يا أخوانا الجوطة دي كلها نتيجتها كالتالي : 1 ، 2

1 - فوز فخامة المشير عمر حسن أحمد البشير برئاسة جمهورية السودان بنسبة تتجاوز الـ90%.
تهاني وتبريكات من الداخل والخارج ، وغاغة مبالغ فيها في أجهز الإعلام الرسمية ، وصحف المعارضة ( وكل يغني على ليلاه )..
وتقارير في القنوات الفضائية والصحف العالمية ، ومقابلات على الهواء ، وتحليل وتوقعات(**)
و... خلصنا..
2 - إعلان ميلاد دولة أفريقية جديدة تسمى ( السودان الجديد )
مع تحديد موقعها الجغرافي (*1) وعدد السكان ، وأهم المنتجات والصادرات (*2)
وإسم الرئيس ، ونظام الحكم ..
وطلبات (بتأكيد) الاعتراف والمباركة ، وتحديد شكل العلاقة مع الجارة الشمالية ودول الجوار الأخرى..
وبكده الموضوع إنتهى (*3)

أها القصة البعد فوز المشير يتبعها الآتي :
أجهزة الإعلام الرسمية ، تركز على ثقة الشعب في الحكومة وقائدها ، ورفاقه ، ولولا أنهم الأقوياء الأُمناء لما اختارهم الشعب
وعلى نزاهة الانتخابات ، مع رطلين ونص من الوعود ..
والتطرق لمشكلة الجنوب والغرب ، وبقية القضايا المسموعة يومياً والمقروءة ..(تِمّوا بقية المشاكل من عندكم)..

وبعد بزوغ نجم الدولة الجديدة :
حديث عن إنتصار إرادة الشعب ، والحرية والديموقراطية والشفافية ، والعدالة ، والتنمية
والعلاقات الخارجية ، والعدالة في توزيع المناصب ، والحث على الوحدة وتفويت الفرصة على المتربصين
وعن قدرة الدولة على حماية مكتسباتها ، وحقوقها ، وحدودها..

-----------
يا ربي البلد دي فاتحة كدة على وين؟؟
----------

الهوامش الفوق دي:.
(**) والله كان جابو (عبدالله قنبلة) ما يتوقع ليهم بالبيحصل ..
(1*) أها الموقع الجغرافي ده ياهو زااااااتو الفيهو اللعب كلو
وبمناسبة العيد السعيد ، أهدي سلامي للاهل بأبيي ، وللتحكيم الدولي والمحلي ، وبالمرة حكماء أفريقيا، والأهل بالنيل الأزرق ، ويمكن دارفور كمان..
(2*) المنتجات دي هي ( السمنة ) زاااااااااااتا – جيبو عكاكيزكم وتعالوا – قال ثروة وسلطة قال..
(3*) موضوع شنو الإنتهى ؟؟ هو يا دووووووب إبتدأ ..

هلا يا ابو صلاح
ومية مية هوحديثك
وكانك يافردة مشششششيت للزمن قدام وعملت (كوووبي)
وجيت راجع لزمننا بتاع حسسسع وعملت (بيسسسست)
ورشيت لينا القصة كما هي..

وطبعا بالتاكيد السنياريو بتاعك ده هو الكووبي ويسسست الاصلي والح يحصل في السودان
بلاد الرافدين (مش اسمو كده) ولا انا مزغلل من الاحداث

الزعيم كيكي ، مرحب والله

ياخي راسنا وجعنا من القصة دي ..
الناس دي كلها عارفة الحيحصل ، لكن عاملة ميتة ..

Quote: بلاد الرافدين (مش اسمو كده) ولا انا مزغلل من الاحداث

أبداً ،إنت ما مزغلل ، إنت شايف صاح
بالطريقة دي ، ما يسمى بالسودان ، ح يكون بلاد العشرومية رافد ..

عشان كده أنا حددت مصيرى وقررت أعرس
لى جنوبيه وكده بيكون عندى حق التصويت
للإنفصال , ونمشى نعيش فى سودانا الجديد
فى ثبات ونبات ونربى البنيات والوليدات
لا نظام عام ولا إنفلونزا خنازير ولا الخنازير
ذاتو .
رأيك شنو يا أبو صلاح أحجز ليك معاى دينكاويه
ولعه كده ,, عشان بعدين أنحنا ماحيكون عندنا
لا زيارات ولا إقامات ,, الجوه جوه والبره بره
وجوازنا والجواز الأمريكى واحد ومن نفس المطبعه
قلت شنو ؟

كيمو صاحبي ..

تعرف القصة دي شكلها مختلف جداً على أرض الواقع
واقصد هنا شكل التعامل اليومي بين الشماليين والجنوبيين
ياخي تصدق أنا ما إنتبهت للحاجات دي إلا في الواقع الالكترونية
وبعض الصحف
لكن كدي تعال ناخد الديم (كمثال) وشوف شكل التعامل بين الناس كيف
ما في زول عندو شغلة بدينك ، ولونك ، وجنسك ، وبنطلونك
وأنا متأكد إنو كتير من المناطق ، ما حاسين بأي فروقات بينهم
وبين غيرهم من البشر

والله مرات بضحك لما أقرأ لي هنا كلام عن الموضوع ده !!!
ياخي معقولة بس؟


تعرف (شريكي الحكم) سايقين البلد دي للهاوية
ومن الاتنين ( أنا الضايع )
بلد مسكينة.

القصة ح تدور أول ما تدور في ابيي..
المسيرية ما مقتنعين بالتقسيم والدينكا ما ح يتنازلوا ..

مناطق البترول في الحدود الشمالية للجنوب ، والجنوبية للشمال
واللي هي أصلاً فيها مشاكل ، برضو ح تدور
أوضاع الجنوبيين في الشمال والشماليين في الجنوب ، ده ملف قائم بي زاتو
مشكلة دارفور لن تنتهي قبل عام 2011 بسبب عدم اتفاق كل الفصائل
ناس النيل الازرق ح يشجعهم انفصال الجنوب للمطالية بالانفصال
اوعلى الاقل ح تزيد مطالبهم وتذمرهم أكتر


كل مشكلة من المشاكل دي محتاجة لمعجزة عشان تتحل ..


يا جماعة البلد ماشة على وين ؟؟

Quote: كل مشكلة من المشاكل دي محتاجة لمعجزة عشان تتحل .. يا جماعة البلد ماشة على وين ؟؟

الخور

يا NEWSUDANI سلامات ..

Quote: الخور

ياخي إنت متفائل جداً ..





على العموم أدونا باقينا خلونا ننزل ..
ده لو في (باقي) طبعاً ..

كورجة دراويش ماسكاهم أم هلا هلا .. و ماشين في ختراتك :
( مسمار و ركب .. مين يقلعوا ..
مسمار و ركب .. مين يقلعوا ..
مسمار و ركب .. مين يقلعوا ..
مسمار و ركب .. مين يقلعوا ..
مسمار و ركب .. مين يقلعوا ..
مسمار و ركب .. مين يقلعوا ..
مسمار و ركب .. مين يقلعوا ) .


........
عمك هناي داك المسحراتي المزهلل .. قال شنو ؟ :
( يا النايمين نومكم خسارة ..
ركعتين في نص الليل تجارة
الـ ........... جاكم يا اولاد أم ........ )

Quote: الـ ........... جاكم يا اولاد أم ........ )

كااااااااااااااكـ


يا صلاح .. الزول ده ودوهو الضُل ياخي

Quote: الـ ........... جاكم يا اولاد أم ........ )

اجى ؟

صلاح ازيك
عندكم الدرس دا فى المقررات؟
ادوه رز الفراشة او عدس الفراشة
رز للشوربة وشوربة للرز

خارج النص
واعلانات تخليك تكره الغنا زاتو

قطع

ياعمك انتخا بات قال
هو انتخاب "بات" وين ؟
الولد قليل الادب دا يجى نص الليل مدودر ومتكل كل يوم
والله وحات شيخى الكتب ليهو محاية
ما نافع ولا بشير دا غايتو الا يكون القال عليهو عماد صحبى فوووق دا

النهاية يا ابو صلاح
ارجو ان تذكرنى فى كل ساعة وليلة
من وحى رمضان حسن
عليك الله مش سيناريو شحمان يصلح لمسلسل تلفزيونى بطولة
وداد ابراهيم شمس الدين
دى مين دى يامرسى ؟
بلد ماعندها وجيع

Quote: القصة ح تدور أول ما تدور في ابيي.. المسيرية ما مقتنعين بالتقسيم والدينكا ما ح يتنازلوا ..

الفرق يا صاحبي إنها حتكون حرب بين دولتين ................ (((عظميين)))

أنا غايتو أهلي الزاندي ديل كاسرين فيني ضلعة من زمااان .... حأطلب لجوء عندهم.

Quote: القصة ح تدور أول ما تدور في ابيي.. المسيرية ما مقتنعين بالتقسيم والدينكا ما ح يتنازلوا .. مناطق البترول في الحدود الشمالية للجنوب ، والجنوبية للشمال واللي هي أصلاً فيها مشاكل ، برضو ح تدور أوضاع الجنوبيين في الشمال والشماليين في الجنوب ، ده ملف قائم بي زاتو مشكلة دارفور لن تنتهي قبل عام 2011 بسبب عدم اتفاق كل الفصائل ناس النيل الازرق ح يشجعهم انفصال الجنوب للمطالية بالانفصال اوعلى الاقل ح تزيد مطالبهم وتذمرهم أكتر كل مشكلة من المشاكل دي محتاجة لمعجزة عشان تتحل .. يا جماعة البلد ماشة على وين ؟؟

زي ما قال ليك كيكي يا أبو صلاح
انت شكلك خشيت الفيلم دا قبل كدا
تجار الحروب ما حا يفوتوا فرصة زي دي لبيع السلاح الـ out of date بالنسبة ليهم
يعني قبل ما يلموا كراسي حفلة إعلان الدولة الجديدة زي الناس الطفنقي حا يدور مع الجارة الشقيقة
ميزانية الدولتين لمدى عشرمية سنة كدا حا تكون ميزانية حرب
ترجع تاني دمغة الشهيد والجريح و....

الصورة قاتمة وناس الخال لا يروا أبعد من أرنبة أنفهم