زي ما قال ليكم د. نافع : ارعوا بى قيدكم

كل يوم يزيد احترامي للدكتور نافع

الأخ معاوية

ماذا قدم حتى يستحق الأحترام؟

1-

2-

3-


......

Quote: الأخ معاوية ماذا قدم حتى يستحق الأحترام؟ 1- 2- 3- ......

بما انه احد فرسان المؤتمر الوطنى

فبصماته ظاااهرة للعيان ..

رغم اختلافي معاهو لكن راجل

وقال فى معنى حديثه : من يجرّب المجرّب عقله مخرّب ..

عظيم هذا الرجل

لكل شيئ اذا ما تم نقصان ........... فلا يغر بطيب العيش انسان

من غره زمن ...ساءته زمان

الليلة يا ادريس بقيت شاعر كمان ...

Quote: الليلة يا ادريس بقيت شاعر كمان ...

بل انها اساطير الاولين

Quote: كل يوم يزيد احترامي للدكتور نافع

تعجبني شجاعتكـ ..







_______________________
رغم أني عكسكـ تماماً في مسألة الإحترام دي

Quote: تعجبني شجاعتكـ ..

مرحبا عمران

لكل منا وجهة نظر خاصة ..

لكن د. نافع يستحق الاحترام

من الاعداء قبل الاصدقاء .

اشكركـ

Quote: بل انها اساطير الاولين

ها هاهاهاهاهاهاهاهاهاهاهاها


اما انك رجل جلبوغ صحيح

Quote: اما انك رجل جلبوغ صحيح

شاكر ليك كريم ضيافتك

ولكن ما يفعله نافع هو ما يقال عليه (السعن المويتوا شوية جلباغ)

محبتي

Quote: لكن د. نافع يستحق الاحترام من الاعداء قبل الاصدقاء .

سبحان الله وبحمده وسبحان الله العظيم

Quote: سبحان الله وبحمده

خليها تكون مائة مرة

لان فى الحديث عن ابى هريرة :

(من قال سبحان الله وبحمده مائة مرة غفرت خطاياه وإن كانت مثل زبد البحر)

Quote: رغم اختلافي معاهو لكن راجل

ممكن لو سمحت نعرف فيما تختلف مع الرجل؟؟

Quote: ممكن لو سمحت نعرف فيما تختلف مع الرجل؟؟

مؤتمر وطني

Quote: رغم اختلافي معاهو لكن راجل

كويس والله ..كويس جدا..عارف ليك زول ما راجل؟ ...ياخي قول لأنو زعيم عصابة لا يشق له غبار .

Quote: كويس والله ..كويس جدا..عارف ليك زول ما راجل

ايوه

وحكومة شغالة رجالة
بالعلني قالت لي ناسا
الداير حقو يحاربنا
سيبونا من أي سياسة!
كل حتة مرقت بسلاحا
كل حتة جمعت فراسا!
خايفين من الشايفنو
خايفين من الزندية!
خايفين سودانا يضيع
يتقسم زي كمونية!
كل حتة تتناول كوما
وتتحول لي جمهورية!
الحال ممكن يتلخبت
والواقع يصبح كالآتي
كل حلة ترفع أعلاما
تتمتع بالحكم الذاتي!
الشايقي ينازع الجعلي
في حدود ما مرسومات!

@ @ @

مشروعنا القالو حضاري
غرقنا في حروب وحروب!
فرقنا شرقا وشمال
فرقنا غربا وجنوب!
لا سلطة تنفع لا ثروة
ما دام ضاع الانسان!
يا حليلو الكان سوداني
يا حليلو الكان سودان!
الفاتحة على ناس عايشين
لاكين زي الأموات!

Quote: [مشروعنا القالو حضاري غرقنا في حروب وحروب! فرقنا شرقا وشمال فرقنا غربا وجنوب! لا سلطة تنفع لا ثروة ما دام ضاع الانسان! يا حليلو الكان سوداني يا حليلو الكان سودان! الفاتحة على ناس عايشين لاكين زي الأموات!]

Quote: رغم اختلافي معاهو لكن راجل

الرجالة في اللغة السودانية المعاصرة : الوقاحة و التعدي اللفظي و البدني على الأضعف ، تحت حماية الأجهزة الأمنية و العسكرية .

معاوية ارجل اسحق احمد فضل الله ولا نافع علي نافع

مشروعنا القالو حضاري
غرقنا في حروب وحروب!
فرقنا شرقا وشمال
فرقنا غربا وجنوب!
لا سلطة تنفع لا ثروة
ما دام ضاع الانسان!
يا حليلو الكان سوداني
يا حليلو الكان سودان!
الفاتحة على ناس عايشين
لاكين زي الأموات!

الرجالة في اللغة السودانية المعاصرة : الوقاحة و التعدي اللفظي و البدني على الأضعف ، تحت حماية الأجهزة الأمنية و العسكرية .


الله يرحم الرجاله ..

ها هو نافع يضع النقاط فوق الحروف

وحكومة اكتر من فاشلة
والشعب زي المافيش!
حكموهو باقسى طواري
لكنو ضارب التطنيش!
قمعوهو صهين ما ردا
رفوهو رضى بالتهميش!
في الشارع قبلان يتفتش
ويتفرج على كل تفتيش!

@ @ @

أوكامبو بقى اشهر زول
وسيرتو في كل لسان!
عايز يقبض الريس ذاتو
ويختو جوه الليمان!
اوكامبو رقصنا السامبا
أوكامبو نسانا بطان!
بالحكمة لوما حليتوها
بتعاقب كل السودان!



أوكامبو من قدم طلبو
فرتكنا كيمان كيمان!
واحدين طايرين بالفرحة
شايفنو احسن ما كان!
واحدين هايجين فايرين
شاتمين أوكامبو كمان!
واحدين عايزين الحكمة
شان يسلم كل السودان!

@ @ @

مجدى :

الرد بالسد

لكى لا ننسى

راجل!
عندو أكتر من "بيضتين" زي بقية الرجال؟
ولّ إنت قاصد رجالة التصريحات والطلاقات والحرامات الفشنك؟

أها النحدِثك ضحى يا قول الجريفاوي:
لو أعطينا "أخيّب" زول -بكل ما تعني الخيابة من معاني- سلاح وسلطناه على رقاب عُزل وأبرياء، حيكون أرجّل زول..
____
أنا كقانوني زي كلامّك ده ما بكتبو، قوموا إلى قانونكم لا يرحمكم الله..

Quote: إنت قاصد رجالة التصريحات والطلاقات والحرامات الفشنك؟ ..

الاخ ياسر طيفور احترم كثيرا مما تكتب لكن

Quote: كل يوم يزيد احترامي للدكتور نافع

ولا تنسى قوله : زعم الفرزدق أن ...... إلخ




نافع فرض على الجميع إحترامه حكومة ومعارضة

شكرا معاوية

Quote: نافع فرض على الجميع إحترامه حكومة ومعارضة شكرا معاوية

طارق

سلامات

معروف ان الدكتور نافع من اميز السياسيين فى بلادى

ولا يختلف معه الا مكابر او ذى غرض ..

مودتى الاكيدة

Quote: الرجالة في اللغة السودانية المعاصرة

امين للأسف لم اطلع علي هذا القاموس بعد

Quote: رغم اختلافي معاهو لكن راجل

الرجالة طايرة يا زول.

Quote: الرد بالسد لكى لا ننسى

يا رجل اتنين مليار دولار عشان 1250ميغاوات كهرباء .. انه اعمري اهدار للمال العام .. ومحض سفه

بربع المبلغ يمكن انشاء محطة حرارية تنتج ضعف المنتج من السد الرد

(محطة كوستي الحرارية 3000 ميغاوات وتبلغ الطاقة القصوي 5000 ميغاوات بمبلغ 300 مليون دولار)

انه السفه في اهدار ثروات الشعب

الاخ معاويه
تحياتي
المؤتمر الصحفي كان أكثر من رائع
وضوح
صراحة
وفهم عالي
والدكتور نافع من صناع القرار والمنفذين وبالتالي فان المعلومات كانت جاهزه
أعجبني رده في بعض النقاط
* الأمر لا يحتاج ردود جاهزه لكن صبر ونقاش ما اجل السودان
* ناس الحركة الشعبية يعرفون مدي صبرنا ومدي قوتنا
* تصرفات الحركة الشعبية مع الجيران تدل علي الفهم القاصر وتعطي صورة واضحة عن جهل اهل الحركة
* الرد القوي علي الاعلامي الذي حضر بعد غياب 7سنوات ويحمل ملفات باليه
* الرد في موضوع حلايب
* اخيرا الجميع يتفق مع نافع بان ما يحصل هو جهل فقط

Quote: الاخ معاويه تحياتي المؤتمر الصحفي كان أكثر من رائع وضوح صراحة وفهم عالي والدكتور نافع من صناع القرار والمنفذين وبالتالي فان المعلومات كانت جاهزه أعجبني رده في بعض النقاط * الأمر لا يحتاج ردود جاهزه لكن صبر ونقاش ما اجل السودان * ناس الحركة الشعبية يعرفون مدي صبرنا ومدي قوتنا * تصرفات الحركة الشعبية مع الجيران تدل علي الفهم القاصر وتعطي صورة واضحة عن جهل اهل الحركة * الرد القوي علي الاعلامي الذي حضر بعد غياب 7سنوات ويحمل ملفات باليه * الرد في موضوع حلايب * اخيرا الجميع يتفق مع نافع بان ما يحصل هو جهل فقط

على الكرار

سلام مطبوق

من المؤكد ان الدكتور نافع سياسي من الدرجة الاولى

ونادر جدا ما نجد امثاله في ظل الوضع الراهن ..

حقيقة لم يعجبنى في شئ واحد فقط وهو اهتمامه

بمن يسمى ياسر عرمان .. ياسر عرمان هذا لا يستحق كل هذه الضجة

فقد اعطيناه اكثر من حجمه .. ارجو ان يتم تجاهله تماما ..

فحديثه من وجهة نظرى ناموسه في اضان فيل ..

وكما قال الشيخ نافع : ما تجرّب المجرّب ..

لكـ خالص ودي

اللهم لا نسألك رد القضاء ولكن اللطف فيه!
قوة الابادة الثلاثية ومثلث برمودا!
غايتو ابتلاء زى دة الا يكون السودانيين خروا فى البيت العتيق ذاتو!
جنى

Quote: رغم اختلافي معاهو لكن راجل

إنت يا زول طايرة ليك رجالة في صنقورك دا !!

اها بعيد ليك سؤال سعد مدني ..

ارجل اسحق احمد فضل اله والا نافع الما نافع !!

جني
تحياتي
السودانيين لن يفعلون ذلك باذن الله

Quote: جني تحياتي السودانيين لن يفعلون ذلك باذن الله

ليه لابسين بامبرز!
يا اخوى دا ابتلاء فوق العادة!
هايبر وكدة!
يعنى الجنة نن إستوب!
جنى

Quote: رغم اختلافي معاهو لكن راجل

ما يشعل نار الغضب غير تسلط هذه العصابة على رقاب الشعب السوداني هو أن يحدثك من تتوسم فيه الاستنارة والمعرفة بهذا المنطق الذي لا يشابهه الا منطق الروضة بت العبيد -جارتنا الأمية- .

ارحمنا يا بكري .

Quote: من تتوسم فيه الاستنارة

فتحي الصديق ..
تتوسم الأستنارة في من ؟؟ أوعي يكون في معاوية عوض الكريم !!! يا راجل !!

الزول ده رايحة ليهو رجالة و بفتش ليها ما لقاها عند أسحق قال يمكن تكون عند نافع .. كدي اسال حيدر الزين هو موفدنا لتغطية المسألة دي

قال اعضاء المؤتمر الوطني في قطاع الشمال فقط اكثر من خمسة مليون عضو .. معقول عدد الحرامية بقي ينافس المال المسروق ؟!! ذكرتني كلام واحد سعودي قال لي يافايز الرعاة السودانيين في السعودية بقوا اكتر من البهايم ذاتها ...

ماقولك اخي معاوية في رده على السائل عن حلايب حينما رد له بأن (ياجماعة شوف لينا اسئلة كبيرة سيبونا من الاسئلة الصغيرة دي ) الا يعد ذلك استصغاراً بشعب هذه الارض السودانية؟!!! ...

Quote: رغم اختلافي معاهو لكن راجل

يا عاااالم هسي الجاب خبر الرجالة هنا منو

والله فعلا (المابيكـ في الضلمة يحدر فيكـ )

ياخ انا اصلا ما قلت نافع راجل .. خااالص

يا كضابين ..

عليكم بهذه النظارة حتى يستبين لكم اسم العضو الذى قال :

نافع راجل





حيدر الزين

اخد ليك لفه كبيرة وتعال

وما تنسى سلّم على هشام ادم بالله !



ياسر اب تفه : التجاهل لا غير !

Quote: فتحي الصديق .. تتوسم الأستنارة في من ؟؟ أوعي يكون في معاوية عوض الكريم !!! يا راجل !!

الأستاذ خالد . بيت مال وعيال ان شاء الله وربنا يهنيكم ويسعدكم .
عنيت الاخر لا معاوية. هذا للتوضيح .

Quote: عنيت الاخر لا معاوية. هذا للتوضيح .

عُلم

Quote: حيدر الزين اخد ليك لفه كبيرة وتعال وما تنسى سلّم على هشام ادم بالله

انت حا تكبر متين يا ود وتتكلم عدل ... ايه شغل حيطة جيراننا دا

Quote: ماقولك اخي معاوية في رده على السائل عن حلايب حينما رد له بأن (ياجماعة شوف لينا اسئلة كبيرة سيبونا من الاسئلة الصغيرة دي ) الا يعد ذلك استصغاراً بشعب هذه الارض السودانية؟!!! ...

وهو يقصد ان اهتماماتهم فى الوقت الراهن اكبر من حلايب

Quote: الزول ده رايحة ليهو رجالة و بفتش ليها ما لقاها عند أسحق قال يمكن تكون عند نافع .. كدي اسال حيدر الزين هو موفدنا لتغطية المسألة دي

خالد

النمرة غلط ياخ تانى ما تضرب في الرقم ده .. فاهم ؟

________________________________________________

الجاب سيرة الرجالة منو هسي ؟

Quote: الخرطوم 7/11 (سونا) أكد د. نافع علي نافع نائب رئيس المؤتمر الوطني للشئون السياسية والتنظيمية حرص المؤتمر الوطني علي إجراء انتخابات حرة ونزيهة بعيداً عن الأساليب الفاسدة. وأضاف في المؤتمر الصحفي الذي عقده مساء اليوم بقاعة الصداقة أن الحركة الشعبية غير راغبة في إجراء الانتخابات لأنها لا تملك الرصيد الشعبي لخوضها. و رداً علي سؤال حول احتمال إلغاء الانتخابات قال د.نافع أن إلغاء الانتخابات قرار يتعلق بالشعب السوداني وهو صاحب الحق الأصيل في هذه العملية. واستبعد العودة لمربع الحرب نسبة للإرادة الشعبية الداعمة لاتفاقية السلام وأضاف أن الحركة الشعبية تتحدث عن إفساح الحريات وهي القائلة أن التصويت في مدينة الكرمك سيكون 100% لصالح الحركة أو 100% لصالح الموت والدمار مؤكداً أن مقاصد الحركة الشعبية هي إعاقة الإنتخابات في الجنوب والشمال. وأوضح سيادته أن الأحزاب السياسية المردوفة في مؤتمر جوبا تعتبر الحركة الشعبية هي الآلية لإسقاط المؤتمر الوطني في الانتخابات ولكن هذا هراء ورجماً بالغيب. ..

غايتو ياكبسـور شيل شيلتك.. الكتاحات قامت خلاص

Quote: غايتو ياكبسـور شيل شيلتك.. الكتاحات قامت خلاص

ياعمكـ مشتاقين والله

يا زول الكتاحة دي بقت عاادية

الواحد إتدرّب عليها زاتو

الاخ معاويه لك العتبي ان اصابك رشاش من لا يبصرون جيدا لاستعمالي كلمة راجل

Quote: الاخ معاويه لك العتبي ان اصابك رشاش من لا يبصرون جيدا لاستعمالي كلمة راجل

ابشر بالخير يا زول مافى عوجة تب

وخليك معانا بي جاي ..

مودتى الاكيدة

Quote: وخليك معانا بي جاي ..

اها جئنا

للتكرار

فعلا د نافع راجل ومميز واستثنائى
والدليل
انه هو المحاضر الوحيد فى تاريخ جامعة الحرطوم الذى تقلد منصب رئيس جهاز الامن ونال تدريبا عاليافى ايران عل يد السافاك!
اتمنى ان لا تخونه رجالته فى تضمين سيرته هذه الفترة الثرية فى حياته المهنية والتى اسس فيها بيوت الاشباح لا البيوت المحمية للطماطم الذى بلغ ستة عشرة الف جنيها للكيلو!
لا ادرى متى صار السودانيين يفتخرون باللؤم!!
اللهم الا فى هذا العهد اللئيم!
جنى

Quote: ارحمنا يا بكري .

الاخ العزيز معاوية

مع احترامى وتقدير لك فىما تنتمى الية من تنظيم فهذة حريات شخصية اقدرها واحترمها ولكننى كنت حضور امام التلفزيون طيلة فترة اللقاء الصحفى للدكتور نافع

لقد فقد المصداقية تماما فيما قالة ان انتخابات المزارعين لم تزور فانا كنت شاهد عيان ومن الذين لهم دراية ومعاصرة بانتخابات المزارعين لاكثر من اربعين عاما

واحب انا اوكد لك ان طيلة فترة المرحوم جعفر نميرى وثورة الانقاذ لم تكن هناك انتخابات حرة ونزية فى اتحاد مزراعى الجزيرة والمناقل ( ما الانتخابات التى تمت فى فترة الديمقراطية بين نميرى والانقاذ )

فقد اتحاد مزراعى الجزيرة والناقل الرجال الذين لا يخشوا فى الحق لومة لائم فانهارت الجزيرة والمناقل بسبب السياسات الرخصية وضاع مئات الالاف من مزراعى الجزيرة والمناقل والحرقة

والادلة كثير ة واهل الانقاذ ادرى بها منا فلا داعى للاستخفاف بعقولونا ويعلن ان انتخابات المزراعين لم تزور وفاز بها الموتمر الوطنى فالصدق مطلوب من الذين وضعوا انفسهم حماة للدين والوطن



كل مودتى وتقديرى لكل سودانى غيور على مصلحة البلد او الحزب ثانيا

Quote: كل مودتى وتقديرى لكل سودانى غيور على مصلحة البلد او الحزب ثانيا

اخي العزيز مرحبا بك وتحياتى بالكوم

وانا ايضا كنت موجود امام الشاشة طيلة زمن المؤتمر الصحفى

والدكتور نافع تحدث عن مسألة التزوير وضرب امثلة فقط ببعض النقابات

فقد قال : ان اي انتخابات يفوز فيها المؤتمر الوطنى يقال انها مزورة

وضرب امثلة ببعض النقابات مثل : المزارعين والمحامين .. الخ

وقال ان الانتخابات التى لا يفوز فيها المؤتمر الوطنى يقال انها 100%

لك الشكر اخي العزيز على المداخلة .

وإِذا الكريمُ مدحتهُ بقصيدةٍ * قرأ اللئيمُ الذمَّ في أبياتِ
فامدحْ كرامَ الناسِ مغتصباً ودعْ * زمرَ الئامِ تموتُ في حَسَراتِها
واجعلْ بطانتكَ الكرامَ فإِنهمْ * أدرى بوجهِ الصالحاتِ وأخبرُ
إِن الكريمَ له الكرامُ بطانَةٌ * طابتْ شمائلُهم وطابَ العنصرُ
إِن لاحَ خيرٌ قَرَبوه ويَسْروا * أو لاحَ شرٌ باعدُوه وَعَّسروا
أما اللئيمُ فحولَه أمثالُهُ * قرناءُ سوءٍ ليس فيهم خيَّرُ
إِن لاحَ خيرٌ باعدوهُ وعَسَّروا * أو لاحَ شرٌ قَرَّبوه ويَسَّروا
ولكل كونٍ كائناتٌ مثلُهُ * فقبيلُهُ من جنسِه والمعشرُ

Quote: أما اللئيمُ فحولَه أمثالُهُ * قرناءُ سوءٍ ليس فيهم خيَّرُ إِن لاحَ خيرٌ باعدوهُ وعَسَّروا * أو لاحَ شرٌ قَرَّبوه ويَسَّروا ولكل كونٍ كائناتٌ مثلُهُ * فقبيلُهُ من جنسِه والمعشرُ

لا اجد ابياتا تنطبق على النافع واقرانه كما تنطبق الابيات الثلاثة اعلاه!
جنى

Quote: نافع: صبرنا كثيراً على تجاوزات الحركة .. عبيد: الحركة جرّبتنا في الحرب ومن جرّب المجرب ندم الأحد, 08 نوفمبر 2009 12:17 في مؤتمر صحفي عاصف الراي العام: كشف المؤتمر الوطني عن تجاوزات، قال إن الحركة الشعبية قد ارتكبتها بحق منسوبيه في الجنوب والنيل الأزرق، وأعلن د. نافع علي نافع نائب رئيس المؤتمر الوطني، أن الحزب سيضع هذه المخالفات أمام مفوضية الانتخابات، وأعْرب عن ثقته في أن تبذل المفوضية جهدها لوضع حدٍ لها. وقدّم المؤتمر الوطني شهادات مُباشرة لإثنين من منسوبيه هما «خالد النور» و«ياسر قورداك»، أكدا فيها تعرضهما للضرب المبرح والتعذيب بواسطة جيش الحركة الشعبية بمنطقة ملوط، كما أبرزا خطابين مُوجّهين من محافظ مقاطعة ملوط يأمرهما بالإبعاد النهائي من المقاطعة الأمر الذي وصفه د. نافع بأنّه شبيه بسياسة المناطق المقفولة. وعدّد د. نافع أكثر من «20» نموذجاً من تجاوزات الحركة الشعبية ومحاولات تعويقها للسجل الانتخابي باستهداف منسوبي الوطني في ولايات شرق الاستوائية وغرب وشمال بحر الغزال، وأعالي النيل وواراب والنيل الأزرق. وقال د. نافع في مؤتمر صحفي أمس، إنّ المؤتمر الوطني صبر كثيراً على مُضايقات الحركة استشعاراً منه بمسؤوليته تجاه السودان، لكنه قال إنّ الوطني سيسلك أي سبيل حتى لا تتصاعد الأمور، واعتبر تمليك المعلومات بشأن تجاوزات الحركة واحداً من هذه السبل، وأضاف: «ونأمل ألاّ نحتاج إلى أكثر من ذلك». وقال د. نافع إن عادة اللئام أنهم لا يقدرون للكرماء الصفح ويظنونه ضعفاً. قال د. نافع علي نافع نائب رئيس المؤتمر الوطني، إنّ قيادات الحركة الشعبية بالدائرة «25» محلية باو بالنيل الأزرق مارست ضغوطاً نفسية على المواطنين لإجبارهم على التسجيل لصالح الحركة. وأوضح نافع أنّ «علوية حسن» حرم وزير الدولة بالداخلية كانت ضمن قيادات الحركة الضالعة في هذه المخالفة. كما ذكر د. نافع أن بعض قيادات الحركة منعت أفراد قبيلة الفلاتة كافة من التسجيل بالدائرة «20» بمحلية باو، بحجة أنهم ليسوا من مواطني المنطقة. وأكد د. نافع، أن المؤتمر الوطني لن يوقف نشاطه في الجنوب، وقال إن الوطني صبر على تجاوزات الحركة حتى تتاح لها مساحة تتعلّم فيها السياسة وأساليب إدارة الدولة من الحضر وليس من الغابة. ونفى د. نافع وجود أي مقترح أمريكي باستثناء الجنوب من الانتخابات، كما نفى قيام الوطني بأي إجراءات تعيق الانتخابات في الشمال، ووصف الحديث عن اعتقالات لمنسوبي الحركة الشعبية بجنوب دارفور بأنه عار من الصحة، وأشار إلى أن المعتقلين «21» شخصاً ينتمون للجيش الشعبي، «9» منهم ضباط واحدهم برتبة لواء، وأضاف: إذا كان هؤلاء ينتمون للجيش الشعبي فعلاً أو ينتحلون بطاقات مزوّرة فيجب أن يعاقبوا في كلا الحالتين. ونفي د. نافع أن يكون الفريق مجاك أقوت نائب رئيس جهاز الأمن خاطب الفريق سلفاكير ميارديت النائب الأول لرئيس الجمهورية مهدداً بانسحاب منسوبي الحركة من الجهاز اذا ما مضى البرلمان في اجازة قانون الأمن واضاف: اقوت لم يكتب خطابا أصلاً بهذا المعني، ولكن طلب منه الا يعلق على ذلك. واستبعد د. كمال عبيد القيادي بالمؤتمر الوطني، عودة الشريكين إلى الحرب مرة أخرى، وقال إن الحرب لم تعالج قضية الجنوب في السابق، وحتى المعالجة الجزئية الحالية تمت بالحوار، لكن د. عبيد أشار إلى أن النموذج الذي تُقدّمه الحركة الآن بتجاوزاتها خلال مرحلة السجل الانتخابي هو ذاته الذي ستلجأ إليه عند الاستفتاء على تقرير المصير، الذي يتلخص كما قال عبيد في حمل الناس بالقوة على غير قناعاتهم. وهاجم د. عبيد، الحركة بعنف، وقال إن رصيدها خلال الحرب لم يكن مشرفاً، كما لم يكن مشرفاً خلال التفاوض، ووصفه بأنه أقل تشريفاً خلال التحضير للانتخابات، وأضاف: «لقد جرّبتنا الحركة في الحرب ومن جرّب المجرّب فقد حاقت به الندامة». وأكّد د. كمال عبيد، أن إلغاء الانتخابات غير واردٍ مع وجود إرادة شعبية لقيامها، وأكد اضطلاع الوطني والقوى السياسية بدورها حتى يعلم الشعب السوداني من يوفي ومن ينقض. واتهم الحركة الشعبية بأنها غير راغبة في قيام الانتخابات، وأضاف أن سلوك الحركة الحالي لا يؤهلها لتكون شريكاً إستراتيجياً. وأشار إلى أنه لا أحد يستطيع أن يحدد مركز اتخاذ القرار داخل الحركة الشعبية، وأضاف: «حتى قرار الحرب ليس قراراً ممركزاً داخل الحركة

المصدر : http://www.sudaneseonline.com/index.php?option=com_content&ta...ew&id=7290&Itemid=60

Quote: وقال د. نافع في مؤتمر صحفي أمس، إنّ المؤتمر الوطني صبر كثيراً على مُضايقات الحركة استشعاراً منه بمسؤوليته تجاه السودان، لكنه قال إنّ الوطني سيسلك أي سبيل حتى لا تتصاعد الأمور، واعتبر تمليك المعلومات بشأن تجاوزات الحركة واحداً من هذه السبل، وأضاف: «ونأمل ألاّ نحتاج إلى أكثر من ذلك».

حالتك صبرت !
ما قصرت والله فى ميزان حسناتك

Quote: وقال د. نافع إن عادة اللئام أنهم لا يقدرون للكرماء الصفح ويظنونه ضعفاً.

رمتنى بدائها وانسلت!
النافع افضل من يصف نفسه!

Quote: وهاجم د. عبيد، الحركة بعنف، وقال إن رصيدها خلال الحرب لم يكن مشرفاً، كما لم يكن مشرفاً خلال التفاوض، ووصفه بأنه أقل تشريفاً خلال التحضير للانتخابات، وأضاف: «لقد جرّبتنا الحركة في الحرب ومن جرّب المجرّب فقد حاقت به الندامة».

اليسمعو يقول انتصر فى موقعة نيفاشا!
الحركة الشعبية تحكم الجنوب كله وتشارك فى حكم الشمال ب 28% وانتزعت منصب النائب الاول من المخطط الفعلى للانقلاب على عصمان!
الناس ديل قايلين عندنا قنابير!
جنى

Quote: : زي ما قال ليكم د. نافع : ارعوا بى قيدكم

قيدنا ياتو؟؟؟

..

ياللبؤس نافع الما نافع
هل يعرف او يعلم نافع
ان سعر رطل السكر ب 200 ج
جوال العيش 160 ج
الويكة ب 460 ج جوال
200 ملجم زيت مستورد حيواني خنزير ب 300 ج
اللقمة اصبحت مش مرة وبس بل مستحيلة
العدسي اللوبين 300 الف
وعاشت سياسة الما نافع
ونحن لم ولن نرعي بقيدنا ما دام الما نافع موجود
عليه اللعنة
الشفيع ابراهيم

فوق للاهمية

المحامي الالمعي
اول حاجة يا حليلك يا الكونت
تاني شئ (ارعي بقيدك ) هذه تقال لك باعتبار جحشاً من حجوش نافع المربوطة ولاتقال لمن يعارض نظام مطلوبي محكمة لاهاي نحن ليس بحيوانات حتى يكون لنا قيد يمسك بتلابيبه نافع (التميم) انما القيد لك انت الذي ارتضي ان يكون حجشاً في زريبته.
قوم اجر الحق الدريش كبوه ما تبيت القوى.

يشهد الله انك خطأ تاريخي لبكري ابوبكر ويشهد الله ان طراشك في الاسفير اهون منه طراش سكران شارب عرقي مضروب وعنده امساك.
الله يقرفك

يا معاوية :

حسن حماد سأل سؤال منطقي

"ماذا قدم حتى يستحق الأحترام؟

1-

2-

3-


......"

ولما لم تجد ما تجده ردا قلت


"بما انه احد فرسان المؤتمر الوطنى

فبصماته ظاااهرة للعيان .."

دي زوغة باينة وما بتحلك.


فكدي ورينا بصماته الواضحة للعيان. لأنها لو واضحة كنت شفتها وقلتها.

وبالمناسبة

ياتو علم القروه ليكم في الجامعات، وسؤال بسيط زي دا يجهجهكم؟؟؟؟؟

المفروض إنتو تكونو زعلانين من الإنقاذ أكثر من ناس المعارضة....الإنقاذ طلعتكم لا علم ولا أخلاق

نديك فرصة وحتي لا تبدوا متملقا لنافع، أذكر لنا إنجازاته لنحكم عليه.

الناس ما نست ليه أنه كان من معذبي بيوت الأشباح وقد ضرب بيده بروفسير في الجامعة وأستاذه
طبعا دا غير محاولة إغتيال حسني مبارك، تلك المحاولة التي فرتقت تنظيم الحركة الإسلامية وإلي الأبد
ودا غير سكاته عن فساد كثير بعلمه بحكم عمله في رئاسة جهاز الأمن

والساكت عن الحق شيطان أخرس

لفوق

يامعاوية ..سلام..


(كان نرعى بقيدنا ماعارف ) ..عندو حق اكتر مننا فى البلد دى؟!
معاوية ياخ انت راجل قانونى مفروض اصلا زى نافع دا مايكون
مصدر اعجاب بالنسبة ليك ...زول سلوكو همجى وبفتكر انو الحياة
زندية و(قلع) ..دا نموج يعجب الشفته وقطاع الطرق لكن زول
قانونى مفروض يكون عندو فيهو راى واضح ..البربطنى انا ونافع
بالبلد دى هو (حق المواطنة) ..وفى حق المواطنة وانت سيد العارفين
حقوقنا متساوية وواجباتنا متساوية ..لافى وصاية ولا فى مزايدة ..
نافع مابفهم الكلام دا لكن انت مفروض تكون فاهمو ..