Post: #1
Title: مرتب الرئيس الاميركي فقط 34000 $ شهريا!!!
Author: omar altom
Date: 10-29-2009, 01:01 AM
Parent: #0
اوباما بي جلالة قدره
السيط والجاه
وميشيل الجميلة
والبنتين اللذيذات
ماهيتو في السنة كاااااااملة فقط 400000 $ (اربعمائة الف دولار فقط)
حسب الموقع الالكتروني about.com صفحة معلومات الحكومة الاميركية
http://usgovinfo.about.com/od/thepresidentandcabinet/a/presidentialpay.htm
قارن مع مرتبات :
مدرب منتخب انجلترا
وارغو لاعب المريخ
اي وزير في السودان
كوبي براينت بتاع الباسكت بوولل
|
Post: #2
Title: Re: مرتب الرئيس الاميركي فقط 34000 $ شهريا!!!
Author: ALazhary2
Date: 10-29-2009, 07:51 AM
Parent: #1
.
.
34 الف دولار في الشهر؟
أريتو مرتب السرور
وكمان بيركب ببلاش وساكن ببلاش وأكيد مابدفع فاتورة الكهرباء والجوال وبسافر ببلاش.
يعني المرتب ده كله يمشي حساب التوفير وفي نهاية سنوات الرئاسة حقتو يادوب يكون قدر يجمع قروش تشتري ليه بيت في (الخرطوم2) ولا الرياض ولا المنشية :) ولا الخرطوم شرق .
تعرف ياحبيب رؤساء أمريكاوأعضاء مجلس الشيوخ ديل في الغالب ناس غنيانين قبل مايمسكوا مناصبهم والمرتب زاته مامحتاجين ليه.
.
|
Post: #3
Title: Re: مرتب الرئيس الاميركي فقط 34000 $ شهريا!!!
Author: احمد الدسكو
Date: 10-29-2009, 04:27 PM
Parent: #2
يعني ال3 شهور بمليون وزقه
السنة 4 مليون و800
اربعة سنوات بكم ؟
|
Post: #13
Title: Re: مرتب الرئيس الاميركي فقط 34000 $ شهريا!!!
Author: omar altom
Date: 10-29-2009, 10:48 PM
Parent: #3
احمد الدسكو
ازيك
قالو الحساب ولد يااخوي
34000 *3 =102000
المبلغ موضوع البوست هو اربعة وثلاثون الف دولار شهريا
اي ما يعادل 408000
اربعمأئة وثمانية الف دولار سنويا
وهو مرتب عاااادي جدا في بلاد العم سام
ودي الشديد لحين عودة
|
Post: #4
Title: Re: مرتب الرئيس الاميركي فقط 34000 $ شهريا!!!
Author: Zakaria Joseph
Date: 10-29-2009, 05:09 PM
Parent: #2
ابو زهور,
مرتبة اوباما ليست كبيرة و دى قبل الحكومة تشيل منها الضرائب. هو بيدفع كل شئ ماعد مواصلات و السكن و الكهرباء و المياة. لكن صاحبنا بيدفع اكلو و اكل عيالو و البنتين بتاعتو بتمشين مدرسة خاصة, (خمسين الف سنويا لكل واحدة) و دروسهن الخاصة بتاعت بيانو و باليه. المرتبة ما بتكفى الولية لواحدها, فهى تحتاج لملابس علشان تظهر فى العام و مجتاج لواحدة تجضم شعرها على طول (شعر افارقة محتاجة لعناية خاصة) و مجوهرات طبعا. صاحبنا جمع اكثر من ثلاثة ملاين دولار من كتبه. يا اخوى, ما فى زول بيمشى الى السياسة فى اميركا علشان مرتبة, القروش بتجى بعدما ينتهوا من شغل حكومة و دى بكون فى شكل كتب و خطب.
عمر سلامات.
|
Post: #5
Title: Re: مرتب الرئيس الاميركي فقط 34000 $ شهريا!!!
Author: ALazhary2
Date: 10-29-2009, 05:53 PM
Parent: #4
.
.
استاذنا العزيز زكريا جوزيف
الف شكر على المعلومات القيمة .
كان عندي معلومة إنو رؤساء أمريكا وأعضاء مجلس الشيوخ وضعهم المادي ممتاز قبل مايتولوا مناصب رسمية.
أوباما ده زاتو ماجديد على السياسة كان حاكم ولاية قبل الرئاسة على ما أعتقد.
يعني رؤساء أمريكا في الغالب من خلفية أرستقراطية.
لكن الأمريكان بالغوا حتى الرئيس بشيلوا منه ضرائب؟
مافي إعفاءات ضريبية وجمركية لعلية القوم زي ماعندنا؟
كمان سمعت إنه ممنوع يقبلوا هدايا خاصة قيمتها المادية كبيرة.
يعني هسع كان واحدة من اميرات الخيج أهدت ميشيل عقد ماس بي مليون دولار يقلعوه منها ناس الحكومة؟
تحياتي وتقديري أيها المفضال.
.
|
Post: #6
Title: Re: مرتب الرئيس الاميركي فقط 34000 $ شهريا!!!
Author: احمد الدسكو
Date: 10-29-2009, 06:12 PM
Parent: #5
اعتقد اوباما اصلا ارستقراطي او من البرجوازية
وهذا ما اتهمه به المرشح المنافس ايام انتخابات الولايات المتحدة
مما حدى باوباما نفي ما قيل عنه في خطابة يوم التتويج بالرئاسة.
|
Post: #7
Title: Re: مرتب الرئيس الاميركي فقط 34000 $ شهريا!!!
Author: Zakaria Joseph
Date: 10-29-2009, 06:13 PM
Parent: #5
الزول دى بعرفو شخصيا لانى درست سنة كاملة فى جامعة كاثوليكية اسمها لايولا فى شيكاغو و هو كان استاذ القانون الدستورى فى جامعة شيكاغو و سناتور فى مجلس ولاية الينوى قبل ما هو يجازف الى مجلس الشيوخ و صاحبنا دى كان زول عادى جدا و اعتقد ان مرتو كان دخلها اعلى من دخلو. المهم صاحبنا قدر يفوز فى الانتخابات العامة لمجلس الشيوخ بعد ان انسحب واحد منافس ابيض له لسبب فضحية اخلاقية. و بالمناسبة اميركا عبارة عن فرصة كلها. الزول دى اتحيت له فرصة مخاطب الديمقراطين لمن كان جون كيرى المرشح ضد بوش فى موتمرهم العام و لمع و وقع العالم فى حب معه و بقى مشهور بين الليلة و ضحاها و بسبب الشهرة كتب كتابين و إتقرش و جازف فى الرئاسة و فاز.
و بعدين الحكومة بتشيل تقريبا نصف الدخل لان الاغنياء هم البيدفعو الضرائب فى اميركا, يعنى لو دخلك متواضع, قل الضرائب, و لو بتعمل مليون فى السنة, نصه بيروح للضرائب و التامين الاجتماعى و غيره.
و بعدين لو استلم اى هدية اكثر من مائة دولار, اعتقد, فهو لازم يبلغ الحكومة و غير ذلك, فدى كارثة.
تسلم.
|
Post: #8
Title: Re: مرتب الرئيس الاميركي فقط 34000 $ شهريا!!!
Author: احمد الدسكو
Date: 10-29-2009, 06:34 PM
Parent: #7
| Quote: و بعدين لو استلم اى هدية اكثر من مائة دولار, اعتقد, فهو لازم يبلغ الحكومة و غير ذلك, فدى كارثة. |
يعني عادي ممكن امور زي دي تجيب خبرو ويروح فيها ... ويـــــــــن نحنا من جنس ده
|
Post: #9
Title: Re: مرتب الرئيس الاميركي فقط 34000 $ شهريا!!!
Author: Zakaria Joseph
Date: 10-29-2009, 06:49 PM
| Quote: يعني عادي ممكن امور زي دي تجيب خبرو ويروح فيها ... ويـــــــــن نحنا من جنس ده |
اخونا احمد,
فى اميركا و كندا, انتهاك القانون من قبل الساسة و استغلال نفوذهم غير مسموح إطلاقا و لو دخل اى سياسى فى اى مشكلة فغالبا ما تكون محاولة التستر على الجريمة و الكذب على السلطات القانونية هى التى تجيب اجلهم. يعنى لو عندك مسالة مدنية بسيطة تحتاج منك الشفافية مع حكومة ممكن تتحول الى جريمة لو كذبت على السلطات القانونية. تذكر صاحبنا كلينتون و مونيكا? المشكلة ما كانت انو الريئس قليلة الادب و لا حاجة من قبيل. لا يا اخوى? هو حاول يتستر علي الحكاية عندما سئل امام القاضى فى قضية مختلفة اذا كان هو كان بيقل ادبه مع البنية و طبعا نكرو و تحول القضية الى تحقيق فى الاشتباه فى ارتكابه جريمة الكذب فى المحكمة بعد الحلف لان دى بيعتبر عرقلة ادارة العدالة . يعنى, مائة دولار ممكن تضيع الرئاسة كلها.
|
Post: #10
Title: Re: مرتب الرئيس الاميركي فقط 34000 $ شهريا!!!
Author: احمد الدسكو
Date: 10-29-2009, 07:01 PM
Parent: #9
| Quote: يعنى, مائة دولار ممكن تضيع الرئاسة كلها. |
فما بالك بالارصدة المتلتله في البنوك الخارجية والداخلية عناية من كنزوها والناس نيام.
نفسي بس اعرف بس لمن الناس تطورت ووصلت فهم زي ده .. نحنا كنا وين واهلنا كانو وين ؟
|
Post: #11
Title: Re: مرتب الرئيس الاميركي فقط 34000 $ شهريا!!!
Author: عادل نجيلة
Date: 10-29-2009, 07:40 PM
Parent: #10
حليلك يا أوبي أخوي .. أي طبيب و صاحب GROSSERY STORE بدخل أحسن منك
أوبي الذي أصبح رئيسآ لأقوى دولة في العالم تخصص في أل COMMUNITY DEVELOPMENT كأول وظيفة له بعد التخرج بمرتب 18000 ثمانية عشر ألف دولار في السنة.. ثم أصبح سيناتور في إنتخابات 2004 يعني JUNIOR سيناتور .. هذا الجونير سيناتور بعد 4 سنوات فقط أصبح رئيسآ لأمريكا بعد أن أزاح SENIOR سيناتور زهاء أل 24 عاما عن ولاية أريزونا سيناتور جون مكين ..! وبفارق كبير جدآ لم يحدث إلا عام 1962 حينما أزاح السيناتور جون كنيدي منافسه السيناتور رتشارد نيكسون.
الثابت أن مرتب رئيس أميركا كان 120 ألف في السنة حتى عهد ولاية الرئيس العظيم كلينتون .. يعني 10 ألف دولار شهريا.. ولكن نص الدستور الأمريكي منح معاش لنهاية الخدمة يبلغ 10 مليون دولار .. بعد مجئ الرئيس الملحوس بوش دبليو عام 2000 عدل الكونجرس المرتب إلى 15 ألف دولار شهريآ مع ثبات مبدأ مكافأة ال10 مليون دولار بعد نهاية الخدمة! فلقد روعي الجمهوريون بفكرة أن ينال رئيسم المدلل و المليونير التكساسي إبن الرئيس الأسبق بوش صاحب أكبر شركات البترول التكساسية أن يكون أجره الشهري 10 ألف دولار فقط .. بالمناسبة على الرئيس الأمريكي أن يقدم إقرار بالدخل الشهري و رصيده في البنوك قبل أن يصبح رئيسا..! أما جورج بوش فلقد قدم إقرارآ وقتها بمبلغ 9 مليون دولار كدخل سنوي و رصيدآ في البنوك بلغ 36 مليون دولارآ.
أما أوبي فكان دخله السنوي 200 ألف دولار كسيناتور و رصيد بنكي بلغ أل 90 ألف دولارآ فقط .. وهو رصيد يتضاءل مع ما يدخله المستشار أحمد أبراهيم الطاهر رئيس المجلس الوطني في السودان.!
|
Post: #17
Title: Re: مرتب الرئيس الاميركي فقط 34000 $ شهريا!!!
Author: omar altom
Date: 10-29-2009, 11:31 PM
Parent: #11
الاخ عادل
سلامات
اوباما لو كان واصل في شغل المحاماة بتاعو كان رطب وعمل ملاييين.......احسن ليه من موضوع الرئاسة
والكلام الكتير دة.
شكرا علي المرور
|
Post: #15
Title: Re: مرتب الرئيس الاميركي فقط 34000 $ شهريا!!!
Author: omar altom
Date: 10-29-2009, 11:04 PM
Parent: #4
Quote: ما فى زول بيمشى الى السياسة فى اميركا علشان مرتبة, القروش بتجى بعدما ينتهوا من شغل حكومة و دى بكون فى شكل كتب و خطب.
|
زكريا
سلامات
اوافقك تماما فيما ذهبت اليه.
اوباما دخل البيت الابيض وقد كتب كتابين جميلين.
جورج بوش بقي في الحكم ثمانية اعوام وفي المعاش عاما كاملا ولم نري منه مقالا في جريدة يومية.
تحياتي
|
Post: #12
Title: Re: مرتب الرئيس الاميركي فقط 34000 $ شهريا!!!
Author: omar altom
Date: 10-29-2009, 10:39 PM
Parent: #2
الازهري يا حبيب
مساء الخير
ال 34000 الف دولار شهريا ما قروش كتيرة في اميركا
مدراء البنوك مثلا مرتباتهم تفوق المأئة مليون دولار سنويا
ممارسة العمل العام في هذه البلد لا يجلب الكثير من الاموال
الحكمة في الشفافية والوضوح الشديد الذي يجعل اي مواطن اميركي يعرف بالضبط مرتبات الساسة اللذين
يتحدثون باسمه ويتلقون مرتباتهم من اموال ضرائبهم.
شكرا علي المرور واثراء البوست
|
Post: #14
Title: Re: مرتب الرئيس الاميركي فقط 34000 $ شهريا!!!
Author: لطفي علي لطفي
Date: 10-29-2009, 10:51 PM
Parent: #12
| Quote: اي وزير في السودان |
ركزوا علي الجاز
|
Post: #16
Title: Re: مرتب الرئيس الاميركي فقط 34000 $ شهريا!!!
Author: لطفي علي لطفي
Date: 10-29-2009, 11:04 PM
Parent: #14
| Quote: لكن الأمريكان بالغوا حتى الرئيس بشيلوا منه ضرائب؟ |
اي زول بشيلو منو ضرائب, الاعفاء للناس الذين يشتغلون خارج الولايات المتحدة اعفاء في حدود 87600 دولار في السنة بتكون كاملة اذا كانت مدتك 11 شهر خارج الولايات المتحدة, لذلك اي امريكي بيظهر مرتب الاصلي خارج بلده للاعفاءت المغرية من الدولة و لتنمية رصيده المعاشي عندما يبلغ سن ال 65 عاما. هنالك ايضا اعفاءات, للمزارعين, و ذو العاهات مثل العمي و و غيره من العاهات الاخري, ايضا المتاثرين بالكوارث الطبيعية.
اخوك بعمل حسابات الضرائب احد معارفي دخله خارج الولايات المتحده 195000 دولار في السنة لو كان غير متزوج و بعد الاعفاء من المفترض يدفع 31,000 و لكنه متزوج و له اطفال و يوول شخص اخر فدفع 19,000 دولار ضرائب. من غير زعل و لا هم يحزنون لان عارف العائد له في المستقبل المعاشي, و الحاضر من تعليم لابنائه و علاج و صحية و مواصلات و طرق و كباري ووووووو
لطفي
|
Post: #18
Title: Re: مرتب الرئيس الاميركي فقط 34000 $ شهريا!!!
Author: omar altom
Date: 10-29-2009, 11:39 PM
Parent: #14
الاخ لطفي
الجاز ما عندو ماهية
الجاز هو البيدي الناس المواهي
والباقي حقو
لك كامل الشكر
|
Post: #19
Title: Re: مرتب الرئيس الاميركي فقط 34000 $ شهريا!!!
Author: تبارك شيخ الدين جبريل
Date: 10-30-2009, 00:25 AM
Parent: #18
بناتو بيقرن فى مدرسة خاصة ... الواحدة بى 28,000 فى السنة ... بيدفعا ليهن من حرّ مالو ...
... المهم ....
|
|