انتخاب البوردابي فضل الله خاطر ريئس للجالية السودانية بكوريا الجنوبية

تم اليوم اعادة انتخاب السيد فضل الله خاطر ريئسا للجالية السودانية لدورة جديدة الف مبروك ياعمدة

محمد المسلمي

سلامات ياود الشيخ الجليل

الف مبروك للبوردابي فضل الله خاطر رئاسة الجالية السودانية بكوريا الجنوبية ,,


لكن هي الجالية عددها كم بكوريا الجنوبية ؟؟


وعندهم ( دار السودان) بكوريا ولا مكان للتجمع كدا زي الرياض والقاهرة ؟!


تسلم أبو السارة يارب

الاخت نادية شكرا يااستاذة الجالية عددها مابين الخمسين والثمانون ولديها مدرسة سودانية وليس لها لها دار وانما دار السفير وريس الجالية هما دار لكل السودانيين ولكي الشكر الاستاذة نادية

محمد المسلمي أخوي

سلامات جيتك تاني بعد ردك الطيب

عاين

Quote: الجالية عددها مابين الخمسين والثمانون

بس ؟!!

سبحان الله ده عدد بسيط جداً ديل إيمكن سكان حلة وأحدة في الرياض او كايرو !!

لكن كويس والله أخير من الزحمة وكدا بياخدوا فرص للشغل والحياة بشكل كويس مع الكوريين موش كدا ؟!

Quote: ولديها مدرسة سودانية

مدرسة سودانية عديل وعدد الجالية كلها تمانين ؟

ماشاء الله والله ده كرم عديل من الحكومة الكورية ماشاء الله مانسحرهم ( وجه عينو باردة) !

لكن عدد الأبناء في المدرسة دي بيكون قليل جداً موش ؟ خاصة وانو الجالية ماكلها أسر ولا شنو ؟

Quote: وليس لها لها دار وانما دار السفير وريس الجالية هما دار لكل السودانيين

هم بالعدد البسيط ده مابتكون عندهم مشكلة يتلاقو وين وأكيد بيت السفير بشيلهم ووأسع عليهم كمان !


عارف يامحمد ؟


عندي إحساس كدا إنو الكوريين بتعاملوا مع السودانيين بشكل محترم جداً

لأنو أصلو ماسمعت لي سوداني بيشتكي من تعامل عنصري ولا فوقي ولا أشياء

من هذا القبيل الكلام ده صاح ولا أنا غلطانة بحكم خبرتك مع الشعب الكوري ؟


سعيدة بالحوار معاك عن الشعب الكوري والجالية السودانية هناك في كوريا ,,

وأهو نعرف معلومات جديدة لأنو عندى زوج أختي عايز يمشي هناك وطالب يعرف معلومات أكتر

وحأمدد إقامتى هنا للحوار والدردشة معاك لو مابضايقك أخي محمد وشكراً ليك مقدماً ,,

شكرا يا المسلمي
وده خبر مفرح وانتخاب وافق محله
فالاخ فضل الله خاطر له مقدرات فذة وعلاقات اجتماعية واسعة وشاهدته بام عيني يرطن اللغة الكورية
وكانه مولود في احدي الاحياء بسيول...
له التحية والتهنئة علي هذا الانتخاب الذي يرفع الراس
ودوما الي الامام يا صديقي الكلس

الف مبروك اخي وصديقي ابو يوسف علي هذا النجاح واقول مبروك للجاليه ان فازت بفضل الله خاطر ,,
ورغم قصر زيارتي الاخيره لكوريا فقد حرص علي ان يقابلني وذكر ان التلفون غير كاف , حضر رغم البرد وبعد المسافة .
انا سعيد بفوزه لانه الاضافة الحقيقية لكل عمل هو جزء منه ,,,
شكرا محمد للبشارة ,,

ويا بكري عليك الله في خبر يستحق يرفع اكتر من هذا كعنوان ؟؟؟
ارفعه عنوان فالنجاح هو للمنبر اينما نجح اعضائه ,,

محمّد سلامات!

العوض،
الأمنجي ده لسة ما رجع؟
____
مشتاقون وكده..

بديك سلك في اليومين الجايات ديل..

لمزيد من الأحتفاء بزميلنا البوردابي رئيس الجالية

ولمزيد من التنوير يامحمد المسلمي وينك ؟

الأخ الكريم محمد المسلمي تحياتي
شكرا على هذا البوست وقد تفاجأت به نسأل الله أن يكون في ميزان حسناتكم وأن يوفقنا جميعا لخدمة أفراد الجالية ورفع اسم السودان


الأخت نادية عثمان شكرا على التهنئة وعلى مرورك بهذا البوست وسنجيب على استفساراتك ووفقك الله على هذا النشاط ولنا عودة


أخي عبد الكريم الأمين سلامات وشوق بحر
طبعا صاحبك الكوري الذي وصفته حينها في الدوحة بأبوعييناتاً صغار بصحة جيدة وبيسأل عنك كل ما قابلته، وفي المرة الجاية سنعلمك رطانة جديدة

عزيزي طيفور شكرا لك على التهنئة نتمنى ان تتوثق العلائق بيننا مع وافر احترامي

أخي وعزيزي أبو علا والسارة العوض المسلمي عمدة بورداب العاصمة شكري الجزيل وتحياتي الحارة للأسرة
لكم تمنيت ان تحضر احتفالنا بنهاية عام وبداية آخر لولا علمي بارتباطاتك المسبقة في الوطن السودان والتي حرمتنا مشاركتك في يوم انتخاب المكتب الجديد

لكل من كتب في هذا البوست وكل من مر عليه من خارج وداخل السودان أزجيكم تحية عطرة من كل أهللكم السودانيين في كوريا وأصدقائهم
مع وافر حبي ولنا عودة

Quote: الأخت نادية عثمان شكرا على التهنئة وعلى مرورك بهذا البوست وسنجيب على استفساراتك ووفقك الله على هذا النشاط ولنا عودة

في إنتظارك الأخ الرئيس فضل الله خاطر

ولك الشكر مقدماً,,








صاحب البوست عساهو وأحبابو بألف خير يارب

فوق

الاخ فضل الله الف مبروك ياعمدة

نقول مبروك لفضل الله التكليف ونيله الثقه.
وكذلك نبارك للجاليه بكوريا ان يكون الغالى فضل الله رئيسها وهو اختيار صادف اهله

الاخت الاستاذة نادية شكرا للمداخلة

الف مبروك اختيار صادف اهله لرجل مهموم بأمر الوطن
ليس كا الكثيرين الذين باعو اوطانهم بأتفه الاثمان
وصدمتهم حضارات وثقافات شعوب اخري.



تحياتي محمد.

العزيز محمد المسلمي
تحياتي وعبرك للوجيه فضل الله خاطر ولكل الاخوان بشارع إتاون

فضل الله يستحق أكثر من ذلك وحاجتنا إلية ماسة بس لا بأس يديكم حبة ويرجع لي كردفان بخبراته.

بحيراوي

الأخوة الأعزاء
المتداخلين في بوست الاخ الكريم محمد المسلمي
أشكركم اولا على التهنئة وعلى هذا الإطراء ووجودكم شرف يطوق أعناقنا،
وأخص بالشكر كل من الأخ أزهري عبد الرحمن
والوجيه الكباشي البكري
والدكتور النابه صديق عيسى صالح صهيب،
والأستاذ الزميل الصديق عبد الله البحيراوي
والأستاذة نادية

وبمناسبة تداخلكم وعبر هذا البوست اود أن ازجي الشكر اجزله للأخوة في الجالية السودانية في جمهورية كوريا ولأسرة السفارة السودانية في هذه البلاد وعلى رأسها السفير محمد صلاح الدين عباس
ولعلم السودانيين في الشتات أن الجالية والسفارة هنا أسرة بينهم ما بين السودانيين منذ القدم من صلات، وقد ظل هذا سؤال كثير ممن زار هذه البلاد المضيافة كيف تسنى لأبناء السودان في كوريا أن يكون كاليد الواحدة، لا شقاق ولا تناحر بينهم، ونقول أن الله الذي خلق الخلق هو الذي يضع سره ويؤلف بين قلوبهم.
فعلينا أن نعيش أينما كنا كسوادنيين متوحدين نتسامى فوق الجراح ونسدي النصح بكل الوضوح والشفافية وهي التي وحدت مجتمعا كالجالية السودانية في كوريا، أو كما قال الشاعر نحن من نفر عمروا الأرض أينما قطنوا ، وخير العمار عمار النفوس بحسن الطوية.

مع وافر احترامي

الف مبروك للحبيب فضل الله وهنيئا لشباب كوريا الكوكبة المتميزة
فقد إختاروا من يملك المؤهلات العلمية والاخلاقية لخدمة جاليتهم ومد اواصرالصداقة مع الشعب الكوري.

شكرا المسلمي

"وافق شن طبقه"
اختيار موفق وتحيه للاخ فضل الله خاطر الذى يزين ويشرف اى موقع يشغله لمايمتاز به من قوه شكيمه وشخصيه وشجاعه فى الراى والقلب وتقبل للراى المضاد بصدر رحب وقبل ذلك تواضع جم وعلم نافع وزرابه وفصاحه باكثر من لسان

الأخ العزيز الزميل الفاضل والصديق الصدوق الفاتح ميرغني شكرا على التهنئة والتحية عبرك أبعثها للأخوة في طوكيو نتمنى أن تصلنا في الديار كما عودتنا دائما، ومتابعين ما يخط قلمك في هذا المنبر وفقك الله.



الأخ الأديب أحمد الأمين تحياتي الحارة لك وللأسرة ونسأل الله أن يجمعنا بعد طول الغياب والتشتت، والله يا أخي بالامس القريب كنت في سيرتك العطره، ولا زلت أذكرك وروايات صديقك الشاعر شكسبير ماثلة في ذلك الركن القصي من الصريف، وحين لا تجد مكاناً للنوم تتوسط الكتب وتتوسد ماكبيث وهي الحنونة ما بخلت، ولولا صروف الدهر وجنايته لما كانت الدياسبورا وتبعاتها القاسية، رد الله غربة الجميع قبل أن يحل الاجل في بلاد تتعدد فيها طقوس الدفن.
مع وافر مودتي

احر التهاني واطيب الاماني نزفها

الى الاخ والصديق فضل الله خاطر..

علمه وخبرته أهل لذلك ..وأكثر.


مبروك