بايدينا نبني بلدنا

الاخو ة في المنبر العام
لكم التحية جميعا
انني من اكثر المتابعين لموقع سودانيزاونلاين مما حدابي للاشتراك فيه مؤخرا واشكرالاخ بكري والاخ محمد عكاشة الذان اتاحا لي هذه الفرصةولهذا اسمحوا لي ان اقدم بعض الملاحظات عن مشاركات الاخوة الاعضاء ابتداءا رغم ان ابداء الرأي حق مكفول للجميع وملاحظاتي هي:
* الخلط بين معارضة نظام الحكم والدولة في كيانها.
* اعادة مايكرره الاعلام الدولي تجاه السودان بصوره السلبية.
* التعرض لرموز السودان التاريخيين والحاضرين بصورة لا تتنايب ومقاماتهم.
* التركيز على المسالب الاجتماعية دون الاشراقات والقيم الفاضلة للسودانيين.
* اثارة الانصرافيات دون الخوض في القضايا الجوهرية للوطن والمواطنين.
* التضليل الاعلامي باشاعة معلومات مغلوطةوالتعامل معها كمسلمات.
* شخصنة بعض المواقف والتجارب الحياتية مما يقلل من موضوعيتها ومصداقيتها.
هذه بعض الملاحظات وهي بالتاكيد لا تعمم على كل من يكتبون ويتداخلون في المنبر فهناك كتابات قيمة من اناس متمرسون على الكتابة ويملكون من المعلومات التاريخية والعلميةمالا نجده في اي موقع اخر؛ ولكن هذه دعوة او تذكرة للأخوة جميعا من ان نجعل هذا المنبر نافذة يطل منها الوجه المشرق للسودان فهو بلد يحتاج منا الكثير ولعل الكثير منا عاشوا في الغربة وعرفوا الطعم الحقيقي للسودان والسودانيين من خلال فقدهم للحياة العفوية السمحة وهم في بلاد الغربة .
ولكم مودتي

ـــ
في البدء أقول أهلاً وسهلاً الاخ محمد بشيرعبادي .

لك التحية اخي عماد الطيب

Quote: تذكرة للأخوة جميعا من ان نجعل هذا المنبر نافذة يطل منها الوجه المشرق للسودان

حبابك الف

مرحبا اخ نعيم علي ونشكرك على الترحيب

مكرر...

مكرر

عبادي يا أخوي
مرحب بيك في حوش بكري
كيفك وكيف التلفزيون علي أيامكم
مالك جاي نازل مسخن كده
ما عايزين نكسر مجاديفك لكن إنت بتنفخ في قربة مخرومة
وباختصار كده لا حياة لمن تنادي
ح تسمع وتشوف العجب بس حضر درقتك (دي النصيحة القالوها لي أول يوم جيت،انا ما طولت هنا)
طبعاً دي ضريبة الحرية ولا تنسى انك في المنبر الحر بكل ما تحمل هذه الكلمة من معنى

باختصار ح انزل ليك هنا آخر مشاركة لي أخونا بكري "صاحب الحوش" وبراك بتفهم الباقي

Quote: الزميلة ميادة ازيك سودانيزاونلاين دوت كم هى عبارة عن قرية او مدينة سودانية مثل الدروشاب او دغيم بس اسفيرية يعنى فى الدروشاب بتجدى العالم,الدكتور,المهندس,المحاسب,صاحب الكارو,بتاع البرسيم, ماسح الاحذية,المجنون و العاقل, الما عندو موضوع,الداير يفك دبرسته,المناضل,العميل, الماجور,البياخذو ماهية من معتمدية الدروشاب لمراقبة المدينة-بتاع الامن ,الجندى و الضابط,الداير يعرس او يجكس,الداير يعلن عن حفلة او ندوة فى المدينة, الغرباوى ...الجنوبى...البجاوى...المساليتى...الخ,الطالب و الخريج و هلم جرا.......... يعنى كل قئات و منظمات المجتمع التى تجديها فى اى حى او مدينة................ لهذا ترحب ادارة سودانيزاونلاين دوت كم بكل الفئات و المنظمات الارضية لتعكس او تنشر نشاطاتها ,اعلاناتها,اخبارها...الخ فى مدينة سودانيزانلاين دوت كم السودانية الاسفيرية و شكرا

مرحب بيك تاني وحللت أهلاً ونزلت سهلاً

الاخ الشفيع وراق
بعد التحية اشكرك على البوست الواقعي جدا ولكن من الواجب علينا اسداء التذكرة حتى ولو لم تجد اذنا صاغية فما على الرسول الا البلاغ وتذكرتي هذي ما هي الا اشفاق على حال البلد التي اراها تتمزق بايدي ابناءهافيا خي نحن ما نستاهل هذا السحل وهذه المرمطة الاعلامية ورسم الصور الشائهة عن بلادنا انا لست مصلحا اجتماعيا ولا داعية او مبشر ولكني مواطن اعيش في بلد اعشقها حتى الثمالة ولا اقبل ما يشوهها حتى ولو باسم الحرية