العُـمُر إحساس

العمر ما هو السنيـن
والدنيا ما ياها الأيـام
العمر إحساس نعيشـو
لما نفرح ببقي تــام
والسنين البينا تقصـر
مهما طالت تبقي عام
*** ***
الفرح جوانا عايـــش
إلا نحن كيف نحِّســـو
والحزن لو يبقي طايـش
بيني بينك ليه ندِســـو
*** ***
المراكب مهما يإسـو
في النهايه لازم يرسو
والحبايب ممكن يقسو
بس وحاتك ما بينسو
*** ***
العمـر لحظات تجلِّـي
بين بشاشه وإبتسامـه
لما تفـرح فيك يعلِّـي
عافية الروح والوسامه
*** ***
الحــزن كتّال تملِّـي
للنهـارات السـلامـه
ليك يودِّر وفيك يخلِّـي
نكسة الروح وانهزامه


فاروق أبو حوه

التحايا النواضر استاذ فاروق

Quote: العمر ما هو السنيـن والدنيا ما ياها الأيـام العمر إحساس نعيشـو لما نفرح ببقي تــام والسنين البينا تقصـر مهما طالت تبقي عام *** *** الفرح جوانا عايـــش إلا نحن كيف نحِّســـو والحزن لو يبقي طايـش بيني بينك ليه ندِســـو

كلام عميق يلامس شفاف الروح

ويلامس حزن جواى


التحية ليك ولضيوفك متعك الله بالسعادة

Quote: كلام عميق يلامس شفاف الروح ويلامس حزن جواى التحية ليك ولضيوفك متعك الله بالسعادة

أستاذه نجلاء:

الفرح جوانا عايش
إلا نحن كيف نحِسو؟

شكرا لمشاركتك لي هذه الدعوة لفهم معني العمر
يبقي التفاؤل هو القصد في نهايات القول.


فرتقيها زكري تلك الأحزان ..كويس؟


كل الود

Quote: الحــزن كتّال تملِّـي للنهـارات السـلامـه ليك يودِّر وفيك يخلِّـي نكسة الروح وانهزامه

الاستاذ فاروق لك التحية والاحترام
نص معبر جدا واحساس عالى
رغم الحزن الدفين .لكن نص مشبع حنين
شكرا للاهداء الرائع ..وفى انتظار المزيد
الى الامام دوما ان شاء الله
تحياتى
اسماء الجنيد

Quote: *** *** الفرح جوانا عايـــش إلا نحن كيف نحِّســـو والحزن لو يبقي طايـش بيني بينك ليه ندِســـو *** ***

الحبيب فاروق

دا كلام كبير وكتير ياخ اكتب ياخى خلينا نحاول


معاك نحس بالفرح وما ندسدس احزانا كمان .....


يا سلام عليك

Quote: الحبيب فاروق دا كلام كبير وكتير ياخ اكتب ياخى خلينا نحاول معاك نحس بالفرح وما ندسدس احزانا كمان ..... يا سلام عليك

عنان يا إنسان

الفرح جوانا عايش ..

إلا نحن كيف نحسو ..

بنا مقدره للفرح يا خالد رغم الزمانات (الكوانين).



بس وصيه يا خالد:

قول للناس (اللواييق) الهناك ديل كفاااااكم ياخ..

Quote: الاستاذ فاروق لك التحية والاحترام نص معبر جدا واحساس عالى رغم الحزن الدفين .لكن نص مشبع حنين شكرا للاهداء الرائع ..وفى انتظار المزيد الى الامام دوما ان شاء الله تحياتى اسماء الجنيد

أستاذه أسماء:

تحياتي الندية لوجودك معي علي شرفات العمر..
ليتنا نعرف أن العمر ليس شهادات ميلاد تجر وراءها سنوات مُكدره

كل الإمتنان علي الإطراء الذي طالت بهامته الحروف.



كامل مودتي

النص دافئ
ويحمل معاني انسانية جميلة
شاعرنا ابوحوة شكرا لك وانت تكتبنا حروف



تم التعديل لعدم التسلسل فعذرا
بنواصل حكينا بهناك

مودات تكفي كون وتزيد

ان عشنا يا ما حنشوف يا ابا حوة المسنوح

عليك ام جناك دا شعرك براك ولا خمشة من قوقل ؟

اكان حقك نننحني لجلالتكم

Quote: ان عشنا يا ما حنشوف يا ابا حوة المسنوح عليك ام جناك دا شعرك براك ولا خمشة من قوقل ؟ اكان حقك نننحني لجلالتكم

ود شيقوق يا حبوب:

وحات أم جناي الشي دا من (دقنوسي)..
وعمك قوقل دا أنا ما فاضي لي زقاقاتو ومحنو..

إنت عارف يا شيقوق الواحد بقا يخاف من الخمش والتغول علي حقو ..
وحاتك إت واحد منزل قصيدتي بي ضبانته وقال حقتو !!
لكن أخوك مفتح وصاحي والحاجات دي كلها منشوره هنا بعد أن أجزتها زمان..

وصاحبك اللطاش دا كدي خليني أجيه بي رواقه بوريه نجوم النهار..
عالم ما بتختشي..


أطمن يا حبوب أخوك وااااااعي لسه..


كل الود

Quote: النص دافئ ويحمل معاني انسانية جميلة شاعرنا ابوحوة شكرا لك وانت تكتبنا حروف تم التعديل لعدم التسلسل فعذرا بنواصل حكينا بهناك مودات تكفي كون وتزيد

الوردة الندية هند محمد..

عافية حرفك المتعافي تزورني هنا وهناك..
فلك مني كل التحيات العراض علي الإطراء..

لسه القدره موجوده يا ودوده..
بنواصل..


تحياتي

اخى فاروق

لك التحيه

ذكرتنى بمقولة الكاتبه احلام مستغانى(( حين نكون تعساء ندرك تعاستنا.... ولكن عندماسعداء لانعى ذلك الا فى ما بعد..


ان السعاده اكتشاف متأخر...)) كتاب فوضى الحواس(( فوض الحواس))


ودائما ما اقول الى من تبقى من الاصدقاء..

الكبر ما مشكله.. المشكله فى المكابره مع الكبر..


وبكره نكبر ونكبر اكثر بالاحساس كمان وكمان..


لك الود

هكذا تأتي بالمفيد فاروق
هو هكذا العمر
مجابهة ضاحكة مستبشرة
للتفاصيل

هكذا نغنم
وهكذا نمشي إلى موتنا الأصغر
دونما أحمال تنحيه


سلمت ولك العتبى حتى ترضى
على إضافات
هي نشاز بالطبع
لكنما راودني عليها نغمٌ
طفقت أردده
بينما أمشي في سماء الحروف
حروفك





(إلا نحن كيف نحسو) ...... إلا عاد كيفن نحسو
(في النهاية لازم يرسو) ....... في الختام لابد بيرسو



محبتي

Quote: هكذا تأتي بالمفيد فاروق هو هكذا العمر مجابهة ضاحكة مستبشرة للتفاصيل هكذا نغنم وهكذا نمشي إلى موتنا الأصغر دونما أحمال تنحيه سلمت ولك العتبى حتى ترضى على إضافات هي نشاز بالطبع لكنما راودني عليها نغمٌ طفقت أردده بينما أمشي في سماء الحروف حروفك (إلا نحن كيف نحسو) ...... إلا عاد كيفن نحسو (في النهاية لازم يرسو) ....... في الختام لابد بيرسو محبتي

هو كما قلت عزيزي,,
ولكن بعضنا يعكر صفو هذه المجابهه..

فلا عليك يا صديقي ..
إنها الحياة..

أرحب جداً بإضافاتك الجميلة
وقد أكدت لي سلامة حسك الفني الجميل..

وقد أتفق معك في ما ذهبت إليه ..

ولكنها أتت هكذا..

علي العموم كل التشكرات علي الإضافة الجميلة..



كل الود

*

Quote: اخى فاروق لك التحيه ذكرتنى بمقولة الكاتبه احلام مستغانى(( حين نكون تعساء ندرك تعاستنا.... ولكن عندماسعداء لانعى ذلك الا فى ما بعد.. ان السعاده اكتشاف متأخر...)) كتاب فوضى الحواس(( فوض الحواس)) ودائما ما اقول الى من تبقى من الاصدقاء.. الكبر ما مشكله.. المشكله فى المكابره مع الكبر.. وبكره نكبر ونكبر اكثر بالاحساس كمان وكمان.. لك الود

عبد الحافظ يا جميل:

تذكرني مقولة مستغانمي هذه بكلمات بالإنكليزية:
WE NOT KNOW THE VALUE OF THING EXCEPT WE LOST THAT THING.

وحقيقة تقال نحن لا نعرف قيمة الأشياء إلا بعد فقدها..

هكذا نحن إذاً..
لا نعرف طعم الفرح إلا عند العويل..
هكذا نحن إذاً ..
فلولا الفيافي لم ننتبه للنيل..
هكذا نحن إذاً ..
لولا الدخيل ما عرفنا من يكون علي
ومن يكون الخليل..

فيا صديقي كم من شاب يحمل بين ضلوعه قلب شيخ كهل..!!!
وعكسه تماماً ..

العمر لمن يفهم حقيقته لحظات تجلي لا تتكرر..


فعشه يا عزيزي كما تحب ان تري نفسك.


كل الود

.