Post: #1
Title: بورتسودان كان أبتك ما تمش مدنى ... أمثال سودانية جديدة
Author: عبدالماجد موسى
Date: 10-25-2009, 01:32 PM
Parent: #0
** إذا فتحت بقالة وسميتها العياذ بالله ما تلوم الزبائن ** لو كان إحساسك سلطه ما تكتر الليمون ** البعوض كان صَبَرْ بالنهار يبقى سعران بالليل ** ناس كتار رزقهم يمر من خُرم الإبرة فاحمد ربك يا عبدالستار ** إذا كانت المرا تلد مرّه والراجل يلد مرّه كان الكلام دخل الحوش ** الطبّاخ لا بشبع لا بجوع ** إذا ما قِدرتو للهاكرز مسّحوا المنتديات والمواقع بالزيت ** فتح بابين أفضل من فتح باب واحد مرتين ** العواره كريمة شديد والهباله طيبه خالص لكن العباطه بليده بالمرّه ** اللبن كان مِرِضْ يبقى زبادى وكان خِرِبْ يبقى جِبْنَه
|
|