رسالة من المصدر ....... عطبره لا تعترف بالخرطوم ... القصة شنو يا ناس عطبرة

كاعادة بعد مباراة الهلال والامل عطبرة
بعد نهاية المباراة وأثناء توجه لاعبي الهلال للمساطب الجنوبية للإحتفال
بالممتاز مع جمهور عطبرة كان رد الجمهور القذف المتواصل بالحجارة التي إنهالت على لاعبي الهلال كالمطر فأصيب جراء ذلك :
أكثر من خمسة لاعبين بين إصابة متوسطة وخطيرة
_ كان نصيب الأرباب إصابة مباشرة في الرأس
_ إصابة أخرى للمدرب كامبوس
_ تم إسعاف المصابين بعد خروج الجمهور الغاضب .
_ توجهت بعثة الهلال مباشرة إلى الخرطوم بعد تلك الأحداث و إعتذروا لكل الدعوات الموجهة إليهم .

ده فحوى الرسالة والرسالة من امبارح
لكن حقيقة حاجة تحير ناس عطبرة ديل بحبو نفسهم شديد خلاص وما مقتنعين باي زول
وبفتكرو انو هم اساس اي شئ في السودان ولولا عطبرة والسكة حديد ما كان في خرطوم
ولا كان في كووورة ولا خلافة
حاجة تحير بالجد
الناس شويه شويه بقولو عاوزين انفصال اصو اكيد .. الناس ديل روحهم محرقاهم
جمهورهم بتاع مشاكل اي زول يمش هناك بجي راجع مفلوق
القصة شنو يا ناس عطبرة

سلامات يا احمد
والله حزنت جدا من تصرف ابناء مدينتي العظيمة
حقيقة الامر يحتاج لاجراءات تاديبية تحد من التصرفات دي في المستقبل
ليه الحاجات دي بتحصل تجاه الهلال والمريخ بالذات
المدينة تشهد تطور في الكرة وتدهور في الروح الرياضية لدى المشجعين

الحبيب حيدر
والله قصة تحير فعلا عطبرة في الكوورة ماشة لقدام عكس الروح الرياضية
واكيد في اسباب اصصصصصصصصصصصصصصصصصصصصو ما ساي الكلام ده زمان قالو ناس عطبرة
شيوعيين الغالبية عشان كده تلقاهم ثوريين وحاميين ده في السياسة
اها الرياضة دي كلامها كيف ما عارف
وصدقني المسالة عاااااااااااااادي ممكن تطور من رياضة لسياسة
قلبي يحدثني
والقصة شويه شويه ما تستبعد
(جنبي فنجان قهوة عاينت فيهو وقرأت ) (:

كيفك يا احمد

دايما مواضيعك بتجيب ناس عطبرة :)

Quote: وبفتكرو انو هم اساس اي شئ في السودان ولولا عطبرة والسكة حديد ما كان في خرطوم ولا كان في كووورة ولا خلافة

في دي كلامك صاح لكن موش لانهم بيفتكرو بس لانو دي الحقيقة

بس كلامك عن علاقة ثورية بالعنف الحاصل هسة ده ما صحيح

مرها الثورية ما كانت عنف اهوج منفلت ومعدوم الهدف

الثورية فعل واعي وموجه ويمتلك الرؤية وهو ما كان يميز هذه المدينة الطيبة

لكن وينا هي عطبرة الذمان

بعد ما الجماعة شلعو السكة حديد واذلوا سكانها الاحرار وشردوا مناضليهاوخربوا المدينة ومعها ذاكرة الاجيال الجديدة

هذا العنف لا يشبه طيبة هذه المدينة فارجو ان يكف هؤلاء المنفلتين ويحترموا تاريخ المدينة علي الاقل

غلطانييين ناس عطبرة وستين غلطانيين ..

مفروض يدقوهم ويعلقوهم في كشافات الميدان ..
بلاش عطبرة بلاش سكة حديد بلاش عجلات ...

ـــــ
http://www.sudaneseonline.com/db/attention/010_Smile.gif

الغريبة يا احمد الدسكو .. خبرك دا ما قابلني في اي محل ..
ولا نُشر في الصحف ...
هل هي معلومة سماعية والا عندك مصدر ؟! أم حضرت المباراة بنفسك !!

الدسكو ياخ سلامات .. شايفك شاني حملة شعواء
ضد عطبرة ام دالات رباية اليتامة ومقنع العزبات

عطبرة تحترم ضيوفها وتشيلهم في راسا .. لكن الضيف لامن يتعاور
ويتهابل زي ما عمل رتشارد ومن بعده كامبوس يستحق ما يحدث له
وأنا أستثني كامبوس بصفته أجنبي لا يعرف طبيعة السودانيين جيدا والدليل
على ذلك نه بعد نهاية المباراة ذهب الى مساطب مشجعي الأمل بكل غباء وشرع في مكاواتهم
فنال حجر صاروخي أبو كديس .. عشان يبطل عوارة ودروشة .. هو قايل نفسو في ساوباولو ولا شنو...........
صادق الود

لوووووووووووووووووووول
والله أنا هلالابي
لكن كان كامبوس ده مشى عمل حركات (مكاواه) لي مشجعين الأمل بعد المباراه إنتهت
يستااااااااااهل الحجر الفوق راسو
الكلام ده مافي السودان بس
في أي حته في الدنيا دي ماممكن الزول يمشي علي مشجعين الفريق الآخر
لأنو أكيد حا ياخد علي راسو
عموما يا كامبوس إن شاء الله تكون إتعلمت حاجه جديده
والكاس مبروك علينا جميعا