سجمى يا يمة ...

دخل رجل على زوجته
وهي مشغولة بالبيت

وناداها :
قال :ياهناية ...
قالت :ايوه
قال : تعالي دايرك هنا ...
قالت : في شنو ؟؟
قال : تعالي بس وانا بوريك ...
قالت : ياخي انا مشغوله قاعده اكوي في هدومك !
قال : خلي المكوة وتعالي ...
قالت : خلاص كويس ...
ثواني وجاتو لابسها كيف ..كيف ..
وريحتهاطاقة... وابتسامتها ماليه وجهها ...
قالت : أها في شنو ...
عاين ليها بإبتسامة صفراء وقال :
شوفي ... أنا عرست عليك ...

وردلب وقعت على الكرسي وهي تعاين ليهو ...
و بصوت يرتجف
قالت :سجمي ... قلت شنو ؟؟؟

قال : قلت ليك أنا عرست عليك ...
ويالله قومي شيلي هدومك وأرحكي على بيت أبوكي ....

أنا مسافر مع مرتي التانية كم يوم كدا نقضي لينا شهر عسل وبجي
راجع ...

عاينت ليهو بين مصدقة وما مصدقة ...
وبدون مقدمات قام ليك فيها ...

وقال : ما تعايني لي كدا قومي جيبي شنطتك وانا راجيك برة في
العربية ...

طلع وهي تعاين ليهو ومندهشه

ومنططة عيونها ومحتارة ياربي الحاصل شنو ؟؟؟
دقايق وجاتو في العربية ...

وبصوت مخنوق ...
قالت : لو سمحت ممكن تجيب الشنطه ؟؟؟
نزل من العربية وشال الشنطة وختاها في المقعد الخلفي ...

دور العربية وطوالي على بيت أبوها ...
بعد شوية وصلو البيت ...
قال ليها : تفضلي انزلي .....

فتحت الباب ونزل قبلها وشال الشنطه ....

وجاء بي عند بابها ومسك يدها

وقال ليها : حبيبتي
أنا لا عرست عليك ولاهم يحزنون
بس ... ابوك مات !!!
هي بدون ماتشعر قالت:

!...الحمدلله خوفتني

Quote: دور العربية وطوالي على بيت أبوها ... بعد شوية وصلو البيت ... قال ليها : تفضلي انزلي .....

انته يا بكري

ده بكه كتيمي ولا شنو؟

احدي البيت لا في سكليبه

ولا عنقريب ساكت في الحيطة؟

ولا يكون خبر ؟

هههه


لكن بعد ده الخلعة الدخلته بتخليها مفتحة عويناته كويس عليهو

تحياتي

هههههههههههه البكا يكون خبر يا مؤيد لكن والله خلعة نساها ابوها زاتوا

هههههههههههه والله الظاهر البكا خبر يا مؤيد لكن الخلعة الدخلت فى المرة خلت تنهجم من العرس اكتر من موت ابوها