صح النوم يا ناس سويسرا

سودانيى سويسرا على قلتهم الا أن الكثيرين منهم كانوا وما زالوا من أشرس معارضى نظام الخرطوم وكانت
لهم مواقف وفعاليات سياسية مشهودة أرقت النظام كثيرا , وقد سعت سفارة النظام بكلما تملك من وسائل ترغيب
وغيرها للسيطرة على جالياتهم وتجمعاتهم الا أنها فشلت , والفضل يعود لشباب يصحون وينامون على الهم الوطنى
, نعم انكسرت بعض العناصر ولانت وهو أمر متوقع من الانتهازيين وذوى المصالح الضيقة الذين يكتفون بفتات الموائد.
يتبع

المحير الآن والانتخابات على الأبواب , لا حركة ولا صوت ترى ما الذى يجرى فى الخفاء , سمعت من صديق
بالأمس أن التسجيل للانتخابات سيكون فى ايطاليا والتصويت أيضا , هذا خلاف الشروط التعجيزية الاخرى التى
وضعت مسبقا والتى فحواها , أن يكون الشخص حاملا لجواز سودانى سارى المفعول واقامة سارية , نعم الجميع
لديهم اقامات ان كانت مؤقتة أو دائمة لكن الجواز السودانى السارى المفعول هو ما ينقص الكثيرين الذين معظمهم من اللاجئين ,

ترى كيف الدبارة هل نقاطع التسجيل والتصويت أم نفعل المستحيل لممارسة حقنا
الدستورى؟؟ , وان سعينا هل ستنجح مساعينا؟؟ , أنا من أنصار مقاطعة التسجيل
والانتخاب وفى نفس الوقت من أنصار الكتابة لكل الجهات التى لها علاقة بمسألة
الانتخابات ان كانت الحكومة بشقيها الحركة والمؤتمر , وأيضا الجهات المراقبة
لهذه الانتخابات والأحزاب السياسية , ونبين فى مكتوبا التعقيد المقصود من قبل
المؤتمر الوطنى حتى لا يتمكن معارضيه وهم كثر بالخارج من ممارسة
حقهم الدستورى والذى قطعا سيكون فى غير صالحه .
نسمع .

وين ناس الحركة الشعبية؟؟؟ , سمعت أنهم يحضرون لاحتفالية خلال الأيام القادمة وهناك وفد قادم
من خارج سويسرا لحضورها , أما كان الأجدى وهم حزب شريك فى السلطة وأصحاب نفوذ ربما
مكنهم من عمل شى ما لأجل تمكين المقيمين فى هذه البلاد من التسجيل والتصويت فى الانتخابات
القادمة أم أن الأمر ما عاد يعنيهم ؟؟, علما بأن الكثير منا سوف يصوت لصالح مرشح الحركة الشعبية
ان تقدم أحد منسوبيها للترشح لمنصب رئيس الجمهورية .

السيد سفير السودان بسويسرا من كوادر الحركة الشعبية , الا يعنيه ان تمكن
رعايا سفارته من غير المعارضين أمثالنا من ممارسة حقهم الدستورى أم لا؟؟؟

يقيم بسويسرا رهط من أبناء السودان الخلص , من ذوى القدرات والمهارات المهنية العالية وكثير منهم
محل فخرنا واعزازنا ويعملون فى وظائف رفيعة بمنظمات الأمم المتحدة , ترى ما المصوغ الذى يحول
دون ممارسة حقهم فى الانتخاب ؟؟؟ ويا ترى ما هى أجوبتهم ان تم سؤالهم بواسطة رصفائهم فى العمل عن
الانتخابات التى تجرى فى بلادهم , هل سيقولون أننا محرومون من الادلاء بأصواتنا لأن مكان التسجيل و الاقتراع
بايطاليا أم ماذا ؟؟

النوم جافاني قسمتو لي جيراني ,,,ياناس ,,,,

قلت لي ايطاليا عدييييييييل كدة....

ابو التاء بجيك راجع بعد ما اسجل في ايطاليا عشان اوصف ليك الدرب ...

سلام للاحبة

Quote: قلت لي ايطاليا عدييييييييل كدة....

ياها ايطاليا بتاعت فرنسا الهزمت النمسا فى الدنمارك
على قول صديقنا المسرحى الجميل أحمد ألكس .
كيفك يا عمدة

Quote: صديقنا المسرحى الجميل أحمد ألكس

يا سيد فيصل يا تشكّل اسم الزول صاحبك المسرحى الجميل ده ولا اكتبوا بالانجليزى بالله ما تجهجهنا معاك..

Quote: يا سيد فيصل يا تشكّل اسم الزول صاحبك المسرحى الجميل ده ولا اكتبوا بالانجليزى بالله ما تجهجهنا معاك..

على أخوى , عارفك بتقرأ من الزاوية البتريحك , ياخ التشكيل ده من أيام الكلية
كان بجهجنى , خصوصا تشكيل مفتوح مارش وده بوحى بادارة داخلية بت كلب .

أها صحينا ... مع عينتك دى الواحد ما يتهنى بالنوم الوطنى ابدآ
كتر خيرك, الموضوع عاوز كلام
معليش ما رديت ليك ... انت عارف
لى بعدين و معاها سلك
سلام و شكل بالله

Quote: أها صحينا ... مع عينتك دى الواحد ما يتهنى بالنوم الوطنى ابدآ كتر خيرك, الموضوع عاوز كلام معليش ما رديت ليك ... انت عارف لى بعدين و معاها سلك سلام و شكل بالله

الحمدلله البقيت كويس , شايف ملاسى فاتح ليك
بوست أظنو برضو شفق عليك وعاوز يعرف
أخبارك , نايمين وطنيا لينا عشرين سنة يا عصام
ما كفاية ياخ , فى انتظار محادثتك , سلام لخالد وريان .