Post: #1 Title: سجارة بنقو مع كل الود والتقدير(توجد مأساة) Author: طلال جبير جابر Date: 10-28-2009, 12:07 PM Parent: #0
من كان يظن ان الحضور هنا مستحيل عليه المتابعة...... فقط المتابعة
هكذا ابتدر عمر الحلاج كتابته حول قصة علاء ....
Post: #2 Title: Re: سجارة بنقو مع كل الود والتقدير(توجد مأساة) Author: طلال جبير جابر Date: 11-01-2009, 09:33 AM Parent: #1
انت لسة من زمن علاء !!!!! علاء فقد الزمن . لن نضع نقطة لنذهب بعيدا عقب حوار اصدقاء السؤد...... نعم علاء فقدالزمن والحضور واصبح جسدا مرهق التبعات ..... علاء فقد عقله دون ان يؤثرذلك في اصدقاء سوء يتحدثون عن فقدان الزمن ... علاء فقد الرابط بينه والانسان ...... والسبب سجارة بنقو ،،،،،،،،،،،
>
Post: #3 Title: Re: سجارة بنقو مع كل الود والتقدير(توجد مأساة) Author: مريم عبد الله Date: 11-01-2009, 09:39 AM Parent: #2
ربنا يكون في عون علاء وكل علاء
واصل
Post: #4 Title: Re: سجارة بنقو مع كل الود والتقدير(توجد مأساة) Author: طلال جبير جابر Date: 11-01-2009, 10:23 AM Parent: #3
الاخت مريم علاء دة حالة واحدة يوجد المئات مثله ....
ربنا يكو ن في عون كل الشباب الضايع
Post: #5 Title: Re: سجارة بنقو مع كل الود والتقدير(توجد مأساة) Author: طلال جبير جابر Date: 11-01-2009, 10:34 AM Parent: #4
من
من كان يظن ان الود مرهق بتبعات الفقر والاعاقة عليه الذهاب ببصره.. فهنا النظر زاويته الالم ... هنا عليك ان تشيح بوجهك بعيدا عن درك الانسان الاسفل .... فحين يذهب العقل تتبعه نعم الله دون اسي ..... وما نعم الله وتكريمه سوي العقل !!!!!!!!!!
>
Post: #6 Title: Re: سجارة بنقو مع كل الود والتقدير(توجد مأساة) Author: مريم عبد الله Date: 11-01-2009, 10:36 AM Parent: #4
طارق
صباح الخير
عارف المشكله هي مشكله علاء وكل علاء القصه ما بقت مرتبطه بي علاء دا من وين ولا ساكن وين
في زي طوفان مارق وجارف الشباب الظروف الاقتصاديه الحاله العامة العنف الاسري طريقة الحياة الاتغيرت
بصورة سريعة المفاهيم الاختلطت وين الصاح ووين الغلط الاختفت وبقت تابعه في تفسيرها لي المرحله البيعشيها الانسان
يعني يحلل الحرام ويحرم الحلال حسب الظروف
الغياب التام للمتابعة ومنو يتابع منو الاسرة كل واحد في جهة والشباب ما عندهم شي مفيد يشغلهم غياب القدوة والتقليد بدون فهم
لدرجه بقت لو ما بتكيف راسك انت ما كوول ولا مواكب مع الناس
لما جيت السودان العام الفات اتفاجاتا مع انه دا عملي ودا تخصصي اتفاجاتا ان في كميه الشباب لو ما وصل حد الادمان جرب
ولو لمرة واحدة انه يتعاطى شي والما جرب كلو كلو رايه محايد وما عنده مشكله مع الناس البتتناول المخدر
المساله كبيرة لانو لو انا سكتا وانت سكتا وادرب سكت و فاطمة سكتت الدنيا يبقى عليها السلام
اسفه على الاطاله
Post: #7 Title: Re: سجارة بنقو مع كل الود والتقدير(توجد مأساة) Author: ياسر بيناوي Date: 11-01-2009, 10:51 AM Parent: #6
up
Post: #8 Title: Re: سجارة بنقو مع كل الود والتقدير(توجد مأساة) Author: طلال جبير جابر Date: 11-02-2009, 06:59 AM Parent: #7
د. مريم شكرا جزيلا علي مرورك الكريم وحقيقة نحتاجك وكل المتخصصين لاثراء النقاش وتعم الفائدة ..... وطولي قدر ما تقدري علي الاقل كلام فيهو فائدة ....
ياسر بيناوي ازيك يا حبيب طولنا من تلفوناتك .... سلامي واشواقي الحارة
تشكرات علي المرور.....
Post: #9 Title: Re: سجارة بنقو مع كل الود والتقدير(توجد مأساة) Author: طلال جبير جابر Date: 11-02-2009, 07:10 AM Parent: #8
علمنا ان علاء مربوط ... مربوط بجنزير الاشفاق لا يجدي ... يجدي فقط التمعن في صنع الانسان ... بنفسه ..ذهبنا والوجع يوخز في القلب ... والقلب يتبع القل احيانا .. واحاييين ينفطر لفقدانه ...
يااااااااعلاء وجعي عليك فطر قلبي ..... يا علاء الدين كم امني النفس بان تخرج مصباحك السحري ... كم اتمني ماردا يخيرك الدعوات ..... دون شك ستكون امنياتك العقل ...العقل ... العقل ....
>
Post: #10 Title: Re: سجارة بنقو مع كل الود والتقدير(توجد مأساة) Author: طلال جبير جابر Date: 11-02-2009, 10:21 AM Parent: #9
الام نفيسة .... الاب في رحمة مولاه .... الفتيات منال ،لم تنله ، وامل بشفاء الاخ .... ومني الصغيرة ..... اين المني ؟؟؟؟؟ وهل يوجد امل ؟؟؟؟؟ وكيف المنال وعظم الظهر مربوط بجنزير .... هذه الاسرة تتقاطع امامها الحياة ولكنها تعيشها .......
/u/Codd-3.JPG WIDTH=710 HEIGHT=510>
Post: #11 Title: Re: سجارة بنقو مع كل الود والتقدير(توجد مأساة) Author: طلال جبير جابر Date: 11-02-2009, 11:01 AM Parent: #10
حين كا علاء في كامل بهائه كان طيب القلب ..... كان يعمل لكفالة اسرته وكانت حلام الام تتجاوز الحاضر ... تسهو في هدهدة الاحفاد ... ثم تغفو وحفيدها من علاء في حضنها .......ثم استيقظت ... استيقظت علي واقع غناء علاء .... ليس غناء بل نواح .... نواح من ترك نفسه في ذمتك ... يا علاء افعل ما شئت بمن حولك ....
Post: #12 Title: Re: سجارة بنقو مع كل الود والتقدير(توجد مأساة) Author: ismeil abbas Date: 11-02-2009, 11:51 AM
واصل أخ/علاء.... فلعل فى مواصلة الحديث نجد واحة ونستريح..من المعاناة التى يعانيها علاء ومن حوله..
الله يجازى الكان السبب...
Post: #13 Title: Re: سجارة بنقو مع كل الود والتقدير(توجد مأساة) Author: حافظ حسن ابراهيم Date: 11-02-2009, 12:05 PM Parent: #12
Quote: الام نفيسة .... الاب في رحمة مولاه .... الفتيات منال ،لم تنله ، وامل بشفاء الاخ .... ومني الصغيرة ..... اين المني ؟؟؟؟؟ وهل يوجد امل ؟؟؟؟؟ وكيف المنال وعظم الظهر مربوط بجنزير .... هذه الاسرة تتقاطع امامها الحياة ولكنها تعيشها .......
واصل يا طلال اصلا ما ناقصين الم و حزن واصل عليك الله
Post: #14 Title: Re: سجارة بنقو مع كل الود والتقدير(توجد مأساة) Author: طلال جبير جابر Date: 11-02-2009, 12:20 PM Parent: #13
الاستاذ : اسماعيل مشكور علي المرور ماساة تدمع لها العيون وينفطر لها القلب ،،،،،
الصديق الحبيب حافظ ازيك يا زول الهم فايتنا وين يازول اقعد عافية وجايك ،،،،،،،
Post: #15 Title: Re: سجارة بنقو مع كل الود والتقدير(توجد مأساة) Author: طلال جبير جابر Date: 11-02-2009, 12:34 PM Parent: #14
يا علاء افعل ما شئت بمن حولك ... افعل كل المحظور ....
وحين تفيق من الزهان ترحم علي نفسك ... عل الطاف الله تلحق باسرتك .....
يا من تفعلون بشبابنا التوهان .... يا من نامت بصيرتكم ..... يا من تظنون
ان الدنيا علي الدوام .... يا من تبيعون السم ثم لا تتعاطوه ......
ويا متعاطيه .... عليكم ادراك قدرته تعالي .... عليكم بتزكر ان الحياة ظل لن يدوم ....
لن اعطف علي الانسان فيكم ان رايت المشانق مسدلة ....
فقبلها كانت جنزيرا يقيد علاء .....
،،،،،،،
Post: #16 Title: Re: سجارة بنقو مع كل الود والتقدير(توجد مأساة) Author: عبدالله كع Date: 11-02-2009, 12:37 PM Parent: #14
حولة -
واصل يا رئع يا طلال
Post: #17 Title: Re: سجارة بنقو مع كل الود والتقدير(توجد مأساة) Author: طلال جبير جابر Date: 11-02-2009, 01:40 PM Parent: #16
عبد الله حبابك ومشكور علي المرور .....
Post: #18 Title: Re: سجارة بنقو مع كل الود والتقدير(يوجد فيديو) Author: طلال جبير جابر Date: 11-02-2009, 01:42 PM Parent: #17
Post: #19 Title: Re: سجارة بنقو مع كل الود والتقدير(يوجد فيديو) Author: خالد خليل محمد بحر Date: 11-02-2009, 01:56 PM Parent: #18
Quote: انت لسة من زمن علاء !!!!! علاء فقد الزمن . لن نضع نقطة لنذهب بعيدا عقب حوار اصدقاء السؤد...... نعم علاء فقدالزمن والحضور واصبح جسدا مرهق التبعات ..... علاء فقد عقله دون ان يؤثرذلك في اصدقاء سوء يتحدثون عن فقدان الزمن ... علاء فقد الرابط بينه والانسان ...... والسبب سجارة بنقو ،،،،،،،،،،،
ياطلال يازول مالك دايرتجننا...هسى عليك الله المسطول أنت ولا علاء...ده شنو كلاك الطير فى (سعد قشرة) ده.. كـــدى ورينامنو القال ليك(الشديد ده) بعمل كده..الناس بتضرب فى (البيش) وتجى تهضرب...لى قدام
Post: #20 Title: Re: سجارة بنقو مع كل الود والتقدير(يوجد فيديو) Author: طلال جبير جابر Date: 11-02-2009, 02:01 PM Parent: #19
حكمة الله يا خالد لا انا لا عمر صحبي دة ما لينا في الشديد .... حبابك ومشكور يا حبيب علي المرور وتسلم من الجنون ياحبيب
Quote: الطير فى (سعد قشرة) ده..
بجيك في الخاص لموضوع سعد قشرة دة ...
Post: #21 Title: Re: سجارة بنقو مع كل الود والتقدير(يوجد فيديو) Author: طلال جبير جابر Date: 11-02-2009, 02:03 PM Parent: #20
دي ماساة علاء
Post: #22 Title: Re: سجارة بنقو مع كل الود والتقدير(يوجد فيديو) Author: طلال جبير جابر Date: 11-02-2009, 03:20 PM Parent: #21
تم الذهاب بعلاء الي اكثر من اربعة اخصائى امراض نفسية واجمعوا جمعيا بان حالته لا يمكن علاجها
كان الله في عون علاء ........
Post: #23 Title: Re: سجارة بنقو مع كل الود والتقدير(يوجد فيديو) Author: طلال جبير جابر Date: 11-03-2009, 07:46 AM Parent: #22
>
>
>