السودان يدشن موقع الكتروني للرئيس البشير!!

موقع الكتروني للرئيس البشير

Quote: الخرطوم في 20-10(سونا) اكد الاستاذ الزهاوي ابراهيم مالك وزير الاعلام والاتصالات دعم وزارته واهتمامها الكامل بالثورة التكنلوجية والتدفق المعلوماتي. وقال لدي لقائه بمكتبه اليوم مجلس ادارة موقع البشير الالكتروني برئاسة الاستاذ هاشم علي سالم رئيس مجلس ادارة الموقع ان اللقاء بحث وضع الترتيبات والآليات اللازمة الخاصة بتدشين الموقع موجهاً بضرورة التكثيف الاعلامي للاعلان عن موقع البشير الالكتروني وفي ذات السياق اوضح الاستاذ هاشم ان الموقع يتم تحديثه يوميا مشيرا الي ان المعلومات التي تحويها الرسالة الاعلامية تحتاج لدرجة عالية من المهنية مؤكدا اهمية دعم التغطية الشاملة مع ضرورة توفير الامكانيات ن*ع

Quote: ضرورة التكثيف الاعلامي للاعلان عن موقع البشير الالكتروني

Quote: المعز فتحي عبيد أصبحت المدونات على شبكة الإنترنت واحدة من أهم التطبيقات للتعبير عن الآراء والأفكار للأفراد في عالم اليوم فهي تسمح بإدماج الكثير من المعطيات من مصادر مختلفة نصوص، صور وأصوات، لإيصال رسالة معين أو فكر معين وهي في تزايد مستمر في العالم أجمع والعربي بصورة خاصة. وفي إطار البرامج التى يقدمها موقع الرئيس البشير لتنزيل تطبيقات الإنترنت في الواقع السوداني، تم بجامعة السودان للعلوم والتكنولوجيا افتتاح الدورة التدريبية لإنشاء المدونات على الإنترنت بالتعاون مع موقع البشير الإلكتروني لمنسوبي وزارة التربية والتعليم ولاية الخرطوم وذلك بتدريب 1000 معلم على تطبيقات الإنترنت وإنشاء المدونات، بحضور عدد مقدر من عمداء الكليات بالجامعة ومستشاري ومعلمي الوزارة والمهتمين والإعلاميين. د. صديق بابكر مستشار وزارة التربية والتعليم أوضح أن هذه الدورة تأتي في إطار التدريب غير التقليدي الذى تنتهجه الوزارة لتأهيل المعلمين وتدريبهم على التقنيات الحديثة. البروفيسور جاد الله عبد الله الحسن نائب مدير جامعة السودان أوضح أن الجامعة تحرص على فتح قنوات للتواصل مع الأفراد والشركات والمؤسسات الخاصة والعامة خدمة للمجتمع السوداني كهدف استراتيجي. وأشار إلى أن رعاية موقع البشير الإلكتروني الهدف منه دعم الرئيس وإظهار وجه السودان المشرق. د . هاشم علي سالم وكيل جامعة السودان وراعي موقع البشير أوضح في حديثه أن هذه الدورة في إنشاء المدونات على الإنترنت تعتبر ضربة البداية لانطلاق موقع البشير على شبكة الإنترنت. وأشار إلى أنهم استهدفوا شريحة معلمي الحاسوب بوزارة التربية والتعليم بمرحلتي الأساس والثانوي لتدريبهم ومن ثم تنزيل المعرفة إلى الطلاب بواسطة معلميهم. وأكد أن ثقافة المدونات عند السودانيين ضعيفة رغم أن الكثير منهم يمتلكون أدوات الحوسبة ويتصفحون الإنترنت بصورة يومية، إلا أنهم في مرحلة التلقي وأن هذا الدورة تعمل على الانتقال بهم إلى مرحلة التفاعل، مشيراً في ذات الوقت إلى استخدام الإنترنت من الجهات الخارجية لتشويه صورة السودان، وأن الهدف من هذه الدورة تشجيع الأفراد على الزود عن الوطن عبر إنشاء المدونات والتعبير عن آرائهم وتوضيح الحقائق للغير، مؤكداً أن رد المواطنين على الشبكة عبر المدونات أقوى من رد المؤسسات الحكومية لأنه يعبر عن الانتماء لهذا الوطن. وأبان في خاتمة حديثه أن العدد المستهدف من هذه الدورات 6000 ألف متدرب يمنحون شهادة معتمدة من كلية التكنولوجيا قسم التدريب والدراسات المستمرة بجامعة السودان. الأستاذ مجدي شفيق مدير موقع البشير قدم شرحاً عن إنشاء المدونات على شبكة الإنترنت موضحاً أنها يمكن أن تكون للأفراد أو المؤسسات وغيرها، مشيراً إلى أنها وسيلة فعالة للانتشار المجاني عبر فضاء الإنترنت، مقدماً نماذج لمدونات بعض المعلمين العرب.

Quote: شكراً سيادة الرئيس يوم الاثنين الماضي وحوالي العاشرة مساء شعرت بحركة غير عادية حول الحي الذي أسكن فيه، خرجت من منزلي لاستطلع الأمر، فإذا بفخامة رئيس الجمهورية أمام منزل جيراننا الفقراء يتفقدهم ليعرف أحوالهم أسرة الحاجة شامة التي قدمت أربعة من أبنائها شهداء لهذا البلد الطاهر وتبرع لهم بمنزل ليأويهم. حقيقة لقد هزني الموقف، واعجبت من تمثل الرئيس عمر البشير بخصال عمر بن الخطاب رضى الله عنه، كان موقفاً كبيراً رئيس الجمهورية يترك كل مهامه الضخمة ليتفقد حال أسرة بسيطة في حي بسيط دون حراسة ودون تشريفة أمامه. هنيئاً لنا بالرئيس عمر البشير ما دام يتفقد شعبه ويساعد الفقراء والمساكين، وإني على ثقة بأن الله سيساعد رئىسنا على محن الزمان ما دام يساعد الفقراء والمساكين، ولن ينسى مواطنو الحي أيضاً الجهود الطيبة التي تبذلها الوزيرة المجتهدة سامية احمد محمد التي أكدت دوماً انحيازها للفقراء والبسطاء. فيصل احمد محمد ع/ مواطني الكلاكلة القلعة جنوب رجوع

Quote: الأستاذ مجدي شفيق مدير موقع البشير قدم شرحاً عن إنشاء المدونات على شبكة الإنترنت موضحاً أنها يمكن أن تكون للأفراد أو المؤسسات وغيرها، مشيراً إلى أنها وسيلة فعالة للانتشار المجاني عبر فضاء الإنترنت، مقدماً نماذج لمدونات بعض المعلمين العرب.

خلو مدونات المعلمين العرب بعدين تنفعكم!

بعدين زول ما قادر يمارس مهامه كرئيس... زي ما هو واضح هنا:
صاحبنا كب الزوغة
رئيس يدعوه لقمة، ما يمشي؟!!! وين الجعلية يا هؤلاء؟
وين يبلوه ويموصوه؟

ويقتله القلق من هنا:
"الجنائية" تصدر أوامر اعتقال جديدة ضد البشير

مضيعين قروش الشعب السوداني ده ساي كدة ليه؟

ولا مواصلة للبنيان والإعمار في المساجد في كافوري وغيرها هنا:



المهم...

Quote: حقيقة لقد هزني الموقف،

فرفرة مذبوح
على ما تبقى من مساحة عدالة الفرص الديمقراطية




إذا تم إستخدام الموقع من مال الشعب لمصلحة حملة الرئيس الإنتخابية، وهذا من المؤكد،
فهذه دعوى دستورية جاهزة،
وإختبار حقيقي لمدى مصداقية المؤتمر الوطني.

الموقع لا يعني سوى تكريس حكم الفرد و تمجيده .. إهدار موارد الدولة ..
فالدولة تمتلك أجهزتها الإعلامية وبالتأكيد الرئيس هو المادة الإعلامية الأولى في هذه الأجهزة فما الداعي لقيام موقع للرئيس وهو ما زال في منصبه!
تصميم الموقع ضعيف و فقير .. ولا أدري إلى الآن ما هو الهدف من إنشاء هذا الموقع .. ثم ما هو مرتب رئيس مجلس إدارة هذا الموقع..! هي أسئلة طافت بذهني و أنا أتصفح الموقع.

شكرآ واصل على إيراد الخبر

Quote: تصميم الموقع ضعيف و فقير

ولا تسأل عن الملايين التي قد تكون تحت الخدمة!

في موقع قريبات دي شفتو، قالوا لي مكلف 50 مليون جنيه سوداني!
بتاع منطقة تصنف على أنها مهمّشة...وأعتقد أنهم يقصدون مهشّمة!

أخخخخخخخخخخخخخخخخخخ

تصميم تعيس ومضمون فقير وتوظيف غير موفق للصور ولعلم السودان، على الرغم من وجود مجلس إدارة؟؟!!

Quote: ولا تسأل عن الملايين التي قد تكون تحت الخدمة! في موقع قريبات دي شفتو، قالوا لي مكلف 50 مليون جنيه سوداني! بتاع منطقة تصنف على أنها مهمّشة...وأعتقد أنهم يقصدون مهشّمة! أخخخخخخخخخخخخخخخخخخ

تعرف يا عزيزي أنور إنك ضائع في سوق التكنلوجيا السودانية ..!

وعشان كدة أنا سألت عن مخصصات مجلس إدارة الموقع و رئيسه..!

وخسارتك يا بكري أبوبكر القاعد تدير في موقعك ده بدون مجلس إدارة و كمان بتصرف من جيبك الخاص !!
و خسارتك يا أنور كنج يا البتحضر في دكتوراة في كوريا الجنوبية عن تصنيع الرقائق الإلكترونية .. ومواقع يتم تصميمها على نظام البلوتين الرخيص بتكلف 50 مليون جنيه!! لا بد أن البلوتين ده ليهو علاقة بالبلاتينيوم.

وسئوال مر بذهني .. من يحكم على جودة سوق التكنلوجيا السوداني و يحدد أسعاره ! حاجة مؤسفة بجد.

Quote: تصميم تعيس ومضمون فقير وتوظيف غير موفق للصور ولعلم السودان، على الرغم من وجود مجلس إدارة؟؟!!

لكن منو يا ود موسى البقدر يقول البغلة في الإبريق

Quote: و خسارتك يا أنور كنج يا البتحضر في دكتوراة في كوريا الجنوبية عن تصنيع الرقائق الإلكتروني

الحبيب عادل، تحياتي وأشواقي وإحتراماتي...
موضوع البحث عامة يدور حول Database & Data Mining
متخصص بشدة في ما يختص بال Security و Privacy
هذا المؤتمر سيكون بعد غد إن شاء الله وأقدم فيه ورقتين ، كما يمكنك رؤية هذا عبر الرابط
Anour F.A. Dafa-Alla
تحياتي وشكري
أنور

Quote: الرد على مذكرة اعتقال الرئيس البشير طبعا كلكم عارفين المذكرة التي رفعها او كامبو يتهم فيها الرئيس عمر البشير بارتكابه جرائم حرب في دارفور يطلبون مثوله امام المحكمة الدوليه وطبعا ياجماعة بغض النظر عن انتماءاتنا السياسية والواننا الحزبية الكلام دا بحرق العصب وبخلي الدم يغلى في العروق ونحن مابنرضى رئيسنا يحاكموه الكفرة النجوس ونموت قبل دا مايحصل نظمت قصيدة في هذا الشان واردتكم ان تستمتعوا اليهاا قبل دخولها الى مكتبتي في دار جعل والى الرابط http://www.a7ibahome.com/tarig/okambo.mp3[/B]

Quote: رأي وأقوال عامة الشعب في البشير Osama fidail sudan/France he is the best presednt in africa.and we are with him -------------------------- عبدالله السودان أفضل رئيس في العالم ------------------- الجعلي السودان لا نريد رئيس غيره ------------------- Osama fidail sudan/France he is the best presednt in africa.and we are with him ------------------- ايمان جعفر النور السودان اقف مع الرائسى عمر البشير في كل شئ ------------------- طارق الطاهر السودان حفظ الله صاحب تلك السيرة العطرة، وهكذا أصحاب الرسالات مبتلون فعليك الصبر وسر كما انت ولا تتردد ، يكفي أن شعبك يحبك ، يكفي أنك تقف في الهواء الطلق مخاطبا لا تخشى غدرا من شعبك ------------------- samer ukraine هو خير حاكم في تاريخ السودان الحديث .وانا شايف استهدافه هو للسودان و ليس لشخصه ونسال الله السداد و الشعب السوداني الثبات ------------------- ابومهند {وَلَا تَحْزَنْ عَلَيْهِمْ وَلَا تَكُن فِي ضَيْقٍ مِّمَّا يَمْكُرُونَ} (70) سورة النمل {وَاصْبِرْ وَمَا صَبْرُكَ إِلاَّ بِاللّهِ وَلاَ تَحْزَنْ عَلَيْهِمْ وَلاَ تَكُ فِي ضَيْقٍ مِّمَّا يَمْكُرُونَ * إِنَّ اللّهَ مَعَ الَّذِينَ اتَّقَواْ وَّالَّذِينَ هُم مُّحْسِنُونَ} (127) - (127) سورة النحل ------------------- هاديه sudan-khartom بلادى بلادى وان جارت على عزيزه*واهلى وان ضنوا على كرام* اقول لعبد الواحد وخليل ابراهيم اذا كانو حقيقه تجرى فى دمائهم العروبه السودانيه يتركوا حب السلطه وازية الشعب الذى به اهلهم وعشيرتهم وهذه الدنيا فانيه لايعلم من منا يعيش كم من الزمن؟فيتمنى الانسان قدر الايام التى تعيشها تكون فاعلا للخير ومحبا لناسك ودينك و الفرص كثيره بان يرجع الانسان لربه ونحنا نسامح كل من يسامح بصدق واخلاص وحب للوطن ------------------- احمتو بن عبدي موريتانيا انا اعتبر البشير من خيرة حكام العرب الحاليين لسبب واحد وهو حبه للاسلام والمسلمين وعدم سيره في رغبات واطماع اليهود والنصارى المجرمين. اما التنكيل بالخونة والعملاء فهو امر لا مفر منه للسيطرة على امن البلد ووحدته ------------------- عطا مكي السودان اعرض عن الجاهل السفية فكل ماقال فهو فية ماضر بحر الفرات يوما ان خاض بعض الكلاب فية ................... حقيقة ما صدر من قرار ضد البشير هو يستهدف الامة الاسلامية جمعا ويكون البشير هو المفتاح فقط

Quote: سيرة البشير تعريف بشخص البشير : ولد المشير عمر حسن أحمد البشير رئيس جمهورية السودان بقرية حوش بانقا ريفي شندي، في 1 يناير 1944 (1944-01-01) (العمر 64 سنة الآن) * ينتمي للبديرية الدهمشية وهي إحدى القبائل العربية التي تستوطن شمال السودان، وإقليم كردفان. عمر البشير.. سيرة ذاتية التحرير* 2008-07-15 * ولد المشير عمر حسن أحمد البشير رئيس جمهورية السودان بقرية حوش بانقا ريفي شندي، في 1 يناير 1944 (1944-01-01) (العمر 64 سنة الآن) * ينتمي للبديرية الدهمشية وهي إحدى القبائل العربية التي تستوطن شمال السودان، وإقليم كردفان. * متزوج من ابنة عمه: فاطمة خالد البشير * ثم تزوج من السيدة وداد بابكر، أرملة صديقه وزميله في مجلس الثورة الشهيد إبراهيم شمس الدين. * درس مراحله التعليمية الأساسية في مدارس منطقة شندي،شمال السودان. * درس المرحلة الثانوية بالخرطوم، حيث تلتقى بنائبه الآن الأستاذ علي عثمان محمد طه. * تخرج في الكلية الحربية السودانية في عام 1967م (الدفعة 18) * نال ماجستير العلوم العسكرية بكلية القادة والأركان عام 1981 م * ونال أيضاً ماجستير العلوم العسكرية بماليزيا 1983 م. * حصل على زمالة أكاديمية السودان للعلوم الإدارية عام 1987 م. * شارك في حرب العبور ضمن الجيش العربي المصري ضد العدوان جيش دولة الكيان الصهيوني في 1973 . * عمل بالقيادة الغربية من عام 1967 وحتى 1969 م، ثم القوات المحمولة جوا من 1969 إلى 1987 م، إلى أن عين قائداً للواء الثامن مشاة مستقل خلال الفترة من 1987 إلى 30 يونيو 1989م. * وهو برتبة عميد.أصبح رئيساً لجمهورية السودان في 30 يونيو 1989م، عبر انقلاب عسكري ، قام به بالتعاون مع الجبهة الإسلامية القومية بقيادة حسن الترابي. * ظل في منصب رئيس مجلس قيادة ثورة الانقاذ الوطني من 30 يونيو 1989 إلى 16 أكتوبر 1993م. ثم انتخب رئيساً للجمهورية. * يتولى رئاسة حزب المؤتمر الوطني، الحزب الحاكم. * وقع اتفاقا للسلام عام 1996 مع مجموعة الدكتور رياك مشار- نائب رئيس حكومة الجنوب- بعد انشقاقها عن قرنق عام 1991. * وصلت حكومته لاتفاق سلام مع الحركة الشعبية لتحرير السودان المتمردة في جنوب السودان، اقتضى قسمة الثروة والسلطة وإعادة بناء المؤسسة العسكرية، في العام 2005م. * ينتمي الرئيس البشير للحركة الإسلامية السودانية منذ أن كان طالباً بالمرحلة الثانوية. * استشهد اخوه المجاهد الطبيب: عثمان البشير ، في أحراش جنوب السودان. * يحظى البشير بحب وتقدير داخل السودان وخارجه، لتأييده المعلن للقضايا

Quote: قالوا عن سد مروي السودان وارغريت صمويل [2009-02-28] قالوا عن سد مروي السودان السفير الصومالي [2009-02-28] قالوا عن سد مروي السودان سفير سلطنة عمانو سفير سوريا [2009-02-28] قالوا عن انجازات البشير و سد مروي السودان سفير قطر [2009-02-23] الانجاز الذي اذهل الجميع من الاصدقاء و الأشقاء قالوا عن أكبر انجازات البشير وسد مروي السودان السفير الجزائري بالخرطوم [2009-02-23] من اجازات البشير قالوا عن سد مروي السودان الشاعر حاتم حسن الدابي [2009-02-28] ....المزيد

أتمنى أن تجد هاتين القصيدتين في تمجيد جناب الوالي
حظهما من النشر في موقعه العالي....


لاهَايُ يَا مَنْفَى الْجَبَابِرَةِ الطُّغَاةْ !

(1)
وَكَرِهْتُ زَلْزَلَةَ الْحُدُودِ
سَئِمْتُ وَعْثَـاءَ السَّفَرْ !
بِالأمْسِ أَوْقَفَنِي
عَلَى الأمْشَاطِ
شُرْطِيُّ الْقَـمَـرْ !

الْيَوْمَ أَوْثَقَنِي الْجُنُودُ
فَصَافَحَتْنِي الْحُورُ
بَلَّلَنِـي الْمَـطَرْ !

يَا لَيْلَ
أجْدَادي الْمُمَدَّدَ
دُونَمَا فَجْرٍ
بِقَارِعَةِ الخَطَرْ !

يَا أَيُّهَـا
الْوَاليُ الْكَذُوبُ
وَقَاتلَ الطِّفْـلِ الأغَرْ!

يَا أيُّهَا
الْبَاغِي الطَّرُوبُ
وَرَائدَ الْكَذِبِ الأشِـرْ !

(2)
اِذْهَبْ إلَى لاهَايَ
تُطْعِمُكَ الْعَنَاكِبُ
مِنْ ثَريدِ الْحَنْظَلِ
الْمَغْمُوسِ فِي
السُّمِّ الأمَرْ !

اِذْهَبْ فَإنَّا
قَاعِدُونَ وَصَامِدُونَ
عَلَى الْخَطَرْ !

اِذْهَبْ فَإنَّـا
لاعِنُوكَ إلَى الْقِيَامَةِ
حِينَمَا يَغْشَى الْبَصَرْ !

لَعَنَتْكَ هَامَاتُ النَّخيلِ
وَسَامِرُ الْقَومِ الأَبَرْ !

(3)
ابْقَى أنَا الشَّعْبُ
الَّذِي صَلَبَ الْقِيَامَةَ
وَانْتَضَى السَّيْفَ الأغَرْ !

يَا أَيُّهَـا الْبَاغِي
مَديدَ الْعُمْرِ
فِي الأَغْلالِ
تَرْفُلُ فِي السَّهَرْ !

لاهَايْ يَـا
مَنْفَى الْجَبَابِرَةِ الطُّغَاةِ
وَيَيْتَ طَاعَتِهِمْ،
وأحْكَامَ الإلَهِ
عَلَى الْغَجَرْ !

***


*جئتُ لأعتذر للغجر*

وهذه القصيدة كُتبت لتمجيد رقصاته المجيدة، حفظه الله!


الرقصةُ الأخيرةْ!

(1)
وَرَقَصْتَ
رَقْصَتَكَ الأخيرَةَ
شَاحِبًا تَبْدُو
كَمَا الْمَوْتِ تَوَارَى
خَلْفَ هَمْهَمَةِ الْبُكَاءْ!

ألْهِبْ بِرَقْصَتِكَ الْجَريحَةَ
ظَهْرَ شَعْبٍ بَائسٍ
عُرْيَانَ يَلْتَحِفُ السَّمَاءْ!

قَدْ يَرٍْقُصُ الْجَبَّارُ
قَبْلَ نُفُوقِهِ
رَقْصَةَ " الْمُلتاعِ "
فِي بَحْرِ الدِّمَاءْ!

لَنْ تَغْلِبَ الأفْعَى
وُرودَ الْمَاءِ
إنْ فَاضَتْ
عَلَى جُحْرِ الْخِبَاءْ!

(2)
أيٌّهَا السَّادِرُ
فِي طُغْيَانِهِ
رَقْصَةٌ مِنْكَ
عَلَى طَبْلِ الْبُغَاه!

أجُنِنْتَ أنْتَ...
حِينَ زَعَمْتَ
أنَّ الْفَجْرَ لَنْ يَأتيَ
عَلَى شرَفِ الْمَسَاءْ؟

أظَنَنْتَ حَقًّا
أنَّ شَعْبَكَ
سَوْفَ يَتْلُو
"سُورَةَ الْوَالِي" صَبَاحًا
ثُمَّ يَخْتِمُ بِالدُّعَاءْ!

أكَرِهَتَ قَافِيَةَ الْحَقيقَةِ
حِينَ كَانَ الشِّعْرُ
يُلْهِبُ سَيْفَكَ
الْبَتَّارَ مَوْفُورَ الدِّمَاءْ؟!

أشَبِعْتَ تَقتيلًا
بِاسْمِ الدِّينِ وَالْقرْآنِ
مَحْمُولًا عَلَى
زَيْفِ الْغِنَاءْ ؟!

(3)
شَاحِبًا يَبْدُو
كَمَا الْمَوْتِ تَوَارَى
خَلْفَ دَمْدَمَةِ الْبُكَاءْ!

إنَّهُ الْحَقُّ
تَجَلَّى وَتَحَلَّى
بِسُيُوفٍ وَدِمَاءْ!

وَغَدًا يَحْلُو لِشَعْبي
أنْ يُقيمَ الْلَّيْلَ
كُلَّ الْلَّيْلِ
فِي شُكْرِ السماءْ!

وَيْطِلُّ الْفَجْرُ
فِي مَحْمَلِهِ
عَاليًا يَخْتَالُ
فِي شَفَقِ الضِِّيَاءْ!

ظَالِمٌ اِخْتَارَ
مَكْمَنَ قَبْرِهِ
وَاجِمٌ حَيْرَان
يَرْقُصُ كَالنِّسَاءْ*!!
_______________________________________________________________________________________________
*يُحْكَى أنَّ وَاليًا مِنْ الْوُلاةِ كَانَ يَرْقُصُ أمَامَ رَعِيَّتِهِ وَبِالْقُرْبِ مِنْ مَقَابِرِ ضَحَايَاه ، فَيُهَلِّل لَهُ تَنَابِلَةُ السُّلْطَانْ ، فَيَتَمَادَى فِي رَقْصِهِ حَتَّى انْهَارَتْ دَوْلَتُهُ وَأُخِذَ أخْذًا وَهُوَ يَرْقُصُ نَحْوَ حَتْفِهْ ، وَكانَتْ تِلْكَ " الرَّقْصَه" هِيَ الأخيرة مِنْ بَيْنِ رَقَصَاتِهِ الْمُسَليَّه!
****

*إعتذرُ للنساء*

إنت يا واصل .. ما وصلت لسـة ..
ما قالو ليك ما تمط البوستات بالمطاطات الطويلة دي ..
ياخ أنور المعاكم دا عندو موقع .. حيدر بدوي دودح دل عندو موقع ..
بكري ابوبكر عندوموقع
واصل دا عندو موقع ..
شنو يعني .. الما عاجبو فيكم بظروفو .. ممكن يعمل ليهو موقع حقو .. ويثبت المواضيع فوق زي مواضيع بكري دي ..
عاش الرئيس السوداني عمر حسن أحمد البشير ..
..
.

فك المطاطات دي يا صحفي إنت .. لو ما بتعرف كلم خلي واحد من الفلاسفة ديل يفكهم ليك ..
اي بوست متعلق بالرئيس القاد البشير .. لازم يكون واضح عشان الما بيعرف يقرا زاتو يقرا ..

Quote: ياخ أنور المعاكم دا عندو موقع

لووولز...
يا علاء أنا عندي موقع من سنة 1999، أظنها أيام المفاصلة، أيام البشير جارينو من أضانو من قبل بابا الترابي...

حسب ما جاء على لسانه هنا

«الترابي نحن أكثر ناس بنعرفو.. كنا حيرانو يمين يمين شمال شمال


ف بالله ما تختنا في سلة واحدة مع البيض الفاسد!

لو داير تعمل ليك حاجة مفيدة للبشير أو لغيره...
أنصحك بأن تنصحهم بعمل موقع "يليق" برئيس لجنة شعبية، ناهيك عن رئيس بلد كامل!
بدلاً عن الجهاد الإلكتروني كما يفعل الوليد ده هنا:

Quote: الله أكبر ...ريک شنو يا مان نجاهد المعرسين الزي انور کنج

لأخينا محمد سليمان عنوان برّاق لبوست سابق يقول فيه:
السرج المُذّهب لا يجعل من الحمار حصاناً!


بعدين موقعك وينو أنتا يا علاء؟ أنتا زول موهوب وعندك ما يمكن أن تقدمه في نظري...


المهم...

Quote: يا علاء أنا عندي موقع من سنة 1999،

.. ااي ابوي انا .. عارفك والله .. والله العظيم عارفك الكلام دا قول لي واصل .. لانو ما ناقش ابو النوم ..

Quote: ف بالله ما تختنا في سلة واحدة مع البيض الفاسد!

تااني بيض ؟؟ تاااني ..؟
يا زول إنت بيضه واللا شنـو..؟

Quote: لو داير تعمل ليك حاجة مفيدة للبشير أو لغيره... أنصحك بأن تنصحهم بعمل موقع "يليق" برئيس لجنة شعبية، ناهيك عن رئيس بلد كامل! بدلاً عن الجهاد الإلكتروني كما يفعل الوليد ده هنا:

.. حسع افيد من البتعملو فوقو للبشير وللانقاذ دا تاني الفايده كيفنهـا..؟
والله في نوعيات كدا منكم .. مفترض يدفعوا ليها ي نظام الدقيقة مش الساعة ..
طيب إنت ما بتاع مواقع وعندك موقع من سنة تسعة وتسعين .. ما تعمل ليك موقع لي جماعتك ديل ناس استييف .. والباقر وواصل دا .. وناس حيدر بدوي .. مش عليك الله كان احسن من البيضنه حقتك دي ..؟ جايب ليك صورة وشابكنا صورة البشير في ماجيستك ..؟
تفتكر دي الواحد ح يستفيد منها شنو بس .. يعني امشي اتصور في ماجيستيك عشان الرئيس اتصور فوقو ..؟
أوعك تجي تشبكني زي حيدر دي حاجات كبيرة عليك ما بتعرفه ..

Quote: بعدين موقعك وينو أنتا يا علاء؟ أنتا زول موهوب وعندك ما يمكن أن تقدمه في نظري...

لالا يا أنور أنا موقعي خليهو اليوم البجي اعمل لي حاجة زي دي .. بعمله أول حاجة للرئيس القائد عمر حسن أحمد البشير .. وبعداك لو فضيت بعمل لي نفسي .. شفت كيف ؟؟

هووي يا .. واصل واللا يا اوكامبوو إنت ..
شايفك شلت المطاطات حقتك دي .. طيب ما كان تقول شكرا .. مسحتها وكسرت في اضانك قشة يعني ..؟

Quote: .. حسع افيد من البتعملو فوقو للبشير وللانقاذ دا تاني الفايده كيفنهـا..؟

تمبس يا باشا ..
صباحكـ زين ..
الكوت الفوق في أول مداخلة ...
بتاع تكثيف الدعاية للموقع !!
ليهو علاقة بمداخلتكـ ..
خلاص كده يا عباس مواطني وزوار سودانيز في الخط أخدوا خبر ، وبالتفصيل الممل

Quote: خلاص كده يا عباس مواطني وزوار سودانيز في الخط أخدوا خبر ، وبالتفصيل الممل

.. وهو المطلوب يا عمران ..
كلكات الف .. والما بشتري يتفرج .. وما بعيد كمان عمك بكري زاتووو .. بعد يومين ح تلقاهو ربط موقع الرئيس القائد عمر حسن أحمد البشير .. بي موقع سودانيزاونلاين .. بالنسبة للاكشن وكدا ..
منبر سودانيزاونلاين .. وطن من لا وطن له ..

غايتو كان علي يا عمران .. ماجستيك دا جاهو بلا بعد كدا .. عندي (فكك) في الانكل من ايامات الكورة .. بيتاورني كلما (السقط ) يجي .. كان الله سهـل .. احتمال كبير امشي لي ناس ماجيستيك واقوليهم انا جاييكم من موقع سودانيزاونلاين .. وعايز اعمل صورة اشعة .. لو قالو ما عندهم بقول ليهم شوفو لي أي مكان عن طريقكم .. مش إنتو اتصور عندكم الرئيس ..؟
صورتك العندي دي احتمال كبير (اكبره) ليك عندهم .. اتفقنا؟

Quote: والله في نوعيات كدا منكم .. مفترض يدفعوا ليها ي نظام الدقيقة مش الساعة ..

كلام مجاني ساي...ما عارف ليه كل أنصار ومناصري ومتناصري المتهم عمر البشير، مهووسين بشدة تجاه "المال"
ولديهم أوهام مستمرة بأنو لا يمكن زول يعارض فسادهم وظلمهم "ساي لله في لله كدة" لأنو يكره الظلم!


تمبس ، عليك أمان الله، أسع الصورة دي "طبيعية"؟


بعدين لو فرضنا أنها طبيعية ، بالمناسبة برضو ما بتزيل الإتهام الموجه لعمك...لوولز، يعني سيك سيك معلّق فيك...

وأعيد المثل تاني وتالت ولن أمل من تكراره:
السرج المُذهّب لا يجعل من الحمار حصاناً!

Quote: طيب إنت ما بتاع مواقع وعندك موقع من سنة تسعة وتسعين .. ما تعمل ليك موقع لي جماعتك ديل

شفتا يا أبو علوة...هنا الفرق الجوهري بيني وبين جوقة البشير...وهو أنا المحرّك بالنسبة لي هو وطني/ ذاتي Self Motivated 
بينما الجوقة تحركها المصالح بتقاطعاتها المختلفة، ويجتمعون على الجهوية والعنصرية والنفاق فيما بينهم وشيلني وأشيلك...

توجد حرية تامة من جانبنا في تصرفاتنا مع الآخرين...وما بناخد "تعليمات" ونجي نرفع "تقارير" لي زول... شفتا كيف؟

Quote: لالا يا أنور أنا موقعي خليهو اليوم البجي اعمل لي حاجة زي دي .. بعمله أول حاجة للرئيس القائد عمر حسن أحمد البشير .. وبعداك لو فضيت بعمل لي نفسي .. شفت كيف ؟؟

يقول الشاعر:
وكم من ملك رُفعت له علامات....فلما علاااااا...مات...
الله يرحمك يا الملك فهد بن عبد العزيز... أسمك موجود على ملايين المصاحف التي طُبعت على نفقتك الخاصة،
فما عارف الفدائي علاء الدين تمبس شايف شنو بالضبط يخليهو يحقّر نفسو مقابل تعظيم شعائر البشير!

ما شايف عبارة أنسب من هذا يا علاء:
Remember no one can make you feel inferior without your consent. Roosevelt, Eleanor

تحياتي

أنور

بما انو الصورة بتاعة ( ماجستيكـ ) دي نضيفة ومرتبة ..
ولانو شغالين ننظم في الحوش مع الريس ..
ومؤيدين شغل تمبس في عدم ( المط ) فالصورة هدية لمن يود استخدامها في البروفايل
وعشان يمكن اللون ( الأزرق ) يعمل طشاش للوصيفاب ويميلو لمريخيتهم اكتر من ميلهم للبشير ..




.
.
.
.
.
__________________________
( الليلة فاضي وعامل قاضي )

.

.
__________________
كده كيف يا تمبس ؟؟

Quote: كده كيف يا تمبس ؟؟

.. اعرش علي كدا يا عمران ..

Quote: ...ما عارف ليه كل أنصار ومناصري ومتناصري المتهم عمر البشير، مهووسين بشدة تجاه "المال" ولديهم أوهام مستمرة بأنو لا يمكن زول يعارض فسادهم وظلمهم "ساي لله في لله كدة" لأنو يكره الظلم!

.. يعني تفتكر نحن حسع دي بنكتب ساااكت كدا دا .. وبنناصر وبنتناصر للرئيس القائد دا .. عشان جوع بطنكم ؟؟
يعني حسع واصل دا مثلا .. نحن نجي نكتب ليهو كلمتين سااكت كدا ونحتسبه ..؟
خليك من واااصل .. إنت دا .. تجيب ليك فيديو بلوغ .. ونجي نشوفو سااكت كدا دا بلاش ..؟ يازول نحن ناس قروووش .. بنحب القروش .. اصلو حاجة مجاني كدا دا ولي الله ساااكت ما عندنا ..

Quote: تمبس ، عليك أمان الله، أسع الصورة دي "طبيعية"؟

طيب قول ما طبيعية الفايده شنو يعني ..؟ في ناس هنا دا متخصصين صور واحد قبل كم يوم شابكني ليك انا اجيب ليك صورتك العمله ليك بشاشا بالفوتوشوب .. يا فلاتي .. يا نقط ... نقط .. إلخ والله التقول هو تركي وشعرو مغطي عيونو

Quote: بعدين لو فرضنا أنها طبيعية ، بالمناسبة برضو ما بتزيل الإتهام الموجه لعمك ... لوولز، يعني سيك سيك معلّق فيك...

لا ما طبيعية اطلاقا .. علاقته بالاتهام شنـو..؟ حسع يعني ممكن اجيب صورتك في أحدى ثورات ملفاتك حقات البلوغ ثائراً منتفضاً واقوم ادخل الصورة الفوتوشوب .. واعمل فيها حركات واجي اطلعك مناضل كبير يا مجرم حرب ؟؟ عليك الله دي بتجي ..؟ بتصدقني كان عملت كدا ..؟

Quote: السرج المُذهّب لا يجعل من الحمار حصاناً!

دا طبعا بيعتمد على الزول الجاب السرج زاتو مش احتمال يكون هو زاتو حمـار .. ولا مؤاخذه ..؟

Quote: هنا الفرق الجوهري بيني وبين جوقة البشير...وهو أنا المحرّك بالنسبة لي هو وطني/ ذاتي Self Motivated بينما الجوقة تحركها المصالح بتقاطعاتها المختلفة، ويجتمعون على الجهوية والعنصرية والنفاق فيما بينهم وشيلني وأشيلك... توجد حرية تامة من جانبنا في تصرفاتنا مع الآخرين...وما بناخد "تعليمات" ونجي نرفع "تقارير" لي زول... شفتا كيف؟

.. اشكرك على الهاي لايت دا عن شخصيتك .. مع إني ما محتاج ليهو .. طيب بي نفس الفكرة مش ممكن البتتكلم عنهم ديل برضو يكون توجهم وطني .. وشايفنك إنت بيضه ساااكت من ضمن البيض اياهـ ..؟ أنا حسع دي بي صورتك بتاعت الاستديو ديك صنفتك بيضة طوالي .. وبي كلامك المجاني دا برضو صنفتك بيضة .. مش من حقي ؟؟
بتتكلم عن نفسك ولكأنما عايز تثبت لي إنك رقم كبير .. ودا في حدو زاتو شغل فوتو شوب ما بيفرق ااااي حاجة عن ناس ماجيستيك ديلاك ..

Quote: توجد حرية تامة من جانبنا في تصرفاتنا مع الآخرين...وما بناخد "تعليمات" ونجي نرفع "تقارير" لي زول... شفتا كيف؟

.. ااي والله شفتا كيف .. خليك كدا عليك الله .. اقعد في فقرك دا .. اصلو ما ح تعمل ليك قروش زيك وزي الناس ..
إنتو يا جماعة بكري بجيب الناس دي من وووين ..؟ آمنت بالله .

Quote: يقول الشاعر: وكم من ملك رُفعت له علامات....فلما علاااااا...مات...

اريتني لو بعرف اعرب .. والله كان دخلتك في حتة ضيقه خلاص ..

Quote: الله يرحمك يا الملك فهد بن عبد العزيز... أسمك موجود على ملايين المصاحف التي طُبعت على نفقتك الخاصة، فما عارف الفدائي علاء الدين تمبس شايف شنو بالضبط يخليهو يحقّر نفسو مقابل تعظيم شعائر البشير!

يللا هنا إنت فقدت المنطق .. وتخليت عن نضالك مقابل أن انزلقت في حته تانية .. ح ترجع واللا نرجعك .. بالتقارير ..؟

Quote: ما شايف عبارة أنسب من هذا يا علاء: Remember no one can make you feel inferior without your consent. Roosevelt, Eleanor

عليك الله بالفرنسي .. احسن لي من الانقليزي ..

Quote: السودان يدشن موقع الكتروني للرئيس البشير!!

يا دوووووب؟ والله ما قايلو لحدي هسة ما عندو موقع.

ياخ بياعات التسالي الزمن ده عندهم موقع.

مع كامل الإحترام لبياعات التسالي.

هدية لالبوم الموقع

موقع غريمه و صديقه ادريس ديبي
http://www.presidencetchad.org/

Quote: لاهَايُ يَا مَنْفَى الْجَبَابِرَةِ الطُّغَاةْ ! (1) وَكَرِهْتُ زَلْزَلَةَ الْحُدُودِ سَئِمْتُ وَعْثَـاءَ السَّفَرْ ! بِالأمْسِ أَوْقَفَنِي عَلَى الأمْشَاطِ شُرْطِيُّ الْقَـمَـرْ ! الْيَوْمَ أَوْثَقَنِي الْجُنُودُ فَصَافَحَتْنِي الْحُورُ بَلَّلَنِـي الْمَـطَرْ ! يَا لَيْلَ أجْدَادي الْمُمَدَّدَ دُونَمَا فَجْرٍ بِقَارِعَةِ الخَطَرْ ! يَا أَيُّهَـا الْوَاليُ الْكَذُوبُ وَقَاتلَ الطِّفْـلِ الأغَرْ! يَا أيُّهَا الْبَاغِي الطَّرُوبُ وَرَائدَ الْكَذِبِ الأشِـرْ ! (2) اِذْهَبْ إلَى لاهَايَ تُطْعِمُكَ الْعَنَاكِبُ مِنْ ثَريدِ الْحَنْظَلِ الْمَغْمُوسِ فِي السُّمِّ الأمَرْ ! اِذْهَبْ فَإنَّا قَاعِدُونَ وَصَامِدُونَ عَلَى الْخَطَرْ ! اِذْهَبْ فَإنَّـا لاعِنُوكَ إلَى الْقِيَامَةِ حِينَمَا يَغْشَى الْبَصَرْ ! لَعَنَتْكَ هَامَاتُ النَّخيلِ وَسَامِرُ الْقَومِ الأَبَرْ ! (3) ابْقَى أنَا الشَّعْبُ الَّذِي صَلَبَ الْقِيَامَةَ وَانْتَضَى السَّيْفَ الأغَرْ ! يَا أَيُّهَـا الْبَاغِي مَديدَ الْعُمْرِ فِي الأَغْلالِ تَرْفُلُ فِي السَّهَرْ ! لاهَايْ يَـا مَنْفَى الْجَبَابِرَةِ الطُّغَاةِ وَيَيْتَ طَاعَتِهِمْ، وأحْكَامَ الإلَهِ عَلَى الْغَجَرْ ! *** *جئتُ لأعتذر للغجر*