Post: #1
Title: أخيرا : سفاري لاعبا للهلال
Author: عبد اللطيف بكري أحمد
Date: 11-08-2009, 10:26 PM
والمصدر هارون دياب المريخي اللصيق
بمراكز القرار في المريخ يؤكد في
بوست مجاور ونحن إذ
نهني الغالي هارون بفوز السودان بهداف البطولة الأم
بأفريقيا لنقدم له أصدق مشاعر المواساة في رحيل
المدافع الأنيق إلى المكان الذي يليق به كلاعب يجب
أن يتواجد في الأدوار النهائية في ذات البطولة،،
أخونا هارون في نفس البوست أعلن إتسعداده لتجهيز
تذاكرة دخول لمباراة السامبا والإنجليز للأخ تمبس ومن يأتي معه،
فأود إفادته بأن قائمة من 15 شخص أعلنوا إنضمامهم لجحافل القائد تامبا المتجهة
صوب الخليج في ضيافتكم العامرة،،
كفو ،،،،
داير حاجة من الرياض؟؟
|
Post: #2
Title: Re: أخيرا : سفاري لاعبا للهلال
Author: عبد اللطيف بكري أحمد
Date: 11-08-2009, 10:31 PM
Parent: #1
الخبر نازل مشفر في جريدة قوون
وهارون مصدر موثوق بالنسبة لي اكتر من رمضان,,
مايؤكد الإنتقال أن الأرباب أكد أن لاعبا سودانيا من
الوصيف اكمل إتفاق انتقاله للهلال ، وعلى ما أظن
ليس بالمريخ سوى سفاري أو قلق يمكن أن يوصف إنتقاله
بالضجة ، وقلق لا أظن الهلال يفكر به،،،
|
Post: #3
Title: Re: أخيرا : سفاري لاعبا للهلال
Author: Maawya Hussein
Date: 11-08-2009, 10:44 PM
Parent: #2
صدقني سفاري دا كان فيهو خير قسطنطين ماكان من اول تمرين سرحو ..المريخ غير الباشا والسعودي وراجي مافي لاعب بيستحق يرتدي شعار الهلال
|
Post: #4
Title: Re: أخيرا : سفاري لاعبا للهلال
Author: عبد اللطيف بكري أحمد
Date: 11-08-2009, 10:52 PM
Parent: #3
يازول سفاري دا أحرف مدافع في الساحة ،، مجهجهنو
ناس موسى الزومة وأمير دامر،،
أتمنى سفاري أكثر من الثلاثي الذين ذكرتهم يامعاوية،،
السعودي دا اسأل منو مازدا،،
|
Post: #5
Title: Re: أخيرا : سفاري لاعبا للهلال
Author: محمد عبدالرحمن
Date: 11-08-2009, 11:03 PM
Parent: #4
ياعبداللطيف
سفارى ماعندو خانة فى الهلال ..الا من باب الضر
ساكت ..صراحة خبر بالنسبة لى مامفرح ..
عموما سفارى لو كان اجل الاتفاق لبعد هلال مريخ
كان الموضوع حايطرشق ..لانو متوقع انو امبيلى
يواصل معاهو برنامج (السواقة) البداهو معاهو
فى اخر مباريتين للهلال والمريخ ...لو فى لاعب
يحتاجو الهلال من المريخ هو قلق ..تانى مافى لاعب
بستحق انو يكون فى كشوفات الهلال ..قلق لاعب نشيط
ودائم الحركة وحريف وسريع ..
|
Post: #6
Title: Re: أخيرا : سفاري لاعبا للهلال
Author: 3omda4
Date: 11-08-2009, 11:23 PM
Parent: #5
عايزين بيه شنو سفاري؟
عندنا الاحسن منو
|
Post: #7
Title: Re: أخيرا : سفاري لاعبا للهلال
Author: ديامي
Date: 11-09-2009, 01:53 AM
Parent: #6
ولا لاعب واحد في المريخ جدير بارتداء شعار الهلال
|
Post: #8
Title: Re: أخيرا : سفاري لاعبا للهلال
Author: عبد اللطيف بكري أحمد
Date: 11-09-2009, 07:50 AM
Parent: #7
Quote:
الوسط الرياضي تداول خبر الصفقة السرية الزرقاء باهتمام غير عادي ... تصريحات الارباب تثير الرعب فى المريخاب! عدد المشاهدات: 5365
نشرت: 09/11/2009 - 03:35 عدد رقم 6535
• شائعة كبيرة تؤكد تعاقد الارباب مع احد نجوم المريخ
انطلقت شائعة كبيرة في الاوساط الرياضية نهار الأمس مفادها أن الصفقة التي أكملها الأرباب صلاح
ادريس رئيس نادي الهلال ونائبه محمد عبد الملك الطاش ورفض الافصاح عنها قبل نصف ساعة من لقائه
المفتوح مع قوون أمس الأول هي التعاقد مع احد نجوم المريخ وتشير الارهاصات ان النجم من بين الرباعي
الزومة
وسعيد السعودي
والشغيل
وبله جابر
وهناك ارهاصات اخري تشير الي صلاح الامير وطارق مختار
|
بلة جابر معقول،،
الباقين سيكون خبر إنتقالهم عادي يارمضان ، وليس هنالك مايثير جمهور الهلال الذي يملك أفضل منهم،،
|
Post: #9
Title: Re: أخيرا : سفاري لاعبا للهلال
Author: Faisal Elrasheed
Date: 11-09-2009, 07:59 AM
Parent: #8
حلم الجيعان
|
Post: #10
Title: Re: أخيرا : سفاري لاعبا للهلال
Author: ارصد محمد جلال
Date: 11-09-2009, 08:48 AM
Parent: #9
| Quote: المريخ غير الباشا والسعودي وراجي مافي لاعب بيستحق يرتدي شعار الهلال |
الحمد لله نحن عندنا تلاتة كويسين .
في الهلال لايوجد لاعب يستحق ارتداء شعار الزعيم الا ولدنا
يامان سفاري تم اعادت قيدة مع طمبل لفترة ثلاث سنوات الموسم الماضي
وسفاري ظاطو مجنون يخلي نعيم الزعيم ويمشي الهليل ..
تحياتي
|
Post: #14
Title: Re: أخيرا : سفاري لاعبا للهلال
Author: عبد اللطيف بكري أحمد
Date: 11-09-2009, 09:02 AM
Parent: #9
حلم الجعان عيش ، يافيصل الرشيد ، موش قرقوش!!!! ههههه،،
شكرا للمرور،،
|
Post: #13
Title: Re: أخيرا : سفاري لاعبا للهلال
Author: عبد اللطيف بكري أحمد
Date: 11-09-2009, 09:00 AM
Parent: #6
Quote: عايزين بيه شنو سفاري؟
عندنا الاحسن منو |
ياعمدة ياحبيب ، عايزين نصل لآخرة جرايد الكورة دي وتورينا الخبر الصفعة دا شنو!!!
|
Post: #11
Title: Re: أخيرا : سفاري لاعبا للهلال
Author: عبد اللطيف بكري أحمد
Date: 11-09-2009, 08:55 AM
Parent: #5
Quote: سفارى ماعندو خانة فى الهلال ..الا من باب الضر
ساكت ..صراحة خبر بالنسبة لى مامفرح .. |
محمد عبد الرحمن تحياتي،،
غالبا تكون نوع من الضر ، ورداً على عملة ريتشارد،،
كورتنا فيها اشياء غريبة يارجل،،
|
Post: #12
Title: Re: أخيرا : سفاري لاعبا للهلال
Author: ارصد محمد جلال
Date: 11-09-2009, 08:56 AM
Parent: #11
...............
|
Post: #15
Title: Re: أخيرا : سفاري لاعبا للهلال
Author: صلاح أبودية
Date: 11-09-2009, 09:02 AM
Parent: #12
عارفك بتدردق فينى عشان تعرف النجيضة !
ما حا أبرد بطنك !
|
Post: #16
Title: Re: أخيرا : سفاري لاعبا للهلال
Author: صلاح أبودية
Date: 11-09-2009, 09:04 AM
Parent: #15
ما وريتنى جاى متين ؟؟
|
Post: #24
Title: Re: أخيرا : سفاري لاعبا للهلال
Author: عبد اللطيف بكري أحمد
Date: 11-09-2009, 09:38 AM
Parent: #16
| Quote: ما وريتنى جاى متين ؟؟ |
مالاقي حجز والله ،، وغالبا يوم 24
تكترو تقللو أتوكل على الصقيع،،
|
Post: #17
Title: Re: أخيرا : سفاري لاعبا للهلال
Author: عبد اللطيف بكري أحمد
Date: 11-09-2009, 09:09 AM
Parent: #15
Quote: عارفك بتدردق فينى عشان تعرف النجيضة !
ما حا أبرد بطنك |
شكلك كدا مرتاح ، معناها الضربة (سلاخية)،،
|
Post: #18
Title: Re: أخيرا : سفاري لاعبا للهلال
Author: Emad Ahmed
Date: 11-09-2009, 09:15 AM
Parent: #12
عبد اللطيف بكري احمد
تحياتي
انتظروا مشاطيب المريخ في نهاية الموسم وبعد ذلك فكروا
في تسجيلهم ليلحقوا بالثنائي
سامي عبد الله والذي لم يتشرف بإرتداء شعار المريخ
ولو في مباراة ودية طوال عام كامل قضاه بالمريخ .
وإيفوساالي كان يتخارج منه المريخ بالإعارة في كل
موسم الى ان تم شطبه.
|
Post: #19
Title: Re: أخيرا : سفاري لاعبا للهلال
Author: وليد عبد اللطيف
Date: 11-09-2009, 09:20 AM
Parent: #18
Quote: انتظروا مشاطيب المريخ في نهاية الموسم وبعد ذلك فكروا
في تسجيلهم ليلحقوا بالثنائي
سامي عبد الله والذي لم يتشرف بإرتداء شعار المريخ
ولو في مباراة ودية طوال عام كامل قضاه بالمريخ .
وإيفوساالي كان يتخارج منه المريخ بالإعارة في كل
موسم الى ان تم شطبه. |
الاستاذ عبد اللطيف بكري
فعلا ماقاله المريخي عماد عثمان احمد
واكيد لم يكون اضافة حقيقية لفريق الهلال
وهذا هو عيب الكرة السودانية وعيب مهاترات هلال مريخ في التسجيلات
لذلك كرتنا لم تتقدم شبر
مودتي
|
Post: #21
Title: Re: أخيرا : سفاري لاعبا للهلال
Author: نيازي عبدالله مرحوم احمد
Date: 11-09-2009, 09:22 AM
Parent: #19
يا حبيب سفاري جدد لنادي المريخ قبل عام ولمدة 5 سنوات بجانب طمبل
|
Post: #23
Title: Re: أخيرا : سفاري لاعبا للهلال
Author: عبد اللطيف بكري أحمد
Date: 11-09-2009, 09:33 AM
Parent: #21
| Quote: يا حبيب سفاري جدد لنادي المريخ قبل عام ولمدة 5 سنوات بجانب طمبل |
ياحبيب نيازي أي لاعب يكمل أكثر من ثلاثة أعوام في فريقه يجوز له فسخ العقد متى ما أراد
شريطة أن يدفع بقية المبالغ بالعقد،،
كريستيانو رونالدو إنتقل للريال وعقده ساري إلى 2013 بمانشيستر يونايتد،،
|
Post: #20
Title: Re: أخيرا : سفاري لاعبا للهلال
Author: عبد اللطيف بكري أحمد
Date: 11-09-2009, 09:20 AM
Parent: #18
| Quote: ولا لاعب واحد في المريخ جدير بارتداء شعار الهلال |
ديامي جابها ليكم من الآخر،،وجهة نظر يتفق معها الكثيرون،،
==
ود المايقوما : عليك الله في لاعب كورة في السودان خطاط كدا،، أول مرة نشوف كتابة مزمل،، هههه ،،
|
Post: #22
Title: Re: أخيرا : سفاري لاعبا للهلال
Author: عبد اللطيف بكري أحمد
Date: 11-09-2009, 09:25 AM
Parent: #20
Quote: الاستاذ عبد اللطيف بكري
فعلا ماقاله المريخي عماد عثمان احمد
واكيد لم يكون اضافة حقيقية لفريق الهلال
وهذا هو عيب الكرة السودانية وعيب مهاترات هلال مريخ في التسجيلات
لذلك كرتنا لم تتقدم شبر
مودتي |
وليدي،، في تعليقك على قول العزيز عماد أوافقكما الرأي تماماً
والحال من بعضو في بعض الحالات مثل ريتشارد جاستن،،
لكن هناك إنتقالات مؤثرة قام بها الهلال زي حمودة وعلاء الدين،
وهذا الأخير ما جعل المريخ يقوم بغزوات كيدية أثبتت أنها وبال على
المريخ،،
سلمتما،،
|
Post: #25
Title: Re: أخيرا : سفاري لاعبا للهلال
Author: tmbis
Date: 11-09-2009, 09:42 AM
Parent: #20
Quote: أخونا هارون في نفس البوست أعلن إتسعداده لتجهيز
تذاكرة دخول لمباراة السامبا والإنجليز للأخ تمبس ومن يأتي معه،
فأود إفادته بأن قائمة من 15 شخص أعلنوا إنضمامهم لجحافل القائد تامبا المتجهة
صوب الخليج في ضيافتكم العامرة،، |
والله يا عبد اللطيف .. عرض هارون الهلالابي الزعـلان مغري جدا .. وهارون رجل يشد إليه الرحال .. لكن ما ممكن كمان يا عبد اللطيف قالعين منو كاس من قبل ما الموسم ينتهي بي اسبوعين تلاتة وبعداك تقلعو منو سفاري .. وتمشو ليهو سيرة خمسطاشر نفـر .. دا معناتو إنو سنتو كبيسة عديل كدا 
..
بعدين يا عبد اللطيف زي ما قال واحد من الأخوان هنـا .. كونو يجيبو سفاري للهلال دا بيدرج تحت بند الضر ليس إلا ..
مفترض الهلال يقفل بند التسجيلات الداخلية دي خاصة من المريخ .. لو في امكانية تدعيم الفريق بي اي عناصر أخرى .. حقو الناس دي تجيب من بره .. لانو بي الشئ الشايفو دا ما اظن الهلال محتاج لي إنو يسجل ليهو لاعب من المريخ ..
لكن بقترح ..
يسجلو وارغووو .. عشان يعوضو الوالي قروشو الدفعه دي .. ومن ناحية أخرى وارغوو دا ذاتو يجيب ليهو قونين تلاتة في اي تمرين من تمارين الهلال .. ويرتاح في عضمو دا ..
|
Post: #29
Title: Re: أخيرا : سفاري لاعبا للهلال
Author: عبد اللطيف بكري أحمد
Date: 11-09-2009, 07:39 PM
Parent: #25
| Quote: والله يا عبد اللطيف .. عرض هارون الهلالابي الزعـلان مغري جدا .. وهارون رجل يشد إليه الرحال .. لكن ما ممكن كمان يا عبد اللطيف قالعين منو كاس من قبل ما الموسم ينتهي بي اسبوعين تلاتة وبعداك تقلعو منو سفاري .. وتمشو ليهو سيرة خمسطاشر نفـر .. دا معناتو إنو سنتو كبيسة عديل كدا |
ياعلاء حبابك
الزول دا ما من عوايدو يغيب قدر دا ، مايكون البوست دا عمل فيهو حاجة،،
Quote:
لكن بقترح ..
يسجلو وارغووو .. عشان يعوضو الوالي قروشو الدفعه دي .. ومن ناحية أخرى وارغوو دا ذاتو يجيب ليهو قونين تلاتة في اي تمرين من تمارين الهلال .. ويرتاح في عضمو دا |
غايتو إقتراحك دا يكون أسوأ ما حصل للمريخ في هذا الموسم،، والغريبة هم عاوزين كدا بس ملاوزين،،
=
ياخ فرصة نسألك من ود الصايم دا عامل كورسات تقوية في العاصمة ولا شنو : اي زول فتحة خشمو يقول
ليك (النجيضة)،، والله لاقي يدو عمك دا،،
سلام ياحبيب،،
|
Post: #26
Title: Re: أخيرا : سفاري لاعبا للهلال
Author: moaz elsir
Date: 11-09-2009, 09:44 AM
Parent: #11
الاخ العزيز عبد اللطيف
تحياتي واحترامي ،،،
| Quote: يازول سفاري دا أحرف مدافع في الساحة ،، مجهجهنو |
يازول سفاري دا أحرف مدافع في الساحة ،، مجهجهنو
o سبب كوارث الفريق القومي فى نهائيات امم افريقيا السابقة 7 اهداف بسببه .
o سبب هزئم المريخ فى كثير من المباريات.
o بهرب من مواجهة المهاجمين.
o مدفع نضيف (ماحصل يوم وقع فى الارض لاخراج كورة).
o غير مؤهل للعب بالمريخ.
الخلاصة ماهو اللاعب الذي يبحث عنه الهلال .
معاذ
|
Post: #27
Title: Re: أخيرا : سفاري لاعبا للهلال
Author: جمال السنوسي
Date: 11-09-2009, 03:06 PM
Parent: #26
| Quote: ديامي جابها ليكم من الآخر،،وجهة نظر يتفق معها الكثيرون،، |
|
Post: #28
Title: Re: أخيرا : سفاري لاعبا للهلال
Author: حيدر بشير
Date: 11-09-2009, 03:14 PM
Parent: #27
الاخ عبداللطيف و صحبه الكرام
لكم التحايا
و أنا أيضآ مع الرأى الذى يقول
و لا لاعب فى الوصيف يستحق ارتداء شعار الزعيم
|
Post: #30
Title: Re: أخيرا : سفاري لاعبا للهلال
Author: معتصم عبدالرحيم
Date: 11-09-2009, 09:55 PM
Parent: #28
راجي عبدالعاطي..... لاعب يشبه الهلال
ويحل مشكلة الطرف الايمن...
|
Post: #31
Title: Re: أخيرا : سفاري لاعبا للهلال
Author: ابراهيم الصغير
Date: 11-09-2009, 10:36 PM
Parent: #30
عبداللطيف ازيك...
سفاري دا آخر من ينتقل للهلال ...
قول كلام غير دا...
نعم نحن في عهد الاحتراف واكل العيش...
بس سفاري ما علاء الدين يوسف...
سفاري البيدفع من نفسو في النفرات...؟؟؟
سفاري الذي يقوم بإنزال الحديد والسيخ مع العمال في الاستاد؟؟؟؟
شتلة يايظة دي...
قولوا اي واحد تاني وح نصدقكم مؤقتا..
تحياتي يا طماعين
|
Post: #32
Title: Re: أخيرا : سفاري لاعبا للهلال
Author: yasir Abdelgadir
Date: 11-09-2009, 11:50 PM
Parent: #31
الاخ عبد اللطيف
سلامات
أفاد قسطنطين في لقاء الجمعه بعالم الرياضة بأنه لم يستدع سفاري لانه رأي أنه لايصلح كلاعب كرة
سندة:
شايف لي خطاب بخط اليد اعلي البوست .....منسوب لي واحد من لاعبي الهلال
الا في ملاحظة واحدة بس
الخطاب مافيهو بصمة
اللاعب دا بصم ولا ما بصم؟؟؟؟؟
|
Post: #33
Title: Re: أخيرا : سفاري لاعبا للهلال
Author: ALGARADABI
Date: 11-10-2009, 05:27 AM
Parent: #32
خروج عن النص:
والله عندي صاحبي يشبهك شبه عجيب
واسمو مقلوب أسمك
ولو ما قريبك قريبك
بكري عبداللطيف حاج بكري
أها
شن قولك؟؟
|
Post: #34
Title: Re: أخيرا : سفاري لاعبا للهلال
Author: هشام المجمر
Date: 11-10-2009, 05:41 AM
Parent: #33
اشاعة
اخدوها منى
سفارى كان فى قبضة الهلال فى بداية الموسم و كان يمكن تسجيله
لكن الحرفاء من فنى الهلال نصحو صلاح ادريس بعدم تسجيله
فسرب صلاح ادريس خبر انه فى قبضة الهلال للصحف ثم اطلق سراحه و رجع للمريخ وجدد لمدة اخرى
سفارى مدافع لا يمكن الوثوق بقدراته الدفاعية ابدا
زائدا على انه بطئ جدا يمكن لأى مهاجم سريع أن يسبقه
وهو واحد من اهم مشاكل المريخ الدفاعية الكبيرة مع زميليه امير دامر و الشغيل
هؤلاء المدافعين و معهم اكرم الهادى تسببوا فى هزيمة المريخ التاريخية بالسبعة فى الاردن
لا يمكن أن يفكر الهلال بسفارى
قال سفارى قال
|
Post: #35
Title: Re: أخيرا : سفاري لاعبا للهلال
Author: عبدالله كع
Date: 11-10-2009, 06:24 AM
Parent: #34
يا عبد اللطيف ازيك -
وحاة النبي انا ده اخير من سفاري .... بيييييييييييي كرشي الكبيرة دي وحاجات تانيه متقلاني ههههههههه
واذا تم ذلك - يكون الهلال الضحك شرطو -
الهلال ما محتاج ليهو - عااااااااااااازين طرف يسار
و ( اسحاق كرنقو ) يا حليلو
|
Post: #57
Title: Re: أخيرا : سفاري لاعبا للهلال
Author: عبد اللطيف بكري أحمد
Date: 11-10-2009, 02:55 PM
Parent: #35
وقال كع الحبيب مع التحية،
Quote: يا عبد اللطيف ازيك -
وحاة النبي انا ده اخير من سفاري .... بيييييييييييي كرشي الكبيرة دي وحاجات تانيه متقلاني ههههههههه
واذا تم ذلك - يكون الهلال الضحك شرطو -
الهلال ما محتاج ليهو - عااااااااااااازين طرف يسار
و ( اسحاق كرنقو ) يا حليلو |
يقطع شيطانك،، الرجل زي النحلة ماشاء الله وجسم متناسق تقول لي انت احسن منو بعد وصفك دا،،
ياريت يرجع كرنقو ،، والله حرام موهبة صغيرة يتسغنى عنها بدل تدريبه وصقله في هذه الخانة،،
|
Post: #36
Title: Re: أخيرا : سفاري لاعبا للهلال
Author: معاوية محمد الحسن
Date: 11-10-2009, 06:36 AM
Parent: #34
عزيزي
شفت فى نوع من الناس ماعندو علاقة بالكورة ورغم ذلك يدخل بدخل المباراة ولو فى فاول فى السنتر يقيف ويكورك بلنتى ويخلى الناس يضحكوا فيهو
اها ده الحاصل بالضبط فى البوست ده
ياخى سفاري مامفكوك ولايمكن ليهو ان ينتقل للهلال لانه اعاد تسجيله للمريخ الموسم السابق
انت قائل القصة سايبه ساااااااااااكت
فى قوانين ولوائح ونظم
| Quote: لكن الحرفاء من فنى الهلال نصحو صلاح ادريس بعدم تسجيله |
باشمهندس هشام
تحياتى
يعنى سامى عبداللة أحسن من سفاري ولا سفاري اسواء من كابوندي وامولادى
وين كانوا الفنيين من تسجيلهم ياهشام
وبعدين هل صلاح ادريس قاعد يستمع لنصيحة زول ولا ماخد القصة جعلية ساكت
صدقنى صلاح ادريس لو لقى طريقة يسجل دقاشية مابخليهو
|
Post: #37
Title: Re: أخيرا : سفاري لاعبا للهلال
Author: حمزاوي
Date: 11-10-2009, 07:04 AM
Parent: #36
اخوي عبداللطيف
مسكاقمي
مافي طريقة تأخذوا معاه الاسمو ريتشارد جاستن
يعني يكون فوق البيعة
|
Post: #38
Title: Re: أخيرا : سفاري لاعبا للهلال
Author: هشام المجمر
Date: 11-10-2009, 07:20 AM
Parent: #37
شكر يا معاوية على السؤال
والرد هو طبعا سامى عبد الله احسن الف مرة من سفارى
سامى يلعب لأول مرة مع الهلال و سفارى لعب عدة مواسم
يا معاوية لابد أن تذكر أن الهلال شطب دفاع بأكمله و جاء بلاعبين يلعبون لول مرة مع بعضهم البعض
رغم ذلك نجح الهلال فى الوصول لدور الاربعة لكبار افريقيا بعد أن ظن الجميع أم نهايته كانت بنهاية الموسم السابق
فاز الهلال بالدورى الممتاز قبل ثلاثة اسابيع من نهايته و عليه سبع اهداف فقط بينما دخلت فى شباك المريخ 15 هدف
مش سامى بس احسن من سفارى
منير ام بدة افضل منه
يا معاوية والله لو ما ختيتو سفارى فى نص الدفاع ما تقوم ليكم قايمة ابدا والموسم الفات لوما سعد عطية كانت قيامتكم قامت
|
Post: #39
Title: Re: أخيرا : سفاري لاعبا للهلال
Author: haroon diyab
Date: 11-10-2009, 07:26 AM
Parent: #38
عبد اللطيف ياصفوة الرشاشات
مشتاقين
| Quote: سفاري لاعبا للهلال |
واحتمال بدر الدين قلق.....!!!
والله كان ماعملته ليكم قلق انا ماود ابوي
شفته جماعتك جو جارين زي الحرامي الساكينو في مولد.
انتظرونا فالقادم مذهل اكثر
انت صفوة اذا انت صااااااااااااااااااااح
وكااااااااااااااااااااااااااااااكــ
|
Post: #59
Title: Re: أخيرا : سفاري لاعبا للهلال
Author: عبد اللطيف بكري أحمد
Date: 11-10-2009, 03:01 PM
Parent: #37
Quote: اخوي عبداللطيف
مسكاقمي
مافي طريقة تأخذوا معاه الاسمو ريتشارد جاستن
يعني يكون فوق البيعة |
ياخال سلام ،،
يعني انتو كنتو ريتشارد دفعتو فيه حاجة،،
يفتح الله ياعمك،،
|
Post: #58
Title: Re: أخيرا : سفاري لاعبا للهلال
Author: عبد اللطيف بكري أحمد
Date: 11-10-2009, 02:59 PM
Parent: #36
Quote: عزيزي
شفت فى نوع من الناس ماعندو علاقة بالكورة ورغم ذلك يدخل بدخل المباراة ولو فى فاول فى السنتر يقيف ويكورك بلنتى ويخلى الناس يضحكوا فيهو
اها ده الحاصل بالضبط فى البوست ده
ياخى سفاري مامفكوك ولايمكن ليهو ان ينتقل للهلال لانه اعاد تسجيله للمريخ الموسم السابق
انت قائل القصة سايبه ساااااااااااكت |
أها يامعاوية يعني كلامك دا معناه يستحيل إنتقل سفاري إلى الهلال؟؟
Quote:
" إذا قدم ل(ريبيري) عرضا جيدا من قبل ال(ريال مدريد) أو (مانشيستر سونايتد) فسيكون موقفنا ضعيف جدا للتفاوض مع (ريبيري) والتجديد معه ولكن إذا كان يريد القاء فنحن متسمسكون به كلاعب للنادي البافاري نحن لا نعرف ما يمكن أن يحدث ، اللاعب يملك عقد معنا بموجب سنتان ونصف "
مع هذا الكلمات التي ألقاها (بيكنباور) فإنه يدرس الآن إمكانية رحيل (فرانك ريبيري) عن النادي البافاري ، ولكن كل شيء يتوقف على قرار اللاعب كما قال . |
هاك كلام القصير دا ممكن يسندك حبة من الرجفة دي،،
وتحياتي لك ياحبيب،،
|
Post: #56
Title: Re: أخيرا : سفاري لاعبا للهلال
Author: عبد اللطيف بكري أحمد
Date: 11-10-2009, 02:50 PM
Parent: #34
أخدناها منك ياغالي والله ، بس ساعدنا : من ممكن يكون المطلوب إثباته؟
دوشونا ناس الجرايد ديل،،
والإشاعة دي براها فضحت كل خطوط المريخ تقريباً،،
دا فريق منهار ياجماعة،،
|
Post: #46
Title: Re: أخيرا : سفاري لاعبا للهلال
Author: عبد اللطيف بكري أحمد
Date: 11-10-2009, 08:07 AM
Parent: #33
Quote: خروج عن النص:
والله عندي صاحبي يشبهك شبه عجيب
واسمو مقلوب أسمك
ولو ما قريبك قريبك
بكري عبداللطيف حاج بكري
أها
شن قولك؟؟ |
حبيبنا القرضابي : (ياخ عينك : ماشاء الله)،،
هو بكري عبد اللطيف الحاج بكري: وأنا عبد اللطيف بكري أحمد،،
كانت كل أمنيتي وأنا بعد يافع أن يوفق والدي في أداء مناسك للحج
لأصبح مطابقا تماما لعمي عبد اللطيف رحمه الله، الذي كان يشرف الأسرة
جمعاء بمكانته ودوره البارز من ضمن كوكبة خريجي كلية غردون ، أضف
إلى دوره السياسي البارز في الشمالية وأيام عمله في مدينة الأبيض،،
بكري من أحب الناس إلي قلبي فرقت بيننا السبل ، وتباعدنا كل في مكان،،
كنت قبل شهر قابلت شقيقته آمال في أنجلترا وقد عرفتني للأجيال
التي لم أراها قائلة : هذا والدي عبد اللطيف بكري (وقد إعترتها موجة من البكاء المر))،،
من أنجلترا أحضرت رقم هاتفه في الأمارات ، وأنا أحاول إستعادة أمجاده في حياتي كما كان
وهو على فكرة دفعة ،،
سلامي لك وأنت على مايبدو زاملته ايام الدراسة بمصر،،
شاكرون،، وهذا الأسهاب قليل في حق الرائع إبن العم : بكري عبد اللطيف،،
|
Post: #43
Title: Re: أخيرا : سفاري لاعبا للهلال
Author: عبد اللطيف بكري أحمد
Date: 11-10-2009, 07:53 AM
Parent: #32
Quote:
شايف لي خطاب بخط اليد اعلي البوست .....منسوب لي واحد من لاعبي الهلال
|
دكتورنا العزيز ياسر والهلالي الغيور تحياتي وأشواقي ،،
ملاحظتك في محلها : بس الملاحظة الأقوى منها : هل يمكن أن يكون هذا الخط للاعب في السودان؟؟ ههههه،،
دا خط زول خريج وسطى خبير عرضحالات ،،
هههه،،
|
Post: #42
Title: Re: أخيرا : سفاري لاعبا للهلال
Author: عبد اللطيف بكري أحمد
Date: 11-10-2009, 07:50 AM
Parent: #31
إبراهيم الصغير حبابك وشاكرين مرورك:
أما بالنسبة:
| Quote: سفاري الذي يقوم بإنزال الحديد والسيخ مع العمال في الاستاد؟؟؟؟ |
أكتر من كريستيانو رونالدو لما بكى على أرضية الملعب في روسيا وفريقه يفوز على شلسي بالبلنتيات وكان قد أضاع ضربة جزاء وأحرز هدفا في الزمن الاصلي؟
|
Post: #47
Title: Re: أخيرا : سفاري لاعبا للهلال
Author: ابراهيم الصغير
Date: 11-10-2009, 08:27 AM
Parent: #42
لن يفعلها سفاري يا عبداللطيف...
ارهن علي ذلك بحياتي...
انتو ما عارفين سفاري...
وبعدين اصلا اعلامهم دا يطلق الكذبة ويكون اول من يصدقها
تحياتي وتشوف كلامي دا
سفاري ( تشموه قدحة)
|
Post: #62
Title: Re: أخيرا : سفاري لاعبا للهلال
Author: عبد اللطيف بكري أحمد
Date: 11-11-2009, 10:29 AM
Parent: #30
Quote:
راجي عبدالعاطي..... لاعب يشبه الهلال
ويحل مشكلة الطرف الايمن... |
الحبيب معتصم،،
حكمك مقدر ، بس لا أعتقد أن بالله مشكلة بالطرف الأيمن ، كما أن خليفة بالجهة الشمال عامل شغل كويس،،
بعدين راجي دا بذكرني زول (مكجني) في البورد دا مع أني عامل صاحبو شديد،،
|
Post: #41
Title: Re: أخيرا : سفاري لاعبا للهلال
Author: عبد اللطيف بكري أحمد
Date: 11-10-2009, 07:47 AM
Parent: #28
| Quote: و لا لاعب فى الوصيف يستحق ارتداء شعار الزعيم |
العزيز حيدر بشير : سطر بليغ جدا يثبت الحقائق على أصولها: very smart
أشكرك،،
|
Post: #40
Title: Re: أخيرا : سفاري لاعبا للهلال
Author: عبد اللطيف بكري أحمد
Date: 11-10-2009, 07:40 AM
Parent: #26
| Quote: الخلاصة ماهو اللاعب الذي يبحث عنه الهلال . |
الحبيب معاذ،،
كلام مليان ،، بس ياترى من هو اللاعب الذي تنتشر حوله هذه الشائعة؟؟
بالأمس تهرب رئيس الهلال من هذا السؤال في لقاء الشروق،،
شاكرا تحليلك ، وناس المريخ ينتظرهم الكثير ليجدوا لاعبين يمكن أن ينافسوا الهلال وبالمقابل يرتدوا شعاره في المواسم التالية،،
|
Post: #44
Title: Re: أخيرا : سفاري لاعبا للهلال
Author: Sayed Bekab
Date: 11-10-2009, 07:59 AM
Parent: #40
افضلهم
وبسفاري تتم الكوكبة الزرقاء
|
Post: #54
Title: Re: أخيرا : سفاري لاعبا للهلال
Author: عبد اللطيف بكري أحمد
Date: 11-10-2009, 02:40 PM
Parent: #44
والله يا سيد بيكاب البوست دا جهجه معلوماتنا عن المريخ،،
إنت عارف فعلا لقيت الخانات المرشحن ليها لعيبة من الوصيف ماعندهم فيها طريقة،،
الله يستر كان كدا من العجب كما أشار اللنك بتاع عمران،، الله يستر،،
|
Post: #45
Title: Re: أخيرا : سفاري لاعبا للهلال
Author: عمران حسن صالح
Date: 11-10-2009, 08:04 AM
Parent: #40
سلام يا عبد اللطيف ...
Quote: عرفت ليكم الموضوع ...قلت لازم انا الملم باقي حاجاتي دي واسافر (روسيا).
عاوزين تعرفوا انا مسافر روسيا عشان شنو؟.
مسافر روسيا عشان اعرف صفقة صلاح ادريس والتي اشار اليها في حوار صحيفة قوون وقال انهم اكملوا صفقة لاعب وطني كبير تسجيله في الهلال سوف يثير ضجة اعلامية كبري.
غايتو انا ما عارف ان كان اللاعب كبير ام لا؟...وان كان الهلال سوف يسجله ام لا؟.
لكن الحاجة المتأكد منها ..هي ان صلاح ادريس كان صادقا في جزء كبير من كلامه...فقد قال صلاح ادريس ان اللاعب سوف (يثير ضجة اعلامية).
واللاعب حتي قبل ما نعرفو منو؟...عمل ضجة اعلامية...غايتو ناس الهلال ديل ماعندهم اي موضوع...لاعب ما عارفو غير صلاح ادريس والطاش..ويثير ضجة. لاعب هو وإلا (password). |
الباقي هنــــــــا : http://goansport.net/article/id/25269
|
Post: #48
Title: Re: أخيرا : سفاري لاعبا للهلال
Author: Elhadi
Date: 11-10-2009, 08:36 AM
Parent: #45
بخلاف الثلاثي إيداهور ووارغو وراجي عبد العاطي
شيلوا أي زول حلال عليكم ..
ما فارقة معانا ولن يشكل الأمر أي صدمة ولا هم يحزنون
|
Post: #49
Title: Re: أخيرا : سفاري لاعبا للهلال
Author: طلحة عبدالله
Date: 11-10-2009, 08:49 AM
Parent: #48
هلا يا بكري
خليك من سفاري
عليك الطلاق لو مشي المريخ كلو للهلال لا خسر المريخ ولا كسب الهلال
ولا المنتخب ولا أية حاجة
ياخ سفاري منو وعجوة بلح شنو ..؟؟؟؟؟؟؟
|
Post: #66
Title: Re: أخيرا : سفاري لاعبا للهلال
Author: عبد اللطيف بكري أحمد
Date: 11-11-2009, 10:54 AM
Parent: #49
Quote: هلا يا بكري
خليك من سفاري
عليك الطلاق لو مشي المريخ كلو للهلال لا خسر المريخ ولا كسب الهلال
ولا المنتخب ولا أية حاجة
ياخ سفاري منو وعجوة بلح شنو ..؟؟؟؟؟؟؟ |
طلحة العزيز ، مشتافون ، وكفارة ذهاب الموسم هكذا بلا بطولة
وحتى بطولتكم المحببة هذه المرة ستكون برفقة الممتاز في خزائننا،،
==
أنتهيت من لاعبي المريخ تماماً بقولك هذا ، وبذا أتوقع ذهاب جمال الوالي
لصعوبة مهمة ترقيع خطوط الفريق ،، يفكوا وارغو ، ويناولونا إيداهور
ويتمتمو من هنا لي هنا ،،
=
الهلال فعلا احسن حالا، تنقصهم ثقافة الفوز بالبطولات الخارجية،،
|
Post: #63
Title: Re: أخيرا : سفاري لاعبا للهلال
Author: عبد اللطيف بكري أحمد
Date: 11-11-2009, 10:35 AM
Parent: #48
Quote: بخلاف الثلاثي إيداهور ووارغو وراجي عبد العاطي
شيلوا أي زول حلال عليكم ..
ما فارقة معانا ولن يشكل الأمر أي صدمة ولا هم يحزنون |
الهادي المخضرم ، وينك يارجل،،
المشكلة في التصريحات أن اللاعب سوداني ،
سؤال : هل إيداهور مجنس؟ يبقى هو المفاجأة ؟؟
|
Post: #55
Title: Re: أخيرا : سفاري لاعبا للهلال
Author: عبد اللطيف بكري أحمد
Date: 11-10-2009, 02:46 PM
Parent: #45
ياحاج عمران سلامات يارجال ، ورفقاً بالفريون زي ماقال واحد ملقوف كدا،،
=
أكتر شي يخوف في اللنك الرسلتو لينا دا موضوع العجب : ياخ دا مافي غيرو ممكن يعمل ضجة في الجهيتين،،
العجب؟؟
لا لا ، أكيد في شيء غلط،،
سفاري كان أقرب،،
=
رحلة سعيدة ، وبما أن الدنيا شتاء فإنشاء الله الفريون شغال حار بارد،،
سلام للمصوراتي الحبيب،،
|
Post: #50
Title: Re: أخيرا : سفاري لاعبا للهلال
Author: منتصرمحمد زكى
Date: 11-10-2009, 10:59 AM
Parent: #2
ان شاء الله يضوي ليكم ...........
|
Post: #51
Title: Re: أخيرا : سفاري لاعبا للهلال
Author: معاوية محمد الحسن
Date: 11-10-2009, 12:36 PM
Parent: #50
| Quote: مش سامى بس احسن من سفارى |
هشام
كيفك ياخى
انت سامى ده فى كورة الخمسة كان فى لاعب ولا ما لاعب
|
Post: #52
Title: Re: أخيرا : سفاري لاعبا للهلال
Author: نيازي عبدالله مرحوم احمد
Date: 11-10-2009, 01:12 PM
Parent: #51
| Quote: ياحبيب نيازي أي لاعب يكمل أكثر من ثلاثة أعوام في فريقه يجوز له فسخ العقد متى ما أراد |
وذلك يعني ان كلامك غير صحيح لانو سفاري لم يكمل ثلاثه اعوام وذلك ستوجب قفل البوست فقط لخطاء فيي معلوماتك؟؟؟ولا شنو يا عزيزي
وازيدك شويه لا يوجد لاعب في المريخ ينتهي عقده في شهر 12 الا عنتر
وازيدك اكثر مافي لاعب من المريخ ماشي الهلال هناك خفايا واسرار لو داير اديك جملة وقطاعي اسرار واسرار في الخاص واحفظ هذا البوست لحينه وتذكر كلامي
وتسلم يا حبيب
|
Post: #53
Title: Re: أخيرا : سفاري لاعبا للهلال
Author: الصادق صديق سلمان
Date: 11-10-2009, 01:21 PM
Parent: #52
ياحبيب نيازي
Quote: وازيدك اكثر مافي لاعب من المريخ ماشي الهلال هناك خفايا واسرار لو داير اديك جملة وقطاعي اسرار واسرار في الخاص واحفظ هذا البوست لحينه وتذكر كلامي
|
المشتهي الحنيطير يطير.
نحن كمشجعين هلالابيين ما دايرين ولا واحد اتشوه بارتداء شعاركم
أبوفتحية
|
Post: #60
Title: Re: أخيرا : سفاري لاعبا للهلال
Author: ناجى أحمد البشير
Date: 11-10-2009, 03:04 PM
Parent: #53
أخى عبد اللطيف طال غيابك وبركه السفارى جابك مارق علينا
اعتقد انه المريخ ما فيه لاعب فى قامة الهلال ..
وسفارى لن يشكل اى اضافة وربما كان ذلك قبل عام وقبل ان تدهور مستواه
|
Post: #61
Title: Re: أخيرا : سفاري لاعبا للهلال
Author: عبد اللطيف بكري أحمد
Date: 11-11-2009, 10:12 AM
Parent: #60
Quote: عبد اللطيف ياصفوة الرشاشات
مشتاقين
Quote: سفاري لاعبا للهلال
واحتمال بدر الدين قلق.....!!!
والله كان ماعملته ليكم قلق انا ماود ابوي
شفته جماعتك جو جارين زي الحرامي الساكينو في مولد.
انتظرونا فالقادم مذهل اكثر
انت صفوة اذا انت صااااااااااااااااااااح
وكااااااااااااااااااااااااااااااكــ |
يازول بركة الانت طيب،،
مشتاقون كتير والله،، والمناكفة معاك هي أجمل مافي كرتنا السودانية،،
المشكلة في حديث اليوم في (قوون) عمك صلاح إدريس صعب المسألة زيادة
وقال اللاعبين (2) وليس (واحد)،، كدي شوف يمكن ترشيحك يعدل ليصبح
سفاري/قلق والمريخ يتوكل على دوري (الشمش) الحارة،،
ماقلتنا لينا حاجة بخصوص تذاكر السبت ، ترى مافي وقت يارجال،،
|
Post: #64
Title: Re: أخيرا : سفاري لاعبا للهلال
Author: الحاج حمد الحاج
Date: 11-11-2009, 10:47 AM
Parent: #61
الحمدلله ما كان عنوانك
أخيرا : سفاري لاعبا للهلال
اي لاعب داير الهلال الباب يفوت فيل..و زي ما قال ليهم الواليك الداير الهلال يمشي..يمشي وين مع الكامريهات 2007م و الترطيبة الما كان بيحلمو بيها دي...المريخ مريخ..و قبل كده انتقل لاعبين من المريخ للهلال..ان شاء الله البجيكم دا يجيب ليكم كاس من بره..عشان تطلعوا من المحلية دي..و المحلي داخل عطبرة..قال كاس ممتاز!! الناس يقولوا افريقيا و الكونفدرالية..تقولوا الممتاز..ناس كل انجازاتهم كاس ممتاز ببلنتيات..و كل تاهلهم في كاس الاندية الافريقية بكورة تضرب في ضهر زول و يعدوها ليهم بلنتي..
|
Post: #68
Title: Re: أخيرا : سفاري لاعبا للهلال
Author: عبد اللطيف بكري أحمد
Date: 11-11-2009, 11:13 AM
Parent: #64
الحاج حمد سلامات يارجل ، وروق بالك شوية ،، كامريهات شنو يازول؟
اسه عليك الله كلامك عن البطولات دا كلو قلتو وإنت متذكر بطولة سيكافا الأخيرة ولا فاتت عليك؟ ههههه،،
الهلال في الاربعة الكبار للقارة ، لم تحصل النتيجة دي تمشو تقولو كورة ضربت في الضهر ، وكورة شنو
ماعارف ،،
يعني هسي لو جينا قلنا ليك القرعة السحبو بيها الناس المساكن الشعبية دي في شك بتكسرو الاسر الصغيرة؟؟
يبقى الهلال سيد البلد بلا منازع ، والشعبية زهرة المدائن،، وسلم لي على صلاح أبو دية ، عارف الناس المتخارجين
منكم وعندو حمى اليومين دي ،،، قال كامري قال!!!
|
Post: #65
Title: Re: أخيرا : سفاري لاعبا للهلال
Author: عبد اللطيف بكري أحمد
Date: 11-11-2009, 10:48 AM
Parent: #60
Quote: أخى عبد اللطيف طال غيابك وبركه السفارى جابك مارق علينا
اعتقد انه المريخ ما فيه لاعب فى قامة الهلال ..
وسفارى لن يشكل اى اضافة وربما كان ذلك قبل عام وقبل ان تدهور مستواه |
حبيبنا ناجي ، تحياتي ، والرياض بقت بالجد مسيخة بعد سفر د. كرار الذي كان
يجمعنا كأصدقاء ، وشكينا على الله الجهاز،،
المشكلة تقول كدا يجوك الجماعة يقول ليك داير ليك قطعة واطة في الخرتوم ،، ههههههههه،،
=
بالنسبة للمريخ : وارغو مابطال / الدافي ممتاز ، بس الكادر المحلي أظن قلق وبلة جابر ممكن
يشكلو دكة بدلاء معقولة في أي من فرق الممتاز ،،
|
Post: #67
Title: Re: أخيرا : سفاري لاعبا للهلال
Author: عبد اللطيف بكري أحمد
Date: 11-11-2009, 11:08 AM
Parent: #50
الأخ / منتصر زكي : اللهم آمين يارب ، وكمان ان شاء الله ما تضلم عليكم إن ذهب،،
|
Post: #69
Title: Re: أخيرا : سفاري لاعبا للهلال
Author: عبدالرحيم أبراهيم العبيد
Date: 11-11-2009, 01:53 PM
Parent: #67
يا جماعه روقوا المنقه شويه
اخر الاخبار بأن
صلاح ادريس للمريخ
جمال الوالي للهلال
وربنا يكون في العون
|
|