Post: #1
Title: أوضاع غريبه : (1) العشق بين الفراش والنار
Author: رفقه طيفور
Date: 11-04-2009, 03:27 AM
نعم هناك عشق بينهما..وهما لا يضطران إلى إخفائه لأي سبب من الأسباب...بل إن الفراشات في حضرة اللهب تصير إلى فرس جامحه بجناحين...فرس مزهر رقيق وجامح بجناحين...ألا يبدو ذلك ايضا وضعا مشتقا غريبا آخر!!!!!
الفراش يعشق النار...ويرقص حوله ....
كما تعشق الأنثى في طور الفراش النار أيضا....نارها (تبدو واضحة للعيان)
ربما في ذلك الطور بالتحديد تجن الإناث...وتجن الفراشات معا....
تجنان (بضم التاء) حين يدفعهما الوهج إلى الانجذاب...وحين تدعوهما الهالة إلى إقالة العقل....وتنصيب القلب...
ربما!!!!!
الغريب..أنهن أي (الإناث والفراشات) تبدوان أكثر توهجا وجمالا قبل اللحظة الأخيرة للاحتراق...وتبدوان أكثر قوة...
ومن النار توقد الشموع....والشمع كذلك يحترق ويعشق اللهب ...أنه يعبر عن وجوده...ودوره في هذه الحياة..
أصبحن إذن ...فراشة وامرأة وشمعة....
يااااااه ...كم تصطلي تاء التأنيث تلك.....
أرجو أن لا يفكر مذكر سالم في الإتيان بدلو من الماء!!!!!!!
__________________[
|
Post: #2
Title: Re: أوضاع غريبه : (1) العشق بين الفراش والنار
Author: مجاهد عيسى ادم
Date: 11-04-2009, 01:46 PM
Parent: #1
| Quote: [redأرجو أن لا يفكر مذكر سالم في الإتيان بدلو من الماء!!!!!!!red] |
|
Post: #3
Title: Re: أوضاع غريبه : (1) العشق بين الفراش والنار
Author: فيصل نوبي
Date: 11-04-2009, 01:50 PM
Parent: #2
يا أب تفة ده تبعكـ ؟
|
Post: #4
Title: Re: أوضاع غريبه : (1) العشق بين الفراش والنار
Author: GamarBoBa
Date: 11-04-2009, 01:59 PM
Parent: #3
فيصل انت عربي ما تفهم
| Quote: أرجو أن لا يفكر مذكر سالم في الإتيان بدلو من الماء |
الكلام ده معناه اي زول مكتوب شهادة التسنين حقته ذكر ما يجي بجاي
شايل جردلك وبتكورك لاب تفة مالك؟
|
Post: #5
Title: Re: أوضاع غريبه : (1) العشق بين الفراش والنار
Author: محمد عبد الماجد الصايم
Date: 11-05-2009, 02:11 PM
Parent: #4
يا سلام ياخ
لينا زمن من الكلام الزي دا
وفقكـ الله ورعاكـ
|
Post: #6
Title: Re: أوضاع غريبه : (1) العشق بين الفراش والنار
Author: رفقه طيفور
Date: 11-10-2009, 01:02 AM
Parent: #5
شكرا للساده الأفاضل...
ومن هنا تتضح محاولات المذكر السالم الدائمه للأقتراب من المحظور...رغم التحذيرات..
لذلك لازالت تاء التأنيث تصطلي...
وقعت؟؟!!
|
Post: #7
Title: Re: أوضاع غريبه : (1) العشق بين الفراش والنار
Author: ناذر محمد الخليفة
Date: 11-10-2009, 01:31 AM
Parent: #6
!!!!
| Quote: يا أب تفة ده تبعكـ ؟ |
مرحب رفقة طيفور ..
|
Post: #8
Title: Re: أوضاع غريبه : (1) العشق بين الفراش والنار
Author: أمين محمد سليمان
Date: 11-10-2009, 01:40 AM
Parent: #7
والله يا رفقه يا أختي فيصل نوبي و ود الصايم ديل إلا تقري ليهم( يس ) ، تحذيرات ساي ما بتحلك !
|
Post: #9
Title: Re: أوضاع غريبه : (1) العشق بين الفراش والنار
Author: د.نجاة محمود
Date: 11-10-2009, 01:48 AM
Parent: #8
مرحب برفقة
سعدت بالقراءة
شكرا
|
Post: #10
Title: Re: أوضاع غريبه : (1) العشق بين الفراش والنار
Author: سناء عبد السيد
Date: 11-10-2009, 01:56 AM
Parent: #8
| Quote: يا أب تفة ده تبعكـ ؟ |
غايتو نفس الاستايل و بتاعت شبك زيو
ود طيفور عملت ليك فروع بقيت زي محلات الأيسكريم
مرحب بيك بت طيفور
|
Post: #11
Title: Re: أوضاع غريبه : (1) العشق بين الفراش والنار
Author: Yassir Tayfour
Date: 11-10-2009, 03:50 AM
Parent: #10
يا رفقة أب تفة المقصود ده أنا، فما تشتغلي بيهم، وأخوك بيقدّر عليهم، أفراداً وجماعات، براً وبحراً وجواً، كما قال البندر..
نوبي، وقمر، كاروشة، سناء، وود الخليفة.. إعتبرو رفقة شقيقتكم، وإياكم وما بين القوسين..
___
همسة:
يا رفقة يا شقيقتي، تتذكري سكين الضراع، الخليتها مخزونة تحت مِرق الراكوبة؟ جبت لي واحد جديدة لنج، وكمان USB، وهسي مربوطة في صفحة الكيبورد، تبقبق، أصلها ما بتشبّع من الشحن، وإنتي عارفة شقيقك دمو حار، اها النصيحة بالمهلة، أوعِك يغشوك، والناس دي من زمان بفتشو لي كراعي الموجعاني، اها جيتِك دي خدرّت كراعي، البقول ليك: السلام عليكم، تردي في سِرِك، والما بيقول أصلك ما تهببيهو ليهو، ولو رد السلام ما فرض، كان قلت ليك ما تردي..
|
Post: #12
Title: Re: أوضاع غريبه : (1) العشق بين الفراش والنار
Author: محمد الجزولي
Date: 11-10-2009, 06:15 AM
Parent: #11
مرحب برفقة
وكل ال تيفور ..
ـــ
عليك الله ياياسر دي أختك؟
بختك قربت لال المسلمي 
|
Post: #13
Title: Re: أوضاع غريبه : (1) العشق بين الفراش والنار
Author: فيصل نوبي
Date: 11-10-2009, 10:14 AM
Parent: #12
فعلاً أوضاع غريبة !!
يعني هسي إنت جبت النجيضة !! قال شقيقتكم قال ..
غايتو رفقة دي كان جات (لفختكـ) بسطرين تاء رفقة دي و (بلّعتّكـ) الفلاش حقكـ لامن تفكر إنكـ تعمل فلاش باكـ
تكون (ما قصرت تّب ) ..
_
يله يا رفقة يا شقيقة (إدي .. أديلو) ..
|
Post: #14
Title: Re: أوضاع غريبه : (1) العشق بين الفراش والنار
Author: خدر
Date: 11-10-2009, 10:54 AM
Parent: #13
شكرا يا رفقة علي النص الجميل
كونتراست عالي جدا و كتابة راقية
____
حسب معلوماتي آخر اخت لي ياسر طيفور ضبحوها قبل 17 سنة
الناس ديل جعليين .. اخوات ماعندهم 
|
Post: #15
Title: Re: أوضاع غريبه : (1) العشق بين الفراش والنار
Author: محمد عبد الماجد الصايم
Date: 11-12-2009, 00:16 AM
Parent: #14
قلت لي شقيقة يا أب تفة
يمين إلا تكون قاصد الشقيقة بتاعت الصداع ديكـ!
المهم والنجيضة: في الحالتين تعبت معاااااي!
|
Post: #16
Title: Re: أوضاع غريبه : (1) العشق بين الفراش والنار
Author: فيصل نوبي
Date: 11-23-2009, 12:42 PM
Parent: #15
إنتو رفقة دي مشت تجيب الدلو بتاعها من وين ؟
|
Post: #17
Title: Re: أوضاع غريبه : (1) العشق بين الفراش والنار
Author: Mahir Mohammed Salih
Date: 11-23-2009, 02:10 PM
Parent: #16
| Quote: الغريب..أنهن أي (الإناث والفراشات) تبدوان أكثر توهجا وجمالا قبل اللحظة الأخيرة للاحتراق...وتبدوان أكثر قوة... |
رفقة ،، أنا لا يهمنى موقف الفراشات كثيراَ ،، ولكن ما ذكرتيه عن الإناث حقيقة ،، إلا تلك التى وضعت تحتها خطاَ ،، أعتقد بأن الجملة السليمة هى : وتبدوان أكثر ضعفا.
والله أعلم
ماهر
|
Post: #18
Title: Re: أوضاع غريبه : (1) العشق بين الفراش والنار
Author: عزام حسن فرح
Date: 11-23-2009, 02:56 PM
Parent: #17
| Quote: اها جيتِك دي خدرّت كراعي، البقول ليك: السلام عليكم، تردي في سِرِك، والما بيقول أصلك ما تهببيهو ليهو، ولو رد السلام ما فرض، كان قلت ليك ما تردي.. |
مُمكِن أقول حاجة!
أصلو مرات النِقه لِانِقه مُحتاجة ...
معقول حتِلتزِمي بِكلام ود طَيفور الفوق ده ... ما معقول مُش كِده؟ أنا برضو قُلت كِده ...
على ضوء ذلِك ...
كيف حالِك؟
|
Post: #26
Title: Re: أوضاع غريبه : (1) العشق بين الفراش والنار
Author: رفقه طيفور
Date: 11-29-2009, 02:23 AM
Parent: #18
ليه ما معقول ياعزام
كل شي جايز من اولاد طيفور
انا بخير والله وشكرا على سؤالك
معليش طولت جدا والمفروض ارد على المرور العطر في هذا البوست
لكن انقطعت عن النت فتره...
شكرا لهذا الترحيب الضمني العطر بوافد جديد على ارض المنبر الحر
|
Post: #25
Title: Re: أوضاع غريبه : (1) العشق بين الفراش والنار
Author: رفقه طيفور
Date: 11-29-2009, 02:21 AM
Parent: #17
لقد اختارت ان تحترق طواعية يا ماهر
اختارت ان تحترق وهي في أوج كل شيء...في أوج الجمال والاندفاع وخطيئتها المتمثله في تنصيب القلب واقالة العقل كل ذلك منحها الكثييييييير من رباطة الجأش
وهل تكون ضعيفة وهي ترى في اضطرام النار نووووور؟؟
وفي الاحتراق توهجا...وفي تاءها المؤنثة (المشتعله) تلك (وسام شجاعه )؟؟!!
أيضا لم تحترق مخدوعة او مغرر بها...
اكرر أنه طواعية....
الم تلاحظ أن العنوان لأوضاع غريبه...
ولكن صدقني....في عرف التاء تلك....هو خاتمة حسنة
هذا والله اعلم
:)
|
Post: #24
Title: Re: أوضاع غريبه : (1) العشق بين الفراش والنار
Author: رفقه طيفور
Date: 11-29-2009, 02:10 AM
Parent: #14
تسلم كتيير
شكرا للمرور العطر وربنا يبارك فيك
|
Post: #23
Title: Re: أوضاع غريبه : (1) العشق بين الفراش والنار
Author: رفقه طيفور
Date: 11-29-2009, 02:09 AM
Parent: #13
مرحب بيك يامحمد الجزولي
انت ما تسألني انا..
ياسر ما اظن يرد على السؤال ده...
ودي تجي يا فيصل
في زول بيلفخ اخوهو وتاج راسو بفلاش
لااااااااااااااااااااا مارضيتها منك
لكن سطرين كده امكن ...بما انو ادم
|
Post: #22
Title: Re: أوضاع غريبه : (1) العشق بين الفراش والنار
Author: رفقه طيفور
Date: 11-29-2009, 01:59 AM
Parent: #11
اهلين يا ود امي
كيفك
السكين بتذكرها زييييين يا ياسر...
بس كم مرة قلت ليك السكين ماتختها جنب الUSB
تتذكر اخر مرة قشطنا السكين في الكمبيوتر والusb علقتو في ذراعك
ماحنكررها تاني
لكن ولايهمك ماتشيل همي اصلو
انت قايل انا ماقلت ليهم ميجي مذكر سالم بجاي ليه؟؟؟؟
لانو اكتشفت اصلا انو مافي مذكر سالم زاتو
(لم يسلم أيا منهم من جريمة اضرام النار على تاء التأنيث كل من مر بهذا البوست ..كان له سوابق من ذلك النوع
وما تحذيري ذاك ..الا محاولة لكشف السالم منهم..وبالتأكيد لم يسلم أحد...زي (لم ينجح احدمش)
الله يسلم كراعك من الخدر
لكن ماتشيل هم ابدا زيما قلت ليك يا ود امي
اختك يا ياسر
:)
|
Post: #21
Title: Re: أوضاع غريبه : (1) العشق بين الفراش والنار
Author: رفقه طيفور
Date: 11-29-2009, 01:50 AM
Parent: #10
شكرا دكتورة نجات وسعدت بمرورك العطر
شكرا سناء على المرور تسلمي
نحن طيفور فرع جديد....نظام بنعمل توسع انثوي المرة دي
|
Post: #20
Title: Re: أوضاع غريبه : (1) العشق بين الفراش والنار
Author: رفقه طيفور
Date: 11-29-2009, 01:44 AM
Parent: #8
أهلين بأمين وشكرا عل ى النصيحه
لكن عارف...انا اصلا عاملاهو فخ وهم الاتنين وقعوا فيهو
من قلت مافي زول يجيب دلو ياجماعه جابو جرادل وبراميل كمان
لكن نحن لها :)
|
Post: #19
Title: Re: أوضاع غريبه : (1) العشق بين الفراش والنار
Author: رفقه طيفور
Date: 11-29-2009, 01:41 AM
Parent: #7
شكرا ليك كتير
مرحب بيك اخوي ناذر
|
Post: #27
Title: Re: أوضاع غريبه : (1) العشق بين الفراش والنار
Author: Abdel Aati
Date: 11-29-2009, 03:51 AM
Parent: #19
كتابة انيقة
ظلمتها المداخلات اللابسة سفنجات وعراريق ....
فلتطير -اذن - تاء التأنيث عالياً مع السنة اللهب والفراشات
وليغرق المذكر السالم - غير الموجود - في جداول الضحالة.
وكل عام وآل طيفور بخير.
|
Post: #28
Title: Re: أوضاع غريبه : (1) العشق بين الفراش والنار
Author: رفقه طيفور
Date: 11-29-2009, 04:40 AM
Parent: #27
شكرا عبد العاطي ربنا يبارك فيك
....................................
....................
طبعا هو تشابه اسماء بس...بيشرفني اكون اخت ياسر طيفور والله..
|
Post: #29
Title: Re: أوضاع غريبه : (1) العشق بين الفراش والنار
Author: مدثر محمد ادم
Date: 11-29-2009, 05:49 PM
Parent: #28
Quote: لذلك لازالت تاء التأنيث تصطلي...
|
جنون يارفقة وتسلمي ابداع
|
Post: #30
Title: Re: أوضاع غريبه : (1) العشق بين الفراش والنار
Author: منتصرمحمد زكى
Date: 11-29-2009, 08:58 PM
Parent: #29
لم يكن الا لقاءا عابرا .. وأفترقنا
كالفراشات على نار الهوى
جئنا اليها وأحترقنا ( جئن اليها وأحترقن )
للجميع تحياتي
|
|