Post: #1
Title: بدأت مرحلة اللولحة والزقل.. ومن ثم الدردقة والنبل ...
Author: ود الباوقة
Date: 11-02-2009, 10:05 AM
Parent: #0
ليست لدينا وعود نقدمها للشعب السوداني فالانقاذ كتاب مفتوح
وانجازاتنا تحكي عن نفسها في كافة الميادين
اصحاب الوعود معروفون بوعودهم الهلامية التي ما ان
يتحسسها المواطن حتى يجدها سراب .
شعارهم سنغعل ونفعل وسنفعل وكلها وعود جربها الشعب
السوداني الابي منذ فجر الاستقلال وحتى بداية عهد الانقاذ
اعتقد بان الشعب السوداني له من الوعي والادراك
ما يجعله يميز بين الذي ينجز والذي يوعد ويخلف ..
.......
ويا طيارة طيري ...
|
Post: #2
Title: Re: بدأت مرحلة اللولحة والزقل.. ومن ثم الدردقة والنبل ...
Author: ابو جهينة
Date: 11-02-2009, 10:07 AM
Parent: #1
أبو النسب
غايتو عنوان البوست دة حأسرقو منك و أعمل عليهو قصيدة طويلة
|
Post: #3
Title: Re: بدأت مرحلة اللولحة والزقل.. ومن ثم الدردقة والنبل ...
Author: omer osman
Date: 11-02-2009, 10:10 AM
Parent: #2
ودالباوقة تحياتي
وجودك هذه الايام مهم الجماعة جابو كل الخبراء الاجانب راجعين.
|
Post: #8
Title: Re: بدأت مرحلة اللولحة والزقل.. ومن ثم الدردقة والنبل ...
Author: ود الباوقة
Date: 11-02-2009, 11:29 AM
Parent: #3
Quote: ودالباوقة تحياتي
وجودك هذه الايام مهم الجماعة جابو كل الخبراء الاجانب راجعين. |
اخونا عمر .
ووجودك انت مهم ايضا ( جود الشغل )
وين الحي بيك ..
|
Post: #5
Title: Re: بدأت مرحلة اللولحة والزقل.. ومن ثم الدردقة والنبل ...
Author: ود الباوقة
Date: 11-02-2009, 10:24 AM
Parent: #2
| Quote: غايتو عنوان البوست دة حأسرقو منك و أعمل عليهو قصيدة طويلة |
يا ريس اسرقوا طوالي ( حلالك )
|
Post: #4
Title: Re: بدأت مرحلة اللولحة والزقل.. ومن ثم الدردقة والنبل ...
Author: Mohamed Yassin Khalifa
Date: 11-02-2009, 10:13 AM
Parent: #1
ودالباوقة سلامات...
عندك فكرة المرشحين في الأنتخابات دي منو؟
كان للرئيس كان للبرلمانات؟
بالله عليك أنشرها ولا أبعتها لي بالإيميل
___________________
الزقل ده شنو؟
|
Post: #7
Title: Re: قانون الخيابات
Author: Mustafa Mahmoud
Date: 11-02-2009, 11:27 AM
Parent: #6
وليكن شعارنا
(مرشح معارضة واحد لكل دائرة ومرشح واحد وحيد لرئاسة الجمهورية)
و لو فاز كوز او حرامي واحد تعال عضيني قي اضاني
|
Post: #12
Title: Re: قانون الخيابات
Author: ود الباوقة
Date: 11-02-2009, 11:55 AM
Parent: #7
| Quote: و لو فاز كوز او حرامي واحد تعال عضيني قي اضاني |
المشكلة اضانك لا تصلح للعض لانها ( مكرمشة ) ولا تقرمش ..
بمعنى انها منتهية الصلاحية ...
|
Post: #9
Title: Re: بدأت مرحلة اللولحة والزقل.. ومن ثم الدردقة والنبل ...
Author: ود الباوقة
Date: 11-02-2009, 11:31 AM
Parent: #4
Quote: عندك فكرة المرشحين في الأنتخابات دي منو؟
كان للرئيس كان للبرلمانات؟
بالله عليك أنشرها ولا أبعتها لي بالإيميل |
اخي خليفة ..
ما عندي ...
|
Post: #10
Title: Re: بدأت مرحلة اللولحة والزقل.. ومن ثم الدردقة والنبل ...
Author: ود الباوقة
Date: 11-02-2009, 11:33 AM
Parent: #9
الزقل هو المرحلة التي تسبق النبل ...
شكرا خليفة ...
|
Post: #11
Title: Re: بدأت مرحلة اللولحة والزقل.. ومن ثم الدردقة والنبل ...
Author: Mohamed Yassin Khalifa
Date: 11-02-2009, 11:45 AM
Parent: #10
شكـرا ليك يا خدر... خدر الله ضراعاتك...
|
Post: #13
Title: Re: بدأت مرحلة اللولحة والزقل.. ومن ثم الدردقة والنبل ...
Author: ود الباوقة
Date: 11-02-2009, 11:58 AM
Parent: #11
لا يلدغ الشعب السوداني من الاحزاب اربعة
مرات ...
|
Post: #14
Title: Re: بدأت مرحلة اللولحة والزقل.. ومن ثم الدردقة والنبل ...
Author: Mohamed Yassin Khalifa
Date: 11-02-2009, 12:02 PM
Parent: #11
يعني يا ودالباوقة ما عندكم وعود ولا برنامج إنتخابي ولا حتى مرشحين
البلد داخلة إنتخابات مغمضة...؟ ولا هي صحيح حا تكون في إنتخابات؟
تعرف في بلدنا دي الناس قاعدين يجهزوا لإنتخابات 2012 من هســع
يعني أوباما من حسي بدا الرجفي... والقصد إنهم جاهزين
لإستمرار العملية الديموقراطية
أها بلدنا السودان محروم 23 سنة من الإنتخابات... ولمن تجي ليها فرصة نقعد نصفق ليها
ولا نقول ياهم ديل المرشحين أعرفوهم كويس عشان تختاروا زلا كويس منهم
ودي إنتخابات هامة وحاسمة... إنشاء الله ما تبقى ذي معسكرات الفريق القومي البيلقطوهو قبال إسبوعين!
أعلنوهم الناس ديل وأدوهم فرصة عشان الناس الباقين تعرفهم...
|
Post: #15
Title: Re: بدأت مرحلة اللولحة والزقل.. ومن ثم الدردقة والنبل ...
Author: ود الباوقة
Date: 11-02-2009, 12:08 PM
Parent: #14
أعلنوهم الناس ديل وأدوهم فرصة عشان الناس الباقين تعرفهم...
اخي خليفة اعتقد ان قوائم المرشحين قد اعلنتوكل حزب يعرف مرشحيه..
يمكنك مراجعة الحزب الذي تنتمي اليه حتى تتطلع على المرشحين ..
|
Post: #16
Title: Re: بدأت مرحلة اللولحة والزقل.. ومن ثم الدردقة والنبل ...
Author: ود الباوقة
Date: 11-02-2009, 12:22 PM
Parent: #15
يا خليفة في امريكا عندكم حزبان وهي طبعا من احزاب ( الشيطان )
وفي السودان حاليا 68 حزب يا كافي البلاء ..
كل اثنين يتشاكلوا يسووا ليهم حزب براهم ..
شفت العظمة دي كيف ..
قال ديمقراطية قال ...
|
Post: #17
Title: Re: بدأت مرحلة اللولحة والزقل.. ومن ثم الدردقة والنبل ...
Author: JAD
Date: 11-02-2009, 03:14 PM
Parent: #16
| Quote: و لو فاز كوز او حرامي واحد تعال عضيني قي اضاني |
سلام يا دكتور..
إنت قنعان من أضنيك ولا شنو؟؟؟
|
Post: #18
Title: Re: بدأت مرحلة اللولحة والزقل.. ومن ثم الدردقة والنبل ...
Author: ود الباوقة
Date: 11-02-2009, 05:22 PM
Parent: #17
| Quote: إنت قنعان من أضنيك ولا شنو؟؟؟ |
اخونا جاد ..
يا زول اضنين شنو ..
ديل من زمن ( ش ك )
يعني بدل تالف وكدا..
|
Post: #19
Title: Re: بدأت مرحلة اللولحة والزقل.. ومن ثم الدردقة والنبل ...
Author: ود الباوقة
Date: 11-02-2009, 06:13 PM
Parent: #18
سنخصص في هذا البوست مساحة لانجازات
الانقاذ وسنأخذ نموذجين ( بالصورة ) لكل انجاز
...
كل ما قامت به الانقاذ خلال العشرين سنة الماضية
من مشاريع تنمية ومشاريع خدمية مساندة لم تكن
حتى وعودا ممن ضيعوا زمننا وزمن البلاد من احزاب
السجم والرماد ....
|
Post: #20
Title: Re: بدأت مرحلة اللولحة والزقل.. ومن ثم الدردقة والنبل ...
Author: عبدالكريم الامين احمد
Date: 11-02-2009, 07:16 PM
Parent: #19
بوست انقاذي جبهجي مزغزغ
|
Post: #21
Title: Re: بدأت مرحلة اللولحة والزقل.. ومن ثم الدردقة والنبل ...
Author: عبدالكريم الامين احمد
Date: 11-02-2009, 07:16 PM
Parent: #19
بوست انقاذي جبهجي مزغزغ
|
Post: #22
Title: Re: بدأت مرحلة اللولحة والزقل.. ومن ثم الدردقة والنبل ...
Author: ود الباوقة
Date: 11-02-2009, 07:42 PM
Parent: #21
والصحيح متزمزغ ...
كيكي عليك الله ما تلفح ..
اها مسؤول من الخير ( سوطك ) ضارب على وين ....
|
Post: #24
Title: Re: بدأت مرحلة اللولحة والزقل.. ومن ثم الدردقة والنبل ...
Author: معاوية عوض الكريم
Date: 11-02-2009, 07:56 PM
Parent: #22
ود الباوقة
ياخ اجدع ليك سبيطة سبيطتين جاى
متابعين القصة .
|
Post: #23
Title: Re: بدأت مرحلة اللولحة والزقل.. ومن ثم الدردقة والنبل ...
Author: Mohamed Yassin Khalifa
Date: 11-02-2009, 07:51 PM
Parent: #19
ولييه ماشي بعيد... إحنا عندنا حزب إسمه حزب (الشيطان)
وديل ناس منظمين وعندهم لبسة خاصة ودور عبادة معترف بيها
وطقوس وحركات روحانية بتقربهم من الشيطان نفسه!
بس ديل لهم دينهم ولنا دين...
ويا أخوي 68 حزب دي حاجة مفيدة علشان نبدأ بيها
والمهم نوصل للغاية وهي الممارسة الديموقراطية والتداول السلمي
ويمكن في يوم من الأيام الأحزاب دي تتصفي لعدد أصغر بس فاعل
ومرة تانية دعني أؤكد ليك لغاية اليوم مافي حزب طرح برنامجه الإنتخابي أو أعلن عن مرشحيه
وأظنك بديت البوست ده بالقول: [[ليست لدينا وعود نقدمها للشعب السوداني فالانقاذ كتاب مفتوح]]
يعني ثقة أكتر من اللازم... ودي جابت لينا بوش دبليو مرتين مع الأسف
ياخي أنا بدعو الأحزاب دي كلها لأن تهتم بهذة الأنتخابات الجات لينا بعد أكتر من قرنين
الديموقراطية بالمناسبة كلمة لاتينية من شقين وتعني حكم الشعب
فخلونا ننتخب... وخلو الشعب يحكم
|
Post: #25
Title: Re: بدأت مرحلة اللولحة والزقل.. ومن ثم الدردقة والنبل ...
Author: ود الباوقة
Date: 11-02-2009, 08:07 PM
Parent: #23
Quote: ولييه ماشي بعيد... إحنا عندنا حزب إسمه حزب (الشيطان)
وديل ناس منظمين وعندهم لبسة خاصة ودور عبادة معترف بيها
وطقوس وحركات روحانية بتقربهم من الشيطان نفسه! |
يعني يا خليفة كدا عندكم ثلاثة احزاب شيطانية ..
Quote: ويا أخوي 68 حزب دي حاجة مفيدة علشان نبدأ بيها
والمهم نوصل للغاية وهي الممارسة الديموقراطية والتداول السلمي
ويمكن في يوم من الأيام الأحزاب دي تتصفي لعدد أصغر بس فاعل |
تتصفى لتصل الى حزبيين رئيسيين والنتيجة فشل في
كل السياسات ونجاح في قسمة الغنائم ..
Quote: الديموقراطية بالمناسبة كلمة لاتينية من شقين وتعني حكم الشعب
فخلونا ننتخب... وخلو الشعب يحكم |
طيب خلاص اتفقنا من تاتي به الانتخابات هو الذي يحكم
بدون طنطنة او شوشرة من احد ..
اذن فلنحتكم جميعا لحكم الشعب ....
شكرا خليفة ...
|
Post: #26
Title: Re: بدأت مرحلة اللولحة والزقل.. ومن ثم الدردقة والنبل ...
Author: ibrahim alnimma
Date: 11-02-2009, 09:35 PM
Parent: #25
Quote: شفت العظمة دي كيف ..
قال ديمقراطية قال ... |
ود الباوقة سلام:
سؤال هل انت ديمقراطي؟؟؟؟ام ان الديمقراطية مازلت تراه رجس من عمل الشيطان ومستوردة ولا تناسب شعبنا
كما كانت تلوكها انقاذ التسعينات؟؟؟؟؟؟واذا كانت الاجبابة بنعم (اتوقعها) لان الانقاذ الله يهديها وتحل عنا قد نجحت في قيادتكم اينما تحب ....وكيفما تري ....انا بجد عاوز اتعلم كيف الواحد بكون
بمليون شخصية في السنة الواحدة ....هل انت قابل بالسقوط؟؟؟؟؟؟ارجو ان تجهز نفسك وتجعلها رياضية بالقبول بالسقوط ولو من قبيل الاحتمال فقط .....
وفي حالة قبولك بالسقوط هل يمكنك ان تلحق بالجهة أو الجهات السياسية الفائزة؟؟؟؟؟
ارجو ان تجيب علي كافة الاسئلة ولك كل ودي الدميقراطي
كما اتمني ان تطالب معنا بتمديد وتحديد اماكن التسجيل ، هذا في حالة انك ديمقراطي وتقبل بان يصوت
كل الشعب لاختيار قيادته الرشيدة وكمان المنعتقة.....وكمان رمز سيادته...
ولك ودي ....
|
Post: #27
Title: Re: بدأت مرحلة اللولحة والزقل.. ومن ثم الدردقة والنبل ...
Author: ود الباوقة
Date: 11-03-2009, 06:43 AM
Parent: #26
Quote: سؤال هل انت ديمقراطي؟؟؟؟ام ان الديمقراطية مازلت تراه رجس من عمل الشيطان ومستوردة ولا تناسب شعبنا
كما كانت تلوكها انقاذ التسعينات؟؟؟؟؟؟واذا كانت الاجبابة بنعم (اتوقعها) لان الانقاذ الله يهديها وتحل عنا قد نجحت في قيادتكم اينما تحب ....وكيفما تري ....انا بجد عاوز اتعلم كيف الواحد بكون
بمليون شخصية في السنة الواحدة ....هل انت قابل بالسقوط؟؟؟؟؟؟ارجو ان تجهز نفسك وتجعلها رياضية بالقبول بالسقوط ولو من قبيل الاحتمال فقط ..... |
اخي ابراهيم ..
الديمقراطية ان كانت على شاكلة ما كان في السودان
سابقا فاني ارفضها جملة وتفصيلا ويرفضها كثيرون غيري
بربك ماذا قدمت لنا. لقد اضاعت وقت وحقوق العباد والبلاد
ومن كانوا قائمين على امرها لا هم لهم سوى توزيع المناصب
والكوتات فيما بينهم .. هذا عهد قد ولى ولا نتمنى عودته
مرة اخرى باذن الله .
|
Post: #28
Title: Re: بدأت مرحلة اللولحة والزقل.. ومن ثم الدردقة والنبل ...
Author: علاء الدين يوسف علي محمد
Date: 11-03-2009, 07:36 AM
Parent: #27
ود الباوقة
سلامات
إنت قايل الناس دي مفرفِرة من الإنتخابات دي ليه
لأنو نتجيتها معروفة
لأنو إختيار الناس معروف و حُسِم
من زمااااااااااااااااااان
حسمتو أشياء كثيرة جداً
نظرة لصفوف العيش زمان و العيش الرّقد هبّطرش هسي
نظرة لصفوف البنزين زمان و الطرمبة الفي كل ناصية هسّة
كان في طربمات زمن الأحزاب و طرمبات راااااااااااااقدة لكن ما لتدوير مُحرِّكات السيارات بل لتدوير البشر و تحويلهم لبهائم و أنعام لنسيان همّهم و غمّهم و زي ما كانوا بقولوا وقتها لضرب الهمْ بالفرح
نظرة لباصات أبو رجيلة و التاتا و جقور البراري زمان و حافلات الروزا و الهايسات و الأمجادات هسّي
و ما بينهما كم هائل من العربات الخاصة
وين كان في موظف بيركب عربِيّة زمن الأحزاب
كانت للمدراء و مدراء الإدارات و أولاد و أحفاد و أصدقاء أولاد و أحفاد نسايب أسيادنا
و ما أكتر أسيادنا وقتها
نظرة للجبايات المفروضة زمان و اللي خلّت مُعظم تجار عهد الأحزاب يتخارجوا
أيام جِبايات الأحزاب وإكراه التِجار على الإفلاس و ما بين التراخيص اللي بتُخفّض للنص هسي و ما بين الإستراحامات و التسويات
نظرة ما بين دهس أبناء أسيادنا لنا زمان بالواطية و ما بين دهس الصحافة حالياً لكل من أراد التشبُّه بهم و فضحه
نظرة للفواكه الما كُنّا بِنشوفة إلا في التلفزيونات (الأبيض و أسود) و ما بين المُشتّتة على أرصِفة الشوارع و إشارات المُرور و مساطِب الأسواق مِمّا لذّ و طاب.
نظرة للكهرباء زمان و هسي
نظرة للفلاليك و البنطونات و قطع المواطن لمسافة تقارب ربع مساحة العاصمة شان يلقى ليهو كبري يعدي بيهو و ما بين الكباري الطائرة هسي
نظرة للبترول الكان حارِن في بطُن الواطة دي و بطون أسيادنا ملانة لمن ما قادرين يقوموا و يبحتوا الواطة دي
نظرة لفلل و قصور أسيادنا و أولادهم و عشيرتهم زمان و ما بين رواكيبنا و كراريقنا و عِششنا و قطاطينا و بيوت جالوصنا زمان
نظرة لملبسنا و مشربنا و مأكلنا و لعمائمهم المُلتفّة حول جمامجِم أسيادنا زمان ، مكرِّبة الراس و الناس في كُربة ، قيمة عمامة الرأس الواحدة تجيب شيلة عريس مِنّنا
نظرة ما بين عباءاتهم الفضفاضة المُطرّزة و عراريقنا الكانت بيضاء فصبغتها الكتّاحات و أترِبة أُم شير فأصبحت بقُدرة قادِر بُنية داكنة أقرب للسواد
نظرة للشوارِع زمان و هسي
نظرة للمصانع زمان و هسي
نظرة للبلد زمان و هسِّي
نظرة مِنّك و نظرة مِنِّي
لُست مُنظّماً كما تعلم
لكن صوتي للبشير
|
Post: #30
Title: Re: بدأت مرحلة اللولحة والزقل.. ومن ثم الدردقة والنبل ...
Author: علاء الدين يوسف علي محمد
Date: 11-03-2009, 08:26 AM
Parent: #28
مُعظم الناس البِتجقلِب من زمن الإنقاذ جات و هسِّي
هُم ياهم الناس الإتكلّمت عنّهم فوق (قلت مُعظم و ليس كل)
أولاد الذوات
ذوات الطائفِيّة
الكان ولد سيد من أسيادنا أو ولد تابِع سيد لأسيادنا أو ولد نسيب سيد من أسيادنا
كللللللللللهم ولدوهم و ملعقة الدهب في خشمم و صعبان عليهم فُراقة و نحن مكدِّبين في صحن البوش و العدس و الفول و الكِسرة و القُرّاصة
كلللللللهم و ِلدوهم السوّاق في البيت و العربِيّة و مُكيّفة زمن بِننخلِع نِحن من صوت مُكيّف الموية لو دوّر قِدّامنا
كلللللللللهم قروا كمبوني و برة السودان زمن نحن بحشوا لينا عيشة بايتة مع بليلة بدل الفول و سلطة أسود أو زلابية
كلللللللهم بلبسوا كانوا الأديداس الجِزم الفاخِرة للمدرسة و نِحن بنلبس التموت تخلِّي و الزيزي
كللللللللللهم كان بجيهم السوّاق قِدّام باب المدرسة يدُق البوري زمن نِحن لمن يكافؤوك مكافأة كبيرة خالص بعد تفوُّق أكاديمي مُتميِّز يجيبو ليك عجلة رالي أو كوبتريد ولو ود ذوات (ذوات شعب ما أسياد) العجلة فونِكس
كللللللللللللهم كانوا بودّوهم بريطانيا و أمريكا للدراسة بينما نبحث نحن عن العلاقات الثقافِيّة و جاي جاي من أهلنا البرّة يعملوا ليك ختّة مُغتربين و نمشي بلاد الهِند و السِند (أبو الرّخا) لأنو الجامعات كانت بالعدد
كللللللللللللل ضُباط الكُلِّيّة الحربية و الشُرطة كانت مِنّهم و توزيع الخرطوم و برّة و تِمامة العدد حطب نرام للأقاليم و الدفسيبات
كللللللللللهم كانوا بيجوا يشتغلوا في أرفع المناصب و أعلاها بينما نِحن نشوف لينا كُشُك أو دُكّان أو هِجرة برّة البلد
كللللللللللللللهم كانوا عِندهم الفيديوهات في بيتم بينما نِحن نمشي نكابِس في سينما النيل الأزرق و وطنية بحري و كوبر (شعبي) و سينما الأحياء الشعبِيّة المُتنقِّلة
كلللللللللللهم كانوا في الأعياد بيجهِّزوا حالم شان يمشوا يقضُّوا إجازة العيد في واحدة من منتجعاتهم الداخلية أو الخارِجِيّة و نحن الواحد كان بفكِّر يلِمّ ليهو شوية قريشات و يلقى عيدية شان يشتري ليهو لبسة على مزاجو أو عجلة و يطلِّع حق السينما و قزازة ببسي و سندوتش طعمية بالجبنة
|
Post: #31
Title: Re: بدأت مرحلة اللولحة والزقل.. ومن ثم الدردقة والنبل ...
Author: علاء الدين يوسف علي محمد
Date: 11-03-2009, 08:32 AM
Parent: #30
أها جات الإنقاذ خلّتنا معاهم سواسية كأسنان المِشط
الكلام دة مااااااااااااااا واقِع ليهم
كيف يقع ليهم و هُم أولاد أسيادنا أصحاب الجِلِد و الرّاس
دايرننا زي زمان تحِتم
و عايزين يستغِلُّوا منو للكلام دة؟
المساكين الجدجد
يغُشُّوهم بترّهاتم عن الديموقرطية و الكلام الفاضي و هُم أصحاب أكبر ديكتاتوريات مرّت على البلد
حنُّوا لأيام زمان
لكن زمان ولّى
و أصحى يا بريش
|
Post: #32
Title: Re: بدأت مرحلة اللولحة والزقل.. ومن ثم الدردقة والنبل ...
Author: علاء الدين يوسف علي محمد
Date: 11-03-2009, 08:38 AM
Parent: #31
لحدت هسي بِتذكّر خالي الله يرحمو و يِحسِن إليهو
لمن كان مدير مالي شركة شل بالسودان و هو أحد خِرّيجي أكسفورد بعدما جدي باع محصول السنة كلها من تمر لي قمِح و من مروي لأكسفورد يا سبحن الله
بتذكّر عوض الجّاز أيّام الأحزاب لمن كان بيجيهو في بيتو في إمتداد ناصر و يخت عِندو جركانة فاضية شان الخال بعد كم يوم يملاها ليهو جاز أو بنزين
و يخت أنبوبة الغاز تقعد قريب أسبوع شان تتملي غاز
و إحتار لمن ألقى إنو دة الراجِل الطلّع لينا البترول و الغاز
و الآن الغاز أنابيب ما لاقية اليشيلا
يا ربي الوقت الكان فيهو عوض الجاز ما لاقي بنزين و جاز و غاز أسيادنا كانوا كيف!!!!!؟
صوتنا لك يا عُمر
|
Post: #34
Title: Re: بدأت مرحلة اللولحة والزقل.. ومن ثم الدردقة والنبل ...
Author: ود الباوقة
Date: 11-03-2009, 08:07 PM
اخي علاء الدين..
نعم صوتنا له ولا نقبل برئيس سواه ...
سير سير يا بشير ..
افتل يا علاء ..
افتل ...
|
Post: #29
Title: Re: بدأت مرحلة اللولحة والزقل.. ومن ثم الدردقة والنبل ...
Author: حمزاوي
Date: 11-03-2009, 07:45 AM
Parent: #27
ود الباوقة اخوي
مسكاقمي
| Quote: ويا طيارة طيري ... |
يا اللخو انت تلميذ في مرحلة الاساس
Quote: هذا عهد قد ولى ولا نتمنى عودته
مرة اخرى باذن الله . |
يعني ايه
|
Post: #33
Title: Re: بدأت مرحلة اللولحة والزقل.. ومن ثم الدردقة والنبل ...
Author: ibrahim alnimma
Date: 11-03-2009, 08:50 AM
Parent: #29
Quote:
الديمقراطية ان كانت على شاكلة ما كان في السودان
سابقا فاني ارفضها جملة وتفصيلا ويرفضها كثيرون غيري
بربك ماذا قدمت لنا. لقد اضاعت وقت وحقوق العباد والبلاد
ومن كانوا قائمين على امرها لا هم لهم سوى توزيع المناصب
والكوتات فيما بينهم .. هذا عهد قد ولى ولا نتمنى عودته
مرة اخرى باذن الله . |
السيد ودالباوقة سلام:
الديمقراطية الكانت في السودان سابقاً دي كانت حرية الكلمة والتظاهر والاختيار (الانتخاب ) مكفولة
ومتاحة بدون حدود تنتقصها، والعالم كله مجمع عليها، لقد تفهمت طلبك ولكن ماشكل الديمقراطيةالتي
ترغب فيها ؟؟؟؟؟هل هي ديمقراطية الغش والكذب وتزوير اصوات الناس ومحاولة تغيبهم؟؟؟؟وجعل خيار التصويت بيد حزب واحد (دعنا من التسمية حتي لا نحرف البوست)؟؟؟ام الديمقراطية التي تعطي جهاز الامن
سلطة فوق القانون؟؟؟؟؟
بعدين ماهي حكاية التوزيع المناصب دي ؟؟؟؟؟الم تري توزيع المناصب والاموال والجاه حتي اصبح المال
دولة بين شيوخ الانقاذ وهو ماعرف بعهد وعصر التمكين؟.
|
Post: #35
Title: Re: بدأت مرحلة اللولحة والزقل.. ومن ثم الدردقة والنبل ...
Author: الصادق اسماعيل
Date: 11-03-2009, 09:07 PM
Parent: #33
يا جماعة إنتو جادين بتناقشوا في ود الباوقة
السودان بتاع الإنقاذ دا كا ن فيهو خير كان ود الباوقة طفش وإغترب.
قوم لف
|
Post: #36
Title: Re: بدأت مرحلة اللولحة والزقل.. ومن ثم الدردقة والنبل ...
Author: محمد فرح
Date: 11-04-2009, 08:46 AM
Parent: #35
يا باوقة يا صديقي
واصل ما تقيف
ونديك خبر خبرين...
الاول..
من صحيفة "التيار"
طرح د. عوض الجاز الموازنة العامة للدولة للعام المالي 2010 م أمام البرلمان..الارقام:
بلغت تقديرات الموازنة العامة للدولة للعام (2010) 23705.2 مليون جنيه بنسبة نمو قدرها 29% عن ايرادات عن ايرادات 2009 منها 10522.2 مليون جنيه ايرادات بترولية ومبلغ 11213.8 ايرادات غير بترولية. وتقديرات الاتفاق العام 32 مليار جنيه للاتفاق الجاري للمركز والولايات و10.6 مليار جنيه للتنمية الاتحادية والولائية. وأوضح عوض أحمد الجاز وزير المالية والاقتصاد الوطني في خطابه أمام البرلمان أمس أن ابرز ملامح اهداف الموازنة الجديدة زيادة معدل ايرادات نمو الايرادات غير البترولية بصورة واقعية.
مؤنة كافية من الود
|
Post: #37
Title: Re: بدأت مرحلة اللولحة والزقل.. ومن ثم الدردقة والنبل ...
Author: ود الباوقة
Date: 11-04-2009, 12:50 PM
Parent: #36
Quote: طرح د. عوض الجاز الموازنة العامة للدولة للعام المالي 2010 م أمام البرلمان..الارقام:
بلغت تقديرات الموازنة العامة للدولة للعام (2010) 23705.2 مليون جنيه بنسبة نمو قدرها 29% عن ايرادات عن ايرادات 2009 منها 10522.2 مليون جنيه ايرادات بترولية ومبلغ 11213.8 ايرادات غير بترولية. وتقديرات الاتفاق العام 32 مليار جنيه للاتفاق الجاري للمركز والولايات و10.6 مليار جنيه للتنمية الاتحادية والولائية. |
اخي محمد فرح الكلام تاني بالارقام والاحصائيات
انتهى زمن التخبط والعشوائية .
يريدوننا ان نرجع الى الوراء ولكنهم حالمون وواهمون
مؤونة عام بطول طريق التحدي .
اضف اليه طريق عطبرة ابوحمد بورتسودان ...
كع ....
|
Post: #38
Title: Re: بدأت مرحلة اللولحة والزقل.. ومن ثم الدردقة والنبل ...
Author: Alshafea Ibrahim
Date: 11-04-2009, 02:07 PM
Parent: #37
تحياتي ياودالباوقة
منكم نقتبس الآتي :
اخي ابراهيم ..
[U]الديمقراطية ان كانت على شاكلة ما كان في السودان
سابقا فاني ارفضها جملة وتفصيلا ويرفضها كثيرون غيري
بربك ماذا قدمت لنا. لقد اضاعت وقت وحقوق العباد والبلاد
ومن كانوا قائمين على امرها لا هم لهم سوى توزيع المناصب
والكوتات فيما بينهم .. هذا عهد قد ولى ولا نتمنى عودته
مرة اخرى باذن الله .
واقول لك أنتم من ضيعتم البلاد وحقوق العباد حتى صرنا نبكي بكاء فاقد الأبوين اليتيم . ألا تستحون ؟ ماذا قدم هذا الكاذب الضال المضل رئيسكم وزمرته ؟ جوال العيش الآن ب 155 ألف ، السكر كذلك ، الويكة الشوال ب 450 ألف ، كل تلميذ معاه كرسي وطاولة ألفين لزوم التباشير ومستلزمات المدرسة ، لا صحة ، ولا عافية ، ابناؤكم يدرسون بالخارج ويحجون الحج السياحي - هل في الدين يوجد حج سياحي ؟
الجزيرة قررت وحزمت أمرها لطرد كل كلاب اللا وطني وبموجب الانتخابات مش لو زورتوها لو شلتوا الصناديق فارغة لن يفوز أحدهم ...
قال كوتات ..
الشفيع ابراهيم
|
Post: #39
Title: Re: بدأت مرحلة اللولحة والزقل.. ومن ثم الدردقة والنبل ...
Author: ود الباوقة
Date: 11-04-2009, 03:31 PM
Parent: #35
السودان بتاع الإنقاذ دا كا ن فيهو خير كان ود الباوقة طفش وإغترب.
قوم لف
يا اللخو ..
في الرياض وحدها يوجد اكثر من 15.000الف عضوية
للمؤتمر الوطني تضم هذه العضوية افضل الكفاءات
منهم اساتذة في الجامعات السعودية واخرون يديرون
مؤسسات اقتصادية ومالية لها وزنها داخل المملكة
عشان كدن يا اخوي على اليمين شمال دور .
و بدون اي شوشرة
|
|