا ننسى ان من يحكمونا اليوم هم قادة التزوير وتزييف ارادة الناس والتاريخ يشهد لهم ف الجامعات والنقابات بل
حتى روابط الاحياء والتشكيلات الاجتماعية ... تسلم يا عتيق .
.........................................................................حجر.
|
Post: #9
Title: Re: ضبابية حول رأي احزابنا في عملية التسجيل وتضارب اراء ... التسجيل تحت اشراف القنصلية !!!
Author: الرفاعي عبدالعاطي حجر
Date: 11-10-2009, 08:42 AM
Parent: #8
جدة- 10-26 /11 القنصلية
تبوك- 10-16/11 فندق السحاب
الليث- 10-11/11 فندق الاحلام السياحي
جازان 12-14/11 فندق تهامة
القنفدة 15-19/11 فندق اسيل
مكة 10-13/11 بعثة الحج السودانية
الطائف 14-16/11 فندق البستان
الباحة 17-19/11 قصر الباحة
المدينة 10-13/11 بعثة الاوقاف السودانية
رابغ 14-16/11 فندق درة الحجاز
ينبع 13-17/11 فندق رابغ
نجران 10-13/11 فندق نجران
خميس مشيط وابها 10-11/11 فندق الراية
|
Post: #10
Title: Re: ضبابية حول رأي احزابنا في عملية التسجيل وتضارب اراء ... التسجيل تحت اشراف القنصلية !!!
Author: الرفاعي عبدالعاطي حجر
Date: 11-10-2009, 09:05 AM
Parent: #9
* لماذا وافقت الاحزاب على ان تقوم بالتسجيل القنصلية ؟؟؟
** السجلات الانتخابية يجب ان تُفتح بواسطة مندوب المفوضية ؟؟؟
*** من اين للقنصلية بسجلات ومن سيقوم بفتحها وتعبئتها ؟؟؟
**** من سيتسلم الطعون ومن يبت فيها ؟؟؟
......................................................حجر.
|
Post: #11
Title: Re: ضبابية حول رأي احزابنا في عملية التسجيل وتضارب اراء ... التسجيل تحت اشراف القنصلية !!!
Author: البشير دفع الله
Date: 11-10-2009, 09:38 AM
Parent: #10
| Quote: خميس مشيط وابها 10-11/11 فندق الراية |
يعني خميس مشيط وأبها فرصة التسجيل يومين بس ؟
الرجاء التوضيح يا رفاعي
|
Post: #12
Title: Re: ضبابية حول رأي احزابنا في عملية التسجيل وتضارب اراء ... التسجيل تحت اشراف القنصلية !!!
Author: احمد محمد احمد عتيق
Date: 11-10-2009, 10:46 AM
Parent: #9
جدة- 10-26 /11 القنصلية
تبوك- 10-16/11 فندق السحاب
الليث- 10-11/11 فندق الاحلام السياحي
جازان 12-14/11 فندق تهامة
القنفدة 15-19/11 فندق اسيل
مكة 10-13/11 بعثة الحج السودانية
الطائف 14-16/11 فندق البستان
الباحة 17-19/11 قصر الباحة
المدينة 10-13/11 بعثة الاوقاف السودانية
رابغ 14-16/11 فندق درة الحجاز
ينبع 13-17/11 فندق رابغ
نجران 10-13/11 فندق نجران
خميس مشيط وابها 10-11/11 فندق الراية
يا اخوي المناديب وصلو ولا شنو ..ولا منو البسجل ..والله قصة ؟؟؟
|
Post: #13
Title: Re: ضبابية حول رأي احزابنا في عملية التسجيل وتضارب اراء ... التسجيل تحت اشراف القنصلية !!!
Author: الشفيع محمد صادق
Date: 11-10-2009, 08:17 PM
Parent: #8
شكرا ياحجر ياشفيف علي تنويرنا اولا باول.. النشوف آخرتا ذيما بيقولوا.. والأمل ياصديقي ليس في هذه الأحزاب الشائخة بقدرما هو في القوي الجديدة.. بس خليينا نثبت سنة الإنتخابات والتداول السلمي للسلطة (هي دي النقطة المصيرية ).. ياريت نقدر ننجز دي بس
|
Post: #14
Title: Re: ضبابية حول رأي احزابنا في عملية التسجيل وتضارب اراء ... التسجيل تحت اشراف القنصلية !!!
Author: بشير أحمد
Date: 11-10-2009, 08:40 PM
Parent: #13
الاخ/الرفاعي
تحياتي؛؛؛
المؤتمر الوطني ده حقو يمشي يجيب ليكم من عندو ممثلين للاحزاب
ومراقبين ؛
وانتو تقعدو تتفرجوا وتسكلبوا
ياخي الاحزاب طارحه نفسها منافس للمؤتمر الوطني ؛أن كان هناك احزاب ومعارضة اصلا.
لحدي الان ماشفنا برنامج انتخابي واحد للمعارضة الاسفيرية دي.
__________
التبرير المُسبق للهزيمة مابحلكم.
__________________
انا غايتو لو جاني نُقد شخصيا وشايل دفاترو ح اسجل عندو
يا ربي بعدين نقد ولا البشير ح يدخل معاي في غرفة التصويت ويقول لي أشخط هنا؟
|
Post: #15
Title: Re: ضبابية حول رأي احزابنا في عملية التسجيل وتضارب اراء ... التسجيل تحت اشراف القنصلية !!!
Author: الرفاعي عبدالعاطي حجر
Date: 11-11-2009, 08:52 AM
Parent: #14
بداية ايام التسجيل بالقنصلية بجدة وضباط من القنصلية على رأس التسجيل ...!!!
الاخ بشير احمد
تحياتي
وحمداً لله على السلامة ,حقيقي نحن نحتاج الى المؤتمر الوطني فقط أن يكون صادقاً فيما يقول , تعرف حقيقي اشكاليتما هي
مع لسان المؤتمر الذي يتحدث لغة ويمارس غير ما يقول وتلك احد خصال الحركة الاسلامية السودانية ترى في المراوغة ذكاء
وفي نقض العهود والالتفاف عليها نوع من الشيطنة والمكر غير السيئ ذلك الذي يُحيق بأهله كما قال مولانا الميرغني في
سياق اخونا شكري ماطوس .
عزيزي :
نحن نتحدث عن ممارسة شفافة , يختار فيها الشعب السوداني ممثليه في حرية في ظل اجواء ديمقراطية حقيقية شكلاً وموضوعاً
لا شعارات لا يصدقها واقع , الان الاحزاب تشكر على مرونتها في تفهم وجهات النظر وشكرا لها وهي تلعب اللعبة وفق قواعد
وضعتها الانقاذ ياراجل اهلنا قالوا الفي ايدو القلم ما بيكتب نفسو شقي وفي ظل الكذب الصريح للانقاذ مذ ميلادها عندما
قال البشير انهم ثورة وطنية جاءت لتخلصنا من وووووو الخ فجاءت الحقيقة ان اذهب للسجن حبيسا واذهب للقصر رئيسا هذه
هي اخلاقية الانقاذ وحدث الى نهاية المشوار ... الان اللعبة وفق قواعد وضعتها انت كيفما ارتضيت وقبلت الاحزاب ذلك وفقط
طالبت بالحرية في القوانيين وذلك اعتقد طلب بسيط وموضوعي .
مساءلة اضعاف الاحزاب ذلك ما كسبت يدا الانقاذ يا سيدي هذه الاحزاب زرعوا واختاروا العناصر الهشة ومارسوا فيها ذلك عن
عمد تأثير الانقاذ طويل وكبير في عمق كافة المسلمات بديهة وماكان يجمع لكن يا اخي ذلك سهمها وقد انقلب عليها فلتقبل
بالحريات ولترى ؟؟؟ ياراجل نحن لا نتحدث عمن نقف يكون مقابل البشير ؟؟؟؟؟؟؟؟ البشير لا يعدو ديكتاتور وقاتل وفاسد مارس
التقتيل ومارس الكذب منذ الوهلة الاولى والان قد شرب من كأس الكرسي الساحر فربط مصير الوطن بمصيره الشخصي تلك لعمري جريمة
لن تغفرها اجيال واجيال ستسجل لرجل من الريف جاء نتاج خديعة وقبع عشرين عاما وكلما يتحدث عنه من انجاز هو مض خراب عم ويعم
البلاد بطولها وعرضها نحن نتحدث عن برنامج مقابل البشير نحتاج برنامج استرداد السودان من الذين سرقوا حتى الامل ياراجل هذا الشعب
هو صاحب اللاءات , هذا الشعب هو من ساند لوممبا وشارك في باندونق ,,, هذا الشعب الذي احاله البشير اليوم الى مسخ مشوه وشائه
لكنه صاحب ذاكرة انعاشها لا يحتاج فرمته (Informal) بل قليل من الرفريش (#######) يا دكتور .... ونتواصل .
.......................................................................................حجر.
|
Post: #16
Title: Re: ضبابية حول رأي احزابنا في عملية التسجيل وتضارب اراء ... التسجيل تحت اشراف القنصلية !!!
Author: علي الكرار هاشم
Date: 11-11-2009, 11:11 AM
Parent: #15
ضبابية حول رأي احزابنا
لو سمحت احزابكم دي وين قاعدة منذ اتفاقية السلام
نحن عندنا مافيش ضبابية كل شي واضح
تسجيل
وبعدين انتخاب
وبعدين الفيصل الصندوق
مش ياهو دا نفس المسار الديمقراطي ( البنحلم بيهو)
والله لازم كل حاجه تكون مقاس ( أحزابكم الضبابيه )
كما يقول ود الموج
.......
غايتو جنس غايتو
|
Post: #17
Title: Re: ضبابية حول رأي احزابنا في عملية التسجيل وتضارب اراء ... التسجيل تحت اشراف القنصلية !!!
Author: الرفاعي عبدالعاطي حجر
Date: 11-12-2009, 09:48 AM
Parent: #16
وما علاقة احزابنا بنيفاشا ؟؟؟؟
.......................حجر.
|
Post: #18
Title: Re: ضبابية حول رأي احزابنا في عملية التسجيل وتضارب اراء ... التسجيل تحت اشراف القنصلية !!!
Author: محمد حسن العمدة
Date: 11-12-2009, 10:26 AM
Parent: #17
Quote: تسجيل
وبعدين انتخاب
وبعدين الفيصل الصندوق
مش ياهو دا نفس المسار الديمقراطي ( البنحلم بيهو)
والله لازم كل حاجه تكون مقاس ( أحزابكم الضبابيه )
|
يا كرار
ياخي سؤال بس
انت الحياء دا اصلو اصلو ما قسمو عليكم ؟؟
تسجيل ماسكنو ناسكم ... دا بسمو تسجيل كيف ؟
انتخاب مشرفين عليهو برضو ناسكم ... دا بسمو انتخاب ؟
صندوق حارسنو وبفرزو ناسكم ... دا بسمو صندوق ؟؟
لا ما نفس المسار الديمقراطي
اذا انتو واثقين شديييييييييييييد من الناخبين ليه ما تعملو نزيهة وتبطلو الوسخ البتعملو فيهو دا وتخلو كل شي قومي وبمشاركة الجميع وتحت اشراف مهني نزيه ؟؟
كل ما تفعلونه هو دليل على عدم ثقتكم في الشعب ودي فوبيا قديمة بتعانو منها ...
شوف انا اقول ليك حاجة اعتبرو تنبؤ اعتبرو تنجيم اي حاجة
حكومتكم دي ماشا ماشا ووالله العظيم والله العظيم كل الارزقية المعاكم ديل بكره تلقوهم مافيشين
قومو لفو
والبشير دا الا تعملو ليهو المحلي بتاع مشروع الجزيرة ولا محلي عطبرة !!
|
|
