Post: #1
Title: بدرالدين الامير......... ماهي المقومات الاساسية لامتلاك مزرعة في السودان
Author: لطفي علي لطفي
Date: 10-31-2009, 04:08 PM
بدرالدين و غيره من الرواد ما هي الاجابة علي هذا السؤال؟
|
Post: #2
Title: Re: بدرالدين الامير......... ماهي المقومات الاساسية لامتلاك مزرعة في السودان
Author: لطفي علي لطفي
Date: 10-31-2009, 04:13 PM
Parent: #1
السؤال موجه للوجيه بدرالدين بالاصاله لانه من اربجي
و اربجي بها عدد لا يستهان به من المزارع و الجنائن
التي تعج بالموالح من يوسفي افندي لهذا السبب احب عمي يوسف لطفي مثل جنينة ود البي
و للاخرين بالحوالة لاهتمامتهم الزراعيه, وبعد ما اسمع الاجابات
سوف اصححها حسب المقرر الذي معي و سوف تمنح النمر و الدرجات علي هذا الاساس
لطفي
|
Post: #3
Title: Re: بدرالدين الامير......... ماهي المقومات الاساسية لامتلاك مزرعة في السودان
Author: عاطف عمر
Date: 10-31-2009, 05:33 PM
Parent: #2
| Quote: بدرالدين الامير......... ماهي المقومات الاساسية لامتلاك مزرعة في السودان |
Quote: السؤال موجه للوجيه بدرالدين بالاصاله لانه من اربجي
و اربجي بها عدد لا يستهان به من المزارع و الجنائن |
Quote: وبعد ما اسمع الاجابات
سوف اصححها حسب المقرر الذي معي و سوف تمنح النمر و الدرجات علي هذا الاساس |
سلامات عمو لطفي
ظننت للوهلة الأولى أن عمنا العزيز لطفي قد فارق دنيا ( المفلسين في الأرض )
وهاهو بعد إقتناء الضروري والإستثماري من العقار والسيارات الفارهة الأمريكي والياباني ، واستكمالاً لمقومات الوجاهة قد فكر في إنشاء المزرعة
لكن
بعض الظن إثم
ما دام الشغلانية سؤال وإجابة وتصحيح وعلامات ودرجات ....
و( يسكوك ) جماعة الصف الأخير ويوسعونك ضرباً لماذا طلعت الأول عليهم
يعني تنظير مثقفاتية
ندخل في عوالمكم
ليس لأننا من المثقفاتية
لكنه عملاُ بمبدأ " التشبه بالرجال فلاح "
ونصحح لك سؤالك زااااتو
مادام يا عمو المبدأ الذي بنيت عليه إختيارك للوجيه بدر الدين الأمير هو ( لانه من اربجي
و اربجي بها عدد لا يستهان به من المزارع و الجنائن ) فكان الحري بك أن تسأله عن
ماهي المقومات الاساسية لامتلاك مزرعة في أربجي ؟؟
و ممكن نضيف ليها
ماهي المقومات الاساسية لامتلاك مزرعة في أربجي وفي الدوحة ؟؟
ذلك لأنه - ومع احترامنا لقدرات الأخ الأمير الكثيرة - لا أظنه ملم بتفاصيل قوانين التملك في
الولايات المتحدة السودانية
والبالغ عددها حسب آخر معلومة لي 26 ولاية
|
Post: #4
Title: Re: بدرالدين الامير......... ماهي المقومات الاساسية لامتلاك مزرعة في السودان
Author: على محمد على بشير
Date: 10-31-2009, 05:39 PM
Parent: #3
| Quote: ماهي المقومات الاساسية لامتلاك مزرعة في السودان |
الفكه يا عمك
اى الضحاكات !!
|
Post: #5
Title: Re: بدرالدين الامير......... ماهي المقومات الاساسية لامتلاك مزرعة في السودان
Author: عزام حسن فرح
Date: 10-31-2009, 06:29 PM
Parent: #4
أكان ما عِندك طُرمبه شغالة بِالطاقة الشمسِية ، حرم عِلا تزرع بنقو علشان يِخارِج معاك ... الديزِل ونقلو ومشاكِل اللِستر وشكلو ، بتخليك تجلي عديييل كِده ... وبعدين بدرالدين شنو البعرِف ليك في الزِراعة ... هو السكن أربجي خلاص يعني بِصبِح خبير ... بِالله هو بلا تناديهو قادينا قد ... هسِع يجي ناطي ويِحدِثنا عن العُروة الصيفية والشتوِية وكيفية إدخال دَورة الحيوان في العملِية ... حرم في النِهاية عِلا يطرشِق ليك الهمبوكه ومِحل قبل ما تعرِف ... بدرالدين عامِل عربي وساكِن في أربجي الإسما بِلغة العجم " عرب جو " كدي أكانو ينجِرو ليهُم إسم في أُسوم العرب لِحِلتُم دي في التبادي ...
|
Post: #6
Title: Re: بدرالدين الامير......... ماهي المقومات الاساسية لامتلاك مزرعة في السودان
Author: Nasr
Date: 11-01-2009, 00:49 AM
Parent: #5
أقول ليك ما يقوله أهل السودان
لو داير تعمل مزرعة وتساككها كدا لامن تثمر, داير
مال قارون
صبر أيوب
وعمر نوح
وقرط علي كدا
|
Post: #7
Title: Re: بدرالدين الامير......... ماهي المقومات الاساسية لامتلاك مزرعة في السودان
Author: حماد الطاهر عبدالله
Date: 11-01-2009, 06:19 AM
Parent: #6
بصراحة أنا مستعجب!
يعني ال ما زرع في ( عرب جو) معناه لم يزرع ولا كيف؟؟؟؟
يا عمك
أدينا أمن .... ونديك مزرعة مجانا في دارفور....... بلا دموع ولا دماء ولا فلوس.
|
Post: #8
Title: Re: بدرالدين الامير......... ماهي المقومات الاساسية لامتلاك مزرعة في السودان
Author: لطفي علي لطفي
Date: 11-01-2009, 07:08 PM
Parent: #7
| Quote: ظننت للوهلة الأولى أن عمنا العزيز لطفي قد فارق دنيا ( المفلسين في الأرض ) |
الاخ عاطف عمر
تحياتي و اشواقي لك
هذا هو بيت القصيد و فعلا اقتني مزرعة و فلست بيهو
الاجابة جات من نصر و للموضوع قصة بجيك لقدام
لطفي
|
Post: #9
Title: Re: بدرالدين الامير......... ماهي المقومات الاساسية لامتلاك مزرعة في السودان
Author: لطفي علي لطفي
Date: 11-01-2009, 07:10 PM
Parent: #8
Quote: الفكه يا عمك
اى الضحاكات !! |
الاخ علي محمد علي بشير
سعيد بمداخلتك
لكن في السودان الفكة ظاتها ما بتحلك, الا ايكون عند المقومات التلاته التي ذكرها الاخ نصر
لطفي
|
Post: #10
Title: Re: بدرالدين الامير......... ماهي المقومات الاساسية لامتلاك مزرعة في السودان
Author: لطفي علي لطفي
Date: 11-01-2009, 07:13 PM
Parent: #9
Quote: أقول ليك ما يقوله أهل السودان
لو داير تعمل مزرعة وتساككها كدا لامن تثمر, داير
مال قارون
صبر أيوب
وعمر نوح
وقرط علي كدا |
الاخ نصر 100/100
تسلم علي المرور الاجابة الصحيحة لكن اتيت الي نهاية البوست سريعا كنا دايرين نقزقز بالجماعة, الحمدلله الاجابة ما كانت مشروطة بدفع و لا غيره.
لطفي
|
Post: #11
Title: Re: بدرالدين الامير......... ماهي المقومات الاساسية لامتلاك مزرعة في السودان
Author: لطفي علي لطفي
Date: 11-01-2009, 07:23 PM
Parent: #10
| Quote: أكان ما عِندك طُرمبه شغالة بِالطاقة الشمسِية ، حرم عِلا تزرع بنقو علشان يِخارِج معاك ... الديزِل ونقلو ومشاكِل اللِستر وشكلو ، بتخليك تجلي عديييل كِده ... وبعدين بدرالدين شنو البعرِف ليك في الزِراعة ... هو السكن أربجي خلاص يعني بِصبِح خبير ... بِالله هو بلا تناديهو قادينا قد ... هسِع يجي ناطي ويِحدِثنا عن العُروة الصيفية والشتوِية وكيفية إدخال دَورة الحيوان في العملِية ... حرم في النِهاية عِلا يطرشِق ليك الهمبوكه ومِحل قبل ما تعرِف ... بدرالدين عامِل عربي وساكِن في أربجي الإسما بِلغة العجم " عرب جو " كدي أكانو ينجِرو ليهُم إسم في أُسوم العرب لِحِلتُم دي في التبادي ... |
الاخ عزام تشكر علي المرور و التعليق الطريف
لكن طاقة شمسية شنو امشي للجاز اديك جاز, اما موضوع صديقي بدرالدين انا عارف ما عندو مؤهلات الزراعه لا مطرية و لا بحرية و لا ابارية و لاغيرو بس للموضوع قصية اربجية
اما موضوع اربجي (عرب جو)
الاستاذ محمود الف كتابين في اربجي تعلموا كيف تصلون و الثورة الثقافية
في غلاف الكتاب من وراء مكتوب السعر و الشهر و منطقة اعداد الكتاب
مايو - اربجي - 15 قرش
في حملة بيع الكتب الوالد كان بيوزع و معه احد الجمهوريين من الشرق
احد المناقشين قال ليهو و الله محمود محمد طه ده حيرنا كلو شئ عندو غريب و جديج
الصلاة تقليد و اصاله الاسلام اسلامان, و امسك الكتاب عشان يشوف سعره بي وراء, و بشرعة شديده حد ما قلت ليك اسع جايب ليهو شهر جديد اسمو اربجي, فضحكوأ, و بعد ان ذهب الوالد التفت لعم محمد ادروب اوهاج قال ليهو و الله اسع لو كان قلت ليهو اسمك ده اكان الموضوع كلو يكون جديد في جديد
سلامي تاني
لطفي
|
Post: #12
Title: Re: بدرالدين الامير......... ماهي المقومات الاساسية لامتلاك مزرعة في السودان
Author: لطفي علي لطفي
Date: 11-01-2009, 07:31 PM
Parent: #11
Quote: بصراحة أنا مستعجب!
يعني ال ما زرع في ( عرب جو) معناه لم يزرع ولا كيف؟؟؟؟
يا عمك
أدينا أمن .... ونديك مزرعة مجانا في دارفور....... بلا دموع ولا دماء ولا فلوس. |
الاخ حماد الطاهر
اشكرك كثيرا علي هذا التعليق و كلنا نبحث عن الامن في انفسنا لتغرزه من حولنا, ولكن هذه الكلاب و الزئاب الجائعة لم يشبعوا بعد في الازلال, تعرف الامريكان مهتمين بامر دارفور اكثر مننا, اكتشفت علي مرمي حجر من سكننا ان هنالك منظمة كاملة مهتمة بامر دارفور و نحن لا هم لنا في مسالة دارفور يجمعون في التبرعات و لا احد مننا مد يد العون لهم, مسالة مؤلمة و الله, بنت اختي مريم امين صديق سالتها احد صديقاتها الامريكية عن مشكلة دارفور, حتي ذلك الحين لم تسمع بدارفور, جاءت سألت امها عن المشكلة, فبحثت الام لتجد رد و اخبرتها عن المعانة و التطهير الذي تم و مازال يتم, و خرجت البنت و صديقاتها في اضراب مع عدد كبير من الطلبة و قضوا ليلهم في مدينة اخري هيوستين و افترشوا العراء تضامنا مع اهلنا في دارفور
لقد هيجتني
لطفي
|
Post: #13
Title: Re: بدرالدين الامير......... ماهي المقومات الاساسية لامتلاك مزرعة في السودان
Author: لطفي علي لطفي
Date: 11-03-2009, 01:33 AM
Parent: #12
اين الهارب بدرالدين
|
|