Post: #1 Title: سحرنا الليل وصورنا مع ساحر الاوتار .. Author: عشة بت فاطنة Date: 10-22-2009, 11:59 PM Parent: #0
... يا ســــــــــــــــــــــــــــــــــــــــــــــــــــــــــــــــــــــــــــــــلام ؛ لقد ابدعت يا عثمان وبالغت عدييل .. وتركت روي تترنح سُكرى من عزف اوتارك ؛ واسمح لي اقول ليك اما انك ساحر حقيقي يا زول !!!ورغم مطرك يا جميل ما زلنا ظمأآنين ننتظر موسم الغيث وهطولك فبالله لا تترك هذا الفرح ووعد الوتر يتعدانا سنظل نباريك من الخوير وروي وصحار وانشالله صلالة حتى ، وقدلة يا صديقنا المسكون بالريد والجمال وانشالله حافي حالق ما يهمنا بس سنظل نركض خلف مواكب الحانك ، ..ومزيد من الجمال والفن يا ساحر الاوتار ..
Post: #2 Title: Re: سحرنا الليل وصورنا مع ساحر الاوتار .. Author: عشة بت فاطنة Date: 10-23-2009, 00:07 AM Parent: #1
عدل لاسباب فنية الظاهر كنت نعسانة فاستميحكم عذرا احبايي السني وبت الحسن
Post: #3 Title: Re: سحرنا الليل وصورنا مع ساحر الاوتار .. Author: سمية الحسن طلحة Date: 10-23-2009, 00:12 AM Parent: #1
زينة البنات ياعشة إزيك ""ست السوار أب نقشة ست البقيرة الغبشة"" ست المراح النشة أنا عقلي طار وين طشة ""
صورك السمحات ديل شابحات البوست صلحيهن
تعظيم سلام للمبدع عثمان ولإبن مسقط البار م .أشرف
Post: #4 Title: Re: سحرنا الليل وصورنا مع ساحر الاوتار .. Author: محمد سنى دفع الله Date: 10-23-2009, 07:52 AM Parent: #3
هادي قعدة راجينك بي شوق السنين وصلحي الصور ومنتظرين يا عاشة
Post: #9 Title: Re: سحرنا الليل وصورنا مع ساحر الاوتار .. Author: عشة بت فاطنة Date: 10-23-2009, 09:19 AM Parent: #4
صديقنا الاستاذ الرائع تسلم علي الطلة واتمنى ان تشاهذ معنا هذه الرحلة المصورة لهذا الانسان الجميل
من حفل الخوير الي استاذنا الجميل في الدوحة ونتمني ان تزونا ايضا لنمتع عدساتنا بتمثيلك وفنك الراقي
مودتي
Post: #11 Title: Re: سحرنا الليل وصورنا مع ساحر الاوتار .. Author: عشة بت فاطنة Date: 10-23-2009, 09:34 AM Parent: #3
Quote: زينة البنات ياعشة إزيك ""ست السوار أب نقشة ست البقيرة الغبشة"" ست المراح النشة أنا عقلي طار وين طشة ""
حافرة لي يا بت شيوخ البطانة عدييييل عارفاني مكتولة سعية وعيني علي البقيرة الفي الجزيرة النية ونفسي في هباب مجدوع في قفا القطية ونقاطا يهتف يسقيني من الدغش وللعشية .. تسلم بت الحسن والصور عدلناها افتقدناك بالامس كانت الحفلة خطيرة وما كحلتك الا سيد بيتك منور.. انشالله خير
Post: #5 Title: Re: سحرنا الليل وصورنا مع ساحر الاوتار .. Author: عشة بت فاطنة Date: 10-23-2009, 08:55 AM Parent: #1
Hold it Osman; it's Urs
Post: #6 Title: Re: سحرنا الليل وصورنا مع ساحر الاوتار .. Author: حيدر امين Date: 10-23-2009, 09:04 AM Parent: #5
انا بسرق غايتو
Post: #7 Title: Re: سحرنا الليل وصورنا مع ساحر الاوتار .. Author: محمد النيل Date: 10-23-2009, 09:07 AM Parent: #1
عايزين نسمع حاجة يا جماعة .
Post: #8 Title: Re: سحرنا الليل وصورنا مع ساحر الاوتار .. Author: حيدر امين Date: 10-23-2009, 09:12 AM Parent: #7
سيف مساعد ؛انشالله نسمعك الحفلة الجاية ولا يهمك يا ملك
Post: #15 Title: Re: سحرنا الليل وصورنا مع ساحر الاوتار .. Author: soma Date: 10-23-2009, 09:44 AM Parent: #13
عشة كيف اصبحتوا فعلا كانت ليلة من ذات الليالى والله يا عشة وبدون مبالغه جملتيها انتى بغفشاتك وروحك الطاهره النقية وضحكاتك البترسم الجمال فى اطار من شوق وريد ياخى انتى عسسسسسسسل ربنا يحفظك ويخلى ليك اولادك وابوهم ويخليك ليهم يا رب قلتى لى عثمان ما خاتين عليه كان سموه ساحر .. لووول غايتو انا تانى فى كل حفلة وفى كل لمة بقعد جمبك .. انتى براك مهرجان فرح ما شاء الله وعينا باردة عليك وعلى كاميرتك
Post: #16 Title: Re: سحرنا الليل وصورنا مع ساحر الاوتار .. Author: محمد المرتضى حامد Date: 10-23-2009, 10:01 AM Parent: #15
عائشة الفنانه شكرا أن أشركتينا وأطلعتينا على الذي فاتنا سوء الحظ الملازم وحده حال دون حضور حفلات عثمان، نتمنى أن يبقى بمسقط ريثما نعود إليها ونطهر الأذن والخاطر بالإستماع إلى عزفه إحترامي
Post: #17 Title: Re: سحرنا الليل وصورنا مع ساحر الاوتار .. Author: عشة بت فاطنة Date: 10-23-2009, 10:33 AM Parent: #1
سباحة الروح وعمق العطاء
Post: #18 Title: Re: سحرنا الليل وصورنا مع ساحر الاوتار .. Author: Alsa7afa_30 Date: 10-23-2009, 10:55 AM Parent: #17
Post: #19 Title: Re: أنامل خلف الكواليس .. Author: عشة بت فاطنة Date: 10-23-2009, 11:37 AM Parent: #18
أشرفنا مرَ .. أشرف يا دهب لقد ابدعت ؛ لقد ملكت السر والنغم ووقعت اناملك خلف الاوتار فكنت رائعا في مصاحبتك للساحر ولم تكن اقل سحر يا جميل .. واشرف يا بكري شاب جميل ومهذب ويعزف الاورغ والجيتار ويمتلك الاذن الموسيقية والعزف حين قدم وردي الي السلطنة لم يجد اجدر منه في مرافقته في العزف غير انه يعمل في صمت وهو انسان متفرد بجانب ثقافة الاذن حاز الادب والثقافة ؛ وايضا القيافة فيا بكري يطمع بورداب مسقط بضم هذا الانسان الفلتة الي هذا المكان وشكرا يا اشرف لقد كنت راىعا بحق
شاب رائع ما تشوفوا الشيب دا شايلاتنو الركبين ساي !!!
طلعتك بهرة القمر البضوي دجونك لونك أنناس برق الضُلُمّة سنونك فرعك خيزران مايح على عرجونك لوكان أمّنوك زاهد الدنية بخونك
Post: #28 Title: Re: Re:الساحر في مسقط .. Author: dardiri satti Date: 10-24-2009, 09:30 AM Parent: #27
عشة ، إذا كنا قد استمتعنا ، طوال ليلتين بسحر الكمنجة ، فها أنت تمتعينا الآن ، بسحر الكاميرا وبراعة التصوير، إنه الإبداع. كنت أتساءل، وأعتقد أن الكثيرين كانوا يتساءلون مثلي : لماذا لا تجلس عشة في ""الواطة""؟؟ ولماذا تصر على التصوير طوال الوقت ؟؟ لكنه الجنون ، الجنون أستاذتي، جنون الفنان خلف أدق التفاصيل ، وأجمل الجماليات. فقد جعلتني الآن ، والآن فقط ، جعلتني أحس أنني عندما أعود في المساء ، سأدرك أني أمتلك شيئاً جميلاً .
فإن أبدع الأستاذالفنان عثمان في إبراز جماليات الموسيقى السودانية وسحر الكمنجة من حيث الآداء، فإنك تبرزين جماليات الكمنجة، كمنتج بديع لا يصدر عنه إلا ما هو رائع وجميل. فقد أبدعت أيما إبداع في إبراز جمال الكمنجة، بأدق تفاصيلها كإبداع هندسي رائع جدير بالإحتفاء. وعليه أستأذنك في أن أقترح عليك إقامة معرض خاص للكمنجة كمنتج جمالي.
تحياتي
Post: #29 Title: Re: Re:الساحر في مسقط .. Author: انعام حيمورة Date: 10-24-2009, 10:53 AM Parent: #28
يا سلام ..
صور روعة يا عشة ..
واكتر حاجة بتعجبني في عثمان محي الدين عزفو باحساس مرهف شديد ..
شكرا ليكم اصدقائي ؛ اسفة لمواصلة تنزيل الصور وطبعا ما في سبب غير الكسل اصلي بقيت جبانة وبخاف من الكي بورد لكن انشالله اتجاوز هذه الحالة واتواصل معاكم ..عارفة الساحر عزيز عليكم وهاكم واحدة . حيدر امين انشالله كل الصور وصورك منورات في الحفظ والصون
عشوشة الحبيبة سلامات صورك عجيبه ما شاء الله.. والله ربنا يحفظك تانى اوع اسمعك تقولى لى كاميرتى احلا من اوبرا اوبرا شنو كمان يا عشة .. اهو شوفى شهادة ناس استاذ الدرديرى دى اصلو لا بجامل لا بعرف الشكر بلا سبب.. حاجه ابداااع بجد .. تسلمى والله طبعا مؤيد اتكيـــــــــــف منك كيف مبالغة وضحك ليه ضحكه اكبر من ضحكتو الفى الصورة دى ان شاء الله تفرحى ديمه بى ناس هيبى واخوانو اصلو ايودى عندو ريده خاصة لى عثمان محى الدين.. وفرحتيه جبيتيه معاه فى الصورة وفى بوستك الرائع ده تسلمى يا الملانه طيبة وسماحة
Post: #35 Title: Re: Re:الساحر في مسقط .. Author: soma Date: 10-26-2009, 09:54 AM Parent: #34
Quote: يا فاكهة الحفل ،،، شفيفة الروح والدواخل
TSLAAAM ABO RAAMI[/B]
Post: #36 Title: Re: Re:الساحر في مسقط .. Author: عشة بت فاطنة Date: 10-26-2009, 10:21 AM Parent: #35
وجوه من الحفل الاول الحبيبة زحل
Post: #37 Title: Re: Re:الساحر في مسقط .. Author: Mustafa Mahmoud Date: 10-26-2009, 10:26 AM Parent: #35
to you asha
Post: #38 Title: Re: Re:الساحر في مسقط .. Author: عشة بت فاطنة Date: 10-26-2009, 11:11 AM Parent: #37
اهداء : شوق لاهلي والصحبة ال الجنيد تسلموا الكلمات الطيبة ؛ استاذ الدرديري شكرا ليك ولعيونك التي تراني وتقيمني بهذا الميزان زحل صورتك مؤيد الاسم دا صاح كدا لعيونك وعيون عثمان اشرق دهب دايما منور بكري يا شفيف الشاب العماني تسلم علي هذا الضو
Post: #42 Title: Re: Re:الساحر في مسقط .. Author: عشة بت فاطنة Date: 10-26-2009, 11:31 AM Parent: #37
العزيز مصطفى شكرا ليك ولكل ورودك الحمراء وكلماتك الجميلة
Post: #39 Title: Re: Re:الساحر في مسقط .. Author: عشة بت فاطنة Date: 10-26-2009, 11:19 AM Parent: #34
الفاتح سارية بتي بتسالك دي عملتها كيف ..!!؟ طبعا بتفتكر ان انا طايرة على طول ومافي كاميرا تقبضني وانا قاعدة .. اها يا سارية الفاتح فاجأني وعمل .. شكرا الفاتح علي هذا الكابشر الذي سوف اتخذه سلام لمن يعتقد اني لا اهمد ابدا ..
Post: #43 Title: Re: Re:الساحر في مسقط .. Author: Muna Khugali Date: 10-26-2009, 11:32 AM Parent: #39
عشة يا عسل..
مازال ذلك المشهد الذي فاجأتينا به في الكافيه وصدقته أنا حيا في ذاكرتي!!
تصوير رائع كعادتك وتغطية حلوة لحفل نشعر بكل حلاوته التي عشتموها..
عثمان ده مجنون كمنجة شديد..موهوب ومحترف.. وسينجح أكثر باذن الله..
تحياتي لكم جميعا وخاصة العزيزة سوما وولدها العسل..ماشاء الله..
Post: #40 Title: Re: Re:الساحر في مسقط .. Author: عشة بت فاطنة Date: 10-26-2009, 11:22 AM Parent: #29
فعلا يا انعام هذا الانسان كلو احساس وروح شفافة ينقط فن وابداع وكمان دمو خفيف شكل تسلم ي علي الطلة
Post: #41 Title: Re: سحرنا الليل وصورنا مع ساحر الاوتار .. Author: عشة بت فاطنة Date: 10-26-2009, 11:28 AM Parent: #18
Quote: Ô شكراً أ.عشة على الصور البديعة ..
في انتظار المزيد
و يا حبذا سمع و شوف ..
خالص التحايا ..
تسلم انشالله يا صحافة كنت جميلا فرأيت الجمال صراحة ما صورت فيديو لكن اوعدك الحفلة الجاية اكون معاي الفيديو واسمعكم شفت الفيس بوك تبعك وزحل وكلو مرة حاديه طلة
Post: #44 Title: Re: سحرنا الليل وصورنا مع ساحر الاوتار .. Author: Sabri Elshareef Date: 10-26-2009, 12:37 PM Parent: #41
اتكاءة بالقرب من صوت الكمان
وجنب عشه كمان بالدنيا زمن لم نري صورة لك
سلام للعيال ولبيرق من زمن بيتك الجنب القبه بالفتيحاب
وزمن رفاعة الجميل وبديع
جيت اقول سلام وبظهر لييك تاني هنا راحة شوية ورجعه تاني لخميره الفكر العجيب
لكي نجد الطريق الجميل لي ولك وللاخرين
سلام
Post: #45 Title: Re: سحرنا الليل وصورنا مع ساحر الاوتار .. Author: الفاتح الجنيد Date: 10-26-2009, 05:53 PM Parent: #44
Quote: الفاتح سارية بتي بتسالك دي عملتها كيف ..!!؟ طبعا بتفتكر ان انا طايرة على طول ومافي كاميرا تقبضني وانا قاعدة ..
تعرفى ياسارية ،،، أمك دى (عينى باااارده) عاملة زى الفراشة دوختنى الدوخات السبعة عشان اصطادها بس هى ما بتمتص الرحيق لكنها بتنثر الفرح الفواح بروحها المرحه الله يخليها ليكم
Post: #47 Title: Re: سحرنا الليل وصورنا مع ساحر الاوتار .. Author: soma Date: 10-26-2009, 06:38 PM Parent: #45
شوشة يا حبيبة البى عارفة بوستيك ده بقى لى زى النيمه الوريـــفة عز الخريف تسلمى يا حنينة
Quote: تحياتي لكم جميعا وخاصة العزيزة سوما وولدها العسل..ماشاء الله..
تسلمى يا منى من كل بلا وعينك ملانه يا السمحة ومبروك من تانى لى ماما جارة الانجاز المشرف تسلمى وشكرا مارقة من الجوف يا حبيبة سلامى لكل المعاك