شكراً يا هواري. ليل الغربة شديد. ونهار الغربة أشد. والأنكأ يا صاحبي تلك الحيرة: ما الغـُربة؟
Post: #4 Title: Re: حنين.. Author: قاسم المهداوى Date: 10-23-2009, 04:37 AM Parent: #2
طلال يا عفيفى تحايا بعمق المتوسط وطول شواطئة ( خماسين , ماهر شريف واخرين ) كونك موجود فذلك دليل عافية قد لا تتناسب الصورة التى اضعها وبوستك هذا ... و ولكن ... القيود ... التكبيل ومفهوم الانطلاق ... وحوجتنا ...
لا شيء يا قاسم يعوض الأيام الجميلة، ولا أمل. الأسكندرية عروس ذكرياتي، بناسها وبحرها وباراتهاوطوبها الحجري الأبيض، لا يوجد قلب قادر على رفع حملها الجميل.
دخلتها يافعاً. صافي القلب. وعلى الجهة الأخرى كان في إنتظاري أصدقاء الأيام: ماهر شريف، محمد صالح، قاسم مهداوي، محمد رءوف، إيهاب عبد الحميد، إشراقة، خالد حجازي، حمدي زيدان، وآخريون أحلى من الندى على الزهر. وكانت الأيام بهيجة، فتحت زراير قلوبنا على الحياة، فتعلمنا الشطرنج بلا خصومة، ولعبنا السياسة بالحلال، وشربنا وسكرنا وإتفرجنا مسرح.
لله در أيام الأسكندرية العلية البهيجة.
وشكراً للدنيا.
Post: #6 Title: Re: حنين.. Author: خالد العبيد Date: 10-23-2009, 04:49 AM Parent: #2
طلال اخضر يومي وعطرت روحي
Post: #10 Title: Re: حنين.. Author: محمد فضل الله المكى Date: 10-23-2009, 05:19 AM Parent: #6
الغربة يا صاحب..تولد الحنين و الحنين ينبع من الغربة... ويبقي السؤال... مــــــــــــا الغربــــــــــــــــة؟؟؟؟؟؟؟؟؟
واصل حنينك...في غربتك قد تصل يوما الي حد اغترابك.. ولكن هي ينتهي الحنين؟؟؟
Post: #14 Title: Re: حنين.. Author: محمد سنى دفع الله Date: 10-23-2009, 07:19 AM Parent: #13
حنين حينما كتبت حنين ( المسرحية ) كنت ابحث عن مقطع، يشعل في وجدان المشاهدين ، بكاء سنوات الغربة الخامد رمادها اطراف القلب ،.. عارف كلامك ده شايلو ،، شايلوو.. حنين بطل المسرحية هو انت ، وهو، هم.. كل زول ضاقت يهو الوسيعه . وضاقو منو هدومو واهلوا .. تقول ليهم راجع ليكم يقولوا ليك الإتغير شنو ؟ اقعد قعادك الناس اتغيرت بدلت تيبانه،، بي هدوم ابليس لكن لسه في الناس الصافية.. وفي الذكريات ،، وفي الآمال ،، والآحلام ... وطالما الأحلام صاحية ، بكون صاحي حنينا لي ايام اجمل .. ما اجملك ،، وما اجملهم من ينتظرووننا بقلوبهم الرحيبة،، المليانة حــنــيـــن,,,, يارفيق لكم ،،،احبك
محمد السني، لمن بشوفك أو أقراك أو أسمعك، بحس إنو الدنيا بخير! مش ده إحساس عجيب بالله؟
Post: #15 Title: Re: حنين.. Author: Hisham Osman Date: 10-23-2009, 07:22 AM Parent: #11
الحبيب طلال..لك الشوق والامنيات
ومثلك احن الي امي,واحتاجها لتطلق سبيلي قليلا من اغلال الزاكرة بعد ان
كبرت وصرت اكثر دراية بيتم الاوطان,ولم يبقي الا حنيني اليها ,فقد صارت كل الاشياء مالوفة عادية لاتستحق التوقف ولا التسجيل ,ويلزمنا الكثير لاستعادة صورة الاماكن بعد ان غدت مشوشة وصورة البشر والاشياء ونبض الحياة,بعد ان علمتنا الغربة ان ثمة حكمة قاسية لن تبلغها الا وانت في عز وحدتك,عندما يستبد بك احساس الفقد والخسارة,قد تلزمك خسارات اخري لتقر بقيمة مابقي في حوزتك,ولتدرك ان كثير من الاشياء التي تتعلق وتحيط بها نفسك,ليست ضرورية بل هي حمل يثقل كاهلك,لذا ياصديق احيانا يلزمنا بعض التغابي عن بعض الاشياء التي قد تبدو عزيزة علينا ومهمة,وهنالك حكمة قديمة اجهل مصدرها ولكن لله درها:(ثلث الحكمة فطنة,وثلثيها تغافل).
اسعدت صباحى وانهكت قواى حفرت فى وجدانى ذكرى صعب تحملها ارهقت تفكيرى وعمقت الجرح حد الغرق...ولكن
ادهشنى حنينك .. تسلم يا طلال عفيفى لقد انتشلتنى ومن معى من صدامات حوش بكرى العجيبه بعدما كنا على حافة الهاوية .. انتشلتنا بر الامان حيث الامان .... الى ضفتك الخضراء شكرا لكل هذا المروج .. لى عودة معك بحنينى انا ايضا.. شكرا مطر اسماء الجنيد
كما تعلم فأنا زول في حالة سفر دائم وفي كل هدا الترحال اصاب ب Home sickness لتلاتة حاجات اغنيات الحقيبة /المدائح النبوية الاكل السوداني و المرأة السودانية
نعم المرأة السودانية يا طلال والتي هي اكثر نساء العالم دفئا.
............... كمرد دي عشان وحدة قوى السودان الجديد والدنيا قبائل انتخابات .
Quote: أهلي، أصدقائي، حبيباتي الطيبات، جماعة حزبي الوطني، رفاق الدنيا والأيام؟
سمعنا يا طله بالزوجات لكن الحبيبات دى .. الا بتاعى انا قال بحب اتنين ..
Quote: فأنا بشرٌ مثلكم ولا يوحى إلي.
ااى دااااوت ... ما اظن !!
Quote: وانا أدخن، للمزاج الأزرق وهو يدخل صدري وقلبي وعقلي، حشيشاً طاهراً لطيفاً طيب الذِكر ناعم المعشر.
دا الكلام ...
Quote: أحن لجارٍ يموت فجأة! فينادوني لأغسله!
والله عاد يا طله البتغسلو انت دا الا يرجع يموت تانى !! لووووول .
Quote: أشتاق للحزن بدوافع وطنية: خرق إتفاقية السلام وتجاوز الدستور
دا راااااااااقد بس انت تعال .. قلبك يورم
Quote: للصحف القومية الصباحية بأخبارها الخائبة
اخبارها براها ؟؟ ,, لقد خانك التعبير هذه المره يا صديقى !!
Quote: . للباعة الجائلين، وبسكويتهم المنحط
غايتو دا وصفتو وصف ابداااااع ،، فععععلا ياخ دا منحط انا مرة اكلتو
Quote: (عدل بواسطة طلال عفيفي on 23-10-2009, 03:40 ص)
العدلتو شنو ؟؟؟ غايتو اكبر من دى الله لا جابها ..
Quote: أمها بنت خالةأبي، وأخيها متزوج من إبنة عمي. أحن للخريطة الجينية الواضحة،
ياخ البركه فى الخريطة الواصحه دى .. قلت لى حلب صرفييين ما ملخبتين ؟؟ غايتو الله لا وراك خريطة جاركم النادوك انت تغسلو دا ..
ـــــــــــــــــ طله !! ياخ تعال .. وعلييك الله ما تمشى من هنا خليك ياخ اكتب لما تصحى من النوم طوالى سمح ؟ الدم بكون خالى من كل الامراض المصريه مش الوطنيه .. ووووووب ! اسمع ؟ ناس بيتكم ما باجروا لى حتتك دى .. بدفع الايجار بدفعو ..
Post: #31 Title: Re: حنين.. Author: Osman Musa Date: 10-23-2009, 09:39 PM Parent: #29
طلال أنشاءالله حالك زين ؟ حن حن . حن يا طلال قدر ما الله يديك . أنت قايل شنو يا طلال . الحنان زاتو صحة . كونك تحن أنت متعافى وبصحتين . .. يا سبحان الله . شوف . عاين . النحل . النحل بيعرف كيف يمشى جهات الأزهار البكون تركيز السكر فيها أكتر . وفى أيام المحل يحن ويجن من الحنان للرحيق وللبلاد والعباد . كل مخلوقات ربنا عندها حنين . يا طلال عمنا كونتى كونتا فى كتاب أليكس هيلى الجزور لى يوم الليلة بحن لتلك القرية الأفريقية الجميلة . الحنان نعمة من ربنا . تحياتى
دينا يا نجاض، عاينت للكلام الفوق ده تاني، لقيتو تافه تفاهة السنين، وما عندو معنى فعلاً.. حاجه فعلا تضحك!! حنين شنو وبتاع شنو، ما في حاجه بتستاهل أصلاً.