Post: #1
Title: زعلت ومدت بوزها ومسحت مداخلتها .. في وشي ( يوجد درس مجاني )
Author: أبو ساندرا
Date: 10-27-2009, 06:13 PM
دخلت ، عملت الواجب وشاركت بكلمات طيبات وطايبت
حست انه لم يحفل بها ويحتفل
ف زلت ومدت بوزها ومسحت مداخلتها في وشي
وفي حناني
|
Post: #2
Title: Re: زعلت ومدت بوزها ومسحت مداخلتها .. في وشي ( يوجد درس مجاني )
Author: أبو ساندرا
Date: 10-27-2009, 06:17 PM
Parent: #1
قمت بالرد المناسب حين حان الوقت المناسب
في المكان المناسب
قام الرد عجبني
ورأيت انه ممكن يساهم في رفع حرج او تطويل البال وتوسيع الصدر
|
Post: #3
Title: Re: زعلت ومدت بوزها ومسحت مداخلتها .. في وشي ( يوجد درس مجاني )
Author: أبو ساندرا
Date: 10-27-2009, 06:21 PM
Parent: #2
المداخلة التي عجبتني كانت ردآ على حنين للبلد
في بوست حمى انفلونزا الخنازير
عرفتي كيف يا صفية إني غير مرحب بمداخلتك
أوع يكون عشان تأخرت في الرد !
لأنك ما ممكن تقولي : عشان فطيتني في الرد
لأن هذا لم يحدث ، لم أفط لكني تقيدت بالدور حسب أسبقية
التداخل ولم أفط أو أقدم مداخلة على سابقتها
عشان كده المرجح ان سبب حنقك التأخير في الرد
وانا معاك ده بيغيظ شوية خاصة للناس البتهتم ترجع تاني
تشوف عملوا ليها شنو في مداخلتها ، وانا منهم بالمناسبة
بعود عشان بتوقع ان في الرد علي قد يبدأ حوار وتواصل
ومرات بيفطوني عديل ، يعني بيردوا على مداخلات كانت بعد مداخلتي
ولو ح تصدقيني ، ما بزعل
لسبب بسيط بقول إمكن مداخلتي ماعجبت صاحب البوست
وأقدر له انه فطني ونطاني بدل ما يسبني ويحط من مقداري
ومرات بكون مؤقن ان مداخلتي المفطوطة كانت رزينة وذكية
وفي عمق الموضوع وأضافت شييء ، في هذه الحالة قد أرجع تاني
برغم التجاهل وقد يكون التجاهل التجاهل أي مرتين ، برجع تاني
وبواصل في الموضوع وبنسى صاحب الموضوع وتجاهله ، أي بتجاهله
وبركز على الموضوع ، ده في الموضوعات البتقع لي جرح عشان اهميتها
وجديتها وعلاقتها بالذي أهتم به في البورد بالنسبة للقضايا العامة
ومرات عشان بس الموضوع لذيذ وعاجبني بواصل فيه كيتآ على صاحبه
وتجاهله
ولو فعل صاحب البوست نفس فعلته في بوست أخر بفهم انه مقاطعني
لكن ده ما بيجعلني اقاطع البوست لو نافع معاي
تأخرت ، نعم ... لكن لما سحبتي مداخلتك قمت بعد اللذين قبلك
وجدتهم 15 مداخلة ، توجست ، قلت هسع ال 15 ديل ومن بعدك وهم كثر
كلهم سحبوا مداخلاتهم أنا ح أعمل شنو ؟
خفت ، مش عشان هي فقط مداخلات سحبت
لا ، وكمان سحبت أو سحب دعاء كان يمكن أن يصادف القبول وأشفى
أيوة الذي تم سحبه ليس مجرد مداخلة لكنه دعاء وأمنيات بالشفاء
حرمتيني منها ، وكذلك حرمتي نفسك حيث أن قبول الدعاء بيشمل
صاحب الدعاء ذاته بخيراته وليس الموجه الدعاء من أجله فقط
بالمناسبة وجدت هارون دياب وحسن طه وخالد حامد الجزولي
عملوا كم مداخلة وواصلوا وانا ما رديت عليهم لغاية هسع
وفاتني أن أقول أن ردودي عمومآ كانت بطيئة
وقد نبهتني ماهيتاب وإنتقدتني ، ايوة عادي بناتي بينتقدوني
لكن انا كنت مرهق معظم الوقت كما ان اللاب توب يبدو فيه فايروس
ومزعج جدآ وبطييء جدآ
على كل شكرآ على المداخلة
المداخلة دي عجبتني وقد أفتح بها بوست
|
Post: #4
Title: Re: زعلت ومدت بوزها ومسحت مداخلتها .. في وشي ( يوجد درس مجاني )
Author: حنين للبلد
Date: 10-27-2009, 06:21 PM
Parent: #2
|
Post: #5
Title: Re: زعلت ومدت بوزها ومسحت مداخلتها .. في وشي ( يوجد درس مجاني )
Author: أبو ساندرا
Date: 10-27-2009, 06:31 PM
Parent: #4
قايلك نقلتي مداخلتك الهناك ، هنا ، برضو
مع ان فهمي بسيط في قراءة الرموز والأشكال
لكن لو كانت دهشة و أعجاب فارجو ان يتحول ذلك لإبداع
|
Post: #6
Title: Re: زعلت ومدت بوزها ومسحت مداخلتها .. في وشي ( يوجد درس مجاني )
Author: أبو ساندرا
Date: 10-27-2009, 06:35 PM
Parent: #5
قد يكون هذا البوست مفخخ
قد تكون هناك شراك منصوبة
|
Post: #7
Title: Re: زعلت ومدت بوزها ومسحت مداخلتها .. في وشي ( يوجد درس مجاني )
Author: Emad Abdulla
Date: 10-27-2009, 06:44 PM
Parent: #4
يعني نعمل شنو هسه ؟
على كلامك ده بيكونوا ناس المنبر ده كلهم كارهين ليك ابو يومي زاتو ..
أنا ما بعرف ادنكل الردود يا كبير .. و ما بعرف ارد إني لازم على كل الناس ..
و الله ما حركات مني و لا عنطظه و لا حقرة ..
بالعكس .. بحس إني مدين لكل زول جا و قرا و كتب .. شي ما ساهل ابدا ..
و بيطوقك بالجميل ليهو في رقبتك ..
بس كمان بلقى نفسي بكرر في مجاملات و اكليشيهات لا بتودي لا بتجيب ..
و الشغلة بتتحول من محاورة في مادة الموضوع لشكل سلوك اجتماعي نمطي .
و اهو مناسبة الزول يعتذر من كل الناس الما قدر يرد عليهم .. واحد واحد .
و ياخي امسحوها لي في وشي .. و حقكم علي .
......
نجي لحكاية الحمبكة الحنينية الضارية .
شوفي يا حنين .. الزول ده ما ياكل راسك ..
فطاك يعني فطاك ..
و أصلو ما تخليهو .
قطع جنباوي .
|
Post: #8
Title: Re: زعلت ومدت بوزها ومسحت مداخلتها .. في وشي ( يوجد درس مجاني )
Author: عاطف مكاوى
Date: 10-27-2009, 06:48 PM
Parent: #7
أمر المنبر يحير
|
Post: #9
Title: Re: زعلت ومدت بوزها ومسحت مداخلتها .. في وشي ( يوجد درس مجاني )
Author: Amin Mahmoud Zorba
Date: 10-27-2009, 07:32 PM
Parent: #8
شكراً يا عاطف
لاتنهي عن فعل وتاتي بمثله
|
Post: #10
Title: Re: زعلت ومدت بوزها ومسحت مداخلتها .. في وشي ( يوجد درس مجاني )
Author: قيقراوي
Date: 10-27-2009, 08:03 PM
Parent: #9
Quote: بالعكس .. بحس إني مدين لكل زول جا و قرا و كتب .. شي ما ساهل ابدا ..
و بيطوقك بالجميل ليهو في رقبتك ..
بس كمان بلقى نفسي بكرر في مجاملات و اكليشيهات لا بتودي لا بتجيب ..
و الشغلة بتتحول من محاورة في مادة الموضوع لشكل سلوك اجتماعي نمطي .
و اهو مناسبة الزول يعتذر من كل الناس الما قدر يرد عليهم .. واحد واحد .
و ياخي امسحوها لي في وشي .. و حقكم علي . |
ما بحلك يا عمدة
اي زول كتب كلمة في بوستك عندو فيها فهم . . ما وقع ليك تسألو . .
ما ظبط معاك تورينا حنكتك في قيادة الدفة و ترجع لموضوعك . .
و كان ما بتعرف الفاتح ليا موضوع شنو ؟ حنك ساي و لا داير تزيد مشاركاتك ؟ كترتا بدوا فيها دبورة ؟
لكن ما تعبر الزول دي ما بتنبلع - على الاقل لي - و لو بجبل عطرون عديل
يا زول كان ما نفعت معاكم ردوها لينا في مسماها .. مع تحذير واضح " اقطع وشك " و تاني ما نشوفك لافي بجاي !
يا اخوانا باللاي ماتجهجهوا باكاتنا معاكم ! . . الوضوح . . الوضوح . . ثم الوضوح . . . التجاهل ما سمح ياخ ؟
طيب الحقارة دي كيفنها ؟!
-------------
يا حنين ما ترخي عمك بركوتة دا اصلو .. كلو كلو 
و يا عمدة عذرك مقبول ما دام ما حصل فطيطتني  و الله النصيحة كلك ذوق . . لكن كان حصل غايتو الا يفرزونا بالشنب ؟!
ما بنجيب سيرة البوليس ديل باقي لي اصحابك كلهم .
|
Post: #11
Title: Re: زعلت ومدت بوزها ومسحت مداخلتها .. في وشي ( يوجد درس مجاني )
Author: حنين للبلد
Date: 10-27-2009, 08:32 PM
Parent: #10
Quote: قايلك نقلتي مداخلتك الهناك ، هنا ، برضو
مع ان فهمي بسيط في قراءة الرموز والأشكال
لكن لو كانت دهشة و أعجاب فارجو ان يتحول ذلك لإبداع |
ضحكت لاني قريت ردك لي هناك، وقلت سريع سريع ارد عليك عشان ماتقوم تفتح بوست اها عملت ارسال في نفس اللحظة لقيتك عملت البوست ده :)
تعرف اكتر شيء بزهج في النت ده شنو؟؟ انه مافي ايقونة نوايا.... كان الناس ارتاحت شوية من التبرير وتفسير الكلام والرموز....
|
Post: #12
Title: Re: زعلت ومدت بوزها ومسحت مداخلتها .. في وشي ( يوجد درس مجاني )
Author: خدر
Date: 10-27-2009, 08:38 PM
Parent: #11
شنو المظاهرات دي يا سعادتكـ
عمران ده ما فطاني عادي في بوستو الاخير
قلت حاجة انا ؟
| Quote: انه مافي ايقونة نوايا |
 
|
Post: #13
Title: Re: زعلت ومدت بوزها ومسحت مداخلتها .. في وشي ( يوجد درس مجاني )
Author: حنين للبلد
Date: 10-27-2009, 08:39 PM
Parent: #10
| Quote: يا حنين ما ترخي عمك بركوتة دا اصلو .. كلو كلو |
كبرنا يا قيقا ...بقى ماعندنا طاقة للرأس والرأي الآخر " يعني بدون تزويق كلام للمشاحنات" خلاص الغنماية بقت تاكل عشانا .... خلاص مابموت بي ريشو الا جداد الوادي....
وبيني وبينك...ابو ساندرا ده زول طيبان ونيته بيضاء... خلاص فهمت ليك نفسيته..." ماتقوم نجوتة تجي ناطة فيني جوز أسفيري"
|
Post: #14
Title: Re: زعلت ومدت بوزها ومسحت مداخلتها .. في وشي ( يوجد درس مجاني )
Author: حنين للبلد
Date: 10-27-2009, 08:48 PM
Parent: #13
Quote: شكرا ابو ساندرا
وعذرا ا للعجلة، لكني متحفظة جدا في تداخلاتي مع الآخرين هذه الأيام في المنبر واقتصرتها على مطايبات ومعايدات " لانه فجاة الزول لا ايده لا كراعه في المنبر ده بلقى روحو مدخلنه في محن" وده ماتجاهي انا بس العاقل من اتعظ بغيره حسب اجواء المشاحنات والتهاتر المالية البورد الأيام دي.
احسست انه امكن مداخلتي القعدت اسبوع تقريبا ومارديت عليها غير مرحب بها عشان كدة سحبتها، فعذرا لسوء الفهم.
غير كدة انا بدخل هنا طوالي لمتابعة حالتك الصحية لاهتمامي بمرض انفلونزا الخنازير الجاتنا فجاة دي واعراضها، غير الاهتمام بردك لتأكيد وصول رسالة حسن النوايا التي ارسلتها من خلال معاودتي لك اسفيريا في مرضك.
عموما دعوات الكل تحفك بطلب الشفاء العاجل لك وربنا يغمرك بالعافية والصحة... كله الباقي مابستاهل في الدنيا الرايحة دي المهم الصحة والعافية والسلامة.
وسلامي للبنات الغاليات وامهم..
ربنا يواليك بالعافية... |
دي مداخلتي الهناك يا ابوساندرا....
لو سمحت ممكن تكون مداخلتي دي نموذج لإثراء الحوار حول الموضوع...وسيكون لي عودة ..لانه انا نفس الموقف ده اتكرر مع اخ عزيز في المنبر,,,
|
Post: #15
Title: Re: زعلت ومدت بوزها ومسحت مداخلتها .. في وشي ( يوجد درس مجاني )
Author: حنين للبلد
Date: 10-27-2009, 08:48 PM
Parent: #13
Quote: شكرا ابو ساندرا
وعذرا ا للعجلة، لكني متحفظة جدا في تداخلاتي مع الآخرين هذه الأيام في المنبر واقتصرتها على مطايبات ومعايدات " لانه فجاة الزول لا ايده لا كراعه في المنبر ده بلقى روحو مدخلنه في محن" وده ماتجاهي انا بس العاقل من اتعظ بغيره حسب اجواء المشاحنات والتهاتر المالية البورد الأيام دي.
احسست انه امكن مداخلتي القعدت اسبوع تقريبا ومارديت عليها غير مرحب بها عشان كدة سحبتها، فعذرا لسوء الفهم.
غير كدة انا بدخل هنا طوالي لمتابعة حالتك الصحية لاهتمامي بمرض انفلونزا الخنازير الجاتنا فجاة دي واعراضها، غير الاهتمام بردك لتأكيد وصول رسالة حسن النوايا التي ارسلتها من خلال معاودتي لك اسفيريا في مرضك.
عموما دعوات الكل تحفك بطلب الشفاء العاجل لك وربنا يغمرك بالعافية والصحة... كله الباقي مابستاهل في الدنيا الرايحة دي المهم الصحة والعافية والسلامة.
وسلامي للبنات الغاليات وامهم..
ربنا يواليك بالعافية... |
دي مداخلتي الهناك يا ابوساندرا....
لو سمحت ممكن تكون مداخلتي دي نموذج لإثراء الحوار حول الموضوع...وسيكون لي عودة ..لانه انا نفس الموقف ده اتكرر مع اخ عزيز في المنبر,,,
|
Post: #16
Title: Re: زعلت ومدت بوزها ومسحت مداخلتها .. في وشي ( يوجد درس مجاني )
Author: خدر
Date: 10-27-2009, 08:49 PM
Parent: #13
| Quote: وبيني وبينك...ابو ساندرا ده زول طيبان ونيته بيضاء... خلاص فهمت ليك نفسيته |
بتعرفي نكتة الخروف الضِحكـ لمن عاوزين يبيعوهو يا حنين ؟
|
Post: #17
Title: Re: زعلت ومدت بوزها ومسحت مداخلتها .. في وشي ( يوجد درس مجاني )
Author: خدر
Date: 10-27-2009, 08:51 PM
Parent: #16
قررت تمديد إقامتي في هذا البوست
|
Post: #18
Title: Re: زعلت ومدت بوزها ومسحت مداخلتها .. في وشي ( يوجد درس مجاني )
Author: حنين للبلد
Date: 10-27-2009, 08:53 PM
Parent: #16
| Quote: بتعرفي نكتة الخروف الضِحكـ لمن عاوزين يبيعوهو يا حنين |
هههههه لا مالو؟؟؟
انتو عارفاكم مابترتاحو الا تخربوها...احنا يادوب بنقول يا هادي وبنطبع في العلاقات.... احكي ..احكي يا المبروك
بالمناسبة دي يا خدر..اتصلو علي امبارح اخوات واخوة من كندا...بسألو عن امكانية اقامة حفلة ليهم في كندا... ودايرين يتفاهمو معاك في الموضوع... اها .... بفكر من امبارح الم فيك كيف؟؟؟؟
|
Post: #19
Title: Re: زعلت ومدت بوزها ومسحت مداخلتها .. في وشي ( يوجد درس مجاني )
Author: خدر
Date: 10-27-2009, 09:15 PM
Parent: #18
| Quote: بفكر من امبارح الم فيك كيف؟؟؟؟ |
اسه في ذمتكـ لو الناس الاتصلو ديل سألوكـ لاقيتيهو وين !!
تقولي لاقيتو في بوست ؟
احرجتينا يا حنون والله مع الكنديين
تلفوني في البروفايل يا حنون خليهم يتصلوا .. مرحب بيهم
ابوساندرا ده يا حنين صاحبي والله .. آآآآي صاح هو بعد رمضان تركيزو ضِعِفّ و بشوت مرات كتيرة ضّفاري لكن ده من عشمو في اصحابو.
لكن كمان من ناحية تانية الحركة دي منو ما لذيذة و انا لو منكـ ما بخليهو والله
|
Post: #20
Title: Re: زعلت ومدت بوزها ومسحت مداخلتها .. في وشي ( يوجد درس مجاني )
Author: محمد عبد الماجد الصايم
Date: 10-27-2009, 09:28 PM
Parent: #19
في شنو يا عمكـ؟
________
بوز الســرور يا عمكـ!
|
Post: #21
Title: Re: زعلت ومدت بوزها ومسحت مداخلتها .. في وشي ( يوجد درس مجاني )
Author: أبو ساندرا
Date: 10-27-2009, 09:35 PM
Parent: #19
عماد عبد الله
Quote: بس كمان بلقى نفسي بكرر في مجاملات و اكليشيهات لا بتودي لا بتجيب ..
و الشغلة بتتحول من محاورة في مادة الموضوع لشكل سلوك اجتماعي نمطي .
و اهو مناسبة الزول يعتذر من كل الناس الما قدر يرد عليهم .. واحد واحد .
و ياخي امسحوها لي في وشي .. و حقكم علي . |
أها إستغليت المناسبة ؟
المجاملات الباهتة طعمها واضح و عشان مابتدخلك توووش
بيكون ردك انت ذاتك مسيخ و ممصمص
بس الكويس ان هذه نادرة في المنبر
معظم المداخلات ، صادقة وجميلة وبتحس بحرارتها وبتتفاعل وتنفعل معاها
زي مداخلات ودقاسم و الخالة دومة وسلمى الشيخ سلامة
ومداخلاتك انت ده يا عمدة بتطلع من روحك كاملة الدسم وغنية ومشبعة
وكمان موحية لرد في نفس السياق وعلى ذات النسق
وأظن ان هذا مرده لطابع الشخصية السودانية الإنفعالية
دمعتنا قريبة
وبنيتنا أقرب
|
Post: #22
Title: Re: زعلت ومدت بوزها ومسحت مداخلتها .. في وشي ( يوجد درس مجاني )
Author: haroon diyab
Date: 10-28-2009, 05:36 AM
Parent: #21
بوست غير موفق
قوم لف....!!!!
ومعاك عماد عبد الله
يافارات
|
Post: #23
Title: Re: زعلت ومدت بوزها ومسحت مداخلتها .. في وشي ( يوجد درس مجاني )
Author: على محمد على بشير
Date: 10-28-2009, 07:54 AM
Parent: #22
Quote: أيوة الذي تم سحبه ليس مجرد مداخلة لكنه دعاء وأمنيات بالشفاء
حرمتيني منها |
تعرف يا بركوته
حنين دى عليها جنس حساده واحده
يعنى حزفت المداخله بما فيها الامنيات بالشفاء
يعنى وهى زعلانه وبتحزف بتقول ان شاء الله تجيهو انفلونزا الخنازير جد جد
كااااااااااااااااااااك
الرسول فوقك رشها عشان تانى ما تكررا
موش يمكن تقوم تانى فى يوم من الايام تحزف لى واحد او واحده يكون عندو مرض خطير
لا سمح الله وتقوم تلحقم امات طه
الرش يا بركوته عشان تبقى ليها السابقه الاولى والاخيره
|
Post: #24
Title: Re: زعلت ومدت بوزها ومسحت مداخلتها .. في وشي ( يوجد درس مجاني )
Author: أبو ساندرا
Date: 10-28-2009, 12:28 PM
Parent: #23
يا ابو مكاوي
باللاي ما تحبط خططنا
خطط المقريزي
وما تعمل فيها رجاء النقاش
|
Post: #25
Title: Re: زعلت ومدت بوزها ومسحت مداخلتها .. في وشي ( يوجد درس مجاني )
Author: أبو ساندرا
Date: 10-28-2009, 04:51 PM
Parent: #24
كتب امين زوربا :
| Quote: لاتنهي عن فعل وتاتي بمثله |
انت و ابو راس الفوق ده
لمن مقتنعين بذاك البوست وعايزين تحاسبوني على اساسه
ما دخلتوا فيه ليه ؟
بدل الفصاحة والروح الإنتقادية كان تدلو برأيكم هناك
تباري لي عاطف مكاوي بطلعك من الجنة وسقطها
وقبل الجنة و حورها العين
|
Post: #26
Title: Re: زعلت ومدت بوزها ومسحت مداخلتها .. في وشي ( يوجد درس مجاني )
Author: أبو ساندرا
Date: 10-31-2009, 11:02 AM
Parent: #25
| Quote: يا حنين ما ترخي عمك بركوتة دا اصلو .. كلو كلو |
قيقراوي عمك بتاع قلبك
عايز تبوظ لينا مع الجكس مالك ؟
هسع بنعلق شهادة تسنين هنا وبنطرح نفسنا
مع ناس عماد عبدالله واللا إمكن مع ناس الجريفاوي
وحسام صحافة ذاتهم و أصغر
|
|