Post: #2
Title: Re: وإن نفى سيلفاكير ... هذا رأينا قبل سنتين وهو رأينا بعد سنتين
Author: معتز القريش
Date: 11-04-2009, 08:46 AM
Parent: #1
أنا قلت انو نحنا كسودانيين شماليين وجنوبيين ما قابلين بعض ... الشمالي بعتبر الجنوبي عبد ... والجنوبي بعتبر الشمالي جلابي ومستغل ... والفكرة دي موجودة عند الجميع ... عليه اقترحت أن يتم الفصل حتى تنمو أفكار الشعبين وتتقبل الوحدة بدون مشاكل وبدون حروب وبدون نحن وهم ... وبدون حدود .... وأنا في رأيي انو الموضوع دا محتاج لوقت كتييييير جدا ... واقترحت الحل أن يكون التزواج بين الشماليين والجنوبيين عشان ما يكون في شمالي وجنوبي ... وبرضو حسب رأيي انو دي ما ساهلة تحصل والجميع عارف كدا .... لذلك فانا اقول بالانفصال حتى ولو مؤقتا لحين قبول بعضنا لبعض ... وقلتها بصراحة انو يا أخوانا مادام نحنا ما قادرين نعيش مواطنين في سلام ... فلماذا لا نعيش جيران في سلام ومحبة .... وبعدين تكون الوحدة بالطريقة اللي عاوزنها الناس ... فدرالية كونفدرالية ... جن أحمر .. زي ما الناس عاوزة ... والا أفضل ننفصل عن بعض
|
Post: #3
Title: Re: وإن نفى سيلفاكير ... هذا رأينا قبل سنتين وهو رأينا بعد سنتين
Author: معتز القريش
Date: 11-04-2009, 09:32 AM
Parent: #2
وحدة اجبارية ما عاوزنها لا مع الجنوب ولا مع غير الجنوب ... يا أخي زوجتك في البيت كان قالت ليك أنا ما دايراك بتطلقا ولا بتجبرا تعيش معاك ؟؟؟
|
Post: #4
Title: Re: وإن نفى سيلفاكير ... هذا رأينا قبل سنتين وهو رأينا بعد سنتين
Author: Nader Abu Kadouk
Date: 11-04-2009, 09:43 AM
Parent: #3
| Quote: وحدة اجبارية ما عاوزنها لا مع الجنوب ولا مع غير الجنوب ... يا أخي زوجتك في البيت كان قالت ليك أنا ما دايراك بتطلقا ولا بتجبرا تعيش معاك ؟؟؟ |
إنت متأكد الكلام الفوق ده في محلو
فكر قبل ما تكتكب
|
|