Post: #1
Title: لماذا نحن كسودانيين لا نفتخر بقياداتنا الوطنية كما الاخرين ... ................................
Author: احمد الدسكو
Date: 11-07-2009, 10:50 PM
Parent: #0
حاجة غريبة جدا فالملاحظ اننا كسودانيين مختلفين في اي شئ وما عارف ده من شنو
يعني حتى على سبيل الشخصيات والقيادات المؤثرة بتلقانا مختلفين ياخ حتى نشيد
العلم والوان العلم لسه في ناس بنادو باسترجاع علمي انت رجائي انت شنو كده ما عارف
وفينا واحدين ما مقتنعين بالوان العلم الحالي ده .... طبعا غير القيادات فا
في ناس كتاااااااااااااار ما شايفين في الازهري ده حاجة تعجب وبالعكس انتقادات شديد
في شخصيته وكذلك عبود والصادق المهدي ونميري وسر الختم والبشير وخلافة
يعني على مر التاريخ لم اجد اتفاق او اجماع تام على شخصية قيادية من جانب الشعب
حتى محمد احمد المهدي ناس كتاااااااااااااااااااااار منقنقين فيه وشايفين انو
هو زول عادي وما بمثلهم .... وهكذا
يعني بس نفسي اشوف رجل تتفق عليه العامة من الشعب ونفاخر به كسودانيين .. فكل الشعوب
عندهم ناس قاعدين يمجدوهم وما برضو فيهم شئ وبحتفلو بيهم وبقيمو ليهمم النصب التذكارية
وهكذا ......... ياخ نحنا لغاية الان ما عندنا كتاب يحوي سيرة كل الزعماء على مر تاريخ السودان
نفسي اشوف كتاب يتحدث فقط عن رؤساء السودان بالتفصيل .. نفسي اشوف كتاب زي ده يدرس
في المدارس عشان يكون بمثابة فخر واعتزاز .. يعني اذا قابلني كوري وقعد يتجدع
ويقول لي (كيم ايل سونغ ) وبتاع ول روسي ول كوبي ول بريطاني ول فرنسي وثورة ما ثور ثوار ما ثوار
نضال ما نضال ... نقوم نحنا طوووووووووووووووووووووووووووووالي نقول ليهم فلان الفلاني
عمل وعمل .. يعني يكون عمل حاجة باينه ظاهره ما حاجة صغيره
يعني هسه تمش روسيا بتلقى في نص العاصمة نصب يحكي عظمة وتاريخ القيادات عندهم
تمشي امريكا كذلك تمشي وين برضو تلقى
السودان ده يا كافي البلا لا ده لا ده
نحنا نفاخر بشنو يا اخوانا نميري ول منو ؟
|
Post: #2
Title: Re: لماذا نحن كسودانيين لا نفتخر بقياداتنا الوطنية كما الاخرين ... ............................
Author: abubakr
Date: 11-08-2009, 06:15 AM
Parent: #1
حينما ياتي من يؤدي عملا مقدرا كبيرا لمنفعة كل اهل السودان الخارطة الجغرافية الحالية او الذي سيبقي منها مستقبلا بكل اثنياتهم ولغاتهم واشكالهم ومعتقداتهم حينئذ سيكون ذلك وطنيا يعترف به الجميع اما الان وفي التاريخ الحديث او القديم فالذين قامو باعمال مقدرة كانت لجماعة او جماعات من السودان وبالتالي فربما يبقو ابطالا او قادة وطنيين للجماعة او الجماعات وليس كل السودان
|
Post: #3
Title: Re: لماذا نحن كسودانيين لا نفتخر بقياداتنا الوطنية كما الاخرين ... ............................
Author: الفاتح شلبي
Date: 11-08-2009, 08:40 AM
Parent: #2
الأخ احمد الدسكو وضيوفه الكرام
تحياتي ,,,
| Quote: الذين قامو باعمال مقدرة كانت لجماعة او جماعات من السودان وبالتالي ربما يبقوا ابطالا او قادة وطنيين للجماعة او الجماعات وليس كل السودان |
الاخ أبوبكر توفق فى صياغة الجملة المقتبسة أعلاهـ وهي إجابة كافية وشافية عن لماذا نحن كسودانيين لا نفتخر بقياداتنا (واحذف عمداً كلمة الوطنية) رحمة ورفقاً بالوطن.
|
Post: #4
Title: Re: لماذا نحن كسودانيين لا نفتخر بقياداتنا الوطنية كما الاخرين ... ............................
Author: Hisham Ibrahim
Date: 11-08-2009, 10:33 AM
Parent: #3
فاخر بي عهد المهدية دااااكــ !
فترة مات غردون ودفعوا رجال تمن الحرية والإستقلال الغالي !
دا ما كلام أنصاري !!
دا كلام مواطن سوداني
هشام
|
|