Post: #1 Title: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: baha eassa Date: 10-30-2009, 00:07 AM Parent: #0
اليوم الخميس في المهندسين وفي شقة انيقة كن الجميع فرحا طربا مع الغناء والحديث الجميل واللقاء مع جمع في غاية الروعة .. المناسبة كما قلت وداع الاخ الزميل عمار نجم الدين ورفيقة دربه الزميلــة افراح الرائعة .. حيث سيغادران بورداب القاهرة للانضمام الي بورداب استراليا تلك القارة البعيدة في اقاصي الدنيا .. الحضور كان في قمة الروعة وهم ينتشون طربا .. بورداب وغير بورداب وخواجات كانوا في منتهي الاندماج .. .. فالي الصور .. ..
Post: #2 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: baha eassa Date: 10-30-2009, 00:08 AM Parent: #1
عمار وافراح .. ..
Post: #3 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: baha eassa Date: 10-30-2009, 00:25 AM Parent: #2
Post: #4 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: baha eassa Date: 10-30-2009, 00:39 AM Parent: #3
Post: #6 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: Tragie Mustafa Date: 10-30-2009, 00:42 AM Parent: #4
احي يا عمار استراليا البعيده ديك؟؟؟ يا اخي الدنيا دي ليه كده؟؟؟؟
Quote: حيث سيغادران بورداب القاهرة للانضمام الي بورداب استراليا تلك القارة البعيدة في اقاصي الدنيا ..
سلام يا بهاء استراليا بلد سمحه ودافيه الا عمار كنا عايزنه معانا هنا. في الغرب ده.
ربنا يعدل طريقكم يا عمار.
Post: #7 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: baha eassa Date: 10-30-2009, 00:44 AM Parent: #6
تراجي مصطفي .. عودا حميدا .. والف حمد لله علي تشريفك للمنبر .. ومرحب بيكي معانا ..
Post: #44 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: عمار نجم الدين Date: 10-30-2009, 09:54 PM Parent: #6
تراجي حمدلله على السلامة الدنيا بتقرب ليناطالما فيها الناس الزيك ايتها الرئعة اتشوق للقائك
Post: #5 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: Khalid Kodi Date: 10-30-2009, 00:41 AM Parent: #3
الأخ بهاء عيسى، تحياتى.
أمنياتى للأعزاء افراح وعمار برحلة سعيده وبإستقبال حسن فى "وطنهم الجديد" والذى بالتأكيد سيعطيهم بقدر مايقدموا له!
رغم سعادتى بإكمار إجراءاتهم والاستعداد للسفر الا أننى حزين لأن بلدنا تلفظ أبناءها وبناتها المخلصين...
فبئس وطن يدير ظهره لخيرة من يخلصون له...
ويستمر النضال.
Post: #8 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: محمد ادم الحسن Date: 10-30-2009, 00:46 AM Parent: #5
مع السلامة ياأصدقاء ه تشيلوا القاهرة معاكم
كسرة: شالاتكم حلوة لكن.
وتحياتي لك دوما يابهاء البهاء
Post: #11 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: baha eassa Date: 10-30-2009, 00:56 AM Parent: #8
محمد ادم ياراقي .. .. انت متين طلعت ووصلت ودخلت النت .. ماشاء الله .. .. واعتقد انه شالك احلي .. .. قلبتوها غزة ..
Post: #9 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: baha eassa Date: 10-30-2009, 00:47 AM Parent: #5
ياتراجي .. حبيب نورة بيسلم عليكي وقال ليكي لامن اجيكي بعد نهاية الحفلة ..
Post: #12 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: د.نبراس Date: 10-30-2009, 01:02 AM Parent: #9
يا حليلهم .. غايتو يا أستاذ بهاء بقيت متخصص في الأخبار المثيره للشجون ..
بالنسبه لي على الأقل ..
كتر خيرك ..
عمار وأفراح من أصدقاء مقربين محترمين اتشرفت بمعرفتهم في القاهره ..
أفراح انسانه , موهوبه , تستطيع تطويع الصخر لحبها والانحناء لها احتراما ..
تستميلك وداعتها وصوتها يكاد لا يسمع , لا تملك سوى ان تحبها ..
أتمنى ليكم حياه سعيده , واغتراب أتمنى أن لا يطول , يهون ليكم المولى فيه كل قاسي ..
أمتناني ..
Post: #17 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: baha eassa Date: 10-30-2009, 01:21 AM Parent: #12
Post: #83 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: عمار نجم الدين Date: 11-08-2009, 10:57 AM Parent: #12
العزيزة نبراس كم جميل ان تكوني انت الحاضر الغائي في القاهرة اثناء وداعنا ... اتمنى ان نلتقي قريبا ايتها الرئعة التي افتقدتك القاهرة بصفائك... وروعتك ... عاما حزينا من الغياب الحاضر...
Post: #14 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: احمد الدسكو Date: 10-30-2009, 01:07 AM Parent: #9
والفي النص ده اللابس قميص احمر ده دحين ما المذيع ( سعد الدين حسن ) بتاع النيل الازرق ول انا عندي عمى الوان ؟ ههههههههه ما شاء الله يخلق من الشبه تسعين
ورافقتكم السلامة يا حبان ربنا يهنيكم ان شاء الله يا رب العالمين والاداكم بالكوريك يدينا بالجردل يا رب ..
Post: #16 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: baha eassa Date: 10-30-2009, 01:18 AM Parent: #14
Quote: ما شاء الله يخلق من الشبه تسعين
تسعين شنو يا ديسكو دة هو سعد الدين بي نفسه .. والبي شماله حبيب نورة بتاع قناة اون لاين الفضائية ..
Post: #70 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: Tragie Mustafa Date: 11-03-2009, 04:45 AM Parent: #9
يا عمار ونسيت اقول لك
Quote: اتشوق للقائك
وانا ايضا وان مد الله في العمر نلتقي باذن الله
تحياتي لافراح الرائعه.
Post: #10 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: baha eassa Date: 10-30-2009, 00:50 AM Parent: #5
شكرا اخي خالد للمشاركة .. ..
Post: #13 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: baha eassa Date: 10-30-2009, 01:06 AM Parent: #10
الف حمد لله علي السلامة استاذ سعد الدين .. ربنا يكمل الشفاء ..
حملك علي فرفور يا عمار عوض
Post: #15 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: baha eassa Date: 10-30-2009, 01:11 AM Parent: #13
طلال عفيفي يصطاد لقطة اكيد دسمة .. ..
Post: #18 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: baha eassa Date: 10-30-2009, 01:28 AM Parent: #15
نكتفي بهذا القدر من النقل الحي للحفل الساهر .. وربما نعود غدا ..
Post: #19 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: ذواليد سليمان مصطفى Date: 10-30-2009, 04:33 AM Parent: #18
تصحبكم السلامة
رحلة سعيدة بين طيات السحاب
وشكرا اخي وزميلي بهاء عيسي للنقل الحي
ــــــــــــــــــــــــــــــــــــــــــــــــــــــــــــــــــ يا عمار الله مرقك من الامنجية واعداء الوطن
فر بجلدك الى ملذات امنة
نسال الله ان يحفظكما
ونسمع عنك كل خير
تحياتي الخرطوم
Post: #20 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: طلال عفيفي Date: 10-30-2009, 05:56 AM Parent: #18
أفراح وعمار، زوجين من أرفع الناس الذين إلتقيتهم في حياتي، لم أتعرف إليهم طويلاً، لكنهم تركا فيني أثراً عميقاً كما إنهما رفاق في الشعور العميق بالخذلان والخسارة وغياب كل ما طمحنا له أن يكون. ها هما يغادران، ينضمان إلى قافلة تكبر كل يوم من السودانيين المغادرين. ومن نكد الدنيا على الشباب الذين أحبوا بلادهم وعملوا من أجلها أن يغادروها بلا أمل قريب في العودة، لتشرب عرقهم ونداوتهم بلاد أخرى خلف الأفق البعيد. إجتمعنا على غناء بالعود وشوية رقص، لكننا إجتمعنا تلك الليلة على غربتنا، وحزننا الساخن، مذهولين ومدروشين في حلقة شتاتنا المستبد. أتمنى لأفراح وعمار حياة أفضل عن سابقتها، وأتمنى لهما بلاداً تحسن إليهم وتجازيهم بمعروف عن إنسانيتهما وتعوضهم عما مضى خيراً.
عادل عبد العاطي أضفى عادل على أيامي القليلة الماضية نكهة رائقة، ملأني بالونس وساعدني على التخلص من الكثير من جروحي. أتمنى له أحلى الأوقات.
هبه... إبتسامة مشرقة تسرق القلب، من الناس الذين أحس معهم أن ثمة شيء طيب كان هناك في السودان.
رجاء.. بنت لما تشوفا تعرف قدر النجاض الذي تعيسه فينا البلاد، وتتأمل في قدرة وطن على لفظ أحلى ما فيه، فتحزن.
زهرة: حكاية من حكايات الزمان، تجربة إنسانية قوامها العصامية وقدرة الإنسان على المجابهة.. ممرضة سابقة في مستشفيات بحري، وصاحبة مطعم صغير للأكل السوداني بالقاهرة. حكاويها عن الدنيا والأيام فردوس من التجارب.
عمار عوض.. صحفي أريب، عمل بصحيفة الأحداث قبل أن يغادر. قلبه يمور بالأحزان العادية والفقد.
قاسم المهداوي، صاحب القلب الحليب الذي يشرب منه العصفور، أشتر شتارة الدنيا، وعكليت عكلتة العالمين، إبن بلدي الذي عرفته مذ كنت على أعتاب الدنيا.
تاج السر، ومن ذاق عرف (على رأي أبينا محي الدين بن عربي) إنسان فاضل، لا تعرف كيف غاب عن السودان كل هذه السنين.
ود المرضي، فنان ليالينا المطوية في حرير الإغتراب. طاقة من القدرة على إسعاد الناس والحياة..
صلاح المليح، الإنسان الهميم الهمام، طيب المعشر الرقيق الأنيق.. قال لي صديق إنه حين يلاقيه يحس بأنه يلتقي بأمه بتلك الطيبة والوداعة والدفء.. والحق أنه صدق.
أفراح
عمار
Post: #21 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: طلال عفيفي Date: 10-30-2009, 06:15 AM Parent: #20
شكراً أخي بهاء لسماحك لي بمجاورتك في هذا البوست. متجاورين في الحرم بإذن النبي.
دي مجموعة من الصور "الجماعية" زي ما بيسموها:
(الصورة الأخيرة دي إلتقاط ياسر مصطفى)
وربنا يلمنا على خير.. تحياتي من تاني للأخت أفراح وللحبيب عمار ويجعل ليكم في كل خطوة سلامة.
Post: #22 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: محمد سنى دفع الله Date: 10-30-2009, 06:28 AM
الناس الحلوة دايما متجمعين في الفراح افراح وعمار لكم جميل الأماني وعميق المحبة وناس القاهرة سلام الف سلام
Post: #23 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: baha eassa Date: 10-30-2009, 10:18 AM Parent: #22
Quote: صلاح المليح، الإنسان الهميم الهمام، طيب المعشر الرقيق الأنيق.. قال لي صديق إنه حين يلاقيه يحس بأنه يلتقي بأمه بتلك الطيبة والوداعة والدفء.. والحق أنه صدق.
شكرا المبدع طلال .. .. وتشرفنا بمداخلاتك وصورك العجيبة .. وحقيقة صدقت في قولك عن الاخ الطيب صلاح فهو كما قلت فعلا واحساس من قال لك هذا الكلام صادق ومعبر .. ..
Post: #24 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: baha eassa Date: 10-30-2009, 10:22 AM Parent: #23
طلال عفيفي .. ..
انسان يترك في مكان وجوده بسمه كبيرة .. ودهشة اكثر .. .. تبحث عن امثاله فتصاب بالرهق والملل .. ولاتجدهم كثيرا ..
Post: #25 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: دينا خالد Date: 10-30-2009, 11:55 AM Parent: #24
بهاء ازيك
يومكم شكلو ظريف ..
لكن يا طله عادل عبد العاطى فى الصورة دى ما نافسك عديييل كدا ؟ افراح دى زولة عسولة انا حبيتها جد جد .. لكن زمامها دا واقع منها ؟؟ .. ولا هى لابسه حاجه غريبه كدا ؟؟
ـــــــــــــــــــــــــــ
Quote: متجاورين في الحرم بإذن النبي.
ما لقيت لى وشوش كتييييره بتضحك !!
Post: #26 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: baha eassa Date: 10-30-2009, 12:25 PM Parent: #25
Quote: لكن زمامها دا واقع منها ؟؟ .. ولا هى لابسه حاجه غريبه كدا ؟؟
دينا يا اظرف زولة في المنبر .. كيفك تعبتيني بي حكاية زمام دي .. طبعا ماكنت عارف الكلمة دي يعني شنو الا بعد مشاورات .. والحقيقة دي الموضة كدة وما اظن اسمها زمام بعد ماجات تحت شوية من الانف .. المهم السؤال محول لي افراح .. .. .. وعادل عبد العاطي فاضل ليهو في مصر يومين يعني ما منه خوف ..
Post: #27 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: salah almaleeh Date: 10-30-2009, 12:31 PM Parent: #25
شكراً أخي بهاء عيسى على هذا البوست الجميل في ليلة الفرح والحزن
فرح بورداب القاهرة بحياة جديدة وأفضل للزميلين عمار وأفراح
وحزن بورداب القاهرة لفراقهما بعد حضورهما الجميل في سماوات
القاهرة رقم المرارات والظروف القاسية التي إضطرتهما لمغادرة
الوطن .. ربنا يجازي اللي كان السبب ويعجل بزواله الى الأبد والى مزبلة التاريخ
شكراً جزيلا بهاء والمبدع طلال عفيفي على الصور الجميلة التي ستظل ذكرى
جميلة لتلكم الايام الجميلة في قاهرة المعز
شكراً جميلاً لبوراب القاهرة الحلوين لهذا الحضور الأنيق في حضرة عمار وأفراح
شكراً جزيلاً لأصدقاء وأحباب بورداب القاهرة من أبناء جنسنا والأشقاء المصريين والخواجات
وما أنسى بورداب مانشستر كما يحلو لحبيب نورا
ودمتم ودامت أفراحكم يا أجمل الحلوين
Post: #28 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: baha eassa Date: 10-30-2009, 01:38 PM Parent: #27
المليح .. ومهداوي .. وزهرة
Post: #29 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: اناهيد كمال Date: 10-30-2009, 02:37 PM Parent: #28
احباء مصر افراح وعمار التقينا قليلا تمنيت فى عودتى لقياكم طلال...محمد ادم ...عبدو..والمهدواى تحية بعمق الجرح الفينا وربنا اكتب سلامة سعدالدين الحبيب المليح نفتقدك على صفحات الصحف وافراح وعمار لنا لقيا باذن الله
Post: #30 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: سفيان بشير نابرى Date: 10-30-2009, 04:36 PM Parent: #29
يا الله .... يا لبؤس وطن لا يسكن فيه مثل عمار وافراح ويا للحسرتي علي فراقكم يا اصحابي حقاً لا اعرف إن كنت حزين بعدم حضوري أم أني سعيد بعدم هذا الحضور فقط كل ما اعلمه أني بكيت دمعاً حار رغم فرحي لكم بأنكم علي أعتاب حياة جديدة رافقتكم السلامة وابقو عشرة علي بعضكم وإلي للقاء أتمناه قريب يا أجمل الأصحاب
أفراح - عمار ساظل احبكم ذات الحب الذي تعرفونه .
Post: #31 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: عاطف عبدون Date: 10-30-2009, 04:49 PM Parent: #30
شكرا بهاء
وحظاَ سعيداَ
للاعزاء عمار وافراح
Post: #34 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: baha eassa Date: 10-30-2009, 05:14 PM Parent: #31
شكرا عاطف لتشريف البوست
Post: #32 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: مطر قادم Date: 10-30-2009, 04:53 PM Parent: #30
حاقدم اغرب الاسباب لغيابي عن هذا الكرنفال اخطرني الصديق قاسم المهداوي اخطلت الايام وحدث التباس فظنت الخميس جمعة وهذا ماقد كان ارجو لاصدقائي في سفرهم هذا فؤائد السفر الخمس وقديما قال الشاعر سافر فقيرا كالثراء....ومؤجلا كقرنفله ومزيدا من الامنيات وحياة جديدة عامرة نرجوها لكم وفي امان الله
Post: #35 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: baha eassa Date: 10-30-2009, 05:18 PM Parent: #32
Quote: اخطرني الصديق قاسم المهداوي
سالنا عنك اخي مطر .. والان عرفت سبب غيابك وهو المهداوي هو القال ليك يوم الجمعة اكيد؟؟
Post: #38 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: قاسم المهداوى Date: 10-30-2009, 06:38 PM Parent: #35
بهاء عيسى حبيب ألبى ... تكرم عينى
Quote: سالنا عنك اخي مطر .. والان عرفت سبب غيابك وهو المهداوي هو القال ليك يوم الجمعة اكيد؟؟
يا عمك مطر طاشى شبكة وزى عندو فروقات فى الايام فاطى ليهو 24 ساعة ... ولا كــــيف
قاسى
Post: #33 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: رأفت ميلاد Date: 10-30-2009, 04:59 PM Parent: #30
مولد وفاتنا أنا وأخوى الكاشف
كنا بشوية نكون فى المعمة دى
تحيات كميات لبورداب القاهرة الحلوين
Post: #36 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: baha eassa Date: 10-30-2009, 06:14 PM Parent: #33
Quote: مولد وفاتنا أنا وأخوى الكاشف
مولد وبس يارافت؟ فعلا فقدناكم في اللمة الحلوة دي ..
Post: #37 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: قاسم المهداوى Date: 10-30-2009, 06:34 PM Parent: #36
سلااااام وتحايا فى البدء شكرا عميقا لاصحاب الدار ( بدون ذكر اسماء) للاستضافة والشكر موصول للاخ الصديق ياسر المرضى وموصول الشكر للواعد احمد بركات وكل الحضور مكتب اميرا بالشرق الاوسط اصحاب عمار وافراح الضيوف الكرام اجمعين ( ايضا بدزن ذكر اسماء الصور ناطقة ) وموصول الشكر ل ... طلال عفيفى بهاء عيسى والى عمار وافراح نسبق الدمع على الجيوب فى وداع من يعز علينا ان نفارقهم ... (على امل ان نلتق )
قاسم المهداوى
Post: #39 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: baha eassa Date: 10-30-2009, 07:05 PM Parent: #37
الطرب .. .. الطرب
Post: #40 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: قاسم المهداوى Date: 10-30-2009, 07:19 PM Parent: #20
طلال يا صديق (ألوان القوس وطيف قزج )
Quote: قاسم المهداوي، صاحب القلب الحليب الذي يشرب منه العصفور، أشتر شتارة الدنيا، وعكليت عكلتة العالمين، إبن بلدي الذي عرفته مذ كنت على أعتاب الدنيا.
اتدثر خجلا من هذا الاطراء صدقنى .... مفكك داخليا ومشتعل ... غايتو معزرة ولكن : اكرر شكرى وهذا الاطراء
قاسم المهداوى
Post: #41 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: عمار نجم الدين Date: 10-30-2009, 09:36 PM Parent: #40
الاصدقاء والاهل والافراح والاحزان الاتحكروا جوه القلب ووالذين جعلوا من القاهرة وطن لي والعزيزة افراح جميعهم كانوا لنا خير الاهل وخير الوطن في غربتنا ولولاهم لضاع الطريق ... هذا البوست جعلني ابكي فقط وملاء الحزن قلبي فمكتوب علينا ان نغادر من نعزهم دائما في السودان والان في القاهرة اصدقائي واحبابي واخواني يالهم من ناس يحملون الحب والانسانية للجميع قلوب مفتوحة شالتنا واتحكرنا فيها ... اشكرك بهاء عيسى وانت توثق دائما لحظاتنا بجمالها وحزنها وفرحها ... اعياك همّ الوطن حتى ادميت قلبك الكبير ...
تعريجة فرح اليوم وجدت تراجي تضئ سودانيزاونلاين من جديد يالها من عودة
Post: #43 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: كمبورة Date: 10-30-2009, 09:52 PM Parent: #41
افراح وعمار
لكما التحية والتجلة
اتمنى ان يطيب لكما المقام باستراليا
خسارة والف خسارة متل افراح وعمار يبحثون عن وطن
هذا ما جنيناه من حكم الانقاذ
Post: #46 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: حبيب نورة Date: 10-30-2009, 09:57 PM Parent: #41
ما أحلاكم!
شالوا معاي الهم بالجملة !
Post: #47 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: حبيب نورة Date: 10-30-2009, 10:01 PM Parent: #46
برجع ليكم بعد ما تطلع مغسة حزني علي فراقكم...
عندي ليكم شوق كُتُر
عمار أفراح
الجميع
بحبكم
بهاء عيسي طلع باقي الصور المدكنة
وركز لي علي محترفينا و أصحابنا من بورداب مانشستر
Post: #49 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: قاسم المهداوى Date: 10-31-2009, 02:14 AM Parent: #47
Quote: برجع ليكم بعد ما تطلع مغسة حزني علي فراقكم...
عندي ليكم شوق كُتُر
عمار أفراح
الجميع
بحبكم
بهاء عيسي طلع باقي الصور المدكنة
وركز لي علي محترفينا و أصحابنا من بورداب مانشستر
قال برجع ليكم وما رجع .... فى غيبوبة يا ربى ولا الحاصل شنو ؟؟؟؟
قاسى
Post: #67 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: علاء الدين يوسف علي محمد Date: 11-03-2009, 03:26 AM Parent: #41
Quote: الاصدقاء والاهل والافراح والاحزان الاتحكروا جوه القلب ووالذين جعلوا من القاهرة وطن لي والعزيزة افراح جميعهم كانوا لنا خير الاهل وخير الوطن في غربتنا ولولاهم لضاع الطريق ... هذا البوست جعلني ابكي فقط وملاء الحزن قلبي فمكتوب علينا ان نغادر من نعزهم دائما في السودان والان في القاهرة اصدقائي واحبابي واخواني يالهم من ناس يحملون الحب والانسانية للجميع قلوب مفتوحة شالتنا واتحكرنا فيها ... اشكرك بهاء عيسى وانت توثق دائما لحظاتنا بجمالها وحزنها وفرحها ... اعياك همّ الوطن حتى ادميت قلبك الكبير ...
تعريجة فرح اليوم وجدت تراجي تضئ سودانيزاونلاين من جديد يالها من عودة
أقطع دراعي لو دي كتابة عمّار نجم الدين
Post: #82 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: عمار نجم الدين Date: 11-08-2009, 10:48 AM Parent: #20
الاعزاء تحية طيبة الحبيب طلال عفيفي شكرا لك على هذه الكلمات الانيقة التي ولم تضع في القلب غير حبا لك وملات الحلق غصة وحزن على هذا البعد كم هو حزين ان لم نلتقي قبل سنوات ولكن كنك جعلت لك في القلب مكانا كم جميل وفخرا ان تكون انت صديق . كم كنت اتمنى ان ان عمل على ان احمل عنك قليلا من حزنك على الوطن ولكن حزنك اكبر من ان احمله عنك انا او غيري... ولكن عزائي اننا سوف نكون يوما على وطن سعيد طالما ان الوطن فيه امثالك ... اتمنى لقلبك التعافي من الحزن فقط حاول ان تتاقسم احماله مع الاخرين حتى تبقى لنا ايها الرئع. شكرا على الصور الجميلة كم نحن محظوظين بك
Post: #45 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: عمار نجم الدين Date: 10-30-2009, 09:57 PM Parent: #5
خالدالانسان سلامات نفتقدك كثيرا واتمنى ان نلتقي على وطن نبنيه من جديد لاجل نوار
Post: #42 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: عمار نجم الدين Date: 10-30-2009, 09:52 PM Parent: #1
افراح سودانية اصيلة جدّ امراة بقامة الوطن جمل الشيل حبيبة في القلب تؤم للروح تقاسمت معي الحب... الشقاء... وبعض الفرح شكرا لك ان كنت انت ايتها الرئعة
Post: #48 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: Imad Khalifa Date: 10-30-2009, 10:41 PM Parent: #42
الافاضل عمار وافراح اتمني لكما التوفيق والسداد في رحلتكم الجديدة
شكرا بهاء لاشراكنا في حفل الوداع
Post: #50 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: الفاتح سليمان Date: 10-31-2009, 12:46 PM Parent: #48
بالسلامة وحياة موفقين وخالص تمنياتنا لكم ان تكونوا اصيلين كما عرفناكم
Post: #51 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: naeem ali Date: 10-31-2009, 12:49 PM Parent: #50
(أم) الدنيا بلا منازع..
التحايا ... التحايا ...
Post: #52 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: محمد ادم الحسن Date: 10-31-2009, 12:53 PM Parent: #50
وحدوا بينا
والله وحدوا بينا البارحونا ورحوا شالوا من وادينا بهجتوا وافراحوا القليل ياحليهم يا حليل الراحوا
** ** ** ** طال نواك وانا قلبي باكي ليلو صباحو في الضياع والحسرة السنين كم راحوا وراحت الافراح وقلبي عاش لجراحوا ومين يكون لفؤادي روحو زيك وراحوا
** ** ** انا قلبي اتصبر لمن تعب صبارو ونظرة باكية حزينة كان وراها ودارو يوم رحلت وشلتا بهجتو وأنوارو لا ارتويت من عطفو ولا اكتويت بنارو
** ** ** ** للقليب الصادق ... كنت نبعو ودارو وكنت ليه حبيبو وكنت أهلو ودارو فضحنو عيونى وكشفن أسرارو والعيون لو رادو ما بيعرفوا إدارو
مهداوي ركز لي علي العيون لو رادوا دي
تحياتنا وإنشا الله نتلاقي في ساعة حائط
Post: #53 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: محمد ادم الحسن Date: 10-31-2009, 12:54 PM Parent: #50
Post: #54 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: محمد ادم الحسن Date: 10-31-2009, 12:55 PM Parent: #50
Post: #55 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: محمد ادم الحسن Date: 10-31-2009, 12:55 PM Parent: #50
Post: #56 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: قاسم المهداوى Date: 10-31-2009, 02:43 PM Parent: #55
الى عمار افراح
Post: #57 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: ادم عيسى Date: 10-31-2009, 03:07 PM Parent: #56
اهلا الف مرحب بيك حبيبنا
انشاالله يطيب بيك المقام
وشكرا بهاء على هذه الاخبار الجميلة
وتحياتى لكل الاصدقاء بالقاهرة
مع تقديرى
Post: #58 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: احمد محمد الحاج Date: 10-31-2009, 04:01 PM Parent: #57
عمارالدين ذلك الجميل وافراح تلك السيده الفضلي،ياالله ،مااجمل ذلك واقساه،اذكر جيدا ذلك اليوم البعيدشئيا ماحينما جاءنا عمارشهما/ جميلا كعادته، كنا وقتهافي سجن كوبرانا وين ماثيو وبكري يوسف وفكتور واخرين،اذكر انه جاءناذلك النهار ليخبرنا انه سيعقد قرانه اليوم.. وعلي من؟ حبيبته الابديه افراح اذكر كم سعدنا لهماماوسعتنا السعاده في ذ لك المكان وتلك الايام افراح هي الاخري زارتنافي السجن عروسامخضبه بالحناء فاتنه جميله امدتنا بالحياه وبالقوةايضا...ودارت دوره الايام كمافي الغنا و خرجنا من السجن... ودخل هو.. وخرج و...خرجنا جميعا من السودان ..سمعت انهم حاولواان يقتلوه في حادث سير،وقابلت من اخبرني بكل مافعلوه معه داخل المعتقلات ،علمت ذلك فمثل عماراكثر شجاعه من ان يحتمله النظام و لذلك كان يجب ان يغادروالي حين... اتمني لهما ان يعودا ذات يوم.. لاجل ذكريات بعيده حدثت ولاجل اطفال قادمين حالمين لم ياتو بعدوبوطن لم يات كما ظل يغنينا افراح وعمارعلي ايام مؤتمر الطلاب المستقلين تلك... بالمناسبه ياعماراول ماتوصل استراليا ارجو منك الاتصال بالكائن الجميل الذي الذي احبه جدا كاظم ابوبكر..راسلني عشان اديك رقم تلفونوا وبلغ كاظم شكري وتحياتي علي كل اللحظات التي امدني فيها بالامل
Post: #60 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: ذواليد سليمان مصطفى Date: 10-31-2009, 04:26 PM Parent: #58
لكم الشكر الوافر
والتحية القلبية الخالصة
امانينا لك برحبة سعيدة
وحياة زوجية ملئ بالسعادة والابتسامة الروحية
بينكما وستظل افراح قلبا على عمار وعمار نور يضئ الشموع
رافقتكم السلامة
والتحية لكل المشاركين
ندمان على فراقكم وياريد لو كنت حضور يا اخي العزيز
فهكذا السودان تفقد كوادرها
Post: #59 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: حبيب نورة Date: 10-31-2009, 04:07 PM Parent: #57
غايتو حاجة تفتح النفس بورداب القاهرة أحلا ناس يا جدعان ملمومين فوق الخير دايما ياخي جنس بهجة وطرب ومزازيك و غيبوبة واعية و فوضي خلاقة وعلي كمنجات وسط البلد رقصني يا جدع علي واحدة ونص نفس توقيت الحرية و فنزويلا التلاتة إستار ياخي أحبكم و أحب شلة إستيلا و البرابير المجاورة عمار و أفراح ربنا يوفقكم
وناس القاهرة حافظوا علي كمنجاتكم
Post: #63 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: قاسم المهداوى Date: 11-01-2009, 04:28 PM Parent: #59
حبيب نورة يا خى انا عاجبنى الكلام ده ... والفوضى المرتبة
Quote: ومزازيك و غيبوبة واعية و فوضي خلاقة وعلي كمنجات وسط البلد رقصني يا جدع علي واحدة ونص نفس توقيت الحرية و فنزويلا التلاتة إستار ياخي أحبكم و أحب شلة إستيلا و البرابير المجاورة عمار و أفراح ربنا يوفقكم
وناس القاهرة حافظوا علي كمنجاتكم
تعرف وفى الفوضى شوية جمال وابتهاج
قاسى
Post: #61 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: حافظ عبد النبى Date: 10-31-2009, 05:46 PM Parent: #1
الى الاعزاء
عمار افراح
تمنياتنا لكم برحلة سعيدة
وحياة طيبه
حافظ عبدالنبي
Post: #62 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: ناذر محمد الخليفة Date: 10-31-2009, 08:27 PM Parent: #61
سلام يا رافت ..
Quote: مولد وفاتنا أنا وأخوى الكاشف
غايتو يا نحنا مشينا بدري .. يا الناس ديل جو متأخرين ..!!
Post: #64 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: عمر عشاري Date: 11-01-2009, 05:17 PM Parent: #62
Quote: أفراح وعمار، زوجين من أرفع الناس الذين إلتقيتهم في حياتي، لم أتعرف إليهم طويلاً، لكنهم تركا فيني أثراً عميقاً كما إنهما رفاق في الشعور العميق بالخذلان والخسارة وغياب كل ما طمحنا له أن يكون. ها هما يغادران، ينضمان إلى قافلة تكبر كل يوم من السودانيين المغادرين. ومن نكد الدنيا على الشباب الذين أحبوا بلادهم وعملوا من أجلها أن يغادروها بلا أمل قريب في العودة، لتشرب عرقهم ونداوتهم بلاد أخرى خلف الأفق البعيد. إجتمعنا على غناء بالعود وشوية رقص، لكننا إجتمعنا تلك الليلة على غربتنا، وحزننا الساخن، مذهولين ومدروشين في حلقة شتاتنا المستبد. أتمنى لأفراح وعمار حياة أفضل عن سابقتها، وأتمنى لهما بلاداً تحسن إليهم وتجازيهم بمعروف عن إنسانيتهما وتعوضهم عما مضى خيراً.
عمار وأفراح احاسيس غير محددة نفرح ليكم ولا نحزن علي هذا الفراق الفصيح القاهرة تظل دائما تمثل نصف غياب إحساس بالوجود القريب وسهولة اللقاء قارة واحدة علي الأقل
إخترتم ان تتركوا لهؤلاء الناس القارة بكاملها والله ده ظلم شديد
تمنياتي كما تمني لكم طلال ببلاد تحترم آدمية الإنسان عمار والله ماشراد قلبك حار زي الجمرة عارفوا أي زول بعرفك
خليك واثق من عودة الضوء وإن طالت العتمة
أفراح مودتي التي تعلمين أبقو عشرة
Post: #65 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: baha eassa Date: 11-02-2009, 10:50 AM Parent: #64
خواجية في غاية الرقة والجمال .. صح ياحبيب نورة؟
Post: #66 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: حبيب نورة Date: 11-02-2009, 11:18 PM Parent: #65
غادرنا اليوم إلي أستراليا
الأحبة
عمار عوض و أفراح في رحلة تستغرق 18 ساعة طيران
ربنا يوصلهم بالسلامة
Post: #68 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: Tragie Mustafa Date: 11-03-2009, 04:31 AM Parent: #66
Quote: تراجي مصطفي .. عودا حميدا .. والف حمد لله علي تشريفك للمنبر .. ومرحب بيكي معانا ..
شكرا بهاء...والمنبر منور بيكم. وشكرا لاشراكنا في هذا الوداع التاريخي لمناضلين افزاز.
Post: #69 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: Tragie Mustafa Date: 11-03-2009, 04:35 AM Parent: #68
Quote: تراجي حمدلله على السلامة الدنيا بتقرب ليناطالما فيها الناس الزيك ايتها الرئعة اتشوق للقائك
يا عمار وافراح الحلوين
ايام استراليا الاولى لن تكون سهله اتمنى ان يجعل الله في طريقكم سودانين خيرين فالانسان في ايامه الاولى راسه بيضرب وبيحتاج يحكي مع سودانين. ربنا معاكم....وبس رسلوا تلفوناتكم بالماسنجر حنتابع معاكم تحديات الايام الاولى.
قلوبنا معكم الغربه ليست سهله.
ويا افراح ختي لينا عمار ده في عيونك وانت ادرى انه رجل يستحق ويا عمار خت افراح في عيونك وانت تعلم انها امرأه تستحق
وما اوصيكم على بعض ابقوا السند واتحملوا توترات اول ايام الغربه وكل ما تضيق بيكم تذكروا الانقاذ واحمدو ربكم المرقكم منها سالمين تجربة عمار بسجونهم كانت بشعه وقلوبنا اتقطعت عليه ايامها. ربنا يعضوكم.
استراليا حلوه ولكن دفء مشاعركم...وعلاقات القاهره الحلوه ستفتقدونها يحيرني كل من عبر من القاهره لبلاد العالم الاول كيف انهم يفتقدون احلى ايامهم بالقاهره.
وانا اثق انه ليس المكان فقط ولكن المعاناة الحقيقيه البتبقى اختبار لصدق المواقف و الاخوة الحقه.
فلس القاهره وتقاسم ساندوتشات الفول و الفرح بطبق كشري
كلها تظل احلى ذكريات لانها اختلطت بمشاعر حلوه ونقيه وصادقه.
ربنا يهون لكم المنفى الجديد.
Post: #71 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: Tragie Mustafa Date: 11-03-2009, 04:47 AM Parent: #69
يا حبيب نوره الله يسلمك
Quote: ياتراجي .. حبيب نورة بيسلم عليكي وقال ليكي لامن اجيكي بعد نهاية الحفلة ..
منتظرنك يا حبيب نوره.
وشكرا بهاء لنقل الامانه.
Post: #72 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: اسامه خليفه Date: 11-03-2009, 06:37 AM Parent: #71
الي متي يظل ابناء وطني امثال عمار نجم الدين في هذا الشتات ؟؟
عمار وافراح نتمني لكم اقامة طيبة باستراليا ..
شكرا الاخ بهاء عيسي ..
Post: #73 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: baha eassa Date: 11-03-2009, 09:04 PM Parent: #71
Quote: منتظرنك يا حبيب نوره.
وشكرا بهاء لنقل الامانه.
شكرا اختي تراجي لتشريفك البوست ..
Post: #74 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: نادية عثمان Date: 11-03-2009, 09:33 PM Parent: #73
طريق السلامة عمار وأفراح ورحلة موفقة باذن الله
بورداب القاهرة أجدع ناس سلام وتحية
بهاء تحياتي لمحفوظة وأمورتي نادين سمح؟
Post: #75 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: Nazar Yousif Date: 11-03-2009, 10:00 PM Parent: #74
بهاء وبقية العقد الفريد قبل قليل وصلتنى رسالة من الوطن الجديد لكل من عمار وأفراح .... فبعد عاميين من أحداث بدأت بمطار الخرطوم وضاقت فيها أرض المليون بعاشقيها .. " راينا طيرة تاكل فى جناها " ... هل تجوز الرحمة لجلادينا؟؟ .. هل سيلهمنا الله صبر ورحمة الأنبياء ؟؟ رحمك الله يا محى الدين فارس فقد رحلت قبل أن نسمع منك قصيدة عن مخيماتنا. : الليل أوغل لا تنامي الريح أطفأت السراج وقهقهت خلف الخيام و(فراخك) الزغب الصغار تراعشت مثل الحمام وتكومت فوق الحصير تكومت مثل الحطام وفقكم الله عمار وأفراح.
Post: #76 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: طارق جبريل Date: 11-03-2009, 10:19 PM Parent: #75
أيامكم يا ناس القاهرة والله فرحنا للعروسين
تليشة: يا ناس القاهرة عندكم خيار وفقوس يعلم الله وكتين نجي تقوموا تندسوا مننا البركة في سفيان ولدنا
Post: #77 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: قاسم المهداوى Date: 11-04-2009, 04:15 PM Parent: #76
طارق جبريل ايها الصديق الجميل كــــــــــيف انت
Quote: أيامكم يا ناس القاهرة والله فرحنا للعروسين
تليشة: يا ناس القاهرة عندكم خيار وفقوس يعلم الله وكتين نجي تقوموا تندسوا مننا البركة في سفيان ولدنا
يا عمك والله معزرة ... بس تعال انتا والباقى علينا ... وكمان معانا بورداب مانشستر
قاسم
Post: #78 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: ناذر محمد الخليفة Date: 11-04-2009, 06:36 PM Parent: #77
Quote: الأحبة
عمار عوض و أفراح في رحلة تستغرق 18 ساعة طيران
أصحى يا بريش ..!!
Post: #79 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: حبيب نورة Date: 11-05-2009, 06:54 PM Parent: #78
أحلا ناس والنعمة
Post: #80 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: حبيب نورة Date: 11-05-2009, 07:20 PM Parent: #79
بلغني أن الأحبة عمار و أفراح هم الآن بخير و بسلموا عليكم و ما عندهم عوجة غير البلد البتنوم من تسعة دي
نقترح أن نكون رابطة في أستراليا ونطالب بي بورصة في ملبورن و سط البلد
بس ما يكون شارع شريف
Post: #81 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: Gafar Bashir Date: 11-05-2009, 08:06 PM Parent: #80
الأحباء ورفقاء الدرب
عمار نجم الدين افراح
لكم كل الحب والود أينما كنتم علي أمل ان نلتقي مرة أخري بعد ان افترقت الطرق ... سنلتقي مهما بعدت المسافات ...
لكم التحايا وشكرا لصاجب البوست و (الحفل) وحضورهم الكريم
Post: #84 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: Nazar Yousif Date: 11-08-2009, 11:29 AM Parent: #81
الأعز بالله عمار نجم الدين مع اقتراب 32 نوفمبر - الذكرى الثانية - لاعتقالكم الأخير وما تبعه من سجن وتعذيب ومطاردة. أقول" الما قتلك بقويك " ومع وصولكم لمنفاكم الجديد نعلم أنكم ستتسلحون بالعلم لصقل كل المقدرات التى اكتسبتموها فى مضمار العمل العام لتأسيس منهج جديد يشحذ همم الشباب والشرفاء العاملين على التغيير الممنهج عبر تثبيت الحقوق المدنية والقانونية للمواطن / المواطنة حتى لا يفلت كل من أجرم فى حق الوطن والمواطن لنردع كل الطفابيع وكل من حارب الناس بالدين المختطف ... علينا التأكد من وقوفهم أمام قضاء عادل حتى وهم على حافة القبر مع لفطهم اجتماعيا حتى نرى عدالة السماء . أعلم علم اليقين _ وانت قانونى- الى أى مدى يمكنك أن تدفع بهذه الرسالة السامية .
Post: #85 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: حبيب نورة Date: 11-08-2009, 05:24 PM Parent: #84
up
Post: #86 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: قاسم المهداوى Date: 11-08-2009, 07:49 PM Parent: #85
وايضا كذلك
قاسى
Post: #87 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: عمار نجم الدين Date: 11-11-2009, 11:43 AM Parent: #75
العزيز نزار شكرا لك لانك اخونا وصديقنا كم كنت صديقا صدوقا واخا حانيا في احلك الاوقات كنت دائما قريبا مني ومن الاسرة تشدّ من ازرنا . طيلة العامين السابقين لم ينقطع اتصالك عنن اكثر من 72 ساعة وحتى الان ... كم كنت ملاك حارس ورجل وفئ بكل ماتحمل هذه الكلمة من معنى ... لولك ما تجاوزنا كثيرا من الازمات التي مرت بنا ... انت فعلا شلتّ معانا الهم بالجملة كم انا فخور بانني اعرف انسان مثلك ... اثناء اعتقالي لم تنقطع اتصالاتك بالاسرة تطمئنهم وتحث الاخرين كي يتحركوا لاطلاق سراحي من المعتقل ... وقد نجحت في ذلك انت واخرين ما قصروا يوما معي .. اتمنى ان استطعيع ان ارد هذا الجميل وربنا يقدرني على ان افعل جزء قليل من ما فعلته معي لاخرين ... لقد تعلمت منك معنى ان يكون الانسان هميم بوطنه ... بارا به ... متفانيا من اجله ... لايدخر شئيا حيال وطنه وابنائيه... شكرا لك ايها النبيل
Post: #88 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: أفراح عبدالرحيم Date: 11-23-2009, 11:35 AM Parent: #87
عفوا إن أتيت متأخره كنت هنا منذ حين .. واثرت الصمت في حضرة أعز الناس شكراً لكل الأصدقاء والرفاق لا أملك غير الشكر فعذراً
Post: #89 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: أفراح عبدالرحيم Date: 11-23-2009, 11:39 AM Parent: #88
قاسم مهداوي .... صديق الكل ... لم يبق لي طلال شيئا لأقوله عنك شكرا لأنك كنت ضابط الايقاع لحياتنا لوقت طويل ... ستظل صديقا وأكثر ... رغم المنافي . فمن مثلك يتنقلون معنا للأبد
Post: #90 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: أفراح عبدالرحيم Date: 11-23-2009, 11:42 AM Parent: #89
حبيب نوره رغم قصر المده التي تعارفنا فيها ... شكرا انك اعطيت الأيام القليله بعداً أكبر شكرا للظرف وأنا التقينا
Post: #91 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: سامي صلاح محمد Date: 11-23-2009, 11:52 AM Parent: #89
صديقاي الجميلان العصفوران المغردان عمار و أفراح فليطب لكما المقام حيثما شئتما من الأرض و اعلما أنكما حيثما حللتما فمكانكما هو القلب، احتيتما الركن الأصى لا منازع فيه. الوطن = الحلم = الجنة = الحبيب/ة
Post: #92 Title: Re: في حفل وداع الزميل عمار نجم الدين وافراح .. .. كان الفرح معنا :(فرح .. وصور) Author: قاسم المهداوى Date: 11-25-2009, 01:33 AM Parent: #89
افراح عمر فرحوتا يا فرحوتا شكرا نبيلا انك هنا وهذا التواصل ولكن
Quote: قاسم مهداوي .... صديق الكل ... لم يبق لي طلال شيئا لأقوله عنك شكرا لأنك كنت ضابط الايقاع لحياتنا لوقت طويل ... ستظل صديقا وأكثر ... رغم المنافي . فمن مثلك يتنقلون معنا للأبد
كدا اولا كيف انت وتلك الديار اوتعلمى ان المدينة اضحت بلا مبرر والمقهى .... ساكن ينعق فيه البوم والدنيا ... يكتنفها الغموض ... و كل الحاجات تزركشت باللخبطة ..... وفوضى ... غير متناغمة كونى بخير وعافية
