Post: #1 Title: عيد ميلاد دكاكيني !! Author: ALZOLZATOO Date: 11-08-2009, 09:53 AM
امس اكملت البنية حولين كاملين
ونسبة للانشغال الشديد عملت عيد ميلاد دكاكيني كده وماعزمت اي زول
اها واتذكرت انو في عيد ميلاد الولد نزلت ليهو بوست بتلك المناسبة
وطبعا زاتوو مابيفرق بين البت والولد وقلنا لازم نساوي بين الطفل والطفلة ومانهضم حقوقها
اصلو البنات اليومين ديل لو احسن بي اي تهميش الله قال بي قولك وقلنا الظروف مامعروفة يمكن بعدين
النساء يمسكوا البلد والبنية تقوم تفتح مكتبة ابوها بعد مابكوري يتكرم لينا بي مكتبة وماتلاقي تهنئة في عيد ميلادها الثاني وتقوم تفتح في ابوها بلاغ تهميش ذكوري بعدم انزال بوست تهنئة في عامها الثاني كما فعلت مع الولد
عشان كده وعشان الواحد ضميروا يكون مرتاح نزلت البوست ده وارجو كل من شاركوني في عيد ميلاد الولد ان يشاركوني في عيد ميلاد البت والناس الماشاركت برضو ممكن تشارك
كل سنة وانتي طيبة البنية السكرية حلاوة لبن
والعاقبة عندكم في المسرات
تحياتي
زاتوووو
Post: #2 Title: Re: عيد ميلاد دكاكيني !! Author: HAIDER ALZAIN Date: 11-08-2009, 10:03 AM Parent: #1
ما شاركنا في الاول لكن لو كلمتونا كان جينا بمنقتنا ..لووووول ..
وكل سنة والعسل بالف خير وتطفئ الشمعة المية يا رب ..
Post: #6 Title: Re: عيد ميلاد دكاكيني !! Author: ALZOLZATOO Date: 11-08-2009, 10:13 AM Parent: #2
حبيبنا حيدر
الله يبارك فيك ياحبيبنا
والله احبطني ياخي انا اسع قلت حيدر الزين ده يقوم يعرس ويمشي بي نظرية قدم الكيشة والحقو ويجي يجيب تيمان وتاني تيمان ويفوتنا بي هناك
لكن لو مصر بضم الميم ممكن نحجزها ليك عادي جدا يعني الفرق كلو ح يكون كم وتلانين سنة بتحصل في ارقى العائلات بس شرطي الوحيد ح اوديك الفحص الدوري نعمل ليك جك اب عشان انت عارف قلب الوالد وكده بعدين الرطوبة دي بتلجن سرييييييييع
الف مرحب بيك تعال بي حالتك الراهنة دي نشوف بطيختك دي حمراء ولا بيضاء
ارقد عافية
زاتوووو
Post: #3 Title: Re: عيد ميلاد دكاكيني !! Author: عزاز شامي Date: 11-08-2009, 10:08 AM Parent: #1
كل سنة و بنّوتك بخير و تكبر و تفرح بيها
Post: #9 Title: Re: عيد ميلاد دكاكيني !! Author: ALZOLZATOO Date: 11-08-2009, 10:17 AM Parent: #3
Post: #4 Title: Re: عيد ميلاد دكاكيني !! Author: لؤى Date: 11-08-2009, 10:11 AM Parent: #1
Quote: عيد ميلاد دكاكيني !!
أه يا خائن
كُلّ سنة والبنّوتة والولد بألف خير
Post: #5 Title: Re: عيد ميلاد دكاكيني !! Author: اميمة مصطفى سند Date: 11-08-2009, 10:12 AM Parent: #4
كل سنة والبنوتة بألف خير
Post: #7 Title: Re: عيد ميلاد دكاكيني !! Author: مريم عبد الله Date: 11-08-2009, 10:14 AM Parent: #5
كل سنه والينية الحلوة دي طيبه وعقبال ما تحتفلوا بي عيد ميلاد اولادها
Post: #12 Title: Re: عيد ميلاد دكاكيني !! Author: ALZOLZATOO Date: 11-08-2009, 10:50 AM Parent: #7
ستنا مريم عبدالله
حمد الله على السلامة وربنا مايحرمنا من طلاتك البهية
عقبال مية سنة لي اي زول بتعرفيهو
ربنا يمتعك بالصحة والعافية ونبارك ليك في السمح
تحياتي
زاتوووو
Post: #11 Title: Re: عيد ميلاد دكاكيني !! Author: ALZOLZATOO Date: 11-08-2009, 10:43 AM Parent: #5
استاذة اميمة
حقيقة يوم زيارتك بيتنا نور
متشكرين ومقدرين مانجيك في شين ان شاء الله
تحياتي العميقة
زاتوووو
Post: #10 Title: Re: عيد ميلاد دكاكيني !! Author: ALZOLZATOO Date: 11-08-2009, 10:39 AM Parent: #4
Quote: أه يا خائن
كُلّ سنة والبنّوتة والولد بألف خير
حبيبنا لؤي
تصدق انا كنت مفكر اعملو في الويك اند لكن تعرضت لضغط شديد من الحكومة المركزية
قلت يوم سبت يوم سبت وقلت اصاحبنا الواحد ممكن يقنعهم اهم حاجة يحافظ علي كرامتو لوووووووولز
ياخي انت بس تعال ومعك اخرون مش الطورته والشمع والهتش البعلقوهو ده بنعملو ليك وتعال يارمز الفن ياسيدي وفيك وجدت الدر قصيدي تعاااااااااال
تحياتي
زاتوووو
Post: #8 Title: Re: عيد ميلاد دكاكيني !! Author: tmbis Date: 11-08-2009, 10:14 AM Parent: #1
ممكن اهدي يا دكتور ..؟ حسع عليك الله مقنطر نفسك كدا مالك من الصباح ؟؟ في حالة زي دي مفترض تعمل رايح .. لانو بوست زي دا بعد سنوات ح يدخلك في حتات ضيقة .. وزي ما عارف الارشيف حق البورد دا قاعد يمشي مكتبة البيت الأبيض .. يعني الجماعة ديل ح يرسلو ليك اتنين تلاتة كدا يدخلوك في حتات ضيقة لي نظرتك الذكورية دي واحتمال يدفعوك بدل عيد ميلاد بي اثر رجعي .. الآن إنت مطالب بي انك تعمل ليها عيد ميلاد جامبوووو .. يعني عيدين ميلاد في واحد حق السنة الفاتت الاستكردتها فوقو دا وحق السنة دي .. كل سنة والأمورة بالف خير .. يااارب تكبر وتطلع ليك بعدين الكرسي بره الشارع هي ووليداته.. نوعك دا بيكون خرفو كعب خلاص .. إلا (يصبو) ليهو الكرسي جمب العمود
Post: #13 Title: Re: عيد ميلاد دكاكيني !! Author: ALZOLZATOO Date: 11-08-2009, 11:03 AM Parent: #8
Quote: ممكن اهدي يا دكتور ..؟
حسع عليك الله مقنطر نفسك كدا مالك من الصباح ؟؟ في حالة زي دي مفترض تعمل رايح .. لانو بوست زي دا بعد سنوات ح يدخلك في حتات ضيقة .. وزي ما عارف الارشيف حق البورد دا قاعد يمشي مكتبة البيت الأبيض .. يعني الجماعة ديل ح يرسلو ليك اتنين تلاتة كدا يدخلوك في حتات ضيقة لي نظرتك الذكورية دي واحتمال يدفعوك بدل عيد ميلاد بي اثر رجعي .. الآن إنت مطالب بي انك تعمل ليها عيد ميلاد جامبوووو .. يعني عيدين ميلاد في واحد حق السنة الفاتت الاستكردتها فوقو دا وحق السنة دي .. كل سنة والأمورة بالف خير .. يااارب تكبر وتطلع ليك بعدين الكرسي بره الشارع هي ووليداته.. نوعك دا بيكون خرفو كعب خلاص .. إلا (يصبو) ليهو الكرسي جمب العمود
حبيبنا الاول والقبل الاخير تامبا
لازم تهدي ياتامبا ماشايف العاقبة عندكم في المسرات دي لوووووولز بعدين ياحبيبنا انت من النوع المريح جدا يعني من انت دخلت البورد ماشفتك ليك مناسبة سعيدة ههههههههههههههههههه يكه يعني انت نعم الصديق الصدوق
والله زي ماقلت انا نحن بنتلاقى في حاجات كتيرة لانو موضوع القنطرة ده فكرت فيهو قلت معقول زاتو بعد العمر ده كلو يدردق نفسو في خط مافي لكن قلت دردقة تفوت ولا زعل البنية والبيت الابيض بينفع في اليوم الاسود بعدين انت من زمن نحن بمسكونا تلاته اسع وحاتك الولد لمن يتصارع معاي بتصارع معاهو بكامل قواي العقلية والجسدية
الله يبارك فيك ياتامبا ياصديقي واتلحلح شوية شوف ليك حاجة من الحديد المقرش بضم الميم وفتح القاف انت جيلكم ده ماشاء الله كلهن سمحات اها لو ماصادفت نصف دينك في خور ابوعنجة عرج على النيل الازرق قالوا الغريق لي قدام ح تلاقي حاجات ولا حتى تحلم بيها اها امسك هناك قوي ونشوفك في برنامج افراح افراح ان شاء الله
شكرا ياعسل
زاتوووو
Post: #14 Title: Re: عيد ميلاد دكاكيني !! Author: Dalal Ezzaldin Date: 11-08-2009, 11:12 AM Parent: #13
بتك معاي سوا سوا يا زاتو .. وانا اقول الناس ما جات حفلة عيد ميلاداتي لي
تقول لي دكاني ؟
كل سنه هي وانا طيبات
Post: #15 Title: Re: عيد ميلاد دكاكيني !! Author: Hala Hassan Date: 11-08-2009, 11:59 AM Parent: #14
يا زااتوو،، تصدق جيتى المنبر الايام دى عزيزة و غالية،
بس قلت لازم أشاركم أفراحكم،،،
كل سنة و الامورة بالف خير و سعادة يا رب،
و تفرحوا بيها إنشالله بأعلى الشهادات،،،
هدية منى ليها الوردة دى
Post: #16 Title: Re: عيد ميلاد دكاكيني !! Author: Hala Hassan Date: 11-08-2009, 12:07 PM Parent: #14
Quote: كل سنة والزاتوووووووووووية الصغيرونة بالف خير
وعقبال الشمعة الجلبغمية
وياريتني لو كنت معرس وعندي وليدات كان خطبتها ليهم من هسع
لكن للاسف تراني زي تمبس دا
خالص الود
حبيبنا ياسر بناوي
لاحولة ولاقوة بعد الرطب ده كلو عزابي انا اسع قلت الراجل ده كاتل الجداده وخامي رطبها كااااااك انت برضو بنوصيك تعرج على النيل الازرق بشرط بتكون بتعرف تعوووم وده انا ماعندي فيهو شك لكن بشك في عوووم تمبس لانو تمبس متعود على العوم في خور ابوعنجة وعوم الخور بيختلف عن عوم النيل حتى لو كان تامبا بيتلب من فوق الكوبري يازول اتزوج مامعروف يمكن تجيبهم كلهم بنات ونقعد نتلفت مع بعض ربنا يرزقك كده بي زوجة صالحة وذرية مباركة قال سقراط لأحد تلاميذه: تزوج يابني .. فإنك إن رزقت بإمرأة صالحة .. أصبحت أسعد مخلوق على وجه الأرض .. وإذا كانت شريرة.. صرت فيلسوفآ
تقبل الله يا واتو و كل سنة و البنية طيبة و ناجحة و رافعة راسكـ زي ما قالوا الشباب اولادنا ديل بعدين حا يراجعوا ارشيف بكري غما عندنا خيار إلا نتحجج بهجمات الهكر اللخبطت تواريخ البوستات في المنبر
Quote: كل سنة وانتو طيبين وتتحقق امانيكم ربنا يخلي ليك الامورة يا دكتور ويسعدك بي عيالك ..
.
حبيبنا عبدالله عثمان
وانت طيب ويحقق امانيكم جميعا ويسعدك ان شاء الله بس قصة يادكتور دي ماتركز عليها كتير لانها شهادة مضروبة لوووووووول كان مغالطنا ومامصدقنا اسال ايمن دياب الماري جمب بيتنا
تحياتي الغالية ياعبدالله
زاتوووو
Post: #37 Title: Re: عيد ميلاد دكاكيني !! Author: ALZOLZATOO Date: 11-10-2009, 09:51 AM Parent: #29
Quote: زاتووو يا ملك
كل سنه والبنوته بخير .. تفرح بي جديدها انشالله يابا
احب اهدي غونيه لي صاحبك اللي حا يبقى فيلسوف ... لووووووووووول
الملكة داليا الكباشي
ربنا يكتر مناسبات السعيدة
شكلك كده ح تغني كتير لانو ان معظم اصحابي فلاسفة
والمامعرسين برضوح يكونوا فلاسفة ماعدا ياسر بناوي
تحياتي الاكيدة
زاتوووو
Post: #36 Title: Re: عيد ميلاد دكاكيني !! Author: ALZOLZATOO Date: 11-10-2009, 09:41 AM Parent: #28
Quote: مبروك للدكتورة بت الدكتور.. عقبال ما تفرح بيها عروس يا بكور..
بالمناسبة كنت في الدمام اسبوع بس والله ماعندي رقمك.
حبيبنا ايمن دياب
وعقبال مانفرح بي جميع مناسبات السعيدة
ياخي كان تسال اي زول تقول ليهو الاقي زاتو وين ح يوصلك طوالي
التلفون ارسل لك بالماسنجر الداخلي وشغال 24 ساعة ماعدا في حالة السفر بالطيران وهي نادرة
ارقد عافية
زاتوووو
Post: #34 Title: Re: عيد ميلاد دكاكيني !! Author: ALZOLZATOO Date: 11-09-2009, 06:42 AM Parent: #24
Quote: يا الزوووول زاتو
كل سنة والبنوتة طيبة وعقبال 100 شمعة
يانعومة
صباحك سعيد ، عقبالك كمان تفرحي بي جميع اجيالك وياربوع شفنا استقبالك
الزول زاتو كل سنة وبنتنا طيبة وأسرتكـ طيبة .... وياريت لو كلمتنا
لكـ شكري وتقديري
Post: #40 Title: Re: عيد ميلاد دكاكيني !! Author: Muna Khugali Date: 11-11-2009, 09:07 AM Parent: #35
ماشاء الله علي البنية السكرية.. عمرها سنتين؟؟ أكبر من ياسين بتلاتة شهور تقريبا.. ومن يوسف بسنة وأربعة شهور.. اسه نخطبها لياتو فيهم؟؟
كل سنة هي واخوها وأمهم حلوين في حياتك وطيبين..
قلت ليك.. من المية جنيه حقتي العندك..أديها خمسين جنيه بتنا دي ما بنبخل عليها اصلو..
شكرا
Post: #44 Title: Re: عيد ميلاد دكاكيني !! Author: ALZOLZATOO Date: 11-11-2009, 09:31 AM Parent: #40
Quote: ماشاء الله علي البنية السكرية.. عمرها سنتين؟؟ أكبر من ياسين بتلاتة شهور تقريبا.. ومن يوسف بسنة وأربعة شهور.. اسه نخطبها لياتو فيهم؟؟
كل سنة هي واخوها وأمهم حلوين في حياتك وطيبين..
قلت ليك.. من المية جنيه حقتي العندك..أديها خمسين جنيه بتنا دي ما بنبخل عليها اصلو..
شكرا
الملكة منى خوجلي
لا بتنا مابنديها لي اولاد اصغر منها لكن بنعمل ليكم طلب خاص سريييييييع كده
ونجيب ليكم واحده حسب طلبكم عايزنها باب واحد او فور ويل درايف
بعدين الاسم تختاروهو انتو شايف ماشاء الله الاسامي كلها قرانية ياسين ويوسف ونحن ماعلينا الا التنفيذ تسموها مريم او امراة العزيز او حتى حمالة الحطب ماعندنا مشكلة المهم تعرسوها وبعد تلتين سنة كده ح تلاقي بوست كبير يافرحنا ابوي زاتوو في لندن كاااااااااك ونمشي نشوف ناس لندن السمحين ديل
بعدين المية جنيه دي فاضحاني بيها مالك في العالم السايبري ده نحن ناس نسب وكده بعدين ماكنت متخيل متذكره الموضوع لسه كنت عملت عيد الميلاد كل اربع سنوات لووووووول يكه
شاكرين حسن قدومك الكريم وباقي ليك خمسين جنيه
تحياتي للاسرة
زاتوووو
Post: #42 Title: Re: عيد ميلاد دكاكيني !! Author: ALZOLZATOO Date: 11-11-2009, 09:19 AM Parent: #35
Quote: الزول زاتو كل سنة وبنتنا طيبة وأسرتكـ طيبة .... وياريت لو كلمتنا
لكـ شكري وتقديري
حبيبنا صديق
والله امسحها لي في وشي بس اليوم كان يوم سبت وقلنا الناس بتكون طالعة من شغل وكده مافي داعي للازعاج
اسمع كلم صاحبك يوم الخميس حيدر عازمنا حناء في الخبر ماعارف برنانجكم شنو
عقبال مانفرح بي اعياد ميلاد اولادك وبناتك
تحياتي
زاتوووو
Post: #43 Title: Re: عيد ميلاد دكاكيني !! Author: Nader Abu Kadouk Date: 11-11-2009, 09:31 AM Parent: #42
كل سنة وانتي طيبة البنية السكرية حلاوة لبن
Post: #45 Title: Re: عيد ميلاد دكاكيني !! Author: بكري عباس علي Date: 11-11-2009, 11:45 AM Parent: #43
ا لحبيب زاتو
كل سنة وهي وانت واخوها وامهم بكل خير وعقبال ما تفرح بتخرجهم من الجامعة يا رب
الصورة ماظهرت معاي لكنها برضو وصلت وتشكري عليها كتير
اخبارك واحوالك ان شاء الله مبسوطة خلاص بقينا نسايب وتاني الراجل ولا المراة تقرب ليكم لووول
نسيب زي ده اصلو ماشفنا منى حجزت البنية خلاص بس عايزه مني خمسين جنيه والمنبر العام والمنابر المجاورة كلها عرفت الخبر بالله ممكن تديها قروشها تو زي لاست بني ولو ظروفك زي ظروفي كده خليها تخصمها من قروش الشيلة او فتح الخشم او سد المال
