Post: #1
Title: الشيطان هو شنو ؟ والجنه وين ؟؟؟
Author: عبدالله كع
Date: 11-05-2009, 11:49 AM
؟
سؤال مشوطن وابن 60 كلب
مصعب الزي لم يبلغ الخمسه سنه ولدي البكر - في شطحه بريئه -
يا بابا الشيطان ده شنو ؟؟
نعم .......... انا ؟؟ !!!
تاني الشيطان هو شنو ياابو مصعب ؟؟
رميت لي كم دربه - المهم حاولته اقنعو انو اي حاجه كعبه من الشيطان !
حسيت بيهو ما مقتنع !!
يقوم ابن الهرمه - تاني يسألني ليكم - الجنه وين ؟؟
اخ ...... اقول ليهو شنو ده ..
قلته ليهو في السماء ...... ! وسكته
حاجه تمخول - والخوف يقوم يعمل زي ما عمل طفل الحلة الجديده قبل سنين خلت
قالو والله يكفينا شر القيل والقال -
في امراة تسكن الحلة الجديده ( ) - ربنا رزقها ببنت حليــــوة تشبه حبوبته ... نجر
بعد ولدين تحمد ربها - وهي راقده في سرير نفاسها تعضي في المسلوق والمحمر والمجمر ..
مااا نفسه يا خــوانا -
ولدها البكر والذي لم يتعدي السادسه من عمره -
سالها يا يمه جبتي البابو ده كيف ؟؟؟
مسكينه الام - وهي تضحك وتعضي في الحمامه المحمرة وتاخد ليها جغمة شوربه -
ماااااانفسه يا خوانا .
قالت ليهو بكل اريحيه - جابو السكين وفتحو لي بطني وطلعو البابو - !
قوم يالبكر امشي ( التكل ) وشيل السكين وشق بطن اخوة الاصغر منو .....
لاحولة -
والخبر انتشر في البيت - والدنيا قامت وما قعدت - الولد ابو خمسه خاف وجري لي بره
وتحت التاكس حق جيرانهم البد تحت - الجماعه شالو الجني جارين الطوارئ -
دقو الباب للجار - صاحب التاكسي - قوم نط في العربيه وبي وراهوو الحبوبه والخالات
تقلو ليك العربيه زياده - وعمك شتت - وكسر للولد ضلعو وراح في شرت ميه - يا حليل امو
والتاني لفظ انفاسو قبل وصول التاكسي للطوارئ - يا حليل امو - شوف زي المحن دي !!
فيا اخوانا الناس الصغار ديل خطرين شديد التعامل معاهم صعب - عايزين زول متخصص في المجال
ده يدينا جرعات للتعامل مع الفئه الصغنتوته دي ؟؟؟[
|
|