Post: #1
Title: لا تسأل أين أنت !! .. ** ( أنت في الســــــــــــودان ) ..!!
Author: عمران حسن صالح
Date: 10-29-2009, 08:07 AM
Parent: #0
من الإيميل ..
حقائق مررررررررررررررررة وحقيقة !!
_______________________________________
لو بحثت عن خط (عبور مشاة) أو (أمامك مدرسة) أو (منحنى) في كل (العاصمة) ولم تجده .. تبقى انت أكيد في السودان
لو أنت في بلد فيهو سنه سابعة وسنة تامنه ابتدائي… تبقى أنت أكيد في السودان
لو طالعتك إعلانات شركات (مسئول) كبير وهو لا زال (في الخدمة)… تبقى أنت أكيد في السودان
لو (لبد) ليك شرطي (مرور) في نهاية شارع اتجاه واحد وخلاك لمن دخلت وجاك بى (دفتر إيصالاتو)… تبقى أنت أكيد في السودان
|
Post: #2
Title: Re: لا تسأل أين أنت !! .. ** ( أنت في الســــــــــــودان ) ..!!
Author: عمران حسن صالح
Date: 10-29-2009, 08:28 AM
Parent: #1
لو لقيت في بلد ما فيهو (معينات البحث العلمي) وكل يوم الجامعات تناقش(خمسين) رسالة دكتوراه و(ميتين) رسالة (ماجستير) … تبقى أنت أكيد في السودان
لو أنت في بلد وزارة الصحة فيهو قالت (الدواء) ده (فاسد) أحظروهو .. وبعد شويه قالت (ما فاسد) خلوهو .. وبعد شويتين (فاسد) أمنعوهو …. تبقى أنت أكيد في السودان
لو لقيت في بلد (الصحف) بتتقفل بى (مادة) في القانون معموله للمطاعم …تبقى أنت أكيد في السودان
لما تلاقى الترزي كاتب على باب المحل بتاعو آيه بتقول ( وفصلنا كل شئ تفصيلا) صدق الله العظيم … تبقى أنت أكيد في السودان
|
Post: #3
Title: Re: لا تسأل أين أنت !! .. ** ( أنت في الســــــــــــودان ) ..!!
Author: عمران حسن صالح
Date: 10-29-2009, 08:41 AM
Parent: #2
. لو لقيت موية المطر بتقعد أسبوعين في الشوارع أكيد أنت في السودان
· لما تخلص من شغلة في مكان وتيجى تركب عربيتك تلاقى (المسَاحات) مرفوعة عشان تعرف على طول انو في واحد مسحها ليك وحياخد منك ألف جنيه … تبقى أنت أكيد في السودان
· لو قرأت الصحف في 1987 و في 2016 عن (أنتهاء قطوعات الكهرباء) ولقيت نفس الكلام في صيف 2030 … تبقى أنت أكيد في السودان
· لو زوجة المسئول الكبير مليانة دهب بتتجدع بيه بالعلن في الشارع من غير حساب وأطفالها يملطشوا أولاد الجيران .... أكيد أنت في السودان
|
Post: #4
Title: Re: لا تسأل أين أنت !! .. ** ( أنت في الســــــــــــودان ) ..!!
Author: عمران حسن صالح
Date: 10-29-2009, 08:45 AM
Parent: #3
.لو أهم (كبرى) في عاصمة البلد صيانتو عاوزه ليها (سنتين) .. … تبقى أنت أكيد في السودان
· لو بهدلوك في أي مكان واشتكيت للشرطة قالوا دا مش اختصاصنا امشي اشتكي في الثروة الحيوانية .. أكيد أنت في السودان
· لو لقيت أنو وزارة الداخلية عندها مؤسسات (تعليمية) ووزارة التعليم عندها مؤسسات (صحية) ووزارة الصحة عندها (شركات إنشائية)… تبقى أنت أكيد في السودان
· لو دخلت (الوزارة) وأنت مؤجر في (زقلونا) وطلعت وعندك عمارتين في (قاردن سيتى ) .. تبقى أنت أكيد في السودان
· لو اشتعلت في الخدمة المدنية 30 سنه وأدوك معاش شهري يساوى 3 كيلو لحمة .. أنت أكيد في السودان
|
Post: #5
Title: Re: لا تسأل أين أنت !! .. ** ( أنت في الســــــــــــودان ) ..!!
Author: عمران حسن صالح
Date: 10-29-2009, 08:59 AM
Parent: #4
. لو توقفت (الحركة) إثناء ساعات (الذروة) واكتشفت أن السبب (كشه) …. تبقى أنت أكيد في السودان
· لو عدمت (التعريفة) وكمان دخلت في (ديون) للإيفاء بنفقات (فراش) قريبك الذي توفي إلى رحمة الله …. تبقى أنت أكيد في السودان
· لو وجدت أن (ترخيص عربتك) يساوى (ربع) قيمتها …. تبقى أنت أكيد في السودان
· لو تقدم ابنك (المهندس) لشغل وظيفة وكان (الأنترفيو) عن (صلاة الجنازة) .. تبقى أنت أكيد في السودان
· لو (فجأة) اكتشف (المسئولون) أن (الخريف) على الأبواب …. تبقى أنت أكيد في السودان
· لو عندك (الكلية) اليمين متعطلة وعاوزين يشيلوها ليك قاموا شالوا الشمال السليمة لأنو الدكتور كان ماسك الأشعة (بالمقلوب) …. تبقى أنت أكيد في السودان
|
Post: #6
Title: Re: لا تسأل أين أنت !! .. ** ( أنت في الســــــــــــودان ) ..!!
Author: عمران حسن صالح
Date: 10-29-2009, 09:22 AM
Parent: #5
. لو مكث (مرتبك) معك (تلاته ساعات وإطناشر دقيقه) هى الفترة من لحظة استلامه من الصراف إلى حين عودتك للمنزل
· لو فاز فريقك الذي تشجعه على الفريق الخصم في مباراة الذهاب 8/صفر وخسر في مباراة الإياب 12/صفر
· لو لقيت لوري التراب وكومر البلدية من سنة 50 شغال بالإضافة للرقشة في نفس الشارع.
. لو وجدت أن رؤساء (الأحزاب) هم (رؤساء) مدى الحياة
· لو وجدت أن نسبة الفقر تزداد بازدياد (معدل النمو تبع الحكومة)
· لو كيلو اللحمة غالي جدا في بلد يعتبر من أكبر المنتجين للثروة الحيوانية
· لو ضربتك عربية حكومة و مشيت القسم و طلعتا أنت الغلطان
· لو لقيت كل الناس وحتى المذيعين والمذيعات بتنطق القاف غين
أكيد أنت في قلب السودان
|
Post: #7
Title: Re: لا تسأل أين أنت !! .. ** ( أنت في الســــــــــــودان ) ..!!
Author: عمران حسن صالح
Date: 10-29-2009, 09:28 AM
Parent: #6
. لو خشيت مؤسسة حكومية ولقيت الموظفين ما في أثناء الدوام ... أكيد أنت في السودان
· لو دخلت نفس المؤسسة الحكومية الفوق دي الساعة إطناشر ضهر وقالوا ليك الموظفين لسه في الفطور ...أكيد أنت في السودان
· لو طلعت مستحمي و متريح وماشي عرس ودخلت العرس زي الكنت بتلعب كوره ... أنت أكيد و أكيد في السودان
· لو ماشي مشوار 10 كيلو متر وصلتا في 4 ساعات ... أنت أكيد في السودان
· لو أنت مواطن وجيت تسافر للخارج وطلبوا منك تأشيرة خروج (البلد الوحيد في العالم الذي يفرض تأشيرة خروج للمواطنين)... أكيد أنت في السودان
· لو لقيت فوضى وزحمة في الشوارع وإشارات المرور ما شغالة و ما في بوليس حركة.... أكيد أنت في السودان
|
Post: #8
Title: Re: لا تسأل أين أنت !! .. ** ( أنت في الســــــــــــودان ) ..!!
Author: عمران حسن صالح
Date: 10-29-2009, 09:29 AM
Parent: #7
. لو لقيت مطعم قدام دورات مياه ... أكيد أنت في السودان
· لو جيت من السفر بالطيارة في رحلة استغرقت ساعة ونصف طيران وخرجت من المطار في تلاتة ساعات ... أكيد أنت في السودان
· لو مشيت الحوادث و قالوا ليك لوعندك رصيد اضرب للدكتور لأنو نايم ... أنت أكيد في السودان
· لو مشيت لى دكتور في حي ماوولقيت في عيادتو ريحة الحمامات طاقة وما فيها موية .... أكيد آنت في السودان
· لو مشيت لنفس الدكتور الفوق ده عشان تحجز بعد المغرب ولقيت الحجز بتاعك رقم 95 ... أكيد أنت في السودان
· لو مشيت تشتري سمك من الموردة وما شفت السمك لأنو مغطى بالضبان ... أكيد أنت في السودان
|
Post: #9
Title: Re: لا تسأل أين أنت !! .. ** ( أنت في الســــــــــــودان ) ..!!
Author: عمران حسن صالح
Date: 10-29-2009, 09:37 AM
Parent: #8
. لو شغال في السوق و قالو ليك ادفع ضريبة ميزان .... أكيد أنت في السودان
· لو لقيت أجنبي عاطل عندو صلاحية اكتر منك و الناس كلها تحترمو ... أنت أكيد في السودان
· لو أعلنوا عن 3000 وظيفة ومشيت تقدم في اليوم الأول و قالو ليك تعال بكرة لأنو لجنة المعاينة ما اكتملت وجيت تاني يوم ولقيت التقديم قفل ... أنت أكيد في السودان
· لو لقيت حي ساكن فيهو مسئول كبير والكهرباء فيهو ما بتقطع ... أكيد أنت في السودان
· لو محتاج أي حاجة و لقيت اقرب حتة تجيبا منها على بعد 3 كيلو متر ... أكيد أنت في السودان
|
Post: #10
Title: Re: لا تسأل أين أنت !! .. ** ( أنت في الســــــــــــودان ) ..!!
Author: عمران حسن صالح
Date: 10-29-2009, 10:00 AM
Parent: #9
وهذه من عندي ::
___________________________
. لو لقيت إمام الجامع الأمس بتكلم عن ربط البطون والإحتساب يشتري من عفراء حاجاتو ومن ضمنها مايونيز وكاتشب وباونتي ... فتأكد انكـ في السودان
. لو قابلتكـ لوحة كبيرة مكتوب عليها ( مشروع أدبخانات السوق الشعبي ) وجيت بعد انتهاء المشروع العظيم ولقيت واحد واقف قدام الأدبخانات وياخد جنية على ( الجلسة ) ...
فتأكد انكـ في قلب السودان
|
Post: #12
Title: Re: لا تسأل أين أنت !! .. ** ( أنت في الســــــــــــودان ) ..!!
Author: مدثر قرجاج
Date: 10-29-2009, 10:13 AM
Parent: #11
ياهو ده السودان
|
Post: #16
Title: Re: لا تسأل أين أنت !! .. ** ( أنت في الســــــــــــودان ) ..!!
Author: عمران حسن صالح
Date: 10-29-2009, 10:30 AM
Parent: #12
|
Post: #13
Title: Re: لا تسأل أين أنت !! .. ** ( أنت في الســــــــــــودان ) ..!!
Author: عمران حسن صالح
Date: 10-29-2009, 10:16 AM
Parent: #11
ولو ما مرت بيك أي حاجة من الفوق دي ... أكيد أنت ما من السودان
|
Post: #14
Title: Re: لا تسأل أين أنت !! .. ** ( أنت في الســــــــــــودان ) ..!!
Author: داليا الكباشى
Date: 10-29-2009, 10:26 AM
Parent: #13
اذا لقيت (زول) (بينتقد) بلدو .. ..
وما عاجبو العجب ... ولا الصيام في ذو القعده ....!!!
وشايف اي حاجه غلط في غلط ....
وشايف روحو (اصح) زول ...
واول ما يمشي في الشارع جمبك .. يقول دقيقه ... اتف (السفه) دي ...!!!
اكييييييييييييد انت في السودان ...!!! وكمان .. في بوست عمران ...لوووووول
|
Post: #17
Title: Re: لا تسأل أين أنت !! .. ** ( أنت في الســــــــــــودان ) ..!!
Author: عمران حسن صالح
Date: 10-29-2009, 10:37 AM
Parent: #14
داليا إزيكـ ..
Quote: وشايف روحو (اصح) زول ...
واول ما يمشي في الشارع جمبك .. يقول دقيقه ... اتف (السفه) دي ...!!! |
دي ما لقيته فوق رغم اني بسف .. 
___________________________
شكلك اتضايقتي ود المطلوب ..
الفرح البكضب ده ما حيودي لشي لقدام
|
Post: #19
Title: Re: لا تسأل أين أنت !! .. ** ( أنت في الســــــــــــودان ) ..!!
Author: abdalla osman
Date: 10-29-2009, 10:44 AM
Parent: #13
البوست ده عمرو طويل ياعمران ان شاء الله ..
تنتظر البص او الحافلة لامن تملى , بعداك يغشو بيكم الطلمبة.. انت في السودان.
|
Post: #21
Title: Re: لا تسأل أين أنت !! .. ** ( أنت في الســــــــــــودان ) ..!!
Author: عمران حسن صالح
Date: 10-29-2009, 11:05 AM
Parent: #19
| Quote: تنتظر البص او الحافلة لامن تملى , بعداك يغشو بيكم الطلمبة.. انت في السودان. |
وفعلاً عمرو طويل لأن ( المغصة ) تملأ شوالات
|
Post: #15
Title: Re: لا تسأل أين أنت !! .. ** ( أنت في الســــــــــــودان ) ..!!
Author: عبدالله كع
Date: 10-29-2009, 10:26 AM
Parent: #10
| Quote: لو محتاج أي حاجة و لقيت اقرب حتة تجيبا منها على بعد 3 كيلو متر |
يا ربي حا تلقي الحاجه ؟؟؟ طبعا لا لا ...................... وبهذا يكون تاكد وجودك في السودان
يا عمران بلدنا ما كعبه للدرجه دي 
|
Post: #18
Title: Re: لا تسأل أين أنت !! .. ** ( أنت في الســــــــــــودان ) ..!!
Author: عمران حسن صالح
Date: 10-29-2009, 10:41 AM
Parent: #15
| Quote: يا عمران بلدنا ما كعبه للدرجه دي |
عبد الله يا كع ..
طبعاً بتفق معاكـ في جمال بلدنا وجمال ناسه ( العاديين ) ..
الزيكـ وزي داليا ( الزعلانة دي ) ..
وريحة الدعاش وجمال النيل والنفاج البين البيوت وجمل شيل ..واخوان البنات .... الخ
بس الحاجات الفوق دي موجودة !! ولا شنو ؟؟
طلع لي واحدة بس ما في
|
Post: #20
Title: Re: لا تسأل أين أنت !! .. ** ( أنت في الســــــــــــودان ) ..!!
Author: فايزودالقاضي
Date: 10-29-2009, 11:03 AM
Parent: #15
لو لقيت شارع اسمه الحرية ويوديك السجانة قطع شك انت في عاصمة السودان ...
ولو لقيت ليك كبري صغير يفتتحوا رئيس والشعب كلوا ياخد إجازة ويحضر الافتتاح ده اكيد في السودان ..
عمران ..سلامات ..
|
Post: #22
Title: Re: لا تسأل أين أنت !! .. ** ( أنت في الســــــــــــودان ) ..!!
Author: عمران حسن صالح
Date: 10-29-2009, 11:08 AM
Parent: #20
| Quote: ولو لقيت ليك كبري صغير يفتتحوا رئيس والشعب كلوا ياخد إجازة ويحضر الافتتاح ده اكيد في السودان .. |
مراحب ود القاضي ...
وما تعدش ...
|
Post: #23
Title: Re: لا تسأل أين أنت !! .. ** ( أنت في الســــــــــــودان ) ..!!
Author: عمران حسن صالح
Date: 10-29-2009, 11:21 AM
Parent: #22
تعرفي يا داليا
ممكن يكون في بوست تاني ..
يكتبو أيِ زول ، حتى أنا
ويكون عنوانو ( لا تستغرب !! أنت في السودان ) ..
وتكون مادتو حاجاتنا السمحة .. الما موجودة في أيِ بلد ..
عناوين كتيره انا وانت بنعرف انها ما موجوده إلا في السودان ..
وهي أِشياء تشبه طباع أهل الجنة
نموذج بسيط من حله صغيرة طباع أهله تشبه طباع أهل الجنة ..
ريحة مطره في ارض السودان الواسع ..
جلسة فطور رمضان في أيِ شارع ..
لمه فرح أو عزاء ...
تكبيرة الأعياد وسط الأحياء والمساجد ......
الخ .
هل يمنع هذا من ذكر أسباب الشقا الفينا ومننا ؟؟؟
_____________
رجعت ليكـ لأني حسيت انكـ اتضايقتي
وبأكد ليكـ انا بلدي بحبها حد الهوس
لكني أكره حكوماتها .. دون إستثناء
|
Post: #24
Title: Re: لا تسأل أين أنت !! .. ** ( أنت في الســــــــــــودان ) ..!!
Author: omar arbab
Date: 10-29-2009, 12:40 PM
Parent: #23
لا تستغرب !! أنت في السودان
er=0 alt="fotka_ctvrtina11.jpg Hosting at Sudaneseonline.com">
|
Post: #25
Title: Re: لا تسأل أين أنت !! .. ** ( أنت في الســــــــــــودان ) ..!!
Author: عامر باضاوي
Date: 10-29-2009, 01:05 PM
Parent: #24
عمرك بين ال18 و الستين؟
سوداني او مولود لأب سوداني داخل او خارج السودان؟
يجب ان تخضع للجنة الاختيار العامة و بعد ذلك للجنات فرعية متخصصة
و التصنيف سيكون كالاتي
عندك شهادات و واسطة: حبابك ألف
ماعندك شهادات وعندك واسطة: برضو حبابك ألف
عندك شهادات و خبرة و ماعندك واسطة: سيب رقم تلفونك في الاستقبال و اكيد حاتسمع مننا
ماعندك شهادات و لا واسطة: امشي انتحر
شين و صوتك حلو: تبقى فنان
شين و صوتك ماحلو: برضو فنان
عدم احساس جلد تمساح: ناس سودانير
قنعان من روحك و عايز تدعم المنتج المحلي: تركب سودانير
سبع صنايع و البخت ضايع: موظف حكومة، مدرس، سواق تكسي
سبع صنايع و البخت الرائع: موظف اتصالات
امك داعية ليك: ياخدوك في دال
رجل المستحيل: كستمر كير
المستحيل بي عينو: خدمة سودانية ترقى لمستوى لا بأس
عزيز قوم ذل: طبيب
مصاص دماء: تشتغل في جهاز المغتربين
سياسي عمرك فوق المية (ديناصور): معارضة
خالي مؤهلات و مستهبل: سفير للسودان بالخارج
خالي مؤهلات و أهبل: مسؤول
كترتا و مسختا: مستشار
حمار شغل: الفئة دي مافي عندنا
مدهوك معجون معفوص ممغوس موجع مقطع مرقع جيعان وسخان قرفان تلفان سجمان رمدان غالبك التسوي: مبروك انت مواطن سوداني
مع الاعتذار لكل من الشعب السوداني و اخواني و اخواتي ممن مسته النوت دي من قريب أو من بعيد اعفو لينا يا جماعة.......
الىساله دي لقيتها في الميل
|
Post: #27
Title: Re: لا تسأل أين أنت !! .. ** ( أنت في الســــــــــــودان ) ..!!
Author: عامر باضاوي
Date: 10-29-2009, 05:12 PM
Parent: #26
عندما يكون هناك كذا مليون (عامل) أجنبي .. وكذا مليون (عاطل)ا سوداني
|
Post: #28
Title: Re: لا تسأل أين أنت !! .. ** ( أنت في الســــــــــــودان ) ..!!
Author: عامر باضاوي
Date: 10-29-2009, 05:14 PM
Parent: #26
|
Post: #29
Title: Re: لا تسأل أين أنت !! .. ** ( أنت في الســــــــــــودان ) ..!!
Author: عبدالعزيز الفاضلابى
Date: 10-29-2009, 07:29 PM
Parent: #28
| Quote: لو قريت الكلام دا وما علقت ولا جنيت وكنت بارد شديد ومستسلم ... أكيد أنت من السودان |
نعلق ونص وخمسة:
هذا اكثر بوست واقعية ويعبر بدقة عنى.
والله ياعمران ماطالبنى حليفة ,, مشيت مرة المستشفى الصينى فى امدرمان ,,
لقيت سوق ومربط بهائم الأضحية امام بوابة المستشفى الذى تجرى فيه عمليات جراحية وتتم فيه عمليات توليد للحوامل والريح تذرو مخلفات البهائم تجاه العنابر.
(الدورى السودانى مابتفوت) على رأى الـ ART .
واصل ,, الله يخليك.
|
Post: #30
Title: Re: لا تسأل أين أنت !! .. ** ( أنت في الســــــــــــودان ) ..!!
Author: Siham Elmugammar
Date: 10-29-2009, 09:41 PM
Parent: #29
| Quote: طلع لي واحدة بس ما في |
لو ارضك عشان يبنو سد ومرقوك فى الصقيعة
و اففتحو السد وفرحو ورقصو وطلع السد فشنك
انت فى السودان
عمران دى مافى !!!!!
_____________________________
انا قلت مافى زول بقدر يطلع اى حاجة
من ما ذكرت مافى
قلت اطلع ليك واحد من الالف النسيتهم
|
Post: #36
Title: Re: لا تسأل أين أنت !! .. ** ( أنت في الســــــــــــودان ) ..!!
Author: عمران حسن صالح
Date: 10-30-2009, 00:15 AM
Parent: #30
Quote: لو ارضك عشان يبنو سد ومرقوك فى الصقيعة
و اففتحو السد وفرحو ورقصو وطلع السد فشنك انت فى السودان |
مراحب سهام بت المجمر ...
بتخيل لي الزول الرصة الكلام ده قام بالشغلة دي سريع سريع ..
يعني ع الماشي كوَم ليهو كم مغصة كاتلاهو ..
لكن اتخيلي البلد قامت قررت تكتب الحاجات دي ..
يعني كل زول يقوم يكتب المغصة حقتو ؟؟؟
....
والله البوست بعد داكـ يبقى زي بوست ناس الزقازيق ده ..
بس تجي كل يوم آخر يومكـ تكتب مغصتكـ ..
أها حقتكـ الفوق دي واحده منهم منسيَة ..
|
Post: #31
Title: Re: لا تسأل أين أنت !! .. ** ( أنت في الســــــــــــودان ) ..!!
Author: داليا الكباشى
Date: 10-29-2009, 09:48 PM
Parent: #29
عمران اخوي...
ازعل من (البورد) كلو .. ما ازعل منك ...
اكتب .. اكتب ... انت لمن تروق بتكتب كتابه سمحه ...
تحياتي يا صديق ...
داليا ... اختك التي تعرف ...
|
Post: #32
Title: Re: لا تسأل أين أنت !! .. ** ( أنت في الســــــــــــودان ) ..!!
Author: Ahmed musa
Date: 10-29-2009, 10:35 PM
Parent: #31
لو في زول لهف ليه كمين ربطة
وشالوه
بعد يومين عينوه في مكان أعلى
أكيد أكيد إنت في السودان
|
Post: #38
Title: Re: لا تسأل أين أنت !! .. ** ( أنت في الســــــــــــودان ) ..!!
Author: عمران حسن صالح
Date: 10-30-2009, 00:27 AM
Parent: #32
Ahmed musa
Quote: لو في زول لهف ليه كمين ربطة
وشالوه
بعد يومين عينوه في مكان أعلى
أكيد أكيد إنت في السودان |
يعني البهدلة وشيل الحال يقوِي العين زيـــادة !!!
زي البقولو ليهو ياخي هنــا انت ما حا تقدر تسرق تاني خلينا النوديكـ محل تاني ..
بكون الناس فيهو ما عارفين إنكـ حرامي !!!!!
؟
؟
؟
مهزلـــــــــــــــــــة !!!!!!!!!!!!!!
|
Post: #37
Title: Re: لا تسأل أين أنت !! .. ** ( أنت في الســــــــــــودان ) ..!!
Author: عمران حسن صالح
Date: 10-30-2009, 00:21 AM
Parent: #29
هييييييييييييييييييييييييع الفاضلابي الجعلي
وبعد داكـ نعضِي إيدينا ..
بس ..
حتى الهتاف حق الحناجر بس ..
يفرتكو بالرصاصة
|
Post: #34
Title: Re: لا تسأل أين أنت !! .. ** ( أنت في الســــــــــــودان ) ..!!
Author: عمران حسن صالح
Date: 10-30-2009, 00:08 AM
Parent: #25
| Quote: سبع صنايع و البخت ضايع: موظف حكومة، مدرس، سواق تكسي |
ومع السبعة صنايع ديل مافي فايدة ..
القضى عمرو في خدمة بلدو معاشو كان فكر ما يقتصد فيهو يقوم يشتري بيهو 3 كيلو لحمة ...
..
واتحلس المعاش ..
أها يبقى سبع صنايع والبخت رايح في ستين داهية ..
|
Post: #33
Title: Re: لا تسأل أين أنت !! .. ** ( أنت في الســــــــــــودان ) ..!!
Author: عمران حسن صالح
Date: 10-30-2009, 00:03 AM
Parent: #24
عمر أرباب حبابكـ ..
تعرف يا عمر .. حق ( الدهر ) ده بقولو فيهو أهلنا الجات من السما تتحمله الواطة ...
أها التراب ده حال مدن كتيره .. وأولها الرياض ( الصورة تحت ) ..
أها الجايِ من السماء ده ما بنقدر نغير فيهو .. مطر ولا فيضان ولا تراب ..
المشكلة الرياض بي جفافه وترابه دي الأدبخانات الفاخرة فيها مجان ...
يعني نقلب الحاجات الفوق دي ( أو كمية منها ) ونقول لو لقيت أدبخانة نضيفة في الأماكن العامة كالأسواق ومحطات السفر ..
أعرف انكـ في الرياض ..
كتير ده على بلدنـــا ...؟؟؟؟؟؟؟
|
Post: #35
Title: Re: لا تسأل أين أنت !! .. ** ( أنت في الســــــــــــودان ) ..!!
Author: ايهاب اسماعيل
Date: 10-30-2009, 00:12 AM
Parent: #33
وعندما تقرأ يا عمران في الاخبار مثل هذة الارقام أعرف أنك في السودان
اكثر من 300 الف طفل يموتون سنويا في السودان لاسباب يمكن تلافيها......
|
Post: #39
Title: Re: لا تسأل أين أنت !! .. ** ( أنت في الســــــــــــودان ) ..!!
Author: عمران حسن صالح
Date: 10-30-2009, 00:35 AM
Parent: #35
: ايهاب اسماعيل
Quote: اكثر من 300 الف طفل يموتون سنويا في السودان لاسباب يمكن تلافيها......
|
والمسكين أبو الطفل يشيلو بتسليم واحتساب ويمشي يدفنو ..
ما بعرف درب الشكاوي ولا حقوقو
وديل يواصلوا في قتل الأطفال بي أسباب يمكن تلافيها !!
وتتواصل الأخطاء دون عقــــاب ..
|
Post: #40
Title: Re: لا تسأل أين أنت !! .. ** ( أنت في الســــــــــــودان ) ..!!
Author: عبدالحافظ عثمان
Date: 10-30-2009, 01:56 AM
Parent: #9
الاخ عمران
ولو رايت الصوره دى تعرف انك فى قلب عاصمة السودان؟؟؟؟؟؟؟؟؟؟؟
وتعرف انك فى قلب ام درمان كمان؟؟؟؟؟؟؟؟؟؟
لك الود ..
|
Post: #41
Title: Re: لا تسأل أين أنت !! .. ** ( أنت في الســــــــــــودان ) ..!!
Author: عبدالحافظ عثمان
Date: 10-30-2009, 02:21 AM
Parent: #40
اخى عمران
لو امام مدينة الطفل بتشوف كل هذه مثله هذه الحفر اكيد مافى زول دريان .. بالخطر؟؟؟؟؟؟؟؟؟؟
اكيد انت فى السودان.
ولو بتشوف ناقلات سيارات الامم المتحده فى ود الحداد والحاج عبدالله ومدنى وسنار.. اكيد انت فى السودان..
ودا ماشى الى الانقسام لى كم بلد الله يستر بس؟؟؟؟؟؟
والصوره بالف كلمه
نحن نكذب ولكن الصوره لالالا
لك الود
|
Post: #42
Title: Re: لا تسأل أين أنت !! .. ** ( أنت في الســــــــــــودان ) ..!!
Author: عمران حسن صالح
Date: 10-30-2009, 08:25 AM
Parent: #41
مراحب عبد الحافظ ..
والمشكلة النقاط ( الوجع ) الفوق دي كلها معظمه ليهو صور ..
يعني ثابتة بالصوَر ..
|
Post: #43
Title: Re: لا تسأل أين أنت !! .. ** ( أنت في الســــــــــــودان ) ..!!
Author: عامر باضاوي
Date: 10-30-2009, 09:21 AM
تقرير التنمية البشرية للعام 2009م الذي أصدره البرنامج الإنمائي للأمم المتحدة, صنف السودان ضمن المركز الـ(150) بين دول العالم الـ(182)، وجعل الخرطوم ضمن أسوأ عشرة عواصم في العالم في قائمة ضمت بجوارها سبع عواصم أفريقية
|
Post: #44
Title: Re: لا تسأل أين أنت !! .. ** ( أنت في الســــــــــــودان ) ..!!
Author: عمران حسن صالح
Date: 10-30-2009, 09:34 AM
Parent: #43
| Quote: أصدره البرنامج الإنمائي للأمم المتحدة, |
برضـــكـ جاملونا يا عامر
يكون موضوع الواسطــــة وصل هنا ؟؟
____________________________________
برنامج الأمم المتحده خليهو ، البنشوف فيهو ده محتاج لأمم متحدة ، كلو شي بااااااااااااين
|
Post: #45
Title: Re: لا تسأل أين أنت !! .. ** ( أنت في الســــــــــــودان ) ..!!
Author: عامر باضاوي
Date: 10-30-2009, 09:36 AM
Parent: #43
عندما تدرس الابتدائي 8 سنوات .. والإعدادي 3 سنوات ومثلها المرحلة الثانوية .. وأربع سنين في الجامعة أو خمسة .. لتعمل بعدها في سوق الخضار
|
Post: #46
Title: Re: لا تسأل أين أنت !! .. ** ( أنت في الســــــــــــودان ) ..!!
Author: عامر باضاوي
Date: 10-30-2009, 09:57 AM
Parent: #45
الاخ عمران صالح
ربنا يكون في العون
تحياتي
|
Post: #47
Title: Re: لا تسأل أين أنت !! .. ** ( أنت في الســــــــــــودان ) ..!!
Author: عامر باضاوي
Date: 10-30-2009, 10:00 AM
Parent: #46
أن لا تحصل على الترقية في عملك إلا (بواسطة) ولا تجيب تقدير في الجامعة إلا (بواسطة) ولا تجد الوظيفة إلا (بواسطة) ولا تنتقل إلا (بواسطة) ولا تحصل على حقوقك إلا( بواسطة )
|
Post: #51
Title: Re: لا تسأل أين أنت !! .. ** ( أنت في الســــــــــــودان ) ..!!
Author: البشير دفع الله
Date: 10-30-2009, 02:46 PM
Parent: #47
أخي عمران
لك التحية ولضيوفك الكرام
ما تفضلت بسرده أعلاه ليس من نصيب السودان وحده , ولكن يشاركه فيه كل دول العالم الثالث , ومثلما يحدث بالسودان يحدث بغيره من الدول المذكورة ,
بل وبعض ما ذكرت أعلاه يحدث حتى بالعالم الأول , وان كان نادرا جدا .
ومثلما تجد المخازي أعلاه تجد مناقب أخرى لا حصر لها ولا عد , ولكن كاتب الأسطر أعلاه لم يجهد نفسه الا برؤية القذى على العين , ولم يتمكن من رؤية
اي جمال بها .
كما لم يعرض الكاتب أي محاولات لتعديل أي من الصور التي اجتهد في رصدها أعلاه .
أسأل الله أن يصلح الحال
|
Post: #52
Title: Re: لا تسأل أين أنت !! .. ** ( أنت في الســــــــــــودان ) ..!!
Author: عمران حسن صالح
Date: 10-30-2009, 03:07 PM
Parent: #51
| Quote: ما تفضلت بسرده أعلاه ليس من نصيب السودان وحده , ولكن يشاركه فيه كل دول العالم الثالث , ومثلما يحدث بالسودان يحدث بغيره من الدول المذكورة , |
أخي البشير دفع الله ..
شاكر مروركـ الكريم ..
طبعاً ذات الملاحظــة فكرت فيها وسرعان من ألغيتها لسبب بسيط جداً ..
أساسيات مكونات الدولة ( الحديثة إلى حد ما ) متوفره لدينا ..
ألاف الكفاءات في مجالات الدنيا الكتيرة ..
بلد زراعي موية وواطه ما ليها حد ..
كفاءات إدارية ناجحة ..
تبقى شي واحد لم يكن لدينا متوفراً في كل عهود السلاطين ..
..
الزول القلبو على البلد ..
ويعرف يدير الحاجات الفي دي لفائدة البلد ..
عنوان أساسي يقول الإنتماء للبلد ..
____________________________
حزبية وجهوية منتنة جعلت زيارة الأدبخانات بجنيه ...!!!
|
Post: #48
Title: Re: لا تسأل أين أنت !! .. ** ( أنت في الســــــــــــودان ) ..!!
Author: عمران حسن صالح
Date: 10-30-2009, 11:18 AM
Parent: #45
| Quote: لتعمل بعدها في سوق الخضار |
العمل زاتو في سوق الخضار (خشم بيوت ) انت قايلو ساهل كده ؟؟
ما برضو هوامير
_____________
بطنكـ طامَة شديد يا عامر !!
|
Post: #49
Title: Re: لا تسأل أين أنت !! .. ** ( أنت في الســــــــــــودان ) ..!!
Author: HAIDER ALZAIN
Date: 10-30-2009, 11:36 AM
Parent: #48
Quote: لو قريت الكلام دا وما علقت ولا جنيت وكنت بارد شديد ومستسلم ... أكيد أنت من السودان
|
هع لا لا تبقي اكيد انت في سودانيز اونلاين وساكي ليك شمار في بوست تاني ...
* تحياتي يا عمران
|
Post: #50
Title: Re: لا تسأل أين أنت !! .. ** ( أنت في الســــــــــــودان ) ..!!
Author: عمران حسن صالح
Date: 10-30-2009, 02:26 PM
Parent: #49
أنا شمار البطيخة دي كاتلني أكتر من شمارات بوستات الحوش ..!!
إشمعنى يعني شايله براهو ..
ما يديها لواحد من الهتيفة بتاعنو ..
ولا هناكـ مافي هتاف ..؟؟
______________
أبو الفوتوشوب زاتو ياخي !!!
|
Post: #53
Title: Re: لا تسأل أين أنت !! .. ** ( أنت في الســــــــــــودان ) ..!!
Author: عمران حسن صالح
Date: 10-30-2009, 03:17 PM
Parent: #50
لصاحب الرســـالة الغاضبة ..
حقكـ أن تغضب ..
وليت غضبكـ تبذله لصالح موقعكـ الذي أنت فيه ..
طالباً ، عالماً ، سياسياً أو عنقالي ساكت زيِ كده !!!
وطرحكـ الفطير بخصوص الترطيبة النحن فيها والكلام الما جايب حقو ده علاجو بسيط جداً جداً ..
تعال هنا وقضي ليكـ فترة داوم فيها كما نفعل
واجتهد فيها كما يفعل معظمنــا
وسترى النتائج بنفسكـ ..
هنا ريال بدون حياة ..
وهناكـ حياة بدون ريال ..
يظل للأشياء طعمها في بلدي
صدقني ما دخلت مكاناً هنا وإلا وتمنيت مثله في بلدي ..
ما استمتعت حتى باللقمة إلا بعد أن تأكدت أن أهل بيتي قد توفرت لديهم ..
وتلكـ رسالة أيضاً لا أظنكـ قد ( خضت ) معاركها ..
عموماً مبروكـ عليكـ ما انت فيه ..
يبدو أن النعمة مغطياكـ من قومتكـ ..
لا جعت لا مرضت لا احتجت لي حق عملية لأقرب الناس إليكـ ..
|
Post: #54
Title: Re: لا تسأل أين أنت !! .. ** ( أنت في الســــــــــــودان ) ..!!
Author: داليا الكباشى
Date: 10-30-2009, 07:16 PM
Parent: #53
عمران اخوي ...
مساك ورد ....
وبس ...
|
Post: #55
Title: Re: لا تسأل أين أنت !! .. ** ( أنت في الســــــــــــودان ) ..!!
Author: عمران حسن صالح
Date: 10-30-2009, 09:19 PM
Parent: #54
ومساكـ كيني جي يا داليـــا ..
كيني جي .. مساكم ورد ..
|
Post: #56
Title: Re: لا تسأل أين أنت !! .. ** ( أنت في الســــــــــــودان ) ..!!
Author: جعفر محي الدين
Date: 10-31-2009, 11:15 AM
Parent: #55
يا عمران الملاريا كملت من السودان ولا شنو ؟
|
Post: #57
Title: Re: لا تسأل أين أنت !! .. ** ( أنت في الســــــــــــودان ) ..!!
Author: معتصم دفع الله
Date: 10-31-2009, 04:30 PM
Parent: #56
إذا دخلت مؤسسة حكومية لتنهي إجراء ما ولم تجد الموظف بسبب ذهابه لسماية ( تأكد أنك في السودان ) ..
إذا دخلت مستشفى ولم تجد العلاج ( تأكد أنك في السودان ) ..
|
Post: #58
Title: Re: لا تسأل أين أنت !! .. ** ( أنت في الســــــــــــودان ) ..!!
Author: عبدالحافظ عثمان
Date: 10-31-2009, 04:39 PM
Parent: #45
واذا تخرجت من الجامعه وكنت اول الدفعه..
وما لقيت عمل غير سائق ركشه او امجاد اكيد انت فى السودان؟؟؟؟؟؟؟؟؟؟
|
Post: #59
Title: Re: لا تسأل أين أنت !! .. ** ( أنت في الســــــــــــودان ) ..!!
Author: عامر باضاوي
Date: 10-31-2009, 05:31 PM
Parent: #58
تمكن مواطنون بود مدني، أمس، من اخماد حريق شب في احدي الآليات "عربة حفار" تتبع لشركة جيفارا التركية، مستخدمين الماء والتراب، بعد ان فشلت شرطة الدفاع المدني في مكافحته بسبب عدم وجود سيارات اطفاء.
|
Post: #60
Title: Re: لا تسأل أين أنت !! .. ** ( أنت في الســــــــــــودان ) ..!!
Author: عامر باضاوي
Date: 10-31-2009, 05:42 PM
Parent: #59
حالة من الفوضى والهرج بالبرلمان..يهدد بالقتل وينزع المايكرفون ويطرد الحاضرين.. "شوفوا شغلة بعد دا ..قوموا اتفرقوا "..نائب برلماني يطفئ أنوار البرلمان بسبب ختان الإناث و (قوامة المرأة)
|
Post: #61
Title: Re: لا تسأل أين أنت !! .. ** ( أنت في الســــــــــــودان ) ..!!
Author: عامر باضاوي
Date: 10-31-2009, 10:45 PM
Parent: #60
: سلفا كير يدعو الجنوبيين لإختيار الإنفصال حتى لايصبحوا مواطنين درجة ثانية
|
Post: #62
Title: Re: لا تسأل أين أنت !! .. ** ( أنت في الســــــــــــودان ) ..!!
Author: عامر باضاوي
Date: 11-01-2009, 01:18 PM
Parent: #61
عندما لا تستطيع ان تستوعب ما يحصل حولك
|
Post: #63
Title: Re: لا تسأل أين أنت !! .. ** ( أنت في الســــــــــــودان ) ..!!
Author: عامر باضاوي
Date: 11-01-2009, 03:06 PM
Parent: #62
بعد سد مروي واستيراد كهرباء من اثيوبيا..الحكومة تبدأ رسمياً خطوات إنتاج الكهرباء من الرياح
|
Post: #64
Title: Re: لا تسأل أين أنت !! .. ** ( أنت في الســــــــــــودان ) ..!!
Author: عامر باضاوي
Date: 11-01-2009, 03:31 PM
Parent: #63
خبير طيران:إذا استمرت العقوبات الأمريكية فسوف لن يكون هنالك سودانير
|
Post: #65
Title: Re: لا تسأل أين أنت !! .. ** ( أنت في الســــــــــــودان ) ..!!
Author: عامر باضاوي
Date: 11-01-2009, 05:20 PM
Parent: #64
عندما تحاول ان تقترب خطوة فتجد نفسك قد عدت خطوات للوراء
|
Post: #66
Title: Re: لا تسأل أين أنت !! .. ** ( أنت في الســــــــــــودان ) ..!!
Author: عامر باضاوي
Date: 11-01-2009, 05:26 PM
Parent: #65
عندما تلملم أوراقك المبعثرة وتجدها قد تبعثرت من جديد
|
Post: #67
Title: Re: لا تسأل أين أنت !! .. ** ( أنت في الســــــــــــودان ) ..!!
Author: عامر باضاوي
Date: 11-02-2009, 10:35 AM
Parent: #66
واكد وزير المالية، عوض احمد الجاز في مؤتمر صحافي امس، عقب جلسة استثنائية لمجلس الوزراء كرست لمناقشة موازنة 2010م، قاطعها وزراء"الحركة الشعبية" بأنه خلال العام القادم "لن يكون بيننا عاطل او متفرج"،
|
Post: #68
Title: Re: لا تسأل أين أنت !! .. ** ( أنت في الســــــــــــودان ) ..!!
Author: عمران حسن صالح
Date: 12-26-2009, 07:57 AM
Parent: #67
ويستمر البكا على الوطن ..
وتظهر على سطح (السخرية) مواد جديدة تضاف إلى محن البلد
شكراً ليمو ...
___________________________
عاوز تموت بشنو؟
لو عاوز تموت من الحسره؟
- ياتتفرج على اعضاء المجلس الوطني وهم يمارسون (فضيلة الصمت) تجاه مشاكل المواطنين
- يا تتفرج عليهم وهم يمارسون (حق) الكلام عن (زيادة مخصصاتهم)
لو عاوز تموت مفرووووس ؟
- يا تقرأ لـ(عبدالرحمن الزومة) الذى يكتب عمودا يوميا (بين قوسين) يعدد فيه حسنات وإنجازات (النظام)
- يا تبحث عن (مردود) ما يسمى بعائدات النفط .
لو عاوز تموت شهيد ؟
- يا تسافر عن طريق أحد شوارع (الموت) التى لا تصلح حتى كشوارع (داخلية)
- يا تخرج فى مظاهرة (سلمية)
لو عاوز تموت بالسرطان ؟
- يا تتناول الخبز المحسن (بالبرومايد) الذى يباع (عينى عينك) أمام نظر السلطات
- يا تتناول (المواد الغذائية) منتهية الصلاحية المفروشه (عينى عينك برضو) على الأرض فى الأسواق .
لو عاوز تموت من الغيظ ؟
- يا تسمع تبريرات (الحكومة) حول قوات (الهجين)
- يا تسمع تبريرات (الداخلية) حول إطلاق النار على المواطنين فى (كجبار).
لو عاوز تموت من الجوع؟
- ياتنتظر (الدوله) توفر ليك (شغل) تسد به رمقك
- يا تحرى ليك (قريشات) من (بيت مال المسلمين)
لو عاوز تموت من الهبل ؟
- يا تستمع لما تبثه (الإذاعه والتلفزيون) من إعلانات (ساذجه)
- يا تستمع لإحدى مذيعات النيل الازرق في برنامج مشوار المساء
لو عاوز تموت مرعووووب ؟
- يا تقرأ عن عدد ونوع الأسلحة والعتاد الذى تمتلكه (المليشيات) داخل العاصمة
- والتى تجاوز عددها 47 حسب شهاده مسئول كبير
- يا تضع عينة من مياه الشرب تحت مكبر (مايكروسكوب) وتنظر لما تحتويه من (كائنات) غريبة الشكل !!
لو عاوز تموت من الضحك؟
- ياتقوم تتذكر إنو نحنا (دوله بتروليه)
- يا تقوم تتذكر أيام قبل ما يتم (إنقاذنا)
لو عاوز تموت مليونير؟
- يا تكون مسئول وعندك (بيزنس)
- يا تكون عندك (بيزنيس) وأخوك (مسئول)
لو عاوز تموت من الإندهاش ؟
- يا تسأل روحك (مرتبك ده مكفيك إنت والأولاد كيف؟)
- يا تسأل روحك (المسئول ده عمل العمارات دى) من مرتبو كيف؟
لو عاوز تموت من الحزن ؟
- يا تعود إلى البلاد من أى سفرية (خارجية) وتقارن بيننا وبين الناس البره
- يا تقيف أمام إحدى المستشفيات (الحكومية) وتشاهد المواطنين الذين يتسولون قيمة الدواء
لو عاوز تموت على الحديده ؟
- يا تعمل ليك مشروع تجارى و(يجوك ناس الجبايات التركية)
- يا تدخل ليك مرابحة مع (بنك إسلامى)
لو عاوز تموت قبل يومك ؟
- يا تقوم بإجراء عملية جراحية (دقيقه) فى أحدى (المستوصفات الخاصة)
- يا تقوم بإجراء عملية جراحية (غير دقيقه) بأحدى المستشفيات (الحكومية).
لو عاوز تموت من الإستغراب؟
- يا تشوف مواطن عاوز يعمل ليهو عملية تتوقف عليها حياتو (بشهاده الأطباء) وديوان (الزكاه) يديهو (ملاليم)
- يا تشوف عدد حالات (إلى ذوى القلوب الرحيمة) التى تنشرها الصحف فى دولة (المشروع الحضارى)
لو عاوز تموت من الزهج ؟
- يا تنتظر الكهرباء المقطوعه (من الصباح) تجى راجعه
- يا تنتظر دورك الـ 96 فى عيادة الأخصائى الكبير !
لو عاوز تموت مخنوق؟
- يا تقيف فى صف العربات الطويل المتوقفه فى إنتظار العبور للخرطوم من (أم درمان) بكبرى النيل الأبيض (الما معروف يتصلح متين)
- يا تكون واقف فى (صف دفع الجمرة الخبيثه) يوم نهاية (الدعم)
لو عاوز تموت مزهووووووول؟
اسمع قاضي المحكمة العيا بتكلم عن لون قميص لبني في حيثيات قضية البنطلون
لو عاوز تموت مليونير؟
- يا تمارس (تنزيل)
- يا تكون قريب (وزير)
لو عاوز تموت وفى نفسك سؤال ما لاقى ليهو إجابه؟
- يا تسأل عن (خلوها مستورة دى لمتين ح تكون مستوره)
- يا تسأل روحك (طيب ليه ما يخلونا فى الصورة) ؟
لو عاوز تموت مبسوط في الواقع الحالي دا؟
(صدقنى) يا بتحلم
يا …….. بتحلم
|
Post: #69
Title: Re: لا تسأل أين أنت !! .. ** ( أنت في الســــــــــــودان ) ..!!
Author: محمد عبدالقادر سبيل
Date: 12-27-2009, 02:31 PM
Parent: #68
محتوى هذا البوست هو من اميز ما قرأت مؤخرا
شكرا اخي عمران
_________________
اللهم اهدنا فيمن هديت
|
Post: #70
Title: Re: لا تسأل أين أنت !! .. ** ( أنت في الســــــــــــودان ) ..!!
Author: عمران حسن صالح
Date: 12-27-2009, 06:24 PM
Parent: #69
| Quote: محتوى هذا البوست هو من اميز ما قرأت مؤخرا |
يا أخي الضيق (الخنق) الناس
مافي ليهو غير (التنفيس) بالواقع المُر ..
عندما يكتب الناس عن (خزلانهم) وعن حسرتهم بكل السخرية الممكنه في ( الكلام ) ..
حينها سنردد : الحمد لله لقد بدأ العلاج ..
|
|
