Post: #1
Title: بابكر صديق يخرج عروسات الغد وليس نجمات غد!!
Author: عمر الفاروق
Date: 11-10-2009, 05:16 AM
ما ان تنتهي دورة من دورات برنامج نجوم الغد إلا وتووووووووووشك تظهر لينا واحدة أو إتنين من من نطلق عليهن نجمات الغ دراسمة ليك الحنة لحدددددي كوعا والوش اااااخر بودرة وكريم اساس والكحل ما يديك الدرب اما شيل الحواجب فده موضوع تااااااني..
كنا ننتظر من البرنامج يخرج لينا فنانات مستقبل فإذا به يخرج لينا عروسات الغد..
بقا يجيني إحساس إنو اي زول كايس ليهو عروس بيصنقر في برنامج نجوم الغد ويقعد يفلتر يفلتر يفلتر زييي فلترة بابكر صديق دي وفي النهاية أكيد المنافسة قاعدة تصفي على بتين بيقوم يختار البتفوز منهن بي الجائزة ..
كل زولة جات الأولى أو التانية في برنامج نجوم الغد تغيب ليها شهر شهرين من التلفزيون وبدل ما تظهر لينا بي عمل فني جديد تظهر لينا بي راجلا في حلقة من حلقات العيد ..
المخيف والمستغرب في البرنامج ده وطوااااااال فترة قيامه أصصصصصصصصصصصصلو ما حصل طلع لينا نجم غد طوااااااااااالي نحن في حالة نجمات غد ..
طوااااااالي المنافسة بين بتين في النهاية ..
والأغرب إنو كلللل البيترشحو للنهائيات ديل بيكونوا بيتشابهو في الشكل وغالباً بيكونوا أسمح الشينات في البرنامج ..
لجنة غريبة تختار بي طريقة أغرب الفائزات (طبعا لا وجود لي فائزين)..
غايتو السنة دي فهيمة كانت محظوظة ما لقت ليها زولة سمحة مشتركة معاها في المنافسة فقااامت إتجدعت ..
كل ما اسمع افراح عصام والإسمها عبير ديك واتذكر إنهم كانوا بيتنافسو على المراكز الأولى اتعجب !!!!
بنرماج نجوم الغد من يوم ما اتعمل لحددددددددددددي الليلة دي انا بعتبر إنو قدم نجمة غد وااااااااااحدة تستحق فعلاً إنها تكون فنانة بي مواصفات فنانة حقيقية غير مصنوعة ..
البت عافيــــــــــــــــة حســـــــــــــــــــن ..!!
دي بس الوحيدة الممكن كنا نتوقع منها تكون فنانة متكاملة ..زولة صوتها أجمل من جميل وتطريب أكتر من عالي وفوق ده كلللللللو تتميز بي حاجة ما موجودة في ايييييييي زول بدا الغنا من الجيل الحالي ده الا وهي الإحســـــــــــــــــــاس..
زولة إحساسها عااااالي جداً وهي بتغني وبتعمل ليها حاجات بي تحت تحت كده وهي بتغني حاجات بتخللللع ..
بتعبر بي صورة حركية منتهى الإحساس والأناقة ..
اسمعو أول تسجيل لي أغنية يا حنيين زي عش العصفور وشوفو الزولة دي بتلعب بي صوتا ده كيف وبتطلع احساس مختلف ومفاجئ في حتت ما متوقعة اصلو ..
لكن للأسف البت اسة بطلت الغنا وإن كانت توجهت لي اعمال الخير لكن برضو بنقول فقدنا نجمة الغد الحقيقية..
الباقيات ديل مبروك عليكن يا بناتي وان شاء الله بيت مال وعيال ..
تخريمة :
غايتو يا البوردابيات كان ما كلكن بتعلبن تحت الأربعين كان قلت ليكن أشتركن في نجوم الغد لكن ما بيناتنا نخلي حمدي بدر الدين يعمل لينا برنامج اسمو كواكب الأمس ..
|
Post: #2
Title: Re: بابكر صديق يخرج عروسات الغد وليس نجمات غد!!
Author: Yassir Tayfour
Date: 11-10-2009, 05:34 AM
Parent: #1
يا نجمات الغد وكواكب الأمس، ليكّن الجلد والرأس والعضام... نحن عمر ده ما دايرين منو شيء..
|
Post: #4
Title: Re: بابكر صديق يخرج عروسات الغد وليس نجمات غد!!
Author: maia
Date: 11-10-2009, 07:40 AM
Parent: #2
الاخ عمر الفاروق
يحسب لبابكر صديق انه مجتهد في فلفلة وبحث عن الاصوات الجيدة
بعد ده الرك على اجتهاد المشاركين
مع انه عندي تحفظ كبير على طريقة تقييمنا للاصوات الجميلة رغم احترامي لاذواق الناس
لكن لما يجي الامر على لجنة تقييم الاصوات مفروض يكون التقييم استنادا على خامة صوتية مثل هادية طلسم وانت طالع
لكن المقياس اختلف وبقا في حالة رضا بالحد الادنى
افراح عصام نموذجا ومثال
اصوات لا تتعدى حدود الصوت العادي جدا والممكن اي زول لو بذل حبة مجهود ممكن يصل ليهو
بعدين شريف الفحيل يعتبر من نجوم الغد
يعني اهو في نجم ما بالتاء المربوطة
غايتو قربت تقول نجوم الغد بقا زي اسماء في حياتنا مع الفارق
الاول الى عش الزوجية وهذا الى احمد شرفي
كويس انه سميت البرنامج كواكب الامس
وما حملان في الحيشان
|
Post: #3
Title: Re: بابكر صديق يخرج عروسات الغد وليس نجمات غد!!
Author: عزاز شامي
Date: 11-10-2009, 07:13 AM
Parent: #1
قراءة فطيرة لظاهرة مجتمعية هامة ...
انت حسي مضايقك شنو؟
صوتهم ولا فورزهم؟
ولا انهم بيعرسو بسرعه؟
انت ما قلت صوتهم ما عاجبك
وتيب؟
يحضرني الان المثل الاغريقي (الرازق في السما و الحاسد في الارض)
|
Post: #5
Title: Re: بابكر صديق يخرج عروسات الغد وليس نجمات غد!!
Author: haroon diyab
Date: 11-10-2009, 07:43 AM
Parent: #1
الفاروق ياعمكـ.....| Quote: كنا ننتظر من البرنامج يخرج لينا فنانات مستقبل فإذا به يخرج لينا عروسات الغد.. |
انت قصدك شنو.....؟
نجمة ....نجوم الغد .....افراح الشعب
|
Post: #6
Title: Re: بابكر صديق يخرج عروسات الغد وليس نجمات غد!!
Author: haroon diyab
Date: 11-10-2009, 07:44 AM
Parent: #5
اخر تصريحات الفنانة افراح الشعب جنس حسادة
|
Post: #7
Title: Re: بابكر صديق يخرج عروسات الغد وليس نجمات غد!!
Author: علاء الدين يوسف علي محمد
Date: 11-10-2009, 08:17 AM
Parent: #6
الفاروغ
كدي عيب لي الشاب سعد!
ولاّ أسرار بابِكِر!!!
عافية حسن معاك فيها فنّانة كانت مُتكامِلة
أفراح عِندها إحساس في الغُنا بس صوتها ضعيف مع إنو حنين و شجي و جميل
فهيمة فيها مواصفات صوت أفراح بس الإحساس عِندها ما شُفتو
|
Post: #8
Title: Re: بابكر صديق يخرج عروسات الغد وليس نجمات غد!!
Author: عمران حسن صالح
Date: 11-10-2009, 08:38 AM
Parent: #7
يا هارون دياب ما تهظر ياخي !!
العاجبني فيها البت دي انها بتعرف تتصور ..
___________________________________________
إهداء إلى بروفايلات ود الموج - حبيب أفراح (نوره سابقاً )
|
Post: #9
Title: Re: بابكر صديق يخرج عروسات الغد وليس نجمات غد!!
Author: عمر الفاروق
Date: 11-10-2009, 08:43 AM
Parent: #8
طيفورنا:
كان لي نجمات الغد مااااا بشتغلن بيك هن فاضيات من العرس؟
وكان لي كواكب الأمس ما بيشتغلن بيك برضو مع إنهن النصيحة فاضيااااااااات ..
|
Post: #10
Title: Re: بابكر صديق يخرج عروسات الغد وليس نجمات غد!!
Author: عمر الفاروق
Date: 11-10-2009, 08:49 AM
Parent: #9
أختنا مايا :
سلامات..
اول حاجة خلينا نتفق انو بابكر صديق للأسف بقا ما زي زمان وما بيفلفل للبحث عن الاصوات الجميلة لأنه وبكل صراحة ومن بين كلللللل الالاف ديل بيجي يعرض لينا ناس ما عندهم علاقة بي الغنا ..
بقا همو وتفكيرو في رحلة نجوم الغد لاحياء حفل في دبي ومن ثم في نادي الضباط ومن ثم الدوحة وبالعكس..
بقا همو تغير اللبس وكل يوم يجونا بي لبسة مرة طرحة صفرا ومرا حمرا ومرة بنفسج..
شريف ليس نجم غد صوت بي امكانية محدودة مع ابتسامة ساحرة وقبول سااااااااااي كده من رب العالمين ..
بس فعلا شريف صوت ضعيف وما صوت نجم من نجوم الغد ..الغريبة ما عرس :)
بالمناسبة مر على نجوم الغد اصوات رجالية جمييييلة منها ولد عميان كده كان بيغني اغنية تيه واتاااكا لكن الزول ده مااا ظنيتو مشى لي قدام بفعل اللجنة وفعل بابكر فلا هو عرس ولا هو بقا نجم :)
افراح عصام فرضتها علينا لجنة تهتم بلون البشرة وخشلعة الملبس وكترة المكياج فخرجت لنا نجمة من مااااااااف..
المخجل حقا واحد زي السر قدور لمن تغني منار صاحبة الصوت الجميل يكتفي بي هز العصاية ويقرررب يديها بيها في كنكوجة لكن لمن تغني افراح عصام يكوووووورك يا سلاااااااااااااااام يا بتتتتتتتتتتتتتتتنا ..
|
Post: #11
Title: Re: بابكر صديق يخرج عروسات الغد وليس نجمات غد!!
Author: عمر الفاروق
Date: 11-10-2009, 08:54 AM
Parent: #10
عزاااااااااز ال شامي:
اها والله يا عزاز وبي حليفتا والرسووول فوقك كان مشيتي اشتركتي في نجوم الغد ..ما تخافي بشوف ليك واسطة وشهادة تسنين بخارجك من برنامج كواكب الأمس
وزي ما قال المثل الهندي :
مرمي الله ماااا بيترفع ..
بالجمبة كده :
عزاز إزييك ياخ ..
|
Post: #13
Title: Re: بابكر صديق يخرج عروسات الغد وليس نجمات غد!!
Author: عمر الفاروق
Date: 11-10-2009, 08:56 AM
Parent: #11
هارون يا دياب:
ياخ قوووووول انك صدقت حكاية مريخابية دي بخييت وسسعيدة عليكم لكن اسة قدرت تبلع لي قصة العجب دي؟
ياخ لو قالت السعودي والله بقبلا ..
|
Post: #14
Title: Re: بابكر صديق يخرج عروسات الغد وليس نجمات غد!!
Author: عمر الفاروق
Date: 11-10-2009, 08:58 AM
Parent: #13
علاء الدين يا صاحب:
| Quote: أفراح عِندها إحساس في الغُنا بس صوتها ضعيف مع إنو حنين و شجي و جميل |
يا راااااااااااااااااجل :) ..شكلك وقعت :)
افراح النوع الممكن يغني ليك عشرين اغنية كعبة وتلاتة كويسات ..
عندها اغاني محددة مرة مرة بتقدر تعمل فيهم حاجة بس ما طوااااالي..
افراح بتلعب على وتر المكياج واللبس اكتر من وتر الصوت مع انها بالمناسبة ما بتعرف تلبس وغير مااااا زادت اسعار البلوزات البودي على البنات ما سوت شي :)
|
Post: #12
Title: Re: بابكر صديق يخرج عروسات الغد وليس نجمات غد!!
Author: haroon diyab
Date: 11-10-2009, 08:54 AM
Parent: #10
| Quote: المخجل حقا واحد زي السر قدور لمن تغني منار صاحبة الصوت الجميل يكتفي بي هز العصاية ويقرررب يديها بيها في كنكوجة لكن لمن تغني افراح عصام يكوووووورك يا سلاااااااااااااااام يا بتتتتتتتتتتتتتتتنا .. |
|
Post: #16
Title: Re: بابكر صديق يخرج عروسات الغد وليس نجمات غد!!
Author: فيصل نوبي
Date: 11-10-2009, 09:07 AM
Parent: #12
يا عمر
يعني مفروض هسي يبدلو إسم البرنامج بي عروسات بعد باكر ؟
ياخ عليكـ الله شوف لي واسطة لشمائل بدل عزاز دي
علي الاقل شمائل صغيرة و جاهلة و مواليد 1995 شهر تلاته ..
و بالمرة كده شوف طريقة للمهور الجامحة في المنبر ده إن شاء الله فرسان في الميدان..
_
|
Post: #20
Title: Re: بابكر صديق يخرج عروسات الغد وليس نجمات غد!!
Author: بابكر عثمان مكي
Date: 11-10-2009, 09:20 AM
Parent: #12
الاخ عمر الفاروق
سلام ...
في حاجة برضو بتحيرني في نجوم الغد
الجمهور الموجود من البنات بيكون مطقم بالوان فاقعة جدا جدا
والرقيص في الكراس بالميل شمال يمين دا بيحسس المشاهد انو قاعد في مركب
بعدين لسة في سؤال عاوز حد يجاوبو لي سوا كان في نجوم الغد او في
برنامج السر قدور منو البدي الحق والموافقة في غناء اغنية لفنان آخر
وهل كلمة اداء مشاركة تعفي المقلد من المساءلة القانونية.
بابكر
|
Post: #15
Title: Re: بابكر صديق يخرج عروسات الغد وليس نجمات غد!!
Author: طلحة عبدالله
Date: 11-10-2009, 09:03 AM
Parent: #10
ياخي يخرج عروسات يخرج حلاوة مولد يخرج جنايز للبكري
انت شغلتك شنو بيهو ..؟
وبعدين
وين دليلك الصوتي او الصوري انو في زول هناأو في اية زاوية
قاليك انت مبدع ....؟
|
Post: #17
Title: Re: بابكر صديق يخرج عروسات الغد وليس نجمات غد!!
Author: عمر الفاروق
Date: 11-10-2009, 09:12 AM
Parent: #15
طلحة مراجيح :
Quote: وين دليلك الصوتي او الصوري انو في زول هناأو في اية زاوية
قاليك انت مبدع ....؟ |
ياخ مالك صعبتها كده ؟
اخر مرة كنت طلبت الدليل ولو يكون اقتباس .أسة الإقتباس بقا ما حبابو معاك؟
غايتو ده إقتباس من إحدى الأخوات الزميلات الفاضلات :
Quote: عمر الفااااااروق صخشياً ؟؟؟
إيه الإبداع ده !!!
فعلاً أنت قلم ذكي لماح ساخر ..تعجبني طريقتك في الكتابة وأسلوبك البسيط وحسك الفكاهي ..بس لسانك طويل حبببة ياخ ..
ركز في الكورة والغنا وسيبك من السياسة ومكاجرة الناس ..
شكراً يا جميل ..فعلاً يو ميد ماي داي.. |
أوعا تقول لي وين الرابط ..يربطوك في عمود كهرباء قول امين ..
|
Post: #19
Title: Re: بابكر صديق يخرج عروسات الغد وليس نجمات غد!!
Author: عمر الفاروق
Date: 11-10-2009, 09:18 AM
Parent: #17
نوبي يا عمك :
| Quote: ياخ عليكـ الله شوف لي واسطة لشمائل بدل عزاز دي |
ضغطت علي شديد والله يا فيصل وصعبتها خااالص..
شمايل دي ما عندها حل الا برنامج أفراح الروح أو برنامج الإفتاء ..
|
Post: #18
Title: Re: بابكر صديق يخرج عروسات الغد وليس نجمات غد!!
Author: humida
Date: 11-10-2009, 09:16 AM
Parent: #15
و الله يا عمر يا اخوي قدر ما حاولت اتكبكب مع الناس في سماحة افراح عصام البقولوا عليها دي ما قدرت ..
العزابة يفتحوا التلفزيون بعد المويات .. و تسمع الوحوحة .. التقول بس زول برمي ليهو في لقيمات ..
صوتها جبان لمن غلط .. و السـر قدور و صديق الموج داخلين من باب الما بتشوفه في بيتكم بخلعك ..
ياخي بابكر صديق و الله مما خلا اصوات و انامل انا بقى ما نازل لي زوور ..
..
..
بالنسبة لكواكب الامس .. احسن المسابقة تكون ثقافية .. و الجمهور من عينة ناس كوستاوي ..
|
Post: #21
Title: Re: بابكر صديق يخرج عروسات الغد وليس نجمات غد!!
Author: عمر الفاروق
Date: 11-10-2009, 09:21 AM
Parent: #18
حميــــــــــــــــــــــدة :
والله يا عمك برنامج كواكب الأمس ده تديهو لي كوستاوي كوكب واااحد تشوفو حايم ماف كوكبات سااااااااااااي وفي رواية كبكبات سااااااااي..
اسة عليك الله يا حميدة باقي ليك كوستاوي ده بيكون الهارديسك بتاعو كم قيقا بايت ؟
|
Post: #22
Title: Re: بابكر صديق يخرج عروسات الغد وليس نجمات غد!!
Author: humida
Date: 11-10-2009, 09:26 AM
Parent: #21
| Quote: الهارديسك بتاعو كم قيقا بايت ؟ |
قطع شك ما اقل من 80 تيرا .. و في كوكب هنا بيكون عامل ليهو اوضتين و برندة جوه الهارديسك ..
..
..
قال ليهو اقول ليك الله .. تقول لي عم شقلبان .. !!
|
Post: #23
Title: Re: بابكر صديق يخرج عروسات الغد وليس نجمات غد!!
Author: Saifelyazal Elmaki
Date: 11-10-2009, 09:29 AM
Parent: #1
| Quote: بابكر صديق يخرج عروسات الغد وليس نجمات غد!! |
وتلفزيون السودان كمان
اي مذيعة جديده فيها حبة رقشة
راحت في خبر مبروك
|
Post: #24
Title: Re: بابكر صديق يخرج عروسات الغد وليس نجمات غد!!
Author: ود الباوقة
Date: 11-10-2009, 09:45 AM
Parent: #23
حليل المطربة نفسية بت حميدان ود بخيت ...
زمن يا ود الفاروق ..
|
Post: #25
Title: Re: بابكر صديق يخرج عروسات الغد وليس نجمات غد!!
Author: ود الباوقة
Date: 11-10-2009, 09:53 AM
Parent: #24
| Quote: قطع شك ما اقل من 80 تيرا .. و في كوكب هنا بيكون عامل ليهو اوضتين و برندة جوه الهارديسك .. |
وكمان الاوضتين خلف خلاف . وتلقاه مفرش وراقد..
والعجب لو جاء معاه بشاشا ..
عيك الرماد ...
|
Post: #26
Title: Re: بابكر صديق يخرج عروسات الغد وليس نجمات غد!!
Author: عمر الفاروق
Date: 11-10-2009, 11:46 AM
Parent: #25
الاخ بابكر:
| Quote: الجمهور الموجود من البنات بيكون مطقم بالوان فاقعة جدا جدا |
والله ياااا ريتهم لو مطقمين ما كان قلنا حاجة واقلاه كنا قلنا بابكر صديق يصرف على البرنامج ويتكلف للعروسات اقصد النجوم ..
لكن المشكلة في إنو بس بيقول ليهم يا بناااااات بكرة تعالوا لابسين احمر وبعد داك اي بت تتصرف تشحد بت جيرانهم تشحد المكوجي الجمبهم تشرط ليها ملاية او ستارة ما مشكلة ..
لاحظ اختلاف درجات الالوان بي صورة مزعجة شديييييييييييد ..
|
Post: #27
Title: Re: بابكر صديق يخرج عروسات الغد وليس نجمات غد!!
Author: عمر الفاروق
Date: 11-10-2009, 11:52 AM
Parent: #26
ود الباوقة :
زولتك دي عرست ولا نلحقا ليك برنامج كواكب الأمس؟
|
Post: #28
Title: Re: بابكر صديق يخرج عروسات الغد وليس نجمات غد!!
Author: عاطف عمر
Date: 11-10-2009, 12:02 PM
Parent: #1
Quote: هارون يا دياب:
ياخ قوووووول انك صدقت حكاية مريخابية دي بخييت وسسعيدة عليكم لكن اسة قدرت تبلع لي قصة العجب دي؟
ياخ لو قالت السعودي والله بقبلا |
اين أنت يا تراجي ؟؟؟
أين أنت يا بشاشا ؟؟؟؟
_______________
الفاروق
سلامات يا رايق
|
Post: #29
Title: Re: بابكر صديق يخرج عروسات الغد وليس نجمات غد!!
Author: نهال كرار
Date: 11-10-2009, 12:23 PM
Parent: #1
ياعمر ياخ احبطتني
أنا كنت مؤمنة بذائقتك الفنية .. تجي تقول لي عافية حسن
عافية حسن يا عمر .. التصنع البتعمله عافية فرقه شنو من تصنع شروق أبو الناس ؟
|
Post: #30
Title: Re: بابكر صديق يخرج عروسات الغد وليس نجمات غد!!
Author: ود الباوقة
Date: 11-10-2009, 12:30 PM
Parent: #29
زولتك دي عرست ولا نلحقا ليك برنامج كواكب الأمس؟
والله دي الا تلحقا الكواكب احتفلوا يالقمر ..
عرست لكن عرسن مطرطش ...
|
Post: #31
Title: Re: بابكر صديق يخرج عروسات الغد وليس نجمات غد!!
Author: بكري عباس علي
Date: 11-10-2009, 04:07 PM
Parent: #30
عمر ابو كنكوج
تحياتنا يا لماح
ياخي انتا قلتا كلام كتير انا عايز اقولو من زمان بس خايف من الجماعة ديلك يجو ناطين
المهم
اكتر ناس استفادوا من البرنامج هم الخطاب زي احمد المك ( الله لا كسبه ) بالله خطف البنيه افراح كده خلي ليك ناس صديق الموج وشلته في السهله
تاني حاجة
عافيه حسن لمن تغني والله بتديني نفس احساس سيلين ديون رايك شنو ؟
سلام
بكري
|
Post: #32
Title: Re: بابكر صديق يخرج عروسات الغد وليس نجمات غد!!
Author: Kostawi
Date: 11-10-2009, 04:41 PM
Parent: #31
مافي فايدة
مصرج كالعادة
مرمي الله ما بترفع
قلت ليك قبل كدا
الجمال ما بشوفوه علا الجميلين
و السماع عندو عضنين
فكيف يعني!!!
شين و عضانو أصغر من البلية
|
Post: #33
Title: Re: بابكر صديق يخرج عروسات الغد وليس نجمات غد!!
Author: حنين للبلد
Date: 11-10-2009, 05:00 PM
Parent: #32
يا شين انت...
بنات اتزوجن ...مشكلتك شنو؟؟؟
محبط..... هو غير الزيك ده الخلى بنات البورد بقن كواكب شنو؟؟؟
* نجمة من نجوم مابعد الغد بي حولين....
|
Post: #34
Title: Re: بابكر صديق يخرج عروسات الغد وليس نجمات غد!!
Author: دينا خالد
Date: 11-11-2009, 10:30 AM
Parent: #33
سبحان الذى يخرررج العروسات من النجمات ياخ !!!
قاااااادر يا كريم ..
والعرس مالو لومو لى .. بمنع الغنا ؟ بمنع النجومية ؟ ولا بمنع الغد ؟؟
حتى اسال حميدة منو .... انت بتكون نسيتو ..
ام كلثوم كانت بتتزوج كل غد ...
صباح كانت عرسه الصياح وعرسه المساء ...
تحية كاريوكا اظنهم 3 مرات فى اليوم ...
دا غير عرسه عند اللزوم ديك ...
وبعدين هم الفنانين بتاعين الغد ديل ماااااا بعرسوا يفوزوا ساى بس ؟
*** كوكب المريخ ..
سنعووووووووووود
ـــــــــــــــــــ
عمر الفاروق انت قمت تهضررب بالعرس مالك ؟ فى شنو ؟
|
Post: #35
Title: Re: بابكر صديق يخرج عروسات الغد وليس نجمات غد!!
Author: ممدوح أبارو
Date: 11-11-2009, 11:02 AM
Parent: #34
| Quote: عمر الفاروق انت قمت تهضررب بالعرس مالك ؟ فى شنو ؟ |
كـــــــ!!!!!كــــ كبيرة ياخ
ياعمك تلقاك النوع البقعد للبرنامج في الموكيت قصاد التلفزيون
ولمن تجي أفراح بتململ لمن يكشح الجمبو بطل الكضب
|
Post: #36
Title: Re: بابكر صديق يخرج عروسات الغد وليس نجمات غد!!
Author: عمر الفاروق
Date: 11-11-2009, 11:31 AM
Parent: #35
بت الكرار نهال..
ياخ بالغتي والله ..هي من ناحية الكلفة اياها الشكلية فهم زيييي بعض سييم سييم صديق بس صدقيني في الغنا عافية ما بتتكلف صوتها ربااااني كده حلو ساااي بدون رتوش..
بالمناسبة يكفينا انو اتفقنا انا وانتي في حبنا لي ابوبكر سالم و فيروز ..
ياخ تاني عافية تطير
ابوبكر:
المك كان عندو عيب كبيير وبيظهرها عاااملة .
كل ما تطلع واحدة منهن بيطرح نفسو متبنيها وبعد داك بيقدم طرحو ويا صابت يا خابت ..
حنين يا بلد :
اووووول حاجة نتفق على اني وجيه ومااااا شين ولو اشتركت ليكم في نجوم الغد شوفوا كان ما بكرة امال النور خطبتني :)
بالنسبة لي كواكب البورد فياخ ما ترميها فيني والله منننننننن يومن كواكب ده اذا ما شهب ونيازك :)
|
Post: #37
Title: Re: بابكر صديق يخرج عروسات الغد وليس نجمات غد!!
Author: عمر الفاروق
Date: 11-11-2009, 11:40 AM
Parent: #36
دينــــــــا خالـــــــــــــد
كوكــــــــب عطـــــــــــــارد..
بس انتي اقعدي لفي لي حول الشمس كده لمن العرس يفوتك يا كافي البلا لا نجمة لا معرسة والله انتي حقو نحولك لي مجموعة شمسية متكااملة ..
والله نحن ما قلنا حاجة يبقن نجمات ومعرسات لكن المشكلة بقت انهن بيجن عشان العرس وبعد داك النجومية تطير..:)
بعدين اول مرة والله اعرف انو ام كلثوم تعرس كل غد..غايتو هي كانت بتفتش للعرس كل غد وما لقتو وشبكتو اغداً القاك أغداً القاك ..
صباح دي ما بعيد اسسسسة في كلامي وكلامك ده تكون قطعت الرحط ..
النبي فوقك كان عدتي ..ارتاحي ارتاحي عفيناك والله ..
والله حقو ناس اسبيس توون يتعاقدو معاك ..ياخ انتي كوكب فات حد الكواكب..
|
Post: #38
Title: Re: بابكر صديق يخرج عروسات الغد وليس نجمات غد!!
Author: عمر الفاروق
Date: 11-11-2009, 11:44 AM
Parent: #35
كوستاوي صائد الكواكب..:)
ياخ ما تشوف لي اورانوس ده معاك طريقة ان شا ء الله قولة خير ..:)
قال حاقد قال..
|
Post: #39
Title: Re: بابكر صديق يخرج عروسات الغد وليس نجمات غد!!
Author: دينا خالد
Date: 11-12-2009, 09:19 PM
Parent: #38
| Quote: والله حقو ناس اسبيس توون يتعاقدو معاك ..ياخ انتي كوكب فات حد الكواكب.. |
الذائقة الذائقه ياعمر زاغت !!
ـــــــــــــــــــــــــ
عايزين تفسدوا الاولاد ديل يعنى ؟؟ قنعتوا منهم ؟؟
|
|