Post: #1 Title: عوووووك يا معاوية حسين الحقنا Author: صلاح الدين ابراهيم الفضل Date: 11-08-2009, 07:15 PM Parent: #0
عندى المشكلة دى يا باشمهندس ونحن ناس حظنا قليل مع التكنولوجيا وعرضتها على الجماعة وكلهم فتحو لى وما هببونى بالتكتح والعشم فيك وانشاء الله يوم شكرك ما يجى .... وشوف البوست الفتحتو أولا ولا حياة لمن تنادى
Quote: حلمتتيش ظريف جدا عتدى فى الموبايل ونزلتو فى الكمبيوتر عشان يشاركنى الجميغ فيهو وكلنا نفك التكشيرة مع ظرافة الشايقية لكن للاسف عند محاولة تشغيلو من الكمبيوتر رفض العمل وطلب منى اختيار البرنامج لتشغيله وبرضو رفض وبقى كل مرة يجرنى لحتة تانية وانتو عارفين حركات الكمبيوتر لما يعصلج المهم اخيرا اهتديت لفتح هذا البوست لعل وعسى يكون فيكم واحد نجيض يحل المسألة وخاصة بينكم الباشمهندس معاوية حسين وكثيرين أخرين لا تعجزهم الحكاية دى ... وانتو بس قولو لى أرفعو لينا أو رسلو لينا فى الايميل وانا اقوم باللازم وانتو قومو باللازم ... ودى للجميع
يا كافى البلاء السبعتاشر الخشو وشافو البوست ما فيهم واحد يتبرع يشوف الحل شنو .. غايتو البركة فى معاوية حسين لما يجى وبالجد كدة الحكاية بتستحق يتعبو ليها ... يلا همتكم معانا
والله حورجتونا يا جماعة واحد بس يقول لى عينك فى راسك مافى .. غايتو اتعيبتو ودى ما كانت المحرية فيكم وانا تانى ما عندى حل غير اعدل عنوان البوست وارسل نداء استغاثة واختو فوق عشان معاوية حسين من ما يجى داخل يقع فى عينو وانا عارفو اخو البنات ما بيخذلنى ... غايتو عيبكم عيب الشوم (عدل بواسطة صلاح الدين ابراهيم الفضل on 08-11-2009, 05:57 م)
Post: #2 Title: Re: عوووووك يا معاوية حسين الحقنا Author: motaz Date: 11-08-2009, 09:24 PM Parent: #1
يا أخ صلاح يعني المقطع ما أشتغل معاك قصدك؟ ولا ما قدت ترفعو في المنتدى؟
غايتو لو عشان يشتغل معاك المقطع أنصحك ببرنامج إسمو VLC وده برنامج ممتاز بيتعامل مع الكثير من ملفات الفيديو
على كل نحن في انتظار الخبير معاوية وبقية العقد اذا ما افلح معك البرنامج ده
Post: #3 Title: Re: عوووووك يا معاوية حسين الحقنا Author: Maawya Hussein Date: 11-08-2009, 09:30 PM Parent: #2
سلام يا صلاح
ممكن ترسلي لي الفايل في الايميل لو حجمو ما كبير ..ممكن لو اكبر من 10 ميقا ترفعو في http://www.mediafire.com/