جاء صوته هادئا ( أهلا ، منو معاى ؟) معاك ست البنات . يا سلام عيدنا بقى عيدين ! وصلتى متين ؟ أمس بالليل . أها حنشوفك متين ؟
باكر بإذن الله . كان ذلك ثانى أيام عيد الفطر فى الشهر الماضى .
وعلى مقعد فى كافتيريا جروبى بميدان طلعت حرب جلست صديقتى (نون) لنوهم جبيب نورا بأنها ست البنات ، وذهبت انا الى آخر ركن بالقاعة . حيا حبيب نورا نون فتعاملت وكأنها انا ، وكان الشك يتلاعب به للأختلاف الواضح فى صوتينا ، فبالرغم من أننا لم نلتق من قبل الآ اننا تحادتنا عبر الهاتف أكثر من مرة . وظهرت أنا من ركن القاعة ضاحكة وحييته ، فانطلقت أسارير حبيب نورا ، وقال : أنا كنت متأكد من ان الصوت دا ما صوت ست البنات . وانفجر ثلاثتنا فى ضحك وتواصل مشوار الحكى والأنس كعادة شعب السودان ، لا نحتاج الى مقدمات كما لا نهدر أى وقت للتعارف والشعور بالحميمية وكل شيئ يحدث بعفويتنا المعهودة . أذكر مرة وانا فى مدينة مالبورن جاء بروفيسور فى الزراعة من جامعة الخرطوم لحضور مؤتمر ، وكان أن أودعته أسرة إحدى الصديقات بالسودان أشياء ورسائل كى يسلمها لها ، وبما انها كانت لا تدرى مكان إقامته فقد فضلت استقباله بالمطار لاستلام وديعتها ، وطلبت منى مرافقتها , وفى صالة المطار رأينا رجلا يبدو عليه أنه أسترالى الجنسية ويحمل لافتة كتب عليها اسم البروفيسور ، فقررنا الإنضمام اليه والتعارف وأعلمناه بإننا فى استقبال البروفيسور نفسه . وجاء البروفيسور وبعد التحايا وزرف الدموع التى لا أدرى أكانت للقائه أم شوقا للوطن والأهل ! قرر الأسترالى دعوتنا للذهاب معهم لمنزله حيث يستقبل القادم وفق خطة منظمى المؤتمر . وهناك فى منزله ذى الحديقة الواسعة قدم لنا أكواب العصير وكانت صغيرة وغير ممتلئة . وجلس معنا بعض الوقت واستأذن للذهاب كى ينام . وبقينا نحن الغبش أصحاب السهر وحدنا نتجاذب الحديث ونسأل عن صديقاتنا وأصدقائنا بجامعة الخرطوم ممن يعرفهم البروفيسور . وامتدت جلستنا على مقاعد الصالون حتى الفجر ، وكنا قد أتينا الضيف بالعشاء من أحد المطاعم (وجعلنا البيت بيتنا ) وفى السادسة صباحا أفاق صاحب البيت من النوم استعدادا للذهاب الى المؤتمر ، وحيانا تحية الصباح وأردفها متسائلا :( انتو ليكم كم سنة ما اتلاقيتو ؟؟) وكانت مفاجأة له أن يعلم بأننا نلتقى لأول مرة ! فجلس وقال : أنا لازم أسافر للسودان علشان أشوف البلدالفيها ناس بالحميمية دى !!!
مكثنا بعض الوقت فى الكافيتيريا وذهبنا الى مطعم كنتاكى وتناولنا وجبة العشاء والأنس متواصل ، ومرت اللحظات سريعة وقفلنا ثلاثتنا راجلين الى حى عابدين حيث أقيم ونون , ورافقنا حبيب نورة ، وفى أحد أركان البناية احتسينا عصير القصب وجلسنا على مقاعده فى الهواء الطلق مواصلين السمر ، وحانت منى لحظة بالرجوع الى الذاكرة وتوسمت أنه قد يعرف بعض أصدقائى القدامى بالقاهرة ومنهم الشفيف مطر قادم ، فما كان من حبيب نورة الآ وأسمعنى صوت مطر بلمسة من جواله المحمول . وتقابلت مع مطر , وطلال عفيفى ، رهان ، نابرى ، المهداوى ، نادية السر ، وناذر الخليفة ، واستمعت الى أغنيات الفنان ياسر فى مقهى البورصة . ولم يتركنى حبيب نورة الى أن أوصلنى إلى مطار النزهة بالإسكندرية وكان مودعى الوحيد بالمطار . وحبيب نورة لمن لم يلتقيه يافع وشاب صغير يملؤه الوعى والجمال والشهامة ، فقد أعجبت بكتاباته النيرة فى السابق ، والآن أعجبنى خلقه النبيل . فشكرا للوطن اذ أهدانى أخا صغيرا وصديقا جميلا , و تحية لكم أصدقائى بالقاهرة ، ويا حبيب نورة سلام عليك . ست البنات.
Post: #2 Title: Re: حبيب نورة ... سلام عليك ... Author: مريم عبد الله Date: 10-25-2009, 05:31 PM Parent: #1
ربنا يديم عليكم الخوة وتكون عرفة كلها خير
التحيه ليك يا ست البنات ولي حبيب نورة لانكم مثل رائع لاصاله السودانين
العزيزه ست البنات هذه الكتابة يتوفر لها قدرا عظيما من حسن الظن والنوايا والصدق ولهذا الفتي حبيب نوره مكانة ما فقد اسميها انا انه "محل محبة" فهو يبذل الود والحميمية لكل الناس
Quote: وحبيب نورة لمن لم يلتقيه يافع وشاب صغير يملؤه الوعى والجمال والشهامة
شكرا لهذا العطاء الانساني الذي عودتينا عليه من فجر معرفتنا بك رافقتك السلامة ست البنات الي تلك البراري القصية وحتما سنلتقي ...ان لم يكن هنا....فهناك.....اوهناك
ست البنات لي حدّهِن بعد ما بكّمتيني وسرقتي مني الكلام! مضطر ٌشقش باقي دميعاتي دي و أفتش ليك في شوراعاً أجيكي بيها يعني أول حاجة ما كان في داعي تعملي فيني كدي هسة أنا أستنفدت المخزون الإستراتيجي من المناديل ! وعشان أوريك إنوا القلوب شواهد أتصلي هسة بي (نون) و القلم وما يسطرون بتقول ليك هسة كان بتكلم معاي وجبنا سيرتك بما يعادل خمسة جنيه حسب التعريفة المصرية لشركة إتصالات تستعاشر قرش للدقيقة! ياخي إنتي زولة نفيثة ونادرة وبتعب الواحد عشان يلاقي زولة في طيبتك وسماحتك وعفويتك و ضكرنتك علي اليمين أنا أدق القسم أقول لي أيي زول ست البنات بي مية راجل وكمان بنحفظ ليك حقك الأنوثي
ياخي كتّر خيرك وربنا يديكي حسب نيتك وربنا يوفقك وبي كدة إنتي أستحقيتي الدعوة الحبيبو نورانية الحصرية المستجابة
ربنا يعليكي ويخليكي ويضاريكي ويهنيكي ويغطيكي ويعليكي وما يدليكي و للجنة يوديكي بركة من صلّي وقال يا الله بإذنِ واحدٍ أحد الفرد الصمد الذي لم يلد ولم يولد!
سلام عليكي يا ست البنات ويا حبيب نورة سلام يغشاكم ذات ليل صاخب في تلكم العاصمة التي لا يكل اهلها الكواريك وضرب البوري و في تلك البورصة التي تعج بمواطني بلادي حتي ظننتها استاد ود نوباوي..... ازيكم يا اخوانا في بلاد المهجر .؟؟؟.
ست البنات يعني انتي رايحة مني الزمن دا كلو ؛ كنت في القاهرة ولاقيتي حبيب نورة وتلفونك لا يصد ولا يرد .. وبس ما تقولي انك رجعتي استراليا عشان انا واولادي نزعل منك ؛ كنا عايزنك تعيدي معانا بس البركة في شوفة حبيب نورة الجنى الطيب البارك في الواطة دا اكيد حيكون كلو جمال وكلو حلا بس لكن يا ست البنات .... بس وريني انتي وين ؟؟ عشان اتصل وتسلمي
ست البنات يا نفيسة حسن الغاليات فى البورد ازيك انت لاقيتى حبيب نورة؟؟ والله انت بخيته فى عمرك ده ده زول ايدو بتخجل العينه ام سحابا نيل لم التقيه حقيقة ولكن الله يشهد الجنا ده ايدو لاحقة ... انا هنا وهو هناك، اسدانى فضائل انا عارف كان سويت ليه قبة ما حا اقدر اجازيه.. مدد ...مدد...ياشيخى لحاق بعيد حبيب الله يديك قدر نيتك وسماحتك وبكل الذين ذكرهم شيخى البرعى فى مصر المؤمنة الله يحفظك فى مصر المؤمنة باهل الله. حبيب لانريدكم معنا ولانريدنا معكم، ان شاء الله نتلاقى طيبين فى الخرطوم ليطيب اللقاء زمانا ومكانا ويبقى الود،،،،
Post: #33 Title: Re: حبيب نورة ... سلام عليك ... Author: Magdi Ahmed Elsheikh Date: 10-27-2009, 00:20 AM Parent: #29
حبيب نورة ,,
مشتاقين كتييييير ,,
وياسلام عليك ياسلام,,,,
سلام عليك ياسلام!!!
Post: #12 Title: Re: حبيب نورة ... سلام عليك ... Author: ست البنات Date: 10-26-2009, 00:52 AM Parent: #10
حبيب نورة الظريف وهميم
اريتك انت تبقى عفى
وزى النيل يزيد خيرك
ويخدر عودك المشرق
وتصابح العيد ووراهو العيد
غلام يافع
رضى وميمون
وفايت الناس
ملان احساس
وماخد الكاس
وشايل الشكرة فوق الشكرة
ماك كسلان
ولا داقس
ناقش الألف والمضمون
صغير فى السن
بس فهمان
ذكى وفاطن
خال فاطنة البكنز الخير
يا مقنع ضرا الكاشفات
للعاجز تسند الحيل
اريتك يابا ديمة نبيل
وزايد فى السماحة الفيك
ست البنات.
Post: #14 Title: Re: حبيب نورة ... سلام عليك ... Author: ست البنات Date: 10-26-2009, 01:07 AM Parent: #12
مطر قادم ،
جميلة القاهرة بكم ، ومعكم تتسارع الساعات وتنطوى المسافة ما بين زهرة البستان وعين شمس ، فتختزل الأذن أصوات أبواق السيارات العجيبة يا رهان !
فلا أسمع سوى أصواتكم جميعا !
كانت امسية جميلة جمعتنى بكم فاحتزلتم كثيرا من أحزانى وبعض القلق ، ومعكم صالحنى الفرح وخاصمتنى بعض همومى ، فتمنيت البقاء معكم !
وقد شارككم فى صنع مهرجان فرح الدواخل هذا آخرون ، فتحية للحبيبة نون , وهيام ، عثمان ، عادل ، عزيز ، جدو ، مؤيد ، وخالد .
ولك يا ليلى كل الود والتمنيات بالشفاء .
ست البنات.
Post: #15 Title: Re: حبيب نورة ... سلام عليك ... Author: ست البنات Date: 10-26-2009, 01:27 AM Parent: #14
والتحية ليك العزيزة مريم عبدالله ،
طبعا الواحد مننا لما يلاقى الناس السمحين وهو طاحناهو الغربة اللئيمة بيحس بإنه سالم الوطن بأسره !
وكتر خير الأسافير وشكرا لك أخى بكرى اذ جعلت ذلك ممكنا ! ولك الود.
ست البنات.
Post: #16 Title: Re: حبيب نورة ... سلام عليك ... Author: ست البنات Date: 10-26-2009, 01:38 AM Parent: #15
عشة بت فاطنة ،
الصافية زى موية الزير القناوى فى سبايل رفاعة البهية !
الشوق مطر (ما مطر قادم ) دى جملة فعلية والآ اسم يا مطر ؟ والله كل مرة اقول اسالك السؤال دا وأنسى !
عشة الحبيبة ، مشتاقين والزمن غلاب ! والله يا عشة ذهبت الى القاهرة بنصف قلب وشريان ! والباقى خليتو فى الرباط مع الحبيب ، توأم الروح ، وربنا يشفيه . والقاهرة كانت فاقداك ، هى مالها مصر أبتك ؟
رسلت ليك رسالة فى الماسينجر هسة ، وفيها كل الرد والمضمون .
وتحياتى للأسرة .
ست البنات.
Post: #17 Title: Re: حبيب نورة ... سلام عليك ... Author: ست البنات Date: 10-26-2009, 01:48 AM Parent: #16
العزيز صديق الموج ،
سوميتة المنبر وجرتك الأفراح حباب الطلة يا المبروك ،
وكل البيعرف حبيب نورة سعيد وبخيت ! أها انت كمان مشاركنى البخاتة !
ودا أول زول اقراهو وأشوفو والقاهو واحد !!!(فهمت حاجة ؟)
الزول دا هو وكتابتو تيمان ! وغايتو بخت المنبر بيهو .
(الليلة غايتو حبيب نورة دا راسو بيبقى ليهو تقيييل !!)
شكرا على الكلم السمح دا ، وربنا يتقبل دعوتك ونتلم فى الوطن .
ست البنات.
Post: #18 Title: Re: حبيب نورة ... سلام عليك ... Author: ست البنات Date: 10-26-2009, 01:52 AM Parent: #17
رهان يا روعة ، يا مكملة الظرافة ،
والله معرفتك كنز ، وياريت نتواصل .
وتحياتى الى نادية السر ( ومش كان حقو تودعنا ؟)
ست البنات.
Post: #20 Title: Re: حبيب نورة ... سلام عليك ... Author: ست البنات Date: 10-26-2009, 02:06 AM Parent: #18
العزيز بهاء بكرى ،
تحياتى ،
يا اخى حبيب نورة دا مراية الوطن ، وصديق الموج سوميتة المنبر وتميمته الباهية .
انت بس من حبك ليهم بتهاظر معاهم ساكت ! مش كدا ؟
شكرا لمرورك .
ست البنات.
Post: #21 Title: Re: حبيب نورة ... سلام عليك ... Author: حامد محمد حامد Date: 10-26-2009, 06:45 AM Parent: #20
Quote: ست البنات يا نفيسة حسن الغاليات فى البورد ازيك انت لاقيتى حبيب نورة؟؟ والله انت بخيته فى عمرك ده ده زول ايدو بتخجل العينه ام سحابا نيل لم التقيه حقيقة ولكن الله يشهد الجنا ده ايدو لاحقة ... انا هنا وهو هناك، اسدانى فضائل انا عارف كان سويت ليه قبة ما حا اقدر اجازيه.. مدد ...مدد...ياشيخى لحاق بعيد حبيب الله يديك قدر نيتك وسماحتك وبكل الذين ذكرهم شيخى البرعى فى مصر المؤمنة الله يحفظك فى مصر المؤمنة باهل الله. حبيب لانريدكم معنا ولانريدنا معكم، ان شاء الله نتلاقى طيبين فى الخرطوم ليطيب اللقاء زمانا ومكانا ويبقى الود،،،،
صديق الموج والله الكلام دة كتير علي والله عقدتونا والواحد بقي ما عارف يقول ليكم شنو
Quote: سلام عليكي يا ست البنات ويا حبيب نورة سلام يغشاكم ذات ليل صاخب في تلكم العاصمة التي لا يكل اهلها الكواريك وضرب البوري و في تلك البورصة التي تعج بمواطني بلادي حتي ظننتها استاد ود نوباوي..... ازيكم يا اخوانا في بلاد المهجر .؟؟؟.
وليكم من التحايا بقدر ما اسعدتني ملاقاتكم ..
ريهانا
إزيك يا جميلة والله وحشة يا أختي فيكي الخير وسلام كبير للحلوين كلهم تلفوني تلقيه في الفلاني
Post: #43 Title: Re: حبيب نورة ... سلام عليك ... Author: عبد المنعم سيد احمد Date: 10-30-2009, 11:20 PM Parent: #41
الصديقة..ست البنات لك التحايا ولزائريك.. اما زالت زهرة البستان..بكل نضارتها وجمالها (عمك سيد..عمك احمد..واحمد)وقشطة وجويلى وكل الرائعين. مازالت خطواتنا فى..ذلك الممر الضيق.. الواسع..بثقافته..وجمال مرتاديه (الاتيلية..ولقاء الاسبوع) وسكن امل دنقل..وكل تلك التفاصيل الانيقة. اكاد اجزم..ان لنا..بعضا من ذكرى. لك التحية وعودا حميدا.
Post: #44 Title: Re: حبيب نورة ... سلام عليك ... Author: الفاضل يسن عثمان Date: 10-31-2009, 00:02 AM Parent: #43
Quote: والله يا عشة ذهبت الى القاهرة بنصف قلب وشريان ! والباقى خليتو فى الرباط مع الحبيب ، توأم الروح ، وربنا يشفيه .
مقتبس من مداخلة لست البنات. اصلا انتم الكمباليين،لكم انجذاب،مدهش،طيبوبه وعفويه وحنيه و سودانويه وماذا ثم ماذا. فالطيبون للطيبات صداقة ومودة والتقاة.لم اتشرف بقابلة حبيب نورة لكني متابع ونهم لمداخلاته وبوستاته،ولا عجب، ستي عنوانه وسيرته،سوداني نقراء ونتابع صناعة الرداءة بالمنبر وهناك في بلادنا،فنصاب بالغثيان لكن بلاد بها سيرة حبيب نورة وست البنات كمبال وعبد الواحد كمبال،تعيد الينا ذهوة الانتماء، وغبطةوسرور، لا تعادلها قوي الكون مجتمعة. ياحلاوة بلادي بيكم ويا ذهوي وافتخاري ببلادي بيكم اللهم اشفي استاذي كمبال من كل سقم،ويدم المحبة والمعروف في بلادي.
Quote: مقتبس من مداخلة لست البنات. اصلا انتم الكمباليين،لكم انجذاب،مدهش،طيبوبه وعفويه وحنيه و سودانويه وماذا ثم ماذا. فالطيبون للطيبات صداقة ومودة والتقاة.لم اتشرف بقابلة حبيب نورة لكني متابع ونهم لمداخلاته وبوستاته،ولا عجب، ستي عنوانه وسيرته،سوداني نقراء ونتابع صناعة الرداءة بالمنبر وهناك في بلادنا،فنصاب بالغثيان لكن بلاد بها سيرة حبيب نورة وست البنات كمبال وعبد الواحد كمبال،تعيد الينا ذهوة الانتماء، وغبطةوسرور، لا تعادلها قوي الكون مجتمعة. ياحلاوة بلادي بيكم ويا ذهوي وافتخاري ببلادي بيكم اللهم اشفي استاذي كمبال من كل سقم،ويدم المحبة والمعروف في بلادي.
الفاضل ما أجمل هذه الكلمات وما أشد صدقها
ياخي بنحبوكم كلكم وربنا يقدرنا علي جزاكم و أشكر للمرة الدشليون الأخت ست البنات الكمبالية و أسمحوا لي بي الكمبلة معاكم
Quote: والله يا عشة ذهبت الى القاهرة بنصف قلب وشريان ! والباقى خليتو فى الرباط مع الحبيب ، توأم الروح ، وربنا يشفيه .
مقتبس من مداخلة لست البنات. اصلا انتم الكمباليين،لكم انجذاب،مدهش،طيبوبه وعفويه وحنيه و سودانويه وماذا ثم ماذا. فالطيبون للطيبات صداقة ومودة والتقاة.لم اتشرف بقابلة حبيب نورة لكني متابع ونهم لمداخلاته وبوستاته،ولا عجب، ستي عنوانه وسيرته،سوداني نقراء ونتابع صناعة الرداءة بالمنبر وهناك في بلادنا،فنصاب بالغثيان لكن بلاد بها سيرة حبيب نورة وست البنات كمبال وعبد الواحد كمبال،تعيد الينا ذهوة الانتماء، وغبطةوسرور، لا تعادلها قوي الكون مجتمعة. ياحلاوة بلادي بيكم ويا ذهوي وافتخاري ببلادي بيكم اللهم اشفي استاذي كمبال من كل سقم،ويدم المحبة والمعروف في بلادي.
____
سلام عليكم جميعا،
العزيز :الفاضل ياسين ، والصدوق عبدالمنعم سيدأحمد ( وسلام عليكم وسؤال كتير عن حال السرة الجميلة )
