Quote: منى المشروع مبروك مادايرين ليكم مدير تسويق والا مشرف صاله بشتغل بى بطنى ... وكان راتبى عالى بفط ليكم وجبة.. مبروك منويه وانشاء الله استثمار ناجح اهم شى المنيو تدخلوا فيه اكلنا واعملوا قسم عصيدة ومديدة ومشروبات سودانيه من العرديب مرورا بالقونقليس لحدى القضيم وموفقين،،،
مرحب يا صديق..
عارف فط وجبة ما بيحل..لازم تفطهم كلهم او حتي اتنين! البلد دي غالية والمرتبات لازم تكون عالية.. واحنا كلنا بناكل من مطبخ ماما جارة وجبة واحدة لانه مافي دخل.. تحب تجي وتاكل معانا وخلاص؟؟ اذا رضيت..اتعلم اعمل الساموسة زي الزولة الفي الصورة دي..كلنا بنحبها..
Post: #37 Title: Re: افتتاح مطبخ أمكم جارة.. Author: Muna Khugali Date: 10-22-2009, 00:14 AM Parent: #3
مبروك مقدما يامني
وموفقين ان شاء الله
الله يخليك يا ياسر.. عقبال انت كمان ماتعمل مطبخك..براك او مع الاسره..
Quote: تتذكري سلطة الاسود الطلبتها وانا في مطار هيثرو...وقام اكلها محسن خالد لما جاء زاركم في نفس اليوم
انا اطالب بتعويض
عندنا سلطة باباغنوج وهي بالبتنجان المشوي.. وعندنا سلطة أسود بالدكوة.. وواحده تانيه بالطحينة.. وبعدين برضه بتنجان مسلوق ومحشي بالتوم والبهارات ده غير البتنجان المحمر وعليه خلطة الخل والتوم والبهارات! ايه رايك في طبق من كل نوع ياسر؟؟
عندكم أم شعيفة وبالعدم أم بقبق وكان مافي كسرة مرة ولا بنجي
سمح ويكاب لوبة في؟ أها الورق بالخرس كيف؟
Post: #6 Title: Re: افتتاح مطبخ أمكم جارة.. Author: محمد سنى دفع الله Date: 10-20-2009, 07:34 PM Parent: #4
الف مبروك ومزيد من المشاريع الناجحة ومزيد من نشر ثقافة الطعام ونتمنى ان يكون الديكور بديع ومدهش والمنيو الأسماء به كلها سودانية والمشروبات متنوعة ولذيذة وسودانية ادهشوا الناس وسعادة وسلام
Post: #72 Title: Re: افتتاح مطبخ أمكم جارة.. Author: Muna Khugali Date: 10-26-2009, 00:24 AM Parent: #6
Quote: مبروك ومزيد من المشاريع الناجحة ومزيد من نشر ثقافة الطعام ونتمنى ان يكون الديكور بديع ومدهش والمنيو الأسماء به كلها سودانية والمشروبات متنوعة ولذيذة وسودانية ادهشوا الناس وسعادة وسلام
الله يبارك فيك بالسني..
والله الخواجات ديل بيموتو في أكلنا الشرقي وكمان السوداني.. بالذات الانجليز الجنهم ياكلوا السمك العامل زي اللقيمات ومعاه بطاطس محمرة! الديكور بتاعنا بالمناسبة سوداني بسيط.. ماعندنا الزحمه الموجوده في استوديوهات القناة السودانية.. الزحمة متعبة للعيون وطارده!
الدهشة هي رغبتنا وبعدها الضحكة.. تسلم أخوي الغالي..سلم علي أحلام
Post: #7 Title: Re: افتتاح مطبخ أمكم جارة.. Author: انعام حيمورة Date: 10-20-2009, 07:36 PM Parent: #4
يا منوية بما انو انا الايام دي محتاجة فترة نقاهة بالمرة رسلوا الفيزا والتذكرة خلونا نحضر الافتتاح ..
دعوة الاحتفال غدا لها قائمة من المعجنات والفطائر وكذلك الحلويات الشرقية مثل البسبوسة بالبندق واللوز.. الكنافة بالفستق والفول السوداني..وانواع مختلفة من الكيك.. تشمل الضيافه مشروبات بارده مثل العرديب والكركدي والقونقليز وساخنه شاي..كاكاو وقهوة بأنواعها..
نرجو ان تتمكنوا من الحضور..
سلام يا محمد ابراهيم..
Post: #9 Title: Re: افتتاح مطبخ أمكم جارة.. Author: osman righeem Date: 10-20-2009, 10:09 PM Parent: #8
بالله ممكن دليفري
واحد كراره + فحل بصل
ترسل كيف ما اتفق
لصديق الموج
الافتتاح منقول علي ياتو قناة
مليون مبروك
Post: #10 Title: Re: افتتاح مطبخ أمكم جارة.. Author: محمد المرتضى حامد Date: 10-20-2009, 10:41 PM Parent: #9
مبروك يا منى وسلام للخاله جاره وبالتوفيق. نتمنى أن يمثلنا في الحفل د. أحمد القرشي الزائر لعاصمة الضباب هذه الأيام.
Quote: مبروك يا منى وسلام للخاله جاره وبالتوفيق. نتمنى أن يمثلنا في الحفل د. أحمد القرشي الزائر لعاصمة الضباب هذه الأيام.
والله خسارة دكتور احمد القرشي ما كنا عارفين بوصوله.. فاته افتتاح رهيب.. حتي كمال الكان في لندن وصل متأخر!
ماما جارة بتسلم عليك كتير..
Post: #75 Title: Re: افتتاح مطبخ أمكم جارة.. Author: Muna Khugali Date: 10-26-2009, 11:52 AM Parent: #9
Quote: بالله ممكن دليفري
واحد كراره + فحل بصل
ترسل كيف ما اتفق
لصديق الموج
الافتتاح منقول علي ياتو قناة
مليون مبروك
الله يبارك فيك يا عثمان.. والله كان افتتاح آخر أبههّ الغيايظني اني كنت محضرة الشريط والمقص.. ولحظة الافتتاح ما لقيت المقص خالصّ.. في سري قلت خلاص قمنا للسرقه.. الحرامية ديل ما يصدقوا يلقوا ليهم حاجة سايبة.. ربنا يكفينا شر الحراميةّّّ ضيغوا علينا "قص الشريط"
طبعا الديليفري ناويين عليه باذن الله في المستقبل القريب..
تسلم أخوي وشكر من ماما جارة..
Post: #13 Title: Re: افتتاح مطبخ أمكم جارة.. Author: تماضر الخنساء حمزه Date: 10-21-2009, 00:22 AM Parent: #1
منمن ياجميل بكرة ان شاءالله عندي جية للندن بزوغ بي اي طريقة وبحاول اصل مطبخكم وبفضي بطني من اسي
Post: #14 Title: Re: افتتاح مطبخ أمكم جارة.. Author: Ridhaa Date: 10-21-2009, 00:27 AM Parent: #13
الأخت الفاضلة مني سلام .,...
ألف مبروك ....وربنا يحفظكم جميعا والوالدة جاره ..... وبالتوفيق باذن الله تعالى.
خالص تحباتي
Post: #15 Title: Re: افتتاح مطبخ أمكم جارة.. Author: كمال ادريس Date: 10-21-2009, 02:03 AM Parent: #14
سلام يامنى .... لو ماطشيت بجيكم انشاء الله
Post: #16 Title: Re: افتتاح مطبخ أمكم جارة.. Author: abubakr Date: 10-21-2009, 06:51 AM Parent: #15
المطبخ دة ما تخصصصنا .. بتزاحمونا فيهو ليييه ؟؟؟
في هووم ديلفري للخليج راسا ؟؟؟
بختك يامني اها حتبقي زي راشيل راي واخر برامج تلفزيونية علي حس مطبخ "ماما جارة" ؟؟
_________
نسال الله المانح العاطي توفيقا لمطبخ "ماما جارة"
_____
مودتي ابوبكر
Post: #17 Title: Re: افتتاح مطبخ أمكم جارة.. Author: عبدالله كع Date: 10-21-2009, 07:16 AM Parent: #16
بالتوفيق انشالله .. نصينا .. من حفل الافتتاح ... نشوف صور الافتتاح هنا
Quote: بالتوفيق انشالله .. نصينا .. من حفل الافتتاح ... نشوف صور الافتتاح هنا
موفقين يارب
الله يخليك يا عبدالله.. عقبال مطبخكم كمان..
لو عملنا فرع عندكم بنمسكك ليه..ممكن؟؟
Post: #83 Title: Re: افتتاح مطبخ أمكم جارة.. Author: Muna Khugali Date: 10-28-2009, 10:00 AM Parent: #16
Quote: المطبخ دة ما تخصصصنا .. بتزاحمونا فيهو ليييه ؟؟؟
في هووم ديلفري للخليج راسا ؟؟؟
بختك يامني اها حتبقي زي راشيل راي واخر برامج تلفزيونية علي حس مطبخ "ماما جارة" ؟؟
_________
نسال الله المانح العاطي توفيقا لمطبخ "ماما جارة"
_____
مودتي ابوبكر
والله يا ابو بكر وزي مالحبوبات بيبدو كلامهم..ماك طالبني حليفة.. بقول ليك انه المشروع ده بيزن في راسي ليهو 5 سنوات او أكثر.. ومرات كده بتخيل المطعم ارضه تراب من السودان.. لكن بقول ماممكن..لأنه مقاييس الصحة هنا ما بتقبل.. والحاجة التانية بتغري البعض بسف السعوط ثم بصقه علي الارض.. يعني أكيد يقفلوا لينا المطبخ في دقيقتين..علي اساس انه غير نظيف وغير صحي فكان لازم اتنازل عن الحلم ده وأكتفي بالتراب في برطمان عرض مع الديكور.عالم تحف فعلا! أما بالنسبة للمطبخ فأنا بحبه جدا..لكن بمزاج.. علشان كده اتفقت مع مطبخ ماما جاره انه مشاركتي في الطبخ تخضع للمزاج فقط.. لكن مافي مشكلة مع الادارة.. في سبيل اعدادي لبرنامج تلفزيوني عن الطبخ السوداني من أرجاءه الاربعة وما بينهم..دي طبعا احلام مستقبلية.. ده بس لو بطلت احرق ايديني في فرن البوتاجاز او بطلت انسي النار والعة تحت الأكل! وباذن الله أول ما ينجح المشروع نجاحا باهرا..تعمل هوم ديليفري ليكم..بس بندفعكم اكثر شوية..
تسلم أخوي وتقبل سلام ماما جارة مع سلامي..
Post: #81 Title: Re: افتتاح مطبخ أمكم جارة.. Author: Muna Khugali Date: 10-28-2009, 00:05 AM Parent: #14
Quote: الأخت الفاضلة مني سلام .,...
ألف مبروك ....وربنا يحفظكم جميعا والوالدة جاره ..... وبالتوفيق باذن الله تعالى.
خالص تحباتي
ازيك يا رضا.. طبعا اليوم القبل الافتتاح بالليل ماما هرتني بالشغل.. تصدق كنت افرد عجينة البتزا والسامبوسة شوية واجي البورد اكتب شوية! قلت لماما جارة نشتري جاهز.. قالت لي لا..من اولها تبذير؟
مش كده وبس..قالت لي اشتغلي شويه امكن وزنك ينزل شوية.. أعمل شنو حكم القوي علي الضعيف..قلت ليها حاضر وأنا متغاظة!
بس الحمدلله كل شيء كان تمام التمام! عقبال ماتزورنا في لندن ونوديك المطعم.. علي فكرة اول زيارة الضيافه علينا.. نوع تشرب شاي ولا الوقت متأخر.. بس أي زيارة بعد كده ومن غير احراج تدفع تمنها.. ما كمان احنا عاوزين ناكل عيش.. وورانا افواه وارانب محتاجة تاكل برضه!
نسجل فى سجل المداومين حين زيارة عاصمة الضباب. أجدعى العنوان بالتفصيل..
ش
Post: #21 Title: Re: افتتاح مطبخ أمكم جارة.. Author: ismeil abbas Date: 10-21-2009, 09:19 AM Parent: #20
ما شاء الله تبارك الله....
مشروع ناجح بأذن الله..يكفى انه يحمل إسم ماما جارة.......الله يحفظها يارب..ويمتعكم جميعآ بالصحة والعافية...كده باقى لينا السكن ألأكل ضمناهو.....
Post: #22 Title: Re: افتتاح مطبخ أمكم جارة.. Author: هند محمد Date: 10-21-2009, 09:43 AM Parent: #21
العزيزة مني الف مبروك ومزيد من المشاريع الناجحة وربنا يحفظها ماما جارة كل الاماني الطيبة
Post: #23 Title: Re: افتتاح مطبخ أمكم جارة.. Author: خالد علي محجوب المنسي Date: 10-21-2009, 10:49 AM Parent: #22
ألف مبروع المشروع وربنا يجعله من المشاريع الناجحة
حقي أدي أسيا ربيع بتصل صباح الجمعة
طبعا حا تأكلو في 7 أيام
يا حليلة بطنا بقت سغيرة
تحياتي منى ومشتاقين
Post: #94 Title: Re: افتتاح مطبخ أمكم جارة.. Author: Muna Khugali Date: 11-04-2009, 00:39 AM Parent: #23
Quote: ألف مبروع المشروع وربنا يجعله من المشاريع الناجحة
حقي أدي أسيا ربيع بتصل صباح الجمعة
طبعا حا تأكلو في 7 أيام
يا حليلة بطنا بقت سغيرة
تحياتي منى ومشتاقين
والله هو فعلا مشروع مبروع.. والدليل علي كده بروع الفكرة.. آيا قالت ريحة الاكل بتطمم بطنها خاصة بعد معدتها بقت تاكل أكل بيبي.. لكن مافي مشكله ناويين نعمل فروع.. ورينا امكانيات فرع عندكم كيف.. بنديك مرتب كويس لو حبيت تشتغل عباره عن وجبتين في الاسبوع مره فيهم ممكن تاكل لحمة!
اما بالنسبة للأشواق فهي تمني نفسها بلقاء آخر بك وبهم في الخرطوم حبيبتنا.. بس الواحد ماعارف يعملها كيف مع مسئوليات المطبخ الجام ده!
Post: #24 Title: Re: افتتاح مطبخ أمكم جارة.. Author: dardiri satti Date: 10-21-2009, 10:55 AM Parent: #22
تمنياتي بطول العمر ودوام النجاح للحاجة جارة
Quote: نتمنى أن يمثلنا في الحفل د. أحمد القرشي الزائر لعاصمة الضباب هذه الأيام.
وسيتولى الدفع عن الجميع مولانا محمد المرتضى . تحياتي
Post: #25 Title: Re: افتتاح مطبخ أمكم جارة.. Author: soma Date: 10-21-2009, 11:08 AM Parent: #24
Quote: نسال الله المانح العاطي توفيقا لمطبخ "ماما جارة
آمين
.
محمد علي طه وينك إنت يارجل مختفي؟؟ فاقدنك وكتاباتك الرايقه والله!
تهنئة كده بس ما تنفع..لازم تقطع التذكرة للندن وتمشي المطار حتي ولو بدون تأشيرة.. علشان حتي لو رجعوك..نكون عارفين انك عملت العليك..وايه يعني تذكره طيارة لو ضاعت؟؟ ولا حاجة موش؟؟
المهم يا سيدي تهنئتك ودعاك وصل..وماما بتشكرك وعارفاك متابع معاها "خط سير حياتها" من ساعة ايام المستشفي ربنا ما يجيبها تاني..لفاية المطبخ وافتتاحه..
تحياتي لك وللأسرة..
Post: #96 Title: Re: افتتاح مطبخ أمكم جارة.. Author: Muna Khugali Date: 11-04-2009, 01:57 AM Parent: #25
Quote: سلام منى المشروع مبروك يا غالية الف مبروك تمنياتي بطول العمر لي ماما جارة ودوام النجاح ..وموفقين بمشيئة الله...
يا سوما صديق الموج عملنا ليه انترفيو.. لقيناه مؤهل في الأكل أكثر..يعني ممكن ياكل المطبخ كله ويحيرنا مع الزباين.. اوعي تصدقي كلامه بتاع الوجبة الواحده!
ربنا يوفقنا ويوفقك انتي كمان في أي مشروع.. وزي ما قالوا..مافي أحسن من المطبخ..
شكرا حبيبتي..
Post: #95 Title: Re: افتتاح مطبخ أمكم جارة.. Author: Muna Khugali Date: 11-04-2009, 01:42 AM Parent: #24
Quote: تمنياتي بطول العمر ودوام النجاح للحاجة جارة
يسمع منك ربنا يا درديري.. ست الكل دي ربنا يلمك بيها وتاكل من ايدها..قصدي يعني من اكل ايدها:D :D ويارب تجي انت ومرتضي وشيقوق في رحلة وكذلك وكل أهل عمان وتكسبونا بوجودكم.. عندنا ملوخية ما حصلت..بتقلية التوم وأيضا من غير تقلية.. وبامية بالهبر الضاني بالفرن..ولا مطبوخة بالطماطم وبرضه باللحمة الضاني.. عارف بحب اوصف اصلي من النوع البيعشق الاكل! بوريك باقي القائمة بس انت تابع معانا.. لكن بس |أوريك قبل ما أمشي انه البامية بتحب يكون معاها الرز المفلفل يالشعريه المحمرة وسلطة خضرا وبس!
عقبال مطبخكم يارب.. وشكرا لمباركتك التي أسعدتنا..
Post: #92 Title: Re: افتتاح مطبخ أمكم جارة.. Author: Muna Khugali Date: 11-04-2009, 00:14 AM Parent: #22
Quote: العزيزة مني الف مبروك ومزيد من المشاريع الناجحة وربنا يحفظها ماما جارة كل الاماني الطيبة
هندوية يا غالية.. الحمدلله القابلتك في الخرطوم.. اتحققت أمنيتي قبل ما أموت:D :D
ربنا يسمع منك واعمل انا كمان مطبخي الخاص.. صحيح بشتغل مع ماما لكن برضه في فرق..ولا آيه؟؟ خاصة لما الواحد يكون عنده ماشاء الله افواه وارانب ولازم يهتم بيهم..
إيييييه تعب كلها الحياة والله يا أوختي!
شكرا حبيبتي علي تهانيك ودعواتك الطيبة وربنا يحقق ليك كل أمانيك..
مشروع ناجح بأذن الله..يكفى انه يحمل إسم ماما جارة.......الله يحفظها يارب..ويمتعكم جميعآ بالصحة والعافية...كده باقى لينا السكن ألأكل ضمناهو.....
ويمتعك وأسرتك بكل الخير يا وش الخير.. انت السكن ده تضمنه زيه وزي الأكل بالضبط يازول يا محترم وعزيز... ......... ........ عارف ماما جارة دي عندها اكل مميز شديد..تقدر تعرف طعمه من بين الف نوع اكل.. زمان لو بقت هي ما طابخة في البيت.. تلقي اي زول متعكنن ويسأل.. الليلة الطبخ منو؟؟ وده علي الرغم من انه الزول الطبخ برضه اكله حلو!
Quote: منـــى، الشقيقة لكم باقات زهور فى أكاليل فرح..
مبروك و ربنا يديكم خيره و يكفيكم شره..
نسجل فى سجل المداومين حين زيارة عاصمة الضباب. أجدعى العنوان بالتفصيل..
مرحب بالشقيق الكريم شكري..
شكرا علي باقات الزهور..وضعناها في الواجهة ابتهاجا..
الحمدلله.. في مطبخنا توجد كل المشروبات السودانية.. تتذكر عصير ليمون الجرانداوتيل قبال ما يبقي صيني أوتيل؟؟ أها ده موجود ونقدمه في نفس الكبايات الكبيرة..روعه والله.. تشرب وتتذكر الهوتيل ال علي النيل وزمنه الجميل..وتسرح.. اهو السرحان ده ميزة زياده في مطبخ ماما جارة! كذلك عندنا كركدي مثلج ..عصير التبلدينا والعرديب.. وفي رمضان الحلو مر الخاص بينا..ولو انه الجماعة التشاديين قالوا برضه عندهم منذ القدم.. وفي أبريه أبيض وده غير عصير الفواكه الطازجه!
أما عن المأكولات..فنحكي عنها ايضا بعدين.. اخلص حبة شغل في ايدي وأرجع..
لازم تزورنا..امك جارة هاتفرح شديد..
Post: #86 Title: Re: افتتاح مطبخ أمكم جارة.. Author: Muna Khugali Date: 10-29-2009, 01:50 AM Parent: #19
Quote: الف مبروك الافتتاح
الله يبارك فيك يا شبكة.. عارفة.. شفلة المطابخ دي بتظهر ساهله..لكنها ابدا ماساهلة! والله انا اسة رجليني ورمو من الوقوف الطويل.. ربنا يسهل بس!
عقبال مطبخك حبيبتي..
Post: #85 Title: Re: افتتاح مطبخ أمكم جارة.. Author: Muna Khugali Date: 10-29-2009, 01:21 AM Parent: #18
Quote: مبروك عليكم المشروع ونسأل الله له النجاح . o وربنا يديها الصحة والعافية وطولت العمر.
آمين يا معاذ.. وبإذن الله المطبخ يكبر ونشتهر.. ونعمل ليك دعوة.. ويقوموا يسالوك في السغارة البريطانية.. انت ماشي لمنو؟ تقول ليهم زي ماشايفين في الدعوة لمطبخ ماما جارة.. طوالي يدوك التأشيرة.. طبعا..لانه المطبخ بقي مشهور خالص..
تسلم اخوي..
Post: #27 Title: Re: افتتاح مطبخ أمكم جارة.. Author: عاطف عمر Date: 10-21-2009, 11:30 AM Parent: #1
مبارك يا منى بالتوفيق لماما جارة
_________________
- حاجزين توكيل فروع الخليج - بختك يا منى تاني ولا تطبخي ، تعملي الحيلة ماشة تشرفي على العمال وتملي عمودك
Post: #29 Title: Re: افتتاح مطبخ أمكم جارة.. Author: omer osman Date: 10-21-2009, 11:56 AM Parent: #27
الف مبروك ....... بالتوفيق انشاء الله
Post: #30 Title: Re: افتتاح مطبخ أمكم جارة.. Author: انعام عبد الحفيظ Date: 10-21-2009, 12:31 PM Parent: #29
كتبت منى
Quote: افتتاح مطبخ أمكم جارة..
وبعد عدد من المداخلات جات تاني
Quote: Guess what??
I love you all,
see you later!
ــــــــــ اها يا منى حضرنا الورق والقلم ومنتظرين
Post: #31 Title: Re: افتتاح مطبخ أمكم جارة.. Author: مريم عبد الله Date: 10-21-2009, 07:06 PM Parent: #30
الف مبروك وعتبه خضراء يارب
وعقبال ما يكون في كم مدينه سلسله مشهورة باسم امنا حجة جارة
ربنا يذيدكم ويبارك ليكم
Post: #32 Title: Re: افتتاح مطبخ أمكم جارة.. Author: سمية الحسن طلحة Date: 10-21-2009, 07:30 PM Parent: #31
منى إنتي مشيتي وين ياختي ؟؟؟
" حضر المأكول وغابت العقول "
ربنا يتممك بعقلك يا الحبيبة ويدي ماما جارة الصحة والعاقية
Post: #33 Title: Re: افتتاح مطبخ أمكم جارة.. Author: كمال ادريس Date: 10-21-2009, 08:16 PM Parent: #32
Quote: العزيزة منى ألف مبروك المشروع , بالتوفيق ان شاءالله تحياتى للوالدة جارة .
الله يبارك فيك وفي اولادك يا فيصل.. عارف المرة الفاتت اختك ضاربة كانت لخمة شديد.. عارف قطعت البصل وحمرته.. طبعا كمية كبيرة جدا.. بعدين زحيته علي اساس يبرد علشان اقسمه في حلل تانية.. وفجأة كده وبدون مناسبة زي ما حبوبة قسمة بتقول.. شلت حلة مليانة لبن المفروض ألخبطها في حاجات في حلة تانية وكبيتها علي البصل! المناسبة شنو ماعارفة! طبعا ماما جارة كانت مخلوعة جدا من تصرفي ووقفت بس تعاين لي.. وأي زول في المطبخ استغرب.. لكن ما بيحصلوني في زعلي واستغرابي من نفسي..
Quote: لي ماما جارة العمر المديد .. والنجاحات الكتيره .. بالتوفيق .. وربنا انشاءالله يديكم خيره
عفاف يا عفة.. رنا يسمع منك ويسمع مني دعائي ليك بالتوفيق محل ما تقبلي..
......... .........
الخواجات ديل جنهم طعمية..طبعا اسمها فلافل هنا.. الواحد تسأليه تاكل إيه..يقول ليك فلافل وأي حاجة تانية من اختيارك.. طبعا في كلمة اختيارك دي لازم تعملي حسابك.. قولي لي كيف..
مثلا..تقومي تقترحي.. عندنا تراديشنال ديش من نورث سودان اسمه القراصة والملاح.. وعندنا فول مع الطعمية.. وعندنا سمك..وطبايخ تقعدي تعدي بالساعة.. المشكله البيكونوا عايزين يعرفوا الاكل بيتطبخ كيف!
ربنا يتممك بعقلك يا الحبيبة ويدي ماما جارة الصحة والعافية
سمسمة يا حبيبتي.. اعمل ايه دلوقتي؟؟
تتذكري الأغنية دي؟؟ كانت بتجي زمان ..زمان خالص خالص..في برنامج الاطفال كثير.. عارفة الأكل ده متعة تسعد وبرضه ممكن تودي في داهية.. اسه طول ما انا شغاله تلقي خشمي برضه شغال مضغ وحلقي ماشاء الله يبلع بدون أي إعتراض.. يعني نوع أكله لي..واكلة للزبون.. أدعي لي ربنا يسد نفسي شوية..بس ما يكون السبب مرض!
شكرا حبيبتي يخلي ليك أسرتك الصغيرة والممتدة.. وبكرة نجي بإذن الله وناكل في مطبخك..
Post: #101 Title: Re: افتتاح مطبخ أمكم جارة.. Author: Muna Khugali Date: 11-05-2009, 01:37 AM Parent: #31
الف مبروك وعتبه خضراء يارب
وعقبال ما يكون في كم مدينه سلسله مشهورة باسم امنا حجة جارة
ربنا يذيدكم ويبارك ليكم
مرحب يا مريوم.. يارب دعوتك تصيب وونعمل سلالسل مشهورة زي سلاسل جبال البحر الأحمر..
ربنا يسعدك محل ما تقبلي..قولي آمين!
Post: #100 Title: Re: افتتاح مطبخ أمكم جارة.. Author: Muna Khugali Date: 11-05-2009, 00:41 AM Parent: #30
Quote: اها يا منى حضرنا الورق والقلم ومنتظرين
طيب يا نعومي.. كويس قطعي الورق مربعات..واقسميه لجزئين.. جزء أكتبي فيه قوائم طعام مقترحة للمطبخ.. والجزء التاني أعمليه مراكب لغاية ما اصلك..
شكرا يا عمر..ماعندك طلب مخصوص ؟؟ حلويات مع القهوة ولا الشاي؟؟
جل طلبك ونرسله ليك بإذن الله..ده علي اساس لو ما قدرت تجي لندن.. علي فكره المطعم فيه تلفزيون وركن مخصوص لناس الكورة.. وزجاج ابوابه ونوافذه غير قابلة للكسر..
- حاجزين توكيل فروع الخليج - بختك يا منى تاني ولا تطبخي ، تعملي الحيلة ماشة تشرفي على العمال وتملي عمودك
ياريت يا عاطف كان ده الحال! ذكرتني زمان لما الغاز كان بيتعدم في الخرطوم والطبخ كان علي الفحم.. تلقي ماما قاعده والكوانين جنبها وبتأمر.. جيبوا السمنة والبصل.. بعد شويه.. جيبوا اللحمة..ومعاها البهارات.. جيبوا الصلصة وأملوا الجاك موية.. بعدين.. قشروا التوم ودقوه في الهون ناعم! ده غير الخضار وتقطيعه وغسله! الله يخرب بيت الإجازه المدرسية يا شيخ! ماما عليها حركات! طيب اسه ماما دي طبخت براها ولا طبخ معاها البيجيب الحاجات؟؟
الحال ما اتغير كتير.. افردي العجينة.. أفرمي الطعمية.. الرز ما تنسيه.. المحشي..اهم حاجة المحشي وخاصة محشي البتنجان..وطي النار عليه! وإييييه حاجة كده لما تخلص منها تنسي العامود والبشيلوه فيه! وبعد ده كله اسمه "مطبخ ماما جارة" ماله أسم مني يعني؟؟!
يارب نشوفك وسعدية فيه وفي لندن الحلوة..
Post: #40 Title: Re: افتتاح مطبخ أمكم جارة.. Author: ياسر إدريس حسن Date: 10-22-2009, 03:33 AM Parent: #1
الاخت مني الف مبروك وربنا يوفقكم
Post: #41 Title: Re: افتتاح مطبخ أمكم جارة.. Author: Amany Elamin Date: 10-22-2009, 07:35 AM Parent: #40
مني ازيك:
أنا حبيت أمنا جاره من الصوره شديد,
ألف مبروك ياوالده الافتتاح, انشاء الله موفقه يارب ..
Post: #42 Title: Re: افتتاح مطبخ أمكم جارة.. Author: عبد الدائم سيد أحمد Date: 10-22-2009, 07:46 AM Parent: #41
مطبخ الهنا وانشاء الله دايما عامر
طبق اليوم شنو ؟
بختك يا كيمو من مطعم السودة لمطبخ جاره الملح بزيد الضغط ....
بختك يا كيمو من مطعم السودة لمطبخ جاره الملح بزيد الضغط ....
،،،،
ما دايرين ليكم زول يغسل العدة !!
والله يا عبده محتاجين لناس تشتغل في الطبخ والكاشير وتقديم الاكل.. انا زي ماقلت ليكم تعبانة والشغل ده كتير علي قدراتي..فنرجو السرعة في التقديم! علي فكرة كمال إدريس بقي زبون دائم للمطبخ.. أسة قال عايز يغير اقامته من الجريدة علي المطبخ..بس أنا قلت ليه اتريث شوية..
والله يا دومة الواحد بعد كده لازم يكتب وصيته.. الحياة من الموت ما معروف..خاصة مع طريقة الحوادث الجديدة دي..
علشان كده عايزة اكتب ديوني لآيه!
تسلمي حبيبتي وبإذن الله ما أموت من غير ما أشوفك..
ماشية الخرطوم متين؟؟ ولا جايانا في لندن متين؟؟
Post: #43 Title: Re: افتتاح مطبخ أمكم جارة.. Author: عواطف ادريس اسماعيل Date: 10-22-2009, 07:46 AM Parent: #41
ماما جارة ...حبيبة الكل ..
ست الحبايب .. مطبخك بلا شك لا يعلى عليه ..
ما أحلاه وما أطعمه !!
سلمت يداك ..
Post: #44 Title: Re: افتتاح مطبخ أمكم جارة.. Author: ASHRAF MUSTAFA Date: 10-22-2009, 08:14 AM Parent: #43
منوية ازيك ما سمعنا بالموضوع ده من قبل واعذرينا بعدم الحضور الف الف مبروك لماما جارة والله تستاهل كل خير بلغيها سلامي الحار ولغاية ما القاكم سلامي للجميع
Post: #45 Title: Re: افتتاح مطبخ أمكم جارة.. Author: معتصم دفع الله Date: 10-22-2009, 08:36 AM Parent: #44
ألف مبروك يا منى .. دي حاجة تفرح القلب .. سلامي الشديد لماما جارة ..
Post: #46 Title: Re: افتتاح مطبخ أمكم جارة.. Author: كمال ادريس Date: 10-22-2009, 07:16 PM Parent: #45
كمال ادريس وين الصور العندك؟؟ لو ماقادر تنزلهم رسلهم لي بالاميل وانا بنزلهم.. الصور دي اهم حاجة في البوست..
علي فكرة نسيت اقوليك فرحنا كيف لما جيتوا .. والله الافتتاح كان ليه طعم جميل.. ربنا ما يحرمنا منكم اعزاء علينا وعلي ماما جارة.. ..... .....
انا عارفه يا كمال الفيديو ما هانعرف ننزله ولا كلمة ماما جارة .. لكن ممن نكتفي حاليل بالصور بس.. يللا شد حيلك شوية اخوي..
Post: #48 Title: Re: افتتاح مطبخ أمكم جارة.. Author: Raja Date: 10-22-2009, 11:20 PM Parent: #47
ألــف مـبـروك لماما جارة مشروعها الجميل يا منًوس
خلاص الزول عرف ليهو مكان جميل في لندنكم (الشينة*) يمشي ليهو.. وبالمناسبة حلمي الأتمنى أحققه قبل ما أموت إني اعمل لي مطعم. يمكن أبدا (أسيستانت) مع ماما جارة وانفرد بعد داك:))))
* طبعا هدى معترضة على حكاية لندن شينة:)))
مـــــبـــــروك تاني وتالت ورابع
Post: #50 Title: Re: افتتاح مطبخ أمكم جارة.. Author: انعام حيمورة Date: 10-23-2009, 00:30 AM Parent: #48
ياخ ماما جارة دي يدها طاعمة كيف فاتت حنانة ذاتو ههههه
محبتي لها
نعومي ماما جارة قالت ليك شكرا كبيرة.. قالت هي عاملة الاغنية دي خلفية في المطعم من شدة ما بتحبها.. بس مصرة هيانها ناقصة.. تسألها طيب ناقصة شنو.. تقول ما فاكرة! غايتو اتصرفي لما تصلك هناك..
Post: #116 Title: Re: افتتاح مطبخ أمكم جارة.. Author: Muna Khugali Date: 11-25-2009, 01:02 AM Parent: #48
ألــف مـبـروك لماما جارة مشروعها الجميل يا منًوس
خلاص الزول عرف ليهو مكان جميل في لندنكم (الشينة*) يمشي ليهو.. وبالمناسبة حلمي الأتمنى أحققه قبل ما أموت إني اعمل لي مطعم. يمكن أبدا (أسيستانت) مع ماما جارة وانفرد بعد داك:))))
* طبعا هدى معترضة على حكاية لندن شينة:)))
مـــــبـــــروك تاني وتالت ورابع
رجوية واحشانا خالص.. ماتسيبك من الشغل داك وتعالي اشتغلي في مطبخ ماما جارة؟؟ لندن مين دي الشينة؟؟ بتهظري..صح؟؟ طبعا انا مع هدي ما برضي لوي عنق الحقيقه:D:D
تعالي شوفي مطبخ ماما وشوفي اختك غاطسة شغل فيه كيف.. دلوقتي بعمل لي في يونيفورم يخيل علي الوظيفه..وهي وظيفة بتاعة كلو.. بعني أأور بتنجان..أأشر بطاطس..امسح الارض.. وأطبخ!
ألف مبروك يا منى .. دي حاجة تفرح القلب .. سلامي الشديد لماما جارة ..
مرحب يا عصومي.. كيف موده والبيبي؟؟ انا من عشاق المطابخ.. اول أمس كان عندنا الطبق الرئيس كرنب محشي.. وعملته ماما..يعني تقعد الوقت كله تاكل فيه.. ربنا يخلي لينا ماما جارة ويخلي ليك كل أحبابك..
مرحب يا أشرف.. الموضوع زي ماعارف جديد وان كان الاستعداد له قد بدأ منذ زمن.. المهم اسه انت عرفت ..فأرجو انك ماتقصر مه امك جارة.. مرة تجيب زباين.. مرة تجي انت وتاكل وتدفع الحساب.. ومرة تجي تغسل العدة معاي ومع محمد.. المهم يعني تعمل حركة مفيدة..
ألف مبروك ياوالده الافتتاح, انشاء الله موفقه يارب ..
إزيم يا أماني.. ليك حق تحبي ماما جارة..ولو لاقيتيها في الحقيقة هاتحبيها أكثر.. بتحب الضحك..وطول ما انتي قاعدة معاها تضحكي.. طبعا هي عندها سكري وبتقيس السكري براها بالجهاز.. اليوم داك مشينا ليها أنا وهالة.. قالت دمها اختفي والابرة لما تطعنها ما بيطلع منها دم.. وحاولت كم مرة لغاية مادمها طلع.. قلنا ليها تكوني ما طعنتي كويس في المرات الاولي..لازم تطعني اقوي.. حلفت وقالت لا..هي طعنت اكتر من مرة كويس.. بس الطعنة الاخيرة كانت طعنة نجلاء!
سلام لمامتك وأخواتك..
Post: #56 Title: Re: افتتاح مطبخ أمكم جارة.. Author: لؤى Date: 10-23-2009, 08:49 AM Parent: #1
Quote: افتتاح مطبخ أمكم جارة..
مُنَىَ صباح الخير
ألف مبروك وربّنا يوفّق وأدعو الله أن يحفظ الوالدة حاجّة جارة ويطوّل عمرها ويجمع الشّمل بكُلّ خير وسعادة واستقرار وراحة بال
أصدق أُمنياتي
Post: #57 Title: Re: افتتاح مطبخ أمكم جارة.. Author: khaleel Date: 10-23-2009, 09:01 AM Parent: #56
سلام
مني خوجلي ومزيدا من النجاحات
Post: #58 Title: Re: افتتاح مطبخ أمكم جارة.. Author: كمال ادريس Date: 10-23-2009, 04:21 PM Parent: #57
النجيضة .....
Post: #59 Title: Re: افتتاح مطبخ أمكم جارة.. Author: كمال ادريس Date: 10-23-2009, 04:29 PM Parent: #58
لكن بالغتي .... انا اول مره اشوف البوست.. كان تتصلي .. عشان نشارك!
بنجي نشرب القهوه لمان فاتتنا التحلية والكيك..! ساوزكنزجتون دي محطتي بتاعت التيوب... شكلنا كده مشكلة العضه اتحلت... في اي شارع يا مني ؟
Post: #61 Title: Re: افتتاح مطبخ أمكم جارة.. Author: كمال ادريس Date: 10-23-2009, 06:52 PM Parent: #60
كنت قد وعدت ان يظل البوست لعدة اشهر ... ربما بقصد الدعاية لـ "المطبخ" ... لكن بصراحة كده قصة "البرلمة" محرقاني شديد... ساحكي على طريقة المجلات "الهرم المعتدل".
غيرت رقم هاتفي الذي كنت قد اتصلت على الاخت منى منه... ويبدو انها فقدت طريقة للاتصال.
ففكرت
وفكرت
وقررت
ورمت بالطعم
وبكل طيبة التقطت الطعم والشرك المشترك ....
Quote: ندعوكم غذا الأربعاء 21 اكتوبر لحضور افتتاح "مطبخ ماما جارة".. هكذا هو اسمه.. وهو مشروع جميل نسأل الله ان يكون مفيدا لهاو للجميع..
يقام الاحتفال في الساعة الثالثة ظهرا بمدينة لندن ساوث كينزنجتون.. يشرفنا حضور كل من يتمكن منكم..
نرجع لكم بمزيد من التفاصيل فيما بعد..
استعنت بصديق للوصول الى الموقع اعلاه
فكان صديقي رجل الاعمال على عبد الرحمن
قررنا الذهاب قبل اي وجبة حتى نكون جاهزين لوليمة الافتتاح
استغلينا اولى الوسائل
وصلنا واتصلنا فقالت الاخت ماجدة ان المكان ابعد من هذا الموقع فاضطرينا لناخذ الوسلة الثانية
ايضا كان المكان ابعد من ذلك فاستعنا بوسيلة ثالثة
وايضا لم نصل الى موقع الحفل بسهولة فكان المشى هو وسيلتنا الاخيرة
نواصل
Post: #63 Title: Re: افتتاح مطبخ أمكم جارة.. Author: ماجدة عوض خوجلى Date: 10-24-2009, 11:52 AM Parent: #61
Post: #65 Title: Re: افتتاح مطبخ أمكم جارة.. Author: أحمد الشايقي Date: 10-24-2009, 02:17 PM Parent: #63
يا سلااااام
بالله لازم زيارة وطلبات من المطبخ دا
يا منى
أحمـد
Post: #66 Title: Re: افتتاح مطبخ أمكم جارة.. Author: كمال ادريس Date: 10-24-2009, 04:25 PM Parent: #65
نواصل
بعد عناء نتيجة لوصف "الحبوبات" الذي اتبعته ماجدة ـ بحسب اخونا على عبد الرحمن ـ وصلنا الى عنوان بعيد كل البعد عن العنوان المكتوب في مدخل البوست ... وجدنا ان الوصف قد قادنا الى حي سكنى ... ليس به اي محل تجاري ... لا احتفال ولا موسيقى القرب الاسكتلندية... بعد لف اكتر من ساعة ونص.
خلال حيرتنا اطلت منى من داخل احدى البنايات ... وهي ميتة من الضحك ... ونحن اموات من الحيرة والبرلمة.
بعد الترحيب الحار اجابت على حيرتنا : جيتو متاخرين الافتتاح انتهى.
كان ذلك منزل الخالة جارة التي استقبلتنا بحرارة سودانية معروفة... ثم اطلت ماجدة وهن في فورة من الضحك المتواصل.
اخ
اتبرلمنا والله ياعلي
والخالة جارة شريكة في "المقلب"
لم تكن كذبة
فهنا فعلا افتتاح لمطبخ ... فقد رأينا "الكراتين" تملأ ممر السكن
وكان
وكان
مطبخ الخالة جارة الجديد بحق وحقيقة
وكانت الصورة التذكارية .. تصوير منى خوجلي
داخل مطبخ بيت الخالة جارة الجديد
لكل المهنئين بمطبخ جارة "المقلب" ... تعيشوا وتاكلوا غيرا
Post: #67 Title: Re: افتتاح مطبخ أمكم جارة.. Author: salah elamin Date: 10-24-2009, 05:18 PM Parent: #66
سلام يا حبوبة منى وتحية لام الشهيد ..
والصديقة ماجدة
انا بعيد منكم بالاف الفراسخ
ممكن ترسلوا لي ؟International Home Delivery
Post: #69 Title: Re: افتتاح مطبخ أمكم جارة.. Author: Giwey Date: 10-25-2009, 06:26 AM Parent: #67
بت الخليفة
سلامات
بعد التهنئة عندى سؤال مهم:
حق الإعلان ده دفعتيهو؟؟؟؟؟
مودتى
Post: #70 Title: Re: افتتاح مطبخ أمكم جارة.. Author: انعام حيمورة Date: 10-25-2009, 08:42 AM Parent: #69
Quote: لكل المهنئين بمطبخ جارة "المقلب" ... تعيشوا وتاكلوا غيرا
غايتو يا منى اتذكرت سفرتي حقت الرياض ..
نقول لي ماما جارة مبروك المطبخ الجديد .. وبجي يوم اسوي ليك فيهو ملاح نعيمية اصلي ناوية لمن اجي لندن أنزل معاك يا حنينة ..
Post: #71 Title: Re: افتتاح مطبخ أمكم جارة.. Author: Siham Elmugammar Date: 10-25-2009, 09:32 AM Parent: #70
Quote: بختك يا منى تاني ولا تطبخي ، تعملي الحيلة ماشة تشرفي على العمال وتملي عمودك
اضحك الله سنك يا عاطف
منى انشالله بالزيادة
Post: #73 Title: Re: افتتاح مطبخ أمكم جارة.. Author: فادية اليمني Date: 10-26-2009, 08:14 AM Parent: #71
منوية العسل
و ماما جارة
مبروووك وان شاء الله بالمال الكتير الخير الوفير
ومنتظرين فرع السودان
Post: #74 Title: Re: افتتاح مطبخ أمكم جارة.. Author: Hala Hassan Date: 10-26-2009, 08:48 AM Parent: #73
يا منوز،،
شايفاكى سايقة فى موضوع المشروع، و ماجدة تدردق من الضحك،،
إنتى مش دة المشروع اللى أتفقنا عليه، و جيتوا مقلبتونا، خليتونا ننفذه فى رمضان و ما أدراك ما رمضان،،
و إنتوا ما شاء الله صمتوا بدون عمال ووجع راس؟؟؟؟
يالله، ما علينا،،، نعيش و ناخد غيرها،،
تحياتى و اشواقى لماما جارة، و قولى ليها يديكى خيرو و يكفيكى شرو،، و يزيدك صحة و عافية و تغيريه تانى بعد 10 سنين،،،
سلامى للجميع،،،
Post: #82 Title: Re: افتتاح مطبخ أمكم جارة.. Author: محمد ابراهيم قرض Date: 10-28-2009, 08:03 AM Parent: #74
منى .. لازم أحمد القرشي يزور المطبخ ده .. الراجل صاحبي وتمكنه من فنون الطبخ اكتر من تمكنه من تاريخ الحقيبة .. بس خلي ماما جارة تسمع نصايحه ..
أول وجبة الشهر اللي جاي هناك باقى لندن في الشتاء ظريفة لا عرب ولا مستجدين نعمة بالمناسبة تلفونك على الماسنجر بالله
Post: #90 Title: Re: افتتاح مطبخ أمكم جارة.. Author: غادة عبدالعزيز خالد Date: 11-03-2009, 08:19 PM Parent: #89
والله يا منى ما عندكم حل قولي لماما جارة غادة بتتوحم ليها على كسرة وملاح ام رقيقة.. بس حسه دي طلبات كثيرة ممكن أدفع ليكم علشان ترسل الطلبات بالدي اتش ال؟
Post: #91 Title: Re: افتتاح مطبخ أمكم جارة.. Author: انتصار محمد صالخ بشير Date: 11-03-2009, 08:41 PM Parent: #90
الاخت منى بت الخليفة
سلامات
الف مبروك الزول بشبع حنان ام بعد داك الاكل
اول زيارة لبريطانيا تلقينى وش
تحياتى لماما وبالتوفيق
Post: #93 Title: Re: افتتاح مطبخ أمكم جارة.. Author: احمد محمد بشير Date: 11-04-2009, 00:27 AM Parent: #91
.. . . ياسلام عليكم يا اهل لندن.
ربنا يدي امنا العزيز جاره الصحة والعافية وطول العمر, و انشاء الله موفقين دائما.
ونشكرك يا مني علي البوست الجميل دا.
Post: #102 Title: Re: افتتاح مطبخ أمكم جارة.. Author: د.نجاة محمود Date: 11-05-2009, 01:40 AM Parent: #93
اسمو بس يشبعك حنان ومحبة
الف مبروك يا منى باذن الله الواحد الحق موفقة
لمانرسل ليكم زاريا تكمل هناك نوصيها تجي المطعم عشان قطعا حيكون اقرب نقطة الى بيت الام
مودتي
Post: #103 Title: Re: افتتاح مطبخ أمكم جارة.. Author: مجدي عبدالرحيم فضل Date: 11-05-2009, 08:06 AM Parent: #102
متعها الله بالصحة والعافية أمي جاره
Post: #113 Title: Re: افتتاح مطبخ أمكم جارة.. Author: كمال ادريس Date: 11-13-2009, 07:23 PM Parent: #103
الزعيمة انعام ...يبدو ان الجماعة ماقروا البوست كويس... فقط قليلين من اكتشفوا ان الموضوع كلو عبارة عن مقلب من الملكة.
Post: #114 Title: Re: افتتاح مطبخ أمكم جارة.. Author: كمال ادريس Date: 11-13-2009, 07:23 PM Parent: #103
الزعيمة انعام ...يبدو ان الجماعة ماقروا البوست كويس... فقط قليلين من اكتشفوا ان الموضوع كلو عبارة عن مقلب من الملكة.
