Post: #1 Title: أنين وحنين للنيـــــــل !!! Author: عمران حسن صالح Date: 10-27-2009, 08:50 PM
وشي من بُكـــــــــــــــاء <> أي سحر تملكـ يا بحر .. وأيِ وتر هذا يا عوض ؟؟؟
Post: #2 Title: Re: أنين وحنين للنيـــــــل !!! Author: عمران حسن صالح Date: 10-27-2009, 08:58 PM Parent: #1
ارتباط الموسيقى بعواطفنا .. الهام يتعدى الأشياء لديكـ .. قلت لخدر * الموسيقى تقضي الحاجات .. اسمعها وانت في قمة التوتر .. تهدأ وهذا ما فعلته موسيقى محراب النيل .. أليست هذه بحاجة ؟؟؟
_____________________ في بوست الترحيب بعوض الله بشير
Post: #3 Title: Re: أنين وحنين للنيـــــــل !!! Author: عمران حسن صالح Date: 10-27-2009, 09:01 PM Parent: #2
أيِ سحر هذا يا بحر .. وأيِ حب هذا الذي يجعل اسمكـ ( البحر ) أحب الأسماء لبني وطني رغم أن البحر ( سيد الاسم ) ليس إلا ملح أجاج
Post: #4 Title: Re: أنين وحنين للنيـــــــل !!! Author: عمران حسن صالح Date: 10-27-2009, 09:04 PM Parent: #3
النيل .. الوطن والحلم مرتع الصبا والنشأة الأولى .. حافظ أسرارنا وكاتم أمانينــا
الحق الاربيج الاخير يا احمودي انت ماكـ زولا بوصوهو
___ عمران صاحبي الحقار ازيكـ
Post: #6 Title: Re: أنين وحنين للنيـــــــل !!! Author: عمران حسن صالح Date: 10-27-2009, 09:09 PM Parent: #5
محراب النيل وعود عوض احمودي .. ذكريات البحر ودندنة عوض احمودي جلسات القهوة ، ومكان لقاء الحبيبة .. وهدوء .. وحنين .. وأنين .. ولعن الله هذا الفقر الذي حرمنا منكـ ولعن الله من كان سبباً ...
والله يا طارق صاحبك فعلا حقار ..!! بالله يوم واحد جاب سيره كمبيوتر المكتب طوااالي الجهاز بقى يعلق , واللابتوب بتاعي لحق امات طه والليله اترحمت عليه ..
يلا يا عمران يا اخوي .. خم وصر.. تاني تشوفني هنا من السنه للسنه ..والله حقوا لواحد يغرمك اللابتوب دا!! والله وجعني وجعه ..!! والغريبه دا جهازي من كنت في تانيه جامعه .. عمرو ما احتاج ولااااا لي ويندوز جديد ..!!
غايتو يا عمران .. يعوضني الله العوض النافع ..!!
Post: #9 Title: Re: أنين وحنين للنيـــــــل !!! Author: عمران حسن صالح Date: 10-27-2009, 09:16 PM Parent: #7
Quote: بالله يوم واحد جاب سيره كمبيوتر المكتب طوااالي الجهاز بقى يعلق , واللابتوب بتاعي لحق امات طه والليله اترحمت عليه ..
دكتورة ياخي ما مسحناها .. متين لحقت ؟؟
______________________ اسمعي محراب النيل دي وسلمي لي على النيل
Post: #8 Title: Re: أنين وحنين للنيـــــــل !!! Author: عمران حسن صالح Date: 10-27-2009, 09:13 PM Parent: #5
خدر الفنان .. احلامنا كانت كمية حاجات غريبة ياخي ... كلها مية ريال القطعنه بيها البحر .. كانت لا تكفي حتى لشراء كراسات تسجل هذه الأحلام وانا أقطع البحر ( سيد الإسم ) .. وشوية شوية تضاءلت حتى انحصرت في العودة للنيل .. مع زاد غربة ( مية ريال) *
______________ * القبيل قطعنه بيها البحر
Post: #10 Title: Re: أنين وحنين للنيـــــــل !!! Author: عمران حسن صالح Date: 10-27-2009, 09:24 PM Parent: #8
حوش بكري ده برتب المداخلات حسي رؤيته ...
_________ أهل السياسة الفاشلين ( معارضة ولا حكومة ) .. قالو الموسيقى إلهاء.. ناس الحكومة باسم الدين وناس المعارضة ( الفاشلين ) باسم المعارضة لأنهاء تلهي قراء البوستات الجادة عن القراءة!! .. لافتـــة لافي بيها واحد هنا .. طيب : لامن تربطني الموسيقى دي بي وطني ؟؟ مش دي رسالة برضـــو
Post: #11 Title: Re: أنين وحنين للنيـــــــل !!! Author: عمران حسن صالح Date: 10-27-2009, 10:01 PM Parent: #10
الله يديكم الجنة إنت و صلاح أخوي و عوض احمودي .. الله يدي البحر الجنة ..
و يغفر ليك في ليلك ده .
Post: #13 Title: Re: أنين وحنين للنيـــــــل !!! Author: عمران حسن صالح Date: 10-27-2009, 10:32 PM Parent: #12
Quote: و يغفر ليك في ليلك ده .
عماد عبد الله .. الزول السمح ليلي غلطت فيهو بي إيدي .. بديتو بي نومة من المغرب .. تلاتة ساعات زي الميت من دوام الوظيفة .. ودوام مع محمد ولدي العيان الليلة .. نزلة عادية وحمى ألف وأنين يقطِع القلب .. وصحيت مافي نوم وجيت هنـا أفتش .. ورماني حظي في عوض والنيل ..
زهجت من سرقة الفرح من اليوتوب زهجت من كثرة الاختيارات
عايز خالد عبده يختار لي من غرب القاش اسمع شنو
قهر قهر كلام بتاع قهر سلامتو الصغير
Post: #15 Title: Re: أنين وحنين للنيـــــــل !!! Author: عمران حسن صالح Date: 10-28-2009, 06:58 AM Parent: #14
Quote: زهجت من كثرة الاختيارات
أو كثرة الإختبــــــارات يا وليد
Post: #16 Title: Re: أنين وحنين للنيـــــــل !!! Author: عمران حسن صالح Date: 10-28-2009, 08:59 PM Parent: #15
Post: #17 Title: Re: أنين وحنين للنيـــــــل !!! Author: عمران حسن صالح Date: 11-04-2009, 07:41 PM Parent: #16
ويتواصل الحنين رغم الوجع .. والسراب <> بلد فيهو نيل ونجوم ..وليل ، وجهنمية كثيراً ما أحاول اتذكر النيل في الليل .. ونومنا بعد داكـ تحت النجوم وسرحاننا في الليل .. ليلنا ونيلنا .. هبة الله ... وطبيعتو الخلت سيد عبد العزيز وابراهيم الكاشف يدونا لوحة ما بتجي إلا من زولاً عاشر النيل والليل في بلدنـــا :
الليل ما بنومو لأني أنا حارس نجومو طول يا ليل وهود عاجبني طول الليل الليل نسيمو عليل الليل سكونو جميل الليل به النساك تتأمل الأفلاك يا ليل الليل به العشاق تتذوق الأخلاق تتناجى بالأرواح ولشدة ما ترتاح ما دايرة تاني صباح
الليل الليل ما بنومو لأني أنا حارس نجومو أنا راصد كواكبه تائه في ظلامه سابح في خيالو سارح وما عاشق جماله بس لي فيه ذكرى وماخد عنه فكرة يكون فيه التلاقي وانظر فيه حبي الحابيهو قلبي ينظر ما يلاقي الليل الليل ما بنومو لأني أنا حارس نجومو ويا ليل يا ليل يا ليل يا ليل بالله عيرني سماع اشكيك حبي الضاع وتغير الأوضاع هويت محاسن إنسان في غاية الإبداع يا ليل عاهدني حبيته ووجدته عهده خداع قت ليهو الوداع يا حبيبي الوداع الوداع الوداع يا سميري الوداع الليل الليل ما بنومو لأني أنا حارس نجومو
Post: #18 Title: Re: أنين وحنين للنيـــــــل !!! Author: عمران حسن صالح Date: 11-04-2009, 07:53 PM Parent: #17
الله عادل في توزيع حاجاتو .. دي ما بنشكـ فيها .. أدانا النيل .. والدعاش وحبيبــات وأدانا الغنا أمنيتنــا مع العندنا ده عيشه لينــة وهينة .. تخلينا ما نفارق النيل ...
ولا نفارق فيها زي النضم ده ..
Post: #19 Title: Re: أنين وحنين للنيـــــــل !!! Author: عمران حسن صالح Date: 11-04-2009, 08:14 PM Parent: #18
وكل لحظـــة تمـر عليه تنقص الايام شويه وتطفي شمعاتي القليله وافضل ابكي واقول حليله في الدمـوع أنا كل ليله أدفن اشواقي وحناني
Post: #22 Title: Re: أنين وحنين للنيـــــــل !!! Author: عمران حسن صالح Date: 11-05-2009, 10:59 PM Parent: #20
لؤي .. هي الفكـــره يا صديقي .. خلفية احمودي ومحراب النيل .. وتداعيات الحاجة للبلد رغم الســــــــراب والخيبات ( & )
__________________ ( & ) ولصديقي صديق رحمة
Post: #24 Title: Re: أنين وحنين للنيـــــــل !!! Author: انعام عبد الحفيظ Date: 11-05-2009, 11:17 PM Parent: #22
عمران خفف البكاء شوية ياخ ما توجع لينا قلبنا معاك!!
Post: #25 Title: Re: أنين وحنين للنيـــــــل !!! Author: عمران حسن صالح Date: 11-05-2009, 11:25 PM Parent: #24
انعام .. والله العظيم درجة إحساسي بي بلدي وصلت مرحلة أشوف الغنى ده كلوللبلد بس .. الغنى القالو كلو للحبيبات بحسه بيهو بقصد الحبيبة البلد .. ليه بتسأل عني تاني موجه للحبيبة لكن تعالي معاي في نص الغنى وشوفي الكلام ده :
وكل لحظـــة تمـر عليه تنقص الايام شويه وتطفي شمعاتي القليله وافضل ابكي واقول حليله في الدمـوع أنا كل ليله أدفن اشواقي وحناني
يلا تعالي إتخيلي لي احمودي ده ومعاهو عثمان حسين وهو في قمة عطائه .. وبنداوة الصوت حقت البدايات
Post: #26 Title: Re: أنين وحنين للنيـــــــل !!! Author: عمران حسن صالح Date: 11-06-2009, 00:01 AM Parent: #25
( & )