Post: #1
Title: لماذا عندما يتشاجر الزوج مع زوجته عند الصباح يحلق ذقنه وهو زعلان ( مطلوب صور)
Author: Abuelgassim Gor
Date: 10-20-2009, 08:05 PM
واحد صديق سألنى (لماذا عندما يتشاجر الزوج مع زوجته يحلق ذقنه وهو زعلان بيحدر ليها مرة ومرة ينظر فى المراية)؟؟
عاوز ردكم وصور توضيحية ...يعنى صور لواحد بيحلق فى ذقنه وهو زعلان بيحدر لمرتو
|
Post: #2
Title: Re: لماذا عندما يتشاجر الزوج مع زوجته عند الصباح يحلق ذقنه وهو زعلان ( مطلوب صور)
Author: Hisham Ibrahim
Date: 10-21-2009, 08:28 AM
Parent: #1
| Quote: عندما يتشاجر الزوج مع زوجته يحلق ذقنه وهو زعلان بيحدر ليها مرة ومرة ينظر فى المراية)؟؟ |
يا قور يا أخوي
قول ليهو حلاقة الدقن في البيت ذاتها خليناها زمان
لأنو الموس من الحاجات المفروض ما يقربها الواحد وهو زعلان
وبعد مرور خمسة سنة زواج ما تخلي حاجه سنينة في البيت خصوصاً لو كان نومك تقيل
يحلق وين ؟؟
في المكتب بقينا نحلق الدقن ونهذبها !
والحمام برضـــو في المكتب يا قور أخوي !
الحمام بمعنى بيت الادب ! لأنو عاوز جو خاص جداً وهدوء !
دي ثقافة التعامل في الزواج بعد خمسة سنة !
كفاك
هشام
|
Post: #3
Title: Re: لماذا عندما يتشاجر الزوج مع زوجته عند الصباح يحلق ذقنه وهو زعلان ( مطلوب صور)
Author: كمال حسن
Date: 10-21-2009, 09:13 AM
Parent: #2
Quote: واحد صديق سألنى (لماذا عندما يتشاجر الزوج مع زوجته يحلق ذقنه وهو زعلان بيحدر ليها مرة ومرة ينظر فى المراية)؟؟
عاوز ردكم وصور توضيحية ...يعنى صور لواحد بيحلق فى ذقنه وهو زعلان بيحدر لمرتو |
أبو القاسم يا خوي سلامات
طبعا الموضوع ده قالوا الإجابه عليهو عباره عن نظريتين
والفرضيات بتاعة النظريتين بتعتمد علي المرحوم أقصد الزوج
إذا كان (مليح) الوجه
وإذا كان وشو يلعن قفاهو زي حلاتنا كده
النظرية الأولى (مليح الوجه) قالوا لما يعاين للمرايا ويحدر للمره ده معناهو تحذير شديد اللهجه يؤكد إنو لا يذال (سوقو حار) ويستطيع بعد خروجو وهو زعلان من البيت يستطيع (أيها ملكة جمال) يكسرها ليك وبالتالي يعني إمكانية (إستجلاب ضره) للبيت وارد لأبعد الحدود، وهذه النظرية يعمل بها كثير من أهل المنبر (الفاكينها في روحهم)، وخاتين صور ليهم منذ العهد (الخديوي) أو (الجليدي)
أما النظرية التانيه (ناس الشناه)
قالو ديل لما ينظروا للمرايا ويحدروا للمره معناتا إنو حليلي الأنا إتزوجتك وجيه وبي كترة عمايلك دي وشي بقى زي (جزمة الكرموش) أعز الله القارئ، والنوع ده كل ما إتطلع في وشو في المرايا درجة زعلو بتزيد، ومن كثرة التجارب يجب علي زوجتو إنها تنهي الزعل في اقرب فرصه وتحاول تبعدو من إطالة النظر في المرآةالذي قد يكشف له مزيدا من المواقع (الخادشة للجمال) في وشو.
ديل زعلهم أكثر ضررا، خاصة إنو الواحد فيهم بيكون فاقد الطموح في إيجاد (البدل) ومحبط من وشو ومن مرتو، أثناء زعلو ده قد يستعمل موس الحلاقه في حاجات تانيه ما حانذكرها هنا حتى لا ننشر ثقافة العنف
النظرية الأخيرة دي يعمل بها أغلب أهل المنبر (العاطلين عن الجمال)، وأكثر هؤلاء من الذين لا يضعون صورة لا من العهود السابقة ولا القادمة (غايتو أنا ما منهم وعندي وجهة نظر تانيه في نشر صورتي)
|
Post: #4
Title: Re: لماذا عندما يتشاجر الزوج مع زوجته عند الصباح يحلق ذقنه وهو زعلان ( مطلوب صور)
Author: Abuelgassim Gor
Date: 10-21-2009, 09:08 PM
Parent: #2
Quote: يا قور يا أخوي
قول ليهو حلاقة الدقن في البيت ذاتها خليناها زمان
لأنو الموس من الحاجات المفروض ما يقربها الواحد وهو زعلان
وبعد مرور خمسة سنة زواج ما تخلي حاجه سنينة في البيت خصوصاً لو كان نومك تقيل
يحلق وين ؟؟
في المكتب بقينا نحلق الدقن ونهذبها !
والحمام برضـــو في المكتب يا قور أخوي !
الحمام بمعنى بيت الادب ! لأنو عاوز جو خاص جداً وهدوء ! |
|
|