Post: #1
Title: نصرخرافي ل(OBAMA)اجازة خطته بحق العلاج لكل مواطن امريكي!
Author: Tragie Mustafa
Date: 11-08-2009, 07:33 AM
حقا انه رجل من صناع التاريخ
وآخيرا تمكن الرئيس الديمقراطي اوباما
ابن افريقيا....من كفالة حق العلاج لاي مواطن امريكي!!
هذا حلم للحزب الديمقراطي
ظلوا يناضلون لاجله وهاهو الحلم يتحقق علي يد ابننا المبروك
اوباما ويفارق 5 اصوات فازت خطته.
صوت لها 220 نائب بالكونجرس
خانوهوا 39 ديمقراطي
وصوت له 1 نائب جمهوري!!
وكان مجموع الرافضين 215 نائب
منهم كما قلت 39 ديمقراطي و البقيه 176 نائب جمهوري!
مبروك لكل الاوبامين بالمنبر والقراء
مبورك لاخوتنا السودانين الامريكان
مبورك اوباما
وعقبال تجاز من قبل السنت ايضا.
وستجاز..حتما فهنالك حسابات دقيقه.
الوبيهات تسعى لشراء من تسعى
وابننا ايضا ليس سهلا حسابات ما تخرش الميه!!
رغم اختلافي معه في سياسته الخارجيه
الا انني فخورة به لهذا الانجاز الداخلي لشعبه
وزول ما فيه خير لشعبه مافيه خير للعالم.
تسلم ابوما ود امي.
|
Post: #2
Title: Re: نصرخرافي ل(OBAMA)اجازة خطته بحق العلاج لكل مواطن امريكي!
Author: ALGARADABI
Date: 11-08-2009, 07:47 AM
Parent: #1
وين الصورة ديك؟
يعني الواحد لو داير يتصور معاك الا يبقي رئيس أمريكا؟
|
Post: #3
Title: Re: نصرخرافي ل(OBAMA)اجازة خطته بحق العلاج لكل مواطن امريكي!
Author: Tragie Mustafa
Date: 11-08-2009, 07:49 AM
Parent: #2
القراضابي
كيفينك يا الحبيب
Quote: وين الصورة ديك؟
يعني الواحد لو داير يتصور معاك الا يبقي رئيس أمريكا؟ |
يازول قول الله يلمنا لك علي تشبع صور!!
انا لاقياك وين يا اخي بل انا الحيكون لي الشرف.
سجلت نفسك في الانتخابات ولا لسه؟؟!!
|
Post: #4
Title: Re: نصرخرافي ل(OBAMA)اجازة خطته بحق العلاج لكل مواطن امريكي!
Author: Rihab Khalifa
Date: 11-08-2009, 07:59 AM
Parent: #3
سلام يا تراجي
فعلا، حاجه يستاهل عليها الكثير المسانده و الاعجاب
حسب ما قرات و سمعت انه البيل الجديدة ما حا تغطي كل امريكي و لكن تشمل حوالي ٩٦٪ من المواطنين الحاليين، اذا فهمت صاح، الباقين ديل يا ربي حا يكونو كيف؟
الحاجة العاجباني انه شركات التامين بقي ما من حقها ترفض علاج المرضي، كما كانو يفعلو في السابق،عقبال باقي الدول
و
عقبالنا يا رب
|
Post: #5
Title: Re: نصرخرافي ل(OBAMA)اجازة خطته بحق العلاج لكل مواطن امريكي!
Author: Ridhaa
Date: 11-08-2009, 09:26 AM
Parent: #4
الأخت تراجي
سلام ...
خطة العلاج في مراحلها الأولية ولسع باقي ليه مشوار طويل لاجازته.
تحياتي
|
Post: #6
Title: Re: نصرخرافي ل(OBAMA)اجازة خطته بحق العلاج لكل مواطن امريكي!
Author: Tragie Mustafa
Date: 11-08-2009, 03:10 PM
Parent: #5
......
|
Post: #7
Title: Re: نصرخرافي ل(OBAMA)اجازة خطته بحق العلاج لكل مواطن امريكي!
Author: Tragie Mustafa
Date: 11-08-2009, 04:34 PM
Parent: #4
الفاضله رحاب خليفه
سلامات
Quote: سلام يا تراجي
فعلا، حاجه يستاهل عليها الكثير المسانده و الاعجاب
حسب ما قرات و سمعت انه البيل الجديدة ما حا تغطي كل امريكي
و لكن تشمل حوالي ٩٦٪ من المواطنين الحاليين، اذا فهمت صاح،
الباقين ديل يا ربي حا يكونو كيف؟
الحاجة العاجباني انه شركات التامين بقي ما من حقها ترفض علاج
المرضي، كما كانو يفعلو في السابق،عقبال باقي الدول
و
عقبالنا يا رب |
يازوله ده انجاز خرافي
امريكا دي فوق ال 50% من ناسها كانوا بلا تأمين!!
واغلبهم من اخوتنا المهاجرين لذا نحن فراحانين لهم.
لم استمع لتفاصيل ,ولكن عارفه انه مجرد حتى ال 96% ديل
القلتيهم برضو ضربه كبيره
لناس شركات التأمين الكانوا بيتدلعوا في الناس.
ولاحظي من قوتهم قدروا يقنعوا فوي ال 39 نائب ديمقراطي
بانه يصوتوا ضد البيل؟؟!!
يازوله ديل صرفوا مليارات عشان يسقطوا مشروع اوباما ده.
اها ربنا رد كيدهم في نحرهم.لانه فعلا موضع حيوي وامر ضروري للشعب.
وزي ما قلتي عقبال شعبنا السوداني.
|
Post: #8
Title: Re: نصرخرافي ل(OBAMA)اجازة خطته بحق العلاج لكل مواطن امريكي!
Author: Tragie Mustafa
Date: 11-08-2009, 04:36 PM
Parent: #7
الاخ رضا سلامات
Quote: الأخت تراجي
سلام ...
خطة العلاج في مراحلها الأولية ولسع باقي ليه مشوار طويل لاجازته.
تحياتي |
يا حبيب مشوار الاف ميل بيبدأ بخطوة
وهذا اهم تصويت وصدقني ستفوز في السنت ايضا.
وبكره تقول تراجي قالت.
وبعدين قالوا تفاؤلوا بالخير تجدونه..ولا ما كده؟؟
|
Post: #9
Title: Re: نصرخرافي ل(OBAMA)اجازة خطته بحق العلاج لكل مواطن امريكي!
Author: خالد العطا
Date: 11-08-2009, 05:07 PM
Parent: #1
ام حازم
حمدلله على السلامة
|
Post: #10
Title: Re: نصرخرافي ل(OBAMA)اجازة خطته بحق العلاج لكل مواطن امريكي!
Author: shahto
Date: 11-08-2009, 06:14 PM
Parent: #9
برضوا انتصار افريقي عديل كده
و شكرا تراجي
|
Post: #11
Title: Re: نصرخرافي ل(OBAMA)اجازة خطته بحق العلاج لكل مواطن امريكي!
Author: Tragie Mustafa
Date: 11-08-2009, 11:58 PM
Parent: #9
اخي خالد العطا
سلامات
Quote: ام حازم
حمدلله على السلامة |
يقبل حمد ربنا.
انت وين ذاتك غاطس
عساك بخير.
|
Post: #12
Title: Re: نصرخرافي ل(OBAMA)اجازة خطته بحق العلاج لكل مواطن امريكي!
Author: ثروت سوار الدهب
Date: 11-09-2009, 01:43 AM
Parent: #11
مرت سنة على فوز اوباما
يوم 4 نوفمبر
و ستتوالى الإنجازات
تراجي مشتاقين
ماله سياستو الخارجية؟.
سياسته جعلت الشعب الإيراني ينتفض كل شهر مرة. اخر مرة قبل ثلاث ايام بمناسبة إحتفال إحتلال السفارة الامريكية و كانت مظاهرة داس فيها الشعب صور المرشد العام خمانئي لاول مرة في تاريخ إيران يهتف الناس ضد المرجع الشيعي الاعلى و يدوسوا ملصقات صوره بإقدامهم. طبعا الحكومة حشدت الرجرجة و الدهماء و وقوات البسيج المتخلفة لتواجه المظاهرة السلمية بالحقد و العنف المنفلت.
و الأيرانيون هم مسؤولون من الهوس الديني السياسي المعاصر
و خلت حزب الله يسقط في الإنتخابات.
و خلت السعودية تعمل جامعة مختلطة لا يقربها خفافيش الواهبية المسمون بهئية الامر بالمنكر و النهي عن المعروف.و بروز تيار ليبرالي في السعودية مناوئ للهوس الوهابي الظلامي.
و سيسحب البساط من تحت الحركات الدينية السياسية المتاجرة بالعداء لامريكا مع مرور الايام.
و ستعود السياسة خلاف عقلاني علماني نحو الافضل
مدد يا اوباما مدد
تحاياي
|
Post: #13
Title: Re: نصرخرافي ل(OBAMA)اجازة خطته بحق العلاج لكل مواطن امريكي!
Author: د.نجاة محمود
Date: 11-09-2009, 02:20 AM
Parent: #12
Quote: لم استمع لتفاصيل ,ولكن عارفه انه مجرد حتى ال 96% ديل
القلتيهم برضو ضربه كبيره
لناس شركات التأمين الكانوا بيتدلعوا في الناس. |
حيكون يا تراجي 4 % ناسك ظاتهم...
اكيد ما ممكن يكونو اولى من الاصلين من السكان..
|
Post: #14
Title: Re: نصرخرافي ل(OBAMA)اجازة خطته بحق العلاج لكل مواطن امريكي!
Author: كمال عباس
Date: 11-09-2009, 02:46 AM
Parent: #13
سلام أخت تراجي
الواقع أن خطة أوباماأجيزت في مجلس النواب house of representatives ولازالت تنتظر الشق الاصعب وهو الإجازة في الجناح الثاني للكونقرس أي مجلس الشيوخ house of senates وتحتاج لمجهود أكبر هناك وربما أجيزت عبر تسوية تقلص بعضامن سماتها
والخطة لاتغطي المهاجرين غير الشرعين ( عدا الطوارئ فيما أعتقد)
|
Post: #15
Title: Re: نصرخرافي ل(OBAMA)اجازة خطته بحق العلاج لكل مواطن امريكي!
Author: HAYDER GASIM
Date: 11-09-2009, 04:19 AM
Parent: #14
كنت بصدد إعلان هذا النصر العالي, بس قلت
آخد لي نومة ... فإذا بالخبر يشع في أرجاء
البورد ... إذن ... إنت ما قاعدة تنومي ...
{ وش مطروح ... التقول مرسى مطروح }
| Quote: حسب ما قرات و سمعت انه البيل الجديدة ما حا تغطي كل امريكي و لكن تشمل حوالي ٩٦٪ من المواطنين الحاليين، اذا فهمت صاح، الباقين ديل يا ربي حا يكونو كيف؟ |
رحاب خليفة ... كيفنك,
لأول مرة تشمل التغطية الصحية كل الشعب الأمريكي مية المية,
فقد أسقطت المشروعات الصحية السابقة حوالي 36 مليون نسمة
من التغطية الصحية لحسب تقاليد وقوانين شركات التأمين الصحي.
فأوباما مد غطاء التغطية الصحية لكل الشعب الأمريكي... وفي
سابقة فريدة لم يتكرم التاريخ الأمريكي الطويل والعريض بتسجيلها
من قبل على دفتر أحواله... فشكرا أوباما.
أما نسبة ال96 بالمائة الواردة في مداخلتك عاليه, فهي تخص السياسة
الضريبية عموما في عهد أوباما... وفيما يعنى أن لن يتأثر بالقطع
الضريبي إلا أربعة بالمائة من أهل أمريكا... وهم أغنى أغنياءها.
إذ أن سقف الضرائب وفقا لسياسة أوباما يبدأ بمن يتعدى دخلهم السنوي
250 ألف دولار وما فوق ... فيما متوسط الطبقة الوسطى يتمحور حول ال50
ألف سنويا... فأعتقد أن هنا توجه عادل ويرمى بقسط وافر على سبيل العدل
الإجتماعي الأمريكي.
معركة السنيت أظنها سوف تكون أسهل من الكونجرس, لأن التاكتيك السياسي الذي
يدخره الحزب الديمقراطي قد صرف جله في الكونجرس, مقابل موقف أخلافي أفضل
للحزب الجمهوري في إنتخابات السنيت المزمعة قريبا... فالموضوع ما فيهو
خيانة حزبية بقدرما هو تكنيك حزبي كما أعتقد... ونعيش ... نشوف.
شكرا تراجي ... فهنا حوار موضوعي ومتقدم... على الأقل لجهة الجغرافيا الشمال
أمريكية ... وكل يوم ... نتعلم.
... مع وافر تقديري
|
Post: #16
Title: Re: نصرخرافي ل(OBAMA)اجازة خطته بحق العلاج لكل مواطن امريكي!
Author: كمال عباس
Date: 11-09-2009, 04:42 AM
Parent: #15
الأخ حيدر سلام
| Quote: معركة السنيت أظنها سوف تكون أسهل من الكونجرس, لأن التاكتيك السياسي الذي يدخره الحزب الديمقراطي قد صرف جله في الكونجرس |
طبعا تقصد أنو معركة السنيت ستكون أسهل من معركة مجلس النواب
فال congress يتكون من مجلسين= house of senates +
house of representatives
( مجلس نواب+ مجلس شيوخ ) وأتمني فعلا أن تجري الأمور بسلاسة والا يضطر
الديموقراط لعقد صفقة تساومية مع الجمهوريين تفقد خطة أوباما بعضا من مزا ياها
كمال
|
Post: #17
Title: Re: نصرخرافي ل(OBAMA)اجازة خطته بحق العلاج لكل مواطن امريكي!
Author: Tragie Mustafa
Date: 11-09-2009, 05:46 AM
Parent: #14
يا جماعه استأذنك في الرد على الاثنين ديل اولا
د.بيان وكمال عباس وشكرا على مرورك
كتبت بيان
Quote: حيكون يا تراجي 4 % ناسك ظاتهم...
اكيد ما ممكن يكونو اولى من الاصلين من السكان.. |
ابدا يا بيان....منو قال لك الكلام ده؟؟مش يمكن ال 4% ديل
الاكثر ثراء بامريكا مثلا!!
الاخ كمال
سلامات
Quote: والخطة لاتغطي المهاجرين غير الشرعين
( عدا الطوارئ فيما أعتقد) |
ومنو القال غير كده؟؟
انا ذكرته انه علاج للامريكان؟؟يعني حاملين الجنسيه حتى لم أصل لناس القرين كارت
وان كانت الخطه بتشملهم لكن معقوله تفتكر انه انا ما واعيه
وممكن اسرح واصل لحد المهاجرين الغير شرعين؟؟!!
اصلا ديل هم الجهة الحاولا الجمهورين يضربوا بيها خطة اوباما
وهو اكد اكثر من مره انهم غير مشمولين بها.
ثانيا يا بيان
نحن ناسنا اغلبهم شرعين
وغالبا الغير شرعين ديل من دول الجوار وغالبا المكسيك هم المعنين
لكن مش ناسنا.
|
Post: #18
Title: Re: نصرخرافي ل(OBAMA)اجازة خطته بحق العلاج لكل مواطن امريكي!
Author: ثروت سوار الدهب
Date: 11-09-2009, 06:05 AM
Parent: #17
حيدر
Quote: للحزب الجمهوري في إنتخابات السنيت المزمعة قريبا... فالموضوع ما فيهو
خيانة حزبية بقدرما هو تكنيك حزبي كما أعتقد... ونعيش ... نشوف.
|
اصلا الارث البرلماني الامريكي شاذ عن باقي النظم البرلمانية الصارمة في إنضباط الهئية البرلمانية.
فهو اكثر لدانة و مرونة.
لم ارى تصويت قط إلتزمت فيه كامل الهيئة البرلمانية(الكوكاس) الحزبية من هذا الحزب او ذاك.
بعكس نظم وست منستر إذ في حالة تصويتك مع الجانب الآخر أو حتى الإمتناع عن التصويت يعرضك للطرد من الهئية البرلمانية. ثم الحزب من بعد.
رجعت ليالي زمان... ليالي اوباما
مدد يا شيخنا مدد
تحاياي يا اب شنب
|
Post: #19
Title: Re: نصرخرافي ل(OBAMA)اجازة خطته بحق العلاج لكل مواطن امريكي!
Author: كمال عباس
Date: 11-09-2009, 06:24 AM
Parent: #18
كتب الأخت تراجي
Quote: ومنو القال غير كده؟؟
انا ذكرته انه علاج للامريكان؟؟يعني حاملين الجنسيه حتى لم أصل لناس القرين كار ت وان كانت الخطه بتشملهم لكن معقوله تفتكر انه انا ما واعيه
وممكن اسرح واصل لحد المهاجرين الغير شرعين؟؟!! |
وهل قلت أنا أنك ضمنتي المهاجريين غير الشرعيين في الخطة? أنا لم أقل
ذلك ولم أقرأ لك كلاما بهذا المعني...
أنا لم أتدخل مغالطا أومصوب الك ...وأنما دخلت للإسهام بمعلومة عامة
تخص المهاجرين غير الشرعيين !!
وبالمناسبة جل السودانين يقيمون بصورة مشروعة ويدفعون ضرائبهم وويؤدون واجباتهم وسوف تشملهم الخطة أسوة بغيرهم وسيتمتعون بالعلاج المدعوم بمثل ما يتمتع أطفالهم الان بمجانية التعليم المدرسي والعلاج
المجاني حتي قبل هذه الخطة - وهي مكتسبات كان يتمتع بها شعبنا علي
مدي العصور قبل أن تحرمهم منها ا لإنقاذ!!
|
Post: #20
Title: Re: نصرخرافي ل(OBAMA)اجازة خطته بحق العلاج لكل مواطن امريكي!
Author: Tragie Mustafa
Date: 11-09-2009, 11:31 PM
Parent: #19
شكرا شحتو انتصار افريقي فعلا
Quote: برضوا انتصار افريقي عديل كده
و شكرا تراجي |
|
Post: #21
Title: Re: نصرخرافي ل(OBAMA)اجازة خطته بحق العلاج لكل مواطن امريكي!
Author: Tragie Mustafa
Date: 11-10-2009, 05:26 AM
Parent: #19
Quote: كتب الأخت تراجي
| Quote: ومنو القال غير كده؟؟ |
انا ذكرته انه علاج للامريكان؟؟يعني حاملين الجنسيه حتى لم أصل لناس القرين كار ت وان كانت الخطه بتشملهم لكن معقوله تفتكر انه انا ما واعيه
وممكن اسرح واصل لحد المهاجرين الغير شرعين؟؟!!
وهل قلت أنا أنك ضمنتي المهاجريين غير الشرعيين في الخطة? أنا لم أقل
ذلك ولم أقرأ لك كلاما بهذا المعني...
أنا لم أتدخل مغالطا أومصوب الك ...وأنما دخلت للإسهام بمعلومة عامة
تخص المهاجرين غير الشرعيين !!
وبالمناسبة جل السودانين يقيمون بصورة مشروعة ويدفعون ضرائبهم وويؤدون واجباتهم وسوف تشملهم الخطة أسوة بغيرهم وسيتمتعون بالعلاج المدعوم بمثل ما يتمتع أطفالهم الان بمجانية التعليم المدرسي والعلاج
المجاني حتي قبل هذه الخطة - وهي مكتسبات كان يتمتع بها شعبنا علي
مدي العصور قبل أن تحرمهم منها ا لإنقاذ!! |
شكر اخي كمال عباس للتوضيح
وفعلا لانك دقيق انا برضو حبيت اؤكد المعلومه
باني لم اقصد غير الشرعين اطلاقا.
Quote: ثانيا يا بيان
نحن ناسنا اغلبهم شرعين
وغالبا الغير شرعين ديل من دول الجوار وغالبا المكسيك هم المعنين
لكن مش ناسنا. |
ويبقى متفقين.
ومبروك عليكم خطة اوباما يعلم الله شايلين همكم كنا(اقصد كسودانين امريكان)
|
Post: #22
Title: Re: نصرخرافي ل(OBAMA)اجازة خطته بحق العلاج لكل مواطن امريكي!
Author: Kostawi
Date: 11-10-2009, 06:52 AM
Parent: #21
يا تراجي
أوباما دا رئيسكم ولا رئيسنا
و أمريكادي بلدنا ولا بلدكم
سيبونا في حالنا
غايتو غير نضحك عليكم ما شايف لي حاجة أعملها
مش العلاج دا هو برضو بقع في حاجة إسمها ال ?national security
البلد دي فيها قوانين
لكن ما فيها enforcement
أي زول بمشي المستشفى بتعالج حتى لو ما عندك تعريفة
|
Post: #23
Title: Re: نصرخرافي ل(OBAMA)اجازة خطته بحق العلاج لكل مواطن امريكي!
Author: Tragie Mustafa
Date: 11-10-2009, 02:10 PM
Parent: #22
OBAMA .....فوق....
|
Post: #24
Title: Re: نصرخرافي ل(OBAMA)اجازة خطته بحق العلاج لكل مواطن امريكي!
Author: Rihab Khalifa
Date: 12-08-2009, 09:13 AM
Parent: #23
Quote: رحاب خليفة ... كيفنك,
لأول مرة تشمل التغطية الصحية كل الشعب الأمريكي مية المية,
فقد أسقطت المشروعات الصحية السابقة حوالي 36 مليون نسمة
من التغطية الصحية لحسب تقاليد وقوانين شركات التأمين الصحي.
فأوباما مد غطاء التغطية الصحية لكل الشعب الأمريكي... وفي
سابقة فريدة لم يتكرم التاريخ الأمريكي الطويل والعريض بتسجيلها
من قبل على دفتر أحواله... فشكرا أوباما.
أما نسبة ال96 بالمائة الواردة في مداخلتك عاليه, فهي تخص السياسة
الضريبية عموما في عهد أوباما... وفيما يعنى أن لن يتأثر بالقطع
الضريبي إلا أربعة بالمائة من أهل أمريكا... وهم أغنى أغنياءها.
إذ أن سقف الضرائب وفقا لسياسة أوباما يبدأ بمن يتعدى دخلهم السنوي
250 ألف دولار وما فوق ... فيما متوسط الطبقة الوسطى يتمحور حول ال50
ألف سنويا... فأعتقد أن هنا توجه عادل ويرمى بقسط وافر على سبيل العدل
الإجتماعي الأمريكي.
Hayder |
اهلا وسهلا يا حيدر :)
اسفة للتاخير في الرد، لاحظت الان ردك
اكيد انتصار لمتوسطي الدخل و الفقراء في امريكا، و حتي الاغنياء الي حد ما
شكرا لتوضيح ال96 بالمائة
قرات ايضا انه بالرغم من انه المهاجرين الغير شرعيين، و الهم حوالي اتناشر مليون بامريكا، لا تشملهم البيل الجديدة، لكن عند الذهاب للعلاج ليس هناك متطلبات لابراز اوراق ثبوتية لتحديد شرعية طالب العلاج، مما يعني انهم مشمولين بصورة غير مباشرة
اعتقد انه دي توقيت مناسب قبل حلول العام ٢٠١٤ لاوباما وحكومتة لحل مشكلة المهاجرين ديل، خصوصا البيساهمو في الاقتصاد الامريكي و بيدفعو ضرائب و اي حاجه
|
Post: #25
Title: Re: نصرخرافي ل(OBAMA)اجازة خطته بحق العلاج لكل مواطن امريكي!
Author: Elfadil Sabeil
Date: 12-08-2009, 05:04 PM
Parent: #24
العزيزة أم حازم كل عام و أنت بخير و ربنا يجبر حال أهلنا جميعاً، و في دارفور خاصة
وألف مبروك للأخبار السمحة و لكل الأوباميين في وجه الأرض
|
Post: #26
Title: Re: نصرخرافي ل(OBAMA)اجازة خطته بحق العلاج لكل مواطن امريكي!
Author: د.محمد بابكر
Date: 12-08-2009, 06:50 PM
Parent: #25
| Quote: حقا انه رجل من صناع التاريخ |
|
Post: #27
Title: Re: نصرخرافي ل(OBAMA)اجازة خطته بحق العلاج لكل مواطن امريكي!
Author: Tragie Mustafa
Date: 12-08-2009, 07:26 PM
Parent: #26
كستاوي يا خرده
مبروك الاجازة الاولى
Quote: يا تراجي
أوباما دا رئيسكم ولا رئيسنا
و أمريكادي بلدنا ولا بلدكم
سيبونا في حالنا
غايتو غير نضحك عليكم ما شايف لي حاجة أعملها
مش العلاج دا هو برضو بقع في حاجة إسمها ال ?national security
البلد دي فيها قوانين
لكن ما فيها enforcement
أي زول بمشي المستشفى بتعالج حتى لو ما عندك تعريفة |
لا يا حبيب
اظنك نائم في العسل....بعض حالات الوالده شفناهم بجوا كندا قالوا ارخص تقول لي شنو؟؟؟
اظنك تقصد الطوارئي و الاسعافات الاوليه.
مبروك لفقراء امريكا ومتوسطي دخلها
وعقبال الاجازة من (السنت).
|
Post: #28
Title: Re: نصرخرافي ل(OBAMA)اجازة خطته بحق العلاج لكل مواطن امريكي!
Author: الرشيد البصيلى
Date: 12-08-2009, 08:23 PM
Parent: #27
....................
والله اوباما راجل ما ساهل وولد... ورئيس متمكن ومليان إنسانية بس إلا ....
إن شافتو ميتشل قطع شك تدقو ليكم دقة عيش
بعدين حقو تكلموهو تقولو ليهو الكلام الجنس دا بجيبلك رقبة !!!!!
..........
|
|