Post: #1
Title: ظاهرة زواج البنات الصغار لرجال كبار في السن .............
Author: Dr.Saeed Zakarya Saeed
Date: 10-30-2009, 12:26 PM
والعكس ظاهرة زواج الشبان الصغار لنساء كبيرات في السن ايهما افضل....
|
Post: #2
Title: Re: ظاهرة زواج البنات الصغار لرجال كبار في السن .............
Author: Dr.Saeed Zakarya Saeed
Date: 10-30-2009, 12:43 PM
Parent: #1
...هل هو شئ ملفت ان نشاهد رجل عجوز مع صبية صغيرة
تقطر جمالا تظنها ابنته تجدها زوجته......
وتري شابا يافعا مع سيدة كبيرة حبة في العمر
تظنها خالته تجدها زوجته....
من الناحية السيكولوجية ساحلل لكم الحالتين
وترجيح ايهما افضل وانجح وفقا لحالات حقيقية حولي......
|
Post: #3
Title: Re: ظاهرة زواج البنات الصغار لرجال كبار في السن .............
Author: Dr.Saeed Zakarya Saeed
Date: 10-30-2009, 12:56 PM
Parent: #2
اولا توجد حالات اتبنت علي اعجاب وحب دون وجود
اطماع داخلية تتدارسا زواجيهم واتماه بقناعات
راسخة ناجحة يعيشا حياة سعيدة الان....
|
Post: #4
Title: Re: ظاهرة زواج البنات الصغار لرجال كبار في السن .............
Author: motaz
Date: 10-30-2009, 03:20 PM
Parent: #3
منتظرين التحليل يا دكتور
وفي رأيي أن زواج البنت الصغيرة من رجل كبير يكون من باب المصلحة
وزواج الشاب من إمراأة كبيرة،، قد يكون فيه بعض من الحب
طبعا الكلام من ناحية البنت الصغيرة والشاب الصغير
وننتظر تحليلك بالنسبة للرجل والمرأة الكبيرين ونظرتهم للزواج من الأصغر منهم
وفي الإنتظار
|
Post: #5
Title: Re: ظاهرة زواج البنات الصغار لرجال كبار في السن .............
Author: Ahmed Elsharif
Date: 10-30-2009, 04:12 PM
Parent: #4
احيلك الى هذه الدراسة التي قامت بها احدى مراكز الابحاث عن فرق السن بين الرجل والمرأة ودوره فى استقرار الزواج. ويبدو من خلال الدراسة انه اذا كان الرجل يكبر المراة بخمس سنوات فاكثر فان الزواج يكون في الغالب اكثر استقراراً. هناك الكثير ممن تزوجو مع فارق كبير فى السن وعاشوا حياة زوجية جيدة. اعتقد الامر مرتبط بالحالة الصحية والنفسية والعقلية لكل طرف وتقبله للامر. واحسبها عادة قديمة وليست شئ مستجد.
رابط المقال:
http://news.bbc.co.uk/2/hi/health/8325579.stm
|
Post: #10
Title: Re: ظاهرة زواج البنات الصغار لرجال كبار في السن .............
Author: Dr.Saeed Zakarya Saeed
Date: 10-31-2009, 01:04 PM
Parent: #5
اخي Ahmed Elsharif
طلتك بهية فعلا دي احصائية معتمدة فرق العمر بين
الرجل والمراة مهم مثل التباين في المهنة...
وفرق خمسة سنوات دي بسيطة ما اعنيه هو انو
البت تتزوج ليها واحد ذي عمر ابوها...
والولد يتزوج واحدة بمثابة خالته هذا هو موضوع البوست...
|
Post: #6
Title: Re: ظاهرة زواج البنات الصغار لرجال كبار في السن .............
Author: Dr.Saeed Zakarya Saeed
Date: 10-30-2009, 05:06 PM
Parent: #4
Author: motaz
welcome
تسلم ع المرور
| Quote: وفي رأيي أن زواج البنت الصغيرة من رجل كبير يكون من باب المصلحة |
زواج البنت الصغيرة من الرجل المسن او من في عمر ابيها غالبا مايكون للمصلحة او تكون الفتاة الصغيرة تبحث عن رجل ذوخبرة في الحياة راجل مرة... اوشيخ عزابة.....البحث عن المال وتامين المستقبل بصورة انتهازية هي من اولويات الفتاة الصغيرة ان كانت ذات مصلحة....فعندماينقل الرجل المسن الي المستشفي لعدم اتباعه النظام الغذائي او تناوله الحبة المقوية اياها فيسقط يرتفع كل شئ في دمه تكون فتاتنا الصغيرة قد ملكت الذهب والمال حتي البيت ثم تبحث عن الطلاق هي عايزة راعية مش فاضية لترعي رجل عاجوز غير قادر علي شئ......
|
Post: #7
Title: Re: ظاهرة زواج البنات الصغار لرجال كبار في السن .............
Author: ذواليد سليمان مصطفى
Date: 10-30-2009, 10:09 PM
Parent: #6
*البنت الصغير قد تكون اكثر اثارة فى المفاتن بالنسبة للرجل الكبير فى السن
بينما الرجل المسن قد يكون فى طور المراهقة اي مراهقة الكبر
وينتابه السعادة والملاطفة الروحية الذي افتقده من زوجته الاولي
*البنت الكبيرة من الرجل الصغير قد تكتسب احاسيس جديدة لما فقده من الحنان والعاطفة التى ضاعت من عمرها
والبنت الكبيرة عندما تتزوج لرجل صغير فتزداد اكثر جمالا واناقة
وبل تساعد فى ترتيب البيت الداخلي للحياة الزوجية
والله اعلم........
|
Post: #8
Title: Re: ظاهرة زواج البنات الصغار لرجال كبار في السن .............
Author: Tragie Mustafa
Date: 10-31-2009, 07:11 AM
Parent: #7
د.سعيد
سلامات....
كدي ورينا رايك انت؟؟؟
معروف الرجال طول عمرهم بيفتكروا الصغره في عمر النساء مكسب
وجتمعنا التعيس قبل بالفكره دي سنين.
رغم انه نجاح الحياة الجنسيه وهي عصب الزواج يفترض يعتمد على قدرات الرجل
والتي في الغالب كما قلت بتكون قلة ويقوم يتشوبر ونبقى في فياغرا
وبعد شويه طب سكت ومات!!
السيده لو تزوجت شاب اصغر منها مافي زول بيموت!
الشرقين اوهموا نسائهم بمفهوم سن اليأس
في الغرب هنا لقينا لافي سن ياس ولا يحزنون
النساء مقبلات علي الحياة وسعيدات بل يقال اكثر شبقا بعد ال 40!
يعني غشيتوا امهاتنا وحبوبتنا ساي
الا نحن جيلنا ده تلقوها عند الغافله!
طبعا النموذجي تقارب السن....
لكن للضروه احكام.
بعدين في عدد من الطليعيات
والطليعات هن السابقات لجيلهن في الفهم
ديل مساكين اكيد ما يحنفعوا معاهم الا رجال اصغر سنا منهن لانه
رجال جليهم بكونوا ما وصولوا لفهمهم وقتها!
اعرف سودانيات كثر رائعات لم يتزوجن لليوم و السبب لم يجدوا الرجل الذي يمكن
ان يعيشوا معه ويحموا افكار متشابهه!!بينما يجدوا معجبين كثر اصغر سنا منهن
وهن رافضات وخائفات من كلام الناس!
والسبب انه فعلا الزواج لسه عندنا ما علاقة بين اثنين
بل علاقه بين اسرتين وربما قبيلتين!!
فهي لن تتحمل تعليقات اسرة زوجها بانها اكبر منه!!
فمروض نطلع من الحته دي
واي اثنين حبوا بعض هم احرار
الحب و التفاهم و االحترام اهم مقمومات النجاح.
اكرر الحب الحقيقي
وده براهوا شرحه عايز مجلدات.
|
Post: #9
Title: Re: ظاهرة زواج البنات الصغار لرجال كبار في السن .............
Author: عثمان جلال الدين
Date: 10-31-2009, 12:09 PM
Parent: #8
Quote: اعرف سودانيات كثر رائعات لم يتزوجن لليوم و السبب
|
السبب الرئيسي هو الجندرة
كايسين مشاكل
Quote: فمروض نطلع من الحته دي
واي اثنين حبوا بعض هم احرار
. |
100 % بس ده ما بمنع النقاش عشان نعرف رأسنا من كرعينا..
احتراماتي
|
Post: #11
Title: Re: ظاهرة زواج البنات الصغار لرجال كبار في السن .............
Author: مريم عبد الله
Date: 10-31-2009, 04:07 PM
Parent: #9
التحيه ليك يا دكتور
في اعتقادي الشخصي المجتمع والمورثات التقافيه بتلعب دور كبير فتمجيد كبير السن ( الكبير بيدلع والصغير بيخلع ) ( الكبير بيجيه والصغير بيجهجه )
بالاضافه الى ان بعض من يتزوجون بمن هم اكبر منهم او منهن بيكون كتعويض عن دور الاب لدى البنات او الام لدى الشباب
بالاضافه الى العامل الاقتصادي ان الشاب لازم يكون جاهز ماديا للزواج ولكل النفقات تجعل الشباب لا يتزوج في سن مناسبه وعندما ياتي لكي يرتبط يكون في الاربيعيات او نهايه الثلاثين
وما ممكن يرتبط ببنت في عمره فبياخد بت اصغر منه بعشرة سنوات على الاقل لو ما كان اكتر من كده
بالنسبه للشباب البيتزوجوا ستات اكبر منهم اظن العامل الاقتصادي مهم فالاكبر منه جاهزة ماديا وتكون على اقل تقدير هي من تكفلت بكل النفقات
بالنسبه لي ما بافضل ان يكون الفرق كبير بين الازواج يعني ما يتعدى ال6 سنوات بيناتهم عشان يكبروا مع بعضهم
|
Post: #12
Title: Re: ظاهرة زواج البنات الصغار لرجال كبار في السن .............
Author: Dr.Mohammed Ali Elmusharaf
Date: 10-31-2009, 08:09 PM
Parent: #11
سلام يادكتور سعيد
تحياتي واحترامي
تعرف الموضوع كان طلع من حتة الماديات بكون ما فيهو مشكلة
يعني بالعرب كدة يكون في تقارب اجتماعي بين الطرفين عشان ما يدخل الوسواس الخناس بين الناس
والله يسلم الجميع من واحد للقلب وواحد للصرف
معزتي
|
Post: #13
Title: Re: ظاهرة زواج البنات الصغار لرجال كبار في السن .............
Author: ذواليد سليمان مصطفى
Date: 11-01-2009, 02:23 AM
Parent: #12
.
|
Post: #25
Title: Re: ظاهرة زواج البنات الصغار لرجال كبار في السن .............
Author: Dr.Saeed Zakarya Saeed
Date: 12-09-2009, 09:55 AM
Parent: #12
Dr.Mohammed Ali Elmusharaf
...شخصيا...منور ياباشا....
| Quote: والله يسلم الجميع من واحد للقلب وواحد للصرف |
|
Post: #24
Title: Re: ظاهرة زواج البنات الصغار لرجال كبار في السن .............
Author: Dr.Saeed Zakarya Saeed
Date: 12-08-2009, 02:46 PM
Parent: #11
| Quote: في اعتقادي الشخصي المجتمع والمورثات التقافيه بتلعب دور كبير |
الاخت مريم....تحية مباركة.... صحي الموروثات والتقاليد هي التي تدفع بالبنت الصغيرة لزواج راجل كبير بتقديم المغريات لهذا الزواج....وتحفيزها له علي اساس انه الافضل....
| Quote: بالاضافه الى العامل الاقتصادي ان الشاب لازم يكون جاهز ماديا للزواج.... |
....دائما او غالبا عند زواج الشاب لفتاة تكبره من العمر او مطلقة تكون المراة قدمت تنازلات وتضحيات
لاتمامه...
| Quote: بالنسبه لي ما بافضل ان يكون الفرق كبير بين الازواج يعني ما يتعدى ال6 سنوات بيناتهم عشان يكبروا مع بعضهم |
|
Post: #22
Title: Re: ظاهرة زواج البنات الصغار لرجال كبار في السن .............
Author: Dr.Saeed Zakarya Saeed
Date: 12-06-2009, 10:35 AM
Parent: #9
| Quote: Quote: اعرف سودانيات كثر رائعات لم يتزوجن لليوم و السبب |
عثمان جلال الدين....
سلام من الاعماق.....جندرة شنو ياراجل....يقولوا البنات بايرات تقول مسترجلات......عملوا الزواج الجماعي...وزواج الايثار...وزواج المسيار.....وبرضوا لسع بتات حلوات اربعة في اربعة...وبنات ذي السيسبان....ورجال خليهم ...لفليف شعر ساكت...........
|
Post: #16
Title: Re: ظاهرة زواج البنات الصغار لرجال كبار في السن .............
Author: Dr.Saeed Zakarya Saeed
Date: 12-02-2009, 09:37 AM
Parent: #8
اخي محمد ابشر ربنا يحقق امانيك.....ليست هي العقلية الزكورية
هي التي جعلتني استهجن هذه الظاهرة....انا فقط اريد ان اوصل
رسالة بان تدخين البنت يجعل انوثتها في الخانة الزكورية....
|
Post: #17
Title: Re: ظاهرة زواج البنات الصغار لرجال كبار في السن .............
Author: Dr.Saeed Zakarya Saeed
Date: 12-02-2009, 10:03 AM
Parent: #8
| Quote: كدي ورينا رايك انت؟؟؟ |
اختي تراجي...موقفي واضح انا ضد زواج البنات الصغار لمن اكبر منهم سنا......وعندي حالات كثيرة جدا فاشلة......زواج الرجل لمراة ناضجة في الحياة تقدر تفهموا هو المطلوب....زواج الشباب لنساء اكبر منهم هو احلي زواج.....ومايشتغلوا بكلام المحبطين اللي بيقولوا دا توج لسيدة اكبر منه.....كدابيين بيقولوا راجل المراة حلو حلا...........
|
Post: #14
Title: Re: ظاهرة زواج البنات الصغار لرجال كبار في السن .............
Author: Dr.Saeed Zakarya Saeed
Date: 12-01-2009, 09:53 AM
Parent: #7
| Quote: البنت الصغير قد تكون اكثر اثارة فى المفاتن بالنسبة للرجل الكبير فى السن |
اخي ذواليد...كل عام وانت بخير.....اختلف معاك تماما السعادة الزوجبة مبنية علي تقارب
وجهات النظر والاحساس بالحب....يوجد نساء اعمارهن كبيرة ولكنهن اكثر اثارة وجاذبية
....وبنفس احساسك واندفاعك نحو الفتاة الصغيرة فهي ايضا تكون غير مستمتعة
وراضية عن اداء رجل في عمر ابوها.........
واQuote: لبنت الكبيرة عندما تتزوج لرجل صغير فتزداد اكثر جمالا واناقة
وبل تساعد فى ترتيب البيت الداخلي للحياة الزوجية |
.........كلام صاح........
|
Post: #15
Title: Re: ظاهرة زواج البنات الصغار لرجال كبار في السن .............
Author: معتز زيزي
Date: 12-01-2009, 11:08 AM
Parent: #14
ظاهرة (مستحدثة) في المجتمع السوداني
.
.
بيكون فيها (دقسة) كبيرة غايتو ..
يا الراجل (دقس) وسفت ليهو قروشو ... والا البت (دقست) و ابى يموت ليها ..
في كلا الحالتين (الدقسة) واقعة واقعة .....
.
.
|
Post: #19
Title: Re: ظاهرة زواج البنات الصغار لرجال كبار في السن .............
Author: عبدالله كع
Date: 12-02-2009, 10:18 AM
Parent: #15
| Quote: ظاهرة زواج البنات الصغار لرجال كبار في السن |
كل سنه وانت طيب يا دكتور .
عجيب !!
انت عارف يا دكتور لذه حاجه زواج الجلك من السنوغنغ - ليه ؟
( المصلحه )
- عمك الجلك - بستعيد شبابو الضاع في تربيه الاولاد والجري ورا المعايش وقرف الحياة - ودي في حدي زاته حياة جديده
ويتاكد من العدة البني فيه العنكبوت - واهمه حاجه يلقي ليهو موضوع يكمل بيهو باقي ايامو في الدنيا ويتم بيهو ربع الدينو--- النقص ربع!
بالنسبه للسنغنغه :
اكيـــــــــد عينه علي الجراب وعمر الجلك البيقي العقاب
انسي يا دكتور
|
Post: #18
Title: Re: ظاهرة زواج البنات الصغار لرجال كبار في السن .............
Author: انس التوم احمد
Date: 12-02-2009, 10:17 AM
Parent: #1
والله يا دكتور بدون لف ودوران المسالة مسالة (شرتيت)
ده البحكم الشغله
|
Post: #20
Title: Re: ظاهرة زواج البنات الصغار لرجال كبار في السن .............
Author: Saifeldin Gibreel
Date: 12-02-2009, 11:46 AM
Parent: #18
| Quote: اختي تراجي...موقفي واضح انا ضد زواج البنات الصغار لمن اكبر منهم سنا |
سلامات يا دكتور، أن الامر يرجع لعوامل كثيرة اهمها العامل والتأثير الدينى، فلا تنسى أن الرسول تزوج بعائشة ام المؤمنين وهى فى سن التاسعة وتزوج بخدسجة وهى اكبر منه، يعنى المثالين ينطبقان على الرسول الكريم، فأذا اخضعت هذا الامر للسنة والواقع الدينى فهى من السنة وتعتبر شرعية ولا غبار عليها، اما اذا اخضعتها لمعاير الزمن الحالي وما توصلت اليه الانسانية من فهم عميق للعلاقات التى تنشأ بين المرأة والرجل فقد نجد هذا الامر مستحيل بل ومعظم القوانين تحرم زواج القصر وللاسف نجد هذا الامر دومآ مرتبط بالمجتمعات التى تتخز الدين كمنهج تشريع وحياة وحتى هنا فى امريكا نجد طائفة المورمن والذى يكثر تواجدهم فى ولاية يوتا يبيحون زواج القصر بل وتعدد الزوجات ايضآ.
|
Post: #21
Title: Re: ظاهرة زواج البنات الصغار لرجال كبار في السن .............
Author: شمائل النور
Date: 12-02-2009, 01:13 PM
Parent: #20
د.سعيد
تحياتي لكـ والضيوف وكل عام والجميع بخير..
لا شكـ ان المصلحة المادية سيدة الموقف لعدد كبير من الزيجات ، لكن لا يمكن ان نقول انها السبب الوحيد فهناك اسباب اخرى:
- التقارب الفكري: فمثلا تلاحظ ان هناك فتيات صغيرات في السن الا ان طريقة تفكيرهم تسبقهم مرحلة او مرحلتين عمرية ، ودي حاصلة كتير ،
- ضيق الخيارات: وبصراحة وشفافية أكتر دا سبب رئيس ، فشباب اليوم اغلبهم غير مسئول ولا يفكر في الاستقرار بصورة جادة
- قصة حب: وزي ما قالت تراجي حب حقيقي
تراجي ازيكـ وحمدا لله ع سلامة العودة
|
Post: #23
Title: Re: ظاهرة زواج البنات الصغار لرجال كبار في السن .............
Author: محمد عبدالقادر سبيل
Date: 12-06-2009, 01:20 PM
Parent: #21
تراجي شوفي
الما متزوجة تتزوج وبسرعة ( بيض المرا وعمرها محسوب !!) وكذلك نورتها ونضارتها وشبابها
والما متزوج يتزوج وبسرعة ( عمر الذكورة برضو محسوب )
قللوا من سقف الشروط
وانه مما اعرفه من كلام الجاهلية الاولى قول جلجامش:
كل الخبز يا انكيدو وافرح
واضمم الى جناحك زوجتك وولدك
فان الحياة قصيرة والموت يطارد الجميع !
خلوا الشروط المعقدة التي لا بأس بها في ظروف تتيح فرصا واسعة من حيث عدد الراغبين في الزواج منك ومن حيث ما تبقى من سني الشباب والرونق والبهاء
واما في مثل ظروفنا الصعبة هذه
فالاستقرار داخل اسرة تلبي لك - ولو الحد الادنى - من اسباب السكينة وراحة البال نفسيا واجتماعيا وصحيا امر غال ومهم ولا يضحى به الآن
تزوجوا وجربوا واصبروا على الشريك ما استطعتم - كبير صغير متعلم جاهل كويس كعب ومعقول بينعدل - فاذا فشلت المحاولة نهائيا انفصلوا وتزوجوا من جديد وهكذا
لكم امنياتي
ملحوظة :
اقول للدكتور صاحب البوست : لا تغفل نظرية : قدر ظروفك.
_________________
سبحان من زين للناس حب الشهوات ( وجعل بينكم مودة ورحمة )
|
Post: #26
Title: Re: ظاهرة زواج البنات الصغار لرجال كبار في السن .............
Author: Dr.Saeed Zakarya Saeed
Date: 12-14-2009, 11:23 AM
Parent: #23
Quote: الما متزوجة تتزوج وبسرعة ( بيض المرا وعمرها محسوب !!) وكذلك نورتها ونضارتها وشبابها
والما متزوج يتزوج وبسرعة ( عمر الذكورة برضو محسوب )
قللوا من سقف الشروط.... |
محمد عبدالقادر سبيل....
.....كلام مليان.....العمر ضايع......
|
|