Post: #1 Title: قضية الاسبوع:انهيار التعليم العام في السودان1989-2005 Author: adil amin Date: 10-28-2009, 12:43 PM Parent: #0
قال الله تعالي (واقبل بعضهم على بعض يتلاومون) منذ ان غادر الانجليز السودان وما تلاهم من حكومات متعاقبة..لم يصل التعليم العام هذا المستوى من التدني..الا في زمن الانقاذ الساقطة في سبعة مواد والمجموع..وكعادتهم عملو مؤتمر!!!
اصلاح ما افسدته الانقاذ فى سنينها العجاف يحتاج الي قرارات شجاعة وليس ومؤتمرات 1- السكن الداخلي..من اساسيات التعليم وضرورة وليس ترف ...كانت الاعاشة الطلابية لكل طلاب السودان عبر المراحل المختلفة لا تشكل هاجس للاسر..وقد قامت الانقاذ بتجفيف الداخليات في زمن التمكين زمن الجبايات واللادولة لغرض في نفوسهم المريضة شل الحركة الطلابية وتعطيل المظاهرات..وادى الامر الي تضخم الفاقد التربوي في الهوامش والذى تم ارسال جلهم في حروب الانقاذ الدينية للموت ان ذاك بينما غادر جلهم السودان الي دول الجوار دون مؤهلات تكفل لهم العيش الكريم..قد يحلل البعض الابعاد البيئية لازمة دارفور الحالية..ولكن الكثيرين اغفلو الابعاد التربوية لازمة دارفور ولما يسالو انفسهم...من اين تغزي الحركات المسلحة نفسها بمقاتلين الايفاع؟؟!!...عندما كانت الحياة طبيعية في دارفور كان الطفل الصغير الذى يذهب الي مدرسة القرية الابتدائية يعي تماما ان هذا مشوار الالف ميل...حيث سينتقل للمدرسة الثانوية العامة ثم العالي القسم الداخلي في اقرب مدينة..وعندما يتفوق ياتي الي جامعة الخرطوم او البعثات الخارجية عبر مكتب القبول..لينتهي به الامر الي موظف عامل في الخدمة المدنية السودانية..هذه هي الدراوينة الطبيعية للسودان قبل الانقاذ 2- المعلم: اكبر حالة احتقار عانى منها المدرس في زمن الانقاذ..هو جعله جابي للاموال ليستيطع العيش..وجعلت ميزانية التربية على المحليات وموراد الولاية...دون بند ثابت معروف...وعن تعاسة المعلمين في الهوامش في سنوات الانقاذ العجاف..هناك قصص تروى و(انا واحد منهم كنت في كريمة الصناعية 1988-1990...احتقر نظام الانقاذ الوعي وبذلك احتقر المعلم...وبالتالي اضحى المعلم غير قادر على الاداء الجيد وبعضهم ترك المهنة الي ما هو اسوا 3-المدرسة:توفت وزارة الاشغال المسؤلة عن صيانة المدراس وبيوت المدرسين الملحقة بها بصورة دورية..وتحولت كلها الي خرائب...ينعب فيها البوم 4- المنهج:طبعا في زمن التمكين وللوثة اكثر ما تضرر منهج اللغة الانجليزية وغاب الادب الانجليزي الذى يجعل السوداني شخص شعوبي يطلع على اداب الشعوب وثقافاتها..ولا يتطرف ويخرج في مسيرات هادرة يلعن امريكا واسرائيل ويقتل الاجانب في شوارع الخرطوم... ..وبتدمير بخت الرضا نفسها اضحت المناهج السودانية عرضة لاهواء الكيزان وعمليات غسيل المخ وتدني المعارف العلمية والاخلاقية ايضا...والذى جاء لحضور محكمة لبني شاهد نماذج من جيل الانقاذ البائس...جيل الشعر المبرم وجوال النوكيا والمخ الخاوي...شباب شجرة الزقوم/حزب المؤتمر الوطني 5- السلم التعليمي:وتخريب خطة 6:3:3 واستبدالها بي خطة غبية 8:3 ولنا عودة ان شاء الله
Post: #2 Title: Re: قضية الاسبوع:انهيار التعليم العام في السودان1989-2005 Author: adil amin Date: 10-28-2009, 12:57 PM
قف للمعلم ووفه التبجيلا...كاد المعلم ان يكون رسولا
مع خالص الشكر لعندليب الغرب عبدالرحمن عبدالله
Post: #3 Title: Re: قضية الاسبوع:انهيار التعليم العام في السودان1989-2005 Author: adil amin Date: 11-04-2009, 01:19 PM
تجفيف الداخليات دمر ثقافة المجتمع المدني السودان و في دارفور ومزق النسيج الاجتماعي فيها جعل اكثر من 2مليون طفل سوداني فاقد تربوي ومحبطين ومشردين في معسكرات نزوح..هل كان نظام الداخليات الذى جاء به الانجليز عبث كما يظن الانقاذيين الذين ضل سعيهم في الحياة الدنيا..ام هو محالو علمية لتفكيك المجتمع القبلي المتخلف والمتناحر وخطوة نحو المجتمع المدني اجهضتها سياسة الاخوان المسلمين العمياء
هل يعقل ان في زمن ما كان في معلقة نفط واحدة في السودان والتعليم والاعاشة مجانية في كل السودان وفي زمن النفط تعز الحياة نفسها على الناس في دارفور تحديدا وتبدد الاموال في حكامات من عرب وعجم يجمعهم مصطفى عثمان اسماعيل في جولاته المكوكية دون جدوى في الخرطوم لشجب وادانة عاطفية ساكت...لا تغيير من الواقع شيئا فقط تؤجل الازمة الي حين...
هذه انجازات الانقاذ العظيمة تدمير التعليم العالم واهانة الملعم والمدارس ايضا(خور طقت اضحت معسكر دفاع شعبي) بدل تخريج المتنورين تخرج الدبابين في حروب داحس الغبراء
Post: #4 Title: Re: قضية الاسبوع:انهيار التعليم العام في السودان1989-2005 Author: adil amin Date: 11-26-2009, 12:41 PM Parent: #3
Quote: وعن تعاسة المعلمين في الهوامش في سنوات الانقاذ العجاف وما قبلها ..هناك قصص تروى و(انا واحد منهم كنت في كريمة الصناعية 1988-1990...احتقر نظام الانقاذ الوعي وبذلك احتقر المعلم...وبالتالي اضحى المعلم غير قادر على الاداء الجيد وبعضهم ترك المهنة الي ما هو اسوا
القصة الاولى(عيدية) قالو ناس النهب المسلح في دارفور وقفو باص سفري ونزلو الركاب بقو يسالو كل فرد - انت شغال شنو؟ -طبيب - خت محفظتك هنا -انت شغال شنو؟ - مهندس - خط محفظتك هنا -انت شغال شنو؟ - محامي - خت محفظتك هنا - انت شغتا شنو؟ - معلم - اخد ليك محفظة من ديل وذهبت مثلا...... قصة ثانية واقعية ابان عملنا في التربية اليمنية ..كنا ناتي صنعاء لصرف استحقاقاتنا وكان معنا اصدقاء من ابناء دارفور...المعارين للتربية اليمينة...وذات يوم جاء احدهم مرعوبا من الخارج وعندما تسالنا عن ما افزعه قال:رايت احد افراد النهب المسلح في دارفور احتجزونا زمان... يتجول في باب اليمن
وطبعا دي اللبيب بالاشارة بفهمون
كان صاحبنا بتاع الباب ... معلم بالنهار ونهب مسلح بالليل في دارفور 1988.....
واحدة جات لامها وقالت ليها -(يا امي اتقدم لي زول داير يعرسني -شغال شنو؟ -مدرس - خلاص عرسي واتصبري بيه لحدي ما نلقى ليك راجل يعرسك... .... هذا نذر يسير من قصص المعلم السوداني...الذى افقدته الانقاذ اعز ما يملك وهو احترام الطالب والمجتمع له.... ولمهنة الانبياء التي يتقنها....بافقاره ماديا وروحيا...لانها كانت تريد الطلاب وقود فقط لحروبها الدينية الزائفة... والحديث ذو شجون
