Post: #1
Title: (السودانية للحقوق-القاهرة) (الجالية السودانية بهولندا) (بيت الفنون) (مركز الخاتم عدلان) !!!!!!
Author: mayada kamal
Date: 10-29-2009, 05:50 PM
ما الغرض من التسجيل والكتابة بتلك الاسماء العامة كالجهات اعلاه وليس اسم شخص معين يكون ناطق باسمها
وما هي حدود المسئولية في الاراء الصادرة عن تلك الجهات الكتابة ومستوى الالزام
انا كفرد في هذا المنبر بتعامل مع الاخر باسم معرف لدي وواضح حتى لو كان اسم الشخص دا اسم كود معين
لكن للان لم استطع ان افهم الغرض من التسجيل بالاسماء العامة كـالذي جاء في عنوان البوست
اذا كان ولا بد انهم يسجلوا بالاسماء دي
فياريت يكون معلوم للجميع اسم شخص المسئول
بدل ما نحن بنحس انو نحن بنتعامل مع شئ مجهول
|
Post: #2
Title: Re: (السودانية للحقوق-القاهرة) (الجالية السودانية بهولندا) (بيت الفنون) (مركز الخاتم عدلان) !!
Author: حيدر حسن ميرغني
Date: 10-29-2009, 06:08 PM
Parent: #1
سلامات ميادة
| Quote: (بيت الفنون) (مركز الخاتم عدلان) |
هذه كيانات معروفة
بكري يعرف طبيعة تكوينها
يقومان بدور ملحوظ ومحل تقدير الكثيرين هنا
|
Post: #3
Title: Re: (السودانية للحقوق-القاهرة) (الجالية السودانية بهولندا) (بيت الفنون) (مركز الخاتم عدلان) !!
Author: بكرى ابوبكر
Date: 10-29-2009, 06:25 PM
Parent: #1
الزميلة ميادة
ازيك
سودانيزاونلاين دوت كم هى عبارة عن قرية او مدينة سودانية مثل الدروشاب او دغيم بس اسفيرية يعنى فى الدروشاب بتجدى العالم,الدكتور,المهندس,المحاسب,صاحب الكارو,بتاع البرسيم, ماسح الاحذية,المجنون و العاقل, الما عندو موضوع,الداير يفك دبرسته,المناضل,العميل, الماجور,البياخذو ماهية من معتمدية الدروشاب لمراقبة المدينة-بتاع الامن ,الجندى و الضابط,الداير يعرس او يجكس,الداير يعلن عن حفلة او ندوة فى المدينة, الغرباوى ...الجنوبى...البجاوى...المساليتى...الخ,الطالب و الخريج و هلم جرا.......... يعنى كل قئات و منظمات المجتمع التى تجديها فى اى حى او مدينة................ لهذا ترحب ادارة سودانيزاونلاين دوت كم بكل الفئات و المنظمات الارضية لتعكس او تنشر نشاطاتها ,اعلاناتها,اخبارها...الخ فى مدينة سودانيزانلاين دوت كم السودانية الاسفيرية
و شكرا
|
Post: #4
Title: Re: (السودانية للحقوق-القاهرة) (الجالية السودانية بهولندا) (بيت الفنون) (مركز الخاتم عدلان) !!
Author: emad altaib
Date: 10-29-2009, 06:37 PM
Parent: #3
ـــ
Quote: الزميلة ميادة
ازيك
سودانيزاونلاين دوت كم هى عبارة عن قرية او مدينة سودانية مثل الدروشاب او دغيم بس اسفيرية يعنى فى الدروشاب بتجدى العالم,الدكتور,المهندس,المحاسب,صاحب الكارو,بتاع البرسيم, ماسح الاحذية,المجنون و العاقل, الما عندو موضوع,الداير يفك دبرسته,المناضل,العميل, الماجور,البياخذو ماهية من معتمدية الدروشاب لمراقبة المدينة-بتاع الامن ,الجندى و الضابط,الداير يعرس او يجكس,الداير يعلن عن حفلة او ندوة فى المدينة, الغرباوى ...الجنوبى...البجاوى...المساليتى...الخ,الطالب و الخريج و هلم جرا.......... يعنى كل قئات و منظمات المجتمع التى تجديها فى اى حى او مدينة................ لهذا ترحب ادارة سودانيزاونلاين دوت كم بكل الفئات و المنظمات الارضية لتعكس او تنشر نشاطاتها ,اعلاناتها,اخبارها...الخ فى مدينة سودانيزانلاين دوت كم السودانية الاسفيرية
و شكرا |
أهايا ميادة جاك بكري زاتو بنفسو
أنتِ مش كتبتي لي الإقتباس ده
أها المرة دي بسوي شنو إذا صورة في البرفايل بخلعك بطيري  ؟!
Quote: تخريمة
انتو حكاية الناس الخاتة صورة بكري ابوبكر في بروفايلها شنو
اسع انا اتخلعت قايلاك بكري |
حلوة والله شكراً علي وزن DONE
|
Post: #6
Title: Re: (السودانية للحقوق-القاهرة) (الجالية السودانية بهولندا) (بيت الفنون) (مركز الخاتم عدلان) !!
Author: mayada kamal
Date: 10-29-2009, 06:56 PM
Parent: #4
والله يا عمدة emad altaib
انا لمن اتخلعت
وجاتني رجفة عديييييييييل
ولمن بقرا مداخلته بي نص قلب ههههه
لالا ازيد شوية
يوم رد لي بي سطر واحد كاااامل
هههههههههههه
|
Post: #5
Title: Re: (السودانية للحقوق-القاهرة) (الجالية السودانية بهولندا) (بيت الفنون) (مركز الخاتم عدلان) !!
Author: mayada kamal
Date: 10-29-2009, 06:49 PM
Parent: #3
يا قريبي حيدر حسن ميرغني
ما حاشتغل بيك (نظام البت بياعة وكدا)
ولا عشان ما مصدقة بكري بي ذات نفسه جاء يفيدنا برايه
ههههههه
الاخ بكري ابو بكر
اولا شكرا على انك عبرتني وجيت ترد علي
زميلة دي كبيييييييرة علي شوية
انا ويييييين وانت وييييييين
الناس مقامات برضو
بس دا من اصلك انت بس
شكرا على الاهتمام بالرد وكدا 
اها نجي للموضوع
Quote: سودانيزاونلاين دوت كم هى عبارة عن قرية او مدينة سودانية مثل الدروشاب او دغيم بس اسفيرية يعنى فى الدروشاب بتجدى العالم,الدكتور,المهندس,المحاسب,صاحب الكارو,بتاع البرسيم, ماسح الاحذية,المجنون و العاقل, الما عندو موضوع,الداير يفك دبرسته,المناضل,العميل, الماجور,البياخذو ماهية من معتمدية الدروشاب لمراقبة المدينة-بتاع الامن ,الجندى و الضابط,الداير يعرس او يجكس,الداير يعلن عن حفلة او ندوة فى المدينة, الغرباوى ...الجنوبى...البجاوى...المساليتى...الخ,الطالب و الخريج و هلم جرا.......... يعنى كل قئات و منظمات المجتمع التى تجديها فى اى حى او مدينة................ لهذا ترحب ادارة سودانيزاونلاين دوت كم بكل الفئات و المنظمات الارضية لتعكس او تنشر نشاطاتها ,اعلاناتها,اخبارها...الخ فى مدينة سودانيزانلاين دوت كم السودانية الاسفيرية
|
الغايات اللي ذكرتها حضرتك مطلوبة ومقبولة
ولكن من يتحمل مسئولية الكتابة خلف هذا الاسم
هل هي الاشخاص الذين يكتبون تحت هذا الاسم
ام مسئولية الجهة نفسها
وبالنسبة لينا كاشخاص بنتعامل معاهم
هل هم جهات خبرية فقط... يعني بس ينزلوا لينا وينقلوا لينا اخبار تلك الجالية والمركز ونشاطتهم
ولا اشخاص اعتبارية من حقهم يدخلوا ويعلقوا على اي موضوع
بالذات الحتة الما واقعة لي يا باشمهندس
زي الناس المسجلة باسم | Quote: (الجالية السودانية بهولندا) |
ديل انا بتعامل معاهم كيف
وشنو طبيعة دورهم في المنبر هنا
*** تخريمة
بيني وبينك كدا يا باش الاسماء الاعتبارية.... منفرة
ولا قاعدة احب اخش اقراء محتوى بوستاتهم شنو
وبي نظرية مؤامرة وكدا لو واحدة منهم جات وكتبت كلام ما ياهو
نحن نمسك في منو
معليش عملنا ليك دوشة وجع راس ساي
|
Post: #7
Title: Re: (السودانية للحقوق-القاهرة) (الجالية السودانية بهولندا) (بيت الفنون) (مركز الخاتم عدلان) !!
Author: الشفيع وراق عبد الرحمن
Date: 10-29-2009, 08:48 PM
Parent: #5
أها يا خالة ميادة
بكري سخسياً جا ورد عليك
ألف مبروك
يا دوووووب عرفت العالم الما عندها موضوع ديل جايين من وين
شكلهم بكري فاكيهم لينا عكس الهوا
|
Post: #8
Title: Re: (السودانية للحقوق-القاهرة) (الجالية السودانية بهولندا) (بيت الفنون) (مركز الخاتم عدلان) !!
Author: الشفيع وراق عبد الرحمن
Date: 10-29-2009, 08:53 PM
Parent: #7
بالنسبة لسؤالك
أتوقع يكون هناك ناطق رسمي لكلٍ من هذه الجمعيات
بكري أكيد بكون حامي نفسه من أي مساءلات قانونية
والله أعلم
|
|