Post: #1 Title: فرصة شاهدوا الموسيقار محمد الأمين في فيديو استثنائي ... إهداء خاص لسني دفع الله (أبوالأمين ياخ) Author: خالد حامد الجزولي Date: 10-20-2009, 04:39 PM
الأستاذ/ محمد سني دفع الله – زول لطيف ولذيد وخفيف الظل (طبعاً دي معروفة) التقيته لأول مرة بمنزل الأخ الصديق صديق القاعد بعيد بالخور في تلك الليلةا الليلاء في عيد الفطر المبارك الماضي والذي تشرفت بقضاءه بدوحة العرب ، وحقيقة بارييحية ود البلد سلم علي وبالاسم وباريحيه كبيرة وكأنه التقاني من قبل ، حكى لنا في ذلك اليوم العديد من الحكايات والمواقف وناقشني في كثير من البوستات التي فتحتها وتحدث فيها حديث العارف المتابع وحقيقة أنا أذكر مداخلاته في تلك البوستات وكلماته التي تنم عن علمه ببواطن الأمور. عموماً في ذلك اليوم حكى لينا نكتة جميلة جداً عن الفنان محمد الأمين ما تتنظروني ما ح أحكيها ليكم... ليييه ؟؟؟ من حقكم تسألوا ...!!! لأنها ببساطة ما بتتحكي بس بتتشاف لأنه فيها حركة والحركة طبعاً تشاهد ولا تكتب .... لذلك اجدوا لي العذر.. وصلني الرابط أدناه على إيميلي الخاص وتذكرت تلك النكتة فقلت هذه فرصة ليرى الناس الموسيقار بصورة أخرى غير تلك التي ألفوا أن يروه ويسمعوه فيها دوسو هنا http://www.youtube.com/watch?v=XmBY0oWivAU&feature=related
Post: #2 Title: Re: فرصة شاهدوا الموسيقار محمد الأمين في فيديو استثنائي ... إهداء خاص لسني دفع الله (أبوالأمين Author: الزوول Date: 10-20-2009, 08:46 PM Parent: #1
السلام عليكم ... تحياتي خالد الجزولي على ما أظن هذه النكتة حكاها الشيخ صالح أحمد صالح ’ صاحب الصوت الرائع في قراءة القرآن والذي كانت تنقل صلاة التروايح في تلفزيون السودان قبل سنوات بصوته مع شيخ الزين من مسجد سيدة سنهوري وهو رجل مرح حكاها في برنامج "طيب الحناجر الذي أذيع في عيد الفطر المبارك الماضي. ...
... وتحياتي برضو للسني دفع الله
...
Post: #3 Title: Re: فرصة شاهدوا الموسيقار محمد الأمين في فيديو استثنائي ... إهداء خاص لسني دفع الله (أبوالأمين Author: محمد سنى دفع الله Date: 10-21-2009, 04:35 AM Parent: #2
صورة مدهشة ولكنها متوقعة من سليل اهل الذكر والتصوف الفنان محمد الأمين اضاف بعدا لهذه الترنيمة السماوية انا لو من ناس الإذاعة بخليها شعار يوم العيد وجعل ايامكم اعيادا وشكرا على الكلمات الرقيقة ده من لطفك ورقتك سعيدين ان تعرفنا بأمثالك من الرجال العظماء الظرفاء مودتي ومحبتي
Post: #4 Title: Re: فرصة شاهدوا الموسيقار محمد الأمين في فيديو استثنائي ... إهداء خاص لسني دفع الله (أبوالأمين Author: ابوبكر على Date: 10-21-2009, 05:01 AM Parent: #3
صباح الخير
بالفعل فيديو استثنائى
كنت و ابن خالتى فى اتحاد الفنانيين مساءا و اقيمت صلاة العشاء وكان الاستاذ ود اللمين موجودا فقلت لا بن خالتى (غايتو لوامانا ود اللمين الضحك بشرطنى) و ضحكنا
تخريمة استاذنا السنى سلامات مالك صحى بدرى كدا؟
Post: #5 Title: Re: فرصة شاهدوا الموسيقار محمد الأمين في فيديو استثنائي ... إهداء خاص لسني دفع الله (أبوالأمين Author: محمد سنى دفع الله Date: 10-21-2009, 05:13 AM Parent: #4
اخويا ابوبكر عارف الحكاية شنو يعني كان بقت عليك حكاية النكته لك المودة
Post: #6 Title: Re: فرصة شاهدوا الموسيقار محمد الأمين في فيديو استثنائي ... إهداء خاص لسني دفع الله (أبوالأمين Author: امير عوض الجمري Date: 10-21-2009, 07:25 AM Parent: #5
رووووووووووووعة في كل حاجة يا (ود اللمين ياخ) شكراً جزيييلاً يا خالد يا رائع .
Quote: صورة مدهشة ولكنها متوقعة من سليل اهل الذكر والتصوف الفنان محمد الأمين اضاف بعدا لهذه الترنيمة السماوية انا لو من ناس الإذاعة بخليها شعار يوم العيد وجعل ايامكم اعيادا وشكرا على الكلمات الرقيقة ده من لطفك ورقتك سعيدين ان تعرفنا بأمثالك من الرجال العظماء الظرفاء مودتي ومحبتي
والله يا السني اكتر حاجة بتعجبني فيك انك تتحدث عن زملائك الفنانين دائماً بانصاف واجلال وده بيكون ظاااهر بدون تصنع ولا (تمثيل) بالرغم من انك من اعظم الممثلين (فناً وليس نفاقاً او فهلوة).
Post: #11 Title: Re: فرصة شاهدوا الموسيقار محمد الأمين في فيديو استثنائي ... إهداء خاص لسني دفع الله (أبوالأمين Author: خالد حامد الجزولي Date: 10-21-2009, 09:10 AM Parent: #6
الجمري
Quote: شكراً جزيييلاً يا خالد يا رائع
الله يخليك يا جمري تحياتي لك
Post: #9 Title: Re: فرصة شاهدوا الموسيقار محمد الأمين في فيديو استثنائي ... إهداء خاص لسني دفع الله (أبوالأمين Author: خالد حامد الجزولي Date: 10-21-2009, 08:09 AM Parent: #4
أخي أبوبكر
Quote: صباح الخير
بالفعل فيديو استثنائى
كنت و ابن خالتى فى اتحاد الفنانيين مساءا و اقيمت صلاة العشاء وكان الاستاذ ود اللمين موجودا فقلت لا بن خالتى (غايتو لوامانا ود اللمين الضحك بشرطنى) و ضحكنا
شكراً على المرور
Post: #8 Title: Re: فرصة شاهدوا الموسيقار محمد الأمين في فيديو استثنائي ... إهداء خاص لسني دفع الله (أبوالأمين Author: خالد حامد الجزولي Date: 10-21-2009, 08:05 AM Parent: #3
سني
Quote: صورة مدهشة ولكنها متوقعة من سليل اهل الذكر والتصوف الفنان محمد الأمين اضاف بعدا لهذه الترنيمة السماوية
صح لسانك
Quote: انا لو من ناس الإذاعة بخليها شعار يوم العيد
ياااااريت
Quote: وشكرا على الكلمات الرقيقة ده من لطفك ورقتك
لم نأتي بجديد من عندنا هذه بضاعتكم ردت إليكم
Quote: سعيدين ان تعرفنا بأمثالك من الرجال العظماء الظرفاء مودتي ومحبتي
نحن الأسعد ياخي
تخريمة طبعاً أنا لمن رجعت جدة عملت صاحبك وحكيت النكتة للجماعة وقبضت بيك الجو اعذرنا يا حبيب أصلوا نحن قبل كدة ما شفناك إلا عبر التلفزيون تحياتي لك والمدام تشكراتي على إثراء البوست
Post: #7 Title: Re: فرصة شاهدوا الموسيقار محمد الأمين في فيديو استثنائي ... إهداء خاص لسني دفع الله (أبوالأمين Author: خالد حامد الجزولي Date: 10-21-2009, 07:44 AM Parent: #2
أخي الزوول طابت أوقاتك
Quote: هذه النكتة حكاها الشيخ صالح أحمد صالح ’ صاحب الصوت الرائع في قراءة القرآن والذي كانت تنقل صلاة التروايح في تلفزيون السودان قبل سنوات بصوته مع شيخ الزين من مسجد سيدة سنهوري وهو رجل مرح حكاها في برنامج "طيب الحناجر الذي أذيع في عيد الفطر المبارك الماضي.
لقد اصبت كبد الحقيقة هي النكتة بعينها لكن معاها حركة وطبعاً الشيخ الوقور / صالح أحمد صالح مما ممكن يعمل الحركة ولكنها تحريك الأيدي الإثنين مع ثنيهما في الهواء من الأمام إلى الخلف وكان خروج من الصلاة فعلاً وقولاً وعملاً تحياتي وشكري على الفيديو عاليه الذي دعم البوست تحياتي تشكراتي
Post: #10 Title: Re: فرصة شاهدوا الموسيقار محمد الأمين في فيديو استثنائي ... إهداء خاص لسني دفع الله (أبوالأمين Author: محمد عيد Date: 10-21-2009, 08:39 AM Parent: #7
اخونا واستاذنا خالد ...
الفيديو ليس اشتثنائيا فقط ..
ولكنه وكأنه دوحة جميلة اتتنا من وادى عبقر ...
كنت حضورا لصلاة عيد الفطر العام الماضى بهذا المصلى
وهو مصلى جامع الحضراب بمدينة شمبات ...
وكانت هذه التهاليل الجميلة من الاستاذ ود اللمين ..
والصلاة والخطبة أداها الدكتور / الحبر يوسف نور الدائم ...
حقا" انه وطن الجمال ...
Post: #12 Title: Re: فرصة شاهدوا الموسيقار محمد الأمين في فيديو استثنائي ... إهداء خاص لسني دفع الله (أبوالأمين Author: Emad Ahmed Date: 10-21-2009, 10:06 AM Parent: #10
حينما يلتقي الأستاذ خالد الجزولي والموسيقار محمد الأمين
فحتما سيكون هنالك ابداع لانكما صنوان لعملة واحدة . .
لدي الفكرة انا والأستاذة الاعلامية اللامعة ناهد بشير الطيب
بعمل موقع للموسيقار محمد الأمين ولدي من المواد مايكفي لثلاثة
مواقع بس كيف نوصل الفكرة دي للموسيقار محمد الامين .
معلومة زيادة وكده :
يجلس علي يمين الأستاذ محمد ألأمين ابنه البكر ( المعز )
تحايا متواصلة
Post: #14 Title: Re: فرصة شاهدوا الموسيقار محمد الأمين في فيديو استثنائي ... إهداء خاص لسني دفع الله (أبوالأمين Author: خالد حامد الجزولي Date: 10-21-2009, 03:33 PM Parent: #12
أخي عمادأحمد
Quote: حينما يلتقي الأستاذ خالد الجزولي والموسيقار محمد الأمين
فحتما سيكون هنالك ابداع لانكما صنوان لعملة واحدة . .
دي ذودتا ليها المحلبية....!!!؟؟.
Quote:
Quote: لدي الفكرة انا والأستاذة الاعلامية اللامعة ناهد بشير الطيب
بعمل موقع للموسيقار محمد الأمين ولدي من المواد مايكفي لثلاثة
مواقع بس كيف نوصل الفكرة دي للموسيقار محمد الامين .
ربنا يوفقكم وبالتأكيد هنا بالمنبر ألف من يدلك على طريقة الإتصال به
Quote: لدي الفكرة انا والأستاذة الاعلامية اللامعة ناهد بشير الطيب
وين الاستاذة دي
Quote: معلومة زيادة وكده :
يجلس علي يمين الأستاذ محمد ألأمين ابنه البكر ( المعز )
شكراً يا عمدة على هذه المعلومة الزيادة تحياتي تشكراتي جزولي
Post: #13 Title: Re: فرصة شاهدوا الموسيقار محمد الأمين في فيديو استثنائي ... إهداء خاص لسني دفع الله (أبوالأمين Author: الصادق صديق سلمان Date: 10-21-2009, 10:26 AM Parent: #10
Quote: حقا" انه وطن الجمال ...
لكن الوطن دا ماانتهوا منو خلاص.
أبوفتحية
Post: #15 Title: Re: فرصة شاهدوا الموسيقار محمد الأمين في فيديو استثنائي ... إهداء خاص لسني دفع الله (أبوالأمين Author: خالد حامد الجزولي Date: 10-21-2009, 03:38 PM Parent: #10
أخي محمد عيد
Quote: اخونا واستاذنا خالد ...
الفيديو ليس اشتثنائيا فقط ..
ولكنه وكأنه دوحة جميلة اتتنا من وادى عبقر ...
كنت حضورا لصلاة عيد الفطر العام الماضى بهذا المصلى
وهو مصلى جامع الحضراب بمدينة شمبات ...
وكانت هذه التهاليل الجميلة من الاستاذ ود اللمين ..
والصلاة والخطبة أداها الدكتور / الحبر يوسف نور الدائم ...
حقا" انه وطن الجمال ...
شكراً على المرور وعلى المعلومات التي حوتها مداخلتك القيمة تحياتي تشكراتي
Post: #16 Title: Re: فرصة شاهدوا الموسيقار محمد الأمين في فيديو استثنائي ... إهداء خاص لسني دفع الله (أبوالأمين Author: محمد سنى دفع الله Date: 10-23-2009, 08:24 AM Parent: #15
امير عوض الجمري التحية الخالصة من كل الشوائب والمودة النقية لك المحبة شكرا على كلماتك الرقيقة نحن ناس زاهدين لانلمع فنانيينا الكبار الا بعد يموتو زي البنشوفه عيبة تشكر ليك زولا حي وده ما صاح اهو جانا زمن الفنانيين بقوا عايزين الكلمة الطيبة لانو مافي غيرها ولا شنو ,, والكلمة الطيبة علمونا اهلنا انها كنز من كنوز السماوات والارض الجمري لك محبتي الابدية
Post: #17 Title: Re: فرصة شاهدوا الموسيقار محمد الأمين في فيديو استثنائي ... إهداء خاص لسني دفع الله (أبوالأمين Author: خالد حامد الجزولي Date: 12-27-2009, 09:21 AM Parent: #16
Quote: امير عوض الجمري التحية الخالصة من كل الشوائب والمودة النقية لك المحبة شكرا على كلماتك الرقيقة نحن ناس زاهدين لانلمع فنانيينا الكبار الا بعد يموتو زي البنشوفه عيبة تشكر ليك زولا حي وده ما صاح اهو جانا زمن الفنانيين بقوا عايزين الكلمة الطيبة لانو مافي غيرها ولا شنو ,, والكلمة الطيبة علمونا اهلنا انها كنز من كنوز السماوات والارض الجمري لك محبتي الابدية