ناس كندا: ألحقونا بعنوان الزول دا

Post: #1
Title: ناس كندا: ألحقونا بعنوان الزول دا
Author: Ashraf el-Halabi
Date: 10-28-2009, 05:49 AM
Parent: #0

سيقورو ندابني
http://ca.news.yahoo.com/s/cbc/091026/canada/canada_cal...r7_ndabene_calgary_1

Post: #2
Title: Re: ناس كندا: ألحقونا بعنوان الزول دا
Author: Ashraf el-Halabi
Date: 10-29-2009, 01:59 AM

ناس Calgary: شيخ سيقورو دا طلع منكم!

Post: #3
Title: Re: ناس كندا: ألحقونا بعنوان الزول دا
Author: Ashraf el-Halabi
Date: 11-05-2009, 05:20 AM
Parent: #2

http://finance.sympatico.ca/Home/ContentPosting?newsite...detect=&abc=abc&date

مبروك شيخنا

Post: #4
Title: Re: ناس كندا: ألحقونا بعنوان الزول دا
Author: Kabar
Date: 11-05-2009, 06:09 AM
Parent: #3

صديقي أشرف ..حبابك

عارف يا صديقي ، اي زول أو زولة يكسب توتو كورة (لوتري) هنا في كندا ، أول حاجة المستشار القانوني بتاعو بينصحو بأنو يغير عنوانو و تلفوناتو..لأنو بعد شوية ح تجيهو بلاوي كتيرة للغاية..و يمكن الموضوع يجيب موت عدييل..!

ظاهرة سقودو.. السستم الكندي قطعها في حنانو.. لأنو مسألة الفوز باللوتري أكثر من مرة .. هي نظريا مقبولة.. لكن لمن تكون عملية.. بتكون محرجة للغاية ، لأنو الفكرة أنو الناس تلعب و تدفع طوالي ..لكن كمان ما تكسب طوالي..

الطريفة الشعب الكندى أكبر شعب قمرجي (من قمار) على وجه الأرض.. يعني كل واحد أو واحدة.. لازم على الأقل يشتري ليهو تذكرة بدولارين في الأسبوع..و السستم قاصد فكرة القمار الشعبي و الوطني دي.. لأنو العالم هنا بالجد مغلوبة على امرها ، عشان كده السستم قاعد يبيع ليها حبوب التخدير في شكل احلام.. يعني كل كندي أو كندية في حالة حلم دايمة أنو في يوم ح يكسب لوتري..

المضحك المبكي.. أنو المنظمة المسئولة من تنظيم التوتو كورة في كندا.. عندها اعلان عجيب و غريب..و هي فاتحة خط تلفون ساخن و بتقبل بلاغات اذا كانت هناك حالة ادمان للمراهنة..و السبب أنو في بداية 2001 كانت هناك ظاهرة حالات انتحار بسبب ادمان المقامرة..

اللوتري الكندي اشكال و انواع..
مثلا الكرتلة ..Scrach ..و فيها مثلا بلاك جاك..و اكتر من خمسطاشر لعبة..
النوع التاني.. هو نوع الأرقام..و اكثرها شهرة سيوبر سفن(حقل ارقام من 1لغاية 47 و تختار منها سبعة اعداد) ..و سكس فورتي ناين (649)..وسكس فورتي ناين..غرب كندا..و الإتنين حقل ارقام من (1 لغاية 49 ) و تختار منها ست ارقام..الإكسترا (ده الكمبيوتر هو البيختار ليك الأرقام)..و ما كس و غيرها من الألعاب..
و هناك لوتري الألعاب الرياضية..و هو ده الفكرة الحقيقية لفكرة توتو كورة زمان في السودان.ز لأنو بيقوم على المباريات في كرة القدم (الأمريكية) و الباسكت بول ..و البيس بوول..و فكرتو أن تتنبأ بنتيجة المباريات..

اضافة للكازينوهات..و دي بتعتمد على مكنات..

التذكرة سعرها يتراواح من الدولار لغاية الخمسين دولار..

الطريفة في نوعية الناس البتكسب لوتري .. غالبا ما يكونوا السنير سيتيزن (عواجيز المعاشات) لأنو ديل بيكون ما عندهم شغلة غير مصاقرة اللوتري..و الواحد مرات بيكون بيلعب برقم واحد لمدة عشرة سنين..عشان كده حالة سقدو هي نادرة للغاية..

قضية سقدو كانت فيها سلبطة من واحد.. لكن هو استطاع أن يكسب بواسطة قرار من المحكمة..و العاجبني فيهو أن قال ح يشتكي الهيئة المسئولة عن العاب اللوتري .. لأن تأخير الكم شهر ده ممكن يطلع بأسعار فوائد جيدة..

الرجل طبعا من موزمبيق..و مقيم في كالقري من سنة 1984..و هي فترة كافية لأستيعاب السستم و الثغرات الموجودة فيهو..

مرة واحد قريبي سوداني ارسل مبلغ خمساية دولار و حق الكرامة.. لفكي موجود في السودان عشان يساعدو في انو يكسب لوتري..!!

في تأريخ اللوتري في كندا.. خمس سودانيين اتمكنوا من الفوز بالجوائز..و اعلاها كان تمنطاشر مليون دولار..!

كتر خيرك..و نأسف على الزحمة و النقة..

كبر
(جار سقودو الحيطة بالحيطة)!!

Post: #5
Title: Re: ناس كندا: ألحقونا بعنوان الزول دا
Author: Ashraf el-Halabi
Date: 11-05-2009, 06:38 AM
Parent: #4

Quote: كبر
(جار سقودو الحيطة بالحيطة)!!
وبرضو تقول لي "نأسف على الزحام والنقة" يا كبر!!
ياخي انت ما جار النبي ذاتو!
يا كبر انا شاكي انو شيخنا دا لاعب لعبة كرباوي في الموضوع دا
لأنه ما طبيعي يفوز شخص واحد خمس مرات على مدار خمسة أعوام، في وسط ملايين الناس البتلعب دي
هو تاني لو كسب دولار واحد القيامة حا تقوم
وما بعيد يختوا لافتة في باب أي كازينو مكتوب عليها"يمنع دخول سقورو"
فكنت عايز أعمل معاهو Deal حلو جداً
يكشف لي الترك وأنا كل أسبوع أجيب ليهو زول يلعب ويقسم معاهو فيفتي فيفتي
والمال تلتو ولا كتلتو

سعيد بمشاركتك يا مان