تقرير المصير وسوق العقار,,,

عزيزى القارىء
تلاحظ تدنى ملحوظ لقيمه الجنيه السودنى مقابل العملات الصعبة,, حدثنى احد اقتصادى الشوارع الكبار ربما سيصل سعر الريال الى 1000 جنيه قديم فى اقل من ستة اشهر قادمات,,وقد سمعت منه هذه العباره من قبل ان سعر الريال سوف يصل الى فووق ال700 وقد حصل,,,انتهى

ليلة امس بصدد سوالى لاحد تجار الاراضى فى سوق العقار,,اريد بيت او قطعة ارض فى جنوب الخرطوم ,,شجرة,عزوزاب,ابو ادم,كلاكلات,,دخينان,طيبة جبل اولياء,,او ريفى ابقوتة,,

فقال لى ذلك الرجل بالحرف الواحد,,لا تستعجل امسك قروشك ريالات عندك,,وانتظر سنة خلينا نشوف الجماعة ديل جادين فى الانفصال ولا كلام جرئد ساى اكثر من 4 مليون اسره جنوبية مستقره عائشة فى الشمال فى احيا راقية,,فهولاء سوف يقادرون الى السودان الجديد, وكل منازلهم ستكون معروضة للبيع فى حالة الانفصال, هذا من الاكيد ما يخفض سعر العقار الى اقل قيمة ممكنة,,فتركنى فى حيرة من امرى وانصرف,,,,

انا مصدق منظر العملة لانه كل نظرياته حقيقيه,,,ولكن منظر العقار دا لو نظريته طلعت فشوش بكون انا اكلت نيم؟؟؟؟؟
سوالى الى اهل الخبرة فى دنيا الاقتصادوالعقار ,,,هل انفصال الجنوب سيكون فى مصلحة للمواطن شمالى وجنوبى و ضرر للحكومة والتجار
ام سيفتح لهم افاق جديدة فى عالم من التسلط والجبروت على المواطن المسكين,,,
خلونا نشوف رايكم
فى سعر العقار فقط,,اما العملة دى عارفها واصلة واصلة
ودمتم

الأخ abuguta


الله لا جاب الأنفصال مع أنو كل مؤشراته حاضره .

لكن الأنفصال لم تم حتكون ما محتاج تشتري بيت في الخرطوم لأنه حيكون هناك هجرات منها في جميع الأنجاهات .

الحرب حتكون قريبه شديد من الخرطوم وربما جواها زاتو !

أنت ما سمعت بالخندق الذي حفراه مجرمي المشروع الحضاري غرب الخرطوم وربما جنوبها أيضا !


السمسار ده شكلوا من الناس المعتقدين أنو الجنوبيين ديل لما ينفصلوا حيشيلو شنطهم ويمشوا الجنوب والشماليين الفي الجنوب برضو يشيلو شنطهم ويرجعوا وناس الحركه الشعبيه يرفدوا الشماليين الفيها والأحزاب الشماليه ترفد الجنوبيين الفيها و خلاس.

دي نظره متوهمه ساكت


الجنوب والشمال يا أخوانا لا يمكن فصلهم الله خلقهم كده متقابلين متلامسين تفصلوهم كيف !!!