Post: #1
Title: الدكتور يطبل للكاردينال على الهواء الطلق !!!....
Author: محمد ابراهيم قرض
Date: 10-24-2009, 01:09 PM
Parent: #0
لعها استضافة مدفوعة الأجر السخي و يالعملة الصعبة كمان !!!...
شاشة قناة النيل الأزرق استضافت الوجيه أشرف سيد أحمد مساء الأربعاء
الماضي ، ولم يقصر وجاهته في استعراض امبراطورياته في مجال مواد
البناء و التشييد ، امتلاك السفن البحرية الضخمة ، وصناعة الأسماك التي
لم يقتصر مجال عملها على السودان شماله وجنوبه فقط ، بل (انداحت) هذه
الامبراطوريات لتغطي دول الجوار أيضا خاصة أثيوبيا (ربنا يزيدك يا أشرف) ....
لغاية هنا عادي جدا ...
من حق القناة أن تفسح المجال للوجيه ليتحدث لنا عن استثماراته ، خاصة وأن وجاهته
أكد لنا أن هذه الاستثمارات تأتي في إطار مساهمة رأس المال (الوطني) في تنمية البلاد
وتطويرها و كمان تنمية الجيران .. من منا يكره التنمية و التعمير ؟؟!!!!
أيضا من حق وحاهته أن يشنف آذاننا بشعره الفخيم ، والرجل قد تغني له مطربين في
حنجرة ترباس وغيره ...
إذن ما هو الغير عادي ؟؟؟
الغير عادي هو أن مقدمة البرنامج ذكرت أن هنالك مفاجئة (صوتية)
تنتظر وجيهنا أشرف ومطلوب منه التعرف على صاحب المكالمة الخارجية التي
أتت للأستديو للتو ودون ترتيب مسبق !!!
في هذه اللحظة دخل علينا صوت الدكتور الشاعر متحدثا من دولة الإمارات ..
وبالطبع مارس حقه الطبيعي في تحية صديقه الوجيه الكاردينال ... مش هم برضه
شعراء زي بعض ؟؟!!!
لكنه ذكر على الهواء الطلق أنه يود استغلال هذه المكالمة في تهنئة الوجيه الكاردينال
على حصوله على رد اعتبار من النائب العام و السلطات القضائية في السودان !!!!!
في اعتقادي أن مثل هذه التهنئة برد الإعتبار تكون قناتها الطبيعية هي المهاتفة
الشخصية و المباشرة بين المهنئ و المتلقي للتهنئة دون أن يسمعها الآخرون ...
أما أن تترك هذه التهنئة قناتها الطبيعية لتطل على الملأ عبر قناة النيل الأزرق ،
فلنا الحق في تأويلها و تبويبها في خانة التملق و التطبيل !!!!
|
Post: #2
Title: Re: الدكتور يطبل للكاردينال على الهواء الطلق !!!....
Author: فخرالدين عوض حسن
Date: 10-24-2009, 06:15 PM
Parent: #1
عزيزي قرض
السودان بلد غريب جدا
المتسلقين كل يوم فوق
والذين يعطوا الوطن بدون حدود تحت ( مثال البروفسير محمد هاشم عوض الذي لا يجد سكنا ياويه)
اشرف درس معنا في بورتسودان الثانوية وكان طالبا............................
يحتمي بابيه الذي كان مديرا للبوليس وقتها في عهد الديكتاتور نميري
وفي الجنوب حكايات
في عهد الانقاذ تنو الطفيليات
وتموت الاسد في الغابات
قال كاردينال قال
يا تعاسة وطني بامثال اشرف
ويا خسارة الاسم علي
|
Post: #3
Title: Re: الدكتور يطبل للكاردينال على الهواء الطلق !!!....
Author: عادل عبدالعزيز عبد الرحيم
Date: 10-24-2009, 06:46 PM
Parent: #2
ومن هو الكاردينا انه نبت شيطانى اخر مثله مثل صلاح ادريس وجمال الوالى وهلمجرا
ولا كيف 000
|
Post: #4
Title: Re: الدكتور يطبل للكاردينال على الهواء الطلق !!!....
Author: MOHAMMED ELSHEIKH
Date: 10-24-2009, 06:50 PM
Parent: #2
عزيزي قرض
أولا اسجي لك التحيةو لضيفك الكريم وهل مازلت بمسقط ام لا
اهديك هذه الأبيات:
وعلى العموم اهي دي الحياة
يغرق البعرف يعوم
ويرسب الحاضن الكتاب
و ينجح الطول السنة عداها نوم
احلى الطيور مقفولة في اقفاص حديد
و الحرة طايرة بلا شروط: غربان وبوم
|
Post: #5
Title: Re: الدكتور يطبل للكاردينال على الهواء الطلق !!!....
Author: محمد ابراهيم قرض
Date: 10-24-2009, 07:05 PM
Parent: #4
Quote: عزيزي قرض
السودان بلد غريب جدا
المتسلقين كل يوم فوق
والذين يعطوا الوطن بدون حدود تحت ( مثال البروفسير محمد هاشم عوض الذي لا يجد سكنا ياويه) |
عزيزي فخري ...
شكرا على المرور ..
يبدو أنك تعرف الكثير
المثير الخطر عن وجيهنا !!!
وحقا نرثى لحال من اعطوا
بلا حدود ولم يجدوا من يبادلهم
الوفاء ...
|
Post: #6
Title: Re: الدكتور يطبل للكاردينال على الهواء الطلق !!!....
Author: محمد المرتضى حامد
Date: 10-24-2009, 08:41 PM
Parent: #5
شوف يا قرض،
لا أعرف عن المذكور شيئا ، لكن لو ماعاجبك نظام الإن غاز أبقى صاد .
|
Post: #7
Title: Re: الدكتور يطبل للكاردينال على الهواء الطلق !!!....
Author: Deng
Date: 10-25-2009, 04:10 AM
Parent: #6
شئ لا أستطيع فهمه!
هل هي حملة منظمة ضد الكاردينال أم أن الكاردينال شخصية فريدة وما يمارسه في السودان شئ جديد علينا؟
السودان ومنذ أواخر أيام حكم جعفر النميري ظهرت به نوعية طفيلية من رجال الاعمال الذين ساهموا في تدمير الاقتصاد السوداني. أما في عهد الانقاذ فحدث ولا حرج، حيث ظهر الذين حصلوا على أموال بطرق غير مشروعة من خارج وداخل السودان وأستقبلهم رئيس الجمهورية في مكتبه بقصر الشعب متقبلا منهم تبرعات من تلك الاموال المشبوهة وفي المقابل يوشحهم الرئيس بألوشاحات والاوسمة الجمهورية. كل ذلك من أجل حفنة من الدولارات. أما لقاء اشرف الكاردينال في تلك الفضائية فهوا لا يختلف كثيرا عن لقائات صلاح ادريس،جمال الوالي وبابكر حامد ود الجبل الذي أنضم أخيرا للمؤتمر الوطني بعد أن ساهم في تدمير الاقتصاد السوداني.
فما هو الجديد في أمر الكاردينال؟
|
Post: #8
Title: Re: الدكتور يطبل للكاردينال على الهواء الطلق !!!....
Author: داليا الكباشى
Date: 10-25-2009, 04:19 AM
Parent: #7
السؤال هو .. لماذا تم رفع هذا البوست في (مانشيتات) البورد ..؟؟!!
تحياتي د. قرض .. نهارك سعيد ..
|
Post: #9
Title: Re: الدكتور يطبل للكاردينال على الهواء الطلق !!!....
Author: Deng
Date: 10-25-2009, 04:42 AM
Parent: #8
Good question Dalia
|
Post: #10
Title: Re: الدكتور يطبل للكاردينال على الهواء الطلق !!!....
Author: Dr.Mohammed Ali Elmusharaf
Date: 10-25-2009, 05:28 AM
Parent: #9
الفاضل د/ قرض
تحياتي
اولا اتفق مع الاخت داليا لماذا تم تثبيت هذا البوست؟؟؟
تحياتي
أولا اتفق مع الأخت داليا لماذا تم تثبيت هذا البوست؟؟؟
دكتور اتصل قدم تهنئة ما الجديد ( وجه مستغرب)
أنا برضو بقدم التهنئة لأشرف سيد احمد حسين علي كرار بإسقاط كل التهم الموجهة ضده
والتهنئة موصولة للكابتن طيار عمر سيد احمد واسامة سيد احمد
احترامي
|
Post: #11
Title: Re: الدكتور يطبل للكاردينال على الهواء الطلق !!!....
Author: كمال عباس
Date: 10-25-2009, 05:42 AM
Parent: #10
..........
| Quote: اولا اتفق مع الاخت داليا لماذا تم تثبيت هذا البوست؟؟؟ |
في أحيان كثيرة يتم رفع البوست كعنوان بناء علي رغبة صاحب البوست!!
|
Post: #12
Title: Re: الدكتور يطبل للكاردينال على الهواء الطلق !!!....
Author: Deng
Date: 10-25-2009, 05:44 AM
Parent: #11
Quote: أنا برضو بقدم التهنئة لأشرف سيد احمد حسين علي كرار بإسقاط كل التهم الموجهة ضده
والتهنئة موصولة للكابتن طيار عمر سيد احمد واسامة سيد احمد |
ومافيش حد أحسن من حد.
|
Post: #13
Title: Re: الدكتور يطبل للكاردينال على الهواء الطلق !!!....
Author: Azhari Mohamed
Date: 10-25-2009, 05:56 AM
Parent: #11
د/ قرض
هناك سؤال مهم جدا (اشرف سيد احمد الحسين)هل هو ابن (اللواء او الفريق) سيد احمد الحسين المتهم
بمال طريق الانقاذ الغربي ؟؟؟؟؟
كم يبلغ من العمر اشرف (الكاردينال)؟؟؟
ما هو مقدار الثروة التي جمعهاوهو في هذه السن ؟؟
من اين جمعها ؟؟؟
أين الدوله من ذلك والرقابة علي الاموال و التحري عنها أن جمعت داخليا أو أتي بها من الخارج ؟؟؟؟
هل هو شاعر أم مشتري شعر (مصطلح جديد)؟؟؟؟؟؟؟؟؟؟؟؟؟؟
|
Post: #14
Title: Re: الدكتور يطبل للكاردينال على الهواء الطلق !!!....
Author: Giwey
Date: 10-25-2009, 06:19 AM
Parent: #13
الأخ / أزهرى
تحياتى
بتاع طريق الإنقاذ داك ضابط بحرى اسمه الحسينى عبد الكريم
اما سيد احمد الحسين فهو من القيادات الشرطية السابقة وهو أيضا"
غير الأستاذ سيد أحمد الحسين القيادى الإتحادى المعروف والوزير السابق...
مودتى
|
Post: #15
Title: Re: الدكتور يطبل للكاردينال على الهواء الطلق !!!....
Author: عادل نجيلة
Date: 10-25-2009, 07:20 AM
Parent: #14
Quote: أنا برضو بقدم التهنئة لأشرف سيد احمد حسين علي كرار بإسقاط كل التهم الموجهة ضده
والتهنئة موصولة للكابتن طيار عمر سيد احمد واسامة سيد احمد
|
سئوال عابر ..
هل الشخصيتان المذكورتان في الكود شقيقان أم ماذا!!
|
Post: #16
Title: Re: الدكتور يطبل للكاردينال على الهواء الطلق !!!....
Author: معتصم الطاهر
Date: 10-25-2009, 08:15 AM
Parent: #15
أولا هو كان متهم بشنو ؟
حسب ما علمت تأخر فى سداد دين الدولة ( ضرائب) ..
صححوني ؟
|
Post: #17
Title: Re: الدكتور يطبل للكاردينال على الهواء الطلق !!!....
Author: Dr.Mohammed Ali Elmusharaf
Date: 10-25-2009, 09:16 AM
Parent: #16
| Quote: هل الشخصيتان المذكورتان في الكود شقيقان أم ماذا!! |
عمر سيد احمد حسين واسامة سيد احمد حسين هم اشقاء اشرف سيد احمد حسين
|
Post: #18
Title: Re: الدكتور يطبل للكاردينال على الهواء الطلق !!!....
Author: Osama Mirghani
Date: 10-25-2009, 09:28 AM
Parent: #16
أولا أرجو ما يكون الكلام عن صلاح إدريس والوالي والكاردينال حساده ساكت. كيف قام هؤلاء بتدمير الإقتصاد...ّ؟ أنا حقيقة لا أعرف مصادر أموالهم ...وكل زول في السودان بقول ليك رأي كان غسيل أموال ولا تجارة سلاح..ولا الأمير مش عارف مين ........لو عندنا دليل يبقي لينا الحق ....ولو ما عندنا ليه ما نخلي الخلق للخالق الذي فضل بعضنا علي بعض في الرزق
|
Post: #29
Title: Re: الدكتور يطبل للكاردينال على الهواء الطلق !!!....
Author: محمد ابراهيم قرض
Date: 10-25-2009, 02:29 PM
Parent: #18
| Quote: أولا أرجو ما يكون الكلام عن صلاح إدريس والوالي والكاردينال حساده ساكت. كيف قام هؤلاء بتدمير الإقتصاد...ّ؟ أنا حقيقة لا أعرف مصادر أموالهم ...وكل زول في السودان بقول ليك رأي كان غسيل أموال ولا تجارة سلاح..ولا الأمير مش عارف مين ........لو عندنا دليل يبقي لينا الحق ....ولو ما عندنا ليه ما نخلي الخلق للخالق الذي فضل بعضنا علي بعض في الرزق |
عثمان ..
ما عندنا اعتراض تب-ولا ينبغي لنا-على
نعمة الخالق .. ربنا يزيدهم ويدينا ..
أنا علقت فقط على تلكم التهنئة ..
لكن صحيح ، غيري دخل فيهم شمال !!!
|
Post: #19
Title: Re: الدكتور يطبل للكاردينال على الهواء الطلق !!!....
Author: قلقو
Date: 10-25-2009, 09:36 AM
Parent: #16
Qoute:كم يبلغ من العمر اشرف (الكاردينال)؟؟؟
ما هو مقدار الثروة التي جمعهاوهو في هذه السن ؟؟
من اين جمعها ؟؟؟
الأخ ازهرى والأخوة المتداخلون ..
ياسادة الكاردينال راجل لحلوح وكسيب ويعتبر فلتة من فلتات الزمان الأقتصادية,وانا شخصيا مندهش من عدم حصوله على جائزة نوبل للأقتصاد حتى الآن.الم اقل لكم بأن السودان مستهدف فى كوادره الأقتصادية والعلمية من قبل دول الأستكبار مثلماهو مستهدف فى توجهه الحضارى ؟
اما حضرة (الحكيم الشاعر) فقد قلتها له بصراحة ووضوح فى هذا البورد بأنه (نرجسى) اكثر من اللازم..
وكان الله فى عون هذا البلد.
|
Post: #20
Title: Re: الدكتور يطبل للكاردينال على الهواء الطلق !!!....
Author: شمائل النور
Date: 10-25-2009, 10:16 AM
Parent: #19
| Quote: السؤال هو .. لماذا تم رفع هذا البوست في (مانشيتات) البورد ..؟؟!! |
سؤال ذكي يا داليا الكباشي واحييك ع النباهة....
ــــــ
قرض ، لك التحية ، تساؤلك عن سبب التطبيل على الهواء،ففي تقديري:
ان المتصل الشاعر لم يقصد ما ذهبت اليه ، فهو وجدها فرصة ليهنئ صديقه ببراءته فلا اظن انه اتى شئ امرا ، فالصحف السودانية بعد براءة الكاردينال كانت تنضح بصفحات كاملة ،، ناس تبارك وناس تهني،،اشرف سيد احمد ،، لكن مهنيا انا لا استطيع الافتاء ، فان كان هناك عدم مهنية في هذه المسألة فالمسئول القناة التي تبث هذه المكالمة وليس المتصل....
|
Post: #21
Title: Re: الدكتور يطبل للكاردينال على الهواء الطلق !!!....
Author: محمد ابراهيم قرض
Date: 10-25-2009, 01:20 PM
Parent: #20
Quote: ومن هو الكاردينا انه نبت شيطانى اخر مثله مثل صلاح ادريس وجمال الوالى وهلمجرا
ولا كيف 000 |
عادل ..
صدقني لا أعرف الكثير عنهم ..
وكل اعتراضي على إستغلال برنامج حوار عام
لبث تلكم التهنئة (الشخصية) عبره ..
|
Post: #31
Title: Re: الدكتور يطبل للكاردينال على الهواء الطلق !!!....
Author: محمد ابراهيم قرض
Date: 10-25-2009, 02:43 PM
Parent: #20
Quote: قرض ، لك التحية ، تساؤلك عن سبب التطبيل على الهواء،ففي تقديري:
ان المتصل الشاعر لم يقصد ما ذهبت اليه ، فهو وجدها فرصة ليهنئ صديقه ببراءته فلا اظن انه اتى شئ امرا ، فالصحف السودانية بعد براءة الكاردينال كانت تنضح بصفحات كاملة ،، ناس تبارك وناس تهني،،اشرف سيد احمد ،، لكن مهنيا انا لا استطيع الافتاء ، فان كان هناك عدم مهنية في هذه المسألة فالمسئول القناة التي تبث هذه المكالمة وليس المتصل.... |
شمائل ...
صدقيني التهنئة(العامة) في هذه الإمور بالذات
تحتاج لوقفة كبييييرة ...
طيب الزول عارف نفسه شريف ..
والناس عارفاهو الشرف ذاتو ..
تروح تهنيه في البيت .. ده الواجب ..
بالعدم تهنئة عبر الموبايل .. ما قصرت تب ..
لكن التهاني عبر الوسايط العامة
لزومها شنو ؟؟؟؟
صدقيني لا تخلو من غرض ما !!!
|
Post: #30
Title: Re: الدكتور يطبل للكاردينال على الهواء الطلق !!!....
Author: محمد ابراهيم قرض
Date: 10-25-2009, 02:34 PM
Parent: #19
| Quote: ياسادة الكاردينال راجل لحلوح وكسيب ويعتبر فلتة من فلتات الزمان الأقتصادية,وانا شخصيا مندهش من عدم حصوله على جائزة نوبل للأقتصاد حتى الآن.الم اقل لكم بأن السودان مستهدف فى كوادره الأقتصادية والعلمية من قبل دول الأستكبار مثلماهو مستهدف فى توجهه الحضارى ؟ |
قلقوا ..
أفحمتهم جميعا لا فض فوهك !!!
| Quote: اما حضرة (الحكيم الشاعر) فقد قلتها له بصراحة ووضوح فى هذا البورد بأنه (نرجسى) اكثر من اللازم.. وكان الله فى عون هذا البلد. |
بس في دي ياخوي الدكاترة أشكال
و ألوان .. ومعظمهم شعراء
فلا يتشابهن عليك يا قلقو ..
|
Post: #28
Title: Re: الدكتور يطبل للكاردينال على الهواء الطلق !!!....
Author: محمد ابراهيم قرض
Date: 10-25-2009, 02:25 PM
Parent: #16
Quote: أولا هو كان متهم بشنو ؟
حسب ما علمت تأخر فى سداد دين الدولة ( ضرائب) ..
صححوني ؟ |
باشمهندس ... ليك وحشة ..
يعني انت (راكب) في (قطر)
وكمان عايز تعرف شمارات
السودان ؟؟؟
قدم طلب عليهو دمغة الجريح !!!
|
Post: #27
Title: Re: الدكتور يطبل للكاردينال على الهواء الطلق !!!....
Author: محمد ابراهيم قرض
Date: 10-25-2009, 02:12 PM
Parent: #13
Quote: هناك سؤال مهم جدا (اشرف سيد احمد الحسين)هل هو ابن (اللواء او الفريق) سيد احمد الحسين المتهم
بمال طريق الانقاذ الغربي ؟؟؟؟؟
كم يبلغ من العمر اشرف (الكاردينال)؟؟؟
ما هو مقدار الثروة التي جمعهاوهو في هذه السن ؟؟
من اين جمعها ؟؟؟
أين الدوله من ذلك والرقابة علي الاموال و التحري عنها أن جمعت داخليا أو أتي بها من الخارج ؟؟؟؟
هل هو شاعر أم مشتري شعر (مصطلح جديد)؟؟؟؟؟؟؟؟؟؟؟؟؟؟ |
الكترابة يا أزهري !!!
وحياتك لا أعرف عنه شيئا ..
بس علقت على موضوع التهنئة
بإسقاط التهم إياها ..
لكن في الشعر سمعت ليهو:
زول بيحبك زي مافي ..
مافي .. مافي ... مافي ..
مافي ... مافي !!!
|
Post: #26
Title: Re: الدكتور يطبل للكاردينال على الهواء الطلق !!!....
Author: محمد ابراهيم قرض
Date: 10-25-2009, 02:07 PM
Parent: #10
Quote: دكتور اتصل قدم تهنئة ما الجديد ( وجه مستغرب)
أنا برضو بقدم التهنئة لأشرف سيد احمد حسين علي كرار بإسقاط كل التهم الموجهة ضده
والتهنئة موصولة للكابتن طيار عمر سيد احمد واسامة سيد احمد |
دكتور محمد ...
مرة أخرى التهنئة على اسقاط التهم مكانها
الطبيعي وسايط الاتصال الشخصي .. وكل ما
خرج للعلن متاح للتأويل العلني ، خاصة
إذا تعلق بأصحاب الفلوس المتلتلة
جعلنا الله منهم بعد الحال !!!
|
Post: #25
Title: Re: الدكتور يطبل للكاردينال على الهواء الطلق !!!....
Author: محمد ابراهيم قرض
Date: 10-25-2009, 01:49 PM
Parent: #8
| Quote: السؤال هو .. لماذا تم رفع هذا البوست في (مانشيتات) البورد ..؟؟!! |
تحياتي داليا ... نهارك أسعد ..
سؤالك مشروع ...
لكن يجب توجيهه لمن
لهم أمر الرفع و التنزيل !!!
صدقيني أنا زاتي ما عارف
رفعوهوا كيف ناهيك عن معرفتي
لمن رفعه !!!
|
Post: #24
Title: Re: الدكتور يطبل للكاردينال على الهواء الطلق !!!....
Author: محمد ابراهيم قرض
Date: 10-25-2009, 01:44 PM
Parent: #7
Quote: شئ لا أستطيع فهمه!
هل هي حملة منظمة ضد الكاردينال أم أن الكاردينال شخصية فريدة وما يمارسه في السودان شئ جديد علينا؟
السودان ومنذ أواخر أيام حكم جعفر النميري ظهرت به نوعية طفيلية من رجال الاعمال الذين ساهموا في تدمير الاقتصاد السوداني. أما في عهد الانقاذ فحدث ولا حرج، حيث ظهر الذين حصلوا على أموال بطرق غير مشروعة من خارج وداخل السودان وأستقبلهم رئيس الجمهورية في مكتبه بقصر الشعب متقبلا منهم تبرعات من تلك الاموال المشبوهة وفي المقابل يوشحهم الرئيس بألوشاحات والاوسمة الجمهورية. كل ذلك من أجل حفنة من الدولارات. أما لقاء اشرف الكاردينال في تلك الفضائية فهوا لا يختلف كثيرا عن لقائات صلاح ادريس،جمال الوالي وبابكر حامد ود الجبل الذي أنضم أخيرا للمؤتمر الوطني بعد أن ساهم في تدمير الاقتصاد السوداني.
فما هو الجديد في أمر الكاردينال؟ |
عزيزي Deng
لو تمعنت في مقالي تجد أنني لم
أذكر الكاردينال بأية سوء ..
بل تمنيت له الزيادة !!!
لذلك لا يمكنك اتهامي بأنني جزء
من حملة منظمة ضد الوجيه ..
كل مافي الأمر أن تهنئة من يملكون
الفلوس عبر القنوات الفضائية لابد
وأن تحسسك بأن المهنئ صاحب (غرض ما) ..
وهذا هو محور اعتراض محسوبكم قرض !!!
لو صدقت التهنئة لأتت مبرأة من الهوى
عبر وسيلة اتصال شخصي in private
ولا من شاف ولا من دري !!
|
Post: #23
Title: Re: الدكتور يطبل للكاردينال على الهواء الطلق !!!....
Author: محمد ابراهيم قرض
Date: 10-25-2009, 01:27 PM
Parent: #6
| Quote: شوف يا قرض، لا أعرف عن المذكور شيئا ، لكن لو ماعاجبك نظام الإن غاز أبقى صاد . |
مرتضى ..
أنا برضه لا أعرف عنه شيئا ..
لكن أسع الجاب سيرة الغاز منو ؟؟!!!!
أحسن لينا ياخوي نبقى ضاد من صاد !!!
|
Post: #22
Title: Re: الدكتور يطبل للكاردينال على الهواء الطلق !!!....
Author: محمد ابراهيم قرض
Date: 10-25-2009, 01:23 PM
Parent: #4
Quote: وعلى العموم اهي دي الحياة
يغرق البعرف يعوم
ويرسب الحاضن الكتاب
و ينجح الطول السنة عداها نوم
احلى الطيور مقفولة في اقفاص حديد
و الحرة طايرة بلا شروط: غربان وبوم |
محمد الشيخ ..
شكرا على النظم الملئ بالحكم ..
أما عمان فلقد فارقناها منذ
مدة ... ولكم الود ..
|
Post: #32
Title: Re: الدكتور يطبل للكاردينال على الهواء الطلق !!!....
Author: محمد ابراهيم قرض
Date: 10-26-2009, 08:20 AM
Parent: #22
خلاص شالونا ..
مش من المانشيتات بس ..
كمان من الصفحة الأولى ..
ارتحتوا ؟؟؟!!!!
|
Post: #33
Title: Re: الدكتور يطبل للكاردينال على الهواء الطلق !!!....
Author: Dr.Mohammed Ali Elmusharaf
Date: 10-26-2009, 10:36 AM
Parent: #32
يا دكتور انت زعلت ولا شنو!!
لم أقابل اشرف سيد احمد منذ العام 93 منذ ان كنت ضابط شرطة بالرغم من انه ود جيرانا وأخوه الكابتن طيار بالخطوط القطرية عمر سيد احمد صديقي وكان ضيفي هو وأولاده قبل عدة شهور بأبوظبي.
اشرف سيد احمد منذ الصغر كان يمتاز بجراءة ولا يعرف الخوف طريقا إلى نفسه وهذه الصفات هي ما يحتاجه رجل الإعمال الناجح هذه الأيام وهي سر نجاحه بعد توفيق الله عز وجل
اسأل الله أن يزيده من فضله
تحياتي لك
|
Post: #34
Title: Re: الدكتور يطبل للكاردينال على الهواء الطلق !!!....
Author: محمد ابراهيم قرض
Date: 10-26-2009, 11:38 AM
Parent: #33
| Quote: يا دكتور انت زعلت ولا شنو!! |
د. المشرف ..
الزعل مرفوع ..
أشكرك على الإضاءة وربنا يزيد
كل مجتهد ..
|
Post: #35
Title: Re: الدكتور يطبل للكاردينال على الهواء الطلق !!!....
Author: Azhari Mohamed
Date: 10-26-2009, 02:37 PM
Parent: #34
الكترابة يا أزهري !!!
وحياتك لا أعرف عنه شيئا ..
بس علقت على موضوع التهنئة
بإسقاط التهم إياها ..
لكن في الشعر سمعت ليهو:
زول بيحبك زي مافي ..
مافي .. مافي ... مافي ..
مافي ... مافي !!!
الكترابة ....والله ضحكتني يا دكتور والله زول ضحكني زيك مافي مافي مافي مافي
|
Post: #36
Title: Re: الدكتور يطبل للكاردينال على الهواء الطلق !!!....
Author: محمد ابراهيم قرض
Date: 10-27-2009, 09:19 AM
Parent: #35
| Quote: الكترابة ....والله ضحكتني يا دكتور والله زول ضحكني زيك مافي مافي مافي مافي |
حلوة و ملعوبة يا أزهري !!!
|
|